The Next Stories

02/10/2025

ແຂວງໜອງຄາຍ ໂດຍສຳນັກງານປະຊາສຳພັນແຂວງຫນອງຄາຍ ຂໍເຊີນຊວນທ່ຽວເທດສະການອອກພັນສາ ແລະ ບັ້ງໄຟພະຍານາກໂລກ ປະຈຳປີ 2025 Miracle of NAGA: The essence of Nongkhai 2025 ເຊິ່ງແຂວງຫນອງຄາຍໄດ້ຈັດກິດຈະກຳດ້ານສິລະປະວັດທະນະທຳປະເພນີອອກພັນສາ ແລະ ຄວາມບັນເທີງຫຼາກຫຼາຍ ລະຫວ່າງວັນທີ 4 ເຖິງ 8 ຕຸລາ 2025, ທຸກໆເມືອງທີ່ຢູ່ລຽບຕາມແຄມແມ່ນ້ຳຂອງ ປະກອບດ້ວຍເມືອງຫນອງຄາຍ, ເມືອງໂພນພິໄສ, ເມືອງສີຊຽງໃຫມ່, ເມືອງສັງຄົມ, ເມືອງຣັດຕະນະວາປີ ແລະ ເມືອງທ່າບໍ່. ລວມ 6 ເມືອງ, ໂດຍມີກິດຈະກຳທີ່ຫນ້າສົນໃຈປະກອບດ້ວຍ: ຮັບຊົມຂະບວນແຫ່ເຄື່ອງສັກກາລະອົງພະຍານາກ ແລະ ຂະບວນວັດທະນະທຳການອະນຸລັກພູມປັນຍາທ້ອງຖິ່ນການລອຍກະໂທງກາບກ້ວຍ, ລອຍກະໂປະໄຟ ແລະ ໄຫຼເຮືອໄຟ, ການສະແດງແສງສີສຽງ ເປີດຕຳນານບັ້ງໄຟພະຍານາກ, ການແຫ່ຜາສາດເຜິ້ງທາງນ້ຳແບບບູຮານ, ພິທີຟ້ອນບວງສວາງອົງພະຍານາກຄະຣາດ ແລະ ພິທີເປີດງານພ້ອມກັນທັງ 4ເມືອງ ໃນວັນທີ 4 ຕຸລາ 2025 ເວລາ 18:00ໂມງ.
ວັນທີ 8 ຕຸລາ ພິທີໃສ່ບາດເທໂວ ທີ່ພຸດທະອຸທະຍານ ເມືອງໂພນພິໄສ, ມີດາລາ-ສິລະປິນຄົນດັງເຊັ່ນ: ພິງກີ້ ສາວິກາ ແລະ ເດນິສ ເຈລິນຊາ ຄັບປຸນ ຮ່ວມບວງສວາງໃນປີນີ້ດ້ວຍ.
ເຊີນຮ່ວມພິສູດປາກົດການຄັ້ງຍິ່ງໃຫຍ່ມະຫັດສະຈັນບັ້ງໄຟພະຍານາກຂຶ້ນກາງແມ່ນ້ຳຂອງ ປາກົດການໜຶ່ງດຽວໃນໂລກທີ່ຍັງບໍ່ສາມາດພິສູດໄດ້ທາງວິທະຍາສາດ ໃນມື້ອອກພັນສາ ຂຶ້ນ15ຄ່ຳເດືອນ11 ກົງກັບວັນອັງຄານ ທີ 7 ຕຸລາ 2025ນີ້ ທີ່ແຂວງຫນອງຄາຍ
ໂດຍສາມາດຕີດຕາມລາຍລະອຽດການຈັດງານ ລວມເຖິງວາລະການຈັດງານ ແລະ ຈຸດຊົມບັ້ງໄຟພະຍານາກໄດ້ທີ່ ເຟສບຸກເພຈ “บั้งไฟพญานาคโลกหนองคาย”, ເພຈ “PR.Nongkhai สำนักงานประชาสัมพันธ์ จังหวัดหนองคาย“ ແລະ ເວັບໄຊ “Nong Khai Map Muang” ຫຼື ສະແກນຄິວອາໂຄດໄດ້ເລີຍ.

#เทศกาลออกพรรษาและประเพณีบั้งไฟพญานาคโลก2568
#จังหวัดหนองคาย
#สำนักงานประชาสัมพันธ์จังหวัดหนองคาย

24/09/2025

📍ສຸດຍອດຄວາມອາລັງການ 12 ວັນ 12ຄຶນ ສາລາກາງຈັງຫວັດ ເເລະ ເເຄມຟັງຂອງ ນະຄອນພະນົມ

ກະຊ່ວງວັດທະນະທຳ ຮ່ວມກັບຈັງຫວັດນະຄອນພະນົມ ເເລະໜ່ວຍງານທຸກພາກສ່ວນຂໍເຊີນຊວນທຸກທ່ານຮ່ວມສຳພັດຄວາມຍີ່ງໃຫຍ່ໜື່ງດຽວໃນໂລກໃນງານປະເພນີໄລເຮືອໄຟ ເເລະງານກາຊາດຈັງຫວັດນະຄອນພະນົມ 27 ກັນຍາ ຮອດ 8 ຕຸລາ

ສະຖານທີຈັດຢູ່ ສາລາກາງຈັງຫວັດ ເເລະ ເເຄມຟັງຂອງ ນະຄອນພະນົມ
✨ສຸດຍອດຄວາມອາລັງການທີທຸກຄົນຕະລືງ 12 ວັນ 12ຄຶນ ເເລະພົບກັບກິດ
ຈະກຳພາຍໃນງານ
🌟ມະຫາກຳໄລເຮືອໄຟໂລກ
🌟ການສະເເດງເເສງ ສີ ສຽງ ນຳ້ຕົກ ເເລະ ບັ້ງພຸຮັກໂລກ
🌟ຂະບວນແຫ່ເຮຶອໄຟເທິງບົກ9ຂະບວນ ແລະຫຼາຍກວ່າ900ຊິວິດ
🌟 ການສະເເດງບີນໂດນເປັນໂຕອັກສອນເທີງອາກາດສຸດຕະລືງຕາ

ສຳພັດມົນສະເນ່ແຫ່ງສາຍນຳ້ຂອງແສງໄຟເເຫ່ງສັດທາ

“ແລ້ວພົບກັນເດີ ທີນະຄອນພະນົມ”

#กระทรวงวัฒนธรรม
#มหกรรมไหลเรือไฟไทยสู่เรื่อไฟโลก
#จังหวัดนครพนม
#สำนักงานวัฒนธรรมจังหวัดนครพนม

17/08/2025

ຊຽງຂວາງກຽມຝຶກວິຊາຄູປະຖົມໃຫ້ທະຫານ 100 ກວ່າຄົນ
--------------------------------
ວັນທີ 17.08.2025 ນີ້, ສະຫາຍ ພັນໂທ ຄຳພັນ ອິນລາວົງ ຫົວໜ້າພະແນກວັດຖຸ ກົມໂຮງຮຽນ ກົມໃຫຍ່ເສນາທິການກອງທັບ ໃຫ້ຮູ້ວ່າ: ໄດ້ກະກຽມ ສຳລັບພິທີເປີດຊຸດອົບຮົມວິຊາຄູຊັ້ນປະຖົມສຶກສາໃຫ້ແກ່ພະນັກງານ-ນັກຮົບໄປຊ່ວຍສິດສອນຢູ່ເຂດຫ່າງໄກສອກຫຼີກ ຊຸດທີ III ຈະຈັດຂຶ້ນທີ່ວິທະຍາໄລເຕັກນິກວິຊາຊີບແບບປະສົມແຂວງຊຽງຂວາງ;
ພາຍຫຼັງ ທີ່ໄດ້ຮັບການມອບໝາຍຈາກຂັ້ນເທິງ, ແຕ່ລະພາກສ່ວນ, ບັນດາອະນຸກຳມະການ ໄດ້ຮີບ ຮ້ອນສັງລວມ ແລະສ້າງແຜນການ, ເອກະສານ ທີ່ກ່ຽວຂ້ອງຕ່າງໆ, ທັງປະສານສົມທົບ ກັບກະຊວງສຶກ ສາທິການ ແລະ ກິລາກໍ່ຄືຄະນະອຳ ນວຍການ ວິທະຍາໄລຄູຄັງໄຂ, ຄະ ນະອຳນວຍວິທະຍາໄລເຕັກນິກວິ ຊາຊາຊີບແຂວງຊຽງຂວາງ, ມາ ຮອດປັດຈຸບັນ, ວຽກງານການກະກຽມຄວາມພ້ອມແຕ່ລະດ້ານ ເປັນຕົ້ນ ແຜນການດ້ານເນື້ອໃນ, ບົດສອນ, ດ້ານງົບປະມານ, ອຸປະ ກອນຮັບໃຊ້, ສະຖານທີ່ພັກເຊົາ, ຫ້ອງຮຽນ, ຫ້ອງອາຫານ ແລະ ໜ້າວຽກອື່ນໆ ທີ່ກ່ຽວຂ້ອງ ເຫັນວ່າມີພ້ອມ 100% ແລະ ມີນັກເຝິກອົບ ຮົມ ໄດ້ເດີນທາງມາຮອດສະຖານ ທີ່ພັກເຊົາເປັນທີ່ຮຽບຮ້ອຍ.
ສຳລັບຊຸດອົບຮົມວິຊາຄູຊັ້ນປະຖົມສຶກສາໃຫ້ແກ່ພະນັກງານ-ນັກຮົບໄປຊ່ວຍສິດສອນຢູ່ເຂດຫ່າງໄກສອກຫຼີກ ຊຸດທີ III ຈະຈັດຂຶ້ນໃນລະຫວ່າງວັນທີ 18-26 ສິງຫາ 2025 ນີ້ ເຊິ່ງຈະມີນັກເຝິກອົບຮົມຈຳນວນທັງໝົດ 117 ສະຫາຍ ມາ ຈາກແຂວງຊຽງຂວາງ, ຫົວພັນ ແລະ ແຂວງບໍລິຄຳໄຊ.

17/08/2025

ບໍ່ແມ່ນທຸກຄົນຈະໂຊກດີ ການຮຽນແມ່ນທາງປອດໄພທີ່ສຸດໃຫ້ເຮົາເລືອກໄດ້ໃນວັນຂ້າງໜ້າ

14/08/2025

🔹ບັນດາທ່ານລັດຖະມົນຕີກະຊວງການເງິນ ແຕ່ອາດີດທີ່ມີການກຳເນີດລະບົບການເງິນຂອງປະເທດເຮົາແຕ່ ປີ 1950 ເຖິງ ປັດຈຸບັນ.

14/08/2025

ຮູ້ຈັກ 27 ຄະນະບໍລິຫານງານພັກກະຊວງ ປ້ອງກັນຄວາມສະຫງົບ ສະໄໝທີ VI ໂດຍແມ່ນ ສະຫາຍ ພົນເອກ ວິໄລ ຫຼ້າຄຳຟອງ ເປັນເລຂາ

11/08/2025

ຟັງຄວາມຮູ້ສຶກ ນ້ອງ ເທບເທວາ ( ແດນນີ້ ) ຈາກ RNS ລາວ ຜ່ານການຄັດເລືອກ ເຂົ້າເປັນນັກເຕະບານເຍົາວະຊົນ 2 ສະໂມສອນ ທີ່ ວໍຊິງຕັນ USA 🇺🇲⚽️

ຜົນການຄັດຕົວນັກກິລາບານເຕະ ຂອງ ນ້ອງ ເທບເທວາ ສຸວັນນະເມທີ ( ນ້ອງແດນນີ້ ) ອາຍຸ 11 ປີ, ນັກເຕະບານເຍົາວະຊົນຂອງສະໂມສອນ RNS Academy 🇱🇦⚽️ ທີ່ໄດ້ໄປ Tryout ຫຼືວ່າ ການຄັດຕົວເຂົ້າທີມບານເຕະ ໃນ 2 ສະໂມສອນຊັ້ນນຳ ໃນລຸ້ນອາຍຸບໍ່ເກີນ 12 ປີ ຄື: ສະໂມສອນ Valor Soccer ແລະ ສະໂມສອນ Seattle United ທີ່ Seattle, Washington, USA 🇺🇲⚽️ ນະຄອນຊີແອັດເທິນ, ລັດວໍຊີງຕັນ, ປະເທດສາຫະລັດອາເມລິກາ 🇺🇲. ແມ່ນຜ່ານພົ້ນ ແລະຈົບລົງໄປດ້ວຍດີ ພາຍໃຕ້ກຳລັງໃຈຈາກກອງເຊຍ ພີ່ນ້ອງຊາວລາວທັງຢູ່ໃນສາຫະລັດອາເມລິກາ ແລະ ສປປ ລາວ ❤️.

11/08/2025

26/05/2025

ມີຄວາມຮັກຊາດອັນດູດດື່ມ, ຫຼານນ້ອຍຢຸດໄຫ້ຊົ່ວຄາວ ຂໍເຄົາລົບທຸງຊາດກ່ອນແປບ🥰🥰

20/05/2025

ເຕືອນສະຕິ ຄົນມັກໄປໄທ ປ້ອງກັນການຖືກເອີ້ນເຂົ້າຫ້ອງນ້ອຍ
-------------------------------------
👉ອ່ານໃຫ້ຈົບເພື່ອຈະໄດ້ຮຽນຮູ້ ແລະ ມີສະຕິ👇
ຂໍອະນຸຍາດແຊລ ປະສົບການ ຕິດ ຕ.ມ ສະໜາມບິນສຸວັນນະພູມ
(ຝາກເປັນບົດຮຽນ ເຕືອນ ໝູ່ໆ ພີ່ນ້ອງ ເພື່ອໃຫ້ມີສະຕິຕື່ມ)
ເລື່ອງມີຢູ່ວ່າວັນທີ 17.05.2025 ຂ້ອຍ ແລະ ຜົວ ໄດ້ເດີນທາງ ອອກຈາກ ສະໜາມບິນວັດໄຕ ດ້ວຍຖ້ຽວບິນ QV441 ເວລາ 11:35 ຮອດສຸວັນນະພູມ 13:30 (ກ່ອນມື້ເດີນທາງແມ່ນໄດ້ລົງທະບຽນ TDAC ເປັນທີ່ຮຽບຮ້ອຍຕາມລະບຽບໃໝ່ເພິ່ນ ເພາະເຮົາໃຊ້ ພາສປອດໃນການເຂົ້າກຸງເທບ).
ເລົ່າຍ້ອນກັບໄປກ່ອນວ່າ ປົກກະຕິ ຂ້ອຍ ແລະ ຜົວ ມັກຈະເດີນທາງຂ້າມ ໄປອຸດອນ ໜອງຄາຍເປັນປະຈໍາ ໂດຍການໃຊ້ປຶ້ມຜ່ານແດນ ຫົວສີຟ້າ (ເດືອນ 1 ໄປປະມານ 2-3 ຄັ້ງ ເພາະມີລູກນ້ອຍຕ້ອງພາລູກໄປສັກຢາ ແລະ ພາພໍ່ແມ່ໄປກວດ) ຊິ່ງຄັ້ງລ່າສຸດແມ່ນເດີນທາງ ໄປອຸດອນວັນທີ 10.05.2025 ເຊິ່ງມີທັງໝົດ 4 ຄົນທີ່ໄປ ມີ ຂ້ອຍ ຜົວ ພໍ່ ແລະ ແມ່.
ຕັດພາບມື້ເກີດເຫດການ ວັນທີ 17.05.2025 ຜົວຂ້ອຍ ແລະ ຂ້ອຍແຈ້ງເຂົ້າ ຕມ ສຸວັນນະພູມຕາມປົກກະຕິ, ຜົວແຈ້ງກ່ອນກະຜ່ານໄປບໍ່ມີຫຍັງ ແຕ່ຮອດຕອນຂ້ອຍແຈ້ງ ແມ່ນບໍ່ຜ່ານ ເຊິ່ງທາງ ຕມ ແຈ້ງວ່າ ໃນລະບົບ ຕມ ໄທແມ່ນຂ້ອຍເດີນທາງເຂົ້າທາງຊາຍແດນໜອງຄາຍວັນທີ 10.05.2025 ແລ້ວຍັງບໍ່ມີແຈ້ງອອກໃນລະບົບ ຫຼັງຈາກນັ້ນ ຕມ ໄທ ເພິ່ນກະເຊີນເຂົ້າຫ້ອງນ້ອຍ ແລ້ວກະໄປພົບກັບເຈົ້າໜ້າທີ່ ຕມ ອີກຄົນໜຶ່ງ. ເມື່ອພົບກັບເພິ່ນ ຂ້ອຍກະສະບາຍດີ ລາວກະໃຊ້ທ່າທາງ ສຽງເຂັ້ມໃສ່ຂ້ອຍ ວ່າເຈົ້າມາເຮັດຫຍັງ ຮູ້ບໍ່ວ່າເຈົ້າເຂົ້າປະເທດຂ້ອຍລະຍັງບໍ່ແຈ້ງອອກ ລະບົບມັນແຈ້ງ ສະນັ້ນເຈົ້າຕ້ອງເອົາສະແຕມຈໍ້າເຂົ້າ-ອອກມາໃຫ້ຂ້ອຍເບິ່ງ (ສະແຕມດັ່ງກ່າວ ແມ່ນຢູ່ໃນປຶ້ມຜ່ານແດນ) ຖ້າເຈົ້າບໍ່ມີຫຼັກຖານ ແມ່ນຂ້ອຍຕ້ອງສົ່ງເຈົ້າກັບ.
ດ້ວຍຄວາມທີ່ເຮົາອາດຈະຊວຍແດ່ ຫລື ແນວໃດ ພາຍຫຼັງທີຂ້ອຍກັບມາແຕ່ອຸດອນ ວັນທີ 10/05/2025 ຂ້ອຍໄດ້ເອົາປຶ້ມຫົວເກົ່າ (ທີ່ຈະໝົດອາຍຸວັນທີ 05/06/2025) ໄປ ປ່ຽນຫົວໃໝ່ ແລ້ວທາງຕໍາຫຼວດລາວເພິ່ນເກັບຫົວເກົ່າໄວ້ເລີຍ.
ຂ້ອຍກະໄດ້ອະທິບາຍກັບອ້າຍ ຕມ ສຸວັນນະພູມ ວ່າປຶ້ມຜ່ານແດນຂ້ອຍໄປຕໍ່ໃໝ່ ເຊິ່ງຫົວເກົ່າແມ່ນເພິ່ນເກັບມ້ຽນ ບວກກັບມື້ນີ້ວັນເສົາ ເພິ່ນບໍ່ເຮັດວຽກ ຊິຊອກໃຫ້ກະບໍ່ໄດ້ ຫ້ອງການເພິ່ນກະປິດ, ແລ້ວຂ້ອຍມາກຸງເທບ ແມ່ນມີນັດໝໍ ກະອະທິບາຍໄປ ຍັງເວົ້າບໍ່ຈົບ ທ້າວກະສາດອາລົມອັນຮ້າຍກາດມາໃສ່ຂ້ອຍວ່າ ມາບອກລາວເຮັດຫຍັງ? ຊິມາຫາໝໍຫາຫຍັງກະເລື່ອງຂອງເຈົ້າ ປະເດັນເຈົ້າມີສະແຕມບໍ່ ເຈົ້າຄືບໍ່ຖ່າຍໄວ້ກ່ອນມາ !!! ເຈົ້າຊິເຂົ້າປະເທດຂ້ອຍເຈົ້າຊິມາແບບນີ້ມັນບໍ່ໄດ້!!!! ... ອ້າວວວ ທ້າວນີ້ ຂ້ອຍກະຫາຊິອະທິບາຍກີ້ນີ້ ຊິເອົາແຕ່ຄວາມດຽວບໍ່ຟັງໜ້າຟັງຫຼັງຫຍັງ ແລະ ຂ້ອຍໝັ້ນໃຈວ່າຂ້ອຍມີສະແຕັມເຂົ້າ-ອອກຄົບ
ແຕ່ລະບົບເຈົ້າມັນເປັນຫຍັງ ຂ້ອຍຊິກວດໄດ້ແນວໃດ ວ່າທາງເຈົ້າໜ້າທີ່ພວກເຈົ້າ ເອົາຂ້ອຍເຂົ້າອອກລະບົບຖືກຕ້ອງບໍ່? ມັນບໍ່ແມ່ນຄວາມຜິດຂ້ອຍ ລະມາເວົ້າຈາແບບຄືດູຖູກ ປານເຮົາເປັນຄົນເຖື່ອນ ມັນແມ່ນຢູ່ບໍ ທັ້ງໆ ທີ່ມັນເປັນຄວາມຜິດພາດ ຄວາມມັກງ່າຍ ຫລື ຄວາມຂີ້ຄ້ານ ຫລື ລະບົບພວກເຈົ້າບໍ່ປະສິດທິພາບ ເຮັດໃຫ້ມັນແຈ້ງວ່າຂ້ອຍຍັງບໍ່ແຈ້ງອອກປະເທດ. ທ້າວກະເວົ້າແຕ່ຄວາມດຽວ ວ່າຊິສົ່ງຂ້ອຍກັບ ຍ້ອນບໍ່ມີສະແຕັມ ຂ້ອຍກະໄດ້ຂໍວ່າຖ້າກ່ອນຊິຊອກມາໃຫ້ ແລະ ພະຍາຍາມປະສານໄປຝັ່ງລາວ ໃຊ້ເວລາໄປປະມານ 2 ຊົ່ວໂມງເຄິ່ງ ທາງ ຕໍາຫຼວດລາວຢູ່ດ່ານ ເພິ່ນກະໄດ້ກວດຝັ່ງແຈ້ງຄົນເຂົ້າຂອງລະບົບ ຕມ ລາວຜ່ານ ບາໂຄດປຶ້ມຂ້ອຍ ກະເຫັນວ່າທາງລາວແມ່ນຂ້ອຍແຈ້ງເຂົ້າປະເທດເປັນທີ່ຮຽບຮ້ອຍຕັ້ງແຕ່ວັນທີ 10/05/2025 ແລ້ວ ແຕ່ທາງໄທ ເປັນຫຍັງຄືຍັງບໍ່ມີແຈ້ງອອກ? ພວກເພິ່ນກະວຸ້ນກັນ ສຸດທ້າຍກະຍອມຮັບວ່າທາງເພິ່ນຜິດແທ້ ແຕ່ກະຍັງມາຮ້າຍຂ້ອຍຄືນອີກ ວ່າຂ້ອຍຕ້ອງຖ່າຍຮູບສະແຕມເຂົ້າອອກ ທຸກຄັ້ງ ຊັ້ນກະຖືປຶ້ມຜ່ານແດນມາພ້ອມ (ທ້າວຍັງໃຊ້ກິລິຍາ ແລະ ຄໍາເວົ້າທີ່ດູຖູກ ແລະ ຢຽດຢາມເຮົາ ເຮັດອາລົມຮ້າຍໃສ່ເຮົາ)
ສຸດທ້າຍນີ້ ກະຢາກແຊລປະສົບການນີ້ໃຫ້ທຸກຄົນໄດ້ຮັບຮູ້ ເພື່ອບໍ່ໃຫ້ໄດ້ໄປເສຍເວລາ ເສຍຄວາມຮູ້ສຶກກັບເຫດການແບບນີ້ ເວລາ ຂ້າມໄປອຸດອນໜອງຄາຍ ໃຫ້ກວດ ສະແຕມປຶ້ມຜ່ານແດນເຮົາ ແລະ ປຶ້ມລົດ ດີດີທັງຝັ່ງລາວ ແລະ ໄທ ວ່າເພິ່ນຈໍ້າໃຫ້ຄົບໝົດລະບໍ່ ເພາະບາງຄັ້ງໄປຫລາຍຄົນປຶ້ມຫຼາຍຫົວ ເພິ່ນກະລືມຈໍ້າ. ແລະ ເກັບປຶ້ມຜ່ານແດນເຮົາໄວ້ ຖ້າໄປຕໍ່ໃໝ່ ກະໃຫ້ຂໍເຫຼັ້ມເກົ່າກັບມາພ້ອມ ເພື່ອເກີດເຫດການແບບນີ້ ເສຍເວລາກະບໍ່ວ່າ ແຕ່ເຈົ້າໜ້າທີ່ທາງໄທ ກະຄວນຟັງເຫດຜົນກວ່ານີ້ ໃຈເຢັນລົງ ຄ່ອຍລົມກະໄດ້ເປັນປະເທດບ້ານໃກ້ເຮືອນຄຽງ ທັ້ງໆ ທີ່ຄວາມຜິດກະແມ່ນຄົນຂອງພວກເຈົ້າເອງ ພວກເຈົ້າກະຄວນແກ້ໄຂປັບປຸງຂອດຂັ້ນພາຍໃນຂອງພວກເຈົ້າພ້ອມ ການທີ່ຈະແກ້ປາຍເຫດ ໂດຍການໃຫ້ຄົນລາວເຮົາຖ່າຍປຶ້ມຜ່ານແດນທຸກຄັ້ງທີ່ເຂົ້າອອກ ມັນບໍ່ແມ່ນການແກ້ໄຂທີ່ຖືກຕ້ອງ. ແລ້ວເຈົ້າໜ້າທີ ຕມ ໄທ ກະບອກເອງວ່າຊ່ວງນີ້ ເຈິ case ແບບຂ້ອຍຫລາຍ ມື້ຫນຶ່ງ 1-2 ຄົນ.
ປລ. ມື້ນີ້ວັນຈັນ ຂ້ອຍໄດ້ເອົາປຶ້ມຜ່ານແດນຫົວເກົ່າມາຈາກ ຕໍາຫຼວດລາວ ແລ້ວ.. ຂ້ອຍຢາກເຈິເຈົ້າອີກເດທ້າວ ຕມ ສຸວັນນະພູມ ສະຫຼຸບແມ່ນ ເສຍຄວາມຮູ້ສຶກຫຼາຍ!
📍 ຢ້ຳອີກຄັ້ງ ປຶ້ມຂ້ອຍມີສະແຕມຈໍ້າເຂົ້າ-ອອກຄົບ ແຕ່ໃນລະບົບທີ່ສະແກນບາໂຄດ ແມ່ນ ເຈົ້າໜ້າທີ່ເພິ່ນ ບໍ່ສະແກນບາໂຄດໃຫ້ ໃນລະບົບມັນຈັ່ງທ້ວງວ່າຂ້ອຍຍັງບໍ່ທັງອອກປະເທດໄທ
ຂອບໃຈທີ່ອ່ານຈົບ ຂໍບໍ່ໃຫ້ເກີດກັບໃຜ