Feeling sad

29/07/2025

ការសិក្សាមិនមែនសម្រាប់ប្រឡងទេ ប៉ុន្តែសម្រាប់ការរស់នៅជីវិតពិតប្រាកដ 📘💡
ភាសា គឺជាកូនសោរ ហើយការចេះភាសាកាន់តែច្រើន គឺជាការបើកទ្វារទៅកាន់ពិភពលោក 🔑🌍 ការខិតខំសិក្សា គឺជាការវិនិយោគលើខ្លួនឯង ដែលផ្តល់ផលចំណេញដល់សង្គមជាតិជាយូរអង្វែង🤍📘

29/07/2025

❤️❤️🙏🏻🙏🏻

សូមនិយាយលេងបន្ធូរអារម្មណ៍ជាមួយបងប្អូនបន្តិច (ដោយសារសមរភូមិមុខមានការធូរស្រាលបន្ទាប់ពីមានការឈប់បាញ់ ចាប់តាំងពីម៉ោង១២យប់មិញ តាមស្មារតីនៃកិច្ចព្រមព្រៀងរវាងកម្ពុជានិងថៃ ក្នុងកិច្ចប្រជុំពិសេសនៅប្រទេសម៉ាឡេស៊ីម្សិលមិញ) ÷

ល្ងាចមិញជំនួយការខ្ញុំម្នាក់ផ្ញើសារប្រាប់ខ្ញុំថា គាត់ឃើញខ្ញុំដូចកើនអាយុ ៥ឆ្នាំ ក្នុង ៥ថ្ងៃនេះ ដោយសារឃើញមុខរៀងស្លក់ ហើយសក់ស្កូវច្រើន😅 មានម្នាក់ទៀតអោយយោបល់ថា ខ្ញុំគួរលាបសក់កុំអោយមើលទៅចាស់ពេក។ ខ្ញុំប្រាប់ថា អារម្មណ៍ពេលនេះអត់នៅជាមួយពណ៌សក់របស់ខ្ញុំទេ។

អារម្មណ៍របស់ខ្ញុំទាំងអស់នៅអំឡុងពេលនេះ គឺនៅជាប់ជាមួយនឹងកិច្ចការធំៗមួយចំនួន ÷ តាមដានស្ថានការណ៍សមរភូមិមុខ និងដោះស្រាយគាំទ្រដល់កងកម្លាំងរបស់យើងដែលកំពុងប្រយុទ្ធការពារបូរណភាពទឹកដី, រៀបចំគោលនយោបាយសម្រាប់យុទ្ធជនរបួស-ពលីឱ្យបានសមរម្យ, ដោះស្រាយសុខទុក្ខរបស់បងប្អូនជនភាសសឹករាប់សែននាក់, ដោះស្រាយបញ្ហាពលករដែលត្រលប់មកវិញជាគំហុកពីប្រទេសថៃ។ល។

បញ្ហាគន្លឹះសម្រាប់ខ្ញុំក្នុងរយៈពេលប៉ុន្មានថ្ងៃនេះ គឺការស្វែងរកវិធីសាស្ត្រដោះស្រាយបញ្ចប់ការប្រយុទ្ធគ្នាឲ្យបានឆាប់ជាទីបំផុត ដើម្បីជួយសង្គ្រោះជីវិតមនុស្សទាំងកងកម្លាំងប្រដាប់អាវុធនិងប្រជាជនស៊ីវិលដែលរស់ក្នុងតំបន់ប្រយុទ្ធគ្នា កុំឲ្យបន្តស្លាប់និងរងរបួស។ ការឈប់ប្រយុទ្ធគ្នាកាន់តែឆាប់ ក៏អាចឱ្យប្រជាពលរដ្ឋដែលរងផលប៉ះពាល់ដូចជាជនភាសសឹក អាចវិលត្រឡប់ទៅទីលំនៅរបស់ពួកគាត់និងធ្វើការងារចិញ្ចឹមជីវភាពរស់នៅជាប្រក្រតីវិញកាន់តែឆាប់ដែរ។

ក្នុងស្ថានភាពប្រទេសជាតិ និងប្រជាជនកំពុងជួបការលំបាកបែបនេះ រូបខ្ញុំមើលទៅចាស់បន្តិចដោយសារសក់ស្កូវមិនអីទេ។ ហើយបើទោះបីជាមើលទៅចាស់បន្តិច កម្លាំងខ្សោយជាងកាលពី១០ឆ្នាំមុនបន្តិច ប៉ុន្តែកម្លាំងចិត្តក្នុងការប្រឈមដោះស្រាយបញ្ហា ចំពោះមុខទាំងអស់គឺនៅតែខ្លាំងដដែល។

ចាំដោះស្រាយបញ្ហាទាំងអស់នោះបានចប់ ហើយកងទ័ពនិងប្រជាជនបានសេចក្តីសុខ ប្រទេសជាតិបានទទួលនូវសុខសន្តិភាពវិញសិន ចាំលាបសក់ក៏មិនអីដែរ😅

#ហ៊ុនម៉ាណែត
#កម្ពុជា

29/07/2025

សូមអរគុណច្រើនម៉ាឡេស៊ី 🇲🇾 ពីកម្ពុជា 🇰🇭🙏
🇰🇭❤️🇲🇾

29/07/2025

🇰🇭 សូមស្រលាញ់ជាតិ សាសនា និងព្រះមហាក្សត្រ
💖 បេះដូងខ្មែរ ត្រូវស្រឡាញ់ដើមកំណើតរបស់ខ្លួន
🌱 ជាតិខ្មែរ រឹងមាំតែពេលខ្មែរស្រលាញ់ខ្មែរ! ខ្មែរស្រលាញ់ខ្មែរ ជាជ័យជម្នះដ៏ធំ 🇰🇭 🤍 🙏🏻

28/07/2025

អរគុណបងៗកងទ័ពជួរមុខចំពោះការស្រឡាញ់មាតុភូមិនិងផ្ដល់សុខសុវត្ថិភាពដល់ប្រជាពលរដ្ឋកម្ពុជាទាំងមូល🇰🇭🙏 សូមគោរពជូនពរឱ្យបងប្អូនប្រជាពលរដ្ឋខ្មែរទទួលបានសេចក្ដីសុខចម្រើនគ្រប់ក្រុមគ្រួសារ🙏🇰🇭🥰

28/07/2025

🔹 សូមព្រលឹងដូនតាខ្មែរ ជួយថែរក្សាជាតិ!
🛡️ សេចក្ដីសុខសុវត្ថិភាព ចូរប្រកបលើវីរៈកងទ័ពខ្មែរ!
⚔️ កម្លាំងខ្មែរមិនខ្វះ បេះដូងខ្មែរមិនចាញ់!
🇰🇭 ជ័យជម្នះសម្រាប់ជាតិ និងសន្តិភាពសម្រាប់ប្រជាជន!
សូមបួងសួងដល់វត្ថុស័ក្ដិសិទ្ធិ និងព្រលឹងដូនតា សូមឱ្យកងទ័ពខ្មែររឹងមាំ ដូចថ្ម ដូចភ្នំ និងអោយឈ្នះលើសត្រូវទាំងអស់ ដើម្បីសន្តិភាពជាតិខ្មែរ 🙏🇰🇭

28/07/2025

28/07/2025

ក្រោយពីត្រឡប់មកដល់ប្រទេសកម្ពុជាវិញបន្ទាប់ពីចរចារការឈប់បាញ់ជាបន្ទាន់ រវាងកងទ័ពកម្ពុជានិងកងទ័ពថៃដោយជោគជ័យនៅប្រទេសម៉ាឡេស៊ី ខ្ញុំបានទទួលទូរសព្ទពីឯកឧត្តម Donald Trump ប្រធានាធិបតីសហរដ្ឋអាមេរិក ដោយឯកឧត្តមទាក់ទងមកផ្ទាល់ ដើម្បីអបអរសាទរនូវជោគជ័យនៃកិច្ចចរចារបញ្ចប់ការឈប់បាញ់គ្នាភ្លាមរវាងនាយករដ្ឋមន្ត្រីកម្ពុជានិងនាយករដ្ឋមន្ត្រីថៃកាលពីល្ងាចមិញនេះ។ ឯកឧត្តមចាត់ទុកកិច្ចការនេះជាកិច្ចការសំខាន់ហើយដែលឯកឧត្តមតាមដានដោយផ្ទាល់។

ខ្ញុំបានសម្ដែងការអរគុណសារជាថ្មីចំពោះឯកឧត្តមប្រធានាធិបតី Donald Trump ដែលបានផ្ដួចផ្ដើមនិងជំរុញឲ្យមានការចរចារការឈប់បាញ់ឲ្យបានឆាប់រហ័ស និងឲ្យគោលការណ៍សហរដ្ឋអាមេរិកធ្វើជាសហអ្នករៀបចំកិច្ចប្រជុំពិសេសនៅប្រទេសម៉ាឡេស៊ីថ្ងៃនេះ។

ឯកឧត្តមយល់ថាដើម្បីឲ្យកិច្ចព្រមព្រៀងនេះអាចអនុវត្តទៅដោយពេញលេញនិងមាននិរន្តរភាព ចាំបាច់ត្រូវមានយន្តការតាមដាននិងត្រួតពិនិត្យការអនុវត្តរបស់ភាគីពាក់ព័ន្ធឱ្យបានច្បាស់លាស់ ដែលនេះក៏ជាចំណុចឯកភាពគ្នាមួយនៅក្នុងកិច្ចប្រជុំពិសេសផងដែរ។

ក្នុងន័យនេះ ឯកឧត្តមប្រធានាធិបតីបានឯកភាពឲ្យសហរដ្ឋអាមេរិកចូលរួមក្នុងដំណើរការត្រួតពិនិត្យការអនុវត្តកិច្ចព្រមព្រៀងបញ្ចប់ការឈប់បាញ់គ្នា និងបន្តសហការជាមួយយន្តការដែលរៀបចំដោយម៉ាឡេស៊ី ដើម្បីត្រួតពិនិត្យឲ្យបានជោគជ័យ។

ឯកឧត្តមប្រធានាធិបតី Donald Trump ចាត់ទុកថាកិច្ចការងារនេះជាកិច្ចការពិសេសសំខាន់ដែលឯកឧត្តមចង់ឃើញនូវសន្តិភាពមួយដែលមានជាអចិន្ត្រៃយ៍រវាងប្រទេសទាំងពីរ។

Upon returning to Cambodia following the successful negotiation of an immediate ceasefire between the Cambodian and Thai armed forces in Malaysia, I received a phone call from His Excellency Donald Trump, President of the United States. He contacted me to extend his congratulations for this evening's successful ceasefire negotiation between the Cambodian Prime Minister and the Thai Prime Minister. He considers this a crucial matter that he had been monitoring personally.

I expressed my renewed thanks to President Donald Trump for initiating and facilitating for a swift ceasefire negotiation and for the United States to co-organize today's special meeting in Malaysia.

He believes that for this agreement to be fully and sustainably implemented, there must be a clear monitoring mechanism to oversee the implementation by the relevant parties. This was also a point of agreement of the special meeting.

In this regard, President Trump agrees for the United States to engage in the monitoring the implementation of the ceasefire agreement and to continue cooperating with the mechanism established by Malaysia for successful oversight.

The President attaches great importance to this ceasefire agreement, as he wishes to see lasting peace between the two countries.

#ហ៊ុនម៉ាណែត
#កម្ពុជា

28/07/2025

កម្លាំងខ្មែរ​ 🇰🇭 (feat. NPN)
សូមទេវតា ម្ចាស់ទឹកម្ចាស់ដី និងដួងព្រលឹងបុព្វបុរសខ្មែរ តាមថែរក្សាបងបងកងទ័ពកម្ពុជា ឲ្យជួបតែសំណាងល្អ ការពារទឹកដី ឈ្នះអស់មាសត្រូវ ❤️ #ថៃជាអ្នកផ្តើមសង្គ្រាម

28/07/2025

សម្លេងគ្រាប់កាំភ្លើងនឹងលែងលឺនៅម៉ោង២៤យប់នេះ រាស្រ្តមួយនគររីករាយជាមួយលទ្ធផលកិច្ចប្រជុំពិសេសនៅម៉ាឡេស៊ី ក្រោមកិច្ចខិតខំប្រឹងរបស់ សម្តេចធិបតី ហ៊ុន ម៉ាណែត ! សូមគណៈប្រតិភូជាន់ខ្ពស់ទាំងអស់ត្រឡប់មកកាន់មាតុភូមិវិញ សូមបានប្រកបដោយសុវត្ថិភាព !

28/07/2025

ជាលទ្ធផលដ៏ត្រចះត្រចង់ពីចំនួបរវាងខ្ញុំ និងឯកឧត្ដម Phumtham Wechayachai នាយករដ្ឋមន្ត្រីស្តីទីនៃព្រះរាជាណាចក្រថៃ ដោយភាគីទាំងពីរកម្ពុជា-ថៃបានឯកភាពគ្នាដូចខាងក្រោម៖

1. បទឈប់បាញ់បន្ទាន់ ឥតលក្ខខណ្ឌ ដែលនឹងចូលជាធរមាននៅវេលាម៉ោង2400 ថ្ងៃទី28 ខែកក្កដា ឆ្នាំ2025។ នេះជាជំហានដ៏សំខាន់ ឆ្ពោះទៅការបន្ថយការតានតឹង នឹងការស្តារឡេីងវិញនៅសន្តិភាព និងសន្តិសុខ។

2. រៀបចំកិច្ចប្រជុំក្រៅផ្លូវការថ្នាក់មេបញ្ជាការយោធភូមិភាគ (ភាគីថៃ យោធភូមិភាគទី1 និងទី2 និងភាគីកម្ពុជាយោធភូមិភាគទី4 និងទី5) នៅវេលាម៉ោង0700 ថ្ងៃទី29 ខែកក្កដា ឆ្នាំ2025 និងបន្តរៀបចំកិច្ចប្រជុំជាមួយបណ្តាសេនានុព័ន្ធ និងអនុព័ន្ធយោធា ដឹកនាំដោយប្រធានអាស៊ាន បេីមានការឯកភាពពីភាគីទាំងពីរ និង

3. រៀបចំកិច្ចប្រជុំគណៈកម្មាធិការព្រំដែនទូទៅ (GBC) កម្ពុជា-ថៃ នៅថ្ងៃទី4 ខែសីហា ឆ្នាំ2025 ដែលកម្ពុជានឹងធ្វើជាម្ចាស់ផ្ទះ។

ខ្ញុំសូមអរគុណឯកឧត្តមនាយករដ្ឋមន្ត្រី Anwar Ibrahim ដែលបានផ្តួចផ្តើមគំនិតសម្របសម្រួលអោយមានកិច្ចប្រជុំ និងធ្វើជាម្ចាស់ផ្ទះ។ ខ្ញុំក៏សូមអរគុណឯកឧត្តមប្រធានាធិបតី Donald Trump ដែលបានផ្តល់ការគាំទ្រដល់ដំណើរការចរចាររកការឈប់បាញ់ភ្លាមដើម្បីកសាងសន្តិភាព តាមរយៈសហរដ្ឋអាមេរិកធ្វើជាសហអ្នករៀបចំនៃជំនួបថ្ងៃនេះ។ ខ្ញុំក៏សូមអរគុណដល់រដ្ឋាភិបាលចិនដែលតែងតែគាំទ្រលើកទឹកចិត្តអោយភាគីទាំងពីរស្វែងរកការឈប់បាញ់និងចូលរួមយ៉ាងសកម្មគាំទ្រដល់ជំនួបពិសេសនេះផងដែរ។

ខ្ញុំជឿជាក់ថា កិច្ចព្រមព្រៀងឈប់បាញ់គ្នា រវាងកងទ័ពកម្ពុជានិងកងទ័ពថៃនេះ គឺជាមូលដ្ឋានសំខាន់សម្រាប់ការកសាងទំនុកចិត្តរវាងគ្នា និងការកែលំអរស្ថានការអោយប្រសើរឡើង ឈានទៅរកប្រក្រតីភាពនៅពេលអនាគត។

A fruitful outcome from the meeting between myself and H.E. Phumtham Wechayachai, Acting Prime Minister of the Kingdom of Thailand, both the Cambodia and Thai sides have reached the following agreements:

1. An immediate and unconditional ceasefire, with effect from 24:00 hours (local time) on 28 July 2025. This is a vital first step towards de-escalation and the restoration of peace and security.
2. To convene informal meeting of regional commanders (Regional Military 1 and 2 on the Thai side and Regional Military 4 and 5!of the Cambodian side) at 07:00 hours on 29 July 2025, and followed by meeting with the Defense Attaches led by the Chair of ASEAN, if both sides agreed; and
3. To convene a meeting of the General Border Committee (GBC) on 4 August 2025, to be hosted by Cambodia

I would like to thank H.E. Prime Minister Anwar Ibrahim for initiating and facilitating this meeting and serving as host. I would also like to extend my thanks to H.E. President Donald Trump for his support for the immediate ceasefire negotiation process in order to build peace through the United States’ co-organizing of today’s meeting. I also thank the Government of China, which has consistently encouraged both sides to seek a ceasefire and actively supported this special meeting.

I firmly believe that this ceasefire agreement between the Cambodian and Thai armed forces is a crucial foundation for building mutual trust, improving the situation, and paving the way for returning to normalcy in the future.

#ហ៊ុនម៉ាណែត
#កម្ពុជា