Tabigat Media

26/02/2026

Бір балыққа таласқан екі жыртқыш 🎣

Құндыз бен Америка қаракүзенін балықшылар мен аңшылар көп шатастырып жатады. Себебі екеуі де жартылай суда тіршілік етеді, негізгі қорегі — балық. Еліміздің шығысы мен оңтүстік-шығысында құндыз бен қаракүзенді бір судан көруге болады. Содан да кейбір аңшылар қаракүзенді көрдім деп құндызды атып жіберуі мүмкін.

🦦 Қазақстанда өзен құндызының екі түршесі мекендейді: Оңтүстік Алтайда солтүстік түршесі, ал Жетісу және Іле Алатауларында ортаазиялық түршесі таралған.

📕 Ортаазиялық құндыз мемлекеттік дәрежеде қорғалады. Қазақстанның Қызыл кітабына енгенін ескеру керек ❗️

🌎 Ал қаракүзен — Қазақстанға жат аң. Еуразия құрлығына алғаш рет 1928 жылы әкелініп, ең алдымен аң фермаларында өсірілді. Әбден көндіккеннен кейін Шығыс Қазақстан жеріне тез таралып кетті. Оны кейде «сукүзен» деп те атайды.

🎯 Америка қаракүзені — лицензиясы бар аңшыларға атуға рұқсат берілген жануарлардың бірі. Оның инвазивтігін де атап өтпей кетуге болмайды. Ол жергілікті жануарлармен азыққа таласып, оларды туған жерінен ығыстырады. Мәселен, Еуропа қаракүзенінің жойылып кетуінің бірден-бір басты себебі — Америка қаракүзенінің тез таралып кеткені болып отыр.

#қаракүзен #құндыз

26/02/2026

Италия биылғы қысқы олимпиада талисманы етіп аққіс деген жануарды таңдаған. Ақкіс біреу емес, екеу: әпкелі-інілі Тина мен Мило. Тина ақ түсті, ал Мило — қоңыр түсті ақкіс.

Италияда өтіп жатқан олимпиада талисмандары — ақкіс пен бәйшешек Қазақстанда да кездесе ме?

26/02/2026

Благодаря разнообразию природных зон — от высокогорий до степей и пустынь — на территории Казахстан встречаются редкие и неожиданные животные. Среди них — леопард, росомаха, дикобраз, выдра, манул, медоед, варан и даже саламандра лягушкозуб, о существовании которых многие не задумываются.

Не только волк, лиса и заяц. Росомаха, леопард, варан и другие обитатели казахской земли.

24/02/2026

🇰🇿 Қазақстандағы тіршілігі суға тәуелді сүтқоректілер 🐾🏞️

Бұл жануарлардың тіршілігі тікелей суға байланған. Сулы-сазды алқаптар құрып кетсе, бұларға да қауіп төнеді

29/01/2026

Қазақстандағы 2026 жыл құсы деп қара сайрақ (Turdus merula) танылды.

Қара сайрақ Қазақстанның батысында қыстаса, оңтүстігі мен шығысында отырықшы құс болып мекендейді. Бұл дегеніміз — басқа сайрақтарға қарағанда қыста жылы жаққа жылыстап ұшып кетпейді.

20-ғасырдың басында қара сайрақ Алматы қаласында сирек болған. Тіпті 70 жыл бұрын негізінен қала шетіндегі жасыл аймақтарда ұя салған, ал қала орталығында арагідік кездесіп тұрған. Тек 60-жылдардың соңына қарай ғана қаланың бүкіл аумағына таралып, сыбызғының үніндей даусына бола қала тұрғындарының сүйікті құсына айналып үлгерді.

Толығырақ:

Қазақстанда 2026 жыл құсы анықталды, ол — қара сайрақ (Turdus merula)

29/01/2026

Чёрный дрозд стал Птице года 2026 в Казахстане!

Это хорошо знакомая многим птица, обитающая в лесах, парках и городских зелёных зонах. Это единственный оседлый вид дроздов в Казахстане: он не улетает на зиму и круглый год остаётся рядом с человеком.

Ежегодно в Казахстане для привлечения внимания к сохранению птиц выбирают главную птицу года, в 2026 году ею стал чёрный дрозд

11/01/2026

Қазақстанда қауіпті УЛЫ жылан табылды!

Маңғыстау облысының оңтүстігінен былтыр мамандар әлемдегі ең қауіпті жыланның бірін тауып алды. Ол — құмдауыт атпажылан (Песчаная эфа).

Бұл — Қазақстан фаунасы үшін маңызы зор оқиға. Елімізде жыланның 18 түрі тіркелген. Ал жаңадан табылған атпажылан он тоғызыншы түр боп тіркелуі мүмкін.

Толығырақ:

Маңғыстау облысының оңтүстігінде Қазақстанда бұрын-соңды кездеспеген улы жылан табылды

26/12/2025

🐾 Аққалақ пен ақкісті қалай ажыратамыз?

👀 Оп-оңай! Бар болғаны — құйрығына қараңыз. Ақкістің құйрығының ұшы қара түсті. Оған қоса ақкіс аққалаққа қарағанда әлдеқайда ірілеу келеді әрі құйрығы ұзын болады.

🤔 Қызық факт: аққалақ — ең кішкентай жыртқыш аң. Түріне қарап олай айтпайсың, иә?

#ақкіс #аққалақ #ласка #горностай

17/12/2025

Талдықорған тұрғыны жартылай суда тіршілік ететін ортаазиялық құндызды (кәмшат) кездейсоқ видеоға түсіріп алды. Қызыл кітапқа енген ортаазиялық құндызды Аселсейіт Сламжанов былтырғы наурызда қайыққа мініп Қаратал өзенінің бойымен жүзіп жүргенде видеоға түсіріп алған, ал видеоның өзі жақында ғана ғалымдардың қолына түсіп отыр. Видео авторы табиғат аясына жиі шығып тұрсам да және осы жерді жақсы білсем де, құндызды осы маңнан алғаш рет кездестіріп тұрмын дейді.

Ортаазиялық құндыздың көптен бергі алғашқы видеосы келіп түсті!

15/12/2025

Редкую среднеазиатскую выдру зафиксировали вблизи Талдыкоргана!

04/12/2025

🐍 Жақында Disney «Аңдар шаһарының» екінші бөлімін шығарды! Қазақша дубляждалған нұсқасын көріп үлгергендер бар ма? Көрмесеңіз, асығыңыз.

Мультфильмнің екінші бөлімінде 178 кейіпкер бар. Олар жануарлардың 67 түрін ойнап шыққан екен! Ескі және жаңа кейіпкерлердің образы қандай жабайы жануарларға сүйеніп жасалғанын бірге көрейік

- Бас кейіпкерлердің бірі — Гэри деген сұржылан (pit viper). Қазақстанда сұржыландардың 3 түрі мекендейді.
- Одан бөлек мультфильмдегі жануарлардан Қазақстанда кездесетіндері — сілеусін, жертесер, көртышқан, итаю, аққалақ.
- Қазақстанның Үстірті, Маңғышлағы мен Қызылқұмында өткен ғасырда қабылан да мекендеген. Бірақ 1960 жылдан бері оның барына дәлелді дерек жоқ болғандықтан, жойылып кеткен деп есептеледі.
- Қызық факт: мультфильмде деген әнші ғазелді дыбыстаған. Кей дереккөзде бұл ғазелдің образы Африкада ғана таралған Томсон ғазеліне (Thomson’s gazella) ұқсатып салынған деп көрсетіледі. Дегенмен ұрғашы ғазелдердің мүйізі мұндай ұзын әрі қалың болмайтынын ескеру керек.
- Ал Қазақстанда Gazelle туысының бір-ақ түрі мекендейді. Ол — қарақұйрық.

#аңдаршаһары #зверополис

01/12/2025

🦒 Әлемдегі ең шоқтығы биік жануар Африкада ғана таралған. Ол — жираф.

2025 жылы Африка ғалымдары енді жирафтың бір емес, төрт түрі бар деп баяндама жасады. Мамандар әр түрді жеке-жеке бағалау қажет дейді. Себебі жирафтың бір түріне қауіп төнуі ықтимал болса, басқа түрлері жойылып кету алдында тұр.

Қазіргі дерекке сәйкес, Африкада бар-жоғы 7 037 солтүстік жирафы (Giraffa camelopardalis) қалған, бұл 1995 жылмен салыстырғанда 70%-ға аз. Ал оңтүстік жирафының (Giraffa giraffa) саны 2 есе өсіп, 68 837-ге жеткен. Дегенмен ареалының тарылуы, қаскерлік, климаттың өзгеруі мен дерек тапшылығы жирафтарға әлі де қауіп төндіріп отыр.

🔗 Толығырақ tabigat.media сайтынан оқыңыз.

Жирафтың фотолары: iNaturalist.org
Карта мен статистика: Giraffe Conservation Foundation (GCF), 2025

#жираф