27/05/2025
مساوس الغربة الجزء الثامن والعشرون :
آه بصح حتى نوصلو أو نعاود ليك قصتي ...بدات كتوريني طريق حتى وصلنا لديك البلاصة بلااصيت طوموبيل أو هبطنا واااو على منظر مقوووود و ديال الحياة سعيدة وتمطميط وداكشي مشينا لواحد الكوان تما او بنادم بزاااف لمهم كلسنا قلت ليها سميتي الحقيقية هيا لمعطي ههه عرفتو فاش عودات قالتها بديك لهجة تاع ايطاليا غير شد كرش تخرا بضحك قلت ليها ولكن قولي ليا غير روكي نتي سميتك بامبولينا ياك قالت ليا باش عرفتيها قلت ليها من عند صاحبتك لمهم قلت ليها انا من المغرب أو عاوت ليها لقصة كفاش حتى جيت هنا مي مقلتش ليها كنت قواد أو دابا خدام مع العصابة ههه طلقت عليها شويا تاع سلوكية لمهم حتى هيا بدات كتعاود ليا على راسها لي فهمت من كلامها باها لباس عليه أو ماماها الله ارحمها واحد شويا هيا تفكر بنت لعبد نهار لي عتقتها أو فاش عنقاتني بديت كنبكي سولتني علاش عاوت ليها لقصة كاملة تاع نسرين تاني حسات بيا حتى بداو كيطيحو ليها دموع.. بغيت نبدل الموضوع نخرجو من الحزن .. ديك لحضة كتنزل عليا واحد طاقة من الكواكب خلاتني كنتعنب عليها بلى منحس حتى كلقى راسي كنعض فيها قدام بنادم أصلاا عندهم داك شي عادي جدا ناري باش حسيت ديك ساعة لذة تاع نسرين تفكرت ياماتي معاها أو أش دوزت معاها ولكن هاد خيتي كتفكرني فيها بزاااف كتشفت بلي حتى هيا مزعوطة فيا من نهار فاش عتقتها من دوك شفارة لمهم مشينا تعشينا فواحد غستغو تما وصلت ديك 11:30 قالت ليا خاصنا نمشيو حيت غادي اجي عندي شيفور لدار صاحبتي أليسا باقة تبعانة طريق راه بعيدة نابولي على روما شويا قلت ليها صافي ياله خرجنا طلعنا ف طومبيل تمينا شادين طريق .. خدات عندي نمرة أو حتى انا قلت ليها دابا امتا غادي نتشاوفو بقات ساكتة أو كتشوف فيا واحد شوية قالت ليا وقت ما جيتي نتا نابولي صوني ليا غادي تشوفني اليوم جيت هنا غير حيت عند صاحبتي عيد ميلاد ..
ياك هيا دابا أنا إلى ماجيتش عندك متجيش عندي نتي ؟
لا ماشي هكاك بابا كيخاف عليا نسافر بوحدي فهمتي لمهم غادي نهضرو ف تيلي إلى مقدرتيش تجي نتا غادي نشوف انا شي كذبة على بابا أو نجي عندك غير متقلقش
قلت ليها فرحت حيت شفتك اليوم أو مبغيتش يكون هاد أخير نهار نتشاوفو
علاش كتقول بحال هاكة باقين غادي نتشاوفو ضروري حتى انا فرحت حيت شفتك ..
لمهم وصلنا حدا دار صاحبتها عنقاتني أو باستني ف حنكي أو مشات ديماريت طومبيل تفكرت Boss ناري قودتها نسيت راسي راا لحب صعيب أولاد ناس كثر من الغربة مشيت نيشان القصر .... وصلت دخلت مع هبط من طومبيل كيجي عندي واحد من رجال دياولنا قال ليا BoSs راه تزاد عليه الحال أو عيطنا لا مبينونس جات داتو مشاو معاه 2 من رجال قلت ليه صاف شنو سميت صبيطار لي مشاو ليه قال ليا معرفتش قلت ليه أو أش عارف الله انعل زامل بوك أرا نمرة تاع واحد فيهم من هادوك لي مشاو معاه ..عطاها ليا صونيت ليه قال ليا سميت صبيطار طلعت ف طومبيل جبدت تيلي كنطلع الخريطة (روما ) باش نعرف صبيطار فين جا بقيت متبع الخريطة أو كنفكر ف Boss مبغيتش توقع ليه شي حاجة غير حتى اكتب ليا القلاوي كامل ف سميتي أو يموت ديك ساعة أولا يتفرقع أصلاا قلبي ولى حجرة ..وصلت الصبيطار كلقى خوتنا واقفين ف الباب صدرتهم قلت ليهم غير سيرو أصلاا مبقات ثقة فيهم دخلت عند BoSs كنلقاه ناعس بقيت كالس حداه حتى جا طبيب قلت ليه كي بقى قال ليا واش نتا من العائلة ديالو قلت ليه بحال داك شي علاش
- تبعني المكتب
- مشيت معاه دخلنا المكتب كلست قلت ليه واش عندو شي حاجة خطيرة
-اه راه ياله خرجو تحليل لقينا عندو مرض سيدا الأسف فات لحال على العلاج دابا ممكن يموت فأي لحظة حيت المرض في المرحلة أخيرة نتاشر بزاااف كون كتشفتا قبل كان ممكن اتعلج.
- كيفاش دابا ماكين حتى حل باش اتعلج غير شوف شي طريقة
- الأسف منقدر ندير والو
-واخا شكرا خرجت من عندو ...هاد القلاوي تاع Boss كان عاطيها غير القحاب ولكن 100% خرجت عليه مايا دابا شد في ثب مشيت عندو بقيت كالس حداه ليل كامل حتى صبح الحال عاد فاق أولا حاجة قالها جيب ليا نشرب ..عطيتو شرب أو سولتو كيف كتحس
- شويا خرجني من هنا مكنحملش صبيطارات
- راك باقي عيان حتى أجي طبيب نشوفو أش غادي يقول ليك أو ديك ساعة نمشيو
- تا اشمن طبيب أولا لحبس خرجني من هنا دابا
قمعني ولد القحبة خرجتو من صبيطار طلعتو ف طومبيل او مشينا ...صراحة مبغيتش نقول ليه على المرض ديالو ماشي دابا خلي حتى يولي ماقادش انوض كاع باش القاني انا فجنبو و يكتب ليا الحزاق كامل ..لمهم وصلنا لقصر طلعتو البيتو قال ليا غدا كاينة واحد العملية أو نتا لي غادي تصرف راه هضرت مع المحامي قال ليا غدا مع صباااح غادي اخرج داك صاحبك خيطانو ..قلت ليه صافي فين كاينة هاد العملية ..قال ليا حتى الصباح أو نقول ليك سير دابا شركة شوف كي غادة أمور تما داك شي لي درت خرجت من عندو مشيت فطرت أو مشيت شركة ضربت فيها دورة داك شي غادي مزيان رجعت دغيا لقصر مشيت نعست حيت ليل كامل كنت كالس سهران على Boss ...
كنفيق على تيلي كيصوني شكون هاد ولد لقحبة لي فيقني كنشوف ف تيلي كلقى بامبولينا اواااه توحشاتني جوبتها ألو بامبولينا صافا
- وي صافا أو نتا شفتك كاع ماصونيتي تخلعت عليك أو صونيت
-لا لا صافا مزيان غير البارح كنت خدام بليل ياله فيقتني من نعاس
-اه سمح ليا فيقتك فاش خدام بعد كاع مقلتي ليا
- وااا باش غادي نجاوب دابا طلقتها عليها عاوتاني قلت ليها ف واحد شركة
-اه مزيان ياله نخليك دابا عندي مسابقة تاع رقص حتى ليل او نهضرو
-اوك صاف حض سعيد غادي تربحي
قالت ليا شكرا أو قطعات نضت من بلاصتي بدلت حوايجي أو مشيت نشوف Boss كي بقى ... وصلت عندو قال ليا كلشي مزيان قلت ليه اه
- لمهم غدا فاش نكلفك بالمهمة غادي نسافر انا إسبانيا عند مايا أو غادي ندي معايا شي راجل غادي تبقى نتا هنا مكلف
-ههه فاش قالها ليا بغيت نتفرشخ بضحك ولكن مقدرتش ويني ولد لقحبة هادا هوا مريض بسيدا أو قال ليك باغي امشي عند مايا تكمل ليه لباقي ولكن دوماج كاع معارف أصلاا واخا اعرف شنو غادي اتبدل خليه انكح محد باقي عايش جهنم كتسناه كتسناه..قلت ليه صافي لي بغيتي أو خرجت معرفت مندير توحشت نضرب شي جواان ولكن ف القصر كاينة غير الغبرة دابا منين غادي نجيب الحشيش انا منين قلت والله حتى نجربو هاد الكوكاين كي داير زعمة حسن من الحشيش مشيت هزيت واحد 50 غرام درتها فجيبي أو مشيت لبيتي دخلت سديت عليا جبدت داك لعجب كنشوف فيه دقيق صافي درت ليه نفس طريقة تاع نفحة درت فيدي شويا أو دوزتو على نيفي وانااااري فاش شميت داك الخرة راسي تزعزع وا مع مع طلعت تبويقة كيبان ليا غير ضباب قدامي ناري قودتها جاب الله درت غير شويا واحد لحضة كنطيح فوق ناموسية. .. معقلت على راسي حتى كنفيق فصبااح غير داك شويا دار فيا هاد لعجب كامل هزيت تيلي كنلقى بامبولينا مصونيا ليا شي 5 لمرآت ..ماشي وقتها هادا اه Boss ناري مشيت كنجري عندو لقيتو حتى هوا ياله فاق قال ليا صاحبك راه جاي مع المحامي شويا يكون هنا ... و هاد Boss مساهلش
-المهم خونا فاش يجي ديه معاك للعملية لي غادي نقوليك جربو الى كنتي تايق فيه
- آه صاف دابا شرح ليا لعملية كيفاش طبيعة ديالها
مني شرح ليا العملية كانت في كوريا نجيب سلاح و طلب مني نمشي غير انا وشي واحد حيت هادي مهمة صعيبة شوي وبطبيعة الحال غادي ندي معايا خيطانو حيت هو لي كنتيق فيه هاد ساعة ...
مشيت انا لقصر وحد شويا.....
يتبع....
الفيلسوف
#القصص
#الروايات
#الأدب
#الكتابة
#القراءة
#الكتاب
