05/05/2026
#ກະຊວງສຶກສາທິການແລະກິລາຖະແຫຼງການ
#ນັກຮຽນເກັ່ງລະດັບຊາດ
ກະຊວງ ສຶກສາທິການ ແລະ ກິລາ ຖະແຫລງ!! ນັກຮຽນເກັ່ງລະດັບຊາດ ຂັ້ນ ມ.4 ວິຊາຄະນິດສາດ ອັນດັບທີ 1 ມີ 2 ຄົນ ແລະ ປະຕິບັດວິໄນທາງບໍລິຫານຕໍ່ກັບອະນຸກໍາມະການວິຊາຄະນິດສາດທັງໝົດ
ວັນທີ 4 ພຶດສາພາ 2026 ທ່ານ ຮສ.ປອ ຫລ້າວັນ ວົງຄໍາສານ ຫົວໜ້າຫ້ອງການ ກະຊວງສຶກສາທິການ ແລະ ກິລາ ໄດ້ຖະແຫລງການ ຜົນສຳເລັດ ການຈັດຕັ້ງການສອບເສັງແຂ່ງຂັນນັກຮຽນເກັ່ງ ຊັ້ນມັດທະຍົມສຶກສາ ລະດັບຊາດ ສົກຮຽນ 2025-2026 ວ່າ: ໃນສົກຮຽນນີ້ ມີນັກຮຽນເກັ່ງທີ່ເປັນຕົວແທນ ມາຈາກ ນະຄອນຫລວງ ແລະ 17 ແຂວງ ເຂົ້າຮ່ວມການແຂ່ງຂັນທັງໝົດ 288 ຄົນ, ຍິງ 165 ຄົນ ແລະ ມີສາມະເນນ 2 ອົງ, ມາຈາກໂຮງຮຽນພາກລັດ 229 ຄົນ,ພຣະສົງ 2 ອົງ, ມາຈາກໂຮງ ຮຽນພາກເອກະຊົນ 59 ຄົນ ສອບເສັງ 4 ວິຊາຫລັກ ຄື: ວິຊາພາສາລາວ-ວັນນະຄະດີ, ວິຊາຄະນິດ ສາດ, ວິຊາຟີຊິກສາດ ແລະ ວິຊາເຄມີສາດ. ການສອບເສັງ ແລະ ຈັດກິດຈະກໍາຕ່າງໆ ແມ່ນດໍາເນີນໄປລະຫວ່າງວັນທີ 20-24 ເມສາ 2026
ຜົນການຖາມ-ຕອບຄໍາຖາມວິທະຍາສາດ ລາງວັນທີ 1 ແຂວງບໍ່ແກ້ວ, ລາງວັນທີ 2 ແຂວງ ຫລວງນໍ້າທາ, ລາງວັນທີ 3 ແຂວງ ຈໍາປາສັກ, ລາງວັນຊົມເຊີຍ ແຂວງ ສະຫວັນນະເຂດ, ສ່ວນ ຜົນການສອບ ເສັງແຂ່ງຂັນນັກຮຽນເກັ່ງ ລະດັບຊາດ ຊັ້ນມັດທະຍົມສຶກສາ ປະຈໍາສົກຮຽນ 2025-2026 ຕາມຂໍ້ຕົກລົງ ສະບັບເລກທີ1890/ສສກ, ລົງວັນທີ 23 ເມສາ 2026, ເຊິ່ງໃນຂໍ້ຕົກລົງ ໄດ້ເຫັນດີ ເອົາ ນັກຮຽນ ເກັ່ງຊັ້ນມັດທະຍົມສຶກສາ (ມ.4 ແລະ ມ.7) ລະດັບຊາດ ຈໍານວນ 25 ຄົນ ທີ່ມີຜົນງານດີເດັ່ນ ໃນການເຂົ້າຮ່ວມສອບເສັງແຂ່ງຂັນຄັ້ງນີ້ ໄດ້ຄະແນນດີເລີດອັນດັບທີ 1, 2, 3 ແລະໄດ້ປະກາດ ຄັ້ງວັນທີ 24 ເມສາ 2026.
ພາຍຫລັງປະກາດຜົນອອກໄປແລ້ວ, ໃນຕອນແລງຂອງວັນດຽວກັນ ພະແນກສຶກສາທິການ ແລະ ກິລາ ແຂວງຈໍາປາສັກໄດ້ສະເໜີມາຍັງກົມສາມັນສຶກສາເພື່ອກວດຄືນຄວາມຖືກຕ້ອງໃນການບັນທຶກຄະ ແນນຂອງ ທ້າວ ພອນພະສິດ ບົວລະວົງ ນັກສອບເສັງ ວິຊາຄະນິດສາດ ຊັ້ນມັດທະຍົມສຶກສາຕອນຕົ້ນ (ມ.4) ແຂວງຈໍາປາສັກ. ກົມສາມັນສຶກສາ ກໍ່ໄດ້ຮີບຮ້ອນປະສານຫາຄະນະກຳມະການກວດ (ເຈ້ຍຄຳຕອບ) ບົດສອບເສັງ ເພື່ອກວດກາຄືນໂດຍອີງໃສ່ກົດລະບຽບຂອງການສອບເສັງທີ່ໄດ້ລະບຸໄວ້ ແມ່ນການກວດບົດ ຫລື ກວດເຈ້ຍຄຳຕອບບົດສອບເສັງ ຄະນະກຳມະການ ຕ້ອງຊື່ສັດຍຸຕິທຳ ແລະ ຕ້ອງຮັບປະກັນຄວາມໂປ່ງໃສ, ສາມາດກວດສອບໄດ້ ແນໃສ່ໃຫ້ນັກສອບເສັງທຸກຄົນໄດ້ຮັບຄວາມຍຸຕິທໍາເທົ່າທຽມກັນ... #ອ່ານເນື້ອໃນພີ່ມທີ່ລິ້ງ>>> https://laophattananews.com/253213/
#ໜັງສືພິມລາວພັດທະນາ #ຂ່າວພາຍໃນ #ນັກຮຽນເກັ່ງລະດັບຊາດ #ຖະແຫລງ #ສສກ
_______________@_______________
ສະໜັບສະໜູນຂ່າວໂດຍ: ຊາລິບຕັນ ສົ້ມ ແຊບ ຊ່າ
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088
