Kumnit Tech

23/02/2023

#នារីដែលនៅពីក្រោយChatGPT
តើអ្នកទាំងអស់គ្នាមានដឹងដែរឬទេ ថាតើនរណាដែលនៅពីក្រោយការបង្កើត Chat GPT នេះ?? កុំភ្លេចអានដល់ចប់ ដើម្បីទទួលបាននូវចម្លើយទាំងនេះ៖

📌 សង្ឃឹមថា Mira Murati នឹងក្លាយទៅជា មនុស្សស្រីអស្ចារ្យម្នាក់ក្នុងចិត្តអ្នកទាំងអស់គ្នា ដែលអាចជម្រុញទឹកចិត្តឲ្យមនុស្សស្រីគ្រប់រូបចាប់ផ្ដើមហ៊ានចូលប្រឡូកនៅក្នុងវិស័យវិទ្យាសាស្ត្រ និងបច្ចេកវិទ្យាបានកាន់តែច្រើនជាងមុន!🥰
-----------------------------------
Mira Murati គឺជានារីដែលនៅពីក្រោយ Chat GPT ដែលមានអាយុ 35ឆ្នាំ និងមានដើមកំណើតមកពីប្រទេសឥណ្ឌា។ Mira Murati កំពុងតែមានមនុស្សចាប់អារម្មណ៍ច្រើនមែនទែនពាក់ព័ន្ធទៅនឹងការបង្កើតនូវបច្ចេកវិទ្យាថ្មីនេះ។

សព្វថ្ងៃនេះ Mira Murati បានធ្វើការជា CFO (Chief Technology Officer) នៃក្រុមហ៊ុន Open AI ដែលនាងគឺជាអ្នកដឹកនាំក្រុមផ្ទាល់តែម្ដងក្នុងការបង្កើត Chat PGT នេះ។ បន្ទាប់ពី Chat GPT បានបង្ហាញខ្លួននៅចុងខែវិច្ឆិកានេះ មនុស្សគ្រប់គ្នាគឺមានការភ្ញាក់ផ្អើល និងមានការចាប់អារម្មណ៍យ៉ាងខ្លាំងទៅលើការបង្កើតថ្មីនៃបច្ចេកវិទ្យាមួយនេះ។

ហើយស្របពេលជាមួយគ្នានេះផងដែរ ក៏មានសាលាមួយចំនួន បានហាមប្រាមមិនឲ្យប្រើប្រាស់ ដោយសារតែខ្លាចប៉ះពាល់ដល់កម្រិតនៃការសិក្សា និងការយល់ដឹងរបស់សិស្ស និស្សិត។

ខណៈពេលដែល Chat GPT ចាប់ផ្ដើមលេចមុខមាត់ ក្រុមហ៊ុន Microsoft បានប្រកាសថាខ្លួននឹង វិនិយោគក្នុងទឹកប្រាក់ចំនួន 10ប៊ីលានដុល្លារ ជាមួយនឹងក្រុមហ៊ុន OpenAI នេះ។

ហើយចំណែកឯ ក្រុមហ៊ុន Google ឯណោះវិញ ក៏ត្រូវប្រឈមមុខនូវបញ្ហាមួយចំនួនផងដែរ ព្រោះមនុស្សនឹងចាប់ផ្ដើមមានទំនោរទៅលើការប្រើប្រាស់បច្ចេកវិទ្យា Chat GPT នេះ ច្រើនជាង ការស្រាវជ្រាវព័ត៌មាននៅលើ Google ។

ប៉ុន្តែដើម្បីបញ្ចៀសនូវបញ្ហាមួយនេះ ក្រុមហ៊ុន Google ក៏កំពុងតែរៀបចំគម្រោងចង់ចាប់ផ្ដើមបង្កើតនូវ "BARD AI” ថ្មីបន្ថែមទៀត ដើម្បីប្រកួតប្រជែងជាមួយនឹង Chatbot ម៉ូឌែលថ្មីមួយនេះ!

ប្រភព៖ https://bit.ly/3XUu0yj
តាមដានចំណេះដឹងថ្មីៗ តាមដាន https://kumnit.com/

#គំនិត

18/02/2023

ChatGPT

ChatGPT គឺជាផ្នែកមួយនៃវិស័យដែលកំពុងរីកចម្រើននៃ AI ដែលគេស្គាល់ថាជា AI ជំនាន់ថ្មី ដែលអនុញ្ញាតឱ្យអ្នកប្រើប្រាស់បង្....

09/02/2023

ក្រុមហ៊ុន Alphabet ដែលជាក្រុមហ៊ុនមេរបស់​ Google ត្រូវបានខាត​១០០ពាន់លានដុល្លារនៅលើទីផ្សារភាគហ៊ុននាថ្ងៃពុធនេះ ដោយសារកំហុសបច្ចេកទេសរបស់​ម៉ាស៊ីន AI មានឈ្មោះថា Bard ព្រោះចាប់យកព័ត៌មានបង្ហាញមកខុស។ Bard គឺជា Chatbot ដូចនឹង AI ដែលកំពុងតែផ្ទុះការពេញនិយមគឺ ChatGPT ដែលត្រូវបានគេរំពឹងថានឹងជំនួសតំណែងម៉ាស៊ីនស្វែងរករបស់ Google សព្វថ្ងៃនេះ!
គួររំឮកផងដែរថា Microsoft ថ្មីៗនេះ ក៏បានដាក់ទុនវិនិយោគលើ ChatGPT ដល់ទៅ១០ពាន់លានដុល្លារ ដែលធ្វើឲ្យគេគិតថា Microsoft អាច​នឹងវ៉ាឈ្នះ Google វិញនាពេលអនាគខាងមុខនេះ!

13/11/2022

Elon Musk គ្រោងអភិវឌ្ឍ Twitter ទៅជា Super App ដូច WeChat!
មហាសេដ្ឋីដ៏ល្បី លោក Elon Musk បានធ្វើឲ្យកក្រើកពិភពឌីជីថលម្តងទៀតបន្ទាប់ពីសម្រេចការទិញក្រុមហ៊ុន Twitter ក្នុងតម្លៃ ៤៤ពាន់លានដុល្លារនាពេលថ្មីៗនេះ។ លោកក៏បានបង្ហើបផងដែរថា ការទិញក្រុមហ៊ុនបណ្តាញសង្គមដ៏ធំមួយនេះ គឺជាផ្នែកមួយនៃគម្រោងរបស់ខ្លួនដែលចង់បង្កើតApp ទេព (Super App) ដែលជាកម្មវិធីមួយប្រមូលកម្មវិធីផ្សេងៗដែលចាំបាច់ជាច្រើនទៀតឲ្យនៅកន្លែងតែមួយ ដែលទស្សនវិស័យរបស់លោកុំចង់ប្រដូចកម្មវិធីរបស់ខ្លួនទៅនឹងកម្មវិធីWeChatរបស់ចិន។

តាមពិតទៅ កម្មវិធីទេព（Super App）បែបនេះ មិនមែនជារឿងថ្មីសម្រាប់ពិភពលោកនោះទេ ដែលកម្មវិធីបែបនេះ ត្រូវបាន App របស់ចិន គឺ WeChat ចាប់ផ្តើមបង្កើតជិតមួយទស្សវត្សមកហើយ ដែលក្នុងកម្មវិធិWeChatគឺជាបណ្តាញសង្គមដ៏ធំជាងគេនៅប្រទេសចិន មានសេវាកម្មដូចជាការទំនាក់ទំនង ចែករំលែករូបថត វីដេអូ ហើយមានរួមបញ្ចូលដោយកាបូបលុយដែលភ្ជាប់ជាមួយធនាគារសម្រាប់ចាយ និងទិញទំនិញ កម្មវិធីកក់សណ្ឋាគារ កក់ឡាន ឬសេវាកម្មផ្សេងៗ និងសេវាកម្មដទៃចាំបាច់ជាច្រើនទៀតនៅកន្លែងតែមួយ ងាយស្រួលសម្រាប់អ្នកប្រើប្រាស់ក្នុងជីវិតប្រចាំថ្ងៃនាសម័យកាលបច្ចេកវិទ្យា។

ប៉ុន្តែកម្មវិធីទេពបែបនេះ នៅមិនទាន់មាននៅឡើយសម្រាប់ទីផ្សារនៅទ្វីបអាមេរិច និងអឺរ៉ុប ដែលធ្វើឲ្យលោក Elon Muskមានគម្រោងបង្កើតកម្មវិធីបែបនេះទីមួយនៅទីផ្សារលោកខាងលិច។ លោកក៏បានធ្វើការជជែកជាមួយនឹងបុគ្គលិកTwitterផងដែរអំពីភាពងាយស្រួល និងសម្រួលការរស់នៅរបស់WeChat ហើយនៅមិនទាន់មានកម្មវិធីបែបនេះនៅឡើយក្រៅពីប្រទេសចិន ដែលធ្វើឲ្យលោកមាន​សុទិដ្ឋិនិយម និងមើលឃើញឱកាសយ៉ាងច្រើនសម្រាប់កម្មវិធីបែបនេះ។

Elon Musk ក៏បានលើកឡើងថា បន្ទាប់ពីទិញ Twitterហើយ វានឹងជួយពន្លឿនគម្រោងធ្វើកម្មវិធីទេពរបស់លោកឲ្យបានសម្រេចក្នុងរយៈពេល៣ទៅ៥ឆ្នាំខាងមុខ។

10/11/2022

ព្រឹត្តិការណ៍ដ៏ធំប្រចាំឆ្នាំនៃពិភពបច្ចេកវិទ្យាគឺ«ពិព័រណ៍បច្ចេកវិទ្យាកម្ពុជា ២០២២» ជាកម្មវិធីដ៏ធំមួយដែលរៀបចំឡើងអមជាមួយកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ និងជាកម្មវិធីឈានមុខគេប្រចាំឆ្នាំលើកទីមួយរបស់ព្រះរាជាណាចក្រកម្ពុជា ក្រោមការដឹកនាំ រៀបចំ និងសម្របសម្រួលដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។
កម្មវិធីនេះត្រូវបានរៀបចំឡើងក្រោមប្រធានបទ «អាស៊ានរួមគ្នាធ្វើ - ដោះស្រាយបញ្ហាប្រឈមទាំងអស់គ្នាតាមរយៈមូលធនមានទេព្យកោសល្យបច្ចេកវិទ្យា» ដែលប្រព្រឹត្តទៅនៅមណ្ឌលសន្និបាត និងពិព័រណ៍កោះពេជ្រ (ទីតាំងទី១) និង The Factory Phnom Penh (ទីតាំងទី២) ចាប់ពីថ្ងៃទី១១ ដល់ថ្ងៃទី១៣ ខែវិច្ឆិកា ឆ្នាំ២០២២។
ត្រៀមខ្លួនចូលរួមពិព័រណ៍បច្ចេកវិទ្យាថ្នាក់ជាតិដ៏ធំនៅកម្ពុជា! ចូលរួមដោយសេរី!
កាលបរិច្ឆេទ៖ ១១-១៣ ខែវិច្ឆិកា ឆ្នាំ២០២២
ទីតាំង៖ មណ្ឌលសន្និបាត និងពិព័រណ៍កោះពេជ្រ (កោះពេជ្រ) និង The Factory Phnom Penh
ចុះឈ្មោះចូលរួមទស្សនាដោយសេរីឥឡូវនេះ៖ https://ticket.cambodiatechex.gov.kh/

10/11/2022

មួយរយៈនេះ ក្រុមហ៊ុនរបស់មហាសេដ្ឋីវ័យក្មេងលោក Mark Zuckerberg ដូចជាមិនសមប្រកបសោះ ដោយសារតែជួបបញ្ហាផ្ទួនៗ រហូតដល់ការធ្លាក់ចុះភាគហ៊ុនយ៉ាងសម្បើមមិនធ្លាប់មាននាពេលកន្លងមកនេះ។ តើហេតុអ្វីបានជាក្រុមហ៊ុនMeta ដែលជាក្រុមហ៊ុនមេរបស់ Facebook Instagramជាដើមមានបញ្ហាធ្លាក់ចុះយ៉ាងនេះ?

មួយរយៈនេះ ក្រុមហ៊ុនរបស់មហាសេដ្ឋីវ័យក្មេងលោក mark Zuckerberg ដូចជាមិនសមប្រកបសោះ ដោយសារតែជួបបញ្ហាផ្ទួនៗ រហូតដល់ការធ....

18/08/2022

Apple កំពុងតែពិភាក្សាដើម្បីផលិតនាឡិកាដៃ និងMacBookនៅប្រទេសវៀតណាម ដើម្បីធ្វើពិពិធកម្មផលិតកម្មរបស់ខ្លួនពីប្រទេសចិន!
ប្រភព៖ Nikkei

12/06/2022

AI នឹងកាន់តែជឿនលឿន ហើយអាចជំនួសការងារជាច្រើន ហើយយើងនឹងផ្តោតលើការងារដែលមានការគិតកាន់តែច្រើន!

របាយការណ៍ពី Institute for the future!

04/03/2022

មួយរយៈនេះ អ្នកប្រហែលជាមានឮច្រើនអំពីព័ត៌មានស្តីអំពី NFT ហើយប្រធានបទមួយនេះ ក៏ត្រូវបានមនុស្សជាច្រើនលើកយកពិភាក្សានិងចែករំលែកនៅលើបណ្តាញសង្គម ។ ដូច្នេះ ប្រសិនបើអ្នកមានចម្ងល់ហើយចង់ស្វែងយល់បន្ថែម នោះមាតិកាមួយនេះគឺសាកសម្យបំផុតសម្រាប់អ្នក ។
សូមបញ្ជាក់ ៖ នេះគ្រាន់តែចំណេះដឹងមូលដ្ឋានមួយចំនួនដែលក្រុមការងារ គំនិតចែករំលែកក្នុងទម្រង់ជាការសង្ខេបខ្លីៗតែប៉ុណ្តោះ ។
ប្រសិនបើអ្នកមានការចាប់អារម្មណ៍លើវិស័យមួយនេះ អ្នកអាចធ្វើការស្រាវជ្រាវបន្ថែមទៀតបាន ។
ប្រភព ៖
1. https://bernardmarr.com/what-are-nfts-an-easy.../
2. https://www.digitaltrends.com/.../what-are-nfts-non.../
3. https://www.finextra.com/.../top-5-nft-investment...
4 . https://www.forbes.com/.../investing/nft-non-fungible-token/
#បច្ចេកវិទ្យា #គំនិត #ចំណេះដឹងថ្មីៗ

03/03/2022

ជំនាញពាក់ព័ន្ធនឹងបច្ចេកវិទ្យាដូចជាវិទ្យាសាស្រ្តកុំព្យូទ័រ វិទ្យាសាស្រ្តទិន្នន័យ បញ្ញាសិប្បនិម្មិត រូបូតិច (Robotics) សុវត្ថិភាពប្រព័ន្ធអ៊ីនធឺណេត ជំនាញធុរកិច្ចឌីជីថល និងជំនាញវិស្វកម្មជាច្រើនទៀត កំពុងតែទទួលបានការគាំទ្រយ៉ាងច្រើន ជាពិសេសនាពីរបីឆ្នាំចុងក្រោយនេះ ដោយរដ្ឋាភិបាលចាប់ផ្ដើមបើកយុទ្ធនាការដើម្បីធ្វើការផ្សព្វផ្សាយ និងជំរុញឲ្យនិស្សិតធ្វើការជ្រើសរើសមុខជំនាញទាំងនេះដើម្បីសិក្សាសម្រាប់តម្រូវការទីផ្សារបច្ចុប្បន្ន និងអនាគត ។ ក្នុងកំឡុងពេលវិបត្តិកូវីដ 19 មិនថាតែស្ថាប័នរដ្ឋស្ថាប័នឯកជនជាច្រើនក៏កំពុងតែស្វែងរកនូវជំនាញទាំងអស់នេះដើម្បីបំពេញតម្រូវការទីផ្សារ និងការធ្វើបច្ចុប្បន្នភាពរបស់ស្ថាប័នខ្លួនឲ្យស្របតាមសម័យកាលឌីជីថល!

28/02/2022

សង្គ្រាមនៅអ៊ុយក្រែនជាមួយ​នឹងរុស្សីថ្មីៗនេះ បានធ្វើឲ្យរំជើបរំជួលពិភពលោកដែលមិននឹកស្មានដល់ថាវាអាចនឹងកើតឡើងក្នុងបរិបទសម័យថ្មីនេះ។
សង្គ្រាមនេះ ក្រៅពីបានប្រើប្រាស់អាវុធទំនើបៗសម្រាប់វាយលុក អ្វីដែលធ្វើឲ្យយើងគួរចាប់អារម្មណ៍នោះគឺ ការវាយលុយផ្នែកប្រព័ន្ធបច្ចេកវិទ្យា និងទំនាក់ទំនង។
ពិតណាស់ មានអាវុធពិសេសៗ និងទំនើបគឺជារឿងមួយ ដើម្បីការពារប្រទេស តែអាវុធទាំងនោះមាន​ប្រសិទ្ធភាពខ្ពស់គឺផ្សារភ្ជាប់ទៅនឹងបច្ចេកវិទ្យា ហើយប្រសិន​បើអនុញ្ញាតិឲ្យគេចូលលុកលុយ និងគ្រប់គ្រងហេដ្ឋារចនាសម្ព័ន្ធបច្ចេកវិទ្យាទាំងនោះបានដោយសារតែក្រុមអ្នកជំនាញសុវត្ថិភាពអ៊ីនធឺណិតមានភាពខ្សោយ ឬក្រុមសត្រូវខ្លាំងជាង អ្នកដែលមានខ្សោយជាងនឹងមានហានិភ័យខ្ពស់។
មេរៀននេះគឺជាសូចនាករមួយសម្រាប់ប្រជាជនខ្មែរគ្រប់រូប គួរតែចាប់អារម្មណ៍លើជំនាញមួយនេះ យើងគួរតែអភិវឌ្ឍធនធាន និងអ្នកជំនាន់ក្រោយគួរតែសិក្សាបំប៉នសមត្ថភាពលើជំនាញឲ្យបានច្រើនកាន់តែល្អ ដើម្បីរក្សាសុវត្ថិភាពប្រទេសជាតិ ហើយជាពិសេសនោះ វាជាជំនាញមួយមិនខ្វះបានក្នុងសម័យកាលអាជីវកម្មលើប្រព័ន្ធអនឡាញ ដែលប្រព័ន្ធសុវត្ថិភាពគឺជារឿងមួយដ៏សំខាន់ខ្លាំង សម្រាប់ប្រកួតប្រជែងជាមួយ​ក្រុមហ៊ុនក្នុងបណ្តាប្រទេសជឿនលឿន។
ជីវិតរបស់យើង គឺនឹងពឹងផ្អែកលើសង្គមឌីជីថលកាន់តែខ្លាំងពីមួយឆ្នាំទៅមួយឆ្នាំ ដែលតម្រូវឲ្យយើងមានអ្នកពូកែ​ខាងវិស័យនេះ ដើម្បីរក្សាការពារ និងប្រកួតប្រជែងជាមួយនឹងគេ ហើយបច្ចុប្បន្ននេះ ធនធានក្នុងប្រទេសកម្ពុជាយើងគឺខ្សត់អ្នកជំនាញដែលមានគុណភាពក្នុងវិស័យនេះណាស់ ហើយនេះគឺជាឱកាសរបស់អ្នកជំនាន់ក្រោយដើម្បីក្លាយជាវីរៈជនឌីជីថលសម្រាប់ខ្លួនឯង គ្រួសារ សេដ្ឋកិច្ចជាតិ និងបូរភាពឌីជីថលនៃមាតុភូមិយើង!

26/02/2022

ឧស្សាហកម្មកំពូលចំនួន 14 ដែលកំពុងរីកចម្រើននាពេលអនាគត ដូច្នេះយើងគួរតែដឹង និងអាចចាប់យកឱកាសនេះដើម្បីអភិវឌ្ឍន...