Khim Sothea ឃីម សុធា

Khim Sothea ឃីម សុធា Join with us: https://t.me/khimsothea

👉 រស់នៅក្នុងសង្គមត្រូវតែយល់ដល់រឿង ៤ យ៉ាង1️⃣ ជួយបាន រឿងខ្លះជួយមិនបាន2️⃣ និយាយបាន រឿងខ្លះនិយាយមិនបាន3️⃣ ការងារធ្វើបាន ប៉ុន...
29/08/2025

👉 រស់នៅក្នុងសង្គមត្រូវតែយល់ដល់រឿង ៤ យ៉ាង
1️⃣ ជួយបាន រឿងខ្លះជួយមិនបាន
2️⃣ និយាយបាន រឿងខ្លះនិយាយមិនបាន
3️⃣ ការងារធ្វើបាន ប៉ុន្តែការងារខ្លះធ្វើមិនបាន
4️⃣ ចូលរួមបាន ប៉ុន្តែការចូលរួមខ្លះជារឿងដែលមិនអាចចូលរួម។

👉 ដែនកំណត់ ៤ យ៉ាង
1️⃣ ផ្លូវច្បាប់ជាដែនកំណត់
2️⃣ ឋានតួនាទីជាដែនកំណត់
3️⃣ របៀបដោះស្រាយជាដែនកំណត់
4️⃣ ស្ថានភាពជាក់ស្ដែងជាដែនកំណត់ ។
យល់ការ ទើបមិនខូចការ
មើលគ្រប់ជ្រុង ទើបមិនបែកការ
ការពិតខ្វះវិធីសាស្រ្តមានតែបញ្ហា ។

✍️ភរិយា៧យ៉ាងគឺ👇1️⃣🔺 ភរិយាជាឃាតករ មានន័យថា ជាភរិយាដែលស្រឡាញ់ស្វាមីរបស់ខ្លួនតែពីគ្រាដំបូងប៉ុណ្ណោះ លុះដល់យូរទៅហើយក៏កើតគំនិត...
29/08/2025

✍️ភរិយា៧យ៉ាងគឺ👇
1️⃣🔺 ភរិយាជាឃាតករ មានន័យថា ជាភរិយាដែលស្រឡាញ់ស្វាមីរបស់ខ្លួនតែពីគ្រាដំបូងប៉ុណ្ណោះ លុះដល់យូរទៅហើយក៏កើតគំនិតក្បត់ចិត្តប្តី ទៅលួចស្រឡាញ់ប្រុសដទៃ។
2️⃣🔺 ភរិយាចិត្តជាចោរ មានន័យថា ជាភរិយាដែលចូលចិត្តលាក់លៀមទ្រព្យសម្បត្តិរបស់ប្តីដែលខិតខំរកបានមក ទៅលបលួចសុីចាយតែម្នាក់ឯង។
3️⃣🔺 ភរិយាជាចៅហ្វាយ មានន័យថា ជាភរិយាដែលមានចិត្តកាចឃោរឃៅ ហ៊ានជេរប្រមាថមើលងាយប្តីជាគម្តែងក្រឡា។
4️⃣🔺 ភរិយាជាមាតា មានន័យថា ជាស្ត្រីដែលចេះមើលការខុសត្រូវចំពោះស្វាមី ស្រឡាញ់ស្វាមី ដូចជាម្តាយមើលថែរក្សាកូន។
5️⃣🔺 ភរិយាជាបង មានន័យថា ជាភរិយាដែលស្រឡាញ់ស្វាមីទំនុកបម្រុងស្វាមីរបស់ខ្លួនដូចជាបងស្រឡាញ់បីបាច់ថែរក្សាប្អូន។
6️⃣🔺 ភរិយាជាមិត្ត មានន័យថា ជាភរិយាដែលចេះយកអាសារប្តីដូចជាមិត្តភក្តិរបស់ខ្លួន។
7️⃣🔺 ភរិយាជាទាសី បើឮពាក្យថាទាសីហាក់ដូចពុំសូវពិរោះស្តាប់សោះឡើយក្នុងសម័យបច្ចុប្បន្នយើងនេះ ព្រោះគេថា ស្រ្តីជាខ្ញុំបម្រើប្តី។ ប៉ុន្តែតាមក្បួនតម្រាដែលចងក្រងទុកមកនោះ ភរិយាជាទាសី មានន័យថា ជាប្រភេទភរិយាដែលចេះគោរពកោតខ្លាចប្តី បម្រើប្តីដោយស្មោះត្រង់ មានភក្តីភាពនឹងស្វាមីរបស់ខ្លួន ដូចជាទាសីដែលបម្រើចៅហ្វាយនាយ របស់ខ្លួនដោយស្មោះដូច្នោះដែរ។
( ដកស្រង់ចេញពី គ្រឹះទស្សនវិជ្ជាខ្មែរ )

👉វិធីសាស្រ្តដេញបុគ្គលិកចោល ដែលមេៗ មួយចំនួនប្រើ៖នៅក្នុងការដឹកនាំ អ្នកខ្លះមិនដែល ឲ្យបុគ្គលិកឈប់ត្រង់ៗទេ ព្រោះមិនចង់ឲ្យមានប...
28/08/2025

👉វិធីសាស្រ្តដេញបុគ្គលិកចោល ដែលមេៗ មួយចំនួនប្រើ៖

នៅក្នុងការដឹកនាំ អ្នកខ្លះមិនដែល ឲ្យបុគ្គលិកឈប់ត្រង់ៗទេ ព្រោះមិនចង់ឲ្យមានបញ្ហា ប៉ះពាល់ដល់បុគ្គលិកផ្សេងៗ គិតមកលើខ្លួន ។

ហេតុអ្វីគេចង់បញ្ឈប់បុគ្គលិក នៅពេលដែលបុគ្គលិកមានសមត្ថភាព ? ព្រោះបើបុគ្គលិកគ្មានសមត្ថភាព ឬបង្កើតបញ្ហា គេ បញ្ឈប់ជារឿងធម្មតា ។ តែមេៗខ្លះអត់ទេ ៖ បើបុគ្គលិកនោះ និយាយប៉ះពាល់គាត់ ទោះបានប្រយោជន៍រួមក៏គាត់បញ្ឈប់ដែរ ។

👇ខាងក្រោមនេះគឺជាវិធីបញ្ឈប់បុគ្គលិក តាមរយៈស្ងាត់ៗ ល្អមើល តែសាហាវ ៖

1️⃣. មិនឡើងប្រាក់ខែឲ្យសោះ ក្នុងរយៈពេលយូរ លើសពី 2 ឆ្នាំ បុគ្គលិកពិបាករស់ នឹងឈប់ខ្លួនឯង ។ ភាគច្រើនកើតមាននៅក្នុង ក្រុមហ៊ុនតូចៗ ឬFamily Biz ។

2️⃣. កាត់ ឬ បន្ថយប្រាក់ខែ ឬប្រាក់បន្ថែមណាមួយ ដោយយកហេតុផលផ្សេងៗ ក្បួននេះ ធ្វើតែបន្តិច បុគ្គលិកនឹងឈប់ភ្លាមៗ

3️⃣. ដាក់ Target ដែលមិនអាចសម្រេចបាន ឬ គ្មានអ្នកខ្លាំងណា ក្នុងស្ថាប័នអាចធ្វើបាន ។ ឧ.បើអ្នកកំពូលលក់ លក់បាន $10,000 ក្នុង មួយខែ គេនឹងដាក់ឲ្យយើងលក់ឲ្យបាន $30,000 នៅក្នុងមួយខែ
។ យើងគ្រាន់តែឃើញយើងដឹងចេតនា ។

4️⃣. ដាក់ការងារ ឲ្យធ្វើ បើតាមស្តង់ដារត្រូវការបុគ្គលិក 5នាក់ តែ ឲ្យយើងធ្វើម្នាក់ឯង ឬ2នាក់ ដែលមិនគ្រប់គ្រាន់ យើងធ្វើមិនទៅមុខ នឹងឈប់ឯង ។

5️⃣. នៅពេលដាក់ការងារហើយ មិនជួយនោះទេ គឺប្រើភាសា បើខ្ញុំជួយ ខ្ញុំជួលអ្នកឯងមកធ្វើអ្វី ? ចំណុចនេះខុស ក្បួន Leadership ឆ្ងាយណាស់ ។

6️⃣. រកវិធីបំបាក់ទឹកចិត្តអ្នកគ្រប់ផ្លូវ ព្រោះមនុស្សបាក់ទឹកចិត្ត មិនចង់ ធ្វើការតទៀតទេ ។

នៅមានវិធីជាច្រើនទៀតដែលគេប្រើ តែមេម្នាក់ៗមិនដូចគ្នាទេ មេល្អៗក៏មានដែរ ។ នៅពេលដែលយើងជាបុគ្គលិកគេ ត្រូវឆ្លាតវៃ ប្រឹងឲ្យមានជំនាញជាងមុន ខ្លាំងជាងមុន 3 ឆ្នាំម្តងផ្លាស់ប្តូរកន្លែងការងារ តែបើប៉ះមេល្អ នៅធ្វើការមួយជីវិតក៏មិនអីដែរ ។ បើប៉ះមេមិនល្អ កុំនៅយូរពេក អាចកើតជំងឺបេះដូង ជំងឺក្រពះ ។ យើងជាបុគ្គលិកក៏ត្រូវ ធ្វើជាមនុស្សល្អដែរ តាមរយៈការប្រឹងប្រែងធ្វើការ ឲ្យមានលទ្ធផលល្អ។

Campill Education

#ចំណេះដឹងសង្គម #ចំណេះដឹង #ចំណេះដឹងថ្មីៗ #បំណិនជីវិត

#ចំណេះដឹងទូទៅ

👉ធ្វើបែបណាបង្កើនទំនុកចិត្តក្នុងពេលនិយាយ?1️⃣- សើច៖ រៀនសើចឱ្យអស់ សើចឱ្យសម សើចដោយគ្មានការខ្មាសអៀន2️⃣- ហ្វឹកហាត់៖ ហាត់និយាយម...
27/08/2025

👉ធ្វើបែបណាបង្កើនទំនុកចិត្តក្នុងពេលនិយាយ?
1️⃣- សើច៖ រៀនសើចឱ្យអស់ សើចឱ្យសម សើចដោយគ្មានការខ្មាសអៀន
2️⃣- ហ្វឹកហាត់៖ ហាត់និយាយមុខកញ្ចក់ រួចថតជាវីដេអូ ប្រើពេលមួយនាទី ដើម្បីនិយាយរឿងមួយឱ្យច្បាស់
3️⃣- ព័ត៌មាន៖ ត្រូវតែមានព័ត៌មានក្នុងខ្លួនសិន អានសៀវភៅ ឬ អត្ថបទឱ្យបានច្រើនស្រាវជ្រាវពីប្រធានបទដែលខ្លួនចង់និយាយ
4️⃣- សាកល្បង៖ ចាប់ផ្តើមសាកល្បងបង្ហាញមតិផ្ទាល់ខ្លួននៅពេលជួបជុំមិត្តភក្តិ និងត្រៀមខ្លួននិយាយជាសាធារណៈ
ប្រភពៈ បណ្ដាញសង្គម

មែនទែន
27/08/2025

មែនទែន

ជូនពរជោគជ័យ
27/08/2025

ជូនពរជោគជ័យ

ម្ចាស់ស្រុកជោគជ័យ៖ ការប៉ះទង្គិច និងភាពអយុត្តិធម៌ជម្លោះដីធ្លីដ៏រសើបនៅតំបន់ព្រំដែនថៃ-កម្ពុជា រវាង និងអតីតជំរំ (ដែលក្រោយមក...
27/08/2025

ម្ចាស់ស្រុកជោគជ័យ៖ ការប៉ះទង្គិច និងភាពអយុត្តិធម៌

ជម្លោះដីធ្លីដ៏រសើបនៅតំបន់ព្រំដែនថៃ-កម្ពុជា រវាង និងអតីតជំរំ (ដែលក្រោយមកគេនាំគ្នាហៅថាជាជំរុំណងចាន់ ) គឺជាបញ្ហាប្រវត្តិសាស្ត្រដែលនៅបន្តរហូតដល់បច្ចុប្បន្ន។ ជម្លោះនេះបានចាក់ឫសយ៉ាងជ្រៅតាំងពីសម័យសង្គ្រាមស៊ីវិលកម្ពុជា ហើយនិងបង្កឡើងដោយភាពមិនច្បាស់លាស់នៃខ្សែព្រំដែន ដែលគូសដោយសន្ធិសញ្ញាបារាំងឆ្នាំ១៩០៧។

I- ប្រវត្តិ និងទីតាំង

ក- ជំរំជនភៀសខ្លួន511៖ ក្នុងទសវត្សរ៍ឆ្នាំ១៩៨០ ទីតាំងនេះស្ថិតនៅក្នុងទឹកដី ប្រទេសខ្មែរ ជាប់នឹងខេត្តស្រះកែវដែលក្បែរតំបន់មួយឈ្មោះ ឬអាចភាសារខ្មែរថា ។ ក្រោមហេតុផលមនុស្សធម៌ អង្គការ UNHCR និង អង្គការមនុស្សធម៌អន្តរជាតិមួយចំនួនបានស្នើទៅកាន់រដ្ឋាបាលថៃដើម្បីបើកច្រកជំនួយសម្រាប់ជនភៀសខ្លួនខ្មែររាប់ម៉ឺននាក់ដែលភៀសខ្លួនពីសង្គ្រាម។ ឆ្លៀតក្នុងឱកាសដ៏ល្អ ជំរំនេះត្រូវបានយកមកគ្រប់គ្រងដោយអាជ្ញាធរ និងឈ្មួញថៃ ហើយផ្តល់មូលដ្ឋានយុទ្ធសាស្ត្រដល់ក្រុមចលនាតស៊ូខ្មែរ (ដូចជា រណសិរ្សរំដោះជាតិប្រជាជនខ្មែរ - KPNLF-ដែលមាន លោក សឺន សាន ជាប្រធានរណសិរ្ស និងឧត្តមសេនីយ ដៀន ដែល ជាអគ្គសេនាធិការ) ផងដែរ។

ជំរំនេះត្រូវបានបិទនៅឆ្នាំ១៩៨៤ បន្ទាប់ពីមានការវាយប្រហារយ៉ាងខ្លាំងក្លាពីកងទ័ពប្រជាមានិតកម្ពុជា និងកងទ័ពសម្ព័ន្ធមិត្តរបស់ខ្លួន ក្រោមហេតុផលអធិបតេយ្យភាពនិងសន្តិសុខជាតិខ្មែរ។

ខ- ភូមិជោគជ័យ៖ គឺជាភូមិរបស់កម្ពុជា ដែលស្ថិតនៅទល់មុខនឹងភូមិណងចាន់របស់ថៃ។ ប្រជាពលរដ្ឋនៅទីនោះបានរស់នៅ និងអាស្រ័យផលតាំងពីដូនតាមកហើយ នៅតាមតំបន់ដែលមិនទាន់បានឯកភាពលើបង្គោលព្រំដែនសេសសល់។

II- មូលហេតុនៃជម្លោះ
1. ព្រំដែនមិនច្បាស់លាស់៖ បញ្ហាចម្បងគឺភាពមិនច្បាស់លាស់នៃព្រំដែនរវាង បង្គោលព្រំដែនលេខ ៤៦ និង ៤៧ ដែលបណ្តាលមកពីការកំណត់ព្រំដែនតាំងពីសម័យអាណានិគមបារាំង។ កម្ពុជា​និង​ថៃ​បាន​ឯកភាព​គ្នា​លើ​បង្គោល​ព្រំដែន​ចំនួន ៤២ ក្នុង​ចំណោម​បង្គោល​ព្រំដែន​សរុប​ចំនួន ៧៤ ដែល​បាន​បោះ​ក្នុង​សម័យ​អាណានិគម​បារាំង​ពី​ឆ្នាំ ១៩១៩ ដល់ឆ្នាំ ១៩២០។

ផែនទីនិងសន្ធិសញ្ញាដែលបានចុះហត្ថលេខានៅឆ្នាំ១៩០៧ បានបន្សល់ទុកនូវតំបន់ព្រំដែនមួយចំនួនដែលមិនបានកំណត់ច្បាស់លាស់ ធ្វើឲ្យមានការអះអាងយកដីរៀងៗខ្លួនរហូតមកដល់បច្ចុប្បន្ន។

2. ការរំលោភបំពាន៖ ភាពតានតឹងបានផ្ទុះឡើងនាថ្ងៃទី25/08/2025 នៅពេលដែលទាហានថៃព្យាយាមរាយរបងលួសបន្លា និងសន្យាចេញប័ណ្ណកម្មសិទ្ធិដីធ្លីនៅតំបន់ដែលប្រជាជនកម្ពុជាអាស្រ័យផលតាំងពីដូនតាមក។ ភាគីកម្ពុជាចាត់ទុកសកម្មភាពនេះថាជាការរំលោភបំពានលើអធិបតេយ្យភាពរបស់ខ្លួន។

3. វត្តមានរបស់ម្ចាស់ស្រុក៖ ថៃបានអះអាងថា ប្រជាជនខ្មែរដែលរស់នៅទីនោះ គឺជាអតីតជនភៀសខ្លួនដែលបានបន្តស្នាក់នៅដោយខុសច្បាប់ក្រោយពេលជំរំត្រូវបានបិទ។

III- ដំណោះស្រាយ និងទស្សនៈ
A. ដំណោះស្រាយ៖ ភាគីទាំងពីរនៅតែព្យាយាមបន្តប្រើប្រាស់យន្តការទ្វេភាគី ដូចជា គណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) ដើម្បីចរចារកដំណោះស្រាយប្រកបដោយសន្តិវិធី និងជៀសវាងការប៉ះទង្គិចគ្នាដោយអាវុធ។

B. ទស្សនៈរបស់ភាគីពាក់ព័ន្ធ៖
a. កម្ពុជា៖ អះអាងថាដីនោះជាកម្មសិទ្ធិរបស់ខ្លួនផ្អែកលើប្រវត្តិសាស្ត្រ ការប្រើប្រាស់ដីធ្លីដោយប្រជាជន ព្រមទាំង សន្ធិសញ្ញា និងអនុសញ្ញា ដែលបានចុះហត្ថលេខារវាងបារាំង-សៀមពីអតីតកាល។ គោលការណ៍ចម្បងដែលកម្ពុជាប្រកាន់ខ្ជាប់គឺ គោលការណ៍ខ្សែព្រំដែនមិនកែប្រែ (Uti Possidetis) ដែលផ្អែកលើបណ្ដាផែនទីជាលទ្ធផលនៃកិច្ចការរបស់គណៈកម្មការកំណត់ព្រំដែនឥណ្ឌូចិន-សៀម ដែលបង្កើតឡើងតាមអនុសញ្ញាឆ្នាំ១៩០៤ និងសន្ធិសញ្ញាឆ្នាំ១៩០៧។ វាក៏ផ្អែកលើគោលការណ៍ច្បាប់ និងឧត្តមានុវត្តន៍អន្តរជាតិលើវិស័យកំណត់ព្រំដែនផងដែរ។

b. ថៃ៖ អះអាងថាដីនោះជាទឹកដីរបស់ខ្លួនផ្អែកលើផែនទី និងឯកសាររដ្ឋបាល ដែលគូសដោយឯកតោភាគី។ ភាគីថៃចង់បានយន្តការទ្វេភាគីដើម្បីដោះស្រាយបញ្ហា ដោយមិនចង់ឃើញភាគីទីបី ឬអន្តរជាតិពាក់ព័ន្ធ។

c. អង្គការ UNHCR៖ ដោយសារតែនីតិវិធីឯកសារ និងច្រកជំនួយតាមរយៈថៃ UNHCR បានហៅក្នុងឯកសាររបស់ខ្លួនថា ជាជំរំជនភៀសខ្លួនណងចាន់សម្រាប់បេសកកម្មមនុស្សធម៌នាពេលនោះ(1979-1984)។ បេសកកម្មរបស់ពួកគេគឺផ្តល់ការការពារនិងជំនួយដល់ជនភៀសសឹកតែប៉ុណ្ណោះ ហើយពួកគេមិនមានយោបល់លើជម្លោះរវាងទាហានថៃនិងម្ចាស់ស្រុកនៅភូមិជោគជ័យឡើយ។

d. បារាំង៖ ជាអ្នកបង្កើតបញ្ហាព្រំដែននេះក្នុងសម័យអាណានិគម ហើយបច្ចុប្បន្នដើរតួជាអ្នកសម្របសម្រួលដោយអព្យាក្រឹត ប្រសិនបើភាគីថៃ-កម្ពុជាស្នើសុំ។

អត្ថបទ៖ បណ្ឌិត Gnel Rattha
រូបភាព៖ កោះសន្តិភាព
#ខ្លួនមួយជំនាញមួយដើម្បីបូរណភាពជាតិ #សន្តិភាពនៅកម្ពុជា #សន្តិភាព

✨ ស្មារតីល្អ ជាគន្លឹះនៃជីវិតល្អប្រសើរ ចង់ឲ្យចងចាំបានល្អ ឆ្លាតវៃ និងសកម្មជានិច្ចគ្រាន់តែអនុវត្តតាម ៥ចំណុចសាមញ្ញៗនេះ៖✅ អនុ...
26/08/2025

✨ ស្មារតីល្អ ជាគន្លឹះនៃជីវិតល្អប្រសើរ
ចង់ឲ្យចងចាំបានល្អ ឆ្លាតវៃ និងសកម្មជានិច្ច
គ្រាន់តែអនុវត្តតាម ៥ចំណុចសាមញ្ញៗនេះ៖

✅ អនុវត្តការចងចាំ
✅ គេងឲ្យគ្រប់គ្រាន់
✅ បរិភោគអាហារដែលមានប្រយោជន៍
✅ កាត់បន្ថយស្រេ្តស
✅ ហាត់ប្រាណទៀងទាត់

👉 ចាប់ផ្តើមពីថ្ងៃនេះ ស្មារតីរឹងមាំ សុខភាពកាន់តែល្អប្រសើរ ❤️
__________________________________

👉🏻ខ្ញុំមានទម្លាប់ ២គឺ…1️⃣- បើដឹងថាគេមិនចូលចិត្ត ខ្ញុំក៏មិនយកខ្លួនទៅបៀតឡើយ2️⃣- ហើយខ្ញុំក៏មិនចេះសម្ដែង ដើម្បីអោយគេមកចូលចិត...
26/08/2025

👉🏻ខ្ញុំមានទម្លាប់ ២គឺ…

1️⃣- បើដឹងថាគេមិនចូលចិត្ត ខ្ញុំក៏មិនយកខ្លួនទៅបៀតឡើយ
2️⃣- ហើយខ្ញុំក៏មិនចេះសម្ដែង ដើម្បីអោយគេមកចូលចិត្តខ្ញុំដែរ

ម្តាយពោះធំការពារផ្ទះម្តាយខ្មែរម្នាក់ ពោះធំ កាន់ដំបងឈរមុខបន្លាលួសដែលទ័ពថៃឈ្លានពានហ៊ុំព័ទ្ធយកផ្ទះគាត់​។ ​ ដោយក្តីមោះមុតនិង...
26/08/2025

ម្តាយពោះធំការពារផ្ទះ

ម្តាយខ្មែរម្នាក់ ពោះធំ កាន់ដំបងឈរមុខបន្លាលួសដែលទ័ពថៃឈ្លានពានហ៊ុំព័ទ្ធយកផ្ទះគាត់​។ ​ ដោយក្តីមោះមុតនិងក្លាហាន​ ទាំងកម្លាំងចិត្ត និងភាពស្មោះត្រង់បង្ហាញថា ម្តាយអាចធ្វើអ្វីៗដែលត្រឹមត្រូវដើម្បីការពារផ្ទះ​សម្រាប់កូន។

🇺🇸 A mother pregnancy protects her home

A Cambodian mother with pregnancy holds a stick and stands in front of the barbed wire that the Thai army has surrounded her house. With determination and courage, both strength and loyalty, she shows that a mother can do whatever is right to protect her home for her children.

🇫🇷 Une mère enceinte défend son foyer

Une mère cambodgienne enceinte, un bâton à la main, se tient devant la clôture de barbelés qui entoure sa maison. Avec détermination et courage, force et loyauté, elle démontre que les mères peuvent faire tout ce qui est juste pour protéger leur foyer et celui de leurs enfants.

👉ទម្លាប់ធ្វើរឿង 3 យ៉ាងនេះ ពីមួយថ្ងៃទៅមួយថ្ងៃ កាន់តែរីកចម្រើន 1️⃣- អភិវឌ្ឍន៍ខ្លួនរាល់ថ្ងៃ 📚រៀនគ្រប់យ៉ាង គ្រប់ទីកន្លែង ពីម...
25/08/2025

👉ទម្លាប់ធ្វើរឿង 3 យ៉ាងនេះ ពីមួយថ្ងៃទៅមួយថ្ងៃ កាន់តែរីកចម្រើន

1️⃣- អភិវឌ្ឍន៍ខ្លួនរាល់ថ្ងៃ 📚
រៀនគ្រប់យ៉ាង គ្រប់ទីកន្លែង ពីមនុស្សគ្រប់គ្នា រៀនពី Facebook, រៀនពី Tik Tok, រៀនសរសេរអត្ថបទ, រៀនថតវីដេអូ, រៀនគ្រប់គ្រងបណ្តាញសង្គម, រៀនជំនាញថ្មីៗជានិច្ច

2️⃣- រៀនធ្វើទំនាក់ទំនង 🤝
រៀនសន្ទនា រៀននិយាយជាសាធារណៈ រៀនបង្ហាញពីគំនិតខ្លួនឯង រៀននិយាយពាក្យផ្លូវការ រៀននិយាយឱ្យគេចូលចិត្ត

3️⃣- រៀនធ្វើចិត្តឱ្យសប្បាយ 😃
មិនខ្វះទេរឿងដែលធ្វើឱ្យយើងមិនសប្បាយចិត្ត តែទោះរឿងកើតឡើងបែបណាក៏ដោយ ត្រូវរៀនគិតវិជ្ជមាន ធ្វើចិត្តឱ្យសប្បាយជានិច្ច។

Address

6A
Siem Reap
17000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+85570938808

Website

Alerts

Be the first to know and let us send you an email when Khim Sothea ឃីម សុធា posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khim Sothea ឃីម សុធា:

Shortcuts

Share

Category

Khim Sothea ឃីម សុធា

Welcome to Khim Sothea Page