Angkor Vajrayana

一起來分享吳哥窟

09/06/2026

Vishnu Anantasayana
sapta matrikas

@អ្នកគាំទ្រពេញនិយម អនហេង សុភ័ក្ត្រ/Anheng Sokpheak

29/05/2026

វៃទូរ្យនិភ៌ាស៑ត្រៃរតនៈ
១.ភៃសជ្យគុរុវៃទុរ្យប្រភាស៑
២.សូយ៌វៃរោចនៈ
៣.ចន្ទ្រវៃរោចនៈ
ព្រះអង្គទាំងបីមានពុទ្ធក្សេត្រនៅទិសខាងកើតឈ្មោះថាវៃទូរ្យនិភ៌ាស៑។ ព្រះអង្គគឺជាព្រះពុទ្ធនៃឱសថនិងការព្យាបាល។ដែលតាមជួយថែរក្សាព្យាបាលមនុស្សលោកឲ្យរួចពីទុក្ខ និងជំងឺទាំងឡាយទាំងផ្លូវកាយ និងផ្លូវចិត្ត។
#ភៃសជ្យគុរុ #សូយ៌វៃរោចនៈ #ចន្ទ្រវៃរោចនៈ

28/05/2026

សុខាវតីត្រៃរតនៈ
១.ព្រះពុទ្ធអមិតាភៈ
២.ព្រះធិសត្វលោកេស្វរៈ
៣.ព្រះពុទ្ធមាតាប្រាជ្ញាបារមីតា
ព្រះអង្គទាំងបីស្ថិតនៅក្នុងបទ្មកុល(អម្បូរផ្កាឈូក) ដែលតំណាងអោយការសង្គ្រោះមនុស្សលោករួចផុតពីរាគ កិលេសនៃសង្សាវន្ត។
#សុខាវតី #អាមិតាភៈ #លោកេស្វរៈ #ប្រាជ្ញាបារមីតា

28/05/2026

បញ្ចតថាគត ឬបញ្ចធ្យានិពុទ្ធគឺជាព្រះពុទ្ធទាំងប្រាំអង្គដែលតំណាងសច្ចភាព បុគ្គលិកលក្ខណៈ និងបញ្ញាទាំងប្រាំរបស់ព្រះពុទ្ធដែលអាចបន្សុទ្ធកិលេសឲ្យក្លាយជាបញ្ញា។ ព្រះអង្គពុំមានរូបកាយជាមនុស្សព្រះសមណៈគោត្តមឡើយ។ ចម្លាក់ដូនតាខ្មែរពុំបានបញ្ជាក់អំពីមុទ្រខុសគ្នា និងពណ៌ខុសគ្នាដូចក្នុងវប្បធម៌ទីបេ ចិន ជប៉ុនឡើយ។ យើងអាចដឹងបានថាជាបញ្ចតថាគត ឬជាធ្យានិពុទ្ធរយៈចម្លាក់ព្រះពុទ្ធប្រាំអង្គដែលតែងតែឆ្លាក់នៅលើផ្ដែទ្វារប្រាសាទ។
#បញ្ចធ្យានិពុទ្ធ #ធ្យានិពុទ្ធ

28/05/2026

ការបដិបត្តិនៅក្នុងវជ្រយានបែងចែកជាបួនកម្រិតធំៗ
ទី១. កិរិយាតន្ត្រ
ទី២. ចរិយាតន្ត្រ
ទី៣. យោគតន្ត្រ
ទី៤. អនុត្រយោគតន្ត្រ
ដែលចំណុចខ្ពស់បំផុតនៃការបដិបត្តិគឺឈានទៅរកការត្រាស់ដឹងឆាប់រហ័ស។
#វជ្រយាន #តន្ត្រយាន #មន្ត្រយាន #មហាយាន

27/05/2026

ឈុតឆាកដ៏កម្រ និងគួរឱ្យចាប់អារម្មណ៍មួយទៀតដែលស្ថិតនៅក្នុងពន្លាជ្រុងនិរតីនៃប្រាសាទអង្គរវត្ត។ តាមការសិក្សារបស់អ្នកស្រាវជ្រាវបុរាណវិទ្យា ចម្លាក់នេះពណ៌នាអំពី«រឿងតាបស និងនាងអប្សរាទាំងប្រាំដែលត្រូវបណ្ដាសាជាក្រពើ»ដែលជាឈុតមួយដកស្រង់ចេញពីមហាកាបព្យ មហាភារតៈ (Mahabharata) ឬគម្ពីរខាងព្រហ្មញ្ញសាសនា។

ចម្លាក់នេះជារួមនិយាយអំពីការល្បួងសីលរបស់តាបស(អ្នកតាំងសីល) ដោយពួកស្រីសួគ៌ ឬនាងអប្សរា និងលទ្ធផលនៃការដាក់បណ្ដាសា។
+ តួអង្គបុរសននលកាយកាន់អង្កាំគឹជាតាបស ឬព្រាហ្មណ៍ដ៏មានសីលខ្លាំងពូកែម្នាក់ដែលកំពុងធ្វើតបៈ (តាំងសីលយ៉ាងមុតមាំ) នៅក្នុងអាស្រម (អគារដែលមានស៊ុម)។ ការដែលគាត់មិនស្លៀកពាក់ ឬស្លៀកពាក់តិចតួច និងកាន់ខ្សែអង្កាំគឺជានិមិត្តរូបនៃអ្នកបួសដែលលះបង់លោកិយដើម្បីស្វែងរកធម៌ជាន់ខ្ពស់។
+ ពួកស្ត្រីដែលដើរទៅរកគាត់ ពួកគេគឺជានាងអប្សរា(ស្រីសួគ៌)ដែលបានចុះមកពីឋានសួគ៌ ក្នុងគោលបំណងរាំច្រៀង និងប្រើសម្រស់ដើម្បីរំខាន ឬល្បួងបំផ្លាញសីលរបស់តាបសអង្គនោះកុំឱ្យតាំងសីលបានសម្រេច។

ដំណាលរឿងអំពី «ក្រពើ» នៅលើដំបូលអគារ រូបក្រពើដែលដេកស្តូកនៅលើដំបូលអាស្រមនោះគឺជា«គន្លឹះចម្លើយ»នៃសាច់រឿងទាំងមូល។ នៅក្នុងរឿងមហាភារតៈ មានដំណាលថា៖ មាននាងអប្សរាប្រាំរូប(មានឈ្មោះថា វរ្កា, សៅរភេយី, សមីចី, ពុព្វុទា និងលតា) បាននាំគ្នាដេីរលេង និងបានឃើញតាបសមួយអង្គកំពុងតាំងសីលយ៉ាងស្រគត់ស្រគំ។ ពួកគេបានព្យាយាមប្រើកលល្បិចស្រី និងសម្រស់ទៅរំខានធ្វើឱ្យតាបសនោះដាច់សីល។ ដោយសារតែការខឹងសម្បារនឹងការរំខាននេះ តាបសដែលជាម្ចាស់អាស្រមក៏បានប្រមូលឥទ្ធិឫទ្ធិរួចពោលពាក្យបណ្ដាសាទៅកាន់នាងអប្សរាទាំងប្រាំរូបនោះឱ្យក្លាយទៅជា «សត្វក្រពើដ៏កាចសាហាវ» ចុះទៅរស់នៅក្នុងស្រះទឹកពិសិដ្ឋចំនួនប្រាំហើយត្រូវស៊ីមនុស្សជាអាហារអស់រយៈពេល ១០០ ឆ្នាំ។
រូបក្រពើដែលគេឆ្លាក់នៅពីលើអគារនេះ គឺជានិមិត្តរូបតំណាងឱ្យ«បណ្ដាសា»ដែលតាបសបានដាក់ទៅលើពួកនាងអប្សរាទាំងនោះឯង។ ក្រោយមកបណ្ដាសានេះត្រូវបានរំដោះដោយវីរបុរស អរជុន (តួអង្គក្នុងរឿងមហាភារតៈ) ក្នុងកំឡុងពេលដែលទ្រង់ធ្វើដំណើរធម្មយាត្រាទៅកាន់ស្រះទឹកទាំងនោះ។ អរជុនបានចាប់ក្រពើទាំងនោះទាញឡើងមកលើគោកវិញ។ ពេលដែលខ្លួនក្រពើប៉ះនឹងដីគោកភ្លាម បណ្ដាសាក៏ត្រូវរលាយសាបសូន្យ ហើយពួកនាងក៏បានក្រឡាខ្លួនទៅជានាងអប្សរាដ៏ស្រស់ស្អាតវិញ រួចថ្លែងអំណរគុណដល់អរជុន មុននឹងហោះត្រឡប់ទៅឋានសួគ៌វិញ។
ចម្លាក់មួយផ្ទាំងនេះបង្ហាញពីភាពឆ្លាតវៃរបស់អ្នកដំឡើងសាច់រឿងនាសម័យអង្គរ ដែលអាចសង្ខេបសាច់រឿងដ៏វែងឆ្ងាយ មកជារូបចម្លាក់មួយផ្ទាំងដ៏មានន័យ ដោយប្រើរូប «ក្រពើលើដំបូល» ជាអ្នកនិទានរឿង។
#អង្គរវត្ត #មហាភារតៈ

27/05/2026

មហាកាលមានឥទ្ធិពលគ្រប់និន្នាការសាសនា
#មហាកាល

27/05/2026

បញ្ចធ្យានិពុទ្ធ ប្រាសាទបាកាណ

23/05/2026

មុខហេវជ្រទាំង 4 ដែលតម្កល់នៅចំកណ្ដាល ប្រាសាទព្រះស្ទឹងនៅព្រះខ័នកំពង់ស្វាយ ដែលជាទេពការពារនគរត្រូវបានគោរពយ៉ាងពេញលេញរជ្ជកាលព្រះបាទជ័យវរ្ម័នទី 7
#ប្រាសាទព្រះស្ទឹង #ប្រាសាទព្រះខ័នកំពង់ស្វាយ #ប្រាសាទបន្ទាយបាកាន