What are the opening hours?

Monday 07:00 - 19:00 Tuesday 07:00 - 19:00 Wednesday 07:00 - 19:00 Thursday 07:00 - 19:00 Friday 07:00 - 19:00 Saturday 07:00 - 19:00

Kramapost.com, Toul Kork (2025)

13/02/2024

មនុស្សចោរប៉ោបៀរ កុំយកខ្លួនបៀត #ល្បែងអនឡាញ #ពាក្យចាស់ #ពាក្យអប់រំ

12/02/2024

“ការផ្លាស់ប្តូរ គួរតែចាប់ផ្តើមបន្តិចម្ដងៗ ពីព្រោះទិសដៅត្រឹមត្រូវ សំខាន់ជាងល្បឿន” ឃ្លានេះ ធ្ងន់លើសារៈសំខាន់នៃវឌ្ឍនភាពដែលមានគោលបំណង ជាងការធ្វើដោយប្រញាប់ប្រញាល់។

អ្នកនិពន្ធជនជាតិប្រេស៊ីល Paulo Coelho បានលើកទឹកចិត្តឱ្យមានការអត់ធ្មត់ ការតស៊ូ និងការធ្វើតាមគោលបំណង។ ទោះបីជាការរីកចំរើនហាក់ដូចជាយឺតក៏ដោយ តែការបន្តការប្តេជ្ញាចិត្តចំពោះផ្លូវដែលបានជ្រើសរើស គឺសំខាន់ជាងការប្រញាប់ប្រញាល់ឆ្ពោះទៅមុខ។

ការផ្លាស់ប្តូរ៖ ការទទួលយកការផ្លាស់ប្តូរ គឺជាការចាំបាច់ណាស់។ មិនថាវាជាការអភិវឌ្ឍន៍ខ្លួន បង្កើតគម្រោងការថ្មី ឬការផ្លាស់ប្តូរក្នុងកាលៈទេសៈណាមួយទេ ការផ្លាស់ប្តូរគឺជៀសមិនរួច។

ចាប់ផ្តើមបន្តិចម្ដងៗ ៖ ជាជាងប្រញាប់ប្រញាល់ទៅរកការផ្លាស់ប្តូរ សូមផ្ដើមពីមួយជំហានៗ ទៅតាមគោលដៅកំណត់ច្បាស់លាស់។ ការចាប់ផ្តើមយឺតៗ អាចឱ្យអ្នកវាយតម្លៃដំណើររបស់អ្នក ប្រមូលផ្តុំចំណេះដឹងបន្ថែម និងកែតម្រូវកិច្ចការដែលប្រឈម តាមតម្រូវការជាក់ស្ដែង។

ទិសដៅត្រឹមត្រូវ សំខាន់ជាងល្បឿន៖ ចំណុចសំខាន់នៅទីនេះ។ ទិសដៅ សំដៅទៅលើការមានគោលបំណង ឬគោលដៅច្បាស់លាស់។ វាដូចជាការឡើងជិះរថភ្លើង ដែលស្របនឹងគោលដៅរបស់អ្នក។ ទោះបីជាការរីកចំរើនហាក់ដូចជា ទៅមុខជាបណ្តើរៗក៏ដោយ ក៏ការបន្តដើរលើផ្លូវត្រូវ គឺសំខាន់ជាងល្បឿន។ ការប្រញាប់ប្រញាល់ដោយគ្មានទិសដៅ អាចនាំអ្នកឱ្យវង្វេង ដើរខុសគោលដៅដែលចង់សម្រេចបាន។

សូមចាំថា ដំណើរជីវិត មិនដូចជាការរត់ប្រណាំងទេ។ វាជាចលនាទៅមុខបណ្ដាក់គ្នាជាបន្តបន្ទាប់។ ដូច្នេះ សូមផ្តោតលើកន្លែងដែលអ្នកត្រូវទៅ ដោយមានគោលបំណងជាអ្នកដឹកមុខនៃដំណើររបស់អ្នក។

នៅពេលដែលអ្នកដើរក្នុងទិសដៅត្រឹមត្រូវ រាល់ជំហានដែលអ្នកធ្វើគឺមានការរីកចម្រើន។ ផ្ទុយទៅវិញ បើអ្នកដើរខុសផ្លូវ សូម្បីតែដើរលឿនក៏ក្លាយជាការប្រឆាំងនឹងគោលដៅអ្នកដែរ៕

#ការផ្លាស់ប្ដូរ #ទិសដៅ #អប់រំគំនិត #ផ្នត់គំនិត

18/08/2023

#ក្រមា
✨ កម្មវិធីលើទូរស័ព្ទដៃ Krama APP » onelink.to/Kramapost
#ទស្សនៈ #ខ្លី

17/08/2023

#ក្រមា
✨ កម្មវិធីលើទូរស័ព្ទដៃ Krama APP » onelink.to/Kramapost

15/05/2023

ខ្មៅដៃ៖ ខ្ញុំសុំទោស។
ជ័រលុប៖ រឿងអី?
ខ្មៅដៃ៖ ខ្ញុំសុំទោស អ្នកឈឺចាប់ដោយសារតែខ្ញុំ។
រាល់ពេលដែលខ្ញុំធ្វើខុស អ្នកតែងតែនៅទីនេះដើម្បីលុបកំហុសចេញ។ ប៉ុន្តែដឹងទេ នៅពេលដែលអ្នកលុបកំហុសរបស់ខ្ញុំឲ្យបាត់ អ្នកបានបាត់បង់ចំណែកមួយ ហើយកាន់តែលុប អ្នកក៏កាន់តែតូចទៅៗ។

ជ័រលុប៖ នោះជាការពិត ប៉ុន្តែខ្ញុំមិនប្រកាន់ទេ។
អ្នកដឹងទេ ខ្ញុំត្រូវបានបង្កើតឱ្យធ្វើដូច្នេះ ខ្ញុំត្រូវបានបង្កើតឡើងដើម្បីជួយអ្នករាល់ពេលដែលអ្នកធ្វើខុស ទោះបីជាថ្ងៃណាមួយខ្ញុំដឹងថាខ្ញុំនឹងទៅបាត់ក៏ដោយ។ តាមពិត ខ្ញុំសប្បាយចិត្តនឹងការងាររបស់ខ្ញុំ។ ដូច្នេះសូមឈប់ព្រួយទៅ ខ្ញុំមិនសប្បាយចិត្តទេ បើឃើញអ្នកក្រៀមក្រំ។

ការឆ្លុះបញ្ចាំងក្នុងសាច់រឿង៖
ម្តាយឪពុករបស់យើងគឺដូចជាជ័រលុប ហើយយើងជាខ្មៅដៃក្នុងសាច់រឿងនេះ។ ពួកគាត់តែងតែនៅក្បែរអ្នក ជួយអ្នកឲ្យរឹងមាំ មានជំហ ហើយជាអ្នកដែលធ្លាប់បានលុបកំហុសរបស់អ្នក ដើម្បីអ្នកអាចកែវាបាន។ ពេលខ្លះ ពួកគាត់ឈឺចាប់ និងក្លាយខ្លួនកាន់តែតូចទៅ (សំដៅលើ ជរាម្ដងបន្តិចៗ ទម្រាប់អ្នករឹងមាំ មិនងាយធ្វើខុសជាថ្មី)។

ចូរមើលថែរក្សាឪពុកម្តាយរបស់យើង ជាពិសេសនៅពេលគាត់ផ្ដើមជរា ប្រព្រឹត្តទង្វើ ការនិយាយស្ដីដោយចំពោះពួកគាត់ដោយសេចក្តីសប្បុរស និងការគោរព ហើយសំខាន់បំផុតគឺស្រឡាញ់ពួកគាត់ឲ្យបានច្រើន។
#ក្រមា

13/05/2023

ជារៀងរាល់ឆ្នាំមានគ្រួសារកសិករមួយ ដែលបានឈ្នះពានរង្វាន់សម្រាប់ទិន្នផលពោតដែលមានគុណភាពល្អបំផុតនេះ។ ឆ្នាំមួយ អ្នកកាសែតម្នាក់បានសម្ភាសគាត់ ហើយបានដឹងពីអ្វីដែលគួរឱ្យចាប់អារម្មណ៍អំពីរបៀបដែលគាត់ដាំដុះវា។ អ្នកសារព័ត៌មានបានរកឃើញថា កសិករម្នាក់នេះបានចែកពូជពោតរបស់គាត់ជាមួយអ្នកជិតខាង។

អ្នកសារព័ត៌មាន៖ "ម៉េចបានជាលោកចែករំលែកគ្រាប់ពូជពោតល្អបំផុតនេះ ជាមួយអ្នកជិតខាងរបស់លោក ? ដែលនោះនឹងធ្វើឲ្យអ្នកដទៃ អាចយកពោតទៅចូលរួមក្នុងការប្រកួតប្រជែងជាមួយអ្នក?"

កសិករនិយាយថា "លោកមិនដឹងថាហេតុអ្វីទេ? ខ្យល់តែងតែបក់យកលំអងពីពោតដែលកំពុងទុំ ហើយបក់ពីវាលមួយទៅវាល។ ប្រសិនបើអ្នកជិតខាងរបស់ខ្ញុំដាំពោតអន់ជាងខ្ញុំ នោះលំអងពោតដែលឆ្លងកាត់វាលចំការពោតខ្ញុំ នឹងអាចធ្វើឱ្យខូចគុណភាពពោតដែលខ្ញុំដាំ។ បើខ្ញុំចង់ដាំពោតល្អ ខ្ញុំត្រូវជួយអ្នកជិតខាងដាំពោតបានល្អដែរ"។

សម្រាប់អ្នកដែលចង់មានជីវិតរស់នៅប្រកបដោយអត្ថន័យ ត្រូវតែចេះជួយអ្នកដ៏ទៃ។ រឿងនេះបានបង្រៀនយើងថាយើងមិនគួរមានចិត្តអាត្មានិយម ហើយគួរតែចេះជួយអ្នកដទៃគ្រប់ពេលដែលយើងអាចធ្វើទៅបាន។ ហើយអ្នកដែលត្រូវការភាពរីករាយ ក៏ត្រូវតែជួយអ្នកដទៃឲ្យរកបាននូវភាពរីករាយក្នុងជីវិតផងដែរ៕

08/05/2023

សៀវភៅដែលមានចំណងជើងថា The Power of Self Discipline គឺជាសៀវភៅមួយក្បាលនិពន្ធដោយលោក Brian Tracy ដែលបង្រៀនអ្នកពីរផ្លូវដើម្បីសម្រេចបាននូវភាពជោគជ័យក្នុងគ្រប់វិស័យនៃជីវិតរបស់អ្នក ដោយការអភិវឌ្ឍន៍ និងអនុវត្តការលត់ដំខ្លួន។ មេរៀនខ្លះដែលអ្នកអាចរៀនពីសៀវភៅគឺ៖
1. ការលត់ដំខ្លួនគឺជាគន្លឹះនៃភាពជោគជ័យ៖
យោងតាមលោក Tracy ការលត់ដំខ្លួនគឺជាកត្តាសំខាន់បំផុតក្នុងការឈានទៅរកភាពជោគជ័យក្នុងវិស័យណាមួយនៃជីវិត។ វាគឺជាសមត្ថភាពក្នុងការធ្វើអ្វីដែលអ្នកគួរធ្វើ នៅពេលដែលអ្នកគួរធ្វើវា មិនថាអ្នកមានអារម្មណ៍ចូលចិត្តវាឬអត់។
2. កំណត់គោលដៅច្បាស់លាស់៖
ដើម្បីអនុវត្តការលត់ដំខ្លួនឱ្យមានប្រសិទ្ធភាព ចាំបាច់ត្រូវមានគោលដៅច្បាស់លាស់ និងជាក់លាក់ដែលអ្នកចង់សម្រេច។ ក្នុងសៀវភៅនេះ លោក Tracy ផ្តល់នូវរូបមន្តប្រាំពីរជំហាន សម្រាប់ការកំណត់និងការសម្រេចគោលដៅ។
3. បង្កើតទម្លាប់ល្អ៖
ទម្លាប់គឺជាបណ្តុំនៃវិន័យខ្លួនឯង។ លោក Tracy ណែនាំថា អ្នកត្រូវកំណត់សំគាល់ និងលុបបំបាត់ទម្លាប់អាក្រក់ដែលរារាំងអ្នក ហើយជំនួសដោយទម្លាប់ល្អដែលគាំទ្រគោលដៅរបស់អ្នក...

សូមទាញយក Krama APP - onelink.to/kramapost
ឬចូលតេលេក្រាម Krama - t.me/Kramapost

07/05/2023

អរុណសួស្តី… ខ្ញុំសង្ឃឹមថា ព្រឹកនេះអ្នកមានភាពស្រស់ស្រាយនៅក្នុងចិត្តថ្ងៃនេះ។ ខ្ញុំក៏សង្ឃឹមថា ព្រះអាទិត្យពេលព្រឹកនឹងបំភ្លឺអារម្មណ៍របស់អ្នកឲ្យស្រឡះ និងបានធូរស្បើយ។

ហើយទោះជួបរឿងលំបាកយ៉ាងណាក្នុងថ្ងៃនេះ ពេញមួយថ្ងៃ មិនថាប្រឈមការខកចិត្ត ឬនឿយហត់យ៉ាងណាទេ សូមចាំថា រាល់ពេលត្រឡប់ទៅផ្ទះវិញ ត្រូវជម្រុះភាពហ្មងសៅ ទុក្ខព្រួយចេញឲ្យអស់ កុំយកវាជាប់នឹងខ្លួនដល់ដំណេករបស់អ្នក។

ពេញមួយថ្ងៃ អ្នកដឹងហើយថា អ្នកបានប្រឹងប្រែងអស់ពីសមត្ថភាព បំពេញការងារបានល្អហើយ តាមអ្វីដែលអាចធ្វើបាន។ ច្បាស់ណាស់មកដល់ផ្ទះ គ្រែគេងរបស់អ្នក អ្នកអាចទទួលបានការថ្នាក់ថ្នម ការលួងលោម និងភាពស្និទ្ធស្នាលក្នុងគ្រួសារ និងស្ងប់ក្នុងអារម្មណ៍ ពុំមានអីត្រូវយកមករំខានទេ។ ត្រូវចាំថា គ្រប់យ៉ាង់នឹងល្អប្រសើរ។

#ក្រមា

06/05/2023

រឿង - លក់អណ្ដូងទឹក តែមិនលក់ទឹកក្នុងអណ្ដូង

មានតំណាលតគ្នាថា នៅក្នុងភូមិចាស់របស់ប្រទេសជប៉ុន មានបុរសឆ្លាតម្នាក់ជាម្ចាស់អណ្តូងទឹក ប៉ុន្តែគាត់មិនបានប្រើប្រាស់វា ទើបគាត់សម្រេចចិត្តលក់វាទៅឱ្យកសិករនៅក្បែរនោះ។ ថ្ងៃមួយ ពេលគាត់ដើរកាត់ក៏ឃើញកសិករនោះកំពុងបូមទឹកពីអណ្តូងសម្រាប់ធ្វើម្ហូប ស្រោចផ្កា ចិញ្ចឹមសត្វ។ល។ បុរសឆ្លាត បានឃាត់គាត់ភ្លាមៗ ដោយមិនអនុញ្ញាតឱ្យគាត់បូមទឹកពីអណ្តូងនោះទេ។

បុរសឆ្លាតនិយាយថា៖ "ខ្ញុំលក់តែអណ្តូងឱ្យអ្នក ខ្ញុំមិនលក់ទឹកឱ្យអ្នកទេ ដូច្នេះអ្នកមិនអាចយកទឹកពីអណ្តូងនេះបានទេ"។

កសិករនោះសោកស្តាយយ៉ាងខ្លាំង ហើយមិនដឹងធ្វើយ៉ាងណា។ គាត់បានទិញអណ្តូង ប៉ុន្តែគាត់មិនបានបង់ថ្លៃទឹកពីអណ្តូងនោះទេ។ ឥឡូវនេះអណ្តូងនោះមានទឹកពេញ ប៉ុន្តែគាត់មិនអាចប្រើប្រាស់វាបានទេ។

មិនដឹងធ្វើយ៉ាងណា កសិកររូបនេះបានសម្រេចចិត្តនាំ បុរសឆ្លាតទៅជួបមេភូមិ ដោយសង្ឃឹមថានឹងមានដំណោះស្រាយឲ្យគាត់។ នៅមុខមេភូមិ កសិករបាននិទានរឿងពីដើមដល់ចប់។

មេភូមិហៅបុរសឆ្លាតមកសួរថា ម៉េចមិនឲ្យគាត់ប្រើទឹកក្នុងអណ្ដូង?

"បាទលោកមេភូមិ ខ្ញុំលក់តែអណ្តូងឱ្យកសិករនេះ ខ្ញុំមិនបានលក់ទឹកឱ្យគាត់ទេ ដូច្នេះគាត់គ្មានសិទ្ធិយកទឹកប្រើទេ។ ប្រសិនបើគាត់ចង់យកទឹក គាត់មានតែចំណាយលុយច្រើនដើម្បីទិញទឹកពីខ្ញុំ” បុរសឆ្លាតឆ្លើយយ៉ាងជឿជាក់លើអំណះអំណាងរបស់គាត់។

មេភូមិមើលទៅបុរសឆ្លាត ញញឹមតិចៗ ហើយឆ្លើយថា «អូ ឯងលើកចំនុចបានល្អណាស់។ បើឯងលក់អណ្ដូងឲ្យកសិករនេះ អណ្ដូងក៏ក្លាយជាទ្រព្យរបស់កសិករ រីឯទឹកក្នុងអណ្ដូងក៏នៅជារបស់ឯង ដូច្នេះ បុរសឆ្លាតឯង គ្មានសិទ្ធិស្តុកទឹកក្នុងអណ្ដូងរបស់កសិករទៀតទេ»។

"ឥឡូវនេះមានជម្រើសពីរប៉ុណ្ណោះ៖ មួយគឺ បុរសឆ្លាតត្រូវបង់ប្រាក់ឱ្យកសិករ ដោយឯងត្រូវជួលអណ្តូងសម្រាប់ស្តុកទឹក។ ទីពីរគឺឯងត្រូវ ដងទឹកទាំងអស់ចេញពីអណ្តូងភ្លាមៗ"

បុរសឆ្លាតអោនក្បាលយ៉ាងក្រៀមក្រំដោយមិនដឹងថាត្រូវធ្វើយ៉ាងណា។ គាត់បានទទួលគ្រោះថ្នាក់ដោយសារភាពវៃឆ្លាតរបស់គាត់ នេះហៅថាតម្រិះជិះកឯង។

មេរៀនពីរឿងនេះ៖ ក្នុងជីវិតមិនថាអ្នកឆ្លាតប៉ុណ្ណាទេ តែងតែមានអ្នកដទៃដែលឆ្លាតជាងអ្នក។ ហេតុដូច្នេះហើយបានជាមនុស្សកើតមក ត្រូវរៀនឥតឈប់ឈរ ទោះបីជាមានវ័យចំណាស់ក៏ដោយ។
#អត្ថបទបកប្រែ #ក្រមា

06/05/2023

រឿងអប់រំ - ចំណាយពេលជាមួយមនុស្ស

ខ្ញុំបានចំណាយពេលមួយម៉ោងនៅក្នុងធនាគារជាមួយប៉ា ខណៈដែលគាត់ចង់ផ្ទេរប្រាក់មួយចំនួន។ ទប់ចិត្តខ្លួនឯងមិនបាន ក៏សួរថា...

''ប៉ា ហេតុអ្វីយើងមិនបើកសេវាធនាគារតាមអនឡាញ?''
គាត់សួរ….''ហេតុអីក៏ខ្ញុំធ្វើបែបនេះ?''
''អញ្ចឹង ប៉ានឹងមិនចាំបាច់ចំណាយពេលមួយម៉ោងនៅទីនេះដើម្បីរង់ចាំការផ្ទេរប្រាក់។ ប៉ាក៏អាចធ្វើការទិញទំនិញតាមអនឡាញបាន… អ្វីៗនឹងងាយស្រួលណាស់!''

គាត់សួរថា បើប៉ាធ្វើបែបនេះ ប៉ាមិនបាច់ដើរចេញពីផ្ទះទេ?
''បាទប៉ា''! អ្វីៗយើងអាចទិញតាមអនឡាញហើយ ដឹកជញ្ជូនដល់ផ្ទះឥឡូវនេះ មានភាពងាយស្រួល។

គាត់បាននិយាយថា "ចាប់តាំងពីប៉ាចូលធនាគារថ្ងៃនេះ ប៉ាបានជួបមិត្តភ័ក្តិបួននាក់ ប៉ាបានជជែកលេងជាមួយបុគ្គលិកដែលស្គាល់ប៉ា។

កូនដឹងថា ប៉ានៅម្នាក់ឯង...នេះគឺជាកន្លែងដែលប៉ាអាចមកបាន។ ប៉ានៅមានពេលពេលវរលាខ្លះ ប៉ាអាចរៀបចំខ្លួនខ្លះ នេះក៏ជាអ្វីដែលអាចឲ្យប៉ាមានទំនាក់ទំនងជាមួយអ្នកជុំវិញ។

ងាកទៅពីរឆ្នាំមុន ពេលប៉ាឈឺ ប៉ានៅតែផ្ទះ ម្ចាស់ហាងដែលប៉ាធ្លាប់ទិញផ្លែឈើរាល់ដង បាត់មុខប៉ា ក៏បានមកសួរសុខទុកប៉ា បាននិយាយសើចលេង ប៉ាមិនមាននៅសល់មិត្តចាស់ៗច្រើនទេ។

ហើយថ្ងៃមុននៅពេលដែលម្តាយឯងវិលមុខ ពេលទៅទិញម្ហូប ក៏បានអ្នកលក់អីវ៉ាន់ដែលគាត់ស្គាល់ ជួយនិងជូនមកដល់ផ្ទះដែរ។

តើប៉ាមិនគួរមានទំនាក់ទំនងដោយផ្ទាល់ជាមួយ មនុស្ស ជាមួយមិត្តនោះទេ ឬពឹងអ្វីៗនៅលើតែអនឡាញ? ប៉ាគួរតែធ្វើអ្វីគ្រប់យ៉ាង ឬឲ្យគេដឹកទំនិញមកដល់ផ្ទះដោយប្រើតែកុំព្យូទ័រ ?

ប៉ាចង់ស្គាល់មនុស្សដែលប៉ាតែងទាក់ទងជាមួយ ហើយមិនមែនត្រឹមតែអ្នកលក់នោះទេ។ វាបង្កើតចំណងនៃទំនាក់ទំនង។
តើអនឡាញ ផ្តល់អ្វីៗទាំងអស់នេះដែរទេ?'''
បច្ចេកវិទ្យាមិនមានជីវិតទេ។ មិនមានអារម្មណ៍ដូចមនុស្សទេ ចូរកូនចំណាយពេលជាមួយមនុស្ស .. មិនមែនប្រើពេលជាមួយឧបករណ៍ទាំងនោះពេកទេ៕

#ក្រមា

Kramapost.com

13/02/2024

12/02/2024

18/08/2023

17/08/2023

15/05/2023

13/05/2023

08/05/2023

07/05/2023

06/05/2023

06/05/2023

Address

Opening Hours

Telephone

Website

Alerts

Contact The Business

Shortcuts

Share

Category

Monday	07:00 - 19:00
Tuesday	07:00 - 19:00
Wednesday	07:00 - 19:00
Thursday	07:00 - 19:00
Friday	07:00 - 19:00
Saturday	07:00 - 19:00