09/09/2025
ប្រាសាទអក្សរចារឹក ឬប្រាសាទកាត់ក្តី
————————————
ប្រាសាទនេះមានទីតាំងស្ថិតនៅភូមិតាសែង ឃុំរណសិរ្ស ស្រុក សង្គមថ្មី ខេត្តព្រះវិហារ ហើយស្ថិតនៅខាងត្បូងធម្មសាលាមួយ ក្នុងបរិវេណកំពែងទី៣ នៃក្រុមប្រាសាទបាកាណ ឬហៅតាម អ្នកស្រាវជ្រាវបារាំងថា “ព្រះខ័ន-កំពង់ស្វាយ”។ ឈ្មោះ “អក្សរចារឹក” គឺជាឈ្មោះដែលអ្នកស្រុកនៅភូមិតាសែងហៅ ដ្បិតគេហៅបែបនេះដោយសារប្រាសាទនេះមានសិលាចារឹកនៅ លើមេទ្វារ។ ចំណែក ឈ្មោះមួយទៀតថា “កាត់ក្តី” គឺជាឈ្មោះ ដែលយើងឃើញតាមរយៈឯកសារអ្នកស្រាវជ្រាវមួយចំនួន។ ប្រាសាទអក្សរចារឹក សាងសង់ឡើងអំពីថ្មភក់ និងថ្មបាយក្រៀម មានកំពែងព័ទ្ធជុំវិញដែលមានទ្វារចេញចូលគ្រប់ទិសទាំងបួន។ តួប៉មកណ្តាលរបស់ប្រាសាទនេះ សាងឡើងអំពីថ្មភក់ មាន រាងបួនជ្រុងស្មើ ភ្ជាប់ដោយមណ្ឌប និងអន្តរទៅមុខខាងកើតធ្វើអំពី ថ្មបាយក្រៀម។ តួប៉មកណ្តាល មិនមានលម្អជាក្បាច់អ្វីគួរ កត់សម្គាល់ឡើយ ពោល គឺមានតែក្បាច់លាតធម្មតានិងរៀបជា ទ្វារបញ្ឆោតចំនួនបីប៉ុណ្ណោះ។ ទម្រង់ប្លង់របៀបនេះ មានលក្ខណៈ ដូចទៅនឹងប្រាសាទភ្នំជីសូរ ប្រាសាទគុកនគរ ដែលសុទ្ធសឹងជា សំណង់សាងឡើងក្នុងរជ្ជកាលព្រះបាទសូរ្យវរ្ម័នទី១ (គ.ស.១០០២-១០៤៩)។
👉🏻អានអត្ថបទទាំងមូល៖ https://khmercivilization.ams.com.kh/detail/10145
**********
Subscribe to YouTube channel: https://youtube.com/channel/UCclFg7LFa01xsEczWCchQsQ
Join us in Telegram: https://t.me/AMSCivilization
Website: https://ams.com.kh/khmercivilization/
#បទអត្ថធិប្បាយ
#វប្បធម៌ជាតិ #ប្រពៃណី #ទំនៀមទំលាប់ #សិល្បៈ #កេរមរតកវប្បធម៌ #កេរដំណែល #បេតិកភណ្ឌវប្បធម៌ #វប្បធម៌អរូបីយ #វប្បធម៌រូបីយ #សំណង់បុរាណ #វត្ថុបុរាណ #សថានីយ៍បុរាណ #អភិរក្សដ្ឋាន #រមណីយដ្ឋានប្រវត្តិសាស្រ្ត #ទស្សនីយភាព #តូរ្យតន្រ្តី #សូន្យរូប #ចម្លាក់ #អត្តសញ្ញាណ #កម្មសិទ្ធបញ្ញា #អភិរក្ស #អភិវឌ្ឍ #ចំណេះ #ស្រាវជ្រាវ
