11/02/2026
ບໍ່ໃຫ້ປະຊາຊົນລວຍແນ່ບໍ
#ຖ້າລະເມີດຈະປັບໃໝແລະຈຳຄຸກພ້ອມ.. ແຈ້ງຫ້າມລັກລອບຂຸດແຮ່ຕາມແມ່ນ້ຳ ແລະ ຫາປາແບບດັບສູນ.
ອີງຕາມແຈ້ງການຂອງຄະນະກຳມະການປົກຄອງເມືອງ ແຂວງອັດຕະປື ລົງເມື່ອວັນທີ 5 ກຸມພາ 2026 ກ່ຽວກັບານຈັດຕັ້ງເຄື່ອນໄຫວກວດກາ ລາດຕາເວນ, ຂອງຄະນະສະເພາະກິດຂັ້ນເມືອງ ລົງເຄື່ອນ ໄຫວສະກັດກັ້ນ ການລັກລອບຂຸດຄົ້ນຊັບພະຍາກອນແຮ່ທາດຕາມສາຍນໍ້າ-ລຳເຊ, ຫ້ວຍ ນໍ້າ, ຮ່ອງ, ການໃຊ້ເຄື່ອງມືຫາປາ ຫຼື ສັດນໍ້າ. ໃນຮູບແບບດັບສູນ ແລະ ໃຊ້ມາດຕະການຕໍ່ ຜູ້ກະທໍາຜິດ ໃນທົ່ວເມືອງສາມັກຄີໄຊ.
ມາດຕະການປັບໄຫມທາງດ້ານການເງິນ ທີ່ນໍາໃຊ້ຕໍ່ຜູ້ ລະເມີດທາງດ້ານບໍລິຫານ ແລະ ທາງອາຍາ ດັ່ງນີ້:
📌ການຂຸດຄົ້ນຊັບພະຍາກອນແຮ່ທາດ ຄໍາຕົກຂ້ອນໂດຍບໍ່ຖືກຕ້ອງຕາມກົດຫມາຍ
- ປັບໃໝ 5.000.000 ກີບ ຫາ 15.000.000 ກີບ, ກໍລະນີການກະທໍາຜິດບໍ່ເຂັດຫຼາບ ແລະ ມີການຈັດຕັ້ງ ເປັນກຸ່ມ ຫຼື ກໍ່ຄວາມເສຍຫາຍຢ່າງຫຼວງຫຼາຍ ຈະຖືກລົງໂທດຕັດອິດສະຫຼະພາບແຕ່ 02 ປີ ຫາ 05 ປີ ພ້ອມທັງປັບໃໝ 7.000.000 ກີບ ຫາ 20.000.000 ກີບ.
📌ການນໍາໃຊ້ເຄື່ອງມືຫາປາ ຫຼື ສັດນໍ້າ ໃນຮູບແບບດັບສູນ.
- ການນໍາໃຊ້ເຄື່ອງມືຫາປາ ຫຼື ສັດນໍ້າທີ່ມີລັກສະນະດັບສູນ ຈະຖືກລົງໂທດຕັດອິດສະຫຼະພາບແຕ່ 06 ເດືອນ ຫາ 03 ປີ. ຫຼື ດັດສ້າງໂດຍບໍ່ຕັດອິດສະຫຼະພາບ ພ້ອມທັງປັບໃໝແຕ ່ 10.000.000 ກີບ ຫາ 50.000.000 ກີບ.
ນອກຈາກການປັບໃໝ ແລະ ລົງໂທດຕັດອິດສະຫຼະພາບຂ້າງເທິງນີ້ ຍັງມີມາດຕາການອື່ນ ທີ່ຈະໄດ້ປະຕິບັດເຂົ້າ ໃນຮູບແບບຂອງການກະທໍາຜິດ ທີ່ກົດຫມາຍກໍານົດໄວ້.
(ອ່ານແຈ້ງການ⬇)
