04/06/2025
សូមគោរពជូនអ៊ុំពូមីង បងប្អូន លោកតា លោកយាយ ជាទីស្រឡាញ់!
ថ្ងៃទី ១០ ខែ ឧសភា ឆ្នាំ២០២៥ គឺជាថ្ងៃដ៏មានន័យបំផុតសម្រាប់រូបយើងខ្ញុំ។ យើងខ្ញុំទាំងពីរនាក់ សូមថ្លែងអំណរគុណយ៉ាងជ្រាលជ្រៅបំផុត ចំពោះវត្តមានដ៏ខ្ពង់ខ្ពស់របស់អ៊ុំពូមីង បងប្អូន លោកតា លោកយាយទាំងអស់គ្នា ដែលបានចំណាយពេលវេលាដ៏មានតម្លៃ ចូលរួមអបអរសាទរ ក្នុងថ្ងៃអាពាហ៍ពិពាហ៍របស់យើងខ្ញុំ។
វត្តមានរបស់អ៊ុំពូមីងទាំងអស់គ្នា បានធ្វើឲ្យពិធីមង្គលការរបស់យើងខ្ញុំ កាន់តែមានភាពអធិកអធម អនុស្សាវរីយ៍ និងពោរពេញទៅដោយភាពកក់ក្ដៅ។ រាល់ពាក្យជូនពរ សព្ទសាធុការពរ ស្នាមញញឹម និងកាយវិការយកចិត្តទុកដាក់របស់អ៊ុំពូមីង គឺជាកម្លាំងចិត្តដ៏ធំធេងសម្រាប់ជីវិតគូស្វាមីភរិយាថ្មីថ្មោងរបស់យើងខ្ញុំ។
យើងខ្ញុំសូមបួងសួងដល់វត្ថុស័ក្តិសិទ្ធិក្នុងលោក សូមតាមថែរក្សាអ៊ុំពូមីង បងប្អូន លោកតា លោកយាយទាំងអស់គ្នា ជួបតែសេចក្ដីសុខ សុភមង្គល សុខភាពល្អបរិបូរណ៍ កម្លាំងពលំមាំមួន ប្រាជ្ញាវាងវៃ និងសម្រេចបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ជាចុងបញ្ចប់ យើងខ្ញុំសូមអភ័យទោសចំពោះកំហុសឆ្គង ឬការខ្វះខាតត្រង់ចំណុចណាមួយ ដែលបានកើតឡើងដោយអចេតនា ក្នុងកំលុងពេលរៀបចំពិធី។
សូមអរគុណ!
ដោយក្ដីគោរព និងស្រឡាញ់រាប់អានពីគូស្វាមីភរិយាថ្មី!
