13/07/2022
រឿងខ្លះពីជីវិតក្រោយចប់មហាវិទ្យាល័យ៖
១ មានមិត្តភក្តិច្រើនគឺជារឿងល្អ តែបើមានមិត្តភក្តិដែលមិនល្អ មិនមាន ឬមានតិចប្រសើរជាង។
២ ការងារដែលចង់ធ្វើ បែរជាមិនបានធ្វើ ការងារដែលធ្លាប់ប្រាថ្នា បែរជាមិនទទួលបាន។
៣ ធ្វើការខុសជំនាញ រៀនអាយធី បែរជាធ្វើគ្រូបង្រៀនអង់គ្លេស។
៤ ប្រាក់ខែដែលធ្លាប់គិតថា ពេលចប់សាកលវិទ្យាល័យ គឺមិនដូចពេលដាក់ពាក្យចូលធ្វើការនោះទេ។ ខ្មាសខ្លួនឯង រៀនចប់ មានការងារធ្វើ នៅសុំលុយអ្នកផ្ទះពេលខ្លះ។
៥ នៅរៀនគិតថា ហត់ណាស់កិច្ចការសាលាច្រើនពេក តែពេលចូលធ្វើការខុសគ្នាស្រឡះ មិនត្រឹមតែហត់ទេ គឺមកជាមួយនឹងភាពតានតឹង សម្ពាធ និងបញ្ហាកើតឡើងជាហូរហែ។
៦ សង្គមខាងក្រៅដែលយើងរស់នៅ ខុសគ្នាឆ្ងាយណាស់ពីអ្វីដែលយើងបានរៀនសូត្រពីសាលា។
៧ សង្សារដែលសន្យាថា ពេលរៀនចប់រៀបការនឹងគ្នា ឥឡូវគេមានកូនហើយ ចំណែកយើងនៅចាំសន្យាតែម្នាក់ឯង។
៨ ឃើញស្លៀកពាក់ស្អាតបាត ទឹនុយហំហាន ខោអាវទំនងៗ តែការពិតលុយក្នុងកុង ចាយមិនគ្រាន់សម្រាប់មួយខែផង។
៩ រូបមន្តដោះស្រាយលំហាត់នៅក្នុងសាលា កម្រដោះស្រាយចំណោទជីវិតដែលយើងបានជួបបានណាស់។
១០ គិតដល់អនាគតពេលណា ជីវិតដូចកាលគ្រូដាក់លំហាត់ ហើយសល់មួយនាទីទៀត ផុតកំណត់ផ្ញើឱ្យគ្រូចឹង។ (មានភាគបន្ត)
ស្នេហា & គ្រួសារ
