Syntas.kz, Б. МАЙЛИНА 14, Kostanay (2025)

04/08/2025

СҮЙІНШІ АҒАЙЫН !

"Ұлттық жады қабырғасы" – әлемдік деңгейдегі рекорд!

Амангелді ауданында халықаралық тарихи оқиға өтпек

2025 жылғы 5 тамыз күні Қостанай облысы, Амангелді ауданындағы «Тәж Торғай» туристік кешенінде ел тарихында айрықша орын алатын маңызды оқиға – "Ұлттық жады қабырғасының" ресми ашылу салтанаты өтеді. Бұл нысан "Global Book of Records" әлемдік рекордтар кітабына енеді деп күтілуде.

Аталған ірі жобаны жүзеге асыруға белгілі меценат, қоғам қайраткері Сапар Ысқақов тікелей мұрындық болып отыр. Ел руханияты мен тарихына жанашыр азаматтың бастамасымен ұйымдастырылған бұл бастама – Тәуелсіз Қазақстанның жады мен жадын жаңғыртатын ерекше мәдени жоба.

Ұлттық жады қабырғасы – тек сәулеттік нысан емес, бұл халықтың өткені мен болашағының арасын жалғайтын рухани көпір іспеттес. Қабырғада қазақ тарихының, азаттық жолындағы күрестердің, ұлт тұлғалары мен елге еңбегі сіңген қайраткерлердің есімдері мен оқиғалары бейнеленбек. Бұл жоба — ел жадын жаңғыртуға, ұлт санасын тәрбиелеуге бағытталған үлкен мәдени қадам.

Салтанатты шара аясында республикалық және халықаралық деңгейдегі қонақтар қатысып, арнайы мәдени-рухани бағдарлама ұсынылады. Сонымен қатар, этноауылдар, ұлттық өнер көрмелері мен концерттік бағдарламалар ұйымдастырылып, халықтың рухын көтеретін ерекше күнге айналмақ.

Аталған бастама Қостанай облысының ғана емес, бүкіл еліміздің рухани дамуына қосылған зор үлес ретінде бағалануда. Бұл – Амангелді ауданының халықаралық деңгейге көтеріліп, мәдени туризмнің жаңа тынысын ашып отырғанын көрсететін жарқын дәлел.

25/03/2025

ҮРПЕК АУЫЛЫНЫҢ ЖОЛЫ ҚАЛПЫНА КЕЛТІРІЛДІ

Амангелді - Үрпек жолына су ағар трубалары салынып, қалпына келтірілді.

Казіргі таңда жол қозғалысы қалыпты жағдайда.Бұл жұмыстарды "АлюминСтрой" құрылыс компаниясы атқарды. Қауіпсіздік үшін жол белгілері қойылды.

Естеріңізге сала кетейік, жергілікті мамандар Үрпек ауылының жолын тасқын судың қауіпсіздігі үшін бірнеше жерден жыра жасап жатқаны жайлы хабарлаған еді.

Жолды қалпына келтіру үшін 12 техника жұмылдырылып, 300 т/м тас, 500 т/м құм төгіліп, трубалар салынған.

14/03/2025

Құрметті Амангелді ауданының тұрғындары!

Өздеріңіз білетіндей былтырғы көктем мезгілі ауданымыз үшін оңай болған жоқ. Еріген қар суы мен тасқын су аудан жұртшылығын біраз әбігерге салды. Оның салдарын жою бойынша ауданымызда біршама жұмыстар атқарылды.

Былтырғы табиғи апат әрқайсымыз үшін үлкен сабақ болуға тиіс. Қауіптің алдын алу мақсатында былтырғы жылдың аяғына дейін аудан көлемінде бөгеттер бөгеліп, тоғандар салынды. Биылғы жылы көктемгі еріген қар суы мен су тасқынына жан-жақты дайындық жүргізілуде. Қазіргі таңда ауданымызға Қостанай облысынан арнайы жасақ келіп, тыңғылықты дайындық жұмыстары жүріп жатыр.

Олар ауданымызда су тасқыны аяқталғанша болады. Бүгінгі күнге текті аудан орталығы мен ауылдық елдімекендерден 34061 текше метр қар шығарылды. Жұмыстар әлі жалғасып жатыр. Жалпы аудан бойынша көшелерді, жолдар мен тротуарларды қардан тазарту және қарды арнайы полигондарға шығару жұмыстарына бюджет қаражаты есебінен 50 млн.теңге қаржы бөлінді.

Осы орайда ауданымыздың барша тұрғындарын аулаларыңыздағы қарларды сыртқа шығаруларыңызды сұраймын. Бұл бірінші кезекте еріген қар суының үйге кіруіне жол бермейді. Себебі, мүлікті қорғау әрқашанда мүлік иесінің жеке жауапкершілігінде. Аула сыртына шығарылған қарларды арнайы орындарға шығару жұмыстарын ауыл және ауылдық округ әкімдері ұйымдастырады. Жалғыз басты, әлеуметтік осал топтағы азаматтар мен көмекке мұқтаж ауыл тұрғындарының аулаларындағы қарларды шығару үшін арнайы сенбіліктер тұрақты түрде ұйымдастырылуда.

Қадірменді, жерлестер!

Қыс айларында түскен қар мен жердегі тоңның қалындығына және өзендер мен су қоймаларындағы судың көлеміне тиісті сала мамандары сараптама жүргізіп, жіті бақылауда ұстап отыр. Қардың көлемі мен тоңның қалындығы былтырғыдан кем емес. Ауа-райыда күннен-күнге жылынып келеді. Казгидромет болжамы наурыз айының ортасынан жоғары температураны көрсетуде. Сол себептен, баршаңызды, тасқын суға қарсы күш біріктіріп, баспаналарыңыз бен мүліктеріңізді судан аман алып қалу үшін бірлесіп жұмыс жасауға шақырамын.

13/03/2025

Олжас Бектенов су тасқынына қарсы шараларды үйлестіру жөніндегі республикалық штаб отырысын өткізді

13 наурыздағы жағдай бойынша еліміздің қар басып жатқан аумағы 67%-ды құрайды.

Болжамдарға сәйкес, наурыз және сәуір айлары жылы болады деп күтілуде, еліміздің басым бөлігінде жауын-шашын мол болады, бұл су тасқыны қаупін арттырады.

Тасқын қаупі жоғары аймаққа Шығыс Қазақстан, Қарағанды, Ақмола, Солтүстік Қазақстан, Қостанай, Ақтөбе, Абай, Ұлытау облыстары; қауіп деңгейі орташа аймаққа – Алматы, Жетісу, Жамбыл, Батыс Қазақстан және Атырау облыстары жатады.

Су басу қаупін азайту мақсатында уәкілетті органдарға Ақмола, Батыс Қазақстан, Ұлытау, Қарағанды және Солтүстік Қазақстан облыстарының су тасқыны қаупі бар елді мекендерін аралап, шұғыл шаралар қабылдау жөнінде тапсырмалар берді.

13/03/2025

Тобылда «Сахналық жекпе-жек» байқауы өз мәресіне жетті

Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен Қостанай облысына қарасты қала, аудандарындағы ауыл клубтарының ұйымдастырушыларына арналған «Сахналық жекпе-жек» өнер байқауы өз мәресіне жетті. Әр өңірден келген 9 үміткер төрт кезеңнен тұратын байқау сынағынан өтіп, өздерін көрсете білді.

Байқау барысында қатысушылардың өнері мен шеберлігі жоғары бағаланды. Әр кезеңде шығармашылық қабілеттерін паш етіп, өз жобаларын таныстырды, жұмыстарын ұсынды, өнерлерін көрсетті. Қазылар алқасы үміткердің жұмысына әділ баға беріп, ең үздіктерді анықтады.

Бірінші орын – Арқалық қаласы, Родина ауылдық МҮ ұйымдастырушысы Мұратбек Әбісалықов;
Екінші орын – Аманкелді ауданы Есір ауылдық клубының меңгерушісі Балтасар Ізтілеуов;
Үшінші орын — Қостанай ауданы Жуков ауылдық МҮ ұйымдастырушысы Жанна Таласпаева мен Жанкелдин ауданы Қаламқарасу ауылдық клубының ұйымдастырушысы Ерболат Кенжебай иеленіп, марапатталды.
Қалғандары да қатысқаны үшін марапатқа ие болды.

Іс-шара соңында Федоров ауданынан көптеген облыстық, республикалық байқау-фестивалдердің дипломанттары Жоламановтар жанұялық ансамблі қатысушылар мен көрермендерге ән-шашу шашты, мерекелік көңіл-күй сыйлады.

13/03/2025

КӨРМЕ ӨТТІ

Бүгін Қостанай облыстық тарихи-өлкетану музейінің құрылғанына 110 жыл толуына орай Қостанай облыстық тарихи-өлкетану музейінде А.Иманов атындағы Амангелді мемориалдық музейі қорынан «Ұлты ұлықтаған батыр» атты көрменінің ашылуы өтті.

Көрмеде батырдың жеке бұйымдары, тұтынған тұрмыстық заттары, сарбаздардың қару-жарақтары және суреттері ұсынылды.

Шараға Абай атындағы жалпы білім беретін мектебінің оқушылары мен Қостанай индустриалды-педагогикалық колледжінің студенттері және зиялы қауым өкілдері , ардагер ағаларымыз, жерлестеріміз қатысты.

Көрме жұмысы Қостанай облыстық тарихи-өлкетану музейінде 2025 жылдың 12 - 31 наурыз аралығына дейін жалғасатын болады.

13/03/2025

Өнер
«СӘТ» ТЕАТРЫМЕН ӨНЕР ӘЛЕМІНЕ ҚАДАМ
Мен оқитын Жасбуын орта мектебінде 2022 жылдан бастап «Сәт» театры ашылды. Жетекшісі Мырзахметова Гүлнұр Қалижанқызы.
Театр ашылғалы біздің бос уақытымыз өте қызықты әрі тиімді өтетін болды. Құрамымызда 23 оқушы бар. Әртүрлі тақырыптағы «Қара пима»; «Мәңгілік бала бейнесі»; «Қойшы мен аю»; «Менің атым Қожа» т.б. қойылымдарға дайындала жүріп, әдебиетке деген қызығушылығымыздың арта түскенін байқадық. Қасымда жүрген сыныптастарымды да жаңа қырларынан танып, қойылым барысында өз кейіпкерлерін асқан шеберлікпен ойнаған қабілеттерін көріп, ерекше таңдандым және болашақта керемет әртіс болатындарына сенімдімін.
Менің бұлай айтуымның себебі- «Сәт» театрының жыл сайын аудан деңгейінде өтетін «Армандастар» фестивалінде алған жүлделері. Биыл ақпан айында, балалар әдебиетінің классигі Бердібек Соқпақбаевтың «Менің атым-Қожа» шығармасының қойылымы көрермендердің жоғары бағасына ие болып, жүлделі бірінші орынды иеленді. Біздің қуанышымызда шек болмады. Әсіресе, Қожаның рөлін сомдаған сыныптасым Нұртай мен Сұлтанның рөлінде ойнаған Мақсаттың өнерлері ерекше көзге түсіп, көрермен көзайымына айналды.
Оқушылардың осындай жетістіктерге жетуіне себеп болған театрымыздың жетекшісі Гүлнұр Қалижанқызына және Қайыржан Қалижанұлы мен Жұмат Серікбайұлы сынды ағайларымызға айтар алғысымыз мол. Гүлнұр апай шығарманы әр кейіпкердің дауысына салып, бірде мұңды, бірде көңілді күйлеріне түсіп, нақышына келтіре оқыған кезде біз сол шығарманың ішіне еніп кеткендей болып, өз кейіпкерлеріміздің мінез-құлқы мен іс-әрекеттерін бірден-ақ ұғып аламыз. Қайыржан, Жұмат ағайлар күндіз-түні театрдың әрбір қойылымдарына арнап өз қолдарымен керемет декорация жасайды. Бұл жұмыс-үлкен еңбекті әрі шығармашылықты қажет етеді. Көрермендер қойылымның атмосферасына толық ену үшін, декорацияның әрбір деталі маңызды деп ойлаймын. Ол кісілердің қолдан жасаған әрбір бұйымдары қойылымның көрінісін толықтыра түскендей әсер береді. Осындай жан-жақты үйлесімін тапқан жұмыстың арқасында біз де ерекше әсерленіп, шабыт алатынымыз хақ.
Алдағы уақытта да оқушыларды өнер мен шығармашылыққа баулыған «Сәт» театрының жаңа идеялары мен қалың көрермені; шығар шыңы мен жетер жетістігі көп болсын деймін!
Қорғанбеков Нұрсәт.

06/03/2025

Наурызнама онкүндігіне дайындық қарқынды жүріп жатыр

14 наурыз күні Қазақстанда жалпыұлттық Наурызнама онкүндігі басталады.

Биыл Наурызнама онкүндігі аясында еліміз бойынша халықтың дәстүрлерін, мәдениеті мен тарихын насихаттауға бағытталған 1,5 мыңнан астам іс-шара өткізу жоспарланған.

Атап айтқанда, Астана қаласында «Қамажай» флешмобы, Ақмола облысында креативті индустрия өкілдері мен қолданбалы өнер шеберлерінің қатысуымен "Наурыз – Арбат" жобасы, Көкшетауда мыңнан астам әйел қатысатын "Кимешектер шеруі", Ақтөбеде "Ұлттық киім – ұлт бейнесі" атты ұлттық киімдер шеруі, халықтың ұлттық мәдениетке деген қызығушылығын оятуға бағытталған басқа да көптеген ауқымды іс-шаралар өтеді.

Толығырақ ⤵️

https://baq.kz/nauryznama-onkundigine-dayyndyq-qarqyndy-zhurip-zhatyr-200009108/

06/03/2025

АНАЛАР АСЫЛ ЖАНДАР, ШУАҚ БОП ШАШЫЛҒАНДАР

Бүгін 8 наурыз - Халықаралық әйелдер күні қарсаңында Амангелді аудан әкімі Қанат Кеделбаев мәдениет үйінде ауданымыздың әр саласында еңбек етіп, қызмет атқарып жүрген қыз- келіншектер және зейнеткер аналармен дөңгелек үстел басында кездесу өткізді. Дөңгелек үстел ашық, еркін форматта өтіп, нәзік жанды аруларымыз өз ойларын ортаға салды.

28/02/2025

Қайырлы күн, құрметті аудан тұрғындары!

Алғыс айту күні – тағдырдың сындарлы кезенінен бірге өтіп, Тәуелсіз Қазақстанды құру жолында аянбай тер төккен көп ұлтты халқымыздың бір-біріне құрмет білдіретін күні.
Кешегі кеңес заманыңда тағдырдың тәлкегімен елімізге қоныс аударған түрлі этнос өкілдерін қазақ халқы құшақ жая қарсы алып, ауыртпалық атаулыны бірге көтерді. Репрессия мен жер аудару және тың игеру жылдарында елімізге келген әр азамат пен әр отбасыға біздің халық мейрімділік пен парасаттылық танытып, қолындағы барымен бөлісе білді. Олардың ортаға бейімделуіне барынша қолдау білдірді. Осының нәтижесінде бүгінгі көп этносты толерантты халқымыз қалыптасты.
Кейінгі тәуелсіздік жылдары халқымызды біртұтас ұлт ретінде ұйыстыру жолында 1995 жылдың 1 наурызы күні Қазақстан Халық Ассамблеясы құрылды. Ассамблея - этностар арасында достық сезімді нығайту бағытында жұмыс істейтін еліміздегі бірігей қоғамдық институт. Оның жұмыс тәжірибесі мен тиімділігі ел ішінде қолдау тауып, әлеуметтік әсері жоғары жоба ретінде мойындалды. Қазіргі таңда Ассамблея қоғамның барлық саласында ықпалы жоғары ұйымға айналды. Этносаралық қатынасты одан әрі нығайту мақсатында 2016 жылдан Ассамблея құрылған 1 наурыз күні – елімізде «Алғыс айту күні» болып аталып өтілуді. Алғыс айту күні - бірлік пен татулық мерекесі, қилы тарихты басынан кешірген Қазақстан халқының бір-біріне деген ілтипатын білдіретін күн, бауырмалдық пен сыйластық күні.
Сол бір қилы кезеңдерде біздің ауданымызға да бірқатар этнос өкілдері келіп, Батпаққара өңіріне қоңыс аударды. Біздің аға буын ол кісілерді жанына жақын тартып, жергілікті халықпен етеңе араласуына барынша ықпал жасады. Дәстүрімізді сіңіріп, тілімізді меңгерді. Қазіргі таңда ауданымызда олардың ұрпақтары бақытты тұрмыс кешуде. Ауданымыздың әлеуметтік-экономикалық дамуы жолында түрлі салада еңбек етуде. Ауданымыздағы бүгінгі этносаралық тұрақты қатынастын қалыптасуының негізгі жемісі достық қатынастың арқасы деп білемін.
Қадірменді, жерлестер!
Алғыс айту күні қазақстандық патриотизмнің, достық пен бірлігіміздің, мәдени саналуандығымыздың жарқын күні.
Еліміздегі барлық этнос пен ұлысты бір шаңырақ астына топтастыратын бүгінгі мереке құтты болсын. Сіздерге мықты денсаулық, бақ-береке, бейбіт өмір және табыс тілеймін.

Мереке құтты болсын!

Қанат КЕДЕЛБАЕВ,
Амангелді ауданының әкімі

28/02/2025

АЛҒЫС - ЖҮРЕККЕ ЖЫЛУ СЫЙЛАЙДЫ

Амангелді аудандық орталық кітапхананың ұйымдастыруымен «Алғыс – жүрекке жылу сыйлайды» атты мерекелік кеші өтті.
Мәдениет қызметкерлерінің дайындаған «Қазақ еліне мың алғыс!» атты сахналық қойылымы кештің мазмұнын аша түсті.

Іс-шараға жиналған қауымды аудан әкімі Қанат Кеделбаев құттықтады. Кеш қонақтары аудандық аурухана дәрігері Сарвар Давлатұлы, Степняк ауылынан келген студент Авсеев Виктор Васильевич,Жасбуын жалпы білім беретін мектебінің орыс тілі және әдебиеті пәні мұғалімі Магомедов Ахмед сөз сөйлеп,барша ұлт пен ұлыстар атынан Қазақ халқына алғыс білдірді
Кеш тақырыбына сәйкес видео ролик көрсетіліп, ән айтылып, жыр оқылды. Кешке қатысқандар сөз сөйлеп, мерекенің мағнасы мен маңыздылығына тоқталды.

27/02/2025

Халық үніне құлақ асатын мемлекет

ЖАҢА МІНДЕТТЕР ЖАҢА ЖАУАПКЕРШІЛІК ЖҮКТЕЙДІ

Амангелді ауылының әкімі Гаухар Жәнділдина Есір ауылы және аудан тұрғындарымен кезекті есепті кездесу жиынын өткізді. Кездесуде өткен жылы әлеуметтік-экономикалық салаларының дамуында атқарылған жұмыстар мен биылғы жылы атқарылатын негізгі міндеттер туралы баяндады.
Баяндама бойынша аудан тұрғындары өздерінің пікірлерін білдіріп, сұрақтарын қойды. Көтерілген мәселе ауылды абаттандыру, иттердің бос жүруі, газ мәселесі, тазалық, жол қауіпсіздігі, су тасқынының алдын алу туралы болды.
Аудандағы қауіпсіздің мәселесіне полиция бөлімінің бастығы С.Бірсейтов жауап берсе, су тасқыны бойынша төтенше жағдайлар бөлімінің басшысы С.Төлебай су тасқынынның алдын алу шаралары туралы айтты:

- Былтыр өздеріңіз білесіздер аудан көлеміндегі быраз ауылдар суға кетті. Биыл да қауіпті 12 елді мекен бар. Осыған байланысты ерте бастан қам-қаракет жасауымыз керек. Былтырғы су тасқынынан кішкене болса да сабақ алдық деп ойлаймын. Сол себепті биылғы жылы қар шығару жұмыстары қарқынды жүргізілуде. Оны өздеріңіз көріп біліп отырсыздар. Барлық көшелердің қары шығарылып жатыр. Сіздерден өтініш ауларыңыздағы қарды көшеге шығарыңыздар. Өйткені үйлердің қарын шығару мердігерлердің міндетіне жатпайды. Сондықтан осы техникаларды пайдаланып қарларыңызды көшеге шығарып қойсаңыздар олар тасып алып кетеді. Биыл қардың күрт еру қауіпі бар. Оның үстіне 1 ақпанға текті мәлімет бойынша жерде 1 метрге жақын тоң жатыр. Осы бастан қамдану керек. Су ағарларды тазартып, күреп тазалай беріңіздер. Әр адам өзінің аулаларын тазартуға міндетті. Ертең маңайларың суға толып кетсе шағым жасайсыздар. Былтыр үйлер мен қоралардың маңайы суға толды. Үлгіргенше суды сорып, көмектестік. Осы бастан қамданайық. Ауа райын өздеріңіз көріп отырсыздар. «Сақтықта қорлық жоқ» деген су тасқынын алдын алу жұмыстарын барлығымыз бірігіп атқарайық. Әсіресе өрт қауіпсіздігі қатаң сақталуы керек. Былтырғы жылы жауапсыздықтың салдарынан елімізде қайғылы оқиғалар көп болды. Әсіресе балалар өлімі. Сондықтан қарапайым өрт қауіпсіздігінің қағидаларын сақтауға шақырамын, - деді.

Бұдан бөлек тұрғындарды алаңдатып отырған сұйытылған газ мәселесі. Аудан халқы 4-5 жылдан бері шешімін таппай келеді. Село әкімінің айтуынша газ мәселесі биылғы жылы да шешіле қоймайды. Сондықтан Амантоғай ауылындағы газга місе тұтуға тура келеді.
Жыл сайын ауданымызға түрлі көшеттер әкелініп, кәсіпкерлер тарапынан, түлектер тарапынан көптеп ағаш егіледі. Солардың көбі көктемей қалып жатыр. Тіпті ауласына ағаш екпейтіндерді сынға алған Бейсенбай ақсақал ағаш егудің тәсілін айтып көмектесетінін айтты.
Соңғы кезде ұйлыққан иттер көбейіп, адам мен малға шабуылдауға айналған. Әсіресе қаңғыбас иттер көбейген. Жаңа заң бойынша қараусыз иттерге жауапкершілікпен қарап, бірден өлтірмей, иесі анықталғанша 2 айға дейін ұстап, бағу көзделген. «Ит адамнан артық боп тұр» дейді Сапарғали Тасмағанбетов. Сондықтан иттің де мәслесі халықтың өздеріне байланысты асыраған иттерін бос жібермей бағуы керек. Дегенмен адам қауіпсіздігі үшін қаңғыбас иттердің көзін жоюды қарастырлған жөн дейді аудан тұрғындары.

Жиынды қортындылай келе Гаухар Жанділдина айтылған ұсыныс-пікірлердің назардан тыс қалмай ескеріле отырып, жұмыс барысында назарда болатынын жеткізді.

/ Мақаланың толық нұсқасын "Аманкелді арайы" газетінен оқи аласыздар

Syntas.kz

04/08/2025

25/03/2025

14/03/2025

13/03/2025

13/03/2025

13/03/2025

13/03/2025

06/03/2025

06/03/2025

28/02/2025

28/02/2025

27/02/2025

Address

Telephone

Website

Alerts

Contact The Business

Shortcuts

Share

Category