EPS NEPAL Family, Seoul (2025)

27/07/2025

कस्तो राम्रो idea लगाएको कोरियाले 😍🇰🇷🙏

दक्षिण कोरियाले आफै सफा हुने सडक प्रणाली विकास गरेको छ, जसमा ट्राफिकको रातो बत्ती बलेको बेला वा सवारी कम भएको समयमा स्वचालित रूपमा पानी छर्किने स्प्रिंकलर सिस्टम जडान गरिएको हुन्छ।

यो प्रविधि सन् २००७ मा सउलमा परीक्षण गरिएको थियो र अहिले थेगुसहितका विभिन्न शहरहरूमा विस्तार गरिएको छ।

यस प्रणालीमा वर्षामा सङ्कलन गरिएको पानीलाई भूमिगत ट्याङ्कीमा राखेर सडक सफा गर्न प्रयोग गरिन्छ।

सडक सफाइको अलावा, सात मिनेटसम्म पानी छर्किँदा सडकको तापक्रम लगभग २० डिग्री सेल्सियस (६८°F) ले घट्ने र वरपरको हावाको तापक्रम ३ देखि ५ डिग्री सेल्सियसले घट्ने देखिएको छ।

स्प्रिंकलरहरू लेन डिभाइडर र सडक किनारमा जडान गरिएका हुन्छन्, जसले पानीको वहाव व्यवस्थापनमा सहयोग गर्नुका साथै तीव्र गर्मीमा शहरी क्षेत्रमा अत्यावश्यक शितलता प्रदान गर्छन्, जहाँ गर्मीमा सडकको तापक्रम ६० डिग्री सेल्सियस (१४०°F) भन्दा माथि पुग्न सक्छ।

26/07/2025

आजको लोट्टोको नम्मर १, १३, २१, २५, २८, ३१ रहेको छ भने बोनस अङ्क २२ परेको छ।

पहिलो पुरस्कार पर्नेले २ अर्ब १२ करोड ४७ लाख ८५ हजार ४२४ वन पाउनेछ। पहिलो पुरस्कार १३ जनालाई परेको छ।

तपाईलाई कति पर्यो त? 😅

26/07/2025

सरकारले दक्ष श्रमिक (E-7 भिसा) कोरिया पठाउने प्रक्रिया अघि बढायो, EPS लाई असर पर्ने 🤔😢

नेपाल सरकारले गणतन्त्र कोरियामा सिपयुक्त श्रमिक (E-7 भिसा) पठाउने प्रक्रिया औपचारिक रूपमा अघि बढाएको छ। अबदेखि म्यानपावर कम्पनी (इजाजतपत्र संस्था) मार्फत दक्ष कामदार पठाइने तयारी भइरहेको श्रम, रोजगार तथा सामाजिक सुरक्षा मन्त्रालयले जनाएको छ।

यसका लागि मन्त्रालयले ‘गणतन्त्र कोरियामा सिपयुक्त श्रमिक पठाउने सम्बन्धी कार्यविधि, २०८०’ जारी गर्दै निजी क्षेत्रलाई पनि श्रमिक पठाउने अधिकार प्रदान गरेको हो। हालसम्म तीनपटक संशोधन भइसकेको उक्त कार्यविधिअनुसार, रोजगारदाताले शून्य लागतमा श्रमिक लैजान तयार भएमा EPS प्रणाली सरह न्यूनतम शुल्कमै श्रमिक पठाउन सकिने प्रावधान गरिएको छ।

यद्यपि कार्यविधि बने पनि अहिलेसम्म कोरियामा रहेका नेपाली दूतावासबाट मागपत्र प्रमाणीकरण सुरु नभएकाले श्रमिक पठाउने प्रक्रिया औपचारिक रूपमा थालिएको छैन।

विशेषज्ञहरूका अनुसार, यो नयाँ व्यवस्था सैद्धान्तिक रूपमा अवसर देखिए पनि व्यवहारमा EPS प्रणालीमाथि असर पार्न सक्ने तथा म्यानपावर कम्पनीहरूबाट हुने आर्थिक शोषणको खतरा बढ्ने सम्भावना रहेको छ। श्रम मन्त्रालयका अधिकारीहरूले समेत यसबारे चासो व्यक्त गर्दै सम्भावित जोखिमप्रति सचेत रहनुपर्ने सुझाव दिएका छन्।

26/07/2025

आज कोरियाभर अत्याधिक गर्मी हुने, तपाईको तिर कस्तो छ अवस्था? ☀️🌞

शनिबार आज (२६ तारिख) सउलको दिउँसोको तापक्रम ३८ डिग्री सेल्सियससम्म पुग्ने भएकाले गर्मीले सताउनेछ।

दक्षिण कोरियाको मौसम विभागका अनुसार देशभर प्रायः स्थानहरूमा गर्मीको उच्च चेतावनी (폭염경보) जारी गरिएको छ, र केही दिनसम्म अधिकतम अनुभूति हुने तापक्रम ३५ डिग्री वरपर रहनेछ, जसले अत्यन्तै गर्मी महसुस गराउनेछ।

आज देशभरको अनुमानित अधिकतम तापक्रम ३२ देखि ३८ डिग्रीसम्म रहनेछ, जुन औसत (२७.५∼३२.१ डिग्री) भन्दा धेरै माथि हो।

क्षेत्रअनुसार दिउँसोको अनुमानित उच्च तापक्रम यस प्रकार छन्:

सउल: ३८ डिग्री

थेजोन: ३७ डिग्री

ख्वाङ्जु, छल्लाबुकदो (छन्जु): ३६ डिग्री

खाङ्नुङ, वोनजु, थेगु: ३५ डिग्री

बुसान: ३२ डिग्री

जेजु: ३१ डिग्री

आज देशभर आकास प्रायः सफा रहनेछ, तर ख्यङग्साङ्नामदो क्षेत्रमा कहिलेकाहीं बादल लाग्नेछ।

जेजुमा भने दिनभरि बादल लाग्ने र दिउँसोपछि कतैकतै वर्षा हुन सक्ने सम्भावना छ।

फोटो : namaste cafe suwon

25/07/2025

हार्दिक बधाई तथा शुभयात्रा 🇳🇵✈️🇰🇷

- EPS प्रणालीमार्फत, यहि अगष्ट ३ तारिख कोरिया उढ्ने उत्पादनमूलक क्षेत्र (manufactute) का ८० जना कामदार

- अगष्ट ४ तारिख उढ्ने कृषि तथा पशुपालन क्षेत्र (agriculture) का ४० जना कामदार

- अगष्ट ५ तारिख उढ्ने उत्पादनमूलक क्षेत्र (manufactute) का ६५ जना कामदार

- अगष्ट ६ तारिख उढ्ने कमिटेड कामदार ४० जना

सम्पूर्ण साथीहरुलाई दक्षिण कोरिया कामका लागि जान लाग्नुभएकामा बधाई तथा शुभकामना। कोरिया बसाई सुरक्षित र सफल होस, भबिष्य उज्वल होस भनी कामना! 😍🙏

25/07/2025

कोरियामा साँच्चै मजदुरका पक्षमा लड्ने, आवाज उठाउने कोहि छ भने त्यो केवल उदय राई नै हो।

अरुको कुरा नगरौं। hatts of to you sir 🇳🇵🇰🇷

"आप्रवासी श्रमिकहरूलाई पनि मानवअधिकार र श्रम अधिकार छ। तर यसरी मान्छेलाई बाँधेर राख्नु भनेको उसलाई मान्छेभन्दा तलको दर्जामा हेर्नु हो। यस्ता दृश्य र व्यवहारहरू हेर्दा हरेकचोटि अत्यन्तै दुःख लाग्छ र रिस उठ्छ।"

आज (२५ जुलाई) एक सञ्चारमाध्यमसँगको कुराकानीमा 전국민주노동조합총연맹 (민주노총) अन्तर्गतको आप्रवासी श्रमिक संघका अध्यक्ष, उदय राईले हालै दक्षिण कोरियाको छन्नाम प्रान्तको नाजु सहरमा भएको आप्रवासी श्रमिकमाथिको मानवअधिकार उल्लंघनबारे यस्तो प्रतिक्रिया दिएका हुन्।

यसअघि नाजुमा कोरियाली नागरिक जस्तो देखिने एक व्यक्तिले श्रीलंकाली आप्रवासी श्रमिकलाई डोरीले बाँ, धेर फोर्कलिफ्ट द्वारा माथि उठाएको भिडियो सार्वजनिक भएपछि वि, वाद चुलिएको थियो। उक्त भिडियोमा उनी श्रमिकको अ, पमान गरिरहेको देखिन्छ।

यसै वर्ष फेब्रुअरीमा पनि चोन्नामको योङआमस्थित सुंगुर फार्ममा कार्यरत २० वर्ष उमेरका नेपाली आप्रवासी श्रमिकले कार्यस्थलमा निरन्तर भएको मानसिक दुर्व्यवहार सहन नसकी आ, त्मह! त्या गरेका थिए।

आफैं पनि नेपालबाट आएका आप्रवासी श्रमिक र संघका अध्यक्ष रहेका राईका अनुसार, यस्ता दु! र्व्यवहारका घ, टना देशभरि भइरहेका छन्।

उनका अनुसार, "गा,ली–गलौ,ज त सामान्य जस्तै भइसकेको छ। ‘तलाई स, जाय दिन्छु’, ‘अवैध बनाइदिन्छु’ भनेर धम्/की दिने घ, टना धेरै छन्।"

25/07/2025

포항시 मा हिजो काम गर्दागर्दै ढलेका १ नेपालीको ज्या!न गयो 😢

उच्च गर्मीको चेतावनीबीच घाँस काट्ने काममा खटिएका एक ४० वर्षीय नपाली कामदार गर्मीका कारण देखिने लक्षण देखाउँदै बेहोस भएपछि अस्पताल पुर्‍याइए पनि उनको ज्या!न गएको छ।

आज (२५ तारिख) ग्येङबुक दो लगायतका निकायका अनुसार, हिजो दिउँसो १२:२३ बजे पोहाङ सि बुकगुस्थित एक डाँडामा घाँस काट्ने काम गर्दै गरेका नेपाली ४० वर्षीय पुरुष कामदार A 씨 अचानक ल! डेका थिए।

घ! टनास्थलमा रहेका व्यक्तिले ११९ आपतकालीन सेवामा खबर गरेपछि आएका उद्दारकर्मीहरूले उनलाई बे, होस, मु, टुको धड्कन नभएको र ज्वरो तथा कम्पन देखिएको अवस्थामा फेला पारेका थिए। तत्काल अस्पताल लगिएको भए पनि उनलाई ब, चाउन सकिएन।

अनुसन्धानका क्रममा थाहा भएको छ कि मृतक पुरुष बिहान ६ बजेबाट आफ्ना साथीहरूसँग मिलेर काम गरिरहेका थिए।

दमकल विभागले भनेको छ, "A 씨 मा गर्मीका कारण देखिने लक्षणहरू देखिएका थिए, तर वास्तविक कारण सम्बन्धित निकायको थप अ! नुसन्धानपछि मात्र यकिन हुन्छ।"

24/07/2025

NRNA अध्यक्षमा तपाईंको भोट कसलाई?

एनआरएनए कोरिया अध्यक्ष पदमा हरि भट्टराई र पार्वती मोक्तान बिच मात्र मतदान हुने भएको छ। अन्य पदमा उम्मेदवार निर्विरोध निर्वाचित भइसकेका छन्।

गैर–आवासीय नेपाली संघ (एनआरएनए) दक्षिण कोरियाको नयाँ कार्यकाल (२०२५–२०२७) का लागि अध्यक्ष पदबाहेक अन्य सबै पदमा उम्मेदवारहरू निर्विरोध चयन भएका छन्।

बुद्धि गुरुङसहित केही उम्मेदवारले उम्मेदवारी फिर्ता लिएपछि अब अध्यक्ष पदमा पार्वती मोक्तान र हरि भट्टराईबीच मात्र प्रतिस्पर्धा हुने भएको छ।

निर्वाचन २०२५ जुलाई २७ (आइतबार) बिहान १०:३० बजे देखि साँझ ५:०० बजेसम्म 02Webs E-voting System मार्फत अनलाइन हुने छ। सोही दिन साँझ ६:०० बजे सपथ ग्रहण समारोह आयोजना गरिनेछ।

24/07/2025

बिदेशी कामदारलाई इट्टामा बाँधेर छिगेछाले उचालेपछि भयो राष्ट्रपतिको ध्यानाकर्षण 😲😥

दक्षिण कोरियाका राष्ट्रपति ली जे म्युंगले आप्रवासी श्रमिकहरूमाथि राम्रो मानवअधिकार सुनिश्चित गर्न आह्वान गरेका छन्।

केही दिन यता एक श्रीलंकाली आप्रवासी श्रमिकमाथि भएको दु!र्व्यवहारको भिडियो सार्वजनिक भएपछि विवाद चुलिएको छ। उक्त घट!ना छल्लानाम्दोको नाजुमा रहेको एउटा इँटा कारखानामा भएको हो।

ती श्रीलंकाली आप्रवासी श्रमिक (३० वर्षको हाराहारी) माथि उनका सहकर्मीहरूले दु!र्व्यवहार गरेका थिए। ५८ सेकेन्डको भिडियोमा उनलाई इँटामा टेपले बाँधी फोर्कलिफ्टमा क!सेर राखिएको देखिन्छ, जहाँ सहकर्मीहरू उनलाई हाँसी-ठट्टा गर्दै अ;!पमान गरिरहेका छन्।

पीडित श्रमिकले ग्वाङ्जु–जोल्लानाम आप्रवासी श्रमिक नेटवर्कसँग सहयोग मागेका थिए। उक्त संस्थाले घ;:टनाको अनुसन्धानको माग गर्दै वक्तव्य जारी गरेको छ। यस विषयमा अहिले दक्षिण कोरियाली राष्ट्रपति स्वयंले पनि टिप्पणी गर्दै यो कार्यलाई "बर्बर" भनेका छन्।

कोरियाली इन्टरनेट प्रयोगकर्ताहरू (नेटीजन) ले पनि यस घट;नाको कडा आलोचना गरिरहेका छन्।

24/07/2025

जीवन धान्न अनेक उपाय लगाउने रहेछन कोरियनहरुले पनि 🤔🇰🇷

उल्सानमा एक आमा र छोरालाई ट्याक्सी चालकहरूलाई ठगेको आरोपमा प्रहरीले प!क्राउ गरेको छ।

उनीहरूले आफूहरू ट्याक्सी चढेको बेला सानो झट्कामा पनि टाउकोमा चोट लागेको नाटक गर्दै चालकहरूसँग सम्झौताका नाममा पैसा असुल्ने गरेका थिए।

उल्सान दक्षिण प्रहरीका अनुसार, ५० वर्षीया आमा (A) र २० वर्षको छोरा (B) लाई ठगीको आरोपमा प!क्राउ गरी अनुसन्धानपछि अभियोग लगाएर बिना थुनामा अभियोजन कार्यालयमा पठाइएको हो।

उनीहरूले यो जालसाजी यो वर्षको जुन महिनादेखि हालसम्म गरेका थिए। ट्याक्सीमा चढेपछि सानो धक्का लाग्नासाथ, छोरोले सामान्य झट्कामा अगाडिको सिट वा झ्यालमा टाउको ठोक्किएको भन्दै दुखाइको अभिनय गर्थे। त्यसपछि आमाले बीचमा मिलाउने झैं गर्दै ट्याक्सी चालकसँग नगद लिने गर्थिन्।

यसरी उनीहरूले ७ जना ट्याक्सी चालकहरूबाट कुल २६ लाख वोन (करिब २ लाख रुपैयाँ) असुलेको खुलेको छ। प्रहरीले जनाएअनुसार, उनीहरूले आफूसँग जीवनयापन गर्न खर्च नभएको कारण यस्तो गरेको बताएका छन्।

24/07/2025

इन्छन अन्तर्राष्ट्रिय विमानस्थले यात्रुलाई ३ घण्टा अघि नै बोलायो, किन?🤔✈️

गर्मीको यात्रा सिजन सुरु हुन लागेकाले इन्चन अन्तर्राष्ट्रिय विमानस्थलले यात्रुहरूलाई आफ्नो उडानभन्दा करिब ३ घण्टा अघिनै विमानस्थल पुग्न अनुरोध गरेको छ।

जुलाई २५ देखि अगस्ट १० सम्म करिब ३८.७ लाख यात्रु ओहोरदोहोर गर्ने अनुमान गरिएको छ, जुन औसतमा दैनिक २.२८ लाख यात्रु पर्छ। यो संख्या कोरियाको सलनाल (कोरियन नयाँ बर्ष) जस्तो व्यस्त सिजनभन्दा पनि ४ प्रतिशतले बढी हो।

भीड व्यवस्थापनका लागि, विमानस्थलले टर्मिनल १ को गेट २ र ४ र टर्मिनल २ को गेट २ जुलाई २३ देखि अगस्ट ४ सम्म सामान्यभन्दा ३०–६० मिनेट चाँडो खोल्नेछ।

टर्मिनल २ को गेट १ मा दुईवटा नयाँ सुरक्षा स्क्यान मेसिन जडान गरिनेछ र ६७ जना अतिरिक्त सुरक्षा कर्मचारी परिचालन गरिनेछ।

त्यसैगरी, कोरियन पासपोर्टधारीहरूका लागि ‘स्मार्ट पास’ फास्ट-ट्र्याक लेन विस्तार गरिनेछ, स्वचालित झोला जाँच स्टेसन थपिने छन्, केही पसलहरू २४ घण्टा सञ्चालनमा रहनेछन्, र ढिला रातसम्म बस सेवाहरू पनि बढाइनेछन्।

सीईओ ली हाक-जेले भने अनुसार, “हामी यात्रुको सुविधा र सुरक्षालाई प्राथमिकता दिँदै १० करोड वार्षिक यात्रु क्षमता हुने युगको तयारी गरिरहेका छौं।”

23/07/2025

बढ्यो चामलको मूल्य 🙄😥

२३ जुलाईमा कोरियन कृषि संस्थाले दिएको जानकारीअनुसार, दक्षिण कोरियामा २० किलोग्राम चामलको खुद्रा मूल्य ६०,१५१ वोन पुगेको छ।

जुन मूल्य करिब दुई वर्षपछि पहिलोपटक ६०,००० वोन नाघेको हो। यो गत वर्षभन्दा १४.४% र औसतभन्दा १५.८% महँगो हो।

मूल्य वृद्धिको कारण उत्पादन स्थलमा चामलको मूल्य लगातार बढ्नु हो, जुन जुलाई १५ मा ५१,८५५ वोन पुगेको थियो।

सरकारले चामलको मूल्य स्थिर राख्न धान खरिद र अनुगमनलाई सशक्त बनाइरहेको छ।

EPS NEPAL Family

27/07/2025

26/07/2025

26/07/2025

26/07/2025

25/07/2025

25/07/2025

25/07/2025

24/07/2025

24/07/2025

24/07/2025

24/07/2025

23/07/2025

Address

Telephone

Website

Alerts

Contact The Business

Shortcuts

Share

Category