កូន ម៉ាក់មី- Koun Makmi

27/12/2024

ស្វាគមន៍សមាជិកថ្មី ជូនពរកូននាគមានសុខភាពល្អ និងសំណាងល្អពេញមួយជីវិត🥰🥰🙏

゚
#កិត្យា
#នរនាថ

10/12/2024

🥰 តោះម៉ាក់ជួយធ្វើអោយអូនញ៉ាំ🍚🥤
នរនាថ- Norrakneath
゚

10/12/2024

ពេលមានប្រពន្ធ (បទពាក្យ ៧)

នែ! កូនប្រុសម្ដាយ ចូរស្ដាប់ណា
បើសាងគ្រួសារប្រពន្ធប្ដី
កូនត្រូវចិត្តធ្ងន់គុណខន្ដី
ឱ្យតម្លៃស្រី្ដភរិយា។

បើធៀបផ្លូវកាយនាងទន់ខ្សោយ
កូនកុំបណ្ដោយឱ្យរងា
ផ្ដល់ភាពកក់ក្ដៅនៅក្បែរគ្នា
ចេះជួយការងារផ្ទះសម្បែង។

សម័យទំនើបស្ដ្រីសកម្ម
ធ្វើការប្រចាំឥតរអែង
ចេញក្រៅរកលុយដូចគេឯង
មកផ្ទះចាត់ចែងគ្រប់កិច្ចការ។

ត្រូវចាំពេលនាងមានទម្ងន់
កូនកុំទម្រន់ ត្រូវឧស្សាហ៍
ឱ្យនាងមានពេលថែកាយា
ផ្លូវចិត្តទៀតណាឱ្យបានល្អ។

ពេលមានផ្ទៃពោះមិនស្រួលឡើយ
ថា្នក់ថ្នមត្រាណត្រើយដោយស្មោះសរ
ទាស់ទែងខុសឆ្គង ល្អក់កករ
អត់ធ្មត់កុំត ប្រកាន់ខឹង។

នាងសម្រាលបុត្រស្រុតសុខភាព
ដាក់ខ្លួនឱ្យទាប កុំតឹងរឹង
ប្រពន្ធយើងទេ កូនព្រលឹង
កូនអើយកុំប្រឹងចង់ចាញ់ឈ្នះ។

នាងជាមាតានៃកូនខ្លួន
ម៉ឺងម៉ាត់មាំមួន កុំមានះ
ដូចពាក្យគេថា ចាញ់ជាព្រះ
បើកូនព្រលះ ទាក់ជម្លោះ។

ផ្លូវចិត្តមនុស្សស្រីក្រោយសម្រាល
ឆាប់ល្អក់ចិត្តស្រាល ចួនកាលឈ្លោះ
រាងកាយប្រែប្រួលពេលពពោះ
ត្រូវអនុគ្រោះ ត្រូវយល់ចិត្ត។

ដូច្នេះ ក្នុងនាមជាស្វាមី
សន្ដោសប្រណីក្ដីអាណិត
យល់ទុក្ខធុរៈប្រពន្ធពិត
ចេះជួយចេះគិតរឹតស្រលាញ់៕

ភ្នំពេញ ថ្ងៃព្រហស្បតិ៍ ទី៥ ខែធ្នូ ឆ្នាំ២០២៤
និពន្ធដោយ លឹម ផាន់ណា

នរនាថ- Norrakneath

10/12/2024

🥰🙏🇰🇭

09/12/2024

😂😂🥰

14/11/2024

Hello from Cambodia
゚

13/11/2024

13/11/2024

https://www.facebook.com/share/p/15hmu3Z152/

#កូនស្រី

From FB

19/06/2023

អរគុណម៉ាក់ តែងតែពន្យល់ប្រាប់កូន🥰

19/06/2023

ទុកមើល ពេលអូនធំឡើង 🥰🥰 #2023

23/05/2023

23/05/2023

➤🍁🇨🇦 ឱកាសអាហារូបករណ៍សិក្សានៅ​ McGill University ប្រទេសកាណាដា ✔ប្រាក់ខែ​ $2000 រ៉ាប់រងថ្លៃសិក្សា100% និងការធ្វេីដំណេីរ​ 🇰🇭🇨🇦។

👉មានជំនាញជាច្រេីនសម្រាប់ជ្រេីសរេីសសិក្សា​ និងជាសាកលវិទ្យាល័យជាប់💥ចំណាត់ថ្នាក់ទី31 ក្នុងពិភពលោក។

22/05/2023

គីឡូមិនទាន់គ្រប់ គីឡូផងចង់សុំជិះទៅសាលាខ្លួនឯង កុំអោយប៉ាម៉ាក់ពិបាក😂 លឺហើយ ចង់ គ-ាំងកូនសម្លាញ់🥰😂

22/05/2023

បន្លែធម្មជាតិ
#អូនចូលចិត្តញ៉ាំបន្លែ

18/05/2023

កូនស្រលាញ់ម៉ាក់ 🥰

បើកូនរៀនបានខ្ពស់ (បទពាក្យ៩)

១. បើរូបកូន រៀនបានខ្ពស់ ហួសពុកម៉ែ
មានប្រាក់ខែ ថែខ្លួនឯង រឹងមាំហើយ
កុំក្អេងក្អាង ថ្លើងសម្ដី ស្ដីឆ្លងឆ្លើយ
ឫកតោះតើយ មិនគួរឡើយ លែងស្គាល់ញាតិ។

២. កុំអំនួត អួតខ្លួនឯង ថាគ្រាន់បើ
បានប្រសើរ ត្រូវរក្សា ឫកមារយាទ
កុំមើលងាយ ហើយពេបជ្រាយ អ្នកឯទៀត
ជាមនុស្សជាតិ មិនត្រូវឃ្លាត គុណតម្លៃ។

៣. រៀនចេះដឹង ត្រូវចេះថ្លឹង តាមបញ្ញា
មិនច្បាស់ការណ៍ កុំចិត្តស្រាល ប្រើជើងដៃ
ត្រចៀកស នោះមិនល្អ ទេចរណៃ
រៀងរាល់ថ្ងៃ ចេះវែកញែក ហេតុ និងផល។

៤. កូនដឹងទេ មានកូនខ្លះ ប៉ះមិនបាន
អាងខ្លួនថ្កាន ច្រានពាក្យម្តាយ មិនខ្វាយខ្វល់
អាងខ្លួនធំ ទុកសម្ដី ម៉ែដូចខ្យល់
គុណម្តាយផ្តល់ ដូចសំណល់ កូនបោះចោល។

៥. កូនខ្លះទៀត បង់មារយាទ ឆ្លៀតរិះគន់
ប្រើពាក្យធ្ងន់ ដៀលប្រមាថ ទាំងកំរោល
ចូលផ្ទះក្តៅ ចេញទៅក្រៅ បាត់ស្រមោល
នៅដេញ ដោលចាប់កំហុស ឪពុកម្តាយ។

៦. ខ្លះអាងខ្លួន រកចំណូល ជួយ គ្រួសារ
ធ្វើ ឫកក្លា ចង់ ត្រួតត្រា ចេះត្រួសត្រាយ
ចិត្ត​មានះ មិនចេះស្តាប់ ម៉ែ​បកស្រាយ
ចាំមើលស្តាយ ដល់ពេល​ខ្លួន មានកូនវិញ។

៧. កូនអើយចាំ មិនថា​ខ្លួន ខ្ពស់ប៉ុនណា
គុណមាតា និងបិតា ត្រូវទន្ទេញ
បុណ្យ​កុសល ​ដែលកូនសាង នឹង​បំពេញ
ផុតទោម្នេញ ជីវិតពេញដោយ​ក្តីសុខ។

ភ្នំពេញ ថ្ងៃអាទិត្យ ទី១៧ ខែឧសភា ឆ្នាំ២០២០
និពន្ធដោយ លឹម ផាន់ណា (ថ្ពាល់ខួច)

(រូបថត កាលទទួលសញ្ញាបត្រ បរិញ្ញាបត្រជាន់ខ្ពស់ ឆ្នាំសិក្សា ២០១៣ - ២០១៥)