Kulen Daily News, Siem Reap (2025)

30/08/2025

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា នឹងដឹកនាំគណៈប្រតិភូជាន់ខ្ពស់កម្ពុជា អញ្ជើញបំពេញទស្សនកិច្ច និងចូលរួមពិធីរំលឹកខួបអនុស្សាវរីយ៍លើកទី៨០ នៃបដិវត្តន៍ខែសីហា និងទិវាបុណ្យឯករាជ្យជាតិ នៃសាធារណរដ្ឋសង្គមនិយមវៀតណាម ពីថ្ងៃទី១-២ ខែកញ្ញា ឆ្នាំ២០២៥ នៅរដ្ឋធានីហាណូយ សាធារណរដ្ឋ សង្គមនិយមវៀតណាម។

👉 ចូលរួម៖ https://t.me/Channel_kulendailynews/41878?single

30/08/2025

សម្ដេចធិបតី ហ៊ុន ម៉ាណែត ជួបជាមួយ ឯកឧត្តម ស៊ី ជីនពីង(Xi Jinping) ប្រធានាធិបតី នៃសាធារណរដ្ឋប្រជាមានិតចិន ក្នុងជំនួបទ្វេភាគី និងពិភាក្សាការងារ នៅសាធារណរដ្ឋប្រជាមានិតចិន ល្ងាចថ្ងៃសៅរ៍ ទី៣០ សីហា ២០២៥

STPM: Participating in a bilateral meeting with His Excellency Xi Jinping, President of the People’s Republic of China.

China, Saturday evening, 30 August 2025

👉 ចូលរួម៖ https://t.me/Channel_kulendailynews/41868?single

30/08/2025

«អ្នកឧកញ៉ា ហេង ឡុង ដឹកនាំគណៈប្រតិភូសមាគមឧកញ៉ាកម្ពុជា ចូលរួមគោរពវិញ្ញាណក្ខន្ធសពលោកវរសេនីយ៍ឯក ព្រៀប ចំរើន នៅខេត្តត្បូងឃ្មុំ»

នារសៀលថ្ងៃសៅរ៍ ទី៣០ ខែសីហា ឆ្នាំ២០២៥នេះ អ្នកឧកញ៉ា ហេង ឡុង អនុប្រធាន និងជាតំណាងលោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា អមដោយអ្នកឧកញ៉ា ឧកញ៉ា ជាសមាជិកក្រុមប្រឹក្សាភិបាល និងសមាជិក នៃសមាគមឧកញ៉ាកម្ពុជា ជាច្រើនរូបបានចូលរួមពិធីគោរពវិញ្ញាណក្ខន្ធសពលោកវរសេនីយ៍ឯក ព្រៀប ចំរើន ជំនួយការសេនាធិការវរ២១៤ នៃកងពលតូចថ្មើរជើងលេខ២១ ដែលបានពលីជីវិតក្នុងបុព្វហេតុការពារបូរណភាពទឹកដីកាលពីថ្ងៃទី២៥ ខែ សីហា ឆ្នាំ២០២៥ ដោយពិធីបុណ្យត្រូវបានប្រារព្ធឡើងនៅទីបញ្ជាការវរសេនាតូចថ្មើរជើងលេខ២១៤ ស្ថិតក្នុងភូមិសំពៅផុសថ្មី ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ ។

ជាមួយគ្នានេះ គណៈប្រតិភូសមាគមឧកញ៉ាកម្ពុជា ក៏ទទួលបានការស្វាគមន៍យ៉ាងកក់ក្តៅពីសំណាក់ឯកឧត្ដម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំផងដែរ។

ក្នុងវេលាដ៏ក្រៀមក្រំនេះដែរ អ្នកឧកញ៉ា ហេង ឡុង បានពាំនាំនូវសារចូលរួមរំលែកទុក្ខពីលោកអ្នកឧកញ៉ាប្រធាន ក៏ដូចជាលិខិតរំលែកមរណទុក្ខ និងថវិកាមួយចំនួនពីសមាគមឧកញ៉ាកម្ពុជា ជូនក្រុមគ្រួសារ នៃសពផងដែរ។

មរណភាពរបស់លោកវរសេនីយ៍ឯក ព្រៀប ចំរើន គឺជាការបាត់បង់នូវស្វាមីដែលប្រកបដោយសង្គហធម៌ដ៏ឧត្តុង្គឧត្តមចំពោះភរិយា និងជាឪពុកប្រកបដោយព្រហ្មវិហារធម៌ចំពោះកូនៗហើយក៏ជាការបាត់បង់នូវយោធិនដ៏អង់អាចក្លាហានដោយបានធ្វើពលិកម្មនូវសាច់ស្រស់ឈាមស្រស់ប្រកបដោយភាពមោះមុតនៅក្នុងបុព្វហេតុការពារអធិបតេយ្យ និងបូរណភាពទឹកដី។ វីរភាពដ៏អង់អាចរបស់លោកនឹងស្ថិតក្នុងការចងចាំក្នុងដួងចិត្តប្រជាជនខ្មែរគ្រប់រូបគ្មានថ្ងៃបំភ្លេចបាន។

សូមឧទ្ទិសបួងសួងដល់ដួងវិញ្ញាណក្ខន្ធលោកវរសេនីយ៍ឯក ព្រៀប ចំរើន បានបដិសន្ធិក្នុងសុគតិភពកុំបីឃ្លៀងឃ្លាតឡើយ៕KD

ប្រភព៖ សមាគមន៍ឧកញ៉ាកម្ពុជា

👉 ចូលរួម៖ https://t.me/Channel_kulendailynews/41858?single

30/08/2025

សមាជិកសភាអាមេរិក ចុះជួបពលរដ្ឋខ្មែររងគ្រោះដោយសារសង្គ្រាម នៅខេត្តព្រះវិហារ

នៅថ្ងៃទី៣០ ខែសីហា ឆ្នាំ ២០២៥នេះ គណៈប្រតិភូសភាសហរដ្ឋអាមេរិក (CODEL) ដឹកនាំដោយលោកស្រី Beth Van Duyne ប្រធានគណៈប្រតិភូ និងជាសមាជិកសភាប្រចាំរដ្ឋ Texas បានអញ្ជើញចុះពិនិត្យដោយផ្ទាល់ពីស្ថានភាពរបស់ជនភៀសសឹកនៅមណ្ឌលសុវត្ថិភាពវត្តពោធិ៍ ៥០០០ដើម ស្ថិតក្នុងស្រុកគូលែន ដោយទទួលបានការស្វាគមន៍យ៉ាងកក់ក្ដៅពី ឯកឧត្តម គីម រិទ្ធី អភិបាលខេត្តព្រះវិហារ។

ក្នុងដំណើរទស្សនកិច្ចរបស់សភាសហរដ្ឋអាមេរិកនាពេលនេះ ធ្វើឡើងក្នុងគោលបំណងដើម្បីស្វែងយល់ពីជីវភាពរស់នៅ និងទុក្ខលំបាករបស់ប្រជាពលរដ្ឋកម្ពុជា ដែលបង្ខំចិត្តចាកចេញពីផ្ទះសម្បែងដោយសារតែភ្លើងសង្គ្រាមឈ្លានពានពីសំណាក់កងទ័ពសៀម៕KD

ប្រភព ៖ ទទក

👉 ចូលរួម៖ https://t.me/Channel_kulendailynews/41848?single

30/08/2025

គណៈប្រតិភូខេត្តមណ្ឌលគិរី អញ្ជើញចុះសួរសុខទុក្ខវីរកងទ័ព ដែលកំពុងសម្រាកព្យាបាល នៅមន្ទីរពេទ្យបង្អែកខេត្តព្រះវិហារ

ខេត្តព្រះវិហារ ៖ នាថ្ងៃទី៣០ ខែសីហា ឆ្នាំ២០២៥ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី និងឯកឧត្តម ថង សាវុន អភិបាលខេត្ត និងលោកជំទាវ អមដំណើរដោយឯកឧត្តម សមាជិកក្រុមប្រឹក្សាខេត្ត លោក អភិបាលរងខេត្ត លោកឧត្តមសេនីយ៍ទោ ឡោ សុខា ស្នងការនគរបាលខេត្ត លោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្ត លោកឧត្តមសេនីយ៍ទោ សាន្ត គឹមអឿន មេបញ្ជាការតំបន់ប្រតិបត្តិការសឹករងមណ្ឌលគិរី លោក ប្រធានពន្ធនាគារខេត្ត រួមទាំងថ្នាក់ដឹកនាំក្រោមឱវាទ បានអញ្ជើញចុះសួរសុខទុក្ខវីរកងទ័ពចំនួន ៣២នាក់ រួមទាំងអ្នកជំងឺដទៃទៀត ដែលកំពុងសម្រាក និងព្យាបាលជំងឺនៅមន្ទីរពេទ្យបង្អែកខេត្តព្រះវិហារ។

នាឱកាសនោះ ថ្នាក់ដឹកនាំខេត្ត និងមន្រ្តីក្រោមឱវាទ បានសួរសុខទុក្ខ និងផ្តល់កម្លាំងចិត្តដល់វីរកងទ័ព ដែលបានបំពេញកាតព្វកិច្ចការពារបូរណភាពទឹកដីប្រកបដោយភាពអង់អាចក្លាហាន ដោយមិនស្ទាក់ស្ទើរ។ ឯកឧត្តម បញ្ជាក់ថា ក្នុងនាមថ្នាក់ដឹកនាំ ក៏ដូចជាប្រជាពលរដ្ឋនៅសមរភូមិក្រោយ នឹងបន្តយកចិត្តទុកដាក់ និងគាំទ្រយ៉ាងជិតស្និទ្ធដល់វីរកងទ័ព និងគ្រួសារកងទ័ពដើម្បីធានាថា កងទ័ពមានកម្លាំងចិត្ត និងមានសុខភាពប្រសើរឡើងវិញ៕KD

ប្រភព៖ មន្ទីរព័ត៌មានខេត្តរតនគិរី

👉 ចូលរួម៖ https://t.me/Channel_kulendailynews/41838?single

30/08/2025

[នាទីវប្បធម៌] សាលាមត្តេយ្យសហគមន៍ភូមិជ្រៃ ធ្វើពិធីចែកប័ណ្ណសរសើរដល់សិស្សកម្រិតខ្ពស់របស់ខ្លួន

បច្ចុប្បន្នវិស័យអប់រំមានការរីកចម្រើន មត្តេយ្យសិក្សាមិនបង្អង់ដៃបន្ថែមការអប់រំមនការស៊ីជម្រៅ និងប្រសិទ្ធភាពខ្ពស់ ទោះបីជាសាលារៀនមួយចំនួនមិនទាន់មានស្តង់ដារ ហើយសាលារៀនមួយចំនួនមានស្តង់ដារហើយ។ ឥឡូវ "សាលាមត្តេយ្យសហគមន៍ភូមិជ្រៃ" ទោះបីជានៅក្រៅក្រុងសៀមរាបយ៉ាងណា ក៏សាលាមត្តេយ្យសហគមន៍ភូមិជ្រៃចាត់ទុកថាជាកម្រិតល្អនៅក្នុងសហគមន៍មួយផងដែរ ។

ដូច្នេះហើយទើប នៅថ្ងៃ ៧ កើត ខែ ភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃ សៅរ៍ ទី ៣០ ខែ សីហា ឆ្នាំ ២០២៥ មានពិធីចែកប័ណ្ណសរសើរដល់សិស្សកម្រិតខ្ពស់ និទ្ទេស A & B និងរង្វាន់លើកទឹកចិត្តដល់សិស្សទទួលបាននិទ្ទេស C នៅសាលាមត្តេយ្យសហគមន៍ ភូមិជ្រៃ ឃុំកណ្តែក ស្រុកប្រាសាទបាគង ខេត្តសៀមរាប ដែលមានការនិមន្ត ជាអធិបតី ផ្ដល់ឱវាទរបស់ ព្រះតេជគុណ ព្រះរតនវិសុទ្ធមេធា ម៉ុក ឆុំ (ធម្មបាលោ) និងប្រគល់នូវរង្វាស់ដល់សិស្សពូកែនិទ្ទេស A និងមានការអញ្ជើញចូលរួមពី លោកគ្រូ អ្នកគ្រូ តំណាងសហគមន៍ មាតាបិតាសិស្ស និងប្រជាពលរដ្ឋជាច្រើន ដើម្បីអបអរសាទរនាឱកាសនេះផងដែរ។

ទាំងនេះសបញ្ជាក់ឲ្យឃើញថា មិនថាទីក្រុងឬជនបទ ក្រោមការដឹកនាំរបស់រាជរដ្ឋាភិបាល ដែលកើតចេញពីគណបក្សប្រជាជនកម្ពុជា បាននាំយកនូវសន្តិភាព អភិវឌ្ឍន ការតម្រង់ទិស៊ីជម្រៅ ដែលប្រកបដោយនិរន្តរភាព និងនវានុវត្តន៍៕ លោក រ័ត្ន សុភាព

👉 ចូលរួម៖ https://t.me/Channel_kulendailynews/41828?single

30/08/2025

ក្រុមប្រឹក្សា គណៈអភិបាលខេត្ត មន្រ្តីរាជការ កងកម្លាំងប្រដាប់អាវុធក្នុងខេត្តសៀមរាបសូមគោរពប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ សូមគោរពជូនពរឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិក្នុងឱកាសដ៏មហានក្ខត្តឫក្សនៃខួបចម្រើនអាយុវឌ្ឍនមង្គល ៤៤ឆ្នាំ ឈានចូល ៤៥ឆ្នាំ

យើងខ្ញុំសូមបួងសួងដល់គុណបុណ្យព្រះរតនត្រ័យកែវទាំងបី និងវត្ថុស័ក្តិសិទ្ធិក្នុងលោក សូមប្រោះព្រំ ប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ ជូនចំពោះឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកជំទាវ ព្រមទាំង បុត្រា-បុត្រី ជាទីស្រលាញ់ សូមប្រកបតែសេចក្តីសុខ សុភមង្គល ព្រមទាំងពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

30/08/2025

ក្នុងនាមថ្នាក់ដឹកនាំ និងមន្រ្តីនគរបាលជាតិទាំងអស់នៃស្នងការដ្ឋាននគរបាលខេត្តសៀមរាប សូមគោរពប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ ជូនចំពោះ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ក្នុងឱកាសដ៏មហានក្ខត្តឫក្សនៃខួបចម្រើនអាយុវឌ្ឍនមង្គល ៤៤ឆ្នាំ ឈានចូល ៤៥ឆ្នាំ សូម ឯកឧត្តម នាយឧត្តមសេនីយ៍ និងលោកជំទាវ ព្រមទាំង បុត្រា-បុត្រី ជាទីស្រលាញ់ សូមប្រកបតែមហាវិបុលសុខ សុភមង្គល ព្រមទាំងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

រូបភាព និងអត្ថបទ: ការិ.ផ្សព្វផ្សាយអប់រំ

30/08/2025

គិតត្រឹមថ្ងៃទី ៣០ ខែសីហានេះ ពលរដ្ឋ និងពលករខ្មែរទើបត្រឡប់ពីថៃជាង ១៩ម៉ឺននាក់ទទួលបានឱកាសការងារតាមរយៈក្រសួងការងារ និងបណ្ដុះបណ្ដាលវិជ្ជាជីវៈ និងវិស័យឯកជន

👉 ចូលរួម៖ https://t.me/Channel_kulendailynews/41823

30/08/2025

មតិមិត្តអ្នកអាន៖ មន្រ្ដីនគរបាលយុត្តិធម៌ ជាមន្ត្រីអនុវត្តន៍ច្បាប់ ក្រៅពីមានចំណេះជំនាញលេីការងារស្រាវជ្រាវស៊េីបអង្កេត និង និតិវិធីច្បាប់ មន្ត្រីនគរបាលយុត្តិធម៌ ត្រូវមានសិលធម៍ គុណធម៌ មានវិន័យ ហើយមិនត្រូវចាត់ទុកប្រជាពលរដ្ឋជាសត្រូវទេ ។

ការចង់អញ្ជើញប្រជាពលរដ្ឋណាម្នាក់ទៅធ្វើសាក្សី ទោះបីច្បាប់អនុញ្ញាតអោយមន្រ្ដីនគរបាលចាប់បង្ខំអោយសាក្សីដែលបានដឹងឮរឿងហេតុទៅធ្វេីការបំភ្លឺក៏ដោយ មន្ត្រីនគរបាលយុត្តិធម៌ត្រូវចេះនិយាយសម្របសម្រួលអោយប្រជាពលរដ្ឋបានយល់អំពីតម្លៃនៃការបំភ្លឺរបស់សាក្សី ។ មិនមែនចង់ហៅទៅបំភ្លឺ ប្រេីអំណាចកៀបសង្កត់គំរាមកំហែងសាក្សីនោះទេ ។ ទង្វើខុសឆ្គងបែបនេះ មន្ត្រីនគរបាលយុត្តិធម៌ត្រូវកែលម្អរចំណុចខ្វះខាតមួយចំនួនរបស់ខ្លួនឡេីងវិញ។ ត្រូវចងចាំពាក្យមួយឃ្លាជានិច្ចថា " នគរបាលជាកូនចៅរបស់ប្រជាជន មិនមែនជាចៅហ្វាយប្រជាជនទេ " ។

សម្រាប់លោកអធិការរងម្នាក់នេះ មានសីលធម៌មិនល្អទេ កន្លងមកធ្លាប់ផឹកស៊ីស្រវឹងប្រេីហឹង្សាលេីប្រជាពលរដ្ឋម្ដងហេីយ កាលពីឆ្នាំ ២០២៣ ។ ដូច្នេះ សូមមេៗ អប់រំណែនាំបន្ថែមផង កុំអោយកំហុសច្រំដែលៗញឹកញាប់ពេក ៕KD

អត្ថបទ៖ Pheng Vannak News

👉 វីដេអូ៖ https://t.me/Channel_kulendailynews/41824?single

30/08/2025

ឯកឧត្តម សុខ លូ អញ្ជើញចុះត្រួតពិនិត្យ និងរៀបចំពង្រឹងសន្តិសុខ សណ្តាប់ធ្នាប់ និង របៀបរៀបរយនៅតំបន់រមណីយដ្ឋានប្រវត្តិសាស្ត្រ ភ្នំសំពៅ

កាលពីរសៀលថ្ងៃទី២៩ ខែសីហា ឆ្នាំ២០២៥នេះ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំក្រុមការងារ ចុះត្រួតពិនិត្យ និងរៀបចំពង្រឹងសន្តិសុខ សណ្តាប់ធ្នាប់ និង របៀបរៀបរយ នៅបរិវេណតំបន់រមណីយដ្ឋានប្រវត្តិសាស្ត្រ ភ្នំសំពៅ ។

គួរបញ្ជាក់ផងដែរថា បន្ទាប់ពីអនុវត្តគម្រោងសាងសង់ កែលម្អជាបន្តបន្ទាប់នាពេលកន្លងមក តំបន់រមណីយដ្ឋានប្រវត្តិសាស្ត្រ ភ្នំសំពៅ បានទាក់ទាញភ្ញៀវទេសចរជាតិ និងអន្តរជាតិមកទស្សនា កំសាន្តយ៉ាងច្រើនកុះករជាពិសេសនាពេលល្ងាច ហើយក្លាយជាគោលដៅទេសចរដ៏ទាក់ទាញមួយក្នុងខេត្តបាត់ដំបង អាចផ្តល់ផលប្រយោជន៍ ជួយលើកកម្ពស់សេដ្ឋកិច្ច ជីវភាពប្រជាពលរដ្ឋក្នុងខេត្តបាត់ដំបងបានកាន់តែល្អប្រសើរ៕KD

👉 ចូលរួម៖ https://t.me/Channel_kulendailynews/41806?single

30/08/2025

សម្តេចធិបតី ហ៊ុន ម៉ាណែត នឹងជួបពិភាក្សាជាមួយ ឯកឧត្តមប្រធានាធិបតី ស៊ី ជីនពីង ដើម្បីពិភាក្សាអំពីការពង្រឹង និងធ្វើឱ្យស៊ីជម្រៅបន្ថែមទៀតនូវភាពជាដៃគូ យុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការឈ្នះ-ឈ្នះ រវាងប្រទេសទាំងពីរ នៅឱកាសកិច្ចប្រជុំកំពូលអង្គការសហប្រតិបត្តិការសៀងហៃ បូក ឆ្នាំ ២០២៥ នៅទីក្រុងធានជីន ប្រទេសចិន

👉 ចូលរួម៖ https://t.me/Channel_kulendailynews/41803?single

Kulen Daily News

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

30/08/2025

Address

Telephone

Website

Alerts

Contact The Business

Shortcuts

Share

Category