Mongol Channel - Солонгос дахь Монгол суваг

21/09/2025

15/09/2025

Солонгост байгаа Монголчуудаас Монголд байгаа ар гэрийнхэндээ зориулав.

Зохиогч: М.Хонгорзул
Жүжигчин: Д.Баттогтох

14/09/2025

🇲🇳 "МОНГОЛ СУРГУУЛИЙН НААДАМ 2025"

БНСУ -д өнөөдрийн байдлаар 8000 гаруй Монгол хүүхэд сурч, амьдарч байгаагийн нэгээхэн хэсэг, Сөүл хот дахь Монгол сургуулийн сурагчдын 25 дахь удаагийн Наадам 2025 оны 9 сарын 14-ний өдөр болж өнгөрлөө. Энэ жилийн наадам Монгол улс БНСУ-ын хооронд дипломат харилцаа тогтоосны 35 жилийн ойтой давхцаж буйгаараа онцлог юм.

04/09/2025

БНСУ-ын иргэдийг тодорхой хугацаанд визийн нөхцөлөөс чөлөөлсөнтэй адил монгол иргэдийг БНСУ-д хөнгөлөлттэй нөхцөлөөр, визгүй зорчиход анхаарах Монгол Улсын Ерөнхийлөгчийн хүсэлтийг Ерөнхийлөгч И Жэ Мён хүлээн авч, энэ чиглэлээр хамтран ажиллахаа тэмдэглэлээ.
БНСУ-д амьдарч, ажил хөдөлмөр эрхэлж байгаа монгол иргэд тус улсын хөгжил дэвшилд зохих хувь нэмэр оруулж буйд Ерөнхийлөгч И Жэ Мён талархал илэрхийллээ.

Монгол Улсын Ерөнхийлөгч У.Хүрэлсүх БНСУ-ын Ерөнхийлөгч И Жэ Мёнтой утсаар ярилаа.

https://president.mn/34248/

01/09/2025

Солонгос дахь Монгол сургууль хичээлийн шинэ жилийн нээлтээ хийлээ.
БНСУ-д 59 мянга орчим Монголчууд ажиллаж амьдарч байгаагийн 8000 гаруй нь хүүхдүүд байгаа юм. Сөүл хотод байрлах Монгол сургуульд энэ хичээлийн жилд нэгээс 12 -р ангид 320 орчим хүүхэд суралцаж байна.

29/08/2025

29/08/2025

🇰🇷CОЛОНГОСЫН ИРЭЭДҮЙН ТӨЛӨВ - AI

БНСУ -ын 2026 оны улсын төсөвт хиймэл оюун ухаанд (AI) чиглэсэн хөрөнгө оруулалт онцгой нэмэгдэж байна. Тус улс 35.3 их наяд вон буюу 25.5 тэрбум ам.долларыг хиймэл оюун ухааныг хөгжүүлэх төслүүдэд зарцуулахаар болж буй нь өмнөх оноос 19.3 % өссөн дүн юм.

Энэ нь Солонгосыг дэлхийн AI салбарын төвийн нэг болгох, дотоодын стартап, судалгааны байгууллагуудыг дэмжих зорилготой юм байна.

Дээрх мөнгөний ихэнхийг үндэсний AI дата төв болон суперкомпьютерийн хүчин чадлыг өргөтгөх, AI чип, квант тооцооллын судалгаанд хөрөнгө оруулах мөн хүний нөөцийн асуудлыг шийдэхийн тулд AI-ийн сургалтын хөтөлбөрүүдийг их, дээд сургууль, мэргэжлийн хүрээнд нэмэгдүүлэхэд зарцуулах нь ээ.

Эдийн засгийн өсөлт удааширсан тул шинэ технологиор тэлэх, AI-г эрүүл мэнд, батлан хамгаалах, үйлдвэрлэл, олон нийтийн үйлчилгээ зэрэг өргөн салбарт ашиглана гэж төлөвлөж байгаа юм байна.

Гэхдээ зарим шинжээчид төсвийн алдагдал ДНБ-ий 4 %-д хүрч, өр нэмэгдэх тул зарим энэ шийдвэр дээр болгоомжтой хандах ёстой гэж анхааруулж байгаа аж.

Монгол суваг - Сөүл хот. 2025.08.29

15/08/2025

Өнөөдөр 🇰🇷БНСУ-ын тусгаар тогтнолоо зарласны 80 жилийн ойн өдөр болж байна.
1945 оны 8 сарын 15 нд Японоос Солонгосчууд улсынхаа бүрэн эрхт байдал тусгаар тогтнолоо буцаан авсан өдөр юм. Тэр цагаас хойш энэхүү өдрийг Тусгаар тогтнолын өдөр болгон бүх нийтээрээ амарч байна.
#815тусгаартогтнолынөдөр

14/08/2025

И Жэ Мёны Засгийн газрын гадаад иргэдэд зориулан ямар бодлогууд гаргахаар яригдаж байна вэ?

1. Гадаад ажилчдын хөдөлмөрийн болон орон сууцны нөхцлийг сайжруулна.
2. Үйлдвэрлэлийн ослоос урьдчилан сэргийлэхэд анхаарна.
3. Солонгос хэлний сургалтыг өргөжүүлнэ.
4. Хууль зөрчсөн ажил олгогчдыг шийтгэлийг чангатгана.
5. Улс даяарх Гадаад иргэдийг дэмжих төвүүдийг сэргээнэ (өмнөх засгийн үед бүх төвийг хаасан).
6. E-9 визтэй ажилчид 3 жилийн хугацаатайгаар ажиллаад эх орон руу нь буцаалгүй, 10-аас дээш жил ажиллах боломжтой болгоно.
7. E-9 визтэй ажилчдын ажлын байр солих журмыг зөөлрүүлнэ.
8. E-7 визний хөтөлбөрийг өргөжүүлж, шилжин ирэх ба суурьшихад дэмжлэг үзүүлнэ.
9. E-7-3 визэнд барилгын салбарыг нэмж оруулна.
10. Барилгын салбарын гадаад ажилчдын компанийн солих нөхцөлийг зөөлрүүлнэ.

Эдгээр нь шинэ засгийн газар ийм чиглэлээр бодлого хэрэгжүүлэхээр Ерөнхийлөгчид танилцуулсан мэдээлэл юм.
Одоогоор баталгаажсан зүйл биш ч гэсэн нэг бүрчлэн дээрх агуулгын дагуу хэрэгжих болно гэжээ.

10/08/2025

Солонгос дахь Монгол сургуулийг үүсгэн байгуулагч маань хилийн чанадад Монгол хүүхдүүдийг МОНГОЛ ИРГЭН БОЛГОН ТӨЛӨВШҮҮЛЭХ ЯВДЛЫГ АМЬДРАЛЫН ЗОРИЛГОО БОЛГОЖ ирсэн байгаа.
Гэвч өнгөрсөн жил Монголд очоод төгсөгчидтэйгээ уулзсанаар дахин нэг шинэ АМЬДРАЛЫН ЗОРИЛГО НЭМЭГДЛЭЭ гэсээр буцаж ирж билээ.
Монголд очоод харахад манай төгсөгчид аль хэдийн хөдөлмөрийн зах зээл дээр гарч төрийн алба, хувийн бизнест хүчээ сориод эхэлсэн байдлыг мэдэрсэн байгаа.
Тэр цагаас эхлээд СУРГУУЛИЙНХАА ТӨГСӨГЧДИЙГ ИЖИЛ ТӨСТЭЙ ҮЙЛ АЖИЛЛАГАА ЭРХЭЛЖ БАЙГАА СОЛОНГОС ЫН ТУРШЛАГАТАЙ БИЗНЕС ЭРХЛЭГЧИДТЭЙ ХОЛБОН, ТЭДНИЙ БИЗНЕСИЙН ҮЙЛ АЖИЛЛАГААГ ДЭМЖИХ "БҮРГЭДИЙН ТӨСӨЛ" ХЭРЭГЖҮҮЛЭХ ЗОРИЛГО ЮМ.
Төслийнхөө үйл ажиллагааг эхлүүлэхээр сургуулийн удирдлагууд маань олон олон солонгос бизнес эрхлэгчдийн хамтаар Монголыг зорин мордох гэж байна.

Хүүхдүүд минь уулзалтандаа заавал бас олуулаа очоод БҮРГЭД ШИГ МАШ ӨНДӨРТ ДҮҮЛЭН НИСЭЖ, ХОЛЫГ ТУУЛАХ АЯН ЗАМЫНХАА ЭРЭЛД МОРДООРОЙ.