What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 10:00 - 13:00

https://www.instagram.com/mangystaumedia.kz/

Mangystau Media, 9 мкр, 42/1 здание, Aktau (2025)

17/07/2025

Елімізде жарты жыл ішінде 928 млн жолаушы тасымалданған

Көлік саласы тұрақты өсім көрсетіп отыр. 2025 жылдың алғашқы алты айында Қазақстанда көліктің барлық түрімен 928 миллион жолаушы тасымалданған, бұл 2024 жылдың сәйкес кезеңімен салыстырғанда 10,5%-ға артық, деп хабарлайды otpannews.kz.

Көлік министрлігінің мәліметінше, автомобиль және қалаішілік тасымал түрлері ең көп сұранысқа ие. Автобус, такси, маршрутка мен троллейбус арқылы 911,1 миллион жолаушы тасымалданған.
Әуе көлігімен 7,2 миллион жолаушы ұшқан — өткен жылмен салыстырғанда 6,1% өсім бар. Теміржол көлігімен 9,5 миллион жолаушы қатынаған.

Жүк тасымалдау көлемі де артқан. 2025 жылдың алғашқы жартыжылдығында 550,8 миллион тонна жүк тасымалданды, бұл 2024 жылдың осы кезеңімен салыстырғанда 10,9%-ға көп. Негізінен астық, көмір, түсті және қара металлдар, құрылыс материалдары, мұнай өнімдері және басқа да жүк түрлері тасымалданыпты.

17/07/2025

Ақтаулық тұрғын 100-ден аса көгершінді баптап отыр

Нұрлан Белбай 30 жылдан бері көгершін баптаумен айналысады. Сүйікті ісін кәсіпке айналдырған кейіпкеріміздің Ақтау қаласында, Басқұдық және Ақшұқыр ауылында құс өсіретін арнайы кетегі бар. Нұрлан мырза тек көгершін ғана емес, өзге де жануарларды күтіп баптаумен шұғылданады.

Алғашында көгершіндерді өсіріп, баптау хобби болған. Ол бұл іс үлкен жауапкершілікті талап етеді дейді. Көпқабатты тұрғын үйдің жанында орналасқан құс кетекке келушілер де аз емес екен. Көршілері де келіп құстарды тамақтандырады.

Кейіпкеріміз бала кезінде көгершін санын 100-ге жеткізуді қалаған және бүгінде сол арманы орындалды. Нұрлан мырза көгершіндерге ерекше жылулықпен қарайды. Бірнеше жылдан бері баптап жүргендіктен оларға қарап көңіл-күйін, жағдайын бірден түсінемін, кейде сағаттап отырып сырласамын дейді.

- Шаруашылығымды ізімнен ұлым жалғастырады, қазірден бастап осы іске бейімдеп жүрмін, - дейді ол.

03/02/2024

Жеті адамды құтқарған өрт сөндіруші марапатталды

Ақтау қаласы №2 мамандандырылған өрт сөндіру бөлімінің бөлімше командирі Бекболат Нұрсұлтанов «Төтенше жағдайдағы ерлігі үшін» төс белгісімен марапатталды, деп хабарлайды mangystaumedia.kz облыстық төтенше жағдайлар департаментінің баспасөз қызметіне сілтеме жасап.

Бекболат Нұрсұлтанов әріптестерімен 2023 жылы 10 желтоқсанда Мұнайлы ауданы Баянды ауылында ауа райының қолайсыздығынан жолда тұрып қалған көліктен жеті адамды құтқарған.

Бекболат Нұрсұлтановты жанқиярлығы үшін Маңғыстау облысының Төтенше жағдайлар департаменті бастығының міндетін уақытша атқарушы Бекболат Әбдіқадыров марапаттады.

Ал Ақтау қаласы Төтенше жағдайлар басқармасының инженері Ерлан Сұлтанмұратовқа «Азаматтық қорғау аға лейтенанты» кезекті арнайы атағы берілді.

03/02/2024

Суға батқан көліктегі адамдарды құтқарған өрт сөндіруші марапатталды

Ақтау қаласы №2 мамандандырылған өрт сөндіру бөлімінің бөлімше командирі Бекболат Нұрсұлтанов «Төтенше жағдайдағы ерлігі үшін» төс белгісімен марапатталды, деп хабарлайды mangystaumedia.kz облыстық төтенше жағдайлар департаментінің баспасөз қызметіне сілтеме жасап.

Бекболат Нұрсұлтанов әріптестерімен 2023 жылы 10 желтоқсанда Мұнайлы ауданы Баянды ауылында суға батқан көліктегі адамдарды құтқарған.

Бекболат Нұрсұлтановты жанқиярлығы үшін Маңғыстау облысының Төтенше жағдайлар департаменті бастығының міндетін уақытша атқарушы Бекболат Әбдіқадыров мараппатады.

Ал Ақтау қаласы Төтенше жағдайлар басқармасының инженері Ерлан Сұлтанмұратовқа «Азаматтық қорғау аға лейтенанты» кезекті арнайы атағы берілді.

03/02/2024

«Қаражанбасмұнай» АҚ Бас директоры болып Марат Елеусінов тағайындалды

«ҚазМұнайГаз» ҰК» АҚ Басқарма төрағасы Мағзұм Мырзағалиев «Қаражанбасмұнай» АҚ ұжымына жаңа басшыны таныстырып, өндірістік объектілердің тұрақты және апатсыз жұмысын қамтамасыз ету міндетін қойды, деп хабарлайды mangystaumedia.kz ҚМГ баспасөз қызметіне сілтеме жасап.

Марат Елеусінов жаңа лауазымға тағайындалғанға дейін «Ембімұнайгаз» АҚ Бас директорының өндіріс жөніндегі орынбасары қызметін атқарды. Сондай-ақ ол «Өзенмұнайгаз» АҚ, «Маңғыстаумұнайгаз» АҚ және «Қазақтүрікмұнай» ЖШС-де түрлі басшылық лауазымдарда жұмыс істеген.
2018-2020 жылдары «ҚазМұнайГаз» ҰК» АҚ Мұнай және газ өндіру департаменті директорының орынбасары, мұнай және газ өндіру департаментінің директоры болып қызмет етті.

Еңбек жолын 2009 жылы «Өзенмұнайгаз» АҚ-да Мұнай және газ өндіру операторы болып бастаған.

03/02/2024

Ақтауда демалыс күндері кинотеатрларда қандай фильмдер көрсетіледі?

03/02/2024

Иранның Амирабад порты Маңғыстау теңіз порттарына жүк жеткізуді жеделдетуге және арттыруға дайын

Бүгін маңғыстаулық делегация Иран Ислам Республикасының Мазендеран провинциясындағы Амирабад теңіз портына барды. Порт өкілдері Иран теңіз қақпасының артықшылықтары мен мүмкіндіктері туралы айтты. Сондай-ақ, жүкті қауіпсіз және жылдам жөнелту бағытында Маңғыстау кәсіпкерлерімен ынтымақтастықты дамытуға дайын екенін жеткізді, деп хабарлайды mangystaumedia.kz.

Амирабад порты – жүктерді ауыстырып тиеуге қажетті барлық жабдығы және ро-ро айлағы бар Ирандағы жалғыз порт. Сонымен қатар, бұл порт елдің барлық аймағымен теміржол арқылы байланысады.

«Сондықтан біздің көпфункционалды порт арқылы жүк жібере аласыз, ал жүк осы жерден әлемнің басқа елдеріне транзитпен жөнелтіледі. Порттың артықшылығы – жүк көліктеріне арналған ро-ро айлағы. Бұдан бөлек, біз айына екі партия жіберілетін көлік транзитімен айналысамыз. Жаңа порт болғандықтан, бізде заманауи жабдықтар бар. Екі үлкен кран, алты жағалау краны, астықты ауыстырып тиеуге арналған жабдық бар. Сондай-ақ контейнерлерді тиеу-жөнелту құрылғылары, сүйрегіштер, теңіз түбін тазартуға арналған және құтқару кемелері бар. Біздің провинцияда жыл сайын 3,5 миллион тонна цитрус өсірілетіндіктен, өнімдерді Каспий арқылы ТМД елдеріне жеткізуге мүдделіміз. Қазіргі уақытта бізде 130 мұздатқыш бар, мұндай камералары бар контейнерлерге шектеу жоқ. Осы бағыт бойынша біз Ресейге 240 тонна цитрус жібердік», - деді Амирабад теңіз портының бас директоры Мұхаммед-Али Мусапур Горджи.

Соңғы 10 айда Амирабад порты арқылы 3,9 миллион тонна жүк тиеліп, жөнелтілген. Қазірдің өзінде бұл көрсеткіш 4,1 миллион тоннаға дейін өскен. Алдағы екі айда порт жүктеп, жөнелту көлемін 4,7 миллион тоннаға дейін арттыруға дайын. Жүкті теңіз арқылы жеткізуге мүдделі маңғыстаулық кәсіпкерлер Иран порты ұсынған барлық мүмкіндікті талқылады. Маңғыстау облысы әкімінің орынбасары Қанат Құлжанов екі елдің, атап айтқанда, екі өңірдің – Мазендеран мен Маңғыстаудың қарым-қатынасы белсенді дамуға тиіс екенін атап өтті.

Жалғасы комментарийде ⬇️

03/02/2024

Иран портында тұрып қалған автокөліктер жақын арада Ақтауға жеткізілмек

Көліктерін бірнеше ай бойы күткен маңғыстаулық азаматтар жақында темір тұлпарымен табысатын болды. Бұл туралы Иран Ислам Республикасындағы Мазендеран провинциясына іссапармен жүрген облыстық мәслихат төрағасы Жаңбырбай Матаев мәлімдеді. Амирабад портының басшылығымен кездесу кезінде қазақстандықтарға тиесілі автокөліктерді жеткізу мәселесі шешімін тапты,-деп хабарлайды mangystaumedia.kz.

Иранның Амирабад портында бірнеше айдан бері БАӘ-ден тиелген он екі жаңа көлік тоқтап тұр. Осы автокөліктерді сатып алған Маңғыстау тұрғындары мәслихат депутаттарына мәселені шешу туралы өтініш білдірген еді.

«Біз Амирабад портының басшылығына азаматтарымызға көмектесуін сұрап, өтініш білдірдік. Бар мәселе БАӘ құжаттамасынан екен. Қазір мәселе шешілді. Көп ұзамай көліктер Иран портынан Ақтау портына жөнелтіледі. Порт басшылары Амал мерекесі қарсаңында автокөлік иелері нің жаңа көліктерімен қауышатынын айтып, уәде берді», - деді Жаңбырбай Матаев.

02/02/2024

Иран кәсіпкерлері маңғыстаулықтармен бірлесе мал бордақылауға дайын

2 ақпан күні Иран Ислам республикасында іссапармен жүрген маңғыстаулық делегация Мазандаран провинциясындағы ауыл шаруашылығы өнімдері мен балық өсіретін шаруашылықтардың жұмысымен танысты, деп хабарлайды mangystaumedia.kz.

«Ромак гостар» компаниясы - Ирандағы ауыл шаруашылығы өнімдерін өсіріп, оны экспортқа шығарып отырған ірі кәсіпорын. Маңғыстаулықтармен кездескен компания басшысы өңірде қой және сиыр етіне сұраныстың бар екенін айтты. Осы орайда Иран кәсіпкерлері Маңғыстау облысына инвестиция құйып, бірлескен жобаларды жүзеге асыруға ниетті.

«Ромак гостар» компаниясының тәжірибесімен таныстық. Екі ел арасында байланыс орната алатын мүмкіндіктерді талқыладық. «Ромак гостар» компаниясы Маңғыстау облысына ауыл шаруашылығы өнімдерін тиімді бағамен жеткізуге ұсыныс білдіріп отыр. Құрық теңіз порты арқылы жеткізуге қауқарлы екен. Енді біздің тарапымыздан қандай өнімді экспорттай алатын мүмкіндігіміз бар екенін қарауымыз керек. Мұнда қой мен сиыр етіне сұраныс бар екен. Кәсіпкерлері біздің облысқа инвестицияға жасап, мал бордақылау жұмысын жүзеге асыруға дайын. Осы жұмыс бағытын жандандырып, қарым-қатынасты күшейтеміз, - деді Маңғыстау облысы әкімінің орынбасары Қанат Құлжанов.

Маңғыстау облысы әкімінің орынбасары Мазандаран провинциясында балық шаруашылығының да жақсы дамығанын айтып отыр. Оның сөзінше, провинциядағы балық шаруашылықтары бекіре тұқымдас балықтардың өнімін Қытай мен Араб елдеріне экспорттайды. Алдағы уақытта балық шаруашылығы саласында тәжірибесі мол кәсіпкерлер мен маңғыстаулық кәсіпкерлер арасында тәжірибе алмасу ұйымдастырылмақ.

“Ромак гостар” компаниясының құрамында экспортталатын жеміс-жидекті сақтап, оны жөнелтумен айналысатын Ирандағы ең ірі терминал бар. Амирабад портына жақын орналасқан. Компанияның негізін қалаушы әрі ірі директоры Халиль Гулизаде алдағы уақытта Қазақстанға ауыл шаруашылығы өнімдерін жеткізуді жоспарлап отырғандарын айтты.

02/02/2024

Аудандарға қатынайтын автобустар қашан жүре бастайды

5 ақпаннан бастап аймақтың барлық ауданына метанмен жүретін 10 экологиялық таза және жайлы «Yutong» маркалы автобустар қатынай бастайды. Бұл бастама көліктік қызмет көрсету сапасын жақсартуға, өңірдің экологиялық тұрақтылығын сақтауға, сұйытылған газды тұтыну жүктемесін азайтуға бағытталған, деп хабарлайды mangystaumedia.kz Маңғыстау облысы әкімінің баспасөз қызметіне сілтеме жасап.

Өңір басшысына Ақтау қаласынан барлық ауданға қатынайтын жайлы автобустар таныстырылды. Жаңа автобустар 53 орынға арналған және желдеткіш жүйесі, қауіпсіздік камералары, мүмкіндігі шектеулі адамдарға арналған аппарель, метан қозғалтқыш және GPS жүйесі сияқты барлық қажетті құралдармен жабдықталған.

Автобустарды отынмен қамтамасыз ету үшін технопарк аумағында орналасқан алғашқы метан газ станциясы жұмыс істейді. Сонымен қатар, паркте маршруттарды бақылауға және автобустардың ішкі бейнежазбаларын көруге мүмкіндік беретін диспетчерлік бөлме бар.

Автобустарды сатып алу және метан құю станциясын іске қосу облыстық және қалалық әкімдіктердің қолдауымен «Каспий» ӘКК» инвестициялық жобасы шеңберінде іске асырылды.

Жобаның мақсаты Маңғыстау облысы жолаушылар тасымалын барынша қауіпсіз, ыңғайлы, сапалы қоғамдық көлікпен қамтамасыз ету. Сондай-ақ нарыққа жаңа заманауи автобустар шығару.

02/02/2024

Маңғыстаулық балуандардың Париж турниріндегі қарсыласы анықталды

Бүгін дзюдодан Парижде басталатын Гранд Слэм бәсекесінде күресетін маңғыстаулық балуандардың қарсыласы белгілі болды, деп хабарлайды mangystaumedia.kz.

73 келіде татамиге шығатын Асқар Нарқұлов бірінші айналымда күреспейді. Жарысты екінші кезеңнен бастайтын жерлесіміз кипрлық Андрей Киприаноспен белдеседі. Жеңіске жеткен жағдайда Өзбекстан балуаны Шахрам Ахадов пен тәжікстандық Әбубәкір Шеров жұбының жеңімпазымен шеберлік байқасады.

Ал 81 келіде ел намысын қорғайтын Руслан Мұсаев бірінші кездесуін өзбекстандық Мұса Собировке қарсы өткізеді. Жерлесіміз алғашқы кезеңде жеңген жағдайда келесі белдесуін бразилиялық Гильерме Брашимидтпен өзара мықтыны анықтайды.

Айта кетейік, Асқар Нарқұлов өткен жылы ел чемпионатын топ жарып, өз салмағында үздік атанған болатын. Сондай-ақ, қос жерлесіміз өткен жылдың желтоқсан айында Токио Гранд Слэміне қатысты.

Париж Гранд Слэмі Олимпиада алдында рейтингтік ұпай үлестіреді. Бұл сында топ жарған дзюдошыға 1000, күміс жүлдегер 700, қола медаль иегеріне 500 ұпайдан беріледі.

02/02/2024

Маңғыстаулық оқушылар «Зерде» республикалық байқауында үздік нәтижеге қол жеткізді

17 маңғыстаулық оқушы «Зерде» республикалық байқауында жүлдеге ие болды, деп хабарлайды mangystaumedia.kz Маңғыстау облыстық білім басқармасының баспасөз қызметіне сілтеме жасап.

Аталған сында 4 оқушы I, 5 оқушы II орын алды. Сонымен бірге, тағы 7 оқушы III орынға тұрақтады. Жалпы байқауға өңірден 18 үздік оқушы жолдама алған болатын.

Жыл сайын дәстүрлі өткізілетін конкурс ғылыми-зерттеу жұмыстарында қабілетті дарынды оқушылардың белсенділігін арттыруды көздейді. Байқау аудандық, облыстық және республикалық кезеңдерден тұрады.
Сондай-ақ, республикалық білім жарысы 30 қаңтар мен 1 ақпан аралығында «Дарын» РҒПО ұйымдастыруымен өтті. Оған 2- 7-сынып оқушылары қатысты.

Mangystau Media

17/07/2025

17/07/2025

03/02/2024

03/02/2024

03/02/2024

03/02/2024

03/02/2024

03/02/2024

02/02/2024

02/02/2024

02/02/2024

02/02/2024

Address

Opening Hours

Website

Alerts

Contact The Business

Shortcuts

Share

Category

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	10:00 - 13:00