Preah Khan News

12/05/2026

23/04/2026

កម្លាំងនគរបាលជាតិបានបង្ក្រាបអាគារមួយនៅថ្ងៃទី២២ ខែមេសា ដែលជាកម្មសិទ្ធិរបស់លោក លឹម សេងងួន។ ក្នុងករណីនេះ ប្តីកំពុងរត់គេចខ្លួន ខណៈភរិយាកំពុងបំពេញនីតិវិធីបញ្ជូនទៅតុលាការ។
តាមច្បាប់ប្រឆាំងការឆបោកតាមប្រព័ន្ធបច្ចេកវិទ្យា មាត្រា៦ បានកំណត់ច្បាស់ថា៖
• អំពើរៀបចំ ឬដឹកនាំទីកន្លែងឆបោកតាមប្រព័ន្ធបច្ចេកវិទ្យា ដែលមានលក្ខណៈជាមជ្ឈមណ្ឌល ឬប្រមូលផ្តុំក្រុម ត្រូវផ្តន្ទាទោសពន្ធនាគារពី ៥–១០ ឆ្នាំ និងពិន័យជាប្រាក់ពី ៥០០លាន–១០០០លានរៀល។
• ប្រសិនបើជាបទល្មើសរៀបចំ ឬដឹកនាំមជ្ឈមណ្ឌលឆបោក ត្រូវផ្តន្ទាទោសពន្ធនាគារពី ១០–២០ ឆ្នាំ និងពិន័យជាប្រាក់ពី ១០០០លាន–២០០០លានរៀល។
• ករណីមានអំពើហិង្សា ការឃុំឃាំង ការជួញដូរមនុស្ស ឬបណ្តាលឲ្យស្លាប់ អាចផ្តន្ទាទោសពន្ធនាគារពី ១៥–៣០ ឆ្នាំ ឬជាប់ពន្ធនាគារអស់មួយជីវិត។
ករណីនេះកំពុងស្ថិតក្រោមការស៊ើបអង្កេតរបស់អាជ្ញាធរ ដើម្បីបញ្ជាក់ថា អាគារនេះត្រូវបានប្រើប្រាស់ជាមជ្ឈមណ្ឌលឆបោក ឬត្រឹមតែជាទីតាំងជួលឲ្យក្រុមឆបោកប្រើប្រាស់។

#ព្រះខ័នញ្ញូស៍