04/07/2025
#កុំមើលងាយស្បែកជើងផ្ទាត់ ព្រោះថាអាចដោះគប់កណ្តាលមាត់បានលឿនបំផុត...
សុភាសិតខ្មែរ «ធ្វើស្រែនឹងទឹក ធ្វើសឹកនឹងបាយ»!កោតសរសើរវីរភាពកងទ័ពកម្ពុជាការពារព្រំដែន ជាពិសេសវីរបុរសជើងចាស់តែម្តង🥰🥰
===
ខ្ញុំសូមលើកជាសំណេរខ្លីមួយ...
មិនថាធ្វើកិច្ចការអ្វីមួយទោះតូចឬធំយ៉ាងណាក្តី គឺត្រូវមានបទពិសោធន៍ ទោះបីក្នុងជីវិតរស់នៅប្រចាំថ្ងៃ ការរកស៊ី នយោបាយ ឬក្នុងសមរភូមិនោះទេ ចាំបាច់ណាស់ ក្បួនយុទ្ធសាស្រ្ត និងបទពិសោធន៍។
ដូចនេះហើយ បានជាមតិជាច្រើនលើកឡើងថា កុំមើលមនុស្ស ជាសំបកក្រៅ ព្រោះអ្វីដែលបានឃើញពីខាងក្រៅ គ្រាន់តែជាការស្មានប៉ុណ្ណោះ។
ក្នងសមរភូមិពិត មិនមែនយកសាច់ស្អាត ត្រលុកត្រលន់ ទៅប្រយុទ្ធនោះទេ គឺត្រូវការ ក្បួន យុទ្ធសាស្រ្ត សភាវុធ បទពិសោធន៍ និងកាយសម្បទារឹងមាំ បូកផ្សំជាពាក្យ ជីវិតជនជាតិ ធាតុជូនម្តាយ គឺត្រូវរួបរួមជាធ្លុងមួយ សាមគ្គីភាព...ជាដើម។
ex: ជនខ្លះពូកែវោហាសព្ទណាស់ បង្ហាញពីភាពអង់អាចក្លាហានណាស់ រាងកាយរឹងមាំណាស់(តែចិត្តកំសាកញី), ប៉ុន្តែគ្មានបទពិសោធន៍ ដល់ពេលអនុវត្តជាក់ស្តែងសូន្យ ស្រួលមិនស្រួល ទ្រហោយំពាក់កណ្តាលទីទៀត ក៏ថាបាន។
មួយទៀតក្នុងរឿងសាមកុក និងផ្សេងៗជាច្រើនទៀត បានបង្រៀនច្រើនណាស់ ជាពិសេសប្រវត្តិសាស្រ្តដ៏សែនជូរជត់របស់កម្ពុជាឆ្លងកាត់កន្លងមកជាមេរៀនពិត ជួបពិត ដែលត្រូវចងចាំ ក្នុងដួងព្រលឹងជាតិ និងប្រជាជាតិគ្រប់ជំនាន់។
សូមគោរពបងៗកងកម្លាំងទាំងអស់ទទួលទុកក្នុងចិត្តថា ពួកខ្ញុំជាប្រជាពលរដ្ឋខ្មែរ គាំទ្របងៗពេញទំហឹង ទោះក្នុងស្ថានភាព ឬកាល:ទេស:បែបណាក៏ដោយ ចាំផ្ដល់កម្លាំងចិត្តពីសមរភូមិក្រោយ។
ខ្ញុំបាទ អ៊ឹម ភ័ស សូមជូនពរកងកម្លាំងទាំងអស់ សុខភាពល្អ ជោគជ័យគ្រប់ភារកិច្ចការងារ ឈ្នះអស់មារសត្រូវ 🙏
សរុបមកវិញ សូមកោតសរសើរនូវភាពអត់ធ្មត់ ការស៊ូព្យាយាម លះបង់កម្លាំងកាយចិត្ត ដើម្បីបូរណភាពទឹកដី និងសន្តិភាព៕
