https://www.facebook.com/257071275073205/

DBN Tvonline, Pursat (2026)

27/03/2021

លោក ប៊ុន ផេង អភិបាល នៃគណ:អភិបាលស្រុកខ្សាច់កណ្ដាល បន្តពង្រឹង និងយកចិត្តទុកដាក់ចំពោះលោកគ្រូ អ្នកគ្រូពេទ្យ និងកងកម្លាំងប្រដាប់អាវុធប្រចាំការមណ្ឌលចត្តាឡីស័ក

ខេត្តកណ្តាល ៖ ថ្ងៃសៅរ៍ ១៤កេីត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែមីនា ឆ្នាំ២០២១ រដ្ឋបាលស្រុកខ្សាច់កណ្តាល ដឹកនាំដោយលោក ប៊ុន ផេង អភិបាល នៃគណៈអភិបាលស្រុកខ្សាច់កណ្តាល អមដំណើរដោយលោក លោកស្រីអភិបាលរងស្រុក និងមន្ត្រីក្រោមឱវាទ បានចុះសួរសុខទុក្ខ និងនាំយកអំណោយចែកជូនដល់កងកម្លាំង,លោកគ្រូ-អ្នកគ្រូពេទ្យដែលប្រចាំការនៅមណ្ឌលធ្វេីចត្តាឡីស័ក «វិទ្យាល័យ ហ៊ុន សែន រ៉ូតា ខ្សាច់កណ្តាល » និងមណ្ឌលចត្តាឡីស័ក «តេជោសែនវិហារសួគ៌ ៕

16/03/2021

រដ្ឋបាលស្រុកក្រគរសូមគោរពនិងជម្រាបជូនដំណឹងដល់បងប្អូនប្រជាពលរដ្ឋអោយបានជ្រាបថាខេត្តពោធិ៍សាត់បានធ្វើការប្រកាសផ្អាកការរៀបចំពិធីមង្គលការ បុណ្យទាននានា និងការជួបជុំទាំងអស់ជាបណ្ដោះអាសន្ន ដើម្បីចូលរួមទប់ស្កាត់កូវីដ១៩ សូមឲ្យប្រជាពលរដ្ឋក្នុងខេត្តពោធិ៍សាត់ចូលរួមសហការទាំងអស់គ្នា ។

15/03/2021

លោក ចាន់ តារា អភិបាលរងស្រុកខ្សាច់កណ្ដាល ទទួលអំណោយដ៍ថ្លៃថ្លា ពីឯកឧត្ដម គង់ សោភ័ណ្ឌ អភិបាលខេត្តកណ្ដាល
ខេត្តកណ្ដាល ៖ ថ្ងៃអាទិត្យ ១កើត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៤ ខែមីនា ឆ្នាំ២០២១
លោក ចាន់ តារា អភិបាលរងស្រុក ព្រមទាំងរដ្ឋបាលស្រុកខ្សាច់កណ្តាល សូមថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល ដែលបានឧបត្ថម្ភសម្ភារៈមួយចំនួនមាន ម៉ាសចំនួន៧កេស ,ទឹកសម្លាប់មេរោគចំនួន៤កេស មី១០០កេស ជែលលាងដៃចំនួន២កេស មាន់៣៥ក្បាល ទឹកសុទ្ធដបតូច១០០កេស ទឹកសុទ្ធដបធំ១០កេស និងអាកុល៥កាដុង ដើម្បីប្រយុទ្ធប្រឆាំង ទប់ស្កាត់ ការពារ ការរីរាលដាលជម្ងឺកូវីដ-១៩ ។
អំណោយដ៏ថ្លៃថ្លានេះ ជាការរួមចំណែកដ៏ធំធេង ប្រកបដោយភាពជាអ្នកដឹកនាំ និងមនុស្សធម៌យ៉ាងជ្រាលជ្រៅបំផុត សម្រាប់រដ្ឋបាលស្រុកខ្សាច់កណ្ដាល ។

ជួសមុខក្រុមប្រឹក្សាស្រុក គណៈអភិបាលស្រុក មន្ត្រីរាជការរដ្ឋបាលស្រុក កម្លាំងប្រដាប់អាវុធ ព្រះសង្ឃ និងប្រជាពលរដ្ឋទូទាំងស្រុកខ្សាច់កណ្ដាល សូមគោរពថ្លែងអំណរគុណ ដល់ឯកឧត្តមអភិបាល នៃគណៈអភិបាលខេត្តកណ្ដាល និងលោកជំទាវ ព្រមទាំងក្រុមគ្រួសារ សូមសមប្រកបដោយសុខភាពល្អបូរិបូណ៌ ពលានុភាពខ្លាំងក្លា ប្រាជ្ញាវៀងវៃ និងជួប ពុទ្ធពរ៤ប្រការ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕

01/03/2021

មុននេះបន្តិច មានករណីឧក្រិដ្ឋជន០៤នាក់ បានចូលប្លន់ក្នុងផ្ទះមួយកន្លែងនៅបុរីអង្គរភ្នំពេញ ដោយរៀបផែនការជម្រិតយកប្រាក់១លានដុល្លារជាមុនទើបប្លន់សម្លាប់ម្ចាស់ផ្ទះទាំងប្តីប្រពន្ធនិងកូនឈ្នួល០២នាក់ ជាក្រោយ តែត្រូវសមត្ថកិច្ចអាវុធហត្ថរាជធានីភ្នំពេញដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង ផ្ទាល់ បើកប្រតិបត្តិការចុះបង្ក្រាបក្រុមឧក្រិដ្ឋជនទាំងនោះ ដែលក្នុងករណីប្លន់នេះ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែងAK ០១ដើម និងកាំភ្លើងខ្លី០២ដើម បាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង។

23/02/2021

លោក ឌី រ័ត្នខែមរុណ អភិបាលរងខណ្ឌមានជ័យ ដឹកនាំកម្លាំងចុះប្រមូលសំរាម និង លាងសំអាតផ្លូវ ត្រង់ចំណុចក្រោមស្ពាន អាកាសស្ទឹងមានជ័យ

រាជធានីភ្នំពេញ ខណ្ឌមានជ័យ នៅព្រឹកថ្ងៃអង្គារ ១២កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី២៣ ខែកុម្ភៈ ឆ្នាំ២០២១នេះ លោក ឌី រ័ត្នខេមរុណ អភិបាលរង ខណ្ឌមានជ័យ បានដឹកនាំកម្លាំងចម្រុះ ចុះប្រមូលសម្រាម រើសសម្រាម និងបាញ់ទឹកសំអាតផ្លូវនៅចំណុចស្ពានអាកាសស្ទឹងមានជ័យ ស្ថិតនៅសង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២ខណ្ឌមានជ័យ រាជធានីភ្នំពេញ ដើម្បីសណ្តាប់ធ្នាប់ល្អ បរិស្ថានល្អ និងអនាម័យល្អ ។
ក្នុងការចុះរៀបចំសណ្តាប់ធ្នាប់ ប្រមូលសម្រាម រើសសម្រាម និងលាងសំអាតផ្លូវត្រង់ចំណុច ស្ពានអាកាសស្ទឹងមានជ័យ នេះដែរ លោកអភិបាលរងខណ្ឌ បានណែនាំអោយមន្ត្រីភ្នាក់ងារអនាម័យសង្កាត់ទាំង៧ ក្រុមការងារពាក់ព័ន្ធ និងកងកម្លាំង ក្នុងជួរគណៈបញ្ជាការឯកភាពខណ្ឌ-សង្កាត់ ទាំងអស់ ត្រូវយកចិត្តទុកដាក់ និង ពង្រឹងបន្ថែមទៀតលើការងារ សន្តិសុខ សណ្តាប់ធ្នាប់ បរិស្ថាន អនាម័យ ជាប់ជាប្រចាំ ដើម្បីទីក្រុងស្អាត បរិស្ថានអនាម័យល្អក្នុងមូលដ្ឋានខណ្ឌមានជ័យ ។

ទន្ទឹមនឹងនេះ លោក ឌី រ័ត្នខែមរុណ អភិបាលរង ខណ្ឌមានជ័យ បន្តទៀតថាត្រូវផ្សព្វផ្សាយអប់រំ ដល់បងប្អូនប្រជាពលរដ្ឋចូលរួមសហការ ទុកដាក់ និង វេចខ្ចប់សំរាមឱ្យបានត្រឹមត្រូវ និង តាមពេលវេលាដែលបានកំណត់ ដេីម្បីងាយស្រួលដល់ក្រុមការងារប្រមូលសំរាម អោយទាន់ពេលវេលា ។

ជាមួយគ្នានេះដែរ លោកអភិបាលរងខណ្ឌ ក៍បានក្រើនរំលឹកអោយក្រុមការងារគ្រប់ការិយាល័យពាក់ព័ន្ធ រួមទាំងរដ្ឋបាលសង្កាត់ទាំង៧ នៃរដ្ឋបាលខណ្ឌមានជ័យ ត្រូវចូលផ្សព្វផ្សាយអប់រំ ដល់បងប្អូនប្រជាពលរដ្ឋអោយបានទូលំទូលាយ អំពីវិធានការបង្ការ ទប់ស្កាត់ ប្រយុទ្ធប្រឆាំងជំងឺ កូវីដ-១៩ ដែលកំពុងតែគំរាមកំហែងសុខភាព និងជីវភាពរស់នៅរបស់ប្រជាពលរដ្ឋជាសកល ។

ជាពិសេសត្រូវផ្សព្វផ្សាយអោយបងប្អូនប្រជាពលរដ្ឋត្រូវអនុវត្តជាប់ជាប្រចាំតាមការណែនាំរបស់ក្រសួងសុខាភិបាល និងតាមការអំពាវនាវ របស់រាជរដ្ឋាភិបាល គឺ ៣ ការពារ ៣ កុំ ។

សូមបញ្ជាក់ផងដែរថា ក្នុងការប្រមូលសំរាម រើសសំរាម និងលាងផ្លូវត្រង់ចំណុចស្ពានអាកាសស្ទឹងមានជ័យ នេះដែរ មាកកំលាំង សរុប ៦០នាក់ ចូលរួម រថយន្ដបាញ់ទឹក របស់រដ្ឋបាលខណ្ឌមានជ័យ ចំនួន ២គ្រឿង រថយន្តប្រមូលសំរាម ក្រុមហ៊ុន ស៊ិនទ្រី ចំនួន ១គ្រឿង រួមជាមួយរឺម៉ក់ប្រមូលសំរាមរបស់សង្កាត់ចំនួន ២គ្រឿង ។

ជាចុងក្រោយ លោកអភិបាលរងខណ្ឌ បានដាក់ផែនការអោយអាជ្ញាធរសង្កាត់ រួមសហការជាមួយកម្លាំងសណ្តាប់ធ្នាប់ខណ្ឌ និង មន្ត្រីសាលាខណ្ឌ ត្រូវអនុវត្តជាប្រចាំទៅលើការងារសន្តិសុខ សណ្តាប់ធ្នាប់សាធារណៈ និងបរិស្ថានអនាម័យ អោយដូចភ្លៀងរលឹម ។ ទីក្រុងស្អាត សណ្តាប់ធ្នាប់ល្អ បរិស្ថានអនាម័យល្អ គឺផ្តើមចេញពីយើងទាំងអស់គ្នា ៕

23/02/2021

លោកអធិការនគរបាលស្រុក/ក្រុងទាំង១១ របស់ខេត្តកណ្តាល៕

06/02/2021

ក្រុមការងារ កងរាជអាវុធហត្ថរាជធានីភ្នំពេញ នាំយកអំណោយសួរសុខទុក្ខ លោកវរសេនីយ៍ទោ សឿ ចន្ថា ដែលបានជួបគ្រោះថ្នាក់ចរាចរណ៍ កំពុងសម្រាកព្យាបាលនៅមន្ទីរពេទ្យព្រះកេតុមាលា ហៅ ពេទ្យ១៧៩

ភ្នំពេញ:នារសៀលថ្ងៃទី០៦ ខែកុម្ភៈ ឆ្នាំ២០២១ លោកឧត្តមសេនីយ៍ត្រី ពូ ដាវី និង ឧត្តមសេនីយ៍ត្រី ផាន់ តារាវុធ មេបញ្ជាការរង កងរាជអាវុធហត្ថរាជធានីភ្នំពេញ បានដឹកនាំក្រុមការងារនាំយកអំណោយរបស់ លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ រួមជាមួយអំណោយចូលរួមរបស់សមាជិកការិយាល័យប្រឆាំងបទល្មើសព្រហ្មទណ្ឌ សរុប ៤,០០០,០០០៛ (បួនលានរៀល) ទឹកសុទ្ធ ភេសជ្ជៈ៤កែស, ផ្លែឈើស្រស់០១កន្ទ្រក ចុះសួរសុខទុក្ខ និងជាការសម្រាលបន្ទុកក្នុងការសម្រាកព្យាបាលដល់ លោកវរសេនីយ៍ទោ សឿ ចន្ថា សមាជិកអាវុធហត្ថរាជធានីភ្នំពេញ ដែលបានជួបឧបទ្ទវហេតុគ្រោះថ្នាក់ចរាចរណ៍ ខណៈដែលកំពុងឈរបោសសម្រាម នៅមុខផ្ទះស្រាប់តែមានម៉ូតូធ្វើដំណើរខុសផ្លូវ មកបុកយ៉ាងពេញទំហឹងតែម្តង បណ្តាលឲ្យរបួសធ្ងន់៕

26/01/2021

លោក ប៊ុន ផេង អភិបាល នៃគណ:អភិបាលស្រុកខ្សាច់កណ្ដាលស្នើដល់បងប្អូនប្រជាពលរដ្ឋចូលរួមទាំងអស់គ្នា ដើម្បីមូលដ្ឋានឃុំយើង ស្រុកយើង...

ខេត្តកណ្ដាល ៖ ថ្ងៃអង្គារ ១៣កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែមករា ឆ្នាំ២០២១ លោក ប៊ុន ផេង អភិបាល នៃគណ:អភិបាលស្រុកខ្សាច់កណ្ដាលស្នើដល់បងប្អូនប្រជាពលរដ្ឋក្នុងឃំុព្រែកតាមាក់ ចូលរួមទាំងអស់គ្នាដើម្បី(ឃំុយើង ស្រុកយើង)។

លោក អភិបាល តែងតែបន្តការគិតគូរយកចិត្តទុកដាក់គ្រប់សកម្មភាពក្នុងដែនសមត្ថកិច្ច ដែលកំពុងនឹងដឹកនាំ លើគ្រប់វិស័យឲ្យមានការរីកចម្រើន និងមានការគាំទ្រពីប្រជាពលរដ្ឋក្នុងមូលដ្ឋានស្រុក។

ជាក់ស្ដែងថ្ងៃនេះ លោកបានដឹកនាំ ឲ្យក្រុមចំរុះស្រុក អាជ្ញាធរ ភូមិ ឃុំ ចុះពិនិត្យ វាស់វែង បាញ់ថ្នាំសម្គាល់ ដើម្បីសិក្សាលើការងារពង្រីកផ្លូវបន្ថែម ពីផ្លូវដែលមានស្រាប់ ក្នុងន័យឲ្យផ្លូវធំទូលាយ កាត់បន្ថយគ្រោះថ្នាក់ចរាចរណ៍ និងរក្សាសណ្ដាប់ធ្នាប់របៀបរៀបរយក្នុងស្រុកខ្សាច់កណ្ដាលសម្រាប់បងប្អូនប្រជាពលរដ្ឋយើងទាំងអស់គ្នា ៕

21/01/2020

អាសូរណាស់លោកអើយស្ដ្រីម្នាក់ស្លាប់ ចំណែកកូនប្រុសម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍!

(ភ្នំពេញ )៖ ស្ត្រីម្នាក់ស្លាប់ ចំណែកកូនប្រុសម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ ផ្តើមចេញពីកូនប្រុសស្រវឹងស្រាទៅដេកលើផ្លូវដែក ស្របពេលដែលរថភ្លើងបើកមកដល់ ម្តាយរត់ទៅជួយទាញកូនប្រុស ជាអកុសលរថភ្លើងបុកម្តាយស្លាប់ រីឯកូនប្រុសរងរបួសធ្ងន់ នៅវេលាម៉ោង១១យប់ថ្ងៃទី២០ ខែមករា ឆ្នាំ២០២០ នៅផ្លូវដែក ក្នុងភូមិប្រទះឡាង សង្កាត់ប្រទះឡាង ខណ្ឌដង្កោ គ្មានអ្នកណាដឹង រហូតដល់វេលាម៉ោង៦ព្រឹក ថ្ងៃទី២១ ខែមករានេះ ទើបប្រទះឃើញ ជនរងគ្រោះ២នាក់ម្តាយកូន ដួលរណូករណែល ផ្អើលឆោឡោ សមត្ថកិច្ចចុះទៅពិនិត្យជាក់ស្តែង ។

ជនរងគ្រោះស្លាប់ក្នុងហេតុការណ៍ខាងលើ ឈ្មោះ ជ័យ អឿន ភេទស្រី អាយុ៦៧ឆ្នាំ មុខរបរ ដើរបេះបន្លែលក់ ។ ចំណែកកូនប្រុស រងរបួសធ្ងន់ ឈ្មោះ បុិច សំណាង ភេទប្រុស អាយុ៣៧ឆ្នាំ មុខរបរកម្មករសំណង់ រស់នៅផ្ទះ កន្លែងកើតហេតុ ។

តាមការបំភ្លឺពីស្ត្រីឈ្មោះ សុិន ស្រីឯម អាយុ៤១ឆ្នាំ មុខរបរ លក់នំ ត្រូវជាកូនស្រីបង្កើត របស់ជនរងគ្រោះ រស់នៅផ្ទះផ្សេងមួយទៀត នៅក្នុងភូមិខាងលើ បានឲ្យដឹងថា ម្តាយគាត់ជាស្ត្រីម៉េម៉ាយ កូន៧នាក់ ប្រុស២នាក់ ស្រី៥នាក់ គាត់ជាកូនច្បង រីឯកូនប្រុសរងរបួសជាកូនទី៣ រស់នៅជាមួយម្តាយ ។ ហើយមុនកើតហេតុ គាត់មិនដឹងទេ ម្តាយប្អូនជួបគ្រោះថ្នាក់បែបនេះ ទើបតែនៅព្រឹកថ្ងៃទី២១ ខែមករានេះ មានពលរដ្ឋប្រទះឃើញទើបនាំគ្នាផ្អើលឆោឡោ លើម្តាយដែលស្លាប់ ដាក់ផ្ទះជាប់នឹង ប្អូនប្រុសរងរបួសនាំទៅជូតលាងរបួស ។

តាមប្រជាពលរដ្ឋក្នុងភូមិបានឲ្យដឹងថា មុនកើតហេតុ នៅយប់ថ្ងៃទី២០ ខែមករា កូនប្រុសរងរបួស ផឹកស្រាស្រវឹង ហើយទៅដេកលើផ្លូវដែក គ្មានអ្នកណាចាប់អារម្មណ៍ ព្រោះជាទម្លាប់បុរសខាងលើទៅហើយ លុះដល់វេលាម៉ោង១១យប់ ថ្ងៃដដែលគេឃើញមានរថភ្លើង ខ្សែដឹកទំនិញ បើកចេញពីក្រុងភ្នំពេញឆ្ពោះទៅក្រុងព្រះសីហនុ ក៏មិនចាប់អារម្មណ៍ ថាបុកមនុស្សស្លាប់ដែរ រហូតដល់ព្រឹកឡើងទើបប្រទះឃើញបែបនេះ ។

តែបើតាមសម្តីជនរងគ្រោះវិញ បានឲ្យដឹងថា មុនកើតហេតុ ខ្លួនស្រវឹងស្រា ឈ្លោះប្រកែកជាមួយម្តាយហើយ ដើរទៅដេកលេងលើផ្លូវដែក លុះដល់វេលាម៉ោង១១យប់ មានរថយន្តភ្លើងបើកមក ម្តាយឃើញរត់ទៅដាស់ ទាញ ត្រូវបានរថភ្លើងបើកបុក ស្លាប់ម្តាយ ខ្លួនផ្លោងខ្ទាតចេញ សន្លប់របូតដល់ព្រឹកតែម្តង ។

តាមការពិនិត្យសន្និដ្ឋាន របស់សមត្ថកិច្ច បុរសរងគ្រោះជាកូន ពេលដែលស្រវឹងទៅដេកលើផ្លូវដែក លុះពេលដែលរថភ្លើងបើកមក ជិតដល់សុីផ្លេ ម្តាយដឹង ឃើញ រត់ទៅដាស់ទាញ កូនចេញ ត្រូវបានរថភ្លើងបើកបុក ផ្លោងកូនចេញ ទើបរងរបួស ចំណែកម្តាយ មិនផុត បុកស្លាប់តែម្តង ។

ក្រោយពីពិនិត្យរួច សាកសពជនរងគ្រោះ សមត្ថកិច្ច ប្រគល់ជូនក្រុមគ្រួសារ ចាត់ចែងរៀបចំធ្វើបុណយតាមប្រពៃណី ៕

16/01/2020

💢សេចក្តីបកស្រាយបំភ្លឺ របស់ក្រុមព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ។

អធិការដ្ឋាននគរបាលខណ្ឌជ្រោយចង្វារ សូមធ្វេីការបញ្ជាក់ជូនសាធារណ:ជនអោយបានជ្រាបថា រូបភាពព៌ណស តូចនោះ មិនមែនជាគ្រឿងញៀន នោះទេ វាគឺជាដែកកេះរបស់ជនសង្ស័យដែលមានព៌ណស ។

ដោយមាន Facebook Account និង page មួយចំនួន បានយកព័ត៌មានចាស់ក្នុងពេលដែលសមត្ថកិច្ចចម្រុះនៃអធិការដ្ឋាននគរបាលខណ្ឌជ្រោយចង្វារចុះរឹតបន្តឹងច្បាប់ចរាចរណ៍តាំងពីថ្ងៃទី១២ ខែមិនា ឆ្នាំ២០១៨ ក្នុងពេលនោះជនសង្ស័យ២នាក់បានជិះម៉ូតូជិតមកដល់គោលដៅត្រួតពិនិត្យ ក៏បានជិះគេចខ្លួន ដោយមានការសង្ស័យនៅពេលនោះកម្លាំងអន្តរាគមន៍នៃអធិការខណ្ឌ បានដេញចាប់បានរួចធ្វេីការឆែកឆេរ និងនាំយកទៅពិនិត្យទឹកនោមដេីម្បីស្វែងរកសារធាតុញៀន ជាលទ្ធផលគឺពិតជាមានសារធាតុញៀនមែន ។ Account and Page មួយចំនួនបានយកព័ត៌មាននេះមកចុះផ្សាយខុសពីការពិត និងមានលក្ខណ:បំផុសបំផុល ញុះញង់អោយមានការស្អប់មកលេីកងកម្លាំងនគរបាល ស្របពេលដែលមួយពេលរយ:ចុងក្រោយនេះ សមត្ថកិច្ចនៃស្នងការដ្ឋាននគរបាលរាជធានីភ្នំពេញ ក៏ដូចជាតាមបណ្តាខណ្ឌ ប៉ុស្តិ៍ តែងតែទទួលបានការគាំទ្រ និងសរសេីរពីសំណាក់ប្រជាពលរដ្ឋ ។

16/01/2020

សមត្ថកិច្ចឃាត់យានយន្ត៣គ្រឿងបើកបញ្ច្រាស់នៅរង្វង់មូលវិមានឯករាជ្យ!

ភ្នំពេញ៖អ្នកជិះបញ្ច្រាសនៅរង្វង់មូវិមានឯករាជ្យនៅតែបន្តកើតមានស្ទើរជារៀងរាល់ថ្ងៃ

ទោះបីជាសមត្ថកិច្ចនិងអាជ្ញាធរដាក់កម្លាំងប្រចាំការស្ទាក់ចាប់ទាំងយប់ទាំងថ្ងៃក្តីជាក់ស្តែងនៅយប់មិញថ្ងៃទី១៥ខែមករាឆ្នាំ២០២០សមត្ថកិច្ចអនុវត្តន៍ច្បាប់និងអាជ្ញាធរបានឃាត់បានរ៉ឺម៉កនិងម៉ូតូចំនួន៣គ្រឿងបញ្ជូនទៅស្នងការដ្ឋាននគរបាលរាជធានីភ្នំពេញ។

របាយការណ៍របស់អាជ្ញាធរខណ្ឌដូនពេញបានឲ្យដឹងថានៅថ្ងៃទី១៥ខែមករាឆ្នាំ២០២០ចាប់ពីម៉ោង៧ព្រឹកដល់ម៉ោង២២យប់កម្លាំងគណៈបញ្ជាការឯកភាពខណ្ឌដូនពេញសហការជាមួយការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញអនុវត្តយុទ្ធនាការឃាត់យានយន្តបញ្ច្រាសទិសដៅចរាចរណ៍នៅរង្វង់មូលជុំវិញវិមានឯករាជ្យនិងផ្លូវព្រះសុរាម្រឹតស្ថិតក្នុងសង្កាត់ចតុមុខខណ្ឌដូនពេញឃាត់បានរ៉ឺម៉កនិងម៉ូតូ៣គ្រឿង។

បច្ចុប្បន្នយានយន្តខាងលើនេះបានបញ្ជូនទការិយាល័យចរាចរណ៍ជើងគោកនៃស្នងការដ្ឋានគរបាលរាជធានីភ្នំពេញដើម្បីធ្វើកាអប់រំណែនាំបន្តតាមនីតិវិធី៕

DBN Tvonline

27/03/2021

16/03/2021

15/03/2021

01/03/2021

23/02/2021

23/02/2021

06/02/2021

26/01/2021

21/01/2020

16/01/2020

16/01/2020

Address

Website

Alerts

Shortcuts

Share

Category