Mangystau TV

06/06/2026

Әлеуметтік желіде Ақтау әуежайы қызметкерлерінің жұмысына қатысты видео көпшіліктің назарын аударды. Threads платформасында жарияланған кадрларда жүк тиеушілердің жолаушылар сөмкелерін ұқыпты түсіріп жатқанын көруге болады.

Желі қолданушылары мұндай жауапкершілік пен жұмысқа деген адалдықты жоғары бағалап, оң пікірлерін білдіруде.

06/06/2026

Ман ата бағытына қатынайтын жолдың кейбір учаскелеріндегі сапа мәселесі тұрғындар мен жолаушылардың наразылығын тудырып отыр. Жүргізушілердің айтуынша, жолдың жекелеген бөліктерінде ой-шұңқырлар мен тегіс емес жерлер жиі кездеседі.

Әсіресе, бұл бағытпен тұрақты қатынайтын азаматтар жолдың жағдайы көлік қозғалысына қолайсыздық туғызып қана қоймай, автокөліктердің техникалық жағдайына да кері әсер ететінін айтады.

06/06/2026

інде ерекше жәдігер сақтаулы тұр. Ол – қазақтың көрнекті ақыны, жырау Қашаған Күржіманұлын ақтық сапарға шығарып салу рәсімінде пайдаланылған кілем.

Бұл бұйымның құндылығы оның көнелігінде ғана емес, Маңғыстаудың рухани тарихында өшпес із қалдырған Қашаған жыраудың өмірімен байланысты болуында. Музей қорындағы жәдігер келушілерге өңірдің өткенінен сыр шертіп, тарихи тұлғаның өмір жолын еске салады.

06/06/2026

Құрық ауылында теңіз жағалауынан ескі кемелердің қаңқасы табылды. Бұл нысанның тарихы бірнеше кезеңмен байланысты.

Алғашында ғимарат бірнеше қабаттан тұратын балық сақтау орны ретінде пайдаланылған. Кейіннен Құрықтағы мұнай саласының дамуына орай ол мұнайшыларға арналған жатақханаға айналдырылған.

Уақыт өте келе мұнайшылар басқа жатақханаға көшірілгеннен кейін нысан қараусыз қалған. Сол кезеңде өрт шығып, ғимараттың негізгі бөлігі қаңқа күйіне түскен. Кейіннен ол теңіз суының әсерінен суға батып кеткені, араға уақыт салып қайтадан су бетіне қалқып шыққаны айтылады.

Жергілікті тұрғындардың пікірінше, егер бұл нысан дер кезінде сақталып, қалпына келтірілгенде, өңір тарихын танытатын құнды жәдігерге айналар еді.

06/06/2026

Бүгін теңіз суы сәл салқын болғанымен, толқын жоқ. Жағалау тыныш, ауа райы демалуға қолайлы.

06/06/2026

Құрық ауылының маңында суы мөлдір, құмы таза әрі жұмсақ, нағыз Мальдив аралдарын еске салатын ерекше жер бар. Табиғаты көркем бұл жағалау көпшілікке әлі кеңінен таныла қоймаған.

Бұл «Мальдив» қыруар қаржы жұмсауды қажет етпейді, керісінше маңғыстаулықтарға ғана мәлім тыныш демалыс орындарының бірі саналады.

Міндетті түрде бірге келуі қажет досыңды төменге белгіле👇🏻😮‍💨

06/06/2026

2026 жылдың 10-11 маусым күндері Маңғыстау облысы Маңғыстау ауданы Тұщықұдық ауылында Қазақстанның халық ақыны Сәттіғұл Жанғабылұлының 150 жылдық мерейтойы өтеді

06/06/2026

Қазақстанда алтын неке жүзіктерінің бағасы айтарлықтай қымбаттады. 2026 жылғы сәуірде олардың құны бір жыл ішінде 47%-ға артқан. Сарапшылар бұл өнім түрі бойынша бағаның тұрақты өсімі соңғы үш жыл бойы жалғасып келе жатқанын айтады.

2026 жылдың өзінде-ақ баға өсімі жалғасқан: наурызда 5,5%, сәуірде 3,7%-ға қымбаттаған. 2025 жылдың сәуірінде жылдық өсім 29,7% болған.

Өңірлер бойынша ең жоғары өсім Ақмола облысында тіркелді – 84,7%. Одан кейін Ұлытау – 71% және Жамбыл облысы – 68%. Алматыда алтын жүзіктер 58,3%-ға қымбаттаған.

Ең төмен өсім Маңғыстау (17,3%), Қызылорда (24,7%) және Павлодар (29%) облыстарында байқалды.

06/06/2026

06/06/2026

Құрық өңірінде өсірілетін қиярдың дәмі ерекше екені жиі айтылады. Мұның сыры – табиғи өсіру тәсілі мен жергілікті шаруалардың еңбегінде.

Алтыбай Базаров жастайынан егін шаруашылығымен айналысып келеді. Соңғы 4–5 жылдан бері ол жылыжайда қияр өсіруді қолға алған. Шаруаның айтуынша, өнімді өсіру барысында артық тыңайтқыштар қолданылмайды, сондықтан қияр табиғи дәмін сақтайды.