https://maps.app.goo.gl/BcaQadn2F5Sz9QT78

CNI News, https://maps. app. goo. gl/2yMcFUx8mFXX14NS 6, Seoul (2026)

Q: What is the address?

Https://maps. App. Goo. Gl/2yMcFUx8mFXX14NS 6

10/08/2024

03/08/2024

ពួក តារានោករាស្រ្ត

31/07/2024

គ្រួសារស្នើសុំតុលាការឱ្យដោះលែងលោក ថាច់ សេដ្ឋា ខណៈជំងឺបេះដូងរបស់លោកមានសភាពធ្ងន់ធ្ងរ

ក្រុមគ្រួសារ និងមេធាវី ស្នើទៅកាន់តុលាការកំពូលឱ្យទម្លាក់ការចោទប្រកាន់ទៅលើអនុប្រធានគណបក្សភ្លើងទៀន លោក ថាច់ សេដ្ឋា ឱ្យមានសេរីភាពឡើងវិញ ខណៈជំងឺបេះដូងលោកមានសភាពធ្ងន់ធ្ងរ។

តុលាការកំពូលគ្រោងនឹងបើកសវនាការ នៅថ្ងៃទី៣១ ខែកក្កដានេះ លើបណ្ដឹងសាទុក្ខរបស់អនុប្រធានគណបក្សភ្លើងទៀន លោក ថាច់ សេដ្ឋា ប្រឆាំងនឹងសាលដីកាសាលាឧទ្ធរណ៍ភ្នំពេញដែលតម្កល់សាលក្រមសាលាដំបូងរាជធានីភ្នំពេញកាត់ទោសលោកឱ្យជាប់ពន្ធនាគាររយៈពេល ៣ឆ្នាំ និងពិន័យជាប្រាក់៤លានរៀល ក្រោមបទញុះញង់បង្កឱ្យមានភាពវឹកវរក្នុងសង្គម និងបទញុះញង់ឱ្យមានការរើសអើងពូជសាសន៍។

ប្រពន្ធលោក ថាច់ សេដ្ឋា គឺ លោកស្រី ថាច់ សុខបូរ៉ានី ប្រាប់វិទ្យុអាស៊ីសេរីក្រោយចេញពីសួរសុខទុក្ខប្ដីនៅក្នុងពន្ធនាគារ នៅថ្ងៃទី៣០ ខែកក្កដាថា ស្ថានភាពជំងឺប្ដីលោកស្រីកាន់តែធ្ងន់ធ្ងរឡើង។ លោកស្រីបន្តថា ប្ដីលោកស្រី ដែលមានអាយុ ៧១ឆ្នាំកំពុងមានជំងឺជាច្រើន រួមមាន ជំងឺបេះដូង លើសឈាម និងជំងឺប្រចាំកាយផ្សេងទៀត ដែលត្រូវលេបថ្នាំជាប្រចាំ។

លោកស្រី ថាច់ សុខបូរ៉ានី បន្ថែមថា ក្រោយពីប្ដីលោកស្រីជាប់ពន្ធនាគារជិតពីរឆ្នាំមកនេះ បានធ្វើឱ្យគ្រួសារលោកស្រីបាត់បង់នូវសុភមង្គល ដោយសារលោកស្រីជាអ្នករ៉ាប់រងគ្រួសារ ត្រូវរកចំណូល ដើម្បីការចំណាយថវិកាព្យាបាលជំងឺប្ដី និងត្រូវចំណាយពេលវេលាឡើងសវនាការផងដែរ។ លោកស្រីរំពឹងថា តុលាការកំពូលនឹងពិចារណាលើការងារ ដែលប្ដីលោកស្រីបានលះបង់ដើម្បីសង្គមកន្លងមក និងភាពស្អាតស្អំ ហើយលោកស្រីស្នើតុលាការដោះលែងប្ដីលោកស្រីឱ្យបានជួបជុំក្រុមគ្រួសារវិញ។
លោកស្រី ថាច់ សុខបូរ៉ានី៖ «គាត់ឈឺជើង ហើយឥឡូវគាត់ថា គាត់ទ្រោមខ្លួន ឈឺពេញខ្លួន ហើយមិញពេលដែលគាត់ដើរចេញមក ជើងគាត់ដើរប៉ាំងពៀចៗ ដើរអត់ចង់រួច និយាយរួមគាត់លាក់គ្រួសារទោះគាត់ឈឺក៏ដោយក៏គាត់ថាមិនឈើដែរ»។

ចំណែកមេធាវីការពារក្ដីឱ្យលោក ថាច់ សេដ្ឋា គឺលោកបណ្ឌិត សឺន ជុំជួន មានប្រសាសន៍ថា កូនក្ដីលោកបានអនុវត្តទោស ចំពោះសំណុំរឿងទីមួយ ដែលកាត់ទោសឱ្យជាប់ពន្ធនាគាររយៈ ១៨ ខែ ក្នុងសំណុំរឿងចេញសែកស្អុយ ឬសែកអត់ប្រាក់រួចរាល់ហើយ តែកូនក្ដីរបស់លោកមិនមានលទ្ធភាពបង់លើសំណងចំនួន៣លានរៀលនៅឡើយទេ។ លោកថាសម្រាប់សវនាការនៅតុលាការកំពូលដែលគ្រោងនឹងកាត់ក្ដីលើសំណុំរឿងទីពីរនៅថ្ងៃស្អែកនេះ លោកសង្ឃឹមថាតុលាការនឹងទម្លាក់ការចោទប្រកាន់ និងផ្ដល់យុត្តិធម៌ដល់កូនក្ដីរបស់លោក។
លោក សឺន ជុំជួន៖ «ទោះជាយ៉ាងណាក៏ដោយ យើងនៅតែរំពឹងថា តុលាការនឹងនៅតែពិចារណា នៅក្នុងការដំណើរនីតិវិធីហ្នឹង ហើយផ្ដល់ចេញជាសេចក្ដីសម្រេចដោយមានភាពយុត្តិធម៌ដល់កូនក្ដីខ្ញុំ នេះការរំពឹងទុករបស់ខ្ញុំថា នឹងទទួលបានបែបនេះ»។

វិទ្យុអាស៊ីសេរីមិនទាន់អាចសុំការឆ្លើយតបរឿងនេះពីអ្នកនាំពាក្យក្រសួងយុត្តិធម៌ លោក ជិន ម៉ាលីន បានទេ នៅថ្ងៃទី៣០ ខែកក្កដា។

ជុំវិញរឿងនេះ នាយកទទួលបន្ទុកកិច្ចការទូទៅនៃអង្គការឃ្លាំមើលសិទ្ធិមនុស្សលីកាដូ (LICADHO) លោក អំ សំអាត ថា តុលាការគួរតែទម្លាក់ការចោទប្រកាន់ទៅលើអនុប្រធានគណបក្សប្រឆាំងរូបនេះ ហើយអ្នកនយោបាយគួរជជែកគ្នា និងរកដំណោះស្រាយសម្រាប់ផលប្រយោជន៍ពលរដ្ឋ។
លោក អំ សំអាត៖ «អ្នកនយោបាយគួរតែពិនិត្យមើលក្នុងការដោះស្រាយគ្នាតាមវប្បធម៌នៃសន្ទនាដើម្បីរកច្រកក្នុងការដោះស្រាយទៅលើបញ្ហានេះដើម្បីបន្ធូរបន្ថយនូវបរិយាកាសនៅក្នុងការរិះគន់ពីសហគមន៍អន្តរជាតិចំពោះករណីឯកឧត្ដម ថាច់ សេដ្ឋា»។

សាលាដំបូងរាជធានីភ្នំពេញកាលពីឆ្នាំមុនបានកាត់ទោស លោក ថាច់ សេដ្ឋា ពីបទញុះញង់បង្កឱ្យមានភាពវឹកវរក្នុងសង្គម និងបទញុះញង់ឱ្យមានការរើសអើងពូជសាសន៍ ពាក់ព័ន្ធនឹងការថ្លែងសាររបស់លោកជាមួយពលករនៅប្រទេសកូរ៉េខាងត្បូងកាលពីថ្ងៃទី១៣ ខែមករា ឆ្នាំ២០២៣ អំពីប្រវត្តិគណបក្សប្រជាជន ស្តូបមិត្តភាពកម្ពុជាវៀតណាម និងប្រវត្តិ ៧មករា ហើយតុលាការចាត់ទុកករណីនេះថា ជាអំពើទុច្ចរិត និងមានគោលបំណងបញ្ឆេះកំហឹងដល់ពលរដ្ឋឱ្យស្អប់គណបក្សប្រជាជនកម្ពុជា រដ្ឋាភិបាល និងមានចេតនាកេងចំណេញនយោបាយមុនការបោះឆ្នោតខិតចូលមកដល់។

ទោះជាយ៉ាងណាក្ដី កន្លងអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ បានចាត់ទុក ការផ្ដន្ទាទោសនេះថា ជារឿងដ៏ហួសចិត្ត និងមិនអាចទទួលយកបាន ដោយគ្រាន់តែលោក ថាច់ សេដ្ឋា ប្រើប្រាស់សិទ្ធិសេរីភាពបញ្ចេញមតិរបស់ខ្លួន៕
អានអត្ថបទលើគេហទំព័រ៖ https://www.rfa.org/khmer/news/politics/family-of-thach-setha-asks-supreme-court-to-release-him-as-his-heart-illness-is-serious-07302024131221.html
#វិទ្យុអាស៊ីសេរី #កម្ពុជា

31/07/2024

សកម្មជនព្រៃឡង់លោក អ៊ុក ម៉ៅ ត្រូវមេប៉ុស្តិ៍និងមេឃុំបណ្តេញពីផ្ទះដោយសារឈឺឆ្អាលការពារព្រៃឈើ
---
សកម្មជនការពារព្រៃឈើ និងជាជនជាតិដើមភាគតិចកួយ លោក អ៊ុក ម៉ៅ ត្រូវបានមេឃុំអន្លង់ភេ លោក អឿន ខេន បញ្ជាឱ្យមេប៉ុស្តិ៍ ឈួន ឆិត កោះហៅមកសួរនាំជាច្រើនម៉ោង ដើម្បីបណ្តេញគាត់ឱ្យចាកចេញ ពីលំនៅឋាន ក្នុងឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង ដោយលើកហេតុផលថា លោកជាសកម្មជនការពារព្រៃឈើបំពុលសង្គម។
សកម្មជនការពារព្រៃឈើ លោក អ៊ុក ម៉ៅ ប្រាប់វិទ្យុអាស៊ីសេរី នៅថ្ងៃទី២៩ កក្កដា ថា មេប៉ុស្តិ៍អន្លង់ភេ លោក ឈួន ឆិត បានចេញលិខិតកោះហៅលោកឱ្យទៅបំភ្លឺពេញមួយព្រឹក កាលពីថ្ងៃទី២៧ ខែកក្កដា ដោយប្រាប់ឱ្យរូបលោក និងក្រុមគ្រួសារ ត្រូវផ្លាស់ប្តូរទីលំនៅ ចេញពីទីនោះ។
លោកថា អាជ្ញាធរបានឆែកឆេររកអត្តសញ្ញាណប័ណ្ណ និងគំរាមលោកក្នុងន័យរើសអើង ដោយសារតែលោកចូលរួមសកម្មភាពការពារព្រៃឈើក្នុងតំបន់ព្រៃឡង់។
លោក អ៊ុក ម៉ៅ បន្ថែមថា មេឃុំអន្លង់ភេ លោក អឿន ខេន តែងតែគំរាមលោកចាប់ដាក់គុកជាច្រើនដង ដើម្បីបំបាក់ទឹកចិត្ត ឱ្យលោកឈប់ឈឺឆ្អាលពីបញ្ហាសង្គម និងបរិស្ថាន។
មេឃុំអន្លង់ភេ លោក អឿន ខេន បដិសេធមិនបំភ្លឺរឿងនេះទេ ដោយលោកថា ជាប់រវល់ប្រជុំ។
វិទ្យុអាស៊ីសេរីមិនទាន់អាចទាក់ទង សុំការបំភ្លឺរឿងនេះ ពីមេប៉ុស្តិ៍រដ្ឋបាលឃុំអន្លង់ភេ លោក ឈួន ឆិត បាននៅឡើយទេនៅថ្ងៃទី២៩ កក្កដា។
ជុំវិញរឿងនេះ មន្ត្រីសម្របសម្រួលសមាគមការពារសិទ្ធិមនុស្សអាដហុក (Adhoc) ខេត្តស្ទឹងត្រែង លោក ចឹក ចិត្រា ពន្យល់ថា មេឃុំ និងសមត្ថកិច្ចគ្មានសិទ្ធិបណ្តេញពលរដ្ឋណាម្នាក់ ចេញពីលំនៅឋាននោះទេ។លោកចាត់ទុកទង្វើនេះ ជាការរំលោភសិទ្ធិពលរដ្ឋ និងបំពានច្បាប់។
លោក ចឹក ចិត្រា៖ «ទាំងនេះគឺជាការរំលោភសិទ្ធិរំលោភច្បាប់ហើយ ការគំរាមកំហែងទៀតចូលមាត្រា២៣១ គំរាមកំហែងដើម្បីបំភិតបំភ័យ បន្លាចឬបណ្ដេញពលរដ្ឋចេញ គឺសុទ្ធតែខុសច្បាប់ហើយ បើនិយាយពីច្បាប់ព្រហ្មទណ្ឌ។ អ៊ីចឹងទេ អាជ្ញាធរមិនមានអ្វីមកបណ្ដេញពលរដ្ឋនៅទីកន្លែងគាត់រស់នៅ ឬក៏ស្នាក់នៅទេ»។
មកទល់ពេលនេះ សកម្មជនការពារព្រៃឈើ លោក អ៊ុក ម៉ៅ កំពុងជាប់បណ្តឹងនៅតុលាការ ចំនួន ៤សំណុំរឿងមកហើយ ដោយសារតែចេញមុខការពារព្រៃឈើ និងរិះគន់អាជ្ញាធរពាក់ព័ន្ធ មិនអនុវត្តច្បាប់ព្រៃឈើ តាមបទបញ្ជារបស់ប្រមុខរដ្ឋាភិបាល និងការអំពាវនាវរបស់ព្រះមហាក្សត្រ ព្រះនរោត្តម សីហមុនី៕

រូប៖ ពលរដ្ឋផ្ដល់ឱ្យ
អានលើគេហទំព័រ៖ www.rfa.org/khmer/news/environment/prey-lang-activist-ouk-mao-was-evicted-from-his-home-by-police-chief-and-commune-chief-in-stung-treng-province-07302024084750.html
#វិទ្យុអាស៊ីសេរី #កម្ពុជា #ការពារព្រៃឈើ #អ៊ុកម៉ៅ #ព្រៃឡង់ #បណ្ដេញ #សកម្មជនព្រៃឈើ

30/07/2024

ជនជាតិដើមភាគតិចខេត្តមណ្ឌលគិរី ប្រឈមបាត់បង់មុខរបរធ្វើស្រែចម្ការវិលជុំបែបប្រពៃណី
---
ជនជាតិដើមភាគតិចក្នុងខេត្តមណ្ឌលគិរី ដែលរស់នៅពឹងផ្អែកទៅលើការធ្វើស្រែចម្ការវិលជុំបែបប្រពៃណី កំពុងប្រឈមនឹងបាត់បង់មុខរបរមួយនេះ ដោយសារតែអាជ្ញាធរហាមឃាត់មិនឲ្យធ្វើស្រែចម្ការវិលជុំ ព្រោះខ្លាចបាត់បង់ធនធានធម្មជាតិ។ មន្ត្រីសង្គមស៊ីវិល ជំរុញឲ្យអាជ្ញាធរចុះពិនិត្យ ជីវភាពប្រជាពលរដ្ឋដោយផ្ទាល់។

តំណាងជនជាតិដើមភាគតិចព្នងនៅឃុំប៊ូស្រា ស្រុកពេជ្រាដា លោក ក្លាង ថូល ប្រាប់វិទ្យុអាស៊ីសេរីនៅថ្ងៃទី២៩ ខែកក្កដាថា មន្ត្រីបរិស្ថានបានហាមឃាត់មិនឲ្យជនជាតិដើមភាគតិច ធ្វើស្រែចម្ការវិលជុំបែបប្រពៃណី នៅលើដីសមូហភាពនោះទេ ដោយសារអាជ្ញាធរសំអាងថា ដីទាំងនោះជារបស់រដ្ឋ ហើយប្រសិនបើពលរដ្ឋចង់ធ្វើស្រែចម្ការទាំងនោះ ត្រូវតែធ្វើកិច្ចសន្យាមួយចំនួន។ លោកបន្ថែមថា ពលរដ្ឋមិនព្រមធ្វើតាមការទាមទាររបស់អាជ្ញាធរឡើយ ដោយសារដីស្រែចម្ការទាំងនោះ ពួកគាត់ធ្លាប់អាស្រ័យផលតាំងពីដូនតាមក និងបានចុះបញ្ជីជាដីសមូហភាពរួចរាល់ហើយ។ លោកអំពាវនាវឲ្យអាជ្ញាធរបញ្ឈប់ការហាមឃាត់ជនជាតិដើមភាគតិចធ្វើស្រែចម្ការវិលជុំតទៅទៀត និងត្រូវចុះត្រួតពិនិត្យដើម្បីស្វែងរកអ្នកកាប់បំផ្លាញព្រៃឈើពិតប្រាកដ។

លោក ក្លាង ថូល៖ «ប្រជាពលរដ្ឋរស់នៅទីនេះតាំងពីយូរណាស់មកហើយ មិនដែលទៅណាមកណាទេ ប្រសិនជាមិនឲ្យដាំដុះ ប្រជាពលរដ្ឋរំពឹងទៅលើអ្វី ហើយស្រែចម្ការរបស់គាត់ធ្វើតាំងពីឆ្នាំ១៩៩២ និងឆ្នាំ១៩៩៣មក ដែលពួកគាត់ធ្វើ»។

តំណាងជនជាតិដើមភាគតិចម្នាក់ទៀត គឺ លោកស្រី ភ្លឹក ភីរុំ ឲ្យដឹងថា ប្រជាពលរដ្ឋជាង១០នាក់ហើយ ដែលត្រូវបានអាជ្ញាធរប្ដឹងទៅតុលាការ និងមានប្រជាពលរដ្ឋជាច្រើនអ្នកទៀតត្រូវបានអាជ្ញាធរហាមឃាត់និងប្រឈមនឹងពាក្យបណ្ដឹង។ លោកស្រីបន្ថែមថា ប្រជាពលរដ្ឋដែលជាអ្នកចូលរួមការពារព្រៃឈើត្រូវរងពាក្យបណ្ដឹងនិងការគំរាមកំហែងជាបន្តបន្ទាប់ ចំណែកអ្នកប្រព្រឹត្តបទល្មើសមិនត្រូវបានយកទៅដាក់ទោសតាមច្បាប់ ដែលជារឿងអយុត្តិធម៌បំផុតសម្រាប់ជនជាតិដើមភាគតិច។

លោកស្រី ភ្លឹក ភីរុំ៖ «យើងរងនូវអយុត្តិធម៌ជាច្រើន អាជ្ញាធរដឹងច្បាស់ណាស់ថាដីធ្លីទាំងអស់នេះ យើងជាអ្នកកាន់កាប់ជាអ្នកថែរក្សាជាអ្នកការពារមានប្រសិទ្ធភាពជាងបរិស្ថានជាអ្នកការពារ អ៊ីចឹងកន្លងទៅបរិស្ថានជាអ្នកការពារ មិនដូចជាជនជាតិដើមភាគតិចជាអ្នកការពារទេ យើងការពារបានគង់វង្សព្រៃឈើដើមឈើទាំងអស់នេះ ចំពោះបរិស្ថានវិញការការពារមិនដែលបានគង់វង្សទេ អ៊ីចឹងអយុត្តិធម៌សម្រាប់យើងជាអ្នកការពាររងនូវបណ្ដឹង ប៉ុន្តែអ្នកដែលបំផ្លាញមិនដែលរងនូវបណ្ដឹងនោះទេ»។

ពលរដ្ឋលើកឡើងទៀតថា ប្រសិនបើអាជ្ញាធរនៅតែមិនអនុញ្ញាតឲ្យពលរដ្ឋធ្វើស្រែចម្ការឡើងវិញនោះទេ ពួកគាត់នឹងនាំគ្នាតវ៉ានៅសាលាខេត្ត ពីព្រោះអាជ្ញាធរបានអនុញ្ញាតឲ្យក្រុមហ៊ុនឯកជនជាច្រើនធ្វើការវិនិយោគ ប៉ុន្តែចំពោះប្រជាពលរដ្ឋក្រីក្រ ត្រូវអាជ្ញាធរហាមឃាត់ និងបំបិទសិទ្ធិទៅវិញ។

ជុំវិញរឿងនេះវិទ្យុអាស៊ីសេរីមិនអាចទាក់ទង អភិបាលខេត្តមណ្ឌលគីរី លោក ថង សាវុន ដើម្បីសុំការអត្ថាធិប្បាយបានទេ នៅថ្ងៃទី២៩ ខែកក្កដា។

មន្ត្រីសម្របសម្រួលសមាគមអាដហុក (Adhoc) ប្រចាំខេត្តមណ្ឌលគីរី លោក ប៊ី វ៉ាន់នី លើកឡើងថា អាជ្ញាធរត្រូវពិនិត្យឡើងវិញ ហើយត្រូវចុះសិក្សាស្រាវជ្រាវ និងពិនិត្យជាក់ស្ដែងទៅលើដីដែលប្រជាពលរដ្ឋកំពុងអាស្រ័យផលតាំងពីដូនតារបស់ពួកគាត់។ លោកជំរុញឲ្យអាជ្ញាធរអនុវត្តច្បាប់ឲ្យបានតឹងរ៉ឹងទៅលើក្រុមឈ្មួញខិលខូច ដែលបានបោកបញ្ឆោតឲ្យពលរដ្ឋចូលទៅកាប់ទន្ទ្រានដីព្រៃយកលក់ឲ្យខ្លួន។

លោក ប៊ី វ៉ាន់នី៖ «យើងគាំទ្រចំពោះចំណាត់ការផ្លូវច្បាប់ចំពោះអ្នកទាំងនេះ ដែលបានឃុបឃិតលក់ដីព្រៃ ឬក៏ញុះញង់ឲ្យប្រជាពលរដ្ឋទៅកាប់ទន្ទ្រានដីព្រៃរបស់រដ្ឋតំបន់អភិរក្សយកទៅលក់បន្តនឹង គឺយើងស្នើឲ្យចាត់វិធានការឲ្យតឹងរ៉ឹងដើម្បីការពារទ្រព្យសម្បត្តិធនធានធម្មជាតិហើយយើងការពារសម្បត្តិធនធានធម្មជាតិបានហើយយើងក៏អាចផ្ដល់នៃការរស់នៅរបស់ជនជាតិដើមភាគតិចដែលគាត់រស់យូរឆ្នាំមកហើយនោះ»។

ក្នុងដំណើរបេសកកម្មស្វែងរកការពិតរយៈពេល ៦ថ្ងៃនៅកម្ពុជា កាលពីសប្តាហ៍មុន អ្នករាយការណ៍ពិសេសរបស់អង្គការសហប្រជាជាតិ លោក វិទិត មុនតាប៊ន បានជំរុញឱ្យរដ្ឋាភិបាលបង្កើតសេវាច្រកចេញចូលតែមួយដើម្បីជួយសហគមន៍ក្នុងការទទួលសិទ្ធិជនជាតិដើមភាគតិចរបស់ខ្លួន។ លោកក៏បានជួបជាមួយសហគមន៍មួយចំនួនដែលរងផលប៉ះពាល់ដោយការទន្ទ្រានយកដីដូនតារបស់ពួកគេ និងការអភិវឌ្ឍដែលគ្មានតុល្យភាព។

កាលពីខែមីនា កន្លងទៅគណៈកម្មាធិការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានចុះបង្ក្រាបការកាប់រុករានទន្ទ្រានព្រៃយកដីធ្វើជាកម្មសិទ្ធិខុសច្បាប់ ក្នុងតំបន់ ការពារធនធានធម្មជាតិ ខេត្តមណ្ឌលគិរី ប៉ុន្តែមិនទាន់ឃើញអាជ្ញាធរចាប់បានក្រុមឈ្មួញរកស៊ីឈើ និងអ្នកកាប់បំផ្លាញព្រៃឈើទ្រង់ទ្រាយធំនៅឡើយ បើទោះបីជាក្រុមជនល្មើសបន្តចូលទៅកាប់ និងដឹកជញ្ជូនឈើកម្រជាច្រើនប្រភេទចេញពីតំបន់ការពារ ដែនជម្រកសត្វព្រៃភ្នំព្រេច កែវសីមា និងតំបន់ការពារព្រៃសហគមន៍នៅពេលយប់តាមរយៈម៉ូតូ និងមានឡាន កែច្នៃ ចាំដឹកបន្តយកទៅលក់នៅប្រទេសវៀតណាមតាមច្រកងាំដី ស្ថិតនៅក្នុងស្រុកកែវសីមា ខេត្តមណ្ឌលគិរី ក៏ដោយ៕

រូប៖ ហ្វេសប៊ុករដ្ឋបាលខេត្តមណ្ឌលគិរី
អានលើគេហទំព័រ៖ www.rfa.org/khmer/news/land/indigenous-peoples-in-mondulkiri-face-a-loss-of-traditional-rotational-farming-07302024033803.html

CNI News

10/08/2024

03/08/2024

03/08/2024

31/07/2024

31/07/2024

30/07/2024

30/07/2024

30/07/2024

30/07/2024

30/07/2024

30/07/2024

30/07/2024

Address

Website

Alerts

Shortcuts

Share

Category