Life Caption

Life Caption Here is describe about lesson of life and love.

លោកពូ🙏មនុស្សម្នាក់ពេលឃើញអ្នកកំពុងដើរខុស ហើយគេអាចស្ងាត់ស្ងៀមមិនអើពើចំពោះដំណើរខុសរបស់អ្នកបាន អ្នកចាំទុកទៅ គេគ្មានចិត្តដើម្...
09/09/2025

លោកពូ🙏
មនុស្សម្នាក់ពេលឃើញអ្នកកំពុងដើរខុស ហើយគេអាចស្ងាត់ស្ងៀមមិនអើពើចំពោះដំណើរខុសរបស់អ្នកបាន អ្នកចាំទុកទៅ គេគ្មានចិត្តដើម្បីអ្នកទេ គេមិនបានទុកអ្នកជាសាច់ញាតិក្នុងចិត្តគេទេ សុខទុក្ខរបស់អ្នកមិនបានស្ថិតក្នុងការព្រួយបារម្ភរបស់គេទេ ហើយគេក៏គ្មានការឈឺចាប់នៅពេលឃើញអ្នកឈឺចាប់នោះដែរ ការឈឺចាប់របស់អ្នកមិនបានស្កៀបរមាស់ដល់ចិត្តគេឡើយ៕

មនុស្សច្រើនភាគរយខ្លាំងណាស់ ស្គាល់ច្បាស់តែអារម្មណ៍ស្រឡាញ់ភេទទេ តែគេមិនស្គាល់អារម្មណ៍ស្រឡាញ់តំលៃទេ។ ពេលព្រាត់គូភេទរបស់គេៗយ...
18/03/2025

មនុស្សច្រើនភាគរយខ្លាំងណាស់ ស្គាល់ច្បាស់តែអារម្មណ៍ស្រឡាញ់ភេទទេ តែគេមិនស្គាល់អារម្មណ៍ស្រឡាញ់តំលៃទេ។ ពេលព្រាត់គូភេទរបស់គេៗយំស្រែកខ្លាំងណាស់ ព្រោះបាត់អារម្មណ៍ដែលគេបានទទួលមកបំពេញការស្រេកឃ្លានភេទយ៉ាងខ្លាំងរបស់គេ តែពេលយូរទៅគេរសាយអារម្មណ៍ភេទទៅ គេអាចរៀបការថ្មីដើម្បីបំពេញអារម្មណ៍ភេទរបស់គេបាន។ អារម្មណ៍បានអ្វីមកបំពេញអារម្មណ៍ភេទនេះ ជាអារម្មណ៍អាត្មានិយមសុទ្ធ ជាការបំពេញអារម្មណ៍តែខ្លួនឯង បើទោះជាអោយដៃគូខ្លួននូវអ្វីមួយ នោះគឺពុំមែនចិត្តអោយ ឬការលះបង់ឡើយ គឺនៅតែជាអារម្មណ៍អាត្មានិយមតែដដែល មិនមែនជាសេចក្តីស្នេហាទេ តែចិត្តស្រឡាញ់គុណសម្បតិ្ត និងគុណធម៌ដែលមនុស្សហ្នឹងមាន ស្រឡាញ់ចិត្តលះបង់ដែលដៃគូខ្លួនមាននិងបានធ្វើចំពោះខ្លួន នោះជាចិត្តគោរព ចងចាំក្តីល្អរបស់ដៃគូខ្លួនដែលមានចំពោះខ្លួន ធ្វើការលះបង់ក៏យើងសប្បាយជាអារម្មណ៍បាន នៅពេលដែលបានទទួលការលះបង់របស់ដៃគូជីវិតក៏ខ្លួនបានកក់ក្តៅ ពេលព្រាត់ដៃគូខ្លួនទៅ មិនអាចយកមនុស្សថ្មីមកជំនួសបានទេ មានអារម្មណ៍ថាខុសឆ្គងនឹងមនសិការ នេះគឺស្នេហាតំលៃឬស្នេហាមនុស្ស។ ការព្រាត់បែបនេះ ហៅថាការព្រាត់ទៅទាំងតំលៃ។ ពេលដែលភាគីម្ខាងធ្វើអោយប៉ះពាល់តម្លៃ ប៉ះពាល់អ្វីដែលយើងធ្លាប់គោរព ក្នុងចិត្តយើងអន់ចិត្តខ្លាំងណាស់ ៗៗៗតើទៅមានចិត្តឯណាចង់រួមភេទនោះ នេះគឺអារម្មណ៍ស្រឡាញ់តម្លៃ គោរពតម្លៃ នេះជាសេចក្តីស្នេហារបស់មនុស្ស មានអារម្មណ៍ភេទដែរ តែអារម្មណ៍ភេទនេះត្រូវនៅក្រោមអារម្មណ៍តម្លៃ។ អារម្មណ៍ស្រឡាញ់តម្លៃ គោរពតម្លៃគឺជាអារម្មណ៍កក់ក្តៅខុសពីអារម្មណ៍ភេទដែលជាអារម្មណ៍រោលរាល ពេលដែលបានបំពេញអារម្មណ៍រោលរាលនេះ មានអារម្មណ៍សុខស្រួលដែរ តែមិនមែនជាអារម្មណ៍កក់ក្តៅដែលជាអារម្មណ៍ស្កប់ស្កល់ពេញមួយជីវិតរបស់មនុស្សទេ។
អារម្មណ៍កក់ក្តៅ ជាអារម្មណ៍ស្កប់ស្កល់ កើតពីការពាល់ត្រូវការលះបង់ ពីមនោសញ្ចេតនារួមគ្នាយូរលង់ ដៃអោបត្រកង ចិត្តត្របាញ់រក។
ទោះនៅទីណា ដឹងថាខ្លួនមាន ទីដ៏សុខសាន្ត សម្រាប់ពួនជ្រក ចិត្តនៅតែស្កប់ ពេលដែលនឹកភ្នក ទៅដល់ជម្រកដែលខ្លួនមាននោះ។
ចំណាំ: សូមរំលឹកថាមនុស្សស្រីទាំងឡាយ បើខ្លួនត្រូវការមានជម្រកកក់ក្តៅក្នុងជីវិត ត្រូវពិនិត្យខ្លួនឯង កុំយកគ្រឿងភេទមកទាក់បុរស ព្រោះគ្រឿងភេទមិនទាក់បានចិត្តមនុស្សប្រុសដែលលះបង់ព្រោះតម្លៃទេ ហើយត្រូវសម្គាល់ថាមនុស្សប្រុសដែលចូលមករកមនុស្សស្រីក្នុងអារម្មណ៍ភេទមិនផ្តល់អោយនូវការលះបង់ដែលជាជម្រកដ៏កក់ក្តៅនៃជីវិតទេ បើដឹងយ៉ាងដូច្នេះហើយ ហេតុអ្វីមនុស្សស្រីត្រូវរៀបតុបតែងខ្លួនដើម្បីទាក់ទាញអារម្មណ៍ភេទរបស់មនុស្សប្រុស? ចិត្តទាមទារតែម្យ៉ាង ទាមទារនូវអារម្មណ៍កក់ក្តៅក្នុងជីវិតគឺជាអារម្មណ៍ទាមទារសុទ្ធសាធ មិនសក្តិសមទទួលបានអារម្មណ៍ផ្តល់អោយពីមនុស្សប្រុសទេ។ ត្រូវត្រួតពិនិត្យមើលចិត្តខ្លួនឯងថាតើខ្លួនជាមនុស្សមានចិត្តផ្តល់អោយមិនត្រឹមគូស្នេហ៍របស់ខ្លួនទេ ហើយជាមនុស្សចេះដឹងគុណនៅពេលដែលខ្លួនបានទទួលការផ្តលអោយទៀតផង ប្រយ័ត្នអោយមែនទែន មនុស្សស្រីងាយកើតអារម្មណ៍មោទនភាព អារម្មណ៍ឡើងចាង អារម្មណ៍ថាខ្លួនឯងគ្រាន់បើ នៅពេលដែលខ្លួនបានដៃគូប្រុសជាមនុស្សមានចិត្តជាអ្នកផ្តល់អោយ ក្នុងករណីនេះ អារម្មណ៍ដែលត្រឹមត្រូវ គឺត្រូវជាអារម្មណ៍ដឹងគុណ បើមានចិត្តដឹងគុណ គឺគ្មានចិត្តម្ញិកម្ញក់ដើម្បីទាញយកចិត្តទុកដាក់របស់ដៃគូជីវិតរបស់ខ្លួនទេ។
ត្រូវចំណាំថាមនុស្សដែលមានចិត្តផ្តល់អោយគឺជាប្រភេទមនុស្សដែលមានចិត្តទូលាយណាស់ គឺមិនមែនទូលាយដោយគិតត្រឹមតែគូស្នេហ៍របស់ខ្លួនទេ គឺចិត្តទូលាយចំពោះមនុស្សទូទៅ បើខ្លួនចង់ទទួលបានភាពកក់ក្តៅក្នុងជីវិត ត្រូវចាំថាគឺមនុស្សចិត្តធំ ឬចិត្តទូលាយ ចេះគិតចេះខ្វល់ពីរឿងគេក្នុងទំហំណា គឺចិត្តគេក៏ធំទូលាយក្នុងទំហំហ្នុងដែរ ហើយគេអាចផ្តល់នូវជម្រកនៃភាពកក់ក្តៅក្នុងជីវិតធំទូលាយកម្រិតនោះដែរ។ មិនអាចទាល់តែសោះ ចង់បានមនុស្សចិត្តទូលាយផ្តល់ភាពកក់ក្តៅក្នុងជីវិត តែផ្តល់អោយតែខ្លួន សួរខ្លួនឯងមើល តើខ្លួនអាងអី ខ្លួនមានគុណសម្បត្តិអីដើម្បីអោយមនុស្សប្រុសចិត្តទូលាយម្នាក់ផ្តល់ភាពកក់ក្តៅមកតែខ្លួន? គឺអាងមនុស្សប្រុសមានអារម្មណ៍ភេទលើខ្លួនឬ? មនុស្សប្រុសដែលអាចមានអារម្មណ៍ធម្មតាជាមួយមនុស្សស្រីដែលមានចិត្តបែបនេះ គឺមនុស្សប្រុសថោកទាបដូចគ្នា តើមនុស្សប្រុសថោកទាបម្នាក់អាចមានចិត្តផ្តល់អោយជាជម្រកកដល់មនុស្សស្រីដែឬទេ? ហើយបើមនុស្សប្រុសដែលមានចិត្តចង់តែផ្តល់អោយនូវភាពកក់ក្តៅដល់ដៃគូខ្លួួនតែម្នាក់បែបនេះ គឺជាមនុស្សចិត្តតូចណាស់ មិនមែនជាមនុស្សចិត្តទូលាយទេ បើមិនមែនជាមនុស្សចិត្តទូលាយផង តើអាចអោយគេផ្តល់ភាពកក់ក្តៅក្នុងជីវិតដៃគូបានដែរឬទេ? មនុស្សស្រីដែលមានចិត្តទូលាយ មិនអាចរួមរស់នៅជាមួយមនុស្សប្រុសចិត្តតូចទេ ហើយមនុស្សប្រុសចិត្តទូលាយក៏មិនអាចរួមរស់នៅជាមួយមនុស្សស្រីចិត្តតូច ចិត្តចង្អៀតបានដែរ ដូច្នេះចង់បានដៃគូជាមនុស្សផ្តល់ជម្រកកក់ក្តៅក្នុងជីវិតខ្លួន ត្រូវសម្លឹងមើលខ្លួនថាតើខ្លួនមានគុណសម្បត្តិទាក់ទាញបានចិត្តបែបនេះបានដែរឬទេ? អ្វីដែលមនុស្សធម្មតាតំរូវឬទាមទារអោយដៃគូជីវិតមានចំពោះខ្លួន សំរាប់មនុស្សមានតំលៃ វាគ្រានតែជាលក្ខខណ្ឌទេ បើភាគីម្ខាងធ្វើមិនបានឬដៃគូជីវិតខ្លួនគ្មាន គឺត្រូវតែលែងលះគ្នាហើយ មិនអាចរួមរស់នឹងគ្នាបានទេ ព្រោះមិនមែនជាចិត្តទាមទារឡើយ។ សំណេរលោកអ៊ុំ
https://www.facebook.com/share/p/151roL8hx6/

រឿងខ្លះវាពិបាកទទួលយកណាស់ នៅពេលដែលយើងមានមនោសញ្ចេតនាអស់ពីចិត្តទៅកាន់នរណាម្នាក់ ហើយគេបែរជាយកមនោសញ្ចេតនាមួយនោះមកលេងសើច។
11/02/2025

រឿងខ្លះវាពិបាកទទួលយកណាស់ នៅពេលដែលយើងមានមនោសញ្ចេតនាអស់ពីចិត្តទៅកាន់នរណាម្នាក់ ហើយគេបែរជាយកមនោសញ្ចេតនាមួយនោះមកលេងសើច។

09/05/2024

រឿងគ្មានតម្លៃគ្មានអ្វីនៅគិតបន្ត

ចិត្តដែលមានស្រឡាញ់រឿងភេទចូល ហើយខំយកចិត្តទុក្ខដាក់រហូតដល់រំខានគេហើយមិនមានចិត្តចង់ឈប់ដោយអាណិតឬដោយគោរព គឺមិនមែនចិត្តផ្តល់អោ...
09/03/2024

ចិត្តដែលមានស្រឡាញ់រឿងភេទចូល ហើយខំយកចិត្តទុក្ខដាក់រហូតដល់រំខានគេហើយមិនមានចិត្តចង់ឈប់ដោយអាណិតឬដោយគោរព គឺមិនមែនចិត្តផ្តល់អោយទេ គឺចិត្តផ្គាប់ផ្គុនទេ។មនុស្សខ្លះដឹងថាគេមិនស្រឡាញ់ខ្លួន តែនៅតែខំផ្តល់អោយ ដោយរំខានគេ ហើយអួតប្រាប់គេថាជាចិត្តចង់ផ្តល់អោយគឺព្រោះតែខ្លួនខ្វាយខ្វល់នឹងសុខទុក្ខគេ។ មិនមែនទេចិត្តផ្តល់អោយ រង្គាសណាស់ពេលដឹងថានាំការលំបាកដល់អ្នកទទួល។ ចិត្តផ្គាប់ផ្គុនគឺធ្វើដើម្បីខ្លួនឯង៕
#សំណេរលោកពូជាទីគោរព🙏

លោកអ៊ំ🙏🙏🙏មើលថែគ្នាផង ណាកូនមាសស្ងួន លើសលួសអត់ឱន ចែកសុខទុក្ខគ្នា កូនឃ្លាតចាកស្រុក កំព្រីកំព្រា ចេះមើលថែគ្នាផងណា៎កូនណា
16/12/2023

លោកអ៊ំ🙏🙏🙏
មើលថែគ្នាផង ណាកូនមាសស្ងួន លើសលួសអត់ឱន ចែកសុខទុក្ខគ្នា កូនឃ្លាតចាកស្រុក កំព្រីកំព្រា ចេះមើលថែគ្នាផងណា៎កូនណា

-ចិត្តដែលកក់ក្តៅ​ ចិត្តយល់គ្នាបាន​ វិញ្ញាណពីរប្រាណ​ រួមនៅតែមួយ​ មិនមែននិយាយ​ គ្រប់រឿងទុក្ខព្រួយ​ តែវិញ្ញាណមួយ​ យល់រឿងមិន...
25/11/2023

-ចិត្តដែលកក់ក្តៅ​ ចិត្តយល់គ្នាបាន​ វិញ្ញាណពីរប្រាណ​ រួមនៅតែមួយ​ មិនមែននិយាយ​ គ្រប់រឿងទុក្ខព្រួយ​ តែវិញ្ញាណមួយ​ យល់រឿងមិនស្តី។
-ចិត្តដែលត្រូវការ​ ពិបាកហាណាស់​ តែម្ខាងទៀតប៉ះ​ រឿងមិននិយាយ​ មើលមុខយល់ចិត្ត​ យល់ដួងហឫទ័យ​ ដែលមិនហាស្តី​ កប់នៅក្នុងចិត្ត។
R-ដឹងថាពិបាក​ នឹងរកបានណាស់​ តែចិត្ត​អន្ទះ​ នៅតែគេងគិត​ ស្រមៃចង់បាន​ អោយក្លាយជាពិត​ បំពេរដួងចិត្ត​ រងារល្វឹងល្វើយ។
-លួងលោមខ្លួនឯង​ កុំអស់សង្ឃឹម​ អោយខំញញឹម​ ចាំដល់ថ្ងៃស្បើយ​ ល្វឹងល្វើយខ្លាំងណាស់​ ចិត្តរង់ចាំអើយ​ ចាំចិត្តនោះហើយ​ ចិត្តអើយពេលណា?

រក្សាតម្លៃខ្លួនឯង មនុស្សដែលដើរកាត់ជីវិតរបស់យើងនឹងត្រូវបានស្រូបទាញដោយអ្វីដែលជាតម្លៃយើង ។ បើភាពជាយើងមិនអាចស្រូបទាញគេបានទេ ...
22/11/2023

រក្សាតម្លៃខ្លួនឯង មនុស្សដែលដើរកាត់ជីវិតរបស់យើងនឹងត្រូវបានស្រូបទាញដោយអ្វីដែលជាតម្លៃយើង ។ បើភាពជាយើងមិនអាចស្រូបទាញគេបានទេ កុំបន្ថែមអ្វីទៀតឡើយ ។ ក្នុងទំនាក់ទំនងមនុស្ស ការបានដោយសកម្មភាព៤យ៉ាង៖
១. ការបានដោយសារការផ្គាប់ផ្គុនយកចិត្តយកថ្លើមគេ ឬ ដោយការរាយអន្ទាក់
២. ការបានដោយការដាក់សម្ពាធទៅលើគេ
៣. ការបានដោយការអង្វរករ
៤. ការបានដោយការបោកបញ្ឆោត
មនុស្សដែលមានសេចក្តីថ្លៃថ្នូរភ្លឺស្វាង និងដឹងច្បាស់ពីតម្លៃខ្លួនរបស់គេផ្ទាល់ តែងតែមានអារម្មណ៌ថាជាការបានដែលគ្មានតម្លៃ ៕
លោកអ៊ុំ🙏

ពូមើលឃើញថា ពួកយើងមានមនោសញ្ចេតនាច្រើន តែពួកយើងភាគច្រើនចិត្តចង្អៀតណាស់ ប៉ះទង្គិចក្នុងចំណោមគ្នាឯងតែបន្តិចបិទបេះដូងភ្លាម អោយ...
14/10/2023

ពូមើលឃើញថា ពួកយើងមានមនោសញ្ចេតនាច្រើន តែពួកយើងភាគច្រើនចិត្តចង្អៀតណាស់ ប៉ះទង្គិចក្នុងចំណោមគ្នាឯងតែបន្តិចបិទបេះដូងភ្លាម អោយតែឃ្នើសចិត្តនឹងអ្នកណាក្នុងក្រុមបន្តិចរុញអ្នកនោះចេញពីបេះដូងភ្លាម។ ម្តេចមិនចាំពាក្យពូ សេចក្តីអធ្យាស្រ័យជាសំរស់របស់មនុស្ស។ ចិត្តចង្អៀតបែបនេះមិនមែនជាចិត្តអ្នកដឹកនាំទេ បេះដូងមិនទូលាយតើបេះដូងបែបនេះច្រកមនុស្សបានប៉ុន្មាននាក់ទៅ?អោយមនុស្សល្អខុសលើយើងចុះ កុំអោយតែយើងខុសលើគេ។ ត្រូវតែចិត្តទូលាយឬអធ្យាស្រ័យខ្ពស់ចំពោះមនុស្សល្អ។ ពួកយល់ldp ហើយមិនមែនជាមនុស្សអាក្រក់ទេ។ ម្តេចក៏ពួកគេមិនអាចសើចនៅពេលមនុស្សល្អមានកំហុសមកលើយើងអញ្ចឹងហ្ន។ ប៉ុន្តែអ្នកដែលត្រូវបានគេអនុគ្រោះ ក៏ត្រូវរហ័សខ្លួនសំគាល់អោយបានរហ័សបំផុតថា នេះគឺជាភាសាអនុគ្រោះរបស់ភាគីម្ខាងទៀតចំពោះអ្នកហើយ នេះគឺកាយវិការឬសកម្មភាពអនុគ្រោះរបស់ភាគីម្ខាងទៀតចំពោះខ្លួនអ្នកហើយ ត្រូវប្រញាប់ទន់ភ្លន់ចំពោះទឹកចិត្តនោះភ្លាម។ ត្រូវតែស្វាគមន៍ចំពោះអំពើល្អ។ បើអ្នកនៅតែរឹងត្អឹង ដោយឃើញគេមិនចាប់កំហុស ឬគេមិនប្រកាន់ទោស ស្រាប់តែឡើងជោរដោយខ្លួននោះមនុស្សក្មេងជាង ជាស្រីស្អាត ជាមនុស្សធ្លាប់តែបានគេសរសើរញឹកញាប់ ឬ ក៏ដោយអំណួតថាអញធ្លាប់តែលើឯង អញធ្វើការច្រើនជាងឯង អញជាមនុស្សចាស់ជាងឯង ។ល។ នោះរឿងនៅតែមិនចប់ដដែល ទោះអ្នកអនុគ្រោះ មានចិត្តទូលាយប៉ុណ្ណាក៏គេមិនអាចអត់អោនអោយមនុស្សធុននេះបានដែរ ព្រោះវាគឺជាការអនុគ្រោះចំពោះអំពើរអាក្រក់ដែល ជាសកម្មភាពមិនត្រឹមត្រូវទាល់តែសោះ។ ត្រូវតឹងតែងចំពោះអំពើអាក្រក់។ អ្វីដែលអ្នកបានធ្វើអំបាញ់មិញឬអ្នកចូលចិត្តធ្វើ ព្រោះជាចរិតរបស់អ្នក នោះគឺជាអំពើអាក្រកក់ដែលមនុស្សមិនគួអនុគ្រោះដល់ហ្នុងហើយ។ ទំលាប់អាក្រក់ជាអំពើអាក្រក់ដែលមិនគួរអត់អោនទាល់តែសោះ។ ត្រូវចាំថាទោះជាមនុស្សមានចិត្តទូលាយប៉ុណ្ណា ក៏ត្រូវតែមានដែនកំណត់ដែរ គឺកំណត់មកដល់ត្រង់ថា បើសំគាល់ថានោះជាទំលាប់អាក្រក់របស់មនុស្សហើយ នោះគឺជាអំពើអាក្រក់ដែលមិនគួរអត់អោនហើយ។ មនុស្សត្រូវរស់នៅក្នុងភាពតឹងតែងពីរ និងអធ្យាស្រ័យមួយ។ តឹងតែងចំពោះខ្លួនឯង តឹងតែងចំពោះអំពើអាក្រក់ និងអធ្យាស្រ័យចំពោះមនុស្សល្អ៕

លោកអ៊ុំ🙏🙏🙏

របស់ដែលមានតម្លៃជាងគេលើលោកគឺទឹកចិត្តណាកូន🙏អ្វីដែលថោកបំផុតនោះគឺការប្រមាថទឹកចិត្តនោះហើយ។លោកអ៊ុំ🙏🙏🙏
30/09/2023

របស់ដែលមានតម្លៃជាងគេលើលោកគឺទឹកចិត្តណាកូន🙏
អ្វីដែលថោកបំផុតនោះគឺការប្រមាថទឹកចិត្តនោះហើយ។
លោកអ៊ុំ🙏🙏🙏

#សំណេរលោកអ៊ុំ មនុស្សទោះយើងបានមើលឃើញគេខុសយ៉ាងណាក៏ដោយ រឿងពីរដែលយើងត្រូវធ្វើជានិច្ចកាលគឺ: ទីមួយ ទុកឱកាសឱ្យគេបានបកស្រាយដើ...
20/09/2023

#សំណេរលោកអ៊ុំ
មនុស្សទោះយើងបានមើលឃើញគេខុស
យ៉ាងណាក៏ដោយ រឿងពីរដែលយើងត្រូវធ្វើជានិច្ចកាល
គឺ: ទីមួយ ទុកឱកាសឱ្យគេបានបកស្រាយ
ដើម្បីឱ្យយើងបានច្បាស់ថាតើកំហុសនោះជាប្រភេទ
កំហុសអ្វី? អចេតនា? សុច្ចរិត? ឬទុច្ចរិត ស្រួលយើង
ដាក់ទោសតាមទំងន់នៃទោសរបស់គេ។ ទីពីរ: ខុស
យ៉ាងណាក៏ដោយទំងន់កំហុសធំប៉ុណ្ណាក៏ដោយ បើមនុស្សដឹង
ខុសព្រមសារភាពដោយស្មោះត្រង់ ពួកគេត្រូវតែទទួល
ឱកាសមានផ្លូវវិលមករកសភាពដើមវិញ។
អ្នកទាំងឡាយណាមិនបានប្រើលក្ខណៈ ទាំងពីរខាងលើ
សុទ្ធតែជាមនុស្សជ្រុលនិយម និងចិត្តចង្អៀតទាំងអស់៕

មនុស្សស្រីទោះឯករាជ្យរួចផុតសម្ពាធ ទោះពោលពាក្យថាខ្លួនរឹងមាំ ទោះមើលពីចម្ងាយទៅហាក់ដូចរឹងមាំ តែធាតុពិតនៃមនុស្សស្រីរឹងមាំមិនអា...
13/09/2023

មនុស្សស្រីទោះឯករាជ្យរួចផុតសម្ពាធ ទោះពោលពាក្យថាខ្លួនរឹងមាំ ទោះមើលពីចម្ងាយទៅហាក់ដូចរឹងមាំ តែធាតុពិតនៃមនុស្សស្រីរឹងមាំមិនអាចរឹងមាំសព្វគ្រប់យ៉ាងតែម្នាក់ឯងបានទេ។ រឹងមាំច្រើនតែលាក់បាំង ដើម្បីបង្ហាញថាខ្លួនរឹងមាំ រឿងឈឺចាប់ជាច្រើនត្រូវបានលាក់បាំង ខំទប់មិនបញ្ចេញអោយគេដឹង នេះជារបៀបរឹងមាំរបស់មនុស្សស្រីប្រភេទនេះ។ ជួនពេលខ្លះស្វែងរកគ្រឿងបន្លប់ចិត្ត មើលទៅហាក់រួចផុតទុក្ខកង្វល់ តែនៅទីស្ងាត់ម្នាក់ឯងមិនងាយចៀសរួចពីអារម្មណ៍អន្ទះអន្ទែងទេ អារម្មណ៍នៅតែដង្ហោយទាមទាររកមនុស្សយល់ចិត្ត នោះហើយជាភាពទន់ជ្រាយពិតប្រាកដរបស់មនុស្សស្រី។ មនុស្សស្រីអីចឹងអាចរឹងមាំពេញលេញសព្វជ្រុងជ្រោយទៅបានដោយមានបុរសជាទីស្រឡាញ់ម្នាក់ដែលមានបេះដូងទូលាយ នៅក្បែរជាបង្អែកផ្លូវចិត្ត ជាបុរសដែរយល់ពីនាងដល់ជម្រៅចិត្ដ។ រស់ខ្វះមនុស្សយល់ពីជម្រៅចិត្ត ពិភពលោកជាទីកន្លែងដែលឯកោណាស់សម្រាប់មនុស្សសំបូរមនោសញ្ចេតនា ទោះទៅដល់ទីណា ទោះមានគ្រប់អ្វីៗ ទោះមានគ្រឿងបន្លប់ចិត្តរាល់ថ្ងៃក៏នៅតែឯកោ រស់ខ្វះអ្នកយល់ចិត្ត
#លោកអ៊ុំ🙏

Address

Prey Vêng

Telephone

+85510123456

Website

Alerts

Be the first to know and let us send you an email when Life Caption posts news and promotions. Your email address will not be used for any other purpose, and you can unsubscribe at any time.

Shortcuts

Share

Category