CTV9 HD, Toul Kork (2026)

11/10/2026

ព្រះករុណាព្រះមហាក្សត្រ និងសម្ដេចព្រះមហាក្សត្រី ស្ដេចយាងជាព្រះរាជាធិបតីក្នុងព្រះរាជពិធីចាក់ទឹកដូងថ្វាយព្រះបិតរ

ចេញផ្សាយ ថ្ងៃទី ១១ ខែ តុលា ឆ្នាំ ២០២៦

ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេយាងជាព្រះរាជាធិបតីក្នុងព្រះរាជពិធីចាក់ទឹកដូងថ្វាយព្រះបិតរ នៅព្រះទីនាំងទេវាវិនិច្ឆ័យមហៃមហាស្ថាន នារាត្រីថ្ងៃទី១០ ខែតុលា ឆ្នាំ២០២៦។ រូបថត៖ ព្រះបរមរាជវាំង

11/10/2026

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត អញ្ជើញទៅដល់អាកាសយានដ្ឋាន Heydar Aliyev International Airport (GYD) ប្រកបដោយសុវត្ថិភាព

ចេញផ្សាយ ថ្ងៃទី ១១ ខែ តុលា ឆ្នាំ ២០២៦

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត នាល្ងាចថ្ងៃអាទិត្យ ទី១១ តុលា ២០២៦ អញ្ជើញទៅដល់អាកាសយានដ្ឋាន Heydar Aliyev International Airport (GYD) ប្រកបដោយសុវត្ថិភាព ដោយមានទទួលស្វាគមន៍ពីសំណាក់ ឯកឧត្តម Samir Sharifov ឧបនាយករដ្ឋមន្ត្រីនៃសាធារណរដ្ឋអាស៊ែបៃហ្សង់។

11/10/2026

សម្តេចធិបតី ហ៊ុន ម៉ាណែត ប្រកាសអញ្ជើញជាថ្មី និងធានាសុវត្ថិភាពលោក អ៊ុំ សំអាន មកជជែករឿងព្រំដែនកម្ពុជា-ថៃ នៅកម្ពុជា

11/10/2026

សម្តេចធិបតី សរសេរសារឆ្លើយតបទៅនឹងសារ៨០នាទី របស់លោក អ៊ុំ សំអាន

ចេញផ្សាយ ថ្ងៃទី ១១ ខែ តុលា ឆ្នាំ ២០២៦

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសរសេរលើបណ្តាញសង្គមការងារផ្លូវការនារសៀលថ្ងៃទី១១ ខែតុលា ឆ្នាំ២០២៦នេះថា «ខ្ញុំបានស្តាប់សាររបស់លោក អ៊ុំ សំអាន ឆ្លើយតបនឹងការអញ្ជើញរបស់ខ្ញុំចំពោះគាត់ និងក្រុមជំនាញព្រំដែនរបស់គាត់ អោយនាំយកនូវឯកសារ និងភស្តុតាងទាំងឡាយដែលលោកមាន ពាក់ព័ន្ធនឹងព្រំដែនកម្ពុជា-ថៃ នៅចន្លោះបង្គោលសីមាលេខ ៥២ និង ៥៩ មកជជែកគ្នាត្រង់ទៅ ត្រង់មក ជាមួយក្រុមការងារជំនាញព្រំដែនរបស់រដ្ឋលេខាធិការដ្ឋានកិច្ចការព្រំដែន នៅកម្ពុជា ដើម្បីបង្ហាញនូវតម្លាភាព គណនេយ្យភាព ភាពត្រឹមត្រូវ និងការទទួលខុសត្រូវរបស់យើង ចំពោះមុខប្រជាពលរដ្ឋ ពាក់ព័ន្ធនឹងបញ្ហាព្រំដែនជាមួយប្រទេសថៃ ជាពិសេសនៅក្នុងដំណាក់កាលព្រំដែនកម្ពុជា-ថៃ មិនទាន់បានដោះស្រាយចប់។

ក្នុងសាររបស់គាត់ប្រមាណ ៨០នាទី ក្រៅពីនិយាយអំពីបញ្ហាដដែលៗ ដែលរូបគាត់តែងតែនិយាយនាពេលកន្លងមកដោយគ្មានមូលដ្ឋានច្បាស់លាស់ លោក អ៊ុំ សំអាន មិនទាន់បានឆ្លើយតបជាក់លាក់ឡើយ ពាក់ព័ន្ធនឹងការអញ្ជើញរបស់ខ្ញុំ។ អ្វីដែលខ្ញុំយល់ គឺថាគាត់ហាក់ដូចជាមិនហ៊ានមកកម្ពុជាតាមការអញ្ជើញដើម្បីជជែកគ្នាដោយសារគាត់ខ្លាចស្លាប់ ឬគ្រោះថ្នាក់ ដោយអាចមានគេលបបាញ់គាត់ ឬវ៉ៃគាត់បែកក្បាល (តាមសម្តីរបស់គាត់)។ គាត់ថាបើជួបនៅក្រៅប្រទេសគាត់ជួប។

ពាក់ព័ន្ធនឹងការលើកឡើងរបស់លោក អ៊ុំ សំអាន ខ្ញុំសូមបញ្ជាក់÷

១. ពាក់ព័ន្ធនឹងសុវត្ថិភាពរបស់លោក អ៊ុំ សំអាន និងក្រុមការងារ ÷
ខ្ញុំសូមបញ្ជាក់សាជាថ្មី នូវការធានាអំពីសុវត្ថិភាពរបស់លោក និងក្រុមរបស់លោក ក្នុងអំឡុងពេល ដែលលោក និងក្រុមរបស់លោក មានវត្តមាននៅប្រទេសកម្ពុជា រហូតដល់លោក និងក្រុមរបស់លោក ចាកចេញផុតពីកម្ពុជា។
បើលោកមិនទុកចិត្ត ខ្ញុំ និងរាជរដ្ឋាភិបាល លោកអាចពឹងពាក់អោយមានការជួយឃ្លាំមើលសុវត្ថិភាពរបស់លោកពីសំណាក់ស្ថានទូតបរទេសណាមួយនៅកម្ពុជា ឬអង្គការសង្គមស៊ីវិលណាដែលលោកទុកចិត្តបន្ថែមក៏បាន។
បើសិនជា ខ្ញុំមានបំណងអាក្រក់អ្វីមួយចំពោះរូបលោក អ៊ុំ សំអាន ខ្ញុំមិនមានការចាំបាច់ផ្តល់ការធានាជាសាធារណៈបែបនេះទេ ព្រោះបើមានអ្វីកើតឡើងចំពោះរូបលោក គឺខ្ញុំទេដែលជាអ្នកខាតធំជាងគេ ដោយនឹងត្រូវខាតបង់នូវទំនុកចិត្តជាមេដឹកនាំ ក៏ដូចជារងការចោទប្រកាន់នានាផងដែរ។

២. ពាក់ព័ន្ធនឹងទីកន្លែងជជែកគ្នា ÷
ការកំណត់យកប្រទេសកម្ពុជាជាកន្លែងជជែកគ្នា គឺមានគោលដៅពីរ:
គោលដៅទី១ - គឺដើម្បីផ្តល់ឱកាសជូនបងប្អូនប្រជាពលរដ្ឋខ្មែរនៅក្នុងប្រទេស ជាអាថិ៍អ្នកសារពត៌មាន តំណាងគណបក្ស អង្គការសង្គមស៊ីវិល និស្សិត បញ្ញវន្ត និងមហាជនខ្មែរ រួមទាំងអ្នកគាំទ្រលោក បានចូលរួមស្តាប់និងធ្វើជាសាក្សី នូវការជជែកគ្នានោះ។ ហេតុដូច្នេះ បើលោក អ៊ុំ សំអាន នៅទុកចិត្តនិងផ្តល់តម្លៃអោយប្រជាពលរដ្ឋខ្មែរក្នុងប្រទេស លោកមិនគួរបដិសេធការជជែកគ្នានៅក្នុងប្រទេសកម្ពុជា លើកលែងតែលោកយល់ថាប្រជាពលរដ្ឋខ្មែរនៅក្នុងប្រទេសមិនអាចទុកចិត្តបាន ឬមិនមានតម្លៃស្មើសុវត្ថិភាពផ្ទាល់ខ្លួនរបស់លោក។
គោលដៅទី២ - គឺខ្ញុំមិនចង់អោយការជជែកគ្នា បានត្រឹមតែជជែកនៅលើតុ ប្រើក្រដាសរៀងៗខ្លួនតែប៉ុណ្ណោះទេ ព្រោះធ្វើបែបនេះវាអត់បានបញ្ជាក់អ្វីច្បាស់លាស់ និងដាច់ស្រេចឡើយ។ វានាំតែខាតពេលវេលា និងអាចអោយកាន់តែច្របូកច្របល់ក្នុងអារម្មណ៍ប្រជាពលរដ្ឋខ្មែរដែលតាមដានករណីនេះ។ ក្នុងករណីដែលការជជែកគ្នានៅលើតុ មិនច្បាស់លាស់ និងដាច់ស្រេច មានតែការផ្ទៀងផ្ទាត់ជាក់ស្តែងនៅលើដីទេទើបអាចផ្តល់ភាពច្បាស់លាស់បាន។ ហេតុដូច្នេះ មានតែការជជែកគ្នានៅក្នុងប្រទេសកម្ពុជាទេ ទើបអនុញ្ញាតអោយយើងចុះទៅផ្ទៀងផ្ទាត់នៅលើដីជាក់ស្តែងក្នុងករណីចាំបាច់។

ខ្ញុំនៅតែសង្ឃឹមថាលោក អ៊ុំ សំអាន និងក្រុមការងារ នឹងមកជជែកគ្នានៅប្រទេសកម្ពុជា តាមការអញ្ជើញរបស់ខ្ញុំ ដើម្បីបង្ហាញនូវតម្លាភាព គណនេយ្យភាព ភាពត្រឹមត្រូវ និងការទទួលខុសត្រូវរបស់យើង ចំពោះមុខប្រជាពលរដ្ឋ ពាក់ព័ន្ធនឹងបញ្ហាព្រំដែនជាមួយប្រទេសថៃ ជាពិសេសនៅក្នុងដំណាក់កាលព្រំដែនកម្ពុជា-ថៃ មិនទាន់បានដោះស្រាយចប់។ នេះក៏ជាការបង្ហាញអំពីកម្រិតនៃការទុកចិត្តនិងការផ្តល់តម្លៃរបស់លោក អ៊ុំ សំអាន ចំពោះប្រជាពលរដ្ឋខ្មែរក្នុងប្រទេសផងដែរ»៕

11/10/2026

🔴 🇹🇭 👉🏻 ប្រទេសថៃ ៖ ភ្ញៀវទេសចរណ៍ធ្លាក់ចុះ ២០% ស្របពេលមានការជំទាស់ចំពោះសំណើគិតថ្លៃពន្ធចេញដំណើរចំនួន ១.០០០ បាត និងគម្រោងគិតថ្លៃសេវាចំនួន ៤៥០ បាតសម្រាប់ភ្ញៀវទេសចរបរទេស

យោងតាមសមាគមសណ្ឋាគារថៃ ចំនួនភ្ញៀវទេសចរបរទេសមកពីទីផ្សារអាស៊ានបានធ្លាក់ចុះប្រហែល ២០% ដោយសារផលប៉ះពាល់ដែលនៅសេសសល់ពីគ្រោះទឹកជំនន់ និងការចំណាយលើការធ្វើដំណើរដែលជាកត្តារារាំងដល់វិស័យទេសចរណ៍។

សមាគមក៏បានសម្តែងការជំទាស់ចំពោះសំណើគិតថ្លៃពន្ធចេញដំណើរចំនួន ១.០០០ បាត និងគម្រោងគិតថ្លៃសេវាចំនួន ៤៥០ បាតសម្រាប់ភ្ញៀវទេសចរបរទេស ដោយព្រមានថាការគិតថ្លៃសរុបអាចឡើងដល់ ២.៥៧០ បាតក្នុងម្នាក់។
សម្រាប់គ្រួសារដែលមានសមាជិក ៤ នាក់ ការចំណាយលើថ្លៃសេវាទាំងនេះអាចឡើងដល់ ១០.២៨០ បាត មុននឹងគិតបញ្ចូលថ្លៃស្នាក់នៅ និងការចំណាយផ្សេងទៀតសម្រាប់ការធ្វើដំណើរ។

សមាគមបានព្រមានថា ការចំណាយខ្ពស់អាចធ្វើឱ្យភ្ញៀវទេសចរងាកទៅរកគោលដៅទេសចរណ៍ផ្សេងទៀតដែលជាគូប្រជែង ដូចជាប្រទេសវៀតណាម និងហុងកុង ជាដើម។
ទោះជាយ៉ាងណាក៏ដោយ សំណើពន្ធទាំងពីរនេះនៅតែស្ថិតក្នុងដំណាក់កាលពិចារណានៅឡើយ។

ប្រភព : https://web.facebook.com/share/p/19QfU2CyG3/

11/10/2026

🔴 លោក Lai ថ្លែងថា តៃវ៉ាន់នឹងមិនបោះបង់ចោលសេរីភាពឡើយ ខណៈទីក្រុងប៉េកាំងរិះគន់យ៉ាងខ្លាំងចំពោះ «ចេតនាលាក់កំបាំង»។

តៃប៉ិ ថ្ងៃទី ១០ ខែតុលា (Reuters) - ប្រធានាធិបតី Lai Ching-te បានថ្លែងនៅក្នុងសុន្ទរកថាថ្ងៃបុណ្យជាតិកាលពីថ្ងៃសៅរ៍ថា តៃវ៉ាន់ឱ្យតម្លៃលើសន្តិភាព ប៉ុន្តែនឹងមិនបោះបង់ចោលសេរីភាពរបស់ខ្លួនឡើយ ហើយសិទ្ធិរបស់ប្រជាជនតៃវ៉ាន់ក្នុងការរស់រានមានជីវិតត្រូវតែទទួលបានការគោរព។
លោកបានបន្ថែមថា ការពង្រឹងសមត្ថភាពការពារជាតិមិនមែនជាការបង្កហេតុនោះទេ។

ទីក្រុងប៉េកាំងបានថ្កោលទោសយ៉ាងឆាប់រហ័សចំពោះសុន្ទរកថានេះ ដោយលើកឡើងថាវា «បង្ខូចការពិត» និងបង្ហាញពី «ចេតនាលាក់កំបាំង»។

ប្រភព : https://web.facebook.com/share/p/1Ec2Cab1as/

11/10/2026

🔥🇹🇭 បន្ទាន់ ! 🔥 រថយន្តសង្គ្រោះបន្ទាន់មួយគ្រឿងបានឆេះនៅមុខមន្ទីរពេទ្យ Vachira ខេត្តភូកេត នៅថ្ងៃនេះ (ថ្ងៃទី ១១ ខែតុលា ឆ្នាំ ២០២៦) វេលាម៉ោងប្រហែល ៧:០៥ ព្រឹក។ របាយការណ៍បឋមបានឱ្យដឹងថា វាជារថយន្តដែលមានបំពាក់ឧបករណ៍សង្គ្រោះបន្ទាន់កម្រិតខ្ពស់ (Mobile ICU) ហើយមូលហេតុនៃការឆេះនេះមិនទាន់ត្រូវបានដឹងនៅឡើយទេ។

ប្រភព : https://web.facebook.com/share/p/1FcStSak4C/

11/10/2026

🇻🇳 មនុស្សរាប់រយនាក់តម្រង់ជួរតាំងពីព្រលឹមនៅមន្ទីរពេទ្យព្យាបាលជំងឺមហារីកទីក្រុងហូជីមិញ ដែលកំពុងជួបបញ្ហាផ្ទុកអ្នកជំងឺលើសកម្រិត
ជារៀងរាល់ថ្ងៃ អ្នកជំងឺមហារីករាប់រយនាក់បានមកដល់មន្ទីរពេទ្យព្យាបាលជំងឺមហារីកទីក្រុងហូជីមិញ (Ho Chi Minh City Oncology Hospital) តាំងពីមុនពេលព្រឹកព្រលឹម ប៉ុន្តែអ្នកជំងឺជាច្រើនត្រូវរង់ចាំរយៈពេលពី ៤ ទៅ ៦ សប្តាហ៍ ទើបអាចចាប់ផ្តើមទទួលការព្យាបាលដោយកាំរស្មី (radiotherapy) បាន ដោយសារតែម៉ាស៊ីនព្យាបាលកំពុងដំណើរការពេញសមត្ថភាព។

ប្រភព : https://web.facebook.com/share/p/1ByRui5NA8/

11/10/2026

🇸🇬 ប្រទេសសិង្ហបូរីកំពុងដំណើរការដាក់ម៉ាស N95 ចូលទៅក្នុងម៉ាស៊ីនលក់ស្វ័យប្រវត្តិ ដើម្បីត្រៀមលក្ខណៈទុកជាមុន ក្នុងករណីដែលស្ថានភាពផ្សែងអ័ព្ទកាន់តែធ្ងន់ធ្ងរ ហើយសន្ទស្សន៍គុណភាពខ្យល់ (PSI) រយៈពេល ២៤ ម៉ោង កើនឡើងដល់កម្រិត «មិនល្អខ្លាំងចំពោះសុខភាព» (Very Unhealthy) ពោលគឺលើសពី ២០០។

នៅពេលស្ថានភាពនោះកើតឡើង អង្គការមូលដ្ឋាននានារបស់សមាគមប្រជាជន (People’s Association ឬ PA) នឹងចាប់ផ្តើមចែកជូនម៉ាស N95 ដល់ប្រជាពលរដ្ឋសិង្ហបុរីដែលមានសិទ្ធិទទួលបាន ហើយម៉ាស៊ីនលក់ម៉ាសស្វ័យប្រវត្តិក៏នឹងត្រូវបានដាក់ឱ្យប្រើប្រាស់នៅតាមចំណុចតភ្ជាប់ដឹកជញ្ជូនសាធារណៈ និងការិយាល័យសេវាសង្គមចំនួន ៣៧ កន្លែងផងដែរ។

យោងតាមអាជ្ញាធរ បរិមាណស្តុកនៅក្នុងម៉ាស៊ីនលក់ទាំងនោះត្រូវបានតាមដានក្នុងពេលវេលាជាក់ស្តែង និងមានការបំពេញបន្ថែមជាប្រចាំ ដើម្បីធានាឱ្យមានការផ្គត់ផ្គង់ជាប់លាប់។

ប្រភព : https://web.facebook.com/share/r/19ss9YKSxH/

11/10/2026

🔥 មន្ត្រីអារ៉ាប៊ីសាអូឌីត៖ មនុស្សយ៉ាងហោចណាស់ ១២ នាក់បានស្លាប់នៅក្នុងការវាយប្រហារលើព្រលានយន្តហោះទីក្រុងរីយ៉ាដ ‼️

មន្ត្រីអាកាសចរណ៍ស៊ីវិលរបស់ប្រទេសអារ៉ាប៊ីសាអូឌីតបានឱ្យដឹងថា មនុស្សយ៉ាងហោចណាស់ ១២ នាក់បានស្លាប់ និង ៣០៩ នាក់ផ្សេងទៀតបានរងរបួសកាលពីថ្ងៃសៅរ៍ នៅក្នុងការវាយប្រហារមួយទៅលើអាកាសយានដ្ឋានអន្តរជាតិទីក្រុងរីយ៉ាដ (Riyadh) ដែលប្រភពការទូតមួយបានចោទប្រកាន់ក្រុមហ៊ូធី (Houthis) របស់ប្រទេសយេម៉ែនថាជាអ្នកបង្កហេតុ។

សេចក្តីថ្លែងការណ៍បានបន្ថែមថា ក្នុងចំណោមអ្នកស្លាប់ទាំងនោះ មានពលរដ្ឋអារ៉ាប៊ីសាអូឌីតចំនួន ៤ នាក់ ព្រមទាំង
ជនជាតិបង់ក្លាដែស ២ នាក់
ជនជាតិអាមេរិក ១ នាក់
ជនជាតិអេហ្ស៊ីប ១ នាក់
ជនជាតិហ្ស៊កដានី ១ នាក់
ជនជាតិស៊ីរី ១ នាក់
ជនជាតិប៉ាឡេស្ទីន ១ នាក់ និងជនជាតិស៊ូដង់ ១ នាក់។ អ្នករងរបួសមួយចំនួនស្ថិតក្នុងស្ថានភាពធ្ងន់ធ្ងរ។

គួរបញ្ជាក់ផងដែរថា ក្រុមហ៊ូធី (Houthis) ដែលមានអ៊ីរ៉ង់គាំទ្រ បានបើកការវាយប្រហារជាបន្តបន្ទាប់ក្នុងកម្រិតធំធេងមិនធ្លាប់មានពីមុនមកទៅលើព្រះរាជាណាចក្រអារ៉ាប៊ីសាអូឌីត ដោយកំណត់គោលដៅលើព្រលានយន្តហោះ ហេដ្ឋារចនាសម្ព័ន្ធប្រេង និងនាវាដឹកប្រេងរបស់ប្រទេសនេះ ចាប់តាំងពីបទឈប់បាញ់ក្នុងជម្លោះដ៏យូរអង្វែងជាមួយរដ្ឋាភិបាលយេម៉ែន (ដែលគាំទ្រដោយទីក្រុងរីយ៉ាដ) បានដួលរលំទៅវិញកាលពីខែកក្កដា។

អាជ្ញាធរសាអូឌីតកម្រនឹងទទួលស្គាល់ថាមានការវាយប្រហារលើគោលដៅស៊ីវិលណាស់ ហើយមន្ត្រីផ្នែកអាកាសចរណ៍ក៏មិនបានបញ្ជាក់ឈ្មោះក្រុមហ៊ូធីដោយផ្ទាល់នោះដែរ។

ប្រភព : https://web.facebook.com/share/p/1FbzmvHoiv/

CTV9 HD

11/10/2026

11/10/2026

11/10/2026

11/10/2026

11/10/2026

11/10/2026

11/10/2026

11/10/2026

11/10/2026

11/10/2026

Address

Telephone

Website

Alerts

Contact The Business

Shortcuts

Share

Category

Listing takedown request