30/07/2025
នៅថ្ងៃទី 30 ខែកក្កដា ឆ្នាំ2025 មានការរញ្ជួយដីដ៏ខ្លាំងមួយបានវាយប្រហារឧបទ្វីប Kamchatka ជាប់នឹងសមុទ្រ Okhotsk ភាគខាងកើតនៃប្រទេសរុស្ស៊ី ជាលើកដំបូងក្នុងរយៈពេល 73 ឆ្នាំ ដែលបណ្តាលឱ្យមានរលកយក្សស៊ូណាមិកម្ពស់ពី 3 ទៅ 4 ម៉ែត្រវាយប្រហារតំបន់មួយចំនួន។
ក្រសួងស្ថានការណ៍គ្រាអាសន្នរបស់រុស្ស៊ីបានប្រកាសនៅក្នុងសេចក្តីថ្លែងការណ៍មួយថា រលកយក្សស៊ូណាមិបានវាយប្រហារឆ្នេរសមុទ្រដោយជន់លិចតំបន់កំពង់ផែ Severo-Kurilsk ដែលជាទីក្រុងមួយក្នុងចំណោមទីក្រុងនៅលើកោះភាគខាងត្បូងបំផុតនៃឧបទ្វីប Kamchatka ។
រដ្ឋាភិបាលរុស្ស៊ីបានចេញបញ្ជាជម្លៀសប្រជាជននៅតាមបណ្តោយឧបទ្វីប Kamchatka។
ប្រទេសជប៉ុនដែលនៅក្បែរនោះក៏បានចេញការព្រមានអំពីរលកយក្សស៊ូណាមិ និងបានចេញបញ្ជាជម្លៀសជាបន្ទាន់សម្រាប់អ្នករស់នៅតាមឆ្នេរសមុទ្រ។
កោះហាវ៉ៃ និងហ្វីលីពីនក៏កំពុងរៀបចំសម្រាប់រលកយក្សស៊ូណាមិផងដែរ។
យោងតាមទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS) គ្រោះរញ្ជួយដីកម្រិត ៨.៨ រ៉ិចទ័រ បានវាយប្រហារសមុទ្រខាងកើតនៃឧបទ្វីប Kamchatka នៅម៉ោងប្រមាណ ១១៖២៤នាទីព្រឹក។
ដកស្រង់ពី៖ CNN
