14/10/2021
ដោយសេចក្តីគោរពរាប់អានជាទីបំផុត
-----------🙏🙏-----------
ចម្រៀងមួយបទនេះ ខ្ញុំបាទ ចេង ចំរើន និងលោក សេង ប៊ុនថន ក្នុងនាមជាកូនអ្នកខេត្តកំពត ព្រមទាំងម្ចាស់សំលេងផ្ទាល់ លោក យឹង យន សូមគោរពផ្ញើជូនជាពិសេសចំពោះឯកឧត្តមអភិបាលនៃគណៈអភិបាលខេត្តកំពតថ្មី ត្រូវបានប្រមុខរដ្ឋផ្តល់សេចក្តីទុកចិត្ត និងប្រកាសតែងតាំងកាលពីម្សិលមិញថ្ងៃទី១៣ ខែតុលា ឆ្នាំ២០២១នេះ សូមគោរពជូនពរឯកឧត្តមកាន់តែទទួលបានការគោរពស្រលាញ់រាប់អានពីថ្នាក់ដឹកនាំនិងមន្ត្រីក្រោមឱវាទ ជាពិសេសទទួលបានការគាំទ្រពីប្រជាខេត្តកំពតក្នុងឱកាសបំពេញបេសកកម្មនៅលើទឹកដីដ៏ពិសិដ្ឋនេះ សូមឯកឧត្តម និងក្រុមគ្រួសារជួបប្រសបនូវពុទ្ធពរ៤ប្រការ អាយុ វណ្ណៈ សុខៈ និងពលៈ ជោគជ័យជារៀងរហូតតទៅ។
សូមអបអរសាទរពុកម៉ែបងប្អូន ព្រះថេរានុថេរៈគ្រប់អង្គ/នាក់ នៃប្រជាខេត្តកំពត ដែលទទួលបានថ្នាក់ដឹកនាំថ្មី សង្ឃឹមថា ខេត្តយើងក្រោមការដឹកនាំដ៏ឈ្លៀសវៃរបស់ឯកឧត្តមអភិបាល ម៉ៅ ធនិន នឹងធ្វើអោយខេត្តនេះកាន់តែមានការរីកចម្រើនគ្រប់វិស័យបន្ថែមទៀតបន្តពីសមិទ្ធផលថ្នាក់ដឹកនាំខេត្តមុនៗផងដែរ។
សូមបងប្អូនកុំភ្លេចជួយគាំទ្រស្នាដៃដំបូងរបស់ពួកយើងផង ចម្រៀងមួយបទនេះចាប់កំណើតឡើងដោយបេះដូងកូនអ្នកខេត្តកំពតសុទ្ធសាធ ហើយក៏សូមថ្លែងអំណរគុណ លោក សេង ប៊ុនថន កូនអ្នកស្រុកកំពង់ត្រាច ខេត្តកំពត ដែលបានផ្តួចផ្តើមគំនិតនិពន្ធទំនុកច្រៀងថ្មីនេះ និងបានឧបត្ថម្ភថវិកាមួយចំនួនដល់ការផលិតរហូតបានជោគជ័យជាចម្រៀងមួយបទ សម្រាប់ទុកជាមរតកតដល់កូនខ្មែរជំនាន់ក្រោយបានស្តាប់កម្សាន្ត នឹងប្រើប្រាស់តាមតម្រូវការ ក្នុងនោះក៏សូមថ្លែងអំណរគុណលោក យឹង យន ម្ចាស់សំលេងផ្ទាល់បានបកស្រាយយ៉ាងពីរោះរណ្ដំ និងបានជួយសម្រួលការផលិតបទនេះរហូតបានជាផ្លែផ្កាផងដែរ សូមគោរពជូនពរបងៗ និងក្រុមគ្រួសារមានសេចក្តីសុខចម្រើន សុភមង្គល ជោគជ័យគ្រប់ភារកិច្ចតរៀងទៅគ្រប់ៗគ្នា៕
ចូលទស្សនាក្នុង YouTube ៖ https://youtu.be/QEVSuKMAG2g
