КТК жаңалықтары

Home
КТК жаңалықтары

Қазақстанның басты жаңалықтары сағат 19:30-да!
КТК арнасында онлайн http://www.ktk.kz/kz/live Қазақстан. КТК телеарнасы. Жаңалықтар.

15/08/2025

ДЕГЕНІНЕ ЖЕТТІ
Маңғыстаулық депутат келіншек ұлының әкесі облыс әкімі екенін сотта дәлелдеді. Енді Нұрдәулет Қилыбай 3 жасар бала кәмелетке толғанша алимент төлейді.

ТАУЫҚ "ҰШТЫ"
Қызыл ет қымбаттағалы тауықтың етіне көшкен елге қиын болды. Өңірлерде құс етінің де бағасы ұшып тұр.

ЫСЫРАП БОЛМАСЫН
Түркия курорттарындағы қонақүйлер "ол инклюзивті" алып тастау мәселесін көтерді. Осы уақытқа дейін туристердің табағында қалған тамақты қоқысқа тастап келгендер енді обалды ойлап отыр.

СОЗБАЛАҢҒА САЛДЫ
"Қазақстрой" салған үйге көңілдері толмаған тұрғындар шу шығарды. Пәтерлерінің кілтін қолдарына ұстатқанымен су мен жарықтың жоғынан иелері көшіп кіре алмай отыр.

Жүргізуші: Әйгерім Асқарқызы (Instagram: https://instagram.com/aigerimaskarkyzy_ktk)

14/08/2025

ҚЫМБАТШЫЛЫҚ ҚЫСТЫ
Бензин шарықтап барады. Әсіресе бас қалада жанармай бағасы ырыққа көнбей тұр.

ЖАТАҚХАНА ЖЕТІСПЕЙДІ
Алматыға білім қуып келген балалар биыл да жататын орын таппай қалуы мүмкін. Жоғары оқу орындарының басшылығы хостел жағалап, келісімшарт жасаудың қамымен жүр.

ӨЗ ОБАЛЫҢ ӨЗІҢЕ!
Танысудан бас тартқан қыздарды Балқашқа батырмақ болған. Бойжеткендерді катермен көлдің ортасына апарып тастап кеткен жігіттер қандай жазаға тартылмақ?

ЕСІРТКІ ТАСЫҒАН
Жолаушымен қоса есірткі де тасымалдған. Екі қоянды бір оқпен атып жүрген жүргізуші ұсталды.

Жүргізуші: Нұргүл Нұрлан (Instagram: .nurlanqyzy)

13/08/2025

ҚАУІПТІ ҚҰБЫР
Елдің есін алған апат! Жетісу облысында су элект станциясының үлкен құбыры жарылып, маңайдағы елді мекендерге қауіп төндірген.

АҚБӨЕКЕНІ АРЗАН
Қызылсыраған халыққа қырдың киігі таптырмас талғажау! Ақтөбеліктер базардағы ақбөкеннің арзан етін талап алып жатыр.

ҮЙДІҢ ЖАЙЫ
Жыртық жамау боз үйім! Маңғыстау облысында апатты деп танылған үйдің тұрғындары мемлекеттің жалға берген үйіне көңілі толмай, базынасын әкімдік алдына жиналып жеткізді.

ЕЛЕНБЕГЕН ЕҢБЕК
Мега-шоудың арты мини-шуға ұласқалы тұр! Әйгілі Джей Лоның концертінен кейін стадионды тазалаған ұл-қыздардың шағымын құзырлы органдар қарамақ.

Жүргізуші: Нұргүл Нұрлан (Instagram: .nurlanqyzy)

13/08/2025

Бүгін түскі сағат 12 шамасында Қарасай батыр мен Шәріпов көшесінің қиылысында сынған ағаш бұтағы өтіп бара жатқан адамның үстіне құлаған. Әйел оқиға орнында жан тәсілім етті.

Алдын ала ақпарат бойынша, 27 жастағы әйел сол маңдағы кеңселердің бірінде жұмыс істеген. Артында 6 жасар баласы қалды.

👉🏻 Бізге жазыл | zakon.kz

12/08/2025

КҮДІК БАР
Көлге құлаған тікұшақ экипажы түгел табылды! Екі бап бойынша іс қозғалып, тергеу жүріп жатыр.

АСҚЫНҒАН АУРУ
Малдың ауруы адам арасында да көп! Ақмола облысында бруцеллез жұқтырғандар саны 3 жарым есеге артқан.

ҚҰСҚА ҚАРАҒАН КҮН
Енді тек түсіңе кіреді! Елде ет бағасы тоқтаусыз өсуде. Сиыр қазір жылқы мен қойдан қымбат.

ПЕРІШТЕСІ ҚАҚТЫ
Астанада 6 жасар бала биіктен құлап аман қалды. Бүлдіршін 9-шы қабаттың терезесінен төмен құлдилаған.

Жүргізуші: Мадина Балғабаева (Instagram: )

12/08/2025

Бүгін командирдің көмекшісі, капитан Аман Нұрланұлы Амангелдінің мәйіті анықталды.

Бұған дейін, 10 тамызда іздеу тобы экипаж командирі – майор Нұржігіт Қайратұлы Үйсінбаевтың, ал 11 тамызда борт технигі – капитан Бақтияр Сәниоллаұлы Ержігітовтің денелерін тапқан болатын.

Марқұмдардың үшеуі де Әуе қорғанысы күштері әскери институтының түлектері болған.

Қорғаныс министрлігі қаза тапқандардың отбасылары мен жақындарына көңіл айтып, оларға барлық қажетті көмектің көрсетілетінін мәлімдеді.

11/08/2025

КАМЕРА АЛДЫНДАҒЫ ҚЫЛМЫС
Шылымнан шыққан шатақ! Ақтөбеде пробациялық бақылауда жүрген сотталушы пойыз бастығын көптің көзінше пышақтап өлтірді.

СОҢҒЫ САПАР
Сорбұлақта аяқталған сапар! Алматы іргесіндегі жасанды көлге құлаған тікұшақтың үшінші ұшқышы әлі табылар емес.

МЕКТЕП МӘСЕЛЕСІ
Оқу жылы алдында оқушыларға жасалған тосынсый! Атырауда санаториялық мектеп-интернаттың ұжымы мен оқушылары ғимаратсыз қалды.

ЖҰЛДЫЗДЫ ШОУ
Сахнада айтылған тілек, кірер жердегі кептеліс. Әйгілі әнші Дженифер Лопестің Алматыдағы концерті қалай өтті? Кімдердің көңілінен шықпады?

Жүргізуші: Мадина Балғабаева (Instagram: )

11/08/2025

ҚР Бас прокуратурасының мәліметінше, кәмелетке толмағанға сексуалдық сипаттағы зорлық-зомбылық әрекеттерін жасағаны үшін қылмыстық жауапқа тарту мақсатында Қазақстан азаматы Ресей Федерациясынан елге қайтарылды.

Тергеу деректеріне сәйкес, 2024 жылдың қарашасында Қостанай облысында күдікті ата-анасымен таныс жасөспірімнің пәтеріне келген. Жалғыз қалған сәтте, жәбірленушінің жасы мен психикалық дертін біле тұра, оған қатысты сексуалдық сипаттағы зорлық-зомбылық жасаған.

Қылмыстан кейін ол Қазақстаннан қашып кеткен. Осыған байланысты халықаралық іздеуге жарияланып, өткен жылы Ресейдің Челябі облысында ұсталған. Бас прокуратураның сұрауымен елге экстрадицияланған.

Қазір күдікті тергеу изоляторында отыр. Айып дәлелденсе, оған 15 жылдан 17 жылға дейін бас бостандығынан айыру және өмір бойына белгілі бір қызмет түрлерімен айналысуға тыйым салу жазасы қарастырылған.

09/08/2025

Спутниктік деректер мен математикалық есептеулер арқылы әуе кемесінің болжамды орналасқан аймағы анықталды. Сол аумаққа дереу іздестіру топтары мен арнайы техника жіберілді.

Су астындағы іздеу кезінде ҚР Қарулы Күштерінің әскери қызметкерлері шамамен 14 метр тереңдіктен тікұшақтың кейбір бөлшектері мен бір адамның мәйітін анықтады.

Алайда, судың астындағы көріну деңгейінің төмендігі сүңгуірлер мен инженерлік бөлімшелердің жұмысын едәуір баяулатып отыр.

08/08/2025

ТАСҚЫН ЖАСАП ҚАШҚАН
Қасақана болуы мүмкін! Таразда көлдегі шлюзде белгісіз біреулер ашып кетіп, арнаға симаған тасқын су түн ортасында жер үйлерді басып қалды.

КӨП АСАЙМЫН ДЕП...
Көзден "бұлбұл ұшқан" миллиард! Шымкентте 400 салымшыны тақырға отырғызған тағы бір қаржы пирамидасы әшкереленді.

БЕСІКТЕН БЕЛІ ШЫҚПАЙ
Ақтауда бір жарым жасар бүлдіршін қатарластарынан оңбай таяқ жеген! Енді сол балаларды сағаттап қараусыз қалдырған балабақша қызметкерлері істі болып жатыр.

ДАЙЫНДЫҚ ҚЫЗУ
Орталық көшелер жабылып, үш мыңға жуық полицей қауіпсіздікті қамтамасыз етпек! Алматы әлемдік мега-жұлдыз Джей Лоның концертіне қызу дайындалып жатыр.

Жүргізуші: Мадина Балғабаева (Instagram: )

08/08/2025

7 тамыз күні кешкі сағат 20:35 шамасында Таразда белгісіз тұлға «Зербұлак» су қоймасындағы шлюзді заңсыз ашып жіберген. Бұл әрекет салдарынан су мөлшері шектен тыс артып, суару арналары арқылы бірнеше көшеге жайылған.

Судың тасуынан Достоевский, Жуанышев, Ұлбике ақын, Ниетқалиев және Бөлтірік шешен көшелеріндегі бірнеше аулалар мен үйлердің төменгі бөліктері зардап шекті.

— Көршілеріміздің үйлерінде су деңгейі 30 см-ге дейін көтерілді. Біздің үй мен моншаға да су кірді, — деді зейнеткер Светлана Геринг.

Әкімдіктің хабарлауынша, барлығы 30 үйдің ауласы мен екі жертөле бөлмесін су басқанымен, үйлердің ішіне су кірмеген.

Апат жағдайы дереу бақылауға алынды: шлюздер жабылып, су ағыны тоқтатылды. Жамбыл облысының ТЖД құтқарушылары мен «Жамбыл-Су» қызметкерлері оқиға орнына келіп, су сору жұмыстарын жүргізді. Жалпы 25 маман мен 12 техника, оның ішінде 5 мотопомпа тартылды.

Айта кетейік, бұған дейін Таразда өндірістік цехта өрт шыққаны хабарланған болатын.

Address

Telephone

+7 727 258 3665

Website

https://www.ktk.kz/kz/newsfeed/

Alerts

Be the first to know and let us send you an email when КТК жаңалықтары posts news and promotions. Your email address will not be used for any other purpose, and you can unsubscribe at any time.