FM98.0 radio

FM98.0 radio ວິທະຍຸຊຸມຊົນເມືອງນາກາຍ

ເມືອງນາກາຍ ເເຂວງຄໍາມ່ວນ ຮັບໄດ້ການປະກາດ ການຈັດຕັ້ງ ຫ້ອງການ ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງນາກາຍ​_______...
30/07/2026

ເມືອງນາກາຍ ເເຂວງຄໍາມ່ວນ ຮັບໄດ້ການປະກາດ ການຈັດຕັ້ງ ຫ້ອງການ ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງນາກາຍ
​_____________________________________
ໃນຕອນບ່າຍຂອງວັນທີ 29 ກໍລະກົດ 2026 ຜ່ານມານີ້ ທີ່ສະໂມສອນ ເມືອງນາກາຍ ໄດ້ມີພີທີ ປະກາດແຕ່ງຕັ້ງ ຫົວໜ້າຄະນະສະມາຊິກສະພາປະຊາຊົນຂັ້ນເເຂວງ ປະຈໍາເຂດເລືອກຕັ້ງເມືອງນາກາຍ ໂດຍການໃຫ້ກຽດເຂົ້າຮ່ວມເປັນປະ ທານຂອງ ທ່ານ ປອ ແກ້ວອຸດອນ ບຸດສິງຂອນ ກຳມະການປະຈຳພັກເເຂວງ ຮອງປະທານສະພາປະຊາຊົນແຂວງຄໍາມ່ວນ (ຜູ້ປະຈໍາການ) ທ່ານ ໝັ້ນຍືນ ຄີນສະໝອນ ກຳມະການປະຈໍາພັກແຂວງ ຮອງປະທານຄະນະກຳມະການປົກຄອງແຂວງ ຜູ້ຊີ້ນຳວຽກງານຮອບດ້ານເມືອງນາກາຍ, ພ້ອມດ້ວຍສະມາຊິກສະພາແຫ່ງຊາດປະຈໍາເຂດເລືອກຕັ້ງແຂວງຄໍາມ່ວນ ແລະ ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງນາກາຍ. ມີບັນດາທ່ານການນຳຂອງເມືອງ, ຫົວໜ້າ ຄະນະຫ້ອງການ ຕະຫຼອດຮອດພະນັກງານ-ລັດຖະກອນ, ກຳລັງປ້ອງກັນຊາດ-ປ້ອງກັນຄວາມສະຫງົບ ພາຍໃນເມືອງເຂົ້າຮ່ວມຢ່າງພ້ອມພຽງ.
​ທ່ານ ສຸກສົມພອນ ແສງອາລຸນ ຮອງຫົວໜ້າຫ້ອງວ່າການສະພາປະຊາຊົນແຂວງ ໄດ້ໃຫ້ກຽດຂື້ນຜ່ານມະຕິຂອງຄະນະປະຈໍາສະພາປະຊາຊົນແຂວງ ສະບັບເລກທີ 173 ລົງວັນທີ 2 ກໍລະກົດ 2026 ວ່າດ້ວຍການແຕ່ງຕັ້ງຫ້ອງການຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງນາກາຍ ແລະ ມະຕິຂອງຄະນະປະຈຳສະພາປະຊາຊົນແຂວງ ສະບັບເລກທີ 169 ລົງວັນທີ 2 ກໍລະກົດ 2026 ວ່າດ້ວຍການສ້າງຕັ້ງກົງຈັກການຈັດຕັ້ງ ຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງນາກາຍ. ໂດຍໄດ້ມີການຕົກລົງແຕ່ງຕັ້ງ ທ່ານ ນາງ ບົວກາ ແກ້ວມະນີ ເປັນຫົວໜ້າ ຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງນາກາຍ ແລະ ແຕ່ງຕັ້ງ ທ່ານ ໜູຮັກ ພົມມະລິນ ເປັນຮອງຫົວໜ້າຄະນະ ທັງເປັນຫົວໜ້າຫ້ອງວ່າການສະພາ ປະຈໍາເມືອງນາກາຍ.
ການຈັດພິທີ ປະກາດ ການຈັດຕັ້ງ ຫ້ອງການ ຄະນະສະມາຊິກສະພາປະຊາຊົນແຂວງ ໃນເທື່ອນີ້ ກໍ່ເພື່ອຜັນຂະຫຍາຍ ແລະ ຈັດຕັ້ງປະຕິບັດກົດໝາຍວ່າດ້ວຍສະພາປະຊາຊົນແຂວງ ແລະ ມະຕິຕົກລົງຂອງຄະນະປະຈໍາສະພາປະຊາຊົນແຂວງ ວ່າດ້ວຍການແຕ່ງຕັ້ງບຸກຄະລາກອນໃຫ້ຖືກຕ້ອງຕາມລະບຽບຫຼັກການ ພ້ອມທັງຍົກສູງພາລະບົດບາດຂອງຄະນະສະມາຊິກສະພາປະຈໍາເມືອງນາກາຍ ທັງຮັບປະກັນການເຄື່ອນໄຫວໜ້າທີ່ວຽກງານຂອງສະພາປະຈໍາເມືອງນາກາຍ ໃຫ້ໄດ້ຮັບຜົນດີໃນທຸກດ້ານ.
ໃນໂອກາດສຸດທີ່ມີຄວາມໝາຍສໍາຄັນນີ້ ຄະນະປະທານໄດ້ມີທັດສະນະຊີ້ນຳໃນຫຼາຍບັນຫາ ໂດຍທ່ານໄດ້ເນັ້ນໜັກເຖິງບັນດາທ່ານທີ່ຖືກແຕ່ງຕັ້ງມອບໝາຍໜ້າທີ່ຄວາມຮັບຜິດຊອບໃຫ້ມີຄວາມໜັກແໜ້ນເຂັ້ມແຂງ, ມີຄວາມຮັບ ຜິດຊອບສູງຕໍ່ການປະຕິບັດວຽກງານຂອງສະມາຊິກສະພາປະຊາຊົນປະຈໍາເມືອງນາກາຍ ປະສານສົມທົບຢ່າງກົມກຽວກັບຄະນະກຳມະການປົກຄອງເມືອງ ເພື່ອພ້ອມກັນພັດທະນາທາງດ້ານພື້ນຖານໂຄງລ່າງ, ພັດທະນາທາງດ້ານເສດຖະກິດ ສັງຄົມ ພັດທະນາຊີວິດການເປັນຢູ່ຂອງພໍ່ແມ່ປະຊາຊົນພາຍໃນເມືອງໃຫ້ນັບມື້ນັບຈະເລີນ ເຂັ້ມແຂງດີຂື້ນເທື່ອລະກ້າວ.

ພາບ-ຂ່າວ: ໃໜ່ສະກຸນ ​​9922616
ກວດ-ແກ້: ຈັນໄທ ແກ້ວວິເສດ ​22177601

ຫ້ອງການກະສິກໍາ ແລະ ສິ່ງແວດລ້ອມເມືອງນາກາຍ ຈັດພິທີປ່ອຍປາ ຈໍານວນ 1,500 ກວ່າໂຕ ຢູ່ທີ່ບ້ານໜອງຮ່ວມ ( ຄຸ້ມສົບມາ ) ເມືອງນາກາຍ ແຂ...
30/07/2026

ຫ້ອງການກະສິກໍາ ແລະ ສິ່ງແວດລ້ອມເມືອງນາກາຍ ຈັດພິທີປ່ອຍປາ ຈໍານວນ 1,500 ກວ່າໂຕ ຢູ່ທີ່ບ້ານໜອງຮ່ວມ ( ຄຸ້ມສົບມາ ) ເມືອງນາກາຍ ແຂວງຄໍາມ່ວນ.
_________________________
ໃນຕອນເຊົ້າຂອງວັນທີ 28 ກໍລະກົດ 2026 ນີ້ ຫ້ອງການກະສິກໍາ ແລະ ສິ່ງແວດລ້ອມເມືອງນາກາຍ ຈັດພິທີປ່ອຍປາ ແລະ ສັດນໍ້າແຫ່ງຊາດ ຢູ່ທີ່ບ້ານໜອງຮ່ວມ ( ຄຸ້ມສົບມາ ) ເມືອງນາກາຍ ແຂວງຄໍາມ່ວນ ເພື່ອຊົມເຊີຍວັນປ່ອຍປາ ແລະ ສັດນໍ້າແຫ່ງຊາດ 13 ກໍລະກົດ, ໃຫ້ກຽດເຂົ້າຮ່ວມເປັນປະທານຂອງທ່ານ ຕຽງຄໍາ ມູນໂນລາດ ຄະນະປະຈໍາພັກເມືອງ ຜູ້ຊີ້ນໍາວຽກງານເສດຖະກິດ, ມີບັນດາທ່ານຄະນະນຳຂັ້ນເມືອງ, ປະທານຄະນະກໍາມະການປົກຄອງຕາແສງນາກາຍ, ອໍານາດການປົກຄອງບ້ານ, ບັນດາບໍລິສັດ, ຜູ້ປະກອບການ, ຊາວຄ້າ - ຂາຍ ຕະຫຼອດຮອດປະຊາຊົນເຂົ້າຮ່ວມ.
ກິດຈະກຳປ່ອຍປາໃນຄັ້ງນີ້ ຈັດຂຶ້ນເພື່ອເປັນການປູກຈິດສຳນຶກໃຫ້ແກ່ທຸກພາກສ່ວນໃນສັງຄົມ ກໍຄືປະຊາຊົນບັນດາເຜົ່າ ໃຫ້ເຫັນໄດ້ເຖິງຄວາມສຳຄັນ ຂອງການອະນຸລັກຮັກສາພັນສັດນ້ຳ ແລະ ຄວາມອຸດົມສົມບູນຂອງລະບົບນິເວດວິທະຍາ ຢູ່ທີ່ອ່າງນໍ້າເທີນ 2, ທັງນີ້ ກໍເພື່ອແນໃສ່ການເພີ່ມປະລິມານສັດນ້ຳ, ສ້າງຄວາມສົມດຸນໃຫ້ແກ່ທຳມະຊາດ ແລະ ຮັບປະກັນການສະໜອງແຫຼ່ງອາຫານ ທີ່ຍືນຍົງໃຫ້ແກ່ປະຊາຊົນ ໃນຂອບເຂດເມືອງນາກາຍ ສຳລັບປາ ທີ່ນໍາມາປ່ອຍໃນຄັ້ງນີ້ແມ່ນປາທໍາມະຊາດຫຼາຍຊະນິດ ເປັນຕົ້ນ ປາປາກ, ປາແກງ ລວມທັງໝົດຈໍານວນ 1,500 ກວ່າໂຕ.
ໃນໂອກາດດັ່ງກ່າວທ່ານ ທ່ານ ຕຽງຄໍາ ມູນໂນລາດ ຄະນະປະຈໍາພັກເມືອງ ຜູ້ຊີ້ນໍາວຽກງານເສດຖະກິດ ໄດ້ມີຄຳເຫັນເນັ້ນໜັກ ໃຫ້ອຳນາດການປົກຄອງທຸກຂັ້ນ ພ້ອມດ້ວຍປະຊາຊົນ ເອົາໃຈໃສ່ຮ່ວມກັນຕິດຕາມ, ຄຸ້ມຄອງ ແລະ ປົກປັກຮັກສາ ສັດນ້ຳທີ່ປ່ອຍໄປນັ້ນ ບໍ່ໃຫ້ມີການຫາປາແບບດັບສູນ ຫຼື ນຳໃຊ້ເຄື່ອງມືທີ່ຜິດກົດໝາຍ ເພື່ອໃຫ້ຂະຫຍາຍພັນ ແລະ ສ້າງຄວາມອຸດົມສົມບູນ ໃຫ້ແກ່ອ່າງນໍ້າເທີນ 2 ຕະຫຼອດໄປ.

ຄະນະບໍລິຫານງານສະຫະພັນແມ່ຍິງແຂວງຄໍາມ່ວນ ພ້ອມທີມງານ ເຄື່ອນໄຫວມອບເຄື່ອງຊ່ວຍເຫຼືອເພື່ອບັນເທົາທຸກໃຫ້ກັບພໍ່ແມ່ປະຊາຊົນ ທີ່ໄດ້ຮັ...
28/07/2026

ຄະນະບໍລິຫານງານສະຫະພັນແມ່ຍິງແຂວງຄໍາມ່ວນ ພ້ອມທີມງານ ເຄື່ອນໄຫວມອບເຄື່ອງຊ່ວຍເຫຼືອເພື່ອ
ບັນເທົາທຸກໃຫ້ກັບພໍ່ແມ່ປະຊາຊົນ ທີ່ໄດ້ຮັບຜົນກະທົບໄພພິບັດທາງທຳມະຊາດ ໃນໄລຍະຜ່ານມາ ຢູ່ທີ່ເມືອງນາ
ກາຍ
____________________________________________
ໃນຕອນເຊົ້າຂອງວັນທີ 28 ກໍລະກົດ 2026 ຄະນະບໍລິຫານງານສະຫະພັນແມ່ຍິງ​ແຂວງຄຳມ່ວນ​ ເຊີ່ງນໍາໂດຍ​ທ່ານ ນາງ​ ໄພວັນ​ ພົນຫາລາດ​​​ ປະທານ​ຄະນະ​ບໍລິຫານງານ​ສະຫະພັນ​ແມ່ຍິງແຂວງ​ ຮ່ວມກັບ ພັນລະຍາການນໍາຂອງແຂວງ ແລະ​ ສະຫະພັນກໍາມະບານແຂວງ ໄດ້ລົງມອບເຄື່ອງຊ່ວຍເຫລືອໃຫ້ຫ້ອງວ່າການເມືອງນາກາຍ ເພື່ອນຳໄປມອບຕໍ່ໃຫ້ພໍ່ແມ່ປະຊາຊົນທີ່ໄດ້ຜົນກະທົບໄພພິບັດທາງທຳຊາດ (ນໍ້າຖ້ວມ) ຢູ່ທີ່ຕາແສງ ນາຕານ-ເມືອງຫຼວງ ໃນໄລຍະຜ່ານມາ. ຕາງໜ້າມອບເຄື່ອງຊ່ວຍເຫຼືອໃນເທື່ອນີ້ ໂດຍ ທ່ານ ນາງ ຖະໜອມຈິດ ໂຄດພູທອນ ພັນລະຍາການນໍາຂັ້ນສູງຂອງແຂວງຄຳມ່ວນ ແລະ ໃຫ້ກຽດກ່າວຮັບໂດຍທ່ານ ນາງ ບົວກາ ແກ້ວມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຄື່ອງທີ່ນຳມາຊ່ວຍເຫຼືອໃນເທື່ອນີ້ ປະກອບມີເຄື່ອງອຸປະໂພກ-ບໍລິໂພກ ເຂົ້າສານ ແລະ ນໍ້າດື່ມ ລວມມູນທັງໝົດ 10.477.000 ກີບ.
ເນື່ອງໃນໂອກາດສຸດທີ່ມີຄວາມໝາຍສໍາຄັນນີ້ ທ່ານ ນາງ ບົວກາ ແກ້ວມະນີ ເລຂາຄະນະບໍລິຫານງານພັກເມືອງ ໄດ້ກ່າວ ສະແດງຄວາມຂອບໃຈອັນລົ້ນເຫຼືອມາຍັງຄະນະບໍລິຫານງານສະຫະພັນແມ່ຍິງແຂວງ ພ້ອມທີມງານ ທີ່ຍາມໃດກໍ່ໃຫ້ຄວາມສົນອົກສົນໃຈ ໃຫ້ຄວາມເປັນຫ່ວງເປັນໄຍຕໍ່ການດຳລົງຊີວິດຂອງພໍ່ແມ່ປະຊາຊົນພາຍໃນເມືອງນາກາຍ ແລະ ພ້ອມທີ່ຈະນຳເອົາເຄື່ອງຊ່ວຍເຫຼືອດັ່ງກ່າວໄປມອບໃຫ້ພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບຈາກອຸທົກກະໄພ (ນໍ້າຖ້ວມ)ໃນໄລຍະຜ່ານມາໃຫ້ຖືກຕ້ອງເປົ້າໝາຍຕົວຈິງ.
ພາບ-ຂ່າວ: ໃໜ່ສະກຸນ​ 99222616
ກວດ-ແກ້: ຈັນໄທ ແກ້ວວິເສດ 22177601

ເມືອງນາກາຍເປີດກອງປະຊຸມອົງການປົກຄອງເມືອງ ປະຈຳ 06 ເດືອນຕົ້ນປີ ແລະ ວາງທິດທາງແຜນການ 06ທ້າຍປີ ພ້ອມຮັບຟັງການສ່ອງແສງລາຍງານວຽກງາ...
27/07/2026

ເມືອງນາກາຍເປີດກອງປະຊຸມອົງການປົກຄອງເມືອງ ປະຈຳ 06 ເດືອນຕົ້ນປີ ແລະ ວາງທິດທາງແຜນການ 06
ທ້າຍປີ ພ້ອມຮັບຟັງການສ່ອງແສງລາຍງານວຽກງານຂອງ 05 ຕາແສງຂອງເມືອງນາກາຍ.
________________________________
ວັນທີ 23 ກໍລະກົດ 2026 ຜ່ານມານີ້ ເມືອງນາກາຍໄດ້ເປີດກອງປະຊຸມອົງການປົກຄອງເມືອງ ປະຈຳ 06 ເດືອນຕົ້ນປີ ແລະ ວາງທິດທາງແຜນການ 06 ທ້າຍປີ ພ້ອມຮັບຟັງການສ່ອງແສງລາຍງານວຽກງານຂອງ 05 ຕາແສງ ພາຍໃນເມືອງ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ສົມບັດ ປັນຍາສິດ ຮອງເລຂາຄະນະບໍລິຫານງານພັກເມືອງ ປະທານຄະນະກຳມະການປົກຄອງເມືອງ, ຄະນະກໍາມະການປົກຄອງເມືອງ ແລະ ປະທານ, ຮອງປະທານຄະນະກໍາມະການປົກຄອງຕາແສງໃນ 05 ຕາແສງ ເຂົ້າຮ່ວມທັງໝົດ 31 ທ່ານ, ຍິງ 05 ທ່ານ.
ກອງປະຊຸມໄດ້ຮັບຟັງການຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ ແຜນງົບປະມານແຫ່ງລັດ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ; ຮັບຟັງການລາຍງານກ່ຽວກັບການຈັດ ຕັ້ງປະຕິບັດວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກພາຍໃນເມືອງ; ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານຕາແສງຮອບດ້ານໃນ 05 ຕາແສງພາຍໃນເມືອງ ພ້ອມນັ້ນປະທານກອງປະຊຸມກໍ່ຍັງໄດ້ມີ ຄໍາເຫັນເຈາະຈີ້ມເພື່ອເປັນທິດນໍາພາ - ຊີ້ນໍາໃນບັນດາໜ້າວຽກ ຈາກນັ້ນຕາງໜ້າຫ້ອງການອ້ອມຂ້າງເມືອງໄດ້ປະກອບຄໍາຄິດຄໍາເຫັນໃນການນໍາພາ - ຊີ້ນໍາວຽກງານພາຍໃນຫ້ອງການທີ່ຕົນເອງຮັບຜິດຊອບໃສ່ກອງປະຊຸມຢ່າງກົງໄປກົງມາ.
ໃນຕອນທ້າຍກອງປະຊຸມ ທ່ານ ສົມບັດ ປັນຍາສິດ ຮອງເລຂາຄະນະບໍລິຫານງານພັກເມືອງ ປະທານຄະນະກໍາມະການປົກຄອງເມືອງໄດ້ມີຄໍາເຫັນນໍາພາຊີ້ນໍາກອງປະຊຸມຄື: ມອບໃຫ້ແຕ່ລະຫ້ອງການເອົາໃຈໃສ່ໃນໜ້າວຽກວິຊາສະເພາະທີ່ຕົນເອງຮັບຜິດຊອບຢ່າງຮັດກຸມ ພ້ອມທັງກໍານົດແຜນການ, ແຜນງານໃຫ້ລະອຽດ, ເປັນແບບຢ່າງນໍາພາພໍ່ແມ່ປະຊາຊົນໃນທຸກໆດ້ານ, ຕ້ອງໄດ້ຕິດຕາມກວດກາຜົນສໍາເລັດໃນແຕ່ລະໜ້າວຽກພ້ອມທັງລາຍງານໃຫ້ຄະນະພັກຂັ້ນເທິງຮັບຊາບຢ່າງເປັນປົກກະຕິ, ວາງທິດທາງແຜນການລະອຽດ ເພື່ອສະດວກໃນການຈັດຕັ້ງປະຕິບັດແຕ່ລະໜ້າວຽກໃນຕໍ່ໜ້າ.
ພ້ອມນັ້ນກໍ່ຍັງໄດ້ເນັ້ນໜັກເຖິງບັນດາຕາແສງທີ່ລົງປະຕິບັດໜ້າທີ່ຕົວຈິງຢູ່ຂັ້ນບ້ານ ໃຫ້ພ້ອມກັນປຶກສາຫາລືວຽກງານຕ່າງໆຢ່າງກົມກຽວ, ສ້າງແຜນກໍານົດຕໍາແໜ່ງງານສະຫຼຸບງົບປະມານ ແລະ ອຸປະກອນຮັບໃຊ້ພ້ອມທັງສ້າງປ້າຍຫ້ອງການຕາແສງ ເອົາໃຈໃສ່ໃນການປະຈຳການຢ່າງເປັນປົກກະຕິ ພ້ອມທັງສຶກສາບັນດານິຕິກໍາຕ່າງໆທີ່ກ່ຽວຂ້ອງເພື່ອສະດວກໃນການປະຕິບັດໜ້າທີ່ວຽກງານຢູ່ຂັ້ນຕາແສງ ພ້ອມກັນເຂັ້ມແຂງໃນທຸກດ້ານ ເພື່ອພັດທະນາພື້ນຖານໂຄງລ່າງໃຫ້ມີຄວາມເຂັ້ມແຂງໃນທຸກພື້ນທີ່ທົ່ວເມືອງນາກາຍ.
ພາບ-ຂ່າວ: ສຸກສາຄອນ ບຸນເຮືອງສັກ​97971505
ກວດ-ແກ້: ຈັນໄທ ແກ້ວວິເສດ​​22177601

ເມືອງນາກາຍ ແຂວງຄໍາມ່ວນ ຈັດພິທີ ປະດັບຫຼຽນກາລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂື້ນຢ່າງເປັນທາງການ__...
24/07/2026

ເມືອງນາກາຍ ແຂວງຄໍາມ່ວນ ຈັດພິທີ ປະດັບຫຼຽນກາລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂື້ນຢ່າງເປັນທາງການ
______________________________
ໃນຕອນເຊົ້າຂອງວັນທີ່ 24 ກໍລະກົດ 2026 ຢູ່ທີ່ສະໂມສອນເມືອງນາກາຍໄດ້ຈັດພິທີ ປະດັບຫຼຽນກາລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ( ວັນທີ 2 ທັນວາ 1975 - ວັນທີ 2 ທັນວາ 2025 ) ຂື້ນຢ່າງເປັນທາງການ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ນາງ ບົວກາ ແກ້ວມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າສະມາຊິກສະພາປະຊາຊົນປະຈໍາເມືອງນາກາຍ, ທ່ານ ເນດຈັນທະລາດ ຮອງເລຂາຄະນະບໍລິຫານງານພັກເມືອງ ຫົວໜ້າຄະນະຈັດຕັ້ງເມືອງ, ທ່ານປະທານຄະນະກຳມະການປົກຄອງເມືອງ ພ້ອມບັນດາທ່ານໃນຄະນະບໍລິຫານງານພັກເມືອງ, ຫົວໜ້າ ຄະນະຫ້ອງການ, ສະມາຊິກພັກ-ພະນັກງານລັດຖະກອນ ຕະຫຼອດຮອດບັນດາທ່ານທີ່ໄດ້ຮັບຫຼຽນກາ ດັ່ງກ່າວ ເຂົ້າຮ່ວມຢ່າງພ້ອມພຽງ.

ໃນພິທີ ໄດ້ຮັບຟັງການຜ່ານດຳລັດ ຂອງປະທານປະເທດແຫ່ງ ສປປ ລາວ ສະບັບເລກທີ 324/ປປທ ວ່າດ້ວຍການປະດັບຫຼຽນການລະນຶກ 50 ປີ ວັນສະຖາປະນາ ສປປ ລາວ ຈາກທ່ານ ເນດ ຈັນທະລາດ ຮອງເລຂາຄະນະບໍລິຫານງານພັກເມືອງ ຫົວໜ້າຄະນະຈັດຕັ້ງເມືອງ, ທ່ານ ຄໍາພູວາ ໄຊຍະຈັນ ຮອງຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານ ລາຍຊື່ຜູ້ທີ່ມີຜົນງານດີເດັ່ນທີ່ໄດ້ຮັບຫຼຽນກາລະນຶກ 50 ປີ ເຊິ່ງມີຜູ້ທີ່ໄດ້ຮັບຫຼຽນກາລະນຶກທັງໝົດ 221 ທ່ານ , ຍິງ 50 ທ່ານ ປະກອບມີ: ພະນັກງານ ເສຍອົງຄະພາຍໃນເມືອງ 53 ທ່ານ,ຍິງ 7 ທ່ານ, ພະນັກງານ ອາວຸໂສບໍານານ 31 ທ່ານ, ຍິງ 9 ທ່ານ, ພະນັກງານລັດຖະກອນພາຍໃນເມືອງ 101 ທ່ານ,ຍິງ 32 ທ່ານ, ການຈັດຕັ້ງບ້ານ ແລະ ນັກທຸລະກິດ ຜູ້ປະກອບການ 36 ທ່ານ, ຍິງ 2 ທ່ານ .

ພິທີໄດ້ມີການປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ບັນດາທ່ານທີ່ມີລາຍຊື່ຮັບຮອງຢ່າງສົມກຽດ ແລະ ໃນຕອນທ້າຍຂອງພິທີ ທ່ານ ນາງ ບົວກາ ແກ້ວມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ໄດ້ໃຫ້ກຽດໂອ້ລົມ ເຊິ່ງກ່ອນອື່ນໝົດ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະ ທີ່ບັນດາທ່ານສາມາດຍາດມາໄດ້ຕະຫຼອດໄລຍະທີ່ຜ່ານມາ ຈາກນັ້ນ ທ່ານໄດ້ມີທັດສະນະໂອ້ລົມຢ່າງກົງໄປກົງມາ ໂດຍທ່ານໄດ້ເນັ້ນໜັກເຖິງສະມາຊິກພັກ-ພະນັກງານທຸກພາກສ່ວນ ໃຫ້ພ້ອມກັນສືບຕໍ່ເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານຂອງໃຜລາວຢ່າງເຕັມເມັດເຕັມໜ່ວຍ ພ້ອມຮັກສາ ແລະ ເສີມຂະຫຍາຍຜົນງານດັ່ງກ່າວນີ້ໄວ້ໃຫ້ໝັ້ນຄົງ, ເອົາໃຈໃສ່ຈັດຕັ້ງປະຕິບັດແຜນພັດທະເສດຖະກິດສັງຄົມຂອງເມືອງ ໃນ 6 ເປົ້າໝາຍ 54 ໂຄງການ ແລະ 84 ໂຄງການຍ່ອຍໃຫ້ສໍາເລັດຕາມແຜນທີ່ວາງໄວ້, ພ້ອມກັນເອົາໃຈໃສ່ສືບຕໍ່ແກ້ໄຂ ບັນຫາປະກົດການຫຍໍ້ທໍ້ຕ່າງໆທີ່ເກີດຂື້ນໃຫ້ໝົດໄປເທື່ອລະກ້າວ, ເອົາໃຈໃສ່ຕິດຕາມ ປິ່ນປົວສຸຂະພາບໃຫ້ພໍ່ແມ່ປະຊາຊົນ ເພື່ອພ້ອມກັນສະກັດກັ້ນພະຍາດລະບາດຕ່າງໆທີ່ອາດຈະເກີດຂື້ນຕາມລະດູການ, ຕິດຕາມສ່ົງເສີມການຮຽນ-ການສອນໃຫ້ທົ່ວເຖິງພ້ອມທັງຮັບປະກັນທາງດ້ານຄຸນນະພາບໃຫ້ໄດ້ດີໃນທຸກດ້ານ, ຮຽກຮ້ອງເຖິງນັກທຸລະກິດ, ຜູ້ປະກອບການ ໃນການປະກອບສ່ວນຊ່ວຍເຫຼືອພັດທະນາພື້ນຖານໂຄງລ່າງ ເພື່ອພ້ອມກັນສືບຕໍ່ສ້າງສາພັດທະນາເມືອງນາກາຍໃຫ້ຈະເລີນກ້າວໜ້າຂື້ນໄປເລື້ອຍໆ.

ພາບ-ຂ່າວ : ໃໜ່ສະກຸນ ວໍລະລຸນ​99222616
ກວດ-ແກ້: ຈັນໄທ ແກ້ວວິເສດ​22177601

ຫ້ອງການຊາວໜຸ່ມເມືອງນາກາຍ ຈັດກອງປະຊຸມຊຸກຍູ້ວຽກງານຊາວໜຸ່ມ-ເຍົາວະຊົນ ແລະ ທາບທາມເນື້ອໃນຮ່າງນິຕິກໍາໃຕ້ກົດໝາຍຂອງຄະນະບໍລິຫານງານ...
24/07/2026

ຫ້ອງການຊາວໜຸ່ມເມືອງນາກາຍ ຈັດກອງປະຊຸມຊຸກຍູ້ວຽກງານຊາວໜຸ່ມ-ເຍົາວະຊົນ ແລະ ທາບທາມເນື້ອໃນ
ຮ່າງນິຕິກໍາໃຕ້ກົດໝາຍຂອງຄະນະບໍລິຫານງານຊາວໜຸ່ມແຂວງ ຄໍາມ່ວນ
___________________________
ຕອນເຊົ້າເວລາ 8:00 ໂມງ ຂອງວັນທີ 23 ກໍລະກົດ 2026 ຢູ່ທີສະໂມສອນເມືອງນາກາຍໄດ້ດໍາເນີນກອງປະຊຸມຊຸກຍູ້ວຽກງານຊາວໜຸ່ມ-ເຍົາວະຊົນ ແລະ ທາບທາມເນື້ອໃນຮ່າງນິຕິກຳໃຕ້ກົດໝາຍ ໃນຫົວຂໍ້: ກອງທືນພັດທະ ນາຊາວໜຸ່ມ-ເຍົາວະຊົນ ແຂວງຄໍາມ່ວນ ໃຫ້ກຽດເຂົ້າຮ່ວມເປັນປະທານຂອງສະຫາຍ ພູແກ້ວ ສຸດທິວົງ ຄະນະບໍລິຫານງານຊາວໜຸ່ມແຂວງ ຮອງເລຂາຄະນະບໍລິຫານງານຊາວໜຸ່ມແຂວງຄຳມ່ວນ, ສະຫາຍ ນາງ ສີສົມພອນ ພົມມະວົງ ກຳມະ ການພັກເມືອງ, ເລຂາຄະນະບໍລິຫານງານຊາວໜຸ່ມເມືອງ, ມີບັນດາສະຫາຍໃນຄະນະຮັບຜິດຊອບຂັ້ນແຂວງ, ຂັ້ນເມືອງ, ຄະນະປະຈຳຊາວໜຸ່ມ, ເລຂາ, ຮອງເລຂາ, ຄະນະໜ່ວຍຊາວໜຸ່ມ ແລະ ສະມາຊິກຊາວໜຸ່ມ ອ້ອມຂ້າງເມືອງ ເຂົ້າຮ່ວມທັງໝົດ 54 ສະຫາຍ, ຍິງ 27 ສະຫາຍ.

ກອງປະຊຸມໄດ້ຮັບຟັງການລາຍງານຜົນການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນຂອງເມືອງ ໃນໄລຍະຜ່ານມາ ຈາກສະຫາຍ ຮອງເລຂາຄະນະບໍລິຫານງານຊາວໜຸ່ມເມືອງ. ສະຫາຍ ກຽງສັກ ພົມມີໄຊ ຄະນະບໍລິຫານງານຊາວໜຸ່ມແຂວງ ຫົວໜ້າຂະແໜງກວດກາຊາວໜຸ່ມແຂວງຄໍາມ່ວນໄດ້ໃຫ້ກຽດຂຶ້ນຜ່ານ ຮ່າງນິຕິກໍາໃຕ້ກົດໝາຍຂອງຊາວໜຸ່ມແຂວງ ໃນຫົວຂໍ້ “ ກອງທຶນພັດທະນາຊາວໜຸ່ມ-ເຍົາວະຊົນແຂວງຄໍາມ່ວນ ” ກອງປະຊຸມໄດ້ພ້ອມກັນແລກປ່ຽນບົດຮຽນຢ່າງກົງໄປກົງມາ ໃນການສ້າງຕັ້ງ ແລະ ການປະຕິບັດກອງທຶນ ໃນເທື່ອນີ້.

ໃນຕອນທ້າຍ ສະຫາຍ ພູແກ້ວ ສຸດທິວົງ ຮອງເລຂາຄະນະບໍລິຫານງານຊາວໜຸ່ມແຂວງ ໄດ້ມີທັດສະນະໂອ້ລົມໂດຍສະຫາຍໄດ້ເໜັ້ນໜັກກ່ຽວກັບການສະເໜີຂອງຄະນະຊາວໜຸ່ມແຕ່ລະໜ່ວຍ ແລະ ປຸກລະດົມສະມາຊິກຊາວໜຸ່ມທົ່ວເມືອງນາກາຍໃຫ້ພ້ອມກັນຈັດຕັ້ງປະຕິບັດຕໍ່ລະບຽບກອງທຶນຂອງຊາວໜຸ່ມທີ່ຈະສ້າງຕັ້ງຂຶ້ນໃນໄວໆນີ້ ໃຫ້ພ້ອມກັນຈັດຕັ້ງປະຕິບັດກອງທຶນຢ່າງເຂັ້ມງວດເພື່ອມີຄວາມໝັ້ນຄົງຍືນຍົງຂອງກອງທຶນໃນຕໍ່ໜ້າ ໃນໂອກາດດຽວກັນນີ້ ສະຫາຍຮອງເລຂາຄະນະບໍລິຫານງານຊາວໜຸ່ມແຂວງ ຍັງໄດ້ນຳເອົາຄວາມຍື່ຢາມຖາມຂ່າວອັນແສນອົບອຸ່ນມາສູ້ສະມາຊິກຊາວໜຸ່ມ-ເຍົາວະຊົນທົ່ວເມືອງນາກາຍ ໂດຍສະຫາຍໄດ້ນໍາເອົານໍ້າດື່ມສະອາດ ມາຊຸກຍູ້ຂະບວນການວຽກງານຊາວໜຸ່ມ- ເຍົາວະຊົນ ລວມມູນຄ່າ 1.510.000 ກີບ.

ພາບ-ຂ່າວ : ບຸ້ຍ ອານັນຕະທັດ 98720988
ກວດ-ແກ້ : ຈັນໄທ ແກ້ວວິເສດ 22177601

ຄະນະກຳມະການຄຸ້ມຄອງໄພພິບັດຂັ້ນເມືອງ ເມືອງນາກາຍ ເປີດກອງປະຊຸມສະຫຼຸບຕີລາຄາຄືນການແກ້ໄຂວຽກງານໄພພິບັດຂັ້ນເມືອງ _______________...
24/07/2026

ຄະນະກຳມະການຄຸ້ມຄອງໄພພິບັດຂັ້ນເມືອງ ເມືອງນາກາຍ ເປີດກອງປະຊຸມສະຫຼຸບຕີລາຄາຄືນການແກ້ໄຂ
ວຽກງານໄພພິບັດຂັ້ນເມືອງ
_______________________________________
​ໃນເວລາ 8:00 ນາທີ ຂອງວັນທີ 21 ກໍລະກົດ 2026 ຄະນະກຳມະການຄຸ້ມຄອງໄພພິບັດຂັ້ນເມືອງ ໄດ້ດຳເນີນກອງປະຊຸມສະຫຼຸບຕີລາຄາຄືນ ການແກ້ໄຂວຽກງານໄພພິບັດຂື້ນ ຢູ່ທີ່ຫ້ອງປະຊຸມຂອງຫ້ອງວ່າການ ເຊິ່ງໃນໄລ ຍະຜ່ານມາເມືອງນາກາຍ ໄດ້ຮັບຜົນກະທົບຈາກພາຍຸໝູນເຂດຮ້ອນ (ໄມສັກ) ຈົນເຮັດໃຫ້ເກີດມີນໍ້າຖ້ວມຂັງ ຢູ່ຕາແສງນາຕານເມືອງຫຼວງ ອັນໄດ້ເຮັດໃຫ້ພໍ່ແມ່ປະຊາຊົນໄດ້ຮັບຜົນກະທົບຫຼາຍພໍສົມຄວນ. ໂດຍການໃຫ້ກຽດເຂົ້າຮ່ວມເປັນປະທານກອງປະຊຸມຂອງທ່ານ ນາງ ບົວກາ ແກ້ວມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າສະມາຊິກສະພາປະຊາຊົນປະຈໍາເມືອງນາກາຍ ພ້ອມດ້ວຍປະທານຄະນະກຳມະການຄຸ້ມຄອງໄພພິບັດຂັ້ນເມືອງ, ປະທານຄະນະກຳມະການປົກຄອງຕາແສງນາຕານ-ເມືອງຫຼວງ, ບັນດາທ່ານຄະນະກຳມະການກອງເລຂາ, ຄະນະຮັບຜິດຊອບແຕ່ລະພາກສ່ວນເຂົ້າຮ່ວມຢ່າງພ້ອມພຽງ.
​ກອງປະຊຸມໄດ້ຮັບຟັງການສະຫຼຸບສັງລວມ ບັນຫາສະພາບຜົນກະທົບຈາກໄພພິບັດ ( ນໍ້າຖ້ວມ ) ຢູ່ເຂດນາຕານ ຈາກຫ້ອງການແຮງງານ ແລະ ສະຫວັດດີການສັງຄົມເມືອງ ໂດຍລາຍລະອຽດຄື: ຄັ້ງວັນທີ 7-9 ກໍລະກົດ 2026 ເມືອງນາກາຍໄດ້ຮັບຜົນກະທົບຈາກອິດທິພົນຂອງພາຍຸໜູນເຂດຮ້ອນ ( ໄມສັກ ) ພັດຜ່ານ ຈົນເຮັດໃຫ້ເກີດມີນໍ້ານອງ, ນຳ້ຍຶ່ງ ໄຫຼບໍ່ທັນ ຈົນເຮັດໃຫ້ນໍ້າໄຫຼເຂົ້າຖ້ວມໄຮ່ນາ, ຮົ້ວສວນ ບ້ານເຮືອນ ຂອງປະຊາຊົນຢູ່ 4 ບ້ານ 7 ຄຸ້ມ ຢູ່ເຂດນາຕານ ແລະ ມີ 267ຫຼັງຄາເຮືອນ, 380 ຄອບຄົວ, 1,470 ຄົນ, ຍິງ 778 ຄົນ ທີ່ໄດ້ຮັບຜົນກະທົບ. ໃນນີ້ ຖືກກະທົບທາງດ້ານເນື້ອທີ່ທຳການຜະລິດປະກອບມີ: ເນື້ອທີ່ນາປີທີ່ຖືກນໍ້າຖ້ວມ 547 ຮຕ ໄດ້ຮັບຄວາມເສຍຫາຍ 148 ຮຕ, ສວນມັນຕົ້ນຖືກນໍ້າຖ້ວມ 39 ຮຕ ໄດ້ຮັບຄວາມເສຍຫາຍ 8 ຮຕ. ເນື້ອທີ່ປູກຢາງພາລາ 10,8 ຮຕ ໄດ້ຮັບຄວາມເສຍຫາຍ 1,5 ຮຕ,ເຕົາອົບຢາສູບຖືກນໍ້າຖ້ວມ 55 ເຕົາ ( ສາມາດສ້ອມແປງຄືນໄດ້ ) ເນື້ອທີ່ປູກພືດຕ່າງໆ ຖືກນ້ຳຖ້ວມ 59,5 ຮຕ,ໄດ້ຮັບຄວາມເສຍຫາຍ 58 ຮຕ. ຜົນກະທົບຕໍ່ສັດລ້ຽງປະກອບມີ: ໜອງປາຖືກນໍ້າຖ້ວມ 17 ໜອງ, ຄວາຍສູນຫາຍຈຳນວນ 2 ໂຕ, ຕາຍ 2 ໂຕ, ງົວ ສູນຫາຍ 6 ໂຕ, ຕາຍ 5 ໂຕ, ໝູ ຕາຍ 28 ໂຕ ແລະ ສັດປີກ ຕາຍ 2,263 ໂຕ ລວມມູນຄ່າຄວາມເສຍຫາຍ 152.630.000 ກີບ. ຜົນກະທົບຕໍ່ຊົນລະປະທານປະກອບມີ: ລະບົບຊົນລະປະທານ ນາຕານ-ໂພນຄໍາ-ນາຫ້າງ-ທ່າຂັນແກ້ວ ຖືກນໍ້າຖ້ວມ 4 ໂຄງການ ລວມມູນຄ່າ 5.640.000.000 ກີບ, ລະບົບໄຟຟ້າໂຊລາເຊວ ນໍ້າຖ້ວມ 3 ຊຸດ ລວມມູນຄ່າຄວາມເສຍຫາຍ 2.740.000.000 ກີບ. ຜົນກະທົບທາງດ້ານວຽກງານສາທາລະນະສຸກປະກອບມີ: ນຳ້ປະປາຊຸມຊົນຖືກນໍ້າຖ້ວມ 2 ບໍ່ ( ກຳລັງຂຸ່ນຂ່ຽວໃນການສ້ອມແປງ ) ວິດຖ່າຍ ຖືກນໍ້າຖ້ວມ 184 ໜ່ວຍ ( ສ້ອມແປງອານາໄມປະຈຸບັນນຳໃຊ້ໄດ້ປົກກະຕິ​ ) ຫຼັງນໍ້າແຫ່ງໄດ້ມອບໃຫ້ຄະນະກຳມະການຄຸ້ມຄອງໄພພິບັດ ພ້ອມຫ້ອງການທີ່ກ່ຽວຂ້ອງລົງຟື້ນຟູຄືນເປັນຕົ້ນແມ່ນ ລະບົບນໍ້າປະປາຊຸມຊົນ, ພ້ອມຕິດຕາມກວດກາຮັສາສຸຂະພາບຂອງພໍ່ແມ່ປະຊາຊົນ ແລະ ສັດລ້ຽງ. ຜົນກະທົບທາງດ້ານການທ່ອງທ່ຽວປະກອບມີ: ສະຖານທີ່ທ່ອງທ່ຽວຖ້ຳກອງລໍ ແລະ ຮ້ານຫັດຖະກຳຂອງສະມາຄົມບ້ານນາຕານ, ເຮືອນພັກ ແລະ ຮ້ານອາຫານ, ນາຕານ-ກອງລໍ ຣີສອດ ປະເມີນຄວາມເສຍຫາຍທັງໝົດ 359.840.000 ກີບ. ຜົນກະທົບທາງດ້ານເສັ້ນທາງຄົມມະນາຄົມປະກອບມີ: ເສັ້ນທາງນຳ້ເບີ 5675 ທາງ 1E ແຕ່ບ້ານນາກາຍໄຕ້ ໄປຫາ ບ້ານນາຕານ ຖືກນ້ຳເຊາະເຈື່ອນເສັ້ນທາງ ເຮັດໃຫ້ເກີດມີເສັ້ນທາງບວມ, ທາງຍຸບ ເປັນບາງຈຸດ ການສັນຈອນພົບຄວາມຫຍຸ່ງຍາກ ( ປະຈຸບັນພາກສ່ວນກ່ຽວຂ້ອງກຳລັງຂຸ່ນຂ່ຽວໃນການສ້ອມແປງຢູ່ )
​ໃນຊ່ວງໄລຍະທີ່ໄດ້ຮັບຜົນກະທົບຈາກໄພພິບັດດັ່ງກ່າວ ຄະນະກຳມະການຄຸ້ມຄອງໄພພິບັດຂັ້ນເມືອງ ໂດຍສົມທົບການນຳເມືອງ ພ້ອມພາກສ່ວນທີ່ກ່ຽວຂ້ອງຂອງເມືອງ ໄດ້ສຸມທຸກກຳລັງເຂົ້າຊ່ວຍເຫຼືອ ແລະ ພໍ່ແມ່ປະຊາຊົນເອງກໍ່ໄດ້ກະກຽມຄວາມພ້ອມຮັບມືກ່ອນແລ້ວ ຈຶ່ງເຮັດໃຫ້ຄວາມເສຍຫາຍບໍ່ຮ້າຍແຮງປານໃດ ແຕ່ໃນນີ້ກໍ່ໄດ້ມີຫຼາຍພາກ ເຂົ້າມາປະກອບສ່ວນຊ່ວຍເຫຼືອ ໂດຍສະເພາະຄະນະກຳມະການຄຸ້ມຄອງໄພພິບັດຂັ້ນແຂວງ ພາກສ່ວນບຸກຄົນ, ນິຕິ ບຸກຄົນ ປະກອບມີນໍ້າດື່ມສະອາດ, ເຂົ້າສານອາຫານແຫ້ງ ເຄື່ອງອຸປະໂພກ-ບໍລິໂພກ ລວມມູນຄ່າການຊ່ວຍເຫຼືອທັງໝົດ 253.436.000 ກີບ.
​ຈາກນັ້ນ ທີ່ປະຊຸມໄດ້ພ້ອມກັນປຶກສາຫາລືວາງແຜນການຈັດຕັ້ງປະຕິບັດໃນການກະກຽມຄວາມພ້ອມຮັບມືກັບໄພພິບັດທີ່ອາດຈະເກີດຂື້ນໃນຕໍ່ໜ້າ ໂດຍທ່ານປະທານກອງປະຊຸມໄດ້ມີທັດສະນະໃນຫຼາຍບັນຫາໂດຍທ່ານໄດ້ເນັ້ນໜັກເຖິງຄະນະກຳມະການຄຸ້ມຄອງໄພພິບັດຂັ້ນເມືອງຕ້ອງໄດ້ວາງແຜນການຕອບຕ້ານກັບສະພາບການຢ່າງຮັດກຸມ ເພື່ອກະ ກຽມຮັບມືກັບໄພພິບັດໃນຕໍ່ໜ້າ, ໃຫ້ສຸມໃສ່ຟື້ນຟູຫຼັງນໍ້າຫລຸດໃນນີ້ໃຫ້ພ້ອມກັນຈັດຕັ້ງປະຕິບັດໂດຍໄວ ແລະ ໃຫ້ທ່ວງທັນກັບສະພາບການ, ໃຫ້ພ້ອມກັນທົບຄວນຄືນຈຸດອົບພະຍົກສຸກເສີນ ເພື່ອຮອງຮັບໃນເວລາເກີດໄພພິບັດໃນຕໍ່ໜ້າ, ການເກັບກຳຂໍ້ມູນໃຫ້ມີຄວາມລະອຽດຖືກຕ້ອງຊັດເຈນ, ຄະນະຮັບຜິດຊອບແຕ່ລະພາກສ່ວນໃຫ້ມີຄວາມເອົາໃຈໃສ່ຢ່າງເຂັ້ມງວດຂອດການປະສານງານໃຫ້ລະອຽດກົມກຽວເພື່ອພ້ອມກັນແກ້ໄຂສະພາບການຕ່າງໆໃຫ້ທ່ວງທັນກັບເວລາ ພ້ອມໃຫ້ປະສານພົວພັນຂໍທິດຊີ້ນໍາຈາກຄະນະກຳມະການຄຸ້ມຄອງໄພພິບັດຂັ້ນແຂວງຢ່າງເປັນປົກກະຕິ.
​ພາບ-ຂ່າວ: ໄໝ່ສະກຸນ ວໍລະລຸນ ​99222616
​ກວດ-ແກ້: ຈັນໄທ ແກ້ວວິເສດ ​22177601

ພະອາຈານ ທິກກວນເຈົາ ເຈົ້າອາວາດວັດໂບ່ເດ່ ບ້ານສົມສະອາດ ເມືອງທ່າແຂກ ແຂວງຄໍາມ່ວນ ລົງຕິດຕາມສະພາບນໍ້າຖ້ວມ ຢູ່ 4 ບ້ານຂອງເມືອງນາກ...
23/07/2026

ພະອາຈານ ທິກກວນເຈົາ ເຈົ້າອາວາດວັດໂບ່ເດ່ ບ້ານສົມສະອາດ ເມືອງທ່າແຂກ ແຂວງຄໍາມ່ວນ ລົງຕິດຕາມສະພາບນໍ້າຖ້ວມ ຢູ່ 4 ບ້ານຂອງເມືອງນາກາຍ ພ້ອມທັງມອບເຄື່ອງຊ່ວຍເຫຼືອ ມູນຄ່າ 150,000,000 ກີບຊ່ວຍເຫຼືອຜູ້ປະສົບໄພ.
ໃນວັນທີ 22 ກໍລະກົດ 2026 ພະອາຈານ ທິກກວນເຈົາ ເຈົ້າອາວາດວັດໂບ່ເດ່ ບ້ານສົມສະອາດ ເມືອງທ່າແຂກ ແຂວງຄໍາມ່ວນ ພ້ອມດ້ວຍກຸ່ມປະຊາຊົນຊາວຫວຽດນາມ ເມືອງທ່າແຂກ ແລະ ກຸ່ມຍາດໂຍມ ພໍ່ອອກ, ແມ່ອອກ ປະຈໍາວັດໂບ່ເດ່ ໄດ້ມອບເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມ ແລະ ລົງພື້ນທີ່ຕິດຕາມສະພາບຜົນກະທົບຈາກໄພນໍ້າຖ້ວມຢູ່ບັນດາບ້ານຂອງເມືອງນາກາຍ ໂດຍມີຮອງເລຂາພັກເມືອງ ຮອງປະທານປະທານຄະນະກໍາມະການປົກຄອງເມືອງຄະນະກໍາມະການໄພພິບັດຂັ້ນເມືອງ, ຄະນະກໍາມະການປົກຄອງຕາແສງ ເມືອງຫຼວງ - ນາຕານ ແລະ ອໍານາດການປົກຄອງບ້ານຮ່ວມຕ້ອນຮັບ.
ໂອກາດນີ້ ພະອາຈານ ທິກກວນເຈົາ ເຈົ້າອາວາດວັດໂບ່ເດ່ ແລະ ທ່ານ ຄໍາຫວ່າງ ກິໄລວັນ ກໍາມະການພັກເມືອງ ຮອງປະທານຄະນະກໍາມະການປົກຄອງເມືອງ ປະທານຄະນະກໍາມະການຄຸ້ມຄອງໄພພິບັດຂັ້ນເມືອງ ຍັງໄດ້ລົງເຄື່ອນໄຫວຕິດຕາມຄອບຄົວທີ່ຖືກກະທົບພ້ອມມອບເຄື່ອງຊ່ວຍເຫຼືອໃຫ້ຜູ້ປະສົບໄພ ເປັນຕົ້ນ: ໝີ່, ເຂົ້າສານ, ນໍ້າດື່ມ ແລະ ເຄື່ອງນຸ່ງຮົ່ມ ມູນຄ່າທັງໝົດ 150,000,000 ກີບ. ເພື່ອຊ່ວຍເຫຼືອບັນເທົາຄວາມເດືອດຮ້ອນຂອງປະຊາຊົນທີ່ປະສົບໄພນໍ້າຖ້ວມຢູ່ 4 ບ້ານມີຄື: ບ້ານນາຕານ, ບ້ານຜາດ່າງ, ບ້ານນາຫ້າງ ແລະ ບ້ານທ່າຂັນແກ້ວ ຈໍານວນ 261 ຫຼັງຄາເຮືອນ 380 ຄອບຄົວ ພ້ອມນັ້ນກໍ່ຍັງໄດ້ແນະນໍາໃຫ້ການປົກຄອງບ້ານທັງ 4 ບ້ານນໍາເອົາເຄື່ອງຊ່ວຍເຫຼືອໃນຄັ້ງນີ້ໄປແຈກຢາຍໃຫ້ຄອບຄົວທີ່ຖືກກະທົບຈາກນໍ້າຖ້ວມໃຫ້ທົ່ວເຖິງທຸກຄອບຄົວ.
ໃນໂອກາດດຽວກັນ ທ່ານ ຄໍາຫວ່າງ ກິໄລວັນ ກໍາມະການພັກເມືອງ ຮອງປະທານຄະນະກໍາມະການປົກຄອງເມືອງ ປະທານຄະນະກໍາມະການຄຸ້ມຄອງໄພພິບັດຂັ້ນເມືອງ ຍັງໄດ້ຈັດກອງປະຊຸມຮ່ວມກັບປະທານຄະນະກໍາມະການປົກຄອງຕາແສງ ແລະ ການຈັດຕັ້ງບ້ານເພື່ອຟື້ນຟູພາຍຫຼັງນໍ້າແຫ້ງເຊັ່ນ: ການປັບປຸງລະບົບນໍ້າປະປາຊຸມຊົນ ແລະ ເກັບກໍາກວດກາຄືນຂໍ້ມູນຕ່າງໆທີ່ຖືກກະທົບພ້ອມທັງລາຍງານໃຫ້ກອງເລຂາຂັ້ນເມືອງຮັບຊາບ ແລະ ທັນເວລາ; ນອກນັ້ນກໍ່ຍັງໄດ້ລົງກວດກາຄວາມເສຍຫາຍກໍ່ຄືຂົວຂ້າມບ້ານ ລະຫວ່າງບ້ານນາຕານ ຫາ ບ້ານທ່າຂັນແກ້ວ ( ຂົວຫ້ວຍງົວ ) ທີ່ຖືກກະແສນໍ້າພັດຈົນເຮັດໃຫ້ຂົວດັ່ງກ່າວເປ່ເພ ເພື່ອຊອກວິທີແກ້ໄຂໃຫ້ທ່ວງທັນ.

ຮອງປະທານສະພາປະຊາຊົນແຂວງຄໍາມ່ວນພ້ອມຄະນະ ລົງເຄື່ອນໄຫວຕິດຕາມສະພາບນໍ້າຖ້ວມ ແລະ ມອບເຄື່ອງຊ່ວຍເຫຼືອ ຢູ່ເມືອງນາກາຍ ພ້ອມມອບເງິນ ...
17/07/2026

ຮອງປະທານສະພາປະຊາຊົນແຂວງຄໍາມ່ວນພ້ອມຄະນະ ລົງເຄື່ອນໄຫວຕິດຕາມສະພາບນໍ້າຖ້ວມ ແລະ ມອບເຄື່ອງຊ່ວຍເຫຼືອ ຢູ່ເມືອງນາກາຍ ພ້ອມມອບເງິນ 50,000,0000 ກີບຊ່ວຍເຫຼືອຜູ້ປະສົບໄພ.
ໃນວັນທີ 15 ກໍລະກົດ 2026 ທ່ານ ປອ ແກ້ວອຸດອນ ບຸດສິງຂອນ ຄະນະປະຈໍາພັກແຂວງ ຮອງປະທານສະ ພາປະຊາຊົນແຂວງຄໍາມ່ວນ ຜູ້ປະຈໍາການ ພ້ອມດ້ວຍຄະນະ ໄດ້ລົງພື້ນທີ່ຕິດຕາມສະພາບຜົນກະທົບຈາກໄພນໍ້າຖ້ວມຢູ່ບັນດາບ້ານຂອງເມືອງນາກາຍ ແລະ ມອບເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມ ໂດຍມີເລຂາພັກເມືອງ, ຮອງປະ ທານປະທານຄະນະກໍາມະການປົກຄອງເມືອງ, ຫ້ອງການອ້ອມຂ້າງເມືອງ, ຄະນະກໍາມະການປົກຄອງຕາແສງ ເມືອງຫຼວງ - ນາຕານ ແລະ ອໍານາດການປົກຄອງບ້ານຮ່ວມ.
ໃນການເຄື່ອນໄຫວຄະນະໄດ້ລົງເບິ່ງສະພາບຕົວຈິງ ຢູ່ເຂດບ້ານນາຕານຄື: ບ້ານຜາດ່າງ, ບ້ານນາຫ້າງ, ບ້ານນາຕານ ແລະ ບ້ານທ່າຂັນແກ້ວ ເຊິ່ງເປັນເຂດທີ່ໄດ້ຮັບຜົນກະທົບຈາກຝົນຕົກຕໍ່ເນື່ອງເຊິ່ງປະກອບມີ 328 ຄອບຄົວ, ບ່ອນພັກອາໃສໄດ້ຮັບຜົນກະທົບ 227 ຫຼັງຄາເຮືອນ ຕໍ່ກັບສະພາບການດັ່ງກ່າວ ອໍານາດການປົກຄອງແຂວງ ແລະ ອໍານາດການປົກຄອງເມືອງໄດ້ສຸມໃສ່ຊີ້ນໍາ ແລະ ແກ້ໄຂບັນເທົາທຸກຢ່າງຮີບດ່ວນ ນອກນັ້ນຍັງໄດ້ລະດົມ ເຂົ້າ, ອາຫານ ແລະ ນໍ້າດື່ມ ໃຫ້ປະຊາຊົນທີ່ຖືກກະທົບ ໃນການເຄື່ອນໄຫວໃນຄັ້ງນີ້ ປອ ແກ້ວອຸດອນ ບຸດສິງຂອນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງຄໍາມ່ວນ ຜູ້ປະຈໍາການ ຕາງໜ້າຄະນະນໍາຂັ້ນແຂວງໄດ້ມອບ ເຄື່ອງອຸປະໂພກ ແລະ ບໍລິໂພກ ມູນຄ່າ 50,000,000 ກີບ; ພ້ອມນັ້ນກໍ່ຍັງໄດ້ຮັບການອຸປະຖໍາຈາກບໍລິສັດ ບົວຫຼວງ ຂຸດຄົ້ນແຮ່ຊາຍ ຈໍາກັດ ເປັນຈໍານວນເງິນ 5,000,000 ກີບ ໃຫ້ແກ່ອໍານາດການປົກຄອງເມືອງນາກາຍ.
ພາຍຫຼັງມອບຮັບແລ້ວ ຄະນະນໍາກໍ່ໄດ້ລົງມອບເຄື່ອງຊ່ວຍເຫຼືອໃຫ້ແກ່ປະຊາຊົນທີ່ວັດບ້ານນາຕານ ປອ ແກ້ວອຸດອນ ບຸດສິງຂອນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງຄໍາມ່ວນ ຜູ້ປະຈໍາການ ໄດ້ມີຄໍາເຫັນໂອ້ລົມ ໃຫ້ແກ່ອໍານາດການປົກຄອງເມືອງເພີ່ມທະວີ ແລະ ເອົາໃຈໃສ່ ໃນການຕິດຕາມສະພາບຕົວຈິງຢ່າງໃກ້ຊິດເພື່ອປະສານງານໃນການຊ່ວຍເຫຼືອໃຫ້ທ່ວງທັນ ພ້ອມນັ້ນກໍ່ຍັງໃຫ້ການຈັດຕັ້ງບ້ານເພີ່ມທະວີຄວາມສາມັກຄີ ຊ່ວຍເຫຼືອເຊິ່ງກັນ ແລະ ກັນ.
ໃນໂອກາດດຽວກັນກໍ່ຍັງໄດ້ລົງຕິດຕາມເບິ່ງໂຮງໝໍນ້ອຍ ເພື່ອກວດກາດ້ານການບໍລິການສາທາລະນະສຸກ ແລະ ສະຖານທີ່ປຸກສ້າງຫ້ອງ ການຕາແສງຫຼັງໃໝ່ຢູ່ບ້ານກວນເພື່ອແກ້ໄຂບ່ອນເຮັດວຽກ ໃຫ້ແກ່ຄະນະກໍາມະການປົກຄອງຕາແສງ ເມືອງຫຼວງ - ນາຕານ ໃຫ້ມມີຄວາມສະດວກສະບາຍຂຶ້ນຕື່ມ.

ເມືອງນາກາຍ ແຂວງຄຳມ່ວນ ຈັດພິທີ ໂຄສະນາ-ປາຖະກະຖາ ເລົ່າມູນເຊື້ອວັນສໍາຄັນຂອງຊາດ ຂອງພັກ________________________ໃນຕອນເຊົ້າ ເວລາ...
15/07/2026

ເມືອງນາກາຍ ແຂວງຄຳມ່ວນ ຈັດພິທີ ໂຄສະນາ-ປາຖະກະຖາ ເລົ່າມູນເຊື້ອວັນສໍາຄັນຂອງຊາດ ຂອງພັກ
________________________
ໃນຕອນເຊົ້າ ເວລາ 8:00 ໂມງ ຂອງວັນທີ 15 ກໍລະກົດ 2026 ທີ່ສະໂມສອນເມືອງນາກາຍ ໄດ້ຈັດພິທີ
ໂຄສະນາປາຖະກະຖາ ເລົ່າມູນເຊື້ອວັນສຳຄັນຂອງຊາດຂອງພັກ ຂື້ນຢ່າງເປັນທາງການ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ນາງ ບົວກາ ແກ້ວມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າສະມາຊິກສະພາປະຊາຊົນ ປະຈໍາເມືອງນາກາຍ ພ້ອມດ້ວຍບັນດາທ່ານໃນຄະນະບໍລິຫານງານພັກເມືອງ, ຫົວໜ້າ,ຄະນະຫ້ອງການ ສະມາຊິກພັກ ພະນັກງານ ທະຫານ ຕຳຫຼວດ, ຄະນະບໍລິຫານງານສະຫະພັນແມ່ຍິງເມືອງ ພ້ອມດ້ວຍສະມາຊິກແມ່ຍິງອ້ອມຂ້າງເມືອງເຂົ້າຮ່ວມຢ່າງເປັນຂະບວນ.
​ພິທີໂຄສະນາປາຖະກະຖາວັນສໍາຄັນຂອງຊາດຂອງພັກ ໃນເທື່ອນີ້ ທີ່ປະຊຸມໄດ້ຮັບຟັງການເລົ່າມູນເຊື້ອການກຳ ເນີດ ແລະ ເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວ ຄົບຮອບ 71 ປີ ຈາກສະຫາຍຮອງປະທານສະຫະພັນແມ່ຍິງເມືອງ, ໄດ້ຮັບຟັງການໂຄສະນາ-ປາຖະກະຖາ ວັນເກີດ ປະທານ ສຸພານຸວົງ ຄົບຮອບ 117 ປີ ( 13/7/1909-13/7/2026), ວັນເຊັນສົນທິສັຍາມິດຕະພາບການຮ່ວມມື ຄົບຮອບ 49 ປີ ( 18/7/1977-18/7/2026) ແລະ ໄດ້ຮັບຟັງການເລົ່າມູນເຊື້ອ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 64 ປີ ( 05/9/1962-05/9/2026 ) ຈາກ ທ່ານ ຫົວໜ້າຄະນະໂຄສະນາອົບຮົມເມືອງນາກາຍ.
​ຫຼັງຈາກໄດ້ຮັບຟັງການເລົ່າມູນເຊື້ອວັນສຳຄັນດັ່ງກ່າວແລ້ວ ໃນຕອນທ້າຍ ທ່ານ ນາງ ບົວກາ ແກ້ວມະນີ ກຳມະ ການພັກແຂວງ ເລຂາຄະນະບໍລິຫານງານພັກເມືອງ ໃນນາມປະທານກອງປະຊຸມ ໄດ້ມີທັດສະນະຄໍາຄິດຄໍາເຫັນໂອ້ລົມ ໂດຍທ່ານ ໄດ້ເນັ້ນໜັກໃນຫຼາຍບັນຫາ ເປັນຕົ້ນແມ່ນ ຄະນະບໍລິຫານງານສະຫະພັນແມ່ຍິງເມືອງ ຕ້ອງໄດ້ເອົາໃຈໃສ່ໃນການປຸກລະດົມຂົນຂວາຍເອື້ອຍນ້ອງແມ່ຍິງເຂົ້າຮ່ວມປະກອບສ່ວນໃນການສ້າງສາພັດທະນາປະເທດຊາດ ພ້ອມເຕົ້າ ໂຮມຄວາມສາມັກຄີຂອງເອື້ອຍນ້ອງແມ່ຍິງບັນດາເຜົ່າໃຫ້ເປັນປຶກແຜນແໜ້ນໜາ ເພື່ອພ້ອມກັນສ້າງຄວາມເຂັ້ມແຂງໃນທຸກດ້ານ. ນອກນັ້ນ ທ່ານຍັງໄດ້ຍົກໃຫ້ເຫັນການຮ່ວມມື ປະກອບສ່ວນຊ່ວຍເຫຼືອເຊິ່ງກັນແລະກັນໃນທຸກດ້ານ ຂອງສອງພັກສອງລັດ ລາວ-ຫວຽດນາມ ທ່ານຍັງໄດ້ຍົກໃຫ້ເຫັນຄວາມໝາຍຄວາມສໍາຄັນຂອງສົນທິສັນຍາມິດຕະພາບການຮ່ວມມື, ສາຍພົວພັນການທູດລາວ-ຫວຽດນາມອີກດ້ວຍ ພ້ອມດຽວກັນນັ້ນ ທ່ານຍັງໄດ້ເນັ້ນໜັກໃຫ້ທຸກພາກສ່ວນພ້ອມກັນນຳເອົາບົດຮຽນອັນລໍ້າຄ່າຂອງທ່ານ ປະທານ ສຸພານຸວົງ ມາໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຕົວຈິງໃນປະຈຸບັນ.
​ພາບ-ຂ່າວ: ໄໝ່ສະກຸນ ວໍລະລຸນ 99222616
​ກວດ-ແກ້: ຈັນໄທ ແກ້ວວິເສດ 22177601

Address

Vieng-Chan
12800

Telephone

+8562055039308

Website

Alerts

Be the first to know and let us send you an email when FM98.0 radio posts news and promotions. Your email address will not be used for any other purpose, and you can unsubscribe at any time.

Shortcuts

Share

Category