09/09/2026
മലയാളി നഴ്സ് കുവൈത്തിൽ കുഴഞ്ഞുവീണ് മരിച്ചു
കുവൈത്ത് സിറ്റി (സെപ്റ്റംബർ 9):
കുവൈത്തിൽ മലയാളി നഴ്സ് കുഴഞ്ഞുവീണ് മരണമടഞ്ഞു. ആലപ്പുഴ ചെങ്ങന്നൂർ സ്വദേശിനി ഷൈനി തോമസ് (54) ആണ് നിര്യാതയായത്.
അബ്ബാസിയയിലെ താമസസ്ഥലത്ത് കഴിഞ്ഞ ദിവസം രാത്രി (സെപ്റ്റംബർ 8) കുഴഞ്ഞുവീണ ഇവരെ ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുവൈത്ത് ജഹറ ആശുപത്രിയിലെ ജീവനക്കാരിയായിരുന്നു.
ഭർത്താവ്: മനോജ്‌. മക്കൾ രണ്ടുപേരും വിദേശത്ത് വിദ്യാർഥികളാണ്. മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടികൾ പുരോഗമിക്കുന്നു.
