EPS NEPAL Family, Seoul (2026)

15/09/2026

छुसकको बिदामा सेप्टेम्बर २५ तारिख नवलपुर समाज दक्षिण कोरियाले छुसक विशेष संयुक्त लाइभ कन्सर्ट गर्दै 😍🇰🇷

नवलपुर समाज दक्षिण कोरियाको आयोजनामा आगामी सेप्टेम्बर २५ तारिख छुसक विशेष संयुक्त लाइभ कन्सर्ट आयोजना हुने भएको हो। कार्यक्रम सिन्हान विश्वविद्यालयस्थित मङ्गवल्सा स्टेसनमा दिउँसो ३ बजेदेखि सुरु हुने आयोजकले जनाएको छ।

कन्सर्टमा नेपाली संगीत क्षेत्रका लोकप्रिय कलाकारहरूले एउटै मञ्चबाट प्रस्तुति दिने भएका छन्। गायिका तृष्णा गुरुङसँगै द कोल्याब, पूर्ण राई एन्ड दाजुभाइहरू तथा अर्जुन सापकोटाले आफ्ना चर्चित गीत संगीतमार्फत दर्शकलाई मनोरञ्जन दिने तयारी गरिएको छ।

छुसकको अवसरमा कोरियामा रहेका नेपालीहरूलाई एकै ठाउँमा भेला गराउँदै नेपाली संगीत र संस्कृतिसँग जोडिने वातावरण बनाउने उद्देश्यले कार्यक्रम आयोजना गर्न लागिएको आयोजकको भनाइ छ।

लामो समयदेखि परिवार तथा आफन्तबाट टाढा रहेर दक्षिण कोरियामा काम गरिरहेका नेपालीहरूका लागि यो कार्यक्रम भेटघाट, मनोरञ्जन र नेपाली सांगीतिक माहोलमा रमाउने अवसर बन्ने अपेक्षा गरिएको छ।
कार्यक्रमको मुख्य समर्थकका रूपमा धराने इभेन्ट्स कोरिया रहेको आयोजकले जनाएको छ।

मिति: सेप्टेम्बर २५
स्थान: सिन्हान विश्वविद्यालय, मङ्गवल्सा स्टेसन
समय: दिउँसो ३ बजे
प्रस्तुति: तृष्णा गुरुङ, द कोल्याब, पूर्ण राई एन्ड दाजुभाइहरू, अर्जुन सापकोटा
मुख्य समर्थक: धराने इभेन्ट्स कोरिया

छुसकको बिदामा कोरियामा रहेका नेपालीहरूका लागि संगीत र मनोरञ्जनले भरिएको यो विशेष कार्यक्रम आकर्षणको केन्द्र बन्ने देखिन्छ।

15/09/2026

कोरियाको गुनसानमा दौडिरहेका एक बंगलादेशी युवक अचानक ढलेपछि रनिङ क्लबका सदस्यहरुले बचाए ज्यान, भयो प्रसंसा 🇰🇷🫶

कोरियाको छल्लाबुक्दो क्षेत्रको गुनसानमा दौडिरहेका एक बंगलादेशी युवक अचानक ढलेपछि रनिङ क्लबका सदस्यहरूले तत्काल CPR गरेर उनको ज्यान बचाउन सफल भएका छन्।

आइतबार बिहान करिब ८ बजे छनबुक विशेष स्वशासित प्रान्तको गुनसानस्थित 군산대학교 खेलमैदानमा ३० वर्ष आसपासका बंगलादेशी नागरिक दौडिरहेका बेला अचानक बे´होस भएर ढ´लेका थिए। घट´नाबारे छनबुक फायर सेफ्टी हेडक्वार्टरले सोमबार जानकारी दिएको हो।

त्यसै समयमा नजिकै GUMP नामक रनिङ क्लबका सदस्यहरू नियमित अभ्यास गरिरहेका थिए। युवक अचानक ढ´लेको देखेपछि उनीहरूले तुरुन्तै ११९ मा फोन गरे र उद्धार टोली नआउँदासम्म उनलाई बचाइराख्न आफूहरूबीच काम बाँडे।

क्लबका ४० वर्ष आसपासका सदस्य किमले ११९ आपतकालीन डिस्प्याचरबाट फोनमै CPR गर्ने निर्देशन लिए। त्यसपछि अन्य तीन सदस्यले पालैपालो युवकको छाती थि´चेर CPR गरे। तीमध्ये दुई जना फायर डिपार्टमेन्ट र आपतकालीन सञ्चालन केन्द्रमा काम गर्ने व्यक्ति रहेको बताइएको छ।

११९ उद्धार टोली घ´टनास्थलमा पुगेलगत्तै उनीहरूले थप आपतकालीन उपचार सुरु गरे। फोन गरिएको करिब १३ मिनेटपछि युवकको मुटुको धड्कन र रक्तसञ्चार पुनः सञ्चालनमा आएको थियो। त्यसपछि उनलाई अस्पताल लगिएको थियो।

छनबुक फायर सेफ्टी हेडक्वार्टरका प्रमुख जिन ह्योङ मिनले रनिङ क्लबका सदस्यहरूले घ´टनापछि देखाएको छिटो, शान्त र निर्णायक प्रतिक्रियाले युवकको ज्या´न बचाउन ठूलो योगदान गरेको बताए।

उनले अचानक हुने हृदय´घात वा कार्डियाक अरेस्ट कसैलाई पनि कुनै चेतावनीबिना हुन सक्ने भन्दै दैनिक जीवनमा CPR गर्ने तरिका र AED अर्थात् स्वचालित बाह्य डिफिब्रिलेटरको प्रयोगबारे जानकारी राख्न सबैलाई आग्रह गरेका छन्।

यो घ´टनाले आपतकालीन अवस्थामा ११९ मा तुरुन्त फोन गर्नुका साथै उद्धार टोली नआउँदासम्म CPR सुरु गर्न सक्नु कति महत्वपूर्ण हुन्छ भन्ने देखाएको छ।

15/09/2026

दक्षिण कोरियाको थेगुमा महिलाको भेष बनाएर महिला साउना कक्षमा प्रवेश गरि १ घण्टा समय विताउने पुरुषलाई जेल सजाय 😮🇰🇷

दक्षिण कोरियाको थेगु जिल्ला अदालतले महिलाको साउना कक्षमा महिलाको भेषमा प्रवेश गरी त्यहाँ रहेका महिलाहरूलाई ना´ङ्गो अवस्थामा हेरेको आरोपमा एक पुरुषलाई ८ महिना जेल सजाय सुनाएको छ।

थेगु जिल्ला अदालतको फौजदारी मुद्दा नम्बर ८ का मुख्य न्यायाधीश किम मी क्यङले अगस्ट १४ मा फैसला सुनाउँदै अभियुक्तलाई ८ महिना कैद सजायका साथै यौ`न हिं´ सासम्बन्धी सुधार कार्यक्रम ४० घण्टा पूरा गर्न आदेश दिएकी छन्।

अदालतले उनलाई बालबालिका, किशोरकिशोरी तथा अपाङ्गता भएका व्यक्तिसँग सम्बन्धित संस्थामा ३ वर्षसम्म काम गर्नसमेत प्रतिबन्ध लगाएको छ।

अभियुक्तले गत वर्ष अप्रिल १२ मा थेगुको जुङ गु क्षेत्रमा रहेको एक साउना प्रवेश गर्दा कर्मचारीसमक्ष आफू महिला भएको झुटो दाबी गरेको अभियोग थियो। त्यसपछि उनी महिला साउना कक्षमा करिब एक घण्टा बसेर त्यहाँ रहेका केही महिलाको ना` ङ्गो शरीर हेरेको आरोप लागेको थियो।

त्यसैगरी, सोही वर्ष नोभेम्बर २३ मा थेगुको दोङ गु क्षेत्रमा रहेको अर्को महिला साउना कक्षमा पनि प्रवेश गरेको र करिब ३ घण्टा २० मिनेट बसेर त्यहाँ रहेका धेरै महिलालाई हेरेको आरोपमा उनीमाथि अर्को मुद्दा चलेको थियो।

अदालतका अनुसार अभियुक्तको सन् २०१६ मै यौ´ न अप´राधसम्बन्धी अघिल्लो मुद्दा रहेको र त्यसबेला नाबालिग संरक्षणसम्बन्धी कारबाहीसमेत भएको थियो। अघिल्लो मुद्दा अदालतमा विचाराधीन रहेकै अवस्थामा पुनः यस्तै अप` राध गरेको विषयलाई अदालतले सजाय निर्धारण गर्दा गम्भीर रूपमा लिएको जनाएको छ।

मुख्य न्यायाधीश किमले अभियुक्तले यौ´ न इच्छापूर्ति गर्ने उद्देश्यले दुई पटक महिला साउना कक्षमा प्रवेश गरेको र दुवै घ`टनाका समयमा त्यहाँ धेरै महिला रहेको देखिएको भन्दै अप` राधको गम्भीरता औंल्याएकी छन्।

अदालतले अघिल्लो मुद्दा विचाराधीन हुँदाहुँदै पुनः अप´ राध गरेको र सुनुवाइ प्रक्रियामा समेत सहयोग नगरेको भन्दै सजाय तोकेको हो।

15/09/2026

श्रीमतीले पैसा फिर्ता नदिएपछि दक्षिण कोरियाका राष्ट्रपति पनि हाँस्न बाध्य, सामान्य पसलमा राष्ट्रपति जोडीको रमाइलो किनमेल 😂🇰🇷

दक्षिण कोरियाका राष्ट्रपति आफ्नी श्रीमतीसँग स्थानीय पसलमा किनमेल गर्न पुगेका बेला खिचिएको एउटा रमाइलो दृश्य अहिले चर्चामा आएको छ।

श्रीमतीले पसलबाट सामान किनेपछि राष्ट्रपतिले आफ्नो पर्स निकालेर बिल तिरिदिएका थिए। पसलेले फिर्ता पैसा दिएपछि भने श्रीमतीले तुरुन्तै त्यो पैसा लिएर आफैंसँग राखिन्।

राष्ट्रपतिले श्रीमतीसँग फिर्ता आएको पैसा आफूलाई दिन आग्रह गरे पनि उनले सहजै अस्वीकार गरिन्। श्रीमतीको यस्तो व्यवहारपछि राष्ट्रपतिले पनि रमाइलो प्रतिक्रिया दिएका थिए, जसले वरपरको वातावरणलाई झन् हँसिलो बनाएको थियो।

यो सामान्य किनमेलको घ´टनाले राष्ट्रपति दम्पतीको व्यक्तिगत र सहज सम्बन्धको झलक देखाएको भन्दै सामाजिक सञ्जालमा धेरैले रमाइलो प्रतिक्रिया दिएका छन्।

कतिपयले मजाक गर्दै “राष्ट्रको पैसा व्यवस्थापन गर्ने जिम्मेवारी राष्ट्रपतिको होला, तर घरको फिर्ता पैसा भने श्रीमतीकै नियन्त्रणमा रहेछ” भन्दै टिप्पणी गरेका छन्।

राष्ट्रपति दम्पतीको यस्तो सामान्य र हँसिलो व्यवहारले धेरै दर्शकलाई उनीहरू पनि अन्य सामान्य दम्पतीजस्तै रमाइलो गर्ने मानिस हुन् भन्ने अनुभूति गराएको छ।

15/09/2026

कोरियामा ४८ वर्षअघि तिर्न नसकेको ५०० वनको रेल टिकटको ऋण सम्झेर एक वृद्धाले ५० लाख वन फिर्ता गरेकी छन 😮🇰🇷

सउलको यङदुङफो स्टेसनमा हालै एउटा भावुक पत्र टाँसिएको छ, जसको शीर्षक थियो 난곡동 할매께 । यो पत्र स्टेशनका कर्मचारीहरूले ती वृद्धालाई सम्झेर लेखेका थिए।

गत महिना २६ तारिख, ८० वर्षभन्दा माथिकी एक वृद्धा स्टेशनको सूचना काउन्टरमा आइपुगिन्। उनले निकै सावधानीपूर्वक पत्रिकाको कागजले बेरिएको एउटा पोको कर्मचारीलाई दिइन्। पोको खोलेर हेर्दा त्यसभित्र ५० लाख वन नगद र वृद्धाले आफ्नै हातले लेखेको एउटा पत्र थियो।

पत्रको सुरुवात नै धेरै पुरानो ऋण अब बल्ल तिर्न चाहन्छु भन्ने भावबाट गरिएको थियो। वृद्धाले सन् १९७८ को घ´टना सम्झिँदै आफू सानो छोरासँग जियोङउपबाट साधारण रेल चढेर सउल आएको बताएकी थिइन्।

त्यतिबेला छोराको रेल टिकट किन्न आवश्यक ५०० वन आफूसँग नभएपछि उनले आफ्नो मात्र टिकट किनेकी थिइन्। 영등포역 मा पुगेपछि टिकटसम्बन्धी कुरा बाहिरिए पनि त्यतिबेलाका स्टेशन कर्मचारीले उनको अवस्था बुझेर मानवीय व्यवहार गर्दै आमा छोरालाई सहज रूपमा स्टेशनबाट जान दिएका थिए।

त्यो घट`नापछि वृद्धाले मनमनै एउटा वाचा गरेकी थिइन “म´र्नुअघि त्यो ऋण अवश्य तिर्नेछु।” तर त्यो ५०० वनको ऋण तिर्न ४८ वर्ष लाग्यो। अन्ततः उनले पुरानो सम्झना र कृतज्ञतालाई पैसाभन्दा धेरै ठूलो बनाएर ५० लाख वनसहित आफ्नो ऋ´ण फिर्ता गरिन्।

वृद्धाको यो भावनाले स्टेशनका कर्मचारीहरूलाई पनि भावुक बनायो। उनीहरूले स्टेशनको सूचना बोर्डमा जवाफस्वरूप पत्र राख्दै ती हजुरआमालाई धन्यवाद दिएका छन्। कर्मचारीहरूले उनको साहस र न्यानो मनले आफूहरूको दैनिक जीवनलाई समेत उपहारजस्तो बनाएको भाव व्यक्त गरेका छन्।

४८ वर्षसम्म एउटा सानो घ´टनालाई नबिर्सनु र जीवनको अन्तिम चरणमा पुगेर पनि आफूले पाएको सहयोगको ऋ´ण तिर्न खोज्नु यो घ`टना पैसाभन्दा पनि मानिसबीचको विश्वास, कृतज्ञता र मानवताको सुन्दर उदाहरण बनेको छ।

15/09/2026

ख्यङ्गिदोका विभिन्न शहरबाट राजधानी सउल अब मात्र ३० मिनेटमै पुगिने, तिब्र गतिको रेल GTX-C को निर्माण सुरु 😮🇰🇷

दक्षिण कोरियाको राजधानी क्षेत्रलाई तीव्र गतिमा जोड्ने 수도권광역급행철도 (GTX) C लाइनको निर्माण कार्य औपचारिक रूपमा सुरु भएको छ। यो परियोजना पूरा भएपछि ख्यङ्गिदोका विभिन्न क्षेत्रबाट सउलको मुख्य क्षेत्रमा पुग्न लाग्ने समय उल्लेख्य रूपमा घट्ने अपेक्षा गरिएको छ।

GTX-C लाइनको कुल लम्बाइ ८६.६ किलोमिटर हुनेछ। यो ख्यङ्गिदोको उत्तरी क्षेत्र याङ्जुस्थित थक्जङबाट सुरु भएर छङन्याङ्नी, सामसङ, याङ्जे लगायत सउलका प्रमुख क्षेत्र हुँदै दक्षिणतर्फको सुवन र साङरोक्सु स्टेशनसम्म जोडिनेछ।

यस परियोजनामा कुल ४ खर्ब ९ हजार २७२ करोड वनभन्दा बढी लगानी हुने बताइएको छ। निर्माण सुरु भएको मितिदेखि करिब ५ वर्षभित्र परियोजना सम्पन्न गर्ने लक्ष्य राखिएको छ।

GTX-C सञ्चालनमा आएपछि यात्राको समय निकै छोटिने अपेक्षा गरिएको छ। हाल थक्जोङ स्टेशनदेखि सामसङ स्टेशनसम्म पुग्न करिब ८० मिनेट लाग्नेमा GTX-C सञ्चालन भएपछि करिब ३० मिनेटमा पुग्न सकिने अनुमान छ।

त्यस्तै, सुवन स्टेशनदेखि छङन्याङ्नी स्टेशनसम्मको यात्रा पनि हालको करिब ७५ मिनेटबाट घटेर ३० मिनेटमा झर्ने अपेक्षा गरिएको छ। यसले सुवनलगायत ख्यङ्गिदोका दक्षिणी क्षेत्रबाट सउलमा दैनिक कामका लागि आवतजावत गर्ने यात्रुलाई ठूलो सुविधा पुग्नेछ।

GTX-C निर्माण सुरु भएको अवसरमा कोरियाको भूमि, पूर्वाधार तथा यातायात मन्त्रालयले सुवन र उइजङ्बु स्टेशनमा परियोजनासम्बन्धी जानकारी केन्द्र पनि सञ्चालन गर्ने भएको छ। सुवन स्टेशनमा सेप्टेम्बर १६ देखि १८ सम्म र उइजङ्बु स्टेशनमा सेप्टेम्बर २० देखि २२ सम्म जानकारी केन्द्र सञ्चालन हुनेछ।

GTX-C मात्र नभई राजधानी क्षेत्रका विभिन्न भागलाई उच्च गतिका रेलमार्गमार्फत जोड्ने GTX परियोजनालाई कोरियाको यातायात प्रणालीमा ठूलो परिवर्तन ल्याउने योजनाका रूपमा हेरिएको छ। विशेषगरी लामो दूरीबाट सउलमा काम गर्न जाने यात्रुको दैनिक यात्रा समय घटाउने यसको मुख्य उद्देश्य हो।

15/09/2026

जसले सबैभन्दा ठूलो शत्रु ठान्छ उसैलाई सहयोग, उत्तर कोरियालाई दक्षिण कोरियाले १६६ प्रकारका स्वास्थ्य सामग्री पठाउने तयारी 😍🇰🇷

दक्षिण कोरियाले उत्तर कोरियामा रहेको अस्पतालका लागि आवश्यक स्वास्थ्य तथा चिकित्सा सामग्री उपलब्ध गराउने तयारी गरेको छ। उत्तर कोरियाले सहयोग स्वीकार गरेमा उक्त सामग्री पठाइने दक्षिण कोरियाको एकीकरण मन्त्रालयले जनाएको छ।

दक्षिण कोरियाले प्योङयाङ नजिकै रहेको काङदोङ काउन्टी अस्पतालमा प्रयोग हुने १६६ प्रकारका चिकित्सा उपकरण तथा सामग्रीका लागि संयुक्त राष्ट्रसंघको प्रतिबन्धबाट विशेष छुटसमेत प्राप्त गरेको बताइएको छ।

प्रस्तावित सामग्रीहरू रो´ग पहिचान, शल्यक्रिया तथा उपचारका लागि आवश्यक पर्ने उपकरणहरू रहेका छन्। उत्तर कोरियाका सर्वसाधारणलाई स्वास्थ्य सेवामा सहयोग पुर्‍याउने उद्देश्यले यी सामग्री उपलब्ध गराउन लागिएको हो।

उत्तर कोरियाले पछिल्लो समय लगातार क्षे´प्यास्त्र परीक्षण गरिरहेको र त्यसका कारण दक्षिण कोरियासँगको सम्बन्धमा तनाव कायम रहे पनि सउलले मानवीय सहयोगलाई राजनीतिक तथा सैन्य विषयबाट अलग राख्ने आफ्नो नीति दोहोर्‍याएको छ।

दक्षिण कोरियाली अधिकारीहरूका अनुसार मानवीय सहायता सामान्य नागरिकको जीवन र स्वास्थ्यसँग सम्बन्धित विषय भएकाले राजनीतिक तनावका कारण त्यस्ता सहयोग रोक्न नहुने धारणा राखिएको छ।

अब मुख्य कुरा उत्तर कोरियाले दक्षिण कोरियाको यो सहयोग स्वीकार गर्छ कि गर्दैन भन्ने हो। सहयोग स्वीकार भएमा लामो समयदेखि तनावपूर्ण सम्बन्ध रहेका दुई कोरियाबीच मानवीय क्षेत्रको सहकार्यको एउटा सानो बाटो खुल्न सक्ने अपेक्षा गरिएको छ।

राजनीतिक विवाद र सैन्य तनावबीच पनि बिरामी तथा सर्वसाधारणको स्वास्थ्यका लागि सहयोग गर्न दक्षिण कोरियाले देखाएको यो कदमबारे तपाईंको विचार के छ?

15/09/2026

कोरिया घुम्न आउने विदेशी पर्यटकको पहिलो रोजाइ अझै म्योङदोङ, बिदेशीहरुले गरेको किनमेल खर्चमा नयाँ रेकर्ड 😮🇰🇷

दक्षिण कोरियाको राजधानी सउलस्थित म्योङदोङ विदेशी पर्यटकको प्रमुख किनमेल गन्तव्यका रूपमा आफ्नो लोकप्रियता कायम राखिरहेको छ। कोरिया घुम्न आउने पर्यटकहरूका लागि यहाँको बजार, सौन्दर्य सामग्री, कपडा तथा विभिन्न कोरियाली उत्पादन मुख्य आकर्षण बन्ने गरेका छन्।

यस वर्षको दोस्रो त्रैमासिकमा सउलको जुङ गु क्षेत्रमा विदेशीहरूले क्रेडिट कार्डमार्फत गरेको खर्च ५ खर्ब ६८ अर्ब ४० करोड वन पुगेको छ। यो रकम कोरियाभर विदेशी पर्यटकले गरेको कुल किनमेल खर्चको २४.१ प्रतिशत हो।

विशेषगरी Lotte Members ले प्रशोधन तथा विश्लेषण गरेको तथ्यांकअनुसार मे महिनासम्म म्योङदोङ क्षेत्रमा मात्रै विदेशी पर्यटकको कुल खर्चको २७.८ प्रतिशत हिस्सा रहेको देखिएको छ।

त्यसैले पछिल्लो समय म्योङदोङका सडकमा घुम्दै गर्दा हातभरि सपिङ ब्याग बोकेका विदेशी पर्यटकहरू देखिनु सामान्यजस्तै बनेको छ। धेरै पर्यटकहरू सउल भ्रमणका क्रममा म्योङदोङलाई आफ्नो खरिदारी सूचीमा अनिवार्य रूपमा राख्ने गरेका छन्।

म्योङदोङमा विशेषगरी K beauty का सौन्दर्य सामग्री, फेसन, खाना तथा कोरियाली लोकप्रिय उत्पादनहरू विदेशी पर्यटकबीच आकर्षणको केन्द्र बनेका छन्। कोरियाली संस्कृतिप्रतिको बढ्दो विश्वव्यापी चासोले पनि यहाँको पर्यटन र खरिदारीलाई थप बल दिएको देखिन्छ।

तपाईं कोरियामा म्योङदोङ घुम्नुभएको छ? त्यहाँबाट सबैभन्दा धेरै के किन्नुभएको थियो?

14/09/2026

एसियन गेम्समा उत्तर कोरियाको धमाकेदार सुरुवात, बंगलादेशलाई १०-० गोल अन्तरले हरायो 😮🇰🇵

दक्षिण कोरियाको छिमेकी उत्तर कोरियाले २०२६ एइची नागोया एसियन गेम्सको महिला फुटबलमा शानदार सुरुवात गरेको छ। समूह ‘F’ को पहिलो खेलमा उत्तर कोरियाले बंगलादेशलाई १०-० को फराकिलो अन्तरले पराजित गरेको हो।

जापानको ओसाकास्थित नागाई स्टेडियममा भएको खेलमा उत्तर कोरियाले पहिलो हाफमै ७ गोल गरेको थियो। बंगलादेशले उत्तर कोरियाको तीव्र आक्र´मण र दबाबलाई रोक्न नसकेपछि खेलको सुरुवातदेखि नै उत्तर कोरियाले पूर्ण नियन्त्रणमा राखेको थियो।

उत्तर कोरियाका जोन र्योङ जोंग, चाए उन योङ र किम क्योङ योंगले दुई-दुई गोल गरे। ह्वाङ यु योंग, रि सोंग अह, जोङ गुम र हान जिन होंगले पनि एक-एक गोल थपे। दोस्रो हाफमा उत्तर कोरियाले थप तीन गोल गर्दै १०-० को विशाल जित पूरा गरेको हो।

कोरियाली सञ्चारमाध्यमका अनुसार उत्तर कोरियाले खेलभर बंगलादेशलाई एउटा पनि शट प्रहार गर्न दिएन। FIFA महिला विश्व वरीयतामा उत्तर कोरिया ११औँ स्थानमा रहेको छ भने बंगलादेश १०७ औँ स्थानमा रहेको बताइएको छ।

यस जितसँगै उत्तर कोरियाले एसियन गेम्समा महिला फुटबलको स्वर्ण पदकको बलियो दाबेदारका रूपमा आफ्नो अभियान सुरु गरेको छ। उत्तर कोरियाले यसअघि एसियन गेम्समा तीन पटक महिला फुटबलको स्वर्ण जितिसकेको छ।

अब उत्तर कोरियाली महिला टोलीको ध्यान दक्षिण कोरियासँगको महत्वपूर्ण समूह खेलतर्फ हुनेछ। उत्तर र दक्षिण कोरियाबीचको कोरियन डर्बी सेप्टेम्बर २१ मा हुने तय भएको छ।

१०–० को जितसँगै उत्तर कोरियाले यसपटकको एसियन गेम्समा आफ्नो दाबेदारी कति बलियो छ भन्ने सुरुमै देखाएको छ।

14/09/2026

नेपालको बाढिपिडितलाई के पप फ्यानहरूको फरक अभियान, आफ्ना स्टारको नाममा कोरियाबाट पठाए सहयोग 💜🇰🇷

दक्षिण कोरियामा के पप कलाकारप्रतिको माया र फ्यानडम अहिले मनोरञ्जनमा मात्र सीमित छैन। आफ्ना मनपर्ने कलाकारले विपद्का बेला गरेको सहयोगबाट प्रेरित भएर फ्यानहरूले पनि कोरिया र नेपालमा बाढीपहिरो तथा आगलागीबाट प्रभावित नागरिकका लागि रकम जुटाउन थालेका छन्।

गत महिना एक के पप फ्यान पार्कले कोरियाको गजे र थोङयङ क्षेत्रमा बाढीपीडितको सहयोगका लागि रकम दान गरे। तर उनले आफ्नो नामबाट नभई आफूले मन पराउने के पप समूह Rescene को नामबाट सहयोग गरेका थिए। Rescene ले आफैंले पनि बाढी प्रभावित क्षेत्रमा ५ करोड वन सहयोग गरेको थियो।

Rescene को सहयोगबाट प्रभावित भएर पार्कसहित धेरै फ्यानहरू राहत अभियानमा जोडिए। फ्यानहरूको समेत सहयोग जोडिँदा Rescene सँग सम्बन्धित बाढी राहतका लागि जम्मा सहयोग रकम ११ करोड वनभन्दा बढी पुगेको बताइएको छ। पार्कका अनुसार कलाकार मात्र नभई फ्यानहरूले पनि सकारात्मक प्रभाव फैलाउन सक्नु खुसीको कुरा हो।

नेपालमा आएको ठूलो बाढीका पीडितलाई सहयोग गर्ने क्रममा पनि के पप फ्यानहरूको सहभागिता देखिएको छ। चर्चित के पप समूह Stray Kids का सदस्य Lee Know ले नेपालका बाढीपीडितका लागि १० करोड वन सहयोग गरेपछि उनका एक फ्यानले पनि आफ्नै तर्फबाट रकम दान गरेका छन्। राहत प्रमाणपत्रमा आफ्नो नाम राख्नुको सट्टा उनले Stray Kids को फ्यानडम नाम Stay लेखाएका थिए।

भर्चुअल गायिका तथा YouTuber Hebi का फ्यान Baek Seung-min ले पनि दक्षिण कोरियाको दक्षिणी क्षेत्रमा आएको बाढी र नेपालमा आएको विनाशकारी बाढीका लागि हालै कुल करिब ४० लाख वन सहयोग गरेका छन्। उनले आफ्नो नामको सट्टा आफूले मन पराउने कलाकारको नामबाट दान गरेका थिए।

कोरियाको Community Chest of Korea ले जनवरीमा सार्वजनिक गरेको Giving Trends 2026 रिपोर्टमा पनि पछिल्लो समय K-pop लगायत विभिन्न फ्यानडममा देखिएको यस्तो परोपकारी संस्कृतिलाई उल्लेख गरेको छ। रिपोर्टअनुसार आफूले मन पराउने कलाकार वा रुचिसँग जोडिएर गरिने फ्यानडम डोनेसनले मानिसलाई मनोरञ्जनको उपभोगबाट अघि बढेर सामाजिक सहयोगमा सक्रिय हुन प्रेरित गरिरहेको छ।

EPS NEPAL Family

15/09/2026

15/09/2026

15/09/2026

15/09/2026

15/09/2026

15/09/2026

15/09/2026

15/09/2026

14/09/2026

14/09/2026

Address

Telephone

Website

Alerts

Contact The Business

Shortcuts

Share

Category

Listing takedown request