28/11/2025
🚩Талас ауданында аудандық сайлау комиссиясы жанынан құрылған жас сайлаушылар клубының алғашқы форумы өтті. 🔶Жас ұрпақтың саяси сауаттылығын арттыруға, азаматтық белсенділігін нығайтуға бағытталған маңызды шараға болашақ жас сайлаушылар, студенттер, партия өкілдері, еріктілер, өнеркәсіп, денсаулық сақтау, спорт және мәдениет саласында қызмет етіп жүрген жастар қатысты.🔷Форумды аудан әкімінің орынбасары А.Абдибекова ашып, сайлау – жай ғана формалды жиын емес, ол – азаматтық қоғамның демократиялық негізін қалыптастыратын маңызды үрдіс екенін атап өтсе, Жамбыл облыстық сайлау комиссиясының мүшесі Е.Жапаров - жастардың сайлауға қатысуы, яғни дауыс беру үрдісі елдің болашағын қалыптастыруда шешуші рөл атқаратындығын жеткізді.💬Форумның өзге де спикерлері электоралды мәдениет пен жастардың сайлау белсенділігі, жас сайлаушылар клубының қызметі, азаматтардың саяси сауаттылығын арттыру, жас сайлаушылар арасында пікір алмасуға мүмкіндік беретін диалог алаңдарын қалыптастыру туралы өз ойларын ортаға салды.♻️Шараның екінші бөлімінде аудан өнерпаздары сахналық көріністер қойып, патриоттық әндер шырқады. Сайлау науқандарында белсенділік танытып, өз жұмыстарын адал және жуапкершілікпен атқарып жүрген ерікті жастарда назардан тыс қалмай алғыс хаттармен марапатталды. ♦️Іс-шара соңында форумға қатысушы жастар құпия сауалнама арқылы өз пікірлерін білдірді.📌Бүгінгі таңда ауданымызда 28 мыңнан астам сайлаушы бар, оның 9 мыңнан астамы жас буын өкілдері. Әрбір 18 жасқа толған азамат сайлауға қатысуға, дауыс беруге және өзі де сайлануға құқылы. Жастардың сайлауға қатысуы – олардың ел болашағы алдындағы жауапкершілігін сезінгенінің айқын бейнесі.
