Quel est le site Web ?

https://www.facebook.com/100907548263359/

Mahesh Dhungana, Democratic Republic of the (2026)

19/06/2026

BTS को ‘द सिटी बुसान’ भव्य सफल, २ लाखभन्दा बढी आर्मीले गरे सहभागिता😍🇰🇷

दक्षिण कोरियाली विश्वप्रसिद्ध के-पप समूह BTS को अफलाइन फ्यान कार्यक्रम ‘BTS The City Arirang – Busan’ भव्य रूपमा सम्पन्न भएको छ। समूहको बुसान कन्सर्टको अवसरमा आयोजित कार्यक्रममा विश्वभरबाट आएका आर्मी (फ्यान) हरूले बुसानका विभिन्न स्थानमा आयोजित विशेष गतिविधिहरूमा उत्साहपूर्वक सहभागिता जनाएका थिए।

कार्यक्रमअन्तर्गत बुसान स्टेशनमा मिडिया आर्ट प्रदर्शनी, The Bay 101 मा ‘आर्मी मादाङ’ तथा ह्येउन्डे र ग्वाङआनरी क्षेत्रमा विशेष इभेन्टहरू सञ्चालन गरिएका थिए। बुसान महानगरपालिकाका अनुसार प्रमुख कार्यक्रम स्थलहरूमा मात्रै २ लाखभन्दा बढी दर्शक तथा फ्यान पुगेका थिए।

यस अवसरमा Gwangandaegyo, Busan Harbor Bridge लगायत बुसानका प्रमुख संरचनाहरू BTS को नयाँ एल्बम ARIRANG को प्रतीकात्मक रातो रङले सजाइएका थिए, जसले सहरलाई उत्सवमय बनाएको थियो।

‘द सिटी बुसान’ ले संगीत पर्यटन र स्थानीय अर्थतन्त्र प्रवर्द्धनमा समेत महत्वपूर्ण योगदान पुर्‍याएको बताइएको छ।

19/06/2026

नेपालको धान उत्पादन बढाउन दक्षिण कोरियाको १ अर्ब ८१ करोड रुपैयाँ अनुदान, तराईका ६ जिल्लामा ६ वर्षे परियोजना सञ्चालन हुने😍🇰🇷

नेपालको तराई क्षेत्रमा जलवायु अनुकूलित धान उत्पादन तथा उत्पादकत्व वृद्धि गर्न दक्षिण कोरिया सरकारले करिब १ अर्ब ८१ करोड रुपैयाँ (१ करोड २० लाख अमेरिकी डलर) बराबरको अनुदान सहयोग उपलब्ध गराउने भएको छ।

यस सम्बन्धमा Korea International Cooperation Agency (कोइका) र नेपाल सरकारको कृषि, वन तथा वातावरण मन्त्रालयबीच बिहीबार परियोजना कार्यान्वयन सम्झौतामा हस्ताक्षर भएको थियो।
सम्झौतामा कोइका नेपाल कार्यालयका कन्ट्री डाइरेक्टर मुहेअन कोङ र मन्त्रालयका सहसचिव डा. हरिबहादुर केसीले हस्ताक्षर गरेका छन्।

सन् २०२६ देखि २०३१ सम्म सञ्चालन हुने ६ वर्षे यस परियोजना लुम्बिनी प्रदेशका बाँके, बर्दिया, दाङ र कपिलवस्तु तथा सुदूरपश्चिम प्रदेशका कैलाली र कञ्चनपुर जिल्लामा कार्यान्वयन गरिनेछ।

परियोजनाले जलवायुमैत्री कृषि प्रविधि, गुणस्तरीय धानको बीउ प्रणाली, बाली कटानीपछिको व्यवस्थापन सुधार तथा कृषक र उद्यमीको बजार पहुँच विस्तारमार्फत धान उत्पादन वृद्धि गरी नेपालको खाद्य सुरक्षा सुदृढ गर्ने लक्ष्य राखेको छ।

यो आयोजना नेपालको कृषि क्षेत्रमा हाल सञ्चालनमा रहेका अन्तर्राष्ट्रिय सहयोग परियोजनामध्ये सबैभन्दा ठूलो मानिएको छ भने नेपालमा कोइकाले सञ्चालन गरेको हालसम्मकै सबैभन्दा ठूलो द्विपक्षीय परियोजना पनि हो।

परियोजनामा Nepal Agricultural Research Council (नार्क) र International Rice Research Institute (इरी) को प्राविधिक सहयोग रहनेछ।

परियोजनाले जलवायु परिवर्तनको प्रभावलाई ध्यानमा राख्दै सुधारिएका धानका जातहरूको विकास र विस्तारमा विशेष प्राथमिकता दिने जनाएको छ।
#दक्षिणकोरिया

19/06/2026

दक्षिण कोरियाको सिओसानमा दुःखद घटना: खोलामा डुबेर १३ वर्षीया छात्राको मृत्यु, अर्की साथीको उपचार जारी😢🇰🇷

दक्षिण कोरियाको Seosan स्थित हेमीचोन (Haemi Stream) मा बिहीबार साँझ दुई जना माध्यमिक विद्यालयकी छात्रा पानीमा डुबेको घटनामा एक जनाको ज्यान गएको छ ।
त्यस्तै अर्की छात्राको अवस्था सुधार हुँदै गएको छ।

स्थानीय समयअनुसार साँझ ५:१६ बजे “जोसान पुलमुनि दुई जना छात्रा खोलामा डुबेर हराउँदै छन्” भन्ने नागरिकको सूचनापछि उद्धार टोली घटनास्थल पुगेको थियो।
उद्धारकर्मीहरूले १३ वर्षीया दुई छात्रालाई पानीबाट अचेत अवस्थामा बाहिर निकालेका थिए।

उद्धारपछि घटनास्थलमै CPR (हृदय तथा श्वासप्रश्वास पुनर्जीवन) दिँदै उनीहरूलाई अस्पताल लगिएको थियो। तर एक छात्राको उपचारका क्रममा ज्यान गएको हो । अर्की छात्राको अवस्था भने साँझ ६:२६ बजेपछि सुधार भएको र हाल स्वासप्रश्वास गर्न सक्ने अवस्थामा रहेको बताइएको छ।

दुवै छात्रा नजिकैको विद्यालयमा कक्षा ७ मा अध्ययनरत घनिष्ठ साथीहरू रहेको र विद्यालयबाट सँगै घर फर्किरहेका बेला दु'र्घटना भएको प्रारम्भिक अनुसन्धानबाट खुलेको छ।

उनीहरू भेटिएको स्थानको पानीको गहिराइ करिब १.५ देखि २ मिटर रहेको, जुन बालबालिकाको उचाइभन्दा धेरै गहिरो भएको बताइएको छ।

प्रहरीले विद्यालयका अधिकारी, अभिभावक तथा प्रत्यक्षदर्शीसँग सोधपुछ गर्दै घटनाको विस्तृत अनुसन्धान गरिरहेको छ।
#दक्षिणकोरिया

19/06/2026

कोरियन एयर–असियाना एकीकरणमा १ खर्ब वोनसम्म खर्च, २०२८ सम्ममा लागत उठ्ने अपेक्षा ✈️🇰🇷

दक्षिण कोरियाको Korean Air (대한항공) ले Asiana Airlines सँगको एकीकरण प्रक्रियामा करिब ९,००० अर्बदेखि १ खर्ब वोनसम्म खर्च लाग्ने जनाएको छ।

जुन १९ मा आयोजित लगानीकर्ता बैठक (IR) मा कम्पनीले एकीकरणपछिको विश्लेषण (PMI) अनुसार वार्षिक करिब ३,००० अर्ब वोन बराबरको समन्वय (Synergy) लाभ प्राप्त हुने र यसकै आधारमा २०२८ को अन्त्य वा २०२९ को सुरुवातसम्म एकीकरणको सम्पूर्ण लागत उठाउन सकिने जनाएको हो।

कोरियन एयरले आगामी डिसेम्बर १७ भित्र एकीकृत कम्पनी सञ्चालनमा ल्याउने लक्ष्य राखेको छ।

एकीकरणपछि कम्पनीको वार्षिक बिक्री २३ खर्ब वोन पुग्ने, २३० वटा विमान सञ्चालन गर्ने तथा विश्वका शीर्ष १० ठूला एयरलाइन्समध्ये एक बन्ने योजना रहेको छ।

यसैबीच, दुवै एयरलाइन्सका पाइलटहरूको पद संरचना सम्बन्धी विवादबारे कम्पनीले निरन्तर संवाद भइरहेको जनाएको छ। साथै, यात्रुहरूको चासोको विषय बनेको माइलेज एकीकरण योजना पनि अगस्टको शेयरधनी बैठकअघि नै टुंग्याउने प्रयास भइरहेको बताइएको छ।
#दक्षिणकोरिया

19/06/2026

दक्षिण कोरियाको फुटबल जर्सीमा किन हुन्छ बाघको प्रतीक? सेतो बाघसँग जोडिएको छ हजारौं वर्ष पुरानो इतिहास र पौराणिक कथा😍🇰🇷

दक्षिण कोरियाली राष्ट्रिय फुटबल टोलीको जर्सीमा देखिने बाघको प्रतीक केवल खेलकुदको लोगो मात्र होइन, यो कोरियाको इतिहास, संस्कृति र राष्ट्रिय पहिचानको महत्वपूर्ण प्रतीक हो।

कोरियाली फुटबल टोलीको आधिकारिक प्रतीक “बेखो” अर्थात् सेतो बाघ हो। कोरियाली पौराणिक कथाअनुसार बेखो चार संरक्षक देवजन्तुमध्ये एक मानिन्छ। यसले शक्ति, साहस, संरक्षण र दृढताको प्रतिनिधित्व गर्छ। पुरानो विश्वासअनुसार सेतो बाघले दुष्ट शक्ति र दुर्भाग्यबाट रक्षा गर्ने मान्यता रहेको छ।

यही कारणले दक्षिण कोरिया फुटबल संघ (KFA) ले आफ्नो लोगोमा गर्जिरहेको बाघको आकृति प्रयोग गरेको छ। यसले मैदानमा खेलाडीहरूको लडाकु भावना, आत्मविश्वास र कहिल्यै हार नमान्ने स्वभावलाई झल्काउँछ।

सन् २०२६ विश्वकपका लागि तयार गरिएको नयाँ जर्सीमा पनि बाघको प्रतीकलाई आधुनिक शैलीमा पुनः डिजाइन गरिएको छ, जसले कोरियाली परम्परा र आधुनिक फुटबल संस्कृतिको सुन्दर संयोजन प्रस्तुत गर्छ।

दक्षिण कोरियाली टोली मैदानमा उत्रँदा उनीहरूले केवल आफ्नो देशको प्रतिनिधित्व मात्र गर्दैनन्, बरु हजारौं वर्षदेखि कोरियाली संस्कृतिमा सम्मानित “सेतो बाघ” को साहस र गौरवलाई पनि साथमा बोकेर खेलिरहेका हुन्छन्।

19/06/2026

मेक्सिकोसँग १–० ले पराजित दक्षिण कोरिया, समूह विजेता बन्ने अवसर गुमायो😢🇰🇷

२०२६ फिफा विश्वकपको समूह ‘ए’ अन्तर्गत शुक्रबार भएको खेलमा दक्षिण कोरिया आयोजक मेक्सिकोसँग १–० ले पराजित भएको छ।

दोस्रो हाफको सुरुवातमै गोलकिपर र रक्षापंक्तिको गल्तीको फाइदा उठाउँदै लुइस रोमोले गरेको गोल नै खेलको निर्णायक बन्यो।

यस हारसँगै कोरिया १ जित र १ हारसहित ३ अंकमा समूहको दोस्रो स्थानमा रहेको छ भने लगातार दुई जित निकालेको मेक्सिकोले समूह विजेता बन्ने पक्का गरेको छ।

खेलभर कोरियाले केही राम्रो अवसर सिर्जना गरे पनि गोल गर्न सकेन। विशेषगरी अन्तिम समयमा जो ग्युसुङको हेडर र रिबाउन्ड प्रहार मेक्सिकन गोलकिपरले बचाउँदा कोरिया बराबरी गोलबाट वञ्चित रह्यो।

18/06/2026

ड्रिबलमा विश्वकप दोस्रो स्थानमा, कोरियाका सोन ह्युङ–मिनको अपेक्षित गोल १.०१ भए पनि गोल गर्न सकेनन्😍🇰🇷

२०२६ फिफा उत्तर अमेरिका विश्वकपको समूह चरणको पहिलो खेलमा दक्षिण कोरियाका मिडफिल्डर Lee Kang-in ड्रिबल सफलताको दरमा संयुक्त दोस्रो स्थानमा परेका छन्।

हाल बीबीसीले अप्टा (Opta) को तथ्यांकका आधारमा सार्वजनिक गरेको विवरणअनुसार, इ강इनले चेक गणतन्त्रविरुद्धको खेलमा ६ पटक ड्रिबल प्रयास गर्दा ५ पटक सफल हुँदै ८३ प्रतिशत सफलता दर हासिल गरे।

यो प्रदर्शनका आधारमा उनी कोट डिभ्वारका Amad Diallo (८६%) पछि दोस्रो स्थानमा रहे। मेक्सिकोका Julián Quiñones पनि ८३ प्रतिशत सफलतासहित संयुक्त दोस्रो स्थानमा छन्।

यस्तै, दक्षिण कोरियाका कप्तान Son Heung-min ले उक्त खेलमा ६ वटा प्रहार गर्दै प्रतियोगिताको पहिलो चरणमा सर्वाधिक शट हानेका खेलाडीहरूमध्ये संयुक्त तेस्रो स्थान हासिल गरे। तर उनको अपेक्षित गोल (xG) १.०१ रहे पनि गोल गर्न भने सकेनन्।

बीबीसीले प्रिमियर लिगमा उत्कृष्ट फिनिसरका रूपमा परिचित सोनले यति राम्रो अवसर पाएर पनि गोल गर्न नसक्नु आश्चर्यजनक रहेको टिप्पणी गरेको छ।

पहिलो खेलमा दुई गोल गरेका Harry Kane को xG १.०३ रहेको थियो भने ह्याट्रिक पूरा गरेका Lionel Messi को xG १.०५ थियो।

यसैबीच, स्पेनका Pedri ले पहिलो खेलमा सबैभन्दा धेरै ५ गोल अवसर सिर्जना गर्दै उत्कृष्ट रचनात्मक प्रदर्शन गरेका छन्।

विश्वकप समूह चरणका पहिलो २४ खेलमध्ये ९ खेल बराबरीमा सकिएका छन्, जसले बराबरीको दर ३७.५ प्रतिशत पुगेको छ। यो सन् २०१० को विश्वकपयता समूह चरणको पहिलो खेलपछि देखिएको सबैभन्दा उच्च बराबरी दर हो।

18/06/2026

मेक्सिको प्रशिक्षकको चेतावनी: सोन ह्युङ-मिन विश्वस्तरीय खेलाडी हुन्, तर हामी पनि पूर्ण तयारीमा छौं😍🇰🇷

दक्षिण कोरियाविरुद्धको विश्वकप समूह चरणको खेलअघि मेक्सिकोका मुख्य प्रशिक्षक हाभियर अगिरेले कप्तान सोन ह्युङ-मिनप्रति विशेष सतर्कता देखाएका छन्।

उनले सोनलाई “विश्वस्तरीय (World Class) खेलाडी” भन्दै कोरियाली टोलीको सबैभन्दा खतरनाक हतियारमध्ये एक भएको बताएका छन्।

अगिरेले सोन ह्युङ-मिन र ओ ह्युन-ग्यु जस्ता खेलाडीहरूको गति असाधारण रहेको उल्लेख गर्दै कोरियासँग विश्वस्तरका खेलाडीहरू रहेको बताए। विशेषगरी सोनले हालै चेक गणतन्त्रविरुद्धको खेलमा प्रतिघण्टा ३५.२ किलोमिटरको उच्च गति प्रदर्शन गरेका थिए।

यद्यपि उनले कोरियालाई कमजोर नठाने पनि मेक्सिको पूर्ण तयारीका साथ मैदानमा उत्रिने दाबी गरे। “खेल सजिलो हुने छैन, तर हामी पूर्ण रूपमा तयार छौं,” अगिरेले आत्मविश्वासका साथ भने।

घरेलु मैदानमा भइरहेको विश्वकप भएकाले मेक्सिको टोली जित निकाल्ने दृढ लक्ष्यका साथ कोरियाविरुद्ध मैदानमा उत्रिने तयारीमा छ।

18/06/2026

G7 को ‘पूर्ण परमाणु निरस्त्रीकरण’ मागप्रति किम यो–जोङको कडा प्रतिक्रिया, उत्तर कोरियाको परमाणु शक्ति स्थायी र अपरिवर्तनीय😳🇰🇵

उत्तर कोरियाली नेता Kim Yo-jong ले G7 राष्ट्रहरूले जारी गरेको संयुक्त घोषणामा ‘उत्तर कोरियाको पूर्ण परमाणु निरस्त्रीकरण’को माग गरिएको विषयलाई कडा शब्दमा अस्वीकार गरेकी छन्।

१८ जुनमा सार्वजनिक गरिएको वक्तव्यमा उनले G7 को मागलाई उत्तर कोरियाको सार्वभौमिकतामाथिको हस्तक्षेप भन्दै आलोचना गरिन्। उनले उत्तर कोरियाको परमाणु शक्ति देशको सुरक्षा, सार्वभौमिकता र शान्तिको आधार भएको दाबी गर्दै यसलाई कुनै पनि अवस्थामा त्याग्न नसकिने बताइन्।

किम यो–जोङले उत्तर कोरिया लामो समयदेखि बाह्य परमाणु धम्कीको सामना गर्दै आएको भन्दै परमाणु हतियार आत्मरक्षाको साधन भएको तर्क प्रस्तुत गरिन्। उनले ‘परमाणु निरस्त्रीकरण’ अब सम्भव नभएको विषय भएको दाबी गर्दै उत्तर कोरिया परमाणु शक्ति राष्ट्रको हैसियतमा अडिग रहने चेतावनी दिइन्।

यसअघि G7 Summit 2026 को संयुक्त घोषणामा G7 सदस्य राष्ट्रहरू तथा दक्षिण कोरिया, भारत, ब्राजिल, केन्या र इजिप्टजस्ता आमन्त्रित देशहरूले संयुक्त रूपमा उत्तर कोरियालाई संयुक्त राष्ट्रसंघ सुरक्षा परिषद्का प्रस्तावअनुसार पूर्ण परमाणु निरस्त्रीकरणतर्फ अघि बढ्न आग्रह गरेका थिए।

18/06/2026

जातीय विभेदको सिकार बनेकी कोरियाली युट्युबरलाई FIFA को विशेष सम्मान, मेक्सिकोविरुद्धको खेल हेर्न स्टेडियममै निम्तो😍🇰🇷

मेक्सिकोमा जातीय विभेदको सिकार बनेकी दक्षिण कोरियाली युट्युबर ‘इनो क्याट’लाई FIFA ले विशेष सम्मानस्वरूप दक्षिण कोरिया र मेक्सिकोबीच हुने विश्वकप समूह चरणको खेल स्टेडियममै बसेर हेर्न निम्तो दिएको छ।

FIFA ले १९ जुनमा पर्ने घृणात्मक अभिव्यक्तिविरुद्धको अन्तर्राष्ट्रिय दिवसको अवसरमा सम्मान, विविधता र समावेशिताको सन्देश फैलाउन यो कदम चालेको जनाएको छ।

इनो क्याट केही दिनअघि ग्वाडालाहारामा भएको खेलका क्रममा एक मेक्सिकन अधिकारीबाट एसियालीहरूको रूपरङ्गलाई होच्याउने जातीय विभेदपूर्ण इशाराको सिकार बनेकी थिइन्। उनले उक्त घटनाको भिडियो सामाजिक सञ्जालमा सार्वजनिक गरेपछि दक्षिण कोरिया र मेक्सिको दुवैतर्फ तीव्र आलोचना भएको थियो।

विवाद बढेपछि सम्बन्धित व्यक्तिले सार्वजनिक रूपमा माफी मागेका छन् र आफ्नो पदबाट राजीनामा दिने घोषणा गरेका छन्। FIFA ले पनि जातिवाद, घृणा र विभेदका सबै रूपको कडा निन्दा गर्दै यस्ता व्यवहारको फुटबल वा समाजमा कुनै स्थान नरहेको स्पष्ट पारेको छ।

यस घटनालाई खेलकुदमा सम्मान, विविधता र समावेशिताको महत्व झल्काउने उदाहरणका रूपमा हेरिएको छ।

Mahesh Dhungana

19/06/2026

19/06/2026

19/06/2026

19/06/2026

19/06/2026

19/06/2026

18/06/2026

18/06/2026

18/06/2026

18/06/2026

Adresse

Téléphone

Site Web

Notifications

Contacter L'entreprise

Raccourcis

Partager

Type