Ұлт порталы www.ult.kz, Абылай ха, Almaty (2025)

23/06/2025

Қазақстан Республикасының Тұңғыш Президент Нұрсұлтан Назарбаев Астана қаласындағы Республикалық Бас мешітке келіп, зиярат жасады, деп хабарлайды Ult.kz.

Имам Қуаныш Сейітхановтың TikTok парақшасына: “ҚР Тұңғыш Президент Нұрсұлтан Әбішұлы Назарбаев Бас мешітке келді. 21,06,2025 жыл”, - деп хабарлады.

Қазақстан мұсылмандары Діни басқармасының ресми сайтында зиярат аясында Нұрсұлтан Әбішұлы өмірден өткен әулетінің марқұмдарына құран бағыштап, ел амандығы мен бірлігі үшін дұға жасағаны жазылған.

“Тұңғыш Президент өз сөзінде Республикалық Бас мешіттің ел руханиятындағы орны мен маңызына тоқталып, имандылық пен ұлттың бірлігін нығайтудағы қызметіне сәттілік тіледі”, - делінген хабарламада.

23/06/2025

Бомбалау операциясына қатысқан ұшақтардың бірі Фордо қаласындағы уран байыту зауытына «толық оқ-дәрі қорын» тастаған. Фордо нысанымен бірге Натанз және Исфахандағы объектілер де шабуылға ұшыраған.

Соққыларды GBU-57 бункерге қарсы бомбаларын алып ұша алатын стратегиялық B-2 бомбалаушылары жасаған. Ал Израиль соққыларға дейін алдын ала ескертілген.

АҚШ шабуылдарынан кейін Израильдің Қорғаныс армиясы көшедегі жиналыстарға және көптеген кәсіпорындардың жұмысына тыйым салу арқылы шектеулерді күшейтіп отыр.

Трамптың өзі де шабуылдан кейін Нетаньяхуға алғыс айтып, олардың «бір команда секілді» жұмыс істегенін айтты. Бұл шабуылдан кейін Трамп ұлтқа үндеу жасап, «шабуылды сәтті» деп атады. Алайда ол әлі жойылмаған нысандар бар деп отыр.

Трамптың сөзінше, АҚШ соққысының мақсаты — Иранның ядролық мүмкіндігін шектеу. Оның сөзінше, «Таяу Шығыстағы бұзақы – Иран» енді бейбіт келісімге келуге тиіс. Егер Иран мәселесі шешілмесе, АҚШ жаңа соққылар жасауға дайын.

Иран билігі АҚШ шабуылдарын растап отыр. Алайда Иранның атом энергиясы агенттігі уран байытуды жалғастыра береміз дейді, сондай-ақ артынша Израильге шабуылдарын жалғастырды. Йемендік хуситтер де АҚШ соққыларын айыптап, оған жауап беруге уәде етті.

Бұған дейін Әли Хаменей, АҚШ араласса, оған жауап береміз деп мәлімдеген. Ал БҰҰ бас хатшысы Антониу Гутерриш АҚШ шабуылын «қауіпті эскалация» деп атады. Ол тараптарды дипломатияға шақырды.

18/06/2025

Бүгін Парламент Мәжілісінде Үкімет және Жоғары аудиторлық палатаның 2024 жылғы республикалық бюджеттің атқарылуы туралы есептері бойынша қорытынды жарияланды. Онда «Республикалық бюджет тапшылығын қаржыландыру (профицитті пайдалану)» туралы айтылды.

Ақпаратқа сәйкес 2024 жылдың қорытындысы бойынша республикалық бюджет тапшылығы 3,7 трлн теңге көлемінде жоспарланып, 3,6 трлн теңге сомасында немесе ЖІӨ-ге қатысты 2,7% болып қалыптасты. Бюджет тапшылығын 98,4%-ға жабу қарыз алу есебінен жүзеге асырылды. 2025 қаржы жылының басындағы бюджет қаражатының қалдықтары 1,1 млрд теңгені құрады.

Шығыстар бойынша республикалық бюджеттің атқарылуы

Түзетілген бюджетте шығыстар (қарыздарды есептемегенде) 24,1 трлн теңге сомасында көзделген болатын, атқарылу 23,6 трлн теңгені немесе бір жылға арналған жоспардың 97,8%-ын құрады.

Атқарылмау 526,0 млрд теңгені құрады, оның ішінде Қазақстан Республикасы Үкіметі резервінің бөлінбеген сомасы 9,5 млрд теңгені, бюджет қаражатын үнемдеу сомасы – 2,7 млрд теңгені, республикалық бюджеттік бағдарламалар бойынша игерілмеу сомасы 92,0 млрд теңгені құрады.

Парламент Мәжілісінің отырысында талқыланған Үкімет және Жоғары аудиторлық палатаның 2024 жылғы республикалық бюджеттің атқарылуы туралы есептері Парламент Сенаттың қарауына жіберілді.

16/06/2025

Үндістанның солтүстігіндегі Гималай аймағында тікұшақ апатқа ұшырады, деп хабарлайды ТАСС.

ANI агенттігінің мәліметінше, тікұшақ бортында пилотты қосқанда жеті адам болған. NDTV телеарнасы барлық жолаушылардың қаза тапқанын хабарлады. Алайда әзірге ресми түрде қаза тапқандар саны жарияланған жоқ.

Тікұшақ Уттаракханд штатының таулы өңіріндегі Кедарнатх ауылынан кері бағытта қайтып келе жатқан.

Алдын ала болжам бойынша, апатқа қолайсыз ауа райы себеп болуы мүмкін.

Еске салайық, бұған дейін Үндістанда Air India ұшағы апатқа ұшырап, дәрігерлерге арналған жатақхана ғимаратына құлаған.

12/06/2025

Үндістанның Ахмедабад қаласынан Лондонға бағыт алған Airbus A320 ұшағы ұшқаннан кейін көп ұзамай апатқа ұшырады, деп хабарлайды Ult.kz.

Алдын ала мәліметтерге сәйкес, әуе кемесі қажетті ұшу биіктігіне жетпей, әуежай маңындағы тұрғын үйлер орналасқан ауданға құлаған.

Ұшақта 240-тан астам жолаушы болған. Қазіргі таңда олардың жағдайы туралы нақты ақпарат жоқ, зардап шеккендер мен қаза тапқандар туралы деректер нақтылануда.

Оқиға орнына шұғыл түрде төтенше жағдай қызметтері жіберіліп, құтқару жұмыстары жалғасуда. Құтқарушылар қирандыларды аршып, медициналық қызметкерлер зардап шеккендерге көмек көрсетіп жатыр.

Апаттың себептері әзірге анықталған жоқ, тергеу жұмыстары басталды.

12/06/2025

Цифрлық даму министрлігі мен Starlink компаниясы спутниктік интернет қызметін Қазақстан аумағында ресми іске қосу туралы келісімге қол қойды, деп хабарлайды Ult.kz.

Енді азаматтар Starlink спутниктік терминалдарын заңды түрде сатып алып, пайдалана алады. Сондай-ақ, елдің заңнамасына сәйкес тіркей алады.

Терминалдардың сатылымы осы жылдың үшінші тоқсанында басталады деп жоспарланып отыр.

Starlink спутниктік интернетіне қосылу арнайы пайдаланушы құрылғылары арқылы іске асады. Қазір жеке пайдаланушыларға қызмет көрсету тәртібін қоса алғанда, техникалық және ұйымдастырушылық мәселелерді келісу жұмыстары жүргізіліп жатыр.

10/06/2025

Украинамен келіссөздердің жаңа раунды талқыланады, бірақ әзірге нақты мәлімет жоқ, деді Ресей президентінің баспасөз хатшысы Дмитрий Песков. Бұл туралы РИА Новости жазды.

“Әрине, қазір жағдайдың қалай өрбігеніне байланысты талқылау жалғасуы және келіссөздердің келесі раунды өтуі керек. Әзірге бұл мәселе бойынша нақты дерек жоқ”, - деді Песков журналистердің Ресей Украина меморандумына жазбаша жауап бере ме деген сауалға жауап беріп.

Сонымен қатар ол Ресей Украинамен келіссөздерді жалғастыратынын мәлімдеді.

“Әрине, Киев режимінің әрекетіне қатысты көзқарасымызда айтарлықтай өзгерістерге қарамастан, біз байланысты жалғастырамыз. Қайшылықтарға қарамастан байланыстар әлі де жұмыс деңгейінде жалғасуы керек”, - деді Песков.

Еске салайық, 2 маусымда Түркияда Ресей мен Украина келіссөздерінің екінші раунды өтті. Ыстанбұлдағы Чириган сарайында өткен кездесу бір сағаттан астам уақытқа созылды. Онда тараптар қақтығысты реттеу туралы меморандумдармен алмасты. Сондай-ақ Мәскеу мен Киев тұтқындарды айырбастауға келісті. Сонымен қатар мәйіттерді жинау үшін майданның белгілі бір аудандарында екі-үш күнге атысты тоқтатуға келісті.

10/06/2025

Бұл құжатта алғаш рет «су қауіпсіздігі» деген ұғым енгізілді. Яғни, ол – халықты және экономиканы су тапшылығы мен су көздерінің ластануынан қорғау, сонымен қатар трансшекаралық су ресурстарын қорғауда еліміздің мүддесін қамтамасыз ету дегенді білдіреді.

Су ресурстары және ирригация министрлігінің мәліметінше, енді шағын өзендерге тұйық бөгет салуға болмайды. Сулы-батпақты алқаптар мен мұздықтар да арнайы қорғауға алынады.

Сонымен қатар енді су пайдаланушылар ауылшаруашылық қажеттіліктері үшін қар суын өз бетінше және арнайы рұқсатсыз жинай алады. Ол үшін көлемі 2 млн текше метрден аспайтын тоған, су қоймасы немесе басқа да қойма салып, бұл нысанды тіркеу үшін бассейн инспекциясына хабар беруі қажет.

06/06/2025

Польша елшілігінің уақытша өкілі Михал Лабенда «мен қазақша сөйлешникпін» деп мәлімдеді, деп хабарлайды Ult.kz.

Михал Лабенда қазақ тілін жетік меңгерген. Ол өзінің анасы қазақ-араб тілдерінен аудармашы екенін айтады. Сондай-ақ Лабенда қазақ тілінде дәріс оқып, кез келген қарымқатынасты қазақ тілінде жүргізе алады. Әлеуметтік желідегі парақшасын қазақ тілінде жүргізіп жүрген Польша дипломаты «мен қазақша сөйлешникпін» деп мәлімдеді.

«Иә, мен қазақшасөйлешникпын - көбінде қазақша сөйлесіп жүрмін және менімен қазақша сөйлессең, риза боламын», - дейді ол әлеуметтік желіде.

Естеріңізге салсақ, заңгер Ержан Есімхан қазақ тілінде сөйлейтіндерді «қазақшасөйлешники» деп келеке етіп Threads әлеуметтік желісіне жазба жариялаған. Оған әлеуметтік желі қолданушыларының көбі наразы болып, қазақша сөйлейтіндерін мақтан тұтатындарын жазды.

#ұлткз #ұлт

06/06/2025

Мемлекет басшысы Қасым-Жомарт Тоқаев қазақстандықтарды Құрбан айт мерекесімен құттықтады, деп хабарлайды Ult.kz.

«Ардақты ағайын!
Құрбан айт мерекесі құтты болсын!
Барша мұсылман қауым үшін қасиетті саналатын бұл мейрам – имандылық пен ізгіліктің символы.
Айт күндері мұқтаж жандарға жақсылық жасап, көмек көрсету – ата-бабаларымыздан жалғасып келе жатқан игі дәстүр. Асыл дініміз азаматтарды бір-бірін құрметтеуге, жақындарына жанашыр болуға үндейді. Бауырластық пен сыйластықты дәріптейді. Халқымыздың берекелі бірлігі осындай ізгі құндылықтардың арқасында нығая түседі.
Құрбан айт – ырысты ынтымақтың мерекесі. Біз еліміздегі тұрақтылықтың қадірін біліп, татулықты сақтау арқылы кез-келген сыннан сүрінбей өтіп, биік мақсаттарға жетеміз. Әділетті, Таза, Қауіпсіз әрі Қуатты Қазақстанды бірге құрамыз.
Құрбан айт кезінде айтылар дұға-тілектер қабыл болсын!
Әр шаңыраққа құт-береке қонсын!
Айттан айтқа аман-есен жете берейік!», - деп жазды Мемлекет басшысы.

#ұлткз #ұлт

28/05/2025

Бүгін Катарда Халықаралық үстел теннисі федерациясының (ITTF) Бас ассамблеясында 2027, 2028 және 2029 жылдардағы әлем чемпионаттарын өткізетін елдер анықталды, деп хабарлайды Ult.kz.

Бірінші кезеңнің қорытындысы бойынша АҚШ ең аз дауыс жинап, екінші кезеңге Қазақстан мен Франция өтті.

Қорытынды дауыс беру нәтижесі төмендегідей:
• Қазақстан — 54,68 %
• Франция — 45,32 %

Айта кетейік, еліміз алғаш рет үстел теннисінен әлемдік басты турнирді қабылдайтын болады.

Алдағы әлем чемпионаттарын өткізетін елдер:
•2027 — Қазақстан 🇰🇿 (Астана)
• 2028 — Жапония 🇯🇵 (Фукуока)
• 2029 — Бразилия 🇧🇷 (Рио-де-Жанейро)

#ұлткз #ұлт

28/05/2025

Трамп әкімшілігі АҚШ-қа виза алуға үміткер шетелдік студенттер үшін жаңа сұхбаттарды тағайындауды дереу тоқтатуды бұйырды, деп хабарлайды Ult.kz.

Reuters хабарлауынша, мемлекеттік департамент АҚШ-тың бүкіл әлемдегі елшіліктері мен консулдықтарына студенттік және алмасу визаларына өтініштерді қабылдауды кейінгі бұйрықтарға дейін тоқтату жөнінде нұсқау жолдады.

Бұл шара бақылауды күшейту жоспарына байланысты қабылданды. Атап айтқанда, үміткерлердің әлеуметтік желідегі аккаунттарын міндетті түрде тексеру қарастырылған.

Билік өкілдері өтініш берушілердің деректерін сәйкестендіру және растау рәсімдерін қайта қарастырып жатқанын мәлімдеді.

Айта кетейік, бұған дейін Дональд Трамп әкімшілігі Гарвард университетін шетелдік студенттерді оқыту құқығынан айырған.

#ұлткз #ұлт

Ұлт порталы www.ult.kz

23/06/2025

23/06/2025

18/06/2025

16/06/2025

12/06/2025

12/06/2025

10/06/2025

10/06/2025

06/06/2025

06/06/2025

28/05/2025

28/05/2025

Address

Website

Alerts

Contact The Business

Shortcuts

Share

Category