https://www.facebook.com/345942091926167/

Aulieata-Media, Taraz (2026)

19/07/2026

Испания құрамасы 2026 жылғы футболдан әлем чемпионатының жеңімпазы атанды. Финалда олар Аргентинаны қосымша уақытта 1:0 есебімен жеңіп, өз тарихындағы екінші әлем чемпиондығын тойлады. Жеңіс голын матчтың 106-минутында алаңға қосалқы құрамнан шыққан Ферран Торрес соқты.

Финал бойы Луис де ла Фуэнтенің шәкірттері ойын тізгінін өз қолында ұстап, шабуылда белсенділік танытты. Аргентина қорғаныста жанкештілікпен ойнағанымен, қосымша уақыттағы қысымға төтеп бере алмады. Нәтижесінде Испания әлем футболының жаңа көшбасшысы екенін тағы бір мәрте дәлелдеп, әлем чемпионатының алтын кубогын қайтадан Мадридке алып қайтты. ⁠

Осылайша, Испания 2010 жылдан кейін араға 16 жыл салып әлем чемпионы атанып, ұлттық құраманың жаңа буыны тарихқа өз есімдерін алтын әріптермен жазды. Ал Аргентина қатарынан екінші рет әлем чемпионы болу мүмкіндігін жіберіп алды.

19/07/2026

Футбол жанкүйерлері асыға күткен сәт туды. Бүгін, бірер сағаттан соң 2026 жылғы футболдан әлем чемпионатының финалында Аргентина мен Испания құрамалары чемпиондық атақ үшін алаңға шығады. Бұл – турнирдегі ең тартысты әрі ең мәртебелі кездесу болмақ.

Лионель Месси бастаған Аргентина қатарынан екінші әлем чемпиондығын жеңіп алуды көздесе, Ламин Ямаль бастаған Испания 2010 жылдан кейін әлемдік тәжді қайта иеленуге ниетті. Тәжірибе мен жастық жігердің, Оңтүстік Америка мен Еуропа футбол мектептерінің текетіресі болатын бұл финал миллиондаған жанкүйердің назарын өзіне аударып отыр.

Әлем чемпионының есімі анықталатын тарихи матч АҚШ-тың Нью-Джерси штатындағы стадионда өтеді.

15/07/2026

Бүгін футбол жанкүйерлерін Әлем чемпионатының ең тартысты кездесулерінің бірі күтіп тұр. Атлантадағы стадионда турнирдің қазіргі чемпионы Аргентина құрамасы мен әлемдік футболдың алпауыттарының бірі Англия финал жолдамасын сарапқа салады. Бұл матчтың жеңімпазы шешуші ойында Испаниямен кездеседі.

Бұл – жай ғана жартылай финал емес. Аргентина мен Англия арасындағы текетірес ондаған жылдар бойы футбол тарихындағы ең қызу қарсыластықтардың бірі саналып келеді. Сондықтан бүгінгі ойын тек тактикалық тартыс емес, үлкен футбол тарихының жаңа тарауы болмақ.

Лионель Скалони баптайтын Аргентина бұл турнирде чемпиондық мінезін тағы бір мәрте дәлелдеп келеді. Команда ширек финалда Швейцарияны 3:1 есебімен ұтып, жартылай финалға сенімді жетті. Ал Томас Тухель жетекшілік ететін Англия құрамасы ширек финалда Норвегияны 2:1 есебімен жеңіп, араға ұзақ жылдар салып әлем чемпионатының финалына бір қадам қалды.

Көпшіліктің назары тағы да Лионель Мессиге ауады. Турнир барысында көшбасшылық қасиетін тағы бір мәрте көрсеткен аргентиналық аңыз Англия қорғанысына үлкен қауіп төндірмек. Өз кезегінде ағылшындар Харри Кейн мен Джуд Беллингемге сенім артып отыр. Сарапшылардың пікірінше, матч тағдырын орталық алаңдағы тартыс пен қанаттағы жылдам шабуылдар шешуі мүмкін.

Финалға апарар соңғы қадамда қателесуге болмайды. Сондықтан бүгін жанкүйерлер сақтық пен шабуылдың, тәжірибе мен жастықтың, чемпиондық рух пен жеңіске деген құлшыныстың нағыз шайқасына куә болмақ.

14/07/2026

Әлем чемпионатының жартылай финалы: Франция мен Испания финал жолдамасын сарапқа салады

Бүгін футбол жанкүйерлерінің назары АҚШ-та өтіп жатқан 2026 жылғы әлем чемпионатының жартылай финалына ауады. Турнирдің басты фавориттерінің бірі саналатын Франция құрамасы мен Испания құрамасы финал жолдамасы үшін жасыл алаңда күш сынасады.

Екі команда да плей-офф кезеңінде сенімді ойын өрнегін көрсетіп келеді. Франция ширек финалда Марокконы 2:0 есебімен жеңсе, Испания Бельгияны 2:1 нәтижесімен тізе бүктіріп, жартылай финалға жолдама алды.

Франция құрамасы қарқынды шабуылымен және қарсы шабуылдағы жылдамдығымен ерекшеленсе, Испания допты бақылауға негізделген комбинациялық футболымен қауіпті. Сондықтан бұл кездесу тек екі құраманың ғана емес, екі түрлі футбол философиясының текетіресі болмақ.
Матч жеңімпазы әлем чемпионатының финалына шығып, бас жүлде үшін таласады. Ал жеңілген команда үшінші орынға арналған кездесуде бақ сынайды.

Сарапшылар бұл ойынды турнирдегі ең тартысты әрі шешуші кездесулердің бірі ретінде бағалап отыр.

13/07/2026

🎓 Бүгін, 13 шілдеден бастап Мемлекеттік білім грантына өтініш қабылдау басталды. Құжат тапсыру 20 шілдеге дейін жалғасады.

Құжаттарды Электрондық үкімет порталы немесе ЖОО-лардың қабылдау комиссиялары арқылы тапсыруға болады.

Ғылым және жоғары білім министрі Саясат Нұрбек Үкімет отырысында 2026-2027 оқу жылына 89 457 мемлекеттік грант бөлінгенін айтты.

Оның айтуынша, биыл жоғары білімді кадрларды даярлауға арналған мемлекеттік тапсырыс көлемі алдыңғы оқу жылдарының деңгейінде сақталып отыр.

2026-2027 оқу жылына 89 457 мемлекеттік грант бөлінді. Оның ішінде:

75 371 грант – бакалавриатқа;

11 007 грант – магистратураға;

3 079 грант – докторантураға.

13/07/2026

«Қазсушар» РМК Жамбыл өндірістік филиалының директоры Қайрат Аманов пен бас инженер Ербол Әбдірахмановқа қатысты екі ай мерзімге қамауда ұстау түріндегі бұлтартпау шарасы санкцияланды.

9 шілде – Су шаруашылығы қызметкерлері күні филиал басшылығына қатысты тергеу амалдары жүргізілген. Сол күні кәсіпорында тінту өтіп, кейін екі басшы процессуалдық іс-шаралар үшін құқық қорғау органдарына жеткізілген.

Филиал өкілдері директор мен бас инженердің жұмыс орнында жоқ екенін растағанымен, олардың қызметке қашан оралатыны туралы нақты ақпарат бермеген.

Кейін сот екі күдіктіге қатысты екі ай мерзімге қамауда ұстау түріндегі бұлтартпау шарасын таңдады.

Алдын ала мәлімет бойынша, қылмыстық іс орындалған жұмыстар туралы құжаттарға қол қою кезінде болуы мүмкін заңбұзушылықтарға байланысты қозғалған. Тергеу нұсқасына сәйкес, кейбір жұмыстар іс жүзінде орындалмаған болуы ықтимал. Алайда құқық қорғау органдары әзірге істің мән-жайын, тағылған күдіктерді және тергеу барысын жариялаған жоқ.

Қайрат Аманов бұған дейін Жамбыл облысы әкімдігінің ауыл шаруашылығы басқармасын басқарған, сондай-ақ Сарысу ауданы әкімінің орынбасары қызметін атқарған.

Қазіргі уақытта іс бойынша сотқа дейінгі тергеу жалғасуда. Ресми органдар қосымша ақпаратты кейінірек жариялауы мүмкін.

13/07/2026

Қазақстандық танымал кәсіпкер Кеңес Рақышев «Тараз» футбол клубының басшылығына келуі мүмкін. Бұл туралы инсайдер-журналист Болсынбек Дінмұхаммед хабарлады.

Журналистің мәліметінше, қазіргі уақытта қос тарап клубты басқару құқығын беруге байланысты құжаттарды рәсімдеу бойынша келіссөз жүргізіп жатыр.

«Тараз» футбол клубында үлкен өзгерістер орын алуы мүмкін! Менің мәліметім бойынша, қазіргі уақытта кәсіпкер Кеңес Рақышев клуб тізгінін ұстауға жақын. Егер келіссөз сәтті аяқталса, клубты жаңа деңгейге шығаруға, қаржылық жағдайын тұрақтандыруға және алдағы дамуына бағытталған ауқымды реформалар басталады», – деп жазды журналист өзінің инстаграм парақшасында.

Маусым басында Жамбыл облысының ұжымына Бірінші лигадан Қазақстан Премьер-лигасына жолдама алу міндеті қойылған еді. Алайда команданың көрсеткіштері көңіл көншітпей тұр. Турнирдің 13 турынан кейін «Тараз» турнирлік кестеде тек 9-шы орынды місе тұтып келеді. Ірі кәсіпкердің келуі команданың спорттық нәтижелерін жақсартуға үлкен серпін беруге тиіс.

Кеңес Рақышев – отандық және халықаралық деңгейдегі ірі инвестор, танымал кәсіпкер. Оның бизнес активтері қаржы секторын, мұнай өндіруді, тау-кен металлургия өнеркәсібін және жоғары технологиялық венчурлық жобаларды қамтиды.

Forbes Kazakhstan журналының 2026 жылғы мамыр айындағы рейтингіне сәйкес, Кеңес Рақышевтің жеке байлығы 402 млн долларға бағаланған. Бұл көрсеткішпен Қазақстанның ең бай кәсіпкерлердің тізімінде 27-ші орында тұр.

Дереккөз: Kursiv media

11/07/2026

11-16 шілде аралығында Жамбыл облысы аумағында ауа температурасы 42 градус ыстық болады.

«Қазгидромет» РМК мәліметі бойынша 15 мен 16 шілде аралығында күн райы тіптен 44 градусқа дейін баруы ықтимал.

«Жамбыл облысының таулы аудандарында жаңбыр мен найзағай, солтүстік-шығысында шаңды дауыл күтіледі. Жел екпіні 20 м/с жетеді. 11-14 шілдеде күндіз ауа температурасы 38-42 градусқа дейін көтеріледі» – делінген ресми хабарламады.

Дәл осындай ескерту хабарлама барлық байланыс телеоператор қолданушысына жолданды.

10/07/2026

Ветеринария – мал шаруашылығының тұрақты дамуы мен халық денсаулыгінің қауіпсіздігін қамтамасыз ететін маңызды сала.

Өңірдегі ветеринар мамандары төрт түліктің амандығы мен ауыл тұрғындарының әл-ауқатын арттыру жолында аянбай қызмет атқаруда. Олардың күнделікті еңбегі – азық-түлік қауіпсіздігінің, мал шаруашылығының өркендеуінің және ел саулығының берік кепілі.

10/07/2026

Германияда маусым айында тіркелген аптап ыстықтан 5 мыңнан аса адам қаза тапқан. Бұл туралы Кursiv Media хабарлады.

Роберт Кох атындағы институттың тұжырымына сүйенсек, тек маусым айының соңғы аптасында ғана елде 4,3 мыңнан астам адам қайтыс болған. Ғалымдар ыстықтан келген нақты зардап бұдан да ауыр болуы мүмкін екенін айтады.

Мәселен Германияның Федералдық статистикалық ведомствосы маусымның 22-сі мен 28-і аралығындағы өлім-жітім көрсеткіші қалыпты жағдайдан 6,8 мың жағдайға асып кеткенін мәлімдеді. Яғни ауа райы қалыпты болған уақытпен салыстырғанда бір аптаның ішінде бірнеше мыңға көп адам көз жұмған.

Сарапшылардың түсіндіруінше, жоғары температураның адам өліміне тікелей себеп болмайды. Көбінде аптап ыстық адамның созылмалы ауруларын асқындырып жібереді, соның салдарынан адам өлімі жиілейді.

Маусымның соңғы аптасында Германияда ауа температурасы рекордтық көрсеткішке жетті. Кей аймақтарда аптап ыстық 41 градустан асып кеткен.

Оңтүстік Еуропа елдері үшін бұндай көрсеткіш қалыпты жағдай саналғанымен, Германия үшін бұл бұрын-соңды болмаған төтенше құбылыс болды.
Осындай жағдай Францияда да байқалды. Парижде аптап ыстықтан бір тәулікте 109 адам қайтыс болды. Кей аумағында қалың өрт шығып, үш мыңға жуық адам эвакуацияланды

Aulieata-Media

19/07/2026

19/07/2026

15/07/2026

14/07/2026

13/07/2026

13/07/2026

13/07/2026

11/07/2026

10/07/2026

10/07/2026

Address

Website

Alerts

Shortcuts

Share

Category

Listing takedown request