Әуежайдағы оқиға, Кремль һәм Тасмағамбетов, Украина-АҚШ қатынасы – AzatNEWS | 07.03.2025
Иманғали Тасмағамбетов Ресейге қалай көмектеспек? Оның мәлімдемесі Кремльдің сөзі ме?
Трамп пен Зеленский қайта татуласты ма? Украина-АҚШ дипломаттары Сауд Арабиясында кездеспек.
Алматы әуежайында пышақ ұстаған адам бір қызметкерді кепілге алып, жолаушыларға қауіп төндірді. Құтқарушы кім?
@ordakazakhstan жазуынша, әуежай қызметкерін құтқарған ер адамның аты-жөні Мұса Әбдірайым. 52 жаста. Ол бұрын тай боксы және өзге де соғыс өнерімен айналысқанын айтқан.
“Танысымды шығарып салуға келгенмін. Оның қыз балаға шабуылдап жатқанын көрдім. Өзім үшін емес, соның өмірі үшін қорықтым” деді ол.
Мұса Әбдірайым әуежай қызметкерін босатып, есесіне өзін кепілдікке алуды ұсынған. Бұдан кейін оның қолынан пышағын тартып алған. Президент оны мемлекеттік наградаға ұсынуды тапсырған.
Сирияда 6 наурызда Асад жақтастары полицияға шабуыл жасады. Салдарынан 16 полиция өкілі, Асадты қолдайтын 28 адам және үш бейбіт тұрғын қаза тапқан.
Қонақүйге шабуыл, Макронның «ядролық қалқаны»
Ресей Украина президентінің туған қаласы Кривой Рогты бомбалап жатыр. АҚШ-тың ұлттық қауіпсіздігі Зеленскийдің сейсенбідегі мәлімдемесінен соң, Украинамен қатынаста жылымық пайда болғанын айтты. Франция болса ядролық қаруын Еуропа мен Украина үшін Ресей агрессиясынан қалқан ретінде пайдаланатынын мәлімдеді.
Дауға қалған депутат, қамалған Нарымбай, Украинадағы құрбандар – AzatNEWS | 06.03.2025
Зеленскийді сынаған мәжіліс депутаты Никита Шаталов сынға қалды. Ол "маған орыс болғаным үшін шүйлігіп жатыр" деді. | Түрмедегі журналист, белсенді Думан Мұхаммедкәрім алпыс күн карцерге жабылды. Денсаулығы нашар. | Тоқаев туралы жазба жариялаған саяси белсенді Ермек Нарымбай бес тәулікке қамалды. Кінәсін мойындамайды.
Тасқын қаупі, берілмеген өтемақы, Трамптың сөзі – AzatNEWS | 05.03.2025
Қазақстанда биыл да елдімекендерді су басу қаупі бар. Дайындық қалай? Халық не дейді? | Жұрт биыл да үрейленіп отырғанда былтырғы тасқыннан соң үйсіз қалған тұрғын әлі өтемақы алмаған. | АҚШ президенті конгресс алдында есеп берді. Ол сөйлеп тұрғанда жақтастары қолдап, қарсыластары наразылық танытты.
Ресейдің толассыз шабуылы, Зеленскийдің Трампқа жазған хаты
Ресей әскері Украинаға шабуылды үдетті. Одесса қаласы екі күннен бері дрон шабуылының астында қалды. Ал АҚШ президенті Дональд Трамп Конгресстің бірлескен жиынында сөз сөйлеп, Владимир Зеленскийден маңызды хат алғанын айтты. Еуропа тарабы қарулы күштерді нығайтуға арнайы қор құрмақ. Азаттық Украина төңірегінде тәулік ішінде болған оқиғаларды топтап шықты.
Әлинұр жаңа пәтердің кілтін алды. Жақында қазақстандықтар әлімжеттік көрген мектеп оқушысына көмектесу үшін 70 мың доллар жинады. Оқушыны қолдау мұнымен бітпеді. Семей футбол клубы онымен жаттығу өткізді, ал «Динамо» бокс клубы оны тегін сабақтарға шақырды.
АҚШ президенті Дональд Трамп Ақ үйге оралғалы бері алғаш рет Конгрестің қос палатасына жолдау жасап, бірнеше аптаны қорытындылады. Шамамен екі сағат бойы ол “Американың оралуы туралы” айтып, “Америка тарихындағы ең ұлы кезеңнің басталғанын” сөз етті
Залда демократиялық партия өкілдері Трамптың саясатына наразылық білдіріп, ысқыра бастап еді, өкілдер палатасының спикері Майк Джонсон жұртты сабырға шақырып, президенттің сөзін үзбек болғандарды залдан шығарамыз деп ескертті. Кейбір демократтар залдан шығып кетті
Жаңөзендегі ереуіл, қаңтаршыларды жоқтау, Трамптың қысымы – AzatNEWS | 04.03.2025
- Жаңаөзенде жүзден аса адам ереуілдеп тұр. Жұмысшылар жалақы аз дейді.
- Алматыдағы Қазақ-Британ университеті мемлекетке қайтарылды. Құлыбаевтар оны қалай алып еді?
- Америка Украинаға жіберетін әскери көмекті уақытша тоқтатты. Зеленский «ақшамыз жетеді» дейді.
Трамп Украинаға әскери көмекті тоқтатып, Ресейге салынған санкцияларды жеңілдетпек
АҚШ президенті Дональд Трамп Украинаға барлық әскери көмек түрін тоқтата тұруға шешім шығарды. Сарапшылар мұның салдары ауыр болатынын айтады. Ал Украина президенті Владимир Зеленский "ең ірі серіктесінен" әлі де күдер үзбейтінін мәлімдеді. АҚШ Ресейге салынатын санкцияларды жеңілдету жағын қарастыра бастады. Мұны Кремль оң бағалады. Азаттық Украинадағы соғысқа қатысты бір тәулік ішінде болған жаңалықтар топтамасын ұсынады.
