មន្ទីរសុខាភិបាលខេត្តពោធិ៍សាត់ Pursat Provincial Health Department

02/08/2025

01/08/2025

01/សីហា ឃុំប្រម៉ោយ ស្រុកវាលវែង
លោកវេជ្ជ. តឹក សុភាព ប្រធានមន្ទីរសុខាភិបាលនៃរដ្ឋបាលខេត្តពោធិ៍សាត់ បានដឹកនាំក្រុមគ្រូពេទ្យ ចូលរួមក្នុងឱកាស ការផ្ដល់សេវាពិនិត្យ ព្យាបាល ជូនបងប្អូនប្រជាពលរដ្ឋក្នុងស្រុកវាលវែង ខេត្តពោធិ៍សាត់ ដោយមិនគិតថ្លៃ របស់ក្រុមគ្រូពេទ្យស្ម័គ្រចិត្តមកពីរាជធានីភ្នំពេញ ហើយក៏ជាអ្នកមានស្រុកកំណើតនៅក្នុងខេត្តពោធិ៍សាត់ ដោយដឹកនាំដ៏ខ្ពង់ខ្ពស់ដោយ ឯកឧត្តម ខូយ រីដា អភិបាលខេត្តពោធិ៍សាត់ និងលោកស្រី តាំង សុគន្ធមាលា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គាធិការ នៃអគ្គាធិការដ្ឋានក្រសួងពាណិជ្ជកម្ម នាថ្ងៃទី០១ ខែសីហា ឆ្នាំ២០២៥ បានដឹកនាំក្រុមគ្រូពេទ្យស្ម័គ្រចិត្ត មកពីរាជធានីភ្នំពេញ និងជាអ្នកមានស្រុកកំណើត នៅខេត្តពោធិ៍សាត់ ជិត២០០នាក់ ចុះផ្ដល់សេវាពិនិត្យ និងព្យាបាលជំងឺ ដោយឥតគិតថ្លៃ ជូនបងប្អូនពុកម៉ែប្រជាពលរដ្ឋ ក្នុងស្រុកវាលវែង ខេត្តពោធិ៍សាត់ សរុបប្រមាណជាង៨០០នាក់។

ពិធីនេះត្រូវបានធ្វើឡើង នៅបរិវេណសាលាបឋម ហ៊ុន សែន ប្រម៉ោយ ស្រុកវាលវែង ក្រោមគំនិតផ្តួចផ្តើម របស់លោកស្រីវេជ្ជបណ្ឌិត. តាន់ ឥន្ទដ្រាវីណា - dr. vina ព្រមទាំងបាននាំយកអំណោយ ជាគ្រឿងឧបភោគបរិភោគ ផ្ដល់ជូនពុកម៉ែប្រជាពលរដ្ឋ តាមរយៈមូលនិធិកៀរគររបស់លោកស្រីផងដែរ។

ឯកឧត្តម ខូយ រីដា បានកោតសរសើរ និងសូមថ្លែងអំណរគុណជូនចំពោះក្មួយស្រី តាំង សុគន្ធមាលា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គាធិការ នៃអគ្គាធិការដ្ឋានក្រសួងពាណិជ្ជកម្ម និងចៅស្រី វេជ្ជបណ្ឌិត. តាន់ ឥន្ទដ្រាវីណា - dr. vina ដែលបានចុះពិនិត្យព្យាបាលជំងឺ ជូនដល់ប្រជាពលរដ្ឋស្រុកវាលវែង ដែលជាស្រុកស៊ីស គាំទ្រគោលនយោបាយរបស់រាជរដ្ឋាភិបាល នាឱកាសនេះ។

ជាមួយគ្នានោះ ឯកឧត្តមក៏បានថ្លែងអំណរគុណ ចំពោះក្មួយៗ ក្រុមគ្រូពេទ្យស្ម័គ្រចិត្ត មកពីរាជធានីភ្នំពេញ និងជាអ្នកមានស្រុកកំណើត នៅខេត្តពោធិ៍សាត់ ដែលបានចំណាយពេលវេលាដ៏មានតម្លៃ និងជាទង្វើដ៏ល្អប្រពៃ ចាត់ទុកថា ជាអ្នកគិតគូរសុខទុក្ខ របស់ប្រជាពលរដ្ឋពិតប្រាកដមែន។

01/08/2025

01/សីហា នៅ វត្តគិរីបុទុមពរ ស្រុកវាលវែង
លោកវេជ្ជបណ្ឌិត តឹក សុភាព ប្រធានមន្ទីរសុខាភិបាល និងលោកអនុបណ្ឌិត សោម កែវវណ្ណសក្ដិ អនុប្រធានមន្ទីរ រួមជាមួយក្រុមគ្រូពេទ្យ នៃ អង្គការ​ផ្លូវទឹកហូរនៅសមុទ្រខ្សាច់​ (SITD) បានចុះពិនិត្យជំងឺ និងព្យាបាលជំងឹមិនឆ្លងជូនបងប្អូនប្រជាពលរដ្ឋ កំពុងស្នាក់នៅក្នុងទីទួលសុវត្ថិភាព នៃវត្តគិរីបុទុមពរ ស្រុកវាលវែង និងបានចែកអំណោយមួយចំនួនផងដែរ។

01/08/2025

🙏🙏🙏🙏🙏

01/08/2025

ដោយសេចក្តីគោរពដ៍ជ្រាលជ្រៅបំផុតសម្តេច
សូមគោរពជូនពរសម្តេច សូមប្រកបដោយសុខភាពល្អ កម្លាំងពលំខ្លាំងក្លា និងអាយុយឺនយូរ
ដោយសេចក្តីគោរពដ៍ជ្រាលជ្រៅបំផុត 🙏🙏🙏

31/07/2025

30/07/2025

«ឯកឧត្តមសាស្រ្តាចារ្យរដ្ឋមន្រ្តី បន្តដំណើរចុះពិនិត្យការបម្រើសេវាសុខាភិបាល នៅមន្ទីរពេទ្យបង្អែកខេត្តពោធិ៍សាត់ ដែលជាខេត្តចុងក្រោយ នៃដំណើរបេសកកម្មតាមបណ្តាខេត្តជាប់ព្រំដែន»

នាល្ងាចថ្ងៃពុធ ទី៣០ ខែកក្កដា ឆ្នាំ២០២៥ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីសុខាភិបាល រួមជាមួយថ្នាក់ដឹកនាំក្រសួងសុខាភិបាល បន្តដំណើរឆ្ពោះទៅកាន់ខេត្តពោធិ៍សាត់ ដើម្បីពិនិត្យសកម្មភាពការបម្រើសេវាសុខាភិបាល សួរសុខបងប្អូនប្រជាពលរដ្ឋ ដែលកំពុងសម្រាកព្យាបាល និងសួរសុខទុក្ខមន្រ្តីសុខាភិបាល នៅមន្ទីរពេទ្យបង្អែកខេត្តពោធិ៍សាត់។

ក្នុងដំណើរចុះពិនិត្យនេះដែរ ឯកឧត្តមសាស្រ្តាចារ្យ បានលើកជាអនុសាសន៍សំខាន់ៗ ជូនមន្រ្តីសុខាភិបាល ដោយត្រូវផ្តោតជាពិសេសលើផ្នែកសង្រ្គោះបន្ទាន់ (Emergency Care) ផ្នែកសង្រ្គោះកម្រិតធ្ងន់ (ICU) និងជំនាញវះកាត់ទូទៅ ក៏រួមមានផ្នែកសម្ពព និងរោគស្រ្តីផងដែរ ដើម្បីបន្តធានាបាននូវនិរន្តរភាពនៃគុណភាព ប្រសិទ្ធិភាព និងភាពជឿទុកចិត្តកាន់តែប្រសើរ។ មន្ទីរពេទ្យត្រូវបង្កើនការបណ្តុះបណ្តាលបន្តនៅមន្ទីរពេទ្យជាតិ សហការគ្នាឱ្យបានជិតស្និតជាមួយអ្នកជំនាញ ក្នុងករណីដែលមានតម្រូវការបន្ទាន់ ដោយអាចធ្វើការប្រជុំបច្ចេកទេស ឬដោះស្រាយបញ្ហាស្មាគស្មាញពីចំងាយបានជាមួយអ្នកជំនាញ (Telemedicine) ដើម្បីផ្តល់ការណែនាំ និងស្វែងរកដំណោះស្រាយបានទាន់ពេលវេលា (RCP)។

ឯកឧត្តមសាស្រ្តាចារ្យរដ្ឋមន្រ្តី បានសំដែងការកោតសរសើរដល់មន្រ្តីសុខាភិបាលទាំងអស់ ដែលបានខិតខំបំពេញភារកិច្ច កាតព្វកិច្ចរបស់ខ្លួនបានយ៉ាងល្អប្រសើរ និងបន្តរក្សាសកម្មភាពល្អបែបនេះទៅមុខបន្តទៀត។ ឯកឧត្តមសាស្ត្រាចារ្យ សូមជូនពរបុគ្គលិកសុខាភិបាលទាំងអស់ នៅទូទាំងប្រទេស សូមមានសេចក្តីសុខ សេចក្តីចម្រើន សុខភាពល្អ ដើម្បីបន្តចូលរួមលើកកម្ពស់សុខុមាលភាពប្រជាពលរដ្ឋ អ្នកជំងឺ និងក្រុមគ្រួសារ ថែមទាំងត្រៀមលក្ខណៈគ្រប់ពេលវេលា ក្នុ្ងងការឆ្លើយតបបន្ទាន់ នូវគ្រោះអាសន្នណាមួយកើតឡើងជាយថាហេតុ។ ឯកឧត្តមសាស្រ្តាចារ្យ បានប្រគល់ជូនអំណោយមួយចំនួន ដល់មន្រ្តីសុខាភិបាលខេត្តពោធិ៍សាត់ ដែលខិតខំក្នុងបំពេញការងារ មុះមត់ ជាមួយស្មារតីទទួលខុសត្រូវ។

សូមគូសបញ្ជាក់ថា ក្នុងដំណើរបេសកកម្មរបស់ ឯកឧត្តមសាស្រ្តាចារ្យរដ្ឋមន្រ្តី និងប្រតិភូក្រសួងសុខាភិបាល បានចុះពិនិត្យការបម្រើសេវាសុខាភិបាល ចំនួន ៦ខេត្តជាប់ព្រំដែន រយៈពេល ៣ថ្ងៃ ចាប់ពីថ្ងៃទី២៨ ដល់ថ្ងៃទី៣០ ខែកក្កដា ឆ្នាំ២០២៥ រួមមាន ខេត្តព្រះវិហារ សៀមរាប ឧត្តរមានជ័យ បន្ទាយមានជ័យ បាត់ដំបង និងខេត្តពោធិ៍សាត់។

ខេត្តពោធិ៍សាត់៖ ល្ងាចថ្ងៃពុធ ទី៣០ ខែកក្កដា ឆ្នាំ២០២៥

29/07/2025

29/កក្កដា ទីទួលសុវត្ថិភាព ស្រុកវាលវែង, សកម្មភាព ក្រុមគ្រូពេទ្យ របស់មន្ទីរសុខាភិបាលខេត្ត ពិនិត្យ និងពិគ្រោះជំងឺ ជូនបងប្អូនប្រជាពលរដ្ឋ ដែលបានភៀសសឹកពីឃុំថ្មដា ស្រុកវាលវែង យ៉ាងយកចិត្តទុក្ខដាក់បំផុត។