មន្ទីរព័ត៌មានខេត្តសៀមរាប, Street 60, Siem Reap (2025)

16/10/2025

លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា៖កិច្ចប្រជុំលើកទី៣ លើសេចក្ដីព្រាងនិយាមនីតិវិធីប្រតិបត្តិ (SOP) របស់ក្រុមការងារសម្របសម្រួលចម្រុះ (JCTF) កម្ពុជា-ថៃ លើការងារដោះមីនមនុស្សធម៌ ត្រូវបានបញ្ចប់នៅម៉ោង ១៨:០០នាទី ដោយភាគីទាំងពីរបានពិភាក្សាគ្នា និងទទួលបានលទ្ធផលជាវិជ្ជមានមួយចំនួនបន្ថែមទៀតគួរឱ្យកត់សម្គាល់។

ភាគីទាំងពីរនឹងបន្តពិភាក្សាគ្នានៅក្នុងកិច្ចប្រជុំលេីកក្រោយទៀតលើសេចក្ដីព្រាងនិយាមនីតិវិធីប្រតិបត្តិ (SOP) ដើម្បីឈានទៅដល់ការព្រមព្រៀងគ្នាមួយ ដោយឈរលើគោលការណ៍ការពារអធិបតេយ្យ និងបូរណភាពទឹកដី។

#មន្ទីរព័ត៌មានខេត្តសៀមរាប

16/10/2025

ផ្សាយឡើងវិញ៖ ព័ត៌មានប្រចាំថ្ងៃរបស់ទូរទស្សន៍ជាតិខេត្តសៀមរាប
- ព័ត៌មានក្នុងខេត្ត ព័ត៌មានក្នុងប្រទេស ព័ត៌មានអន្តរជាតិ និងព័ត៌មានកីឡា
ថ្ងៃព្រហស្បហ៍ ទី១៦ ខែតុលា ឆ្នាំ២០២៥
Live: Daily news of Siem Reap National TV
- National news, international news, and sports news
October 16, 2025

16/10/2025

សេចក្តីប្រកាសព័ត៌មានរបស់អគ្គស្នងការដ្ឋាននគរបាលជាតិ ឆ្លើយតបចំពោះអង្គភាពសារព័ត៌មានThe Korea Times ចុះផ្សាយនៅព្រឹកថ្ងៃទី១៤ ខែតុលា ឆ្នាំ២០២៥

#មន្ទីរព័ត៌មានខេត្តសៀមរាប

16/10/2025

ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាបបានអញ្ជើញជាកិត្តិយសចូលរួមក្នុងពិធីសម្ពោធរូបសំណាក «ព្រះរាជគ្រូទិវាករបណ្ឌិត» និងរូបសំណាកលោក «ជីវ តាក្វាន់» ក្នុងឱកាសអបអរសាទរគម្រប់ខួប ២ ឆ្នាំ នៃការបើកដំណើរការជាផ្លូវការអាកាសយានដ្ឋានអន្តរជាតិសៀមរាបអង្គរ (SAI)នៅវេលារសៀល ថ្ងៃទី១៦ ខែតុលា ឆ្នាំ២០២៥ ក្រោមអធិបតីភាព ដ៏ខ្ពង់ខ្ពស់ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ។

#មន្ទីរព័ត៌មានខេត្តសៀមរាប

16/10/2025

រដ្ឋបាលស្រុកពូក សូមជម្រាបជូនសាធារណជនអំពី ការចុះផ្សាយរបស់ផេកហ្វេសប៊ុកឈ្មោះ អក្ខរាដេលី ផ្លូវមួយកន្លែងខាងត្បូងផ្សារពួក ទល់មុខវត្តពួក នៅភូមិតាយ៉ង ឃុំពួក ស្រុកពួក ខេត្តសៀមរាប។

#មន្ទីរព័ត៌មានខេត្តសៀមរាប

16/10/2025

អាជ្ញាធរក្រុងរុនតាឯកតេជោសែន ចូលរួមយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីឱ្យពលរដ្ឋបានយល់ដឹងកាន់តែច្បាស់ពីផលប៉ះពាល់នៃព័ត៌មានក្លែងក្លាយ

#នេត្រភក្ត្រា #នយាយថាទេចំពោះព័ត៌មានក្លែងក្លាយ #ករសងព័ត៌មាន #កមពជា #មន្ទីរព័ត៌មានខេត្តសៀមរាប

16/10/2025

ផ្សាយផ្ទាល់៖ ព័ត៌មានប្រចាំថ្ងៃរបស់ទូរទស្សន៍ជាតិខេត្តសៀមរាប
- ព័ត៌មានក្នុងខេត្ត ព័ត៌មានក្នុងប្រទេស ព័ត៌មានអន្តរជាតិ និងព័ត៌មានកីឡា
ថ្ងៃព្រហស្បហ៍ ទី១៦ ខែតុលា ឆ្នាំ២០២៥
Live: Daily news of Siem Reap National TV
- National news, international news, and sports news
October 16, 2025

16/10/2025

មន្ទីរព័ត៌មានខេត្តសៀមរាប បន្តយុទ្ធនាការនិយាយថាទេចំពោះព័ត៌មានក្លែងក្លាយ នៅស្រុកប្រាសាទបាគង និងក្រុងរុនតាឯកតេជោសែន

នៅថ្ងៃទី១៦ ខែតុលា ឆ្នាំ២០២៥នេះ មន្ទីរព័ត៌មានខេត្តសៀមរាប បានបន្តបើកយុទ្ធនាការប្រឆាំងព័ត៌មានក្លែងក្លាយ ក្នុងគោលបំណងបំផុសគំនិតប្រជាពលរដ្ឋ យល់ដឹងអំពីផលប៉ះពាល់នៃព័ត៌មានក្លែងក្លាយ ស្វែងរកប្រភពព័ត៌មានមិនពិត និងលើកកម្ពស់ការចូលរួមទប់ស្កាត់ព័ត៌មានក្លែងក្លាយតាមគ្រប់រូបភាព។

លោក យឿន ចាន់ អនុប្រធានមន្ទីរព័ត៌មានទទួលបន្ទុករួម បានបញ្ជាក់ថា យុទ្ធនាការនិយាយថាទេចំពោះព័ត៌មានក្លែងក្លាយ គឺមានគោលដៅកាត់បន្ថយព័ត៌មានក្លែងក្លាយ ឱ្យមកនូវកម្រិតអប្បបរមា សំដៅធានាសន្តិសុខព័ត៌មាន គឺការទទួលព័ត៌មានប្រកបដោយគុណភាព សុវត្ថិភាព និងបញ្ជ្រាបជូនអាជ្ញាធរមូលដ្ឋាន ប្រជាពលរដ្ឋ ឱ្យបានដឹងពីផលប៉ះពាល់របស់ព័ត៌មានក្លែងក្លាយ និងចូលរួមប្រយុទ្ធប្រឆាំងព័ត៌មានក្លែងក្លាយ នៅតាមមូលដ្ឋានរបស់ខ្លួន។

លោក យឿន ចាន់ បន្តថា ការធ្វើយុទ្ធនាការនិយាយថាទេចំពោះព័ត៌មានក្លែងក្លាយ Say No to Fake News សំដៅធានាឱ្យបាននូវសុវត្ថិភាពព័ត៌មានសម្រាប់អ្នកប្រើប្រាស់ និងធានាសន្តិសុខព័ត៌មាន ដែលសន្តិសុខព័ត៌មាននេះ គឺក្រសួងព័ត៌មានផ្ដោតជាសំខាន់ចំនួន៣ ទី១.ធានាសិទ្ធិទទួលព័ត៌មានរបស់ប្រជាពលរដ្ឋ ទី២.គុណភាពព័ត៌មាន ផ្ដល់ជូនប្រជាពលរដ្ឋ និង ទី៣.សុវត្ថិភាពព័ត៌មានសម្រាប់ប្រជាជនប្រើប្រាស់ ហើយកិច្ចការងារទាំងនេះ គឺជាការរួមចំណែកដល់ការពង្រឹងសន្តិសុខ និងស្ថិរភាពសង្គម។

លោកក៏បានអំពាវនាវដល់សារធារណជនទូទៅ ចូលរួមទាំងអស់គ្នាលុបបំបាត់ព័ត៌មានក្លែងក្លាយ តាមរយៈការមិនបង្កើតព័ត៌មានក្លែងក្លាយ មិនផ្សព្វផ្សាយព័ត៌មានក្លែងក្លាយ មិនចែករំលែកព័ត៌មានក្លែងក្លាយ ហើយផ្សព្វផ្សាយតែព័ត៌មានពិត ត្រឹមត្រូវ មានប្រភពច្បាស់លាស់។ ពិតណាស់ ព័ត៌មានក្លែងក្លាយនេះបានកំពុងបំផ្លាញសង្គមរបស់យើង បើសិនជាយើងមិនមានវិធានការទាន់ពេលវេលាក្នុងការទប់ស្កាត់ទេ។ ព័ត៌មានក្លែងក្លាយបានបំផ្លាញជំនឿទុកចិត្តរបស់ប្រជាជនចំពោះអាជ្ញាធរ ចំពោះអ្នកពាក់ព័ន្ធ ក្រសួង ស្ថាប័ននានា ក៏ដូចជាធ្វើឱ្យពលរដ្ឋស្ថិតក្នុងភាពមន្ទិលសង្ស័យ និងព្រួយបារម្ភ និងគិតខុស យល់ខុស។

សូមជម្រាបថា យុទ្ធនាការនាពេលនេះដែរ អាជ្ញាធរក្រុងស្រុកទាំង២ បានបង្ហាញការគាំទ្រពេញទំហឹង ព្រោះយុទ្ធនាការមួយនេះ ពិតជាមានសារៈសំខាន់ សម្រាប់ជាការក្រើនរំលឹកដល់ប្រជាពលរដ្ឋ អ្នកប្រើប្រាស់បណ្ដាញទំនាក់ទំនងសង្គម និងប្រព័ន្ធផ្សព្វផ្សាយទំនើប ផ្លាស់ប្ដូរឥរិយាបថក្នុងការប្រើប្រាស់បណ្ដាញទំនាក់ទំនងសង្គម ប្រកបដោយការទទួលខុសត្រូវ និងពិចារណាឱ្យបានម៉ត់ចត់ មុននឹងសម្រេចចិត្តជឿឬចែករំលែកព័ត៌មានណាមួយ៕

អត្ថបទ និងរូបភាព៖ មន្ត្រីមន្ទីរ
កែសម្រួល៖ លោក អ៊ុន ណារាជ្យ
#មន្ទីរព័ត៌មានខេត្តសៀមរាប

16/10/2025

អាជ្ញាធរខេត្តសៀមរាប៖ ការប្រើប្រាស់ដីដោយគ្មានផែនការច្បាស់លាស់ នឹងប្រឈមឱ្យមានផលវិបាកធ្ងន់ធ្ងរ

ថ្លែងក្នុងសិក្ខាសាលាផ្សព្វផ្សាយ ស្ដីពីផែនការរៀបចំដែនដី និងប្លង់គោលប្រើប្រាស់ដី នៅថ្ងៃទី១៦ ខែតុលា ឆ្នាំ២០២៥នេះ លោក លី សារី អភិបាលរងខេត្តសៀមរាប បានលើកឡើងថា ការប្រើប្រាស់ដីធ្លីដោយគ្មានផែនការច្បាស់លាស់ នឹងនាំមកនូវផលវិបាកធ្ងន់ធ្ងរដល់សង្គមជាតិ ដូចជាការមានជម្លោះដីធ្លី ការបាត់បង់តំបន់កសិកម្ម និងការបំផ្លាញបរិស្ថាន។

លោក លី សារី បានគូសបញ្ជាក់ថា សៀវភៅណែនាំទាំងពីរនេះ មិនមែនគ្រាន់តែជាឯកសារផ្លូវការប៉ុណ្ណោះទេ ប៉ុន្តែជាផែនទីបង្ហាញផ្លូវ ដែលគ្រប់អង្គភាពត្រូវតែយកចិត្តទុកដាក់សិក្សា និងស្វែងយល់ពីច្បាប់ អនុសាសន៍ ដើម្បីធានាថា រាល់គម្រោងអភិវឌ្ឍន៍ទាំងអស់សុទ្ធតែស្របតាមទិសដៅរួមរបស់ខេត្ត។ ការអនុវត្តជាក់ស្ដែងប្រកបដោយភាពម្ចាស់ការ ត្រូវតែធានាថា ប្លង់គោលប្រើប្រាស់ដីមិនត្រឹមតែមាននៅលើក្រដាសនោះទេ ប៉ុន្តែត្រូវអនុវត្តយ៉ាងម៉ឺងម៉ាត់ ដោយការបែងចែកតំបន់សម្រាប់លំនៅឋាន កសិកម្ម ឧស្សាហកម្ម និងតំបន់អភិរក្ស ត្រូវតែមានការត្រួតពិនិត្យជាប្រចាំ។

លោកបានឱ្យដឹងថា ចំពោះវិស័យរៀបចំដែនដី និងនគរូបនីយកម្ម ខេត្តសៀមរាប បានរៀបចំយន្តការជាគណៈកម្មាធិការការរៀបចំដែនដី និងនគរូបនីយកម្មថ្នាក់ក្រុង ស្រុក ខេត្ត និងក្រុមការងាររៀបចំផែនការប្រើប្រាស់ឃុំ សង្កាត់ ដើម្បីជួយគាំទ្រដល់ក្រុមប្រឹក្សាឃុំ សង្កាត់ សម្រាប់រៀបចំផែនការប្រើប្រាស់ដីថ្នាក់ឃុំ សង្កាត់។ បច្ចុប្បន្ន ខេត្តសៀមរាបបាននិងកំពុងដំណើរការរៀបចំផែនការប្រើប្រាស់ដីឃុំ សង្កាត់ចំនួន ១២, ផែនការប្រើប្រាស់ដីភូមិក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន ១១៤ភូមិ, ផែនការប្រើប្រាស់ដីក្នុងតំបន់បឹងទន្លេសាបចំនួន ៣៣ឃុំ/សង្កាត់ ព្រមទាំងបានព្រាងនគរូបនីយកម្មបទប្បញ្ញតិ្ត (ប្លង់កម្ពស់)នៃក្រុងសៀមរាប ដែលបានបញ្ជូនទៅក្រសួងរៀបចំដែនដី នគរូបនីយកម្ម និងសំណង់ ដើម្បីស្នើសុំការពិនិត្យ និងសម្រេច។

លោកអភិបាលរងខេត្ត ក៏បានអំពាវនាវដល់រដ្ឋបាលស្រុក/ក្រុង ឃុំ/សង្កាត់ ទាំងអស់ ត្រូវចូលរួមយ៉ាងសកម្មក្នុងការផ្សព្វផ្សាយ និងត្រួតពិនិត្យការអនុវត្តនៅតាមមូលដ្ឋានរៀងៗខ្លួន និងជៀសវាងដាច់ខាតនូវរាល់សកម្មភាពដែលនាំឱ្យប៉ះពាល់ដល់យុត្តិធម៌នៃការប្រើប្រាស់ដីធ្លី ឬការបកស្រាយប្លង់គោលដោយគិតពីប្រយោជន៍ផ្ទាល់ខ្លួន។

ឯកឧត្តម បេងហុង សុជាតិខេមរ៉ូ អគ្គលេខាធិការគណៈកម្មារធិការរៀបចំដែនដី និងនគរូបនីយកម្មថ្នាក់ជាតិ មានប្រសាសន៍ថា សិក្ខាសាលានាពេលនេះ កាន់តែបង្ហាញឱ្យឃើញពីការយកចិត្តទុកដាក់របស់រាជរដ្ឋាភិបាល និងក្រសួងពាក់ព័ន្ធ លើការងាររៀបចំដែនដី និងនគរូបនីយកម្មក្នុងខេត្តសៀមរាប។ សិក្ខាសាលានេះ មានគោលបំណងចង់បង្ហាញជូនជាបឋមនូវសេចក្តីព្រាងសៀវភៅណែនាំស្តីពីការកសាងផែនការរៀបចំដែនដីខេត្ត និងសៀវភៅណែនាំប្លង់គោលប្រើប្រាស់ដី ដែលបានធ្វើបច្ចុប្បន្នភាព ដើម្បីប្រមូលមតិយោបល់ និងធាតុចូលបន្ថែម សម្រាប់កែសម្រួលជាចុងក្រោយ។

ឯកឧត្តម ក៏បានថ្លែងលើកទឹកចិត្តដល់អាជ្ញាធរខេត្ត និងមន្ត្រីពាក់ព័ន្ធឱ្យប្រើប្រាស់សៀវភៅណែនាំទាំងពីរនេះឱ្យបានត្រឹមត្រូវ និងទូលំទូលាយ ជាពិសេសក្នុងការរៀបចំ និងអនុវត្តផែនការជាក់ស្តែង៕

អត្ថបទ និងរូបភាព៖ លោក ទ្រា ពន្លឺ
កែសម្រួល៖ លោក អ៊ុន ណារាជ្យ

16/10/2025

សម្ពោធរូបសំណាក ព្រះរាជគ្រូទិវាករបណ្ឌិត និង លោក ជីវតាក្វាន់ ត្រូវបានដាក់តាំងបង្ហាញនៅអាកាសយានដ្ឋានអន្តរជាតិសៀមរាបអង្គរ

រូបសំណាកដ៏មានអត្ថន័យជាប្រវត្តិសាស្ត្ររបស់ ព្រះរាជគ្រូទិវាករបណ្ឌិត ដែលជាអ្នកផ្ដើមគំនិតក្នុងការសាងសង់ប្រាសាទអង្គរវត្តដ៏អស្ចារ្យ និងរូបសំណាកលោក ជីវ តាក្វាន់ បេសកទូតចិនដ៏ល្បីល្បាញ ត្រូវបានដាក់សម្ពោធតាំងបង្ហាញនៅអាកាសយានដ្ឋានអន្តរជាតិសៀមរាបអង្គរ នាថ្ងៃទី១៦ ខែតុលា ឆ្នាំ២០២៥នេះ ដើម្បីអបអរសាទរខួប ២ឆ្នាំ នៃការបើកដំណើរការជាផ្លូវការនៃអាកាសយានដ្ឋាននេះ និងជាការរំលឹកដល់ទំនាក់ទំនងវប្បធម៌ និងការទូតកម្ពុជា-ចិន អស់រយៈពេលជាង ២ ០០០ឆ្នាំ។

ពិធីសម្ពោធរូបសំណាកទាំងពីរ ត្រូវបានប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។ ហើយចំពោះគំនិតផ្ដួចផ្ដើមក្នុងការដំឡើងរូបសំណាកទាំងពីរនេះ គឺជារបស់រដ្ឋលេខាធិការដ្ឋានអាកាសចរណ៍ស៊ីវិល ដោយមានកិច្ចសហការយ៉ាងជិតស្និទ្ធពីក្រសួងវប្បធម៌ និងវិចិត្រសិល្បៈ និងក្រុមហ៊ុន អង្គរ អ៊ិនធើណេសិនណល អ៊ែរផត អ៊ិនវេសមិន (ខេមបូឌា) ឯ.ក (AIAI)។

យោងតាមសេចក្ដីប្រកាសព័ត៌មានរបស់រដ្ឋលេខាធិការដ្ឋានអាកាសចរណ៍ស៊ីវិលកម្ពុជា (SSCA) បានឱ្យដឹងថា ឯកឧត្តមបណ្ឌិត ម៉ៅ ហាវណ្ណាល់ បានថ្លែងអំណរគុណដ៏ជ្រាលជ្រៅបំផុតចំពោះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានឯកភាពដ៏ខ្ពង់ខ្ពស់ក្នុងការដាក់តាំងរូបសំណាកទាំងពីរនេះ ដែលជាស្នាដៃដ៏ឧត្តុង្គឧត្តម និងជាមរតករបស់ជាតិ។ ការដាក់តាំងរូបសំណាកនេះ ក៏ជាឱកាសអបអរសាទរខួបលើកទី៦៧ នៃការបង្កើតទំនាក់ទំនងការទូតរវាងកម្ពុជា-ចិន ដើម្បីលើកកម្ពស់ពីប្រវត្តិនៃការផ្លាស់ប្ដូរគ្នានូវទំនាក់ទំនងវប្បធម៌ និងការទូតដ៏យូរលង់រវាងប្រទេសទាំងពីរ។ រូបសំណាកទាំងពីរនេះជានិមិត្តរូបនៃស្ពានសាមគ្គីសហប្រតិបត្តិការដ៏សំខាន់មួយ សម្រាប់ការតភ្ជាប់ព្រះរាជាណាចក្រកម្ពុជាទៅកាន់ពិភពលោកកាន់តែទូលំទូលាយ។

គួរឱ្យដឹងថា ព្រះរាជគ្រូទិវាករបណ្ឌិត ជាតួអង្គដ៏សំខាន់មួយនៅក្នុងប្រវត្តិសាស្រ្តនាសម័យអង្គរ មានចំណេះវិជ្ជាខ្ពង់ខ្ពស់ និងបានបម្រើព្រះមហាក្សត្ររហូតដល់ ៥ព្រះអង្គ រួមទាំងក្នុងរាជ្យព្រះបាទសូរ្យវរ្ម័នទី២ ផងដែរ។ នៅដើមសតវត្សទី១២ «ព្រះរាជគ្រូទិវាករបណ្ឌិត» បានផ្ដួចផ្ដើមគំនិតក្នុងការសាងសង់ប្រាសាទអង្គរវត្ត។ ដោយឡែក លោក ជីវ តាក្វាន់ ជាបេសកទូតចិន និងជាឥស្សរជនប្រវត្តិសាស្ត្រ ដែលបានមកទស្សនកិច្ចនៅកម្ពុជានាចុងសម័យអង្គរ (ពីឆ្នាំ១២៩៦-១២៩៧)។ លោកបានចូលរួមចំណែកយ៉ាងសំខាន់ក្នុងការសរសេររៀបរាប់លម្អិតអំពីកំណត់ត្រា «ប្រពៃណីនៃអ្នកស្រុកចេនឡា» ជាឯកសារដ៏សំខាន់ក្នុងការសិក្សាអំពីទំនៀមទម្លាប់ និងប្រវត្តិសាស្ត្ររបស់ប្រទេសកម្ពុជា។

ការកំណត់ចម្លាក់ និងព័ត៌មានលម្អិតអំពី «ព្រះរាជគ្រូទិវាករបណ្ឌិត» ត្រូវបានដកស្រង់ និងសម្រួលចេញពីសៀវភៅ “កវីបណ្ឌិតសម័យអង្គរ៖ ប្រវត្តិ និងស្នាដៃ” ដែលនឹងធ្វើការបោះពុម្ពផ្សាយនាពេលឆាប់ៗខាងមុខ ជាលទ្ធផលនៃការស្រាវជ្រាវរបស់មហាវិទ្យាល័យសង្គមសាស្រ្ត និងមនុស្សសាស្រ្ត នៃសាកលវិទ្យាល័យភូមិន្ទភ្នំពេញ៕

អត្ថបទ និងរូបភាព៖ មន្ត្រីមន្ទីរ
កែសម្រួល៖ លោក អ៊ុន ណារាជ្យ

16/10/2025

អាជ្ញាធរស្រុកប្រាសាទបាគង គាំទ្រចំពោះយុទ្ធនាការប្រឆាំងព័ត៌មានក្លែងក្លាយ របស់មន្ទីរព័ត៌មានខេត្តសៀមរាប ក្នុងគោលបំណងជំរុញ លុបបំបាត់ព័ត៌មានក្លែងក្លាយពីសង្គមជាតិ។

#នេត្រភក្ត្រា #និយាយថាទេចំពោះព័ត៌មានក្លែងក្លាយ #ក្រសួងព័ត៌មាន #កម្ពុជា
#មន្ទីរព័ត៌មានខេត្តសៀមរាប

16/10/2025

ផ្សាយផ្ទាល់ ៖ ព័ត៌មានប្រចាំថ្ងៃរបស់វិទ្យុជាតិខេត្តសៀមរាប រួមមាន ព័ត៌មានក្នុងខេត្ត ក្នុងប្រទេស អន្តរជាតិ និងព័ត៌មានកីឡា
ថ្ងៃព្រហស្បតិ៍ ៩ រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែតុលា ឆ្នាំ២០២៥
Live: Daily news of Siem Reap National Radio - Daily news, international news, and sports news October 16, 2025

មន្ទីរព័ត៌មានខេត្តសៀមរាប

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

Address

Website

Alerts

Shortcuts

Share

ព័ត៌មានខេត្តសៀមរាប

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

16/10/2025

Address

Website

Alerts

Shortcuts

Share

ព័ត៌មាន​ខេត្ត​សៀម​រាប​

ព័ត៌មានខេត្តសៀមរាប