13/08/2026
Мынау не масқара?
«Қазақ, к*тіңді қысып жүр, Қарабұлақта жүре алмай қаласың» деп, тұтас ұлттың намысына тиетіндей сөз айтатын бұл кім? Қай заманда өмір сүріп жатыр? Әлде Қарабұлақта кімнің жүретінін, кімнің жүре алмайтынын шешетіндей бұл қайдан шыққан «МЫҚТЫ»?
Мұндай сөздерге заң жоқ па? Әлде құзырлы органдарды да осылай қорқытып тастаған ба?
Наубайханадан сатып алған жабық нанның ішінен насыбай шыққанын айтып, мәселе көтерген айелге осындай ауыр сөздер айтып, намысына тиетіндей сөйлейтін бұл қандай «дөкей»?
Тұрғындар арасындағы татулық пен қоғамдық келісімді қамтамасыз ету аудан әкімдігінің міндетіне кірмей ме?
Әлде аудан аумағында біреудің азаматқа қысым көрсетіп, қорқытып, ұлтына қатысты ауыр сөздер айтуы әкімдік үшін қалыпты жағдайға айналды ма?
Айтпақшы, Президент насыбай өнімдерін өндіруге және тұтынуға толық тыйым салған жоқ па? Олай болса, нанның арасынан табылған насыбайды олар кімнен және қайдан алып жүр? Құзырлы органдар қайда қарап отыр?
Осы жағдайдың барлығын анықтап, аталған аккаунт иесін тауып, оның әрекетіне заң аясында құқықтық баға беріп, тиісті шара қолдануларыңызды сұраймыз!
Ақпарат әлеуметтік желіден алынды. https://vt.tiktok.com/ZSVJeooKV/
толық осы сілтемеден көре аласыздар!
