រដ្ឋបាលឃុំ ស៊ាងឃ្វាង - Seang Khveang C-A

09/08/2025

08/08/2025

#រដ្ឋបាលឃុំស៊ាងឃ្វាង

ថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្ដស័ក ព.ស ២៥៦៩ ត្រូវនិងថ្ងៃទី៨ ខែសីហា ឆ្នាំ២០២៥

ដោយបានការរៀបចំពីទីភ្នាក់ងារក្រសួងការងារនិងបណ្ដុះបណ្ដាលវិជ្ជាជីវៈ និងមន្ទីការងារខេត្ត បានរៀបចំផ្សព្វផ្សាយវេទិការការងារ ដល់ពលករចំណាកស្រុក និងដល់ប្រជាពលរដ្ឋនៅក្នុងមូលដ្ឋានឃុំស៊ាងឃ្វាង។
សមាសភាពចូលរួម រួមមានៈ
-លោក លោកស្រី តំណាងក្រសួងការងារ
-លោក លោកស្រីមន្ទីការងារខេត្ត
-លោក អភិបាលរងស្រុកកំចាយមារ
-លោក លោកស្រី ក្រុមប្រឹក្សាឃុំ
-លោក លោកស្រី មេភូមិទាំង១៣
-និងប្រជាពលរដ្ឋនៅក្នុងឃុំ
សរុបអ្នកចូលរួមចំនួន ២៥៩ នាក់ ស្រី ១៣២ នាក់ ។

#សូមអរគុណ!

08/08/2025

#រដ្ឋបាលឃុំស៊ាងឃ្វាង

ថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្ដស័ក ព.ស ២៥៦៩ ត្រូវនិងថ្ងៃទី៨ ខែសីហា ឆ្នាំ២០២៥

ក្រុមហ៊ុនធ្វើផ្លូវបេតុង អាមេ បាននិងកំពុងចាប់ផ្ដើម ឈូសឆាយ កិន ចាក់បំពេញដី ដើម្បីឡើងក្រាលផ្លូវបេតុង។

#គម្រោងថវិកាមូលនិធិឃុំ
#ផ្លូវពីមុខសាលាឃុំមកភូមិឧបម៉ា
#សូមអរគុណ

07/08/2025

#រដ្ឋបាលឃុំស៊ាងឃ្វាង

សូមជម្រាបជូនបងប្អូនប្រជាពលរដ្ឋ និងពលករដែលទើបវិលត្រលប់ពីប្រទេសថៃ កំពុងស្វែងរកការងារធ្វើ!

នៅថ្ងៃសុក្រ ទី៨ ខែសីហា ឆ្នាំ២០២៥ ស្អែកនេះ ក្រសួងការងារ បានសហការជាមួយមន្ទីការងារខេត្ត បាននាំយកនូវក្រុមហ៊ុន សហគ្រិស ជាច្រើន មកធ្វើការជ្រើសរើសបុគ្គលិក កម្មករ កម្មការីនីជាច្រើនរយនាក់!

អាស្រ័យហេតុនេះ សូមបងប្អូនប្រជាពលរដ្ឋទាំងអស់ដែលមានបំណងស្វែងរកការងារធ្វើ សូមអញ្ជើញមកចូលរួម និងសម្ភាសន៍ផ្ទាល់ ។

ទីកន្លែងៈ នៅសាលាឃុំស៊ាងឃ្វាង នៅថ្ងៃទី៨ ខែសីហា ឆ្នាំ២០២៥ នេះ វេលាម៉ោង ៧ : ៣០ នាទីព្រឹក

បញ្ជាក់ៈ ឯកសារភ្ជាប់មកជាមួយរួមមានៈ
-សំបុត្រកំណើត
-អត្តសញ្ញាណប័ណ្ណសញ្ជាតិខ្មែរ
-និងសៀវភៅគ្រួសារ!

សម្ភាសន៍ភ្លាម ជាប់ភ្លាម ទៅធ្វើការភ្លាម!
#សូមអរគុណ

27/03/2025

សេចក្តីជូនដំណឹង
---------------
គណៈកម្មាធិការជាតិរៀបចំការបោះឆ្នោត (គ.ជ.ប) សូមជម្រាបជូនសាធារណជនឱ្យបានជ្រាបថា សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៥ នេះ គ.ជ.ប ត្រូវការជ្រើសរើសសមាសភាពក្រុមចុះឈ្មោះបោះឆ្នោត (ក.ច.ប) ដើម្បីបម្រើការងារនៅតាមឃុំ សង្កាត់

សាធារណជនដែលមានបំណងដាក់ពាក្យ សូមអញ្ជើញមកទំនាក់ទំនងទទួល និងដាក់ពាក្យសុំចូលបម្រើការងារនៅរៀងរាល់ម៉ោងធ្វើការនៅតាមសាលាឃុំ សង្កាត់។
ពាក្យសុំចូលបម្រើការងារនឹងមានចែកជូនដោយឥតគិតថ្លៃ។ បេក្ខជនអាចទាញយកពាក្យសុំប្រឡងចូលបម្រើការងារតាមរយៈអាសយដ្ឋានវេបរបស់ គ.ជ.ប (www.nec.gov.kh) (https://drive.google.com/file/d/1fjh1VBTDPK6zaREzpO9bY7o6EPwo4cUz/view?usp=sharing ) ឬស្គែន QR-Code ដូចមាននៅក្នុងសេចក្តីជូនដំណឹងនេះ។
- ការចាប់ផ្តើមចែកពាក្យ និងទទួលពាក្យ ថ្ងៃទី១ ខែមេសា ឆ្នាំ២០២៥ (វេលាម៉ោង ៧:០០ នាទីព្រឹក)
- ការឈប់ទទួលពាក្យ ថ្ងៃទី៧ ខែមេសា ឆ្នាំ២០២៥ (វេលាម៉ោង ១៧:៣០ នាទីល្ងាច)
- ការបិទផ្សាយបញ្ជីឈ្មោះបេក្ខជនដែលត្រូវប្រឡង QCM និងធ្វើតេស្តកុំព្យូទ័រ នៅថ្ងៃទី៩ ខែមេសា ឆ្នាំ២០២៥ នៅតាមសាលាឃុំ សង្កាត់ ចំណុះរាជធានី ខេត្ត
-ការប្រឡង QCM និងធ្វើតេស្តកុំព្យូទ័រ នៅថ្ងៃទី១២ ខែមេសា ឆ្នាំ២០២៥ នៅតាមមណ្ឌល ប្រមូលផ្តុំ ក្រុង ស្រុក។

#លេខាធិការដ្ឋានរៀបចំការបោះឆ្នោតខេត្តព្រៃវែង

24/03/2025

#រដ្ឋបាលឃុំស៊ាងឃ្វាង
នារសៀលថ្ងៃចន្ទ ១១រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៤ ខែមីនា ឆ្នាំ២០២៥
លោក ឆាន សុផា មេឃុំ និងជាប្រធានក្រុមប្រឹក្សាឃុំបានដឹកនាំសមាជិក រៀបចំចែកជូននូវស្បៀងអាហារដល់

គ្រួសារក្រីក្រចំនួន 15គ្រួសារ ក្នុងនោះ
- គ្រួសារម្នាក់ៗទទួលបានអង្ករ 25kg ភួយ1 ប៊ីចេង 1kg ស្ករស 1 Kg ប្រេងឆា 1ប៊ីដុងធំ សាប៊ូ 1កញ្ចប់ធំ និងទឹកត្រីចំនួន 2ដប ។

- សំលៀកបំពាក់និងសម្ភារៈសិក្សាដល់សិស្សក្រីក្រ ចំនួន 10 នាក់ ក្នុងនោះ
ម្នាក់ៗទទួលបាន ខោអាវសិស្ស 1កំប្លេ សៀវភៅ ប៊ិក 1សម្រាប់ និងថវិកា10,000 រៀល ។

- ចែកកង់ដល់សិស្សក្រីក្រចំនួន 2 នាក់ផងដែរ ។
——————————————————————-
——————————————————————-
#ថវិកានេះបានមកពីកញ្ចប់ទឹកប្រាក់សេវាសង្គម
#ចំណាយថវិកាសរុបអស់ចំនួន 2,655,000 រៀល
#សូមអរគុណ!

08/11/2024

#រដ្ឋបាលឃុំស៊ាងឃ្វាង
នាព្រឹកថ្ងៃសុក្រ ៨កើត ខែកត្ដិក ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៨ ខែវិច្ឆិកា ឆ្នាំ២០២៤
លោក ឆាន សុផា មេឃុំ និងជាប្រធានក្រុមប្រឹក្សាឃុំបានដឹកនាំសមាជិក រៀបចំចែកជូននូវសម្ភារ:មួយចំនួនដល់គ្រួសារក្រីក្រចំនួន 10គ្រួសារ ក្នុងនោះ
- គ្រួសារម្នាក់ៗទទួលបានអង្ករ 20kg ភួយ1 ប៊ីចេង0.5kg ប្រេងឆា 1ប៊ីដុង សាប៊ូ 1កញ្ចប់ធំ និងទឹកត្រីចំនួន 2ដប ។

និងចែកឯកសណ្ឋានដល់ប្រជាកាពារចំនួន6នាក់ ។
#ថវិកានេះបានមកពីកញ្ចប់ទឹកប្រាក់សេវាសង្គម
#ចំណាយថវិការួមអស់ចំនួន 2,000,000 រៀល
#សូមអរគុណ!

14/10/2024

#រដ្ឋបាលឃុំស៊ាងឃ្វាង
………………………….
ថ្ងៃចន្ទ ១២កើត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនិង ថ្ងៃទី១៤ ខែតុលា ឆ្នាំ២០២៤

រដ្ឋបាលឃុំស៊ាងឃ្វាង សូមថ្លែងអំណរគុណ ចំពោះ លោក រឿន ដូរ៉ា និងលោកស្រី ណេន ស៊ាងហ៊ីម ដែលជាអាជីវករ លក់កង់បី(ហ្គារ៉ាសមេ) នៅរាជធានីភ្នំពេញ បានឧបត្ថម្ភផ្ទាំងសូឡា ចំនួន ៣៧ដើម ក្នុង១ដើម ១០០ ដុល្លា ដើម្បីដាក់បំភ្លឺតាមដងផ្លូវ នៅភូមិចុងបឹង ឃុំស៊ាងឃ្វាង ស្រុកកំចាយមារ ខេត្តព្រៃវែង។
………………………….
សូមគោរពជូនពរលោក លោកស្រី ព្រមទាំងបុត្រាបុត្រី ជួបតែសេចក្ដីសុខ សេចក្ដីចម្រើន និងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមអរគុណ!

22/08/2024

#រដ្ឋបាលឃុំស៊ាងឃ្វាង...............................
ថ្ងៃពុធ ២រោច ខែស្រាពណ៍ ឆ្នាំរោង ឆស័ក ព.ស ២៥៦៨
ត្រូវនិងថ្ងៃទី២១ ខែសីហា ឆ្នាំ២០២៤..............................
លោក ឆាន សុផា មេឃុំស៊ាងឃ្វាង បានរៀបចំចែកជូននូវចង្រ្កាន និង ធុងចម្រោះទឹកស្អាត ដល់គ្រួសារក្រីក្រ ចំនួន ២៧៣ គ្រួសារ ។
ជាអំណោយរបស់ លោកជំទាវ មាន សំអាន សមាជិកព្រឹទ្ធសភា និងជាអនុប្រធានសមាគមន៍នារី កម្ពុជាដើម្បីសន្តិភាព និងការអភិវឌ្ឍន៍ ។
សូមអរគុណ!

19/08/2024

មេឃុំ ក្រុមប្រឹក្សាឃុំ ស្មៀនឃុំ ជំនួយការឃុំ ប៉ុស្ដិ៍រដ្ឋបាល មណ្ឌលសុខភាព លោកគ្រូ អ្នកគ្រូ និងប្រជាការពារ ក្នុងឃុំស៊ាងឃ្វាង ស្រុកំចាយមារ ខេត្តព្រៃវែង សូមគាំទ្រយ៉ាងពេញទំហឹងនូវគម្រោងកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) របស់រាជរដ្ឋាភិបាលកម្ពុជា ។
ជយោ! សន្តិភាព និងការអភិវឌ្ឍ

26/05/2024

ថ្ងៃអាទិត្យ ៤រោច ខែពិសាខ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៦ ខែឧសភា ឆ្នាំ២០២៤..............................
#សម្រាប់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង-ស្រុក អាណត្តិទី៤ ឆ្នាំ២០២៤
#អង្គបោះឆ្នោតនៃរដ្ឋបាលឃុំស៊ាងឃ្វាង បានបំពេញកាតព្វកិច្ច រួចរាល់! សូមអរគុណ!..............................