We Go Green LAOS

20/05/2022

ໃນລັດອັສສຳ ປະເທດອິນເດຍ ໂຮງຮຽນ Akshar Forum ມີນັກຮຽນປະມານ 100 ຄົນ ເພາະວ່າສ່ວນໃຫຍ່ນັກຮຽນຈະອອກຈາກໂຮງຮຽນເພື່ອໄປຫາເງິນຊ່ວຍຄອບຄົວ ເຂົາເຈົ້າບໍ່ມີເງິນພໍທີ່ຈະຈ່າຍຄ່າເທີມ. ດ້ວຍເຫດນັ້ນທາງໂຮງຮຽນຈຶ່ງຄິດຫາວິທີທີ່ໃຫ້ນັກຮຽນທຸກຄົນສາມາດເຂົ້າເຖິງການສຶກສາທີ່ດີ ມີອຸປະກອນການຮຽນທີ່ດີ ແລະ ມີທັກສະທີ່ນັກຮຽນສາດໃຊ້ໄດ້ໃນຊີວິດຈິງ.
ພວກເຂົາໄດ້ແນວຄວາມຄິດທີ່ເຮັດໃຫ້ຜູ້ປົກຄອງສາມາດສະບາຍໃຈເລື່ອງຄ່າເທີມໄດ້ ນັ້ນແມ່ນ ການນຳຂີ້ເຫຍື້ອມາແລກເປັນຄ່າຮຽນ ນັກຮຽນຕ້ອງນຳຂີ້ເຫຍື້ອພລາສຕິກແບບໃຊ້ເທື່ອດຽວຖິ້ມຈາກບ້ານຂອງຕົນເອງມາແລກກັບທາງໂຮງຮຽນຢ່າງໜ້ອຍ 25 ອັນຕໍ່ໍອາທິດ ແຕ່ຜູ້ປົກຄອງຂອງນັກຮຽນຕ້ອງຮ່ວມເຮັດສັນຍາວ່າ ຈະບໍ່ເຜົາຂີ້ເຫຍື້ອພລາສຕິກອີກດ້ວຍ.
ທາງໂຮງຮຽນຍັງຫາລາຍໄດ້ເສີມໃຫ້ນັກຮຽນໂດຍການອະນຸຍາດໃຫ້ພວກເຂົາເຮັດວຽກພາດໄທມ໌ນຳໂຮງຮຽນເຊັ່ນ: ເຮັດວຽກທີ່ສູນຄັດແຍກຂີ້ເຫຍື້ອຂອງໂຮງຮຽນ, ເອົາຂີ້ເຫຍື້ອມາເຮັດເປັນ Ecobrick ຫຼື ຂີ້ເຫຍື້ອທີ່ບັນຈຸອັດໄວ້ໃນກະຕຸກນ້ຳພລາສຕິກເພື່ອເຮັດເປັນວັດສະດຸກໍ່ສ້າງ.
ປາມິຕາ ຊາມາ ຜູ້ທີ່ຮ່ວມກໍ່ຕັ້ງໂຮງຮຽນໄດ້ກ່າວວ່າ “ເຮົາຫວັງວ່າ ເດັກນັກຮຽນຈະມີທັກສະຫຼາຍພໍທີ່ຈະຢືນໄດ້ດ້ວຍຂາຕົນເອງ ເຮົາກຳລັງພະຍາຍາມພັດທະນາແບບຈຳລອງ ເຊິ່ງເຮົາເລີ່ມຈາກໃຫ້ການສຶກສາໄປຮອດການຈ້າງວຽກ”
ຂອບໃຈຂໍ້ມູນຈາກ:
- https://cutt.ly/FHUvgLI
- https://cutt.ly/QHUvoSi
————————————————
ສາມາດຕິດຕາມ Lao X ໄດ້ທຸກຊ່ອງທາງທີ່:
•Website: https://laox.la/
•YouTube: https://bit.ly/3sPPpdm
•Instagram: https://bit.ly/3dyExKf
•Twitter: https://bit.ly/2OrXTZe
•TikTok: https://bit.ly/3sLSATf
•Spotify: https://spoti.fi/2PZJvrf
•Apple Podcast: https://apple.co/31NgrWY
•Google Podcast: https://bit.ly/3fEiWD3

#ອິນເດຍ #ຂີ້ເຫຍື້ອ #ພລາສຕິກ

04/01/2021

ບັນຫາຂີ້ເຫຍື້ອໃນນະຄອນຫລວງ

💡 ທ່ານຮູ້ຫຼືບໍ່ວ່າ ຂີ້ເຫຍື້ອຈາກຄົວເຮືອນ ສໍານັກງານອົງການ ໂຮງຈັກ ໂຮງງານຕ່າງໆ ໃນນະຄອນຫຼວງວຽງຈັນ ກໍ່ໃຫ້ມີ ການເກີດຂຶ້ນຂອງຂີ້ເຫຍື້ອ ປະມານ 500-600 ໂຕນຕໍ່ມື້ ຫຼືປະມານ 200,000 ໂຕນຕໍ່ປີ !!! ຂີ້ເຫຍື້ອຈໍານວນນີ້ ສາມາດນໍາໄປບໍາບັດ ແລະຖິ້ມຢູ່ສະໜາມຂີ້ເຫຍື້ອ ຫລັກ 32ໄດ້ພຽງແຕ່ 300-350 ໂຕນ ຫຼື ປະມານ 50% ຂອງປະລິມານຂີ້ເຫຍື້ອທີ່ເກີດຂຶ້ນ ທັງໝົດຕໍ່ມື້. ສ່ວນອີກ 50% ຂອງຂີ້ເຫຍື້ອທີ່ຍັງເຫຼືອ ແມ່ນຖືກ ລັກເອົາໄປຖິ້ມຊະຊາຍ, ຖູກເຜົາ ຈູດ, ລົມພັດປິວ ຫຼື ໄຫຼໄປກັບກະແສນໍ້າຕ່າງໆ.

ສະຫຼຸບລວມແລ້ວ ຄົນນະຄອນຫຼວງວຽງຈັນ 1 ຄົນ ກໍ່ໃຫ້ມີຂີ້ເຫຍື້ອເກີດຂຶ້ນ ປະມານ 350 ກຣັມ ຕໍ່ມື້ ຫຼື ປະມານ 127 ກິໂລກຮັມ ຕໍ່ປີ !!!

ຂໍ້ມູນ: ຫນັງສືພິມ ວຽງຈັນໃຫມ່

12/12/2020

ບັນຫາສີ່ງເສດເສດເຫຼືອ ບໍ່ແມ່ນບັນຫາຂອງບຸກຄົນໃດບຸກຄົນໜື່ງ ແຕ່ມັນເກີດຈາກການໃຊ້ຊີວິດຂອງຄົນທຸກຄົນ ບໍ່ທາງກົງກໍ່ແມ່ນທາງອ້ອມ ແຕ່ທຸກຄົນສາມາດຊ່ວຍຫຼຸດຜ່ອນບັນຫາດັ່ງກ່າວໄດ້ ໂດຍການແຍກຂີ້ເຫຍື້ອໃຫ້ເກີດເປັນນິໄສ ເພາະສະນັ້ນ WeGoGreen ຂອງເຮົາຈື່ງກໍາເນີດຂື້ນມາ ເພື່ອເປັນທາງເລືອກໜື່ງໃຫ້ທຸກຄົນສາມາດຮັກສາສີ່ງແວດລ້ມຮ່ວມກັນໄດ້ ຜ່ານແພດຟອມຂອງພວກເຮົາ