https://www.facebook.com/106541265867089/

ສື່ມວນຊົນຊາວໜຸ່ມລາວ Lao Youth Mass Media, ຖະໜົນໂພນທັນ, Vientiane (2025)

Q: What is the address?

ຖະໜົນໂພນທັນ

05/08/2025

ກອງປະຊຸມຜາ່ນເນື້ອໃນ ແລະ ທາບທາມບຸກຄະລາກອນ ເພື່ອຮັບສະໝັກເລືອກຕັ້ງເຂົ້າເປັນກໍາມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ຄັ້ງທີ IX ຮອບທີ II ທີ່ແຂວງຫຼວງພະບາງ.

ກອງປະຊຸມຜາ່ນເນື້ອໃນ ແລະ ທາບທາມບຸກຄະລາກອນ ຢູ່ຈຸດພາກເໜືອ ໄດ້ຈັດຂື້ນໃນວັນທີ 5 ສິງຫາ 2025 ຢູ່ທີ່ສະໂມສອນທະນາຄານກາງ ສາຂາພາກເໜືອ ແຂວງຫຼວງພະບາງ ໂດຍພາຍໃຕ້ການເປັນປະທານຂອງ ສະຫາຍ ທອງລີ ສີສຸລິດ, ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີຜູ້ແທນຊາວໜຸ່ມຈາກ ແຂວງຜົ້ງສາລີ, ຫຼວງນໍ້າທາ, ບໍ່ແກ້ວ, ອຸດົມໄຊ, ຫຼວງພະບາງ, ແຂວງໄຊຍະບູລີ ແລະ ຄະນະຮັບຜິດຊອບຈາກສູນກາງຊາວໜຸ່ມປະຊາຊົນປະຕິວັດລາວ; ໃນນີ້ມີຜູ້ແທນສົມບູນເຂົ້າຮ່ວມທັງໝົດ 96 ສະຫາຍ, ຍິງ 26 ສະຫາຍ, ຜູ້ແທນກອງປະຊຸມໄດ້ພ້ອມກັນຄົ້ນຄ້ວາປະກອບຄໍາເຫັນໃສ່ 4 ເນື້ອໃນເອກະສານຕົ້ນຕໍປະກອບມີ: ຮ່າງລາຍງານການເມືອງ 2 ພາກ, ຮ່າງແຜນພັດທະນາຊາວໜຸ່ມ, ເຍົາວະຊົນ 5 ປີ ຄັ້ງທີ III (2026-2030), ກົດລະບຽບຂອງຄະນະຊາວໜຸ່ມປະຊາຊົນປະຕິວັດລາວ ແລະ ກົດລະບຽບເຍົາວະຊົນທັນວາ. ຈາກນັ້ນ, ຕາງໜ້າຄະນະຮັບຜິດຊອບຈາກສູນກາງຊາວໜຸ່ມປະຊາຊົນປະຕິວັດລາວ ໄດ້ຂຶ້ນຜ່ານມາດຖານເງື່ອນໄຂຂອງຜູ້ທີ່ຈະສະໝັກເລືອກຕັ້ງເຂົ້າເປັນກຳມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX, ພ້ອມດຽວກັນນີ້ ບັນດາຜູ້ແທນທີ່ເຂົ້າຮ່ວມໄດ້ໃຊ້ສິດປະຊາທິປະໄຕຂອງຕົນປ່ອນບັດທາບທາມເອົາບຸກຄະລາກອນ ເພື່ອເຂົ້າສະໝັກເລືອກຕັ້ງເປັນກຳມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX ຮອບທີ II ຕາມລະດັບຄາດໝາຍທີ່ວາງໄວ້ ເພື່ອເປັນການກະກຽມຄວາມພ້ອມໃຫ້ແກ່ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ IX ທີ່ຈະໄຂຂຶ້ນໃນມໍ່ໆນີ້.

05/08/2025

#ກອງປະຊຸມ ຜ່ານເນື້ອໃນ ແລະ ທາບທາມບຸກຄະລາກອນ ເພື່ອສະໝັກເລືອກຕັ້ງເຂົ້າເປັນຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX (ຮອບທີ II)

ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຈັດກອງປະຊຸມທາບທາມເນື້ອໃນ ແລະ ບຸກຄະລາກອນ ສະໝັກເຂົ້າໃນຄະນະບໍລິຫານງານ ສຊປລ ສະໄໝທີ IX (ຮອບທີ II) ຂຶ້ນໃນວັນທີ 5 ສິງຫາ 2025 ນີ້ ທີ່ຫ້ອງປະຊຸມ ICTC ຫລັກ 5 ນະຄອນຫລວງວຽງຈັນ, ໂດຍການເປັນປະທານຂອງ ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ, ເລຂາຄະນະບໍລິຫານງານ ສຊປລ, ໂດຍການໃຫ້ກຽດເຂົ້າຮ່ວມຂອງ ສະຫາຍ ປອ ວິໄລວົງ ບຸດດາຄຳ ກໍາມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ, ມີຄະນະຮັບຜິດຊອບດ້ານເນື້ອໃນ ແລະ ບຸກຄະລາກອນ ຕໍ່ກອງປະຊຸມໃຫຍ່ ຄະນະບໍລິຫານງານ ສຊປລ, ຕະຫຼອດຮອດຜູ້ແທນທີ່ຈະເຂົ້າຮ່ວມກອງປະຊຸມ ຄະນະບໍລິຫານງານ ສຊປລ ທົ່ວປະເທດ ສະໄໝທີ IX ເຂົ້າຮ່ວມ.
ໃນໂອກາດດັ່ງກ່າວ ສະຫາຍ ມອນໄຊ ລາວມົວຊົ່ງ ໃນນາມປະທານກອງປະຊຸມໄດ້ຮຽກຮ້ອງໃຫ້ຜູ້ເຂົ້າຮ່ວມ ຈົ່ງພ້ອມກັນເອົາໃຈໃສ່ຄົ້ນຄວ້າທາບທາມເນື້ອໃນ ແລະ ຍົກສູງຄວາມຮັບຜິດຊອບ ເຂົ້າໃນການປ່ອນບັດທາບທາມ ຄັດເລືອກເອົາຜູ້ທີ່ມີຄວາມຮູ້-ຄວາມສາມາດ ແລະ ມາດຖານ-ເງື່ອນໄຂ ຄົບຖ້ວນ ເຂົ້າໃນຄະນະບໍລິຫານງານ ສຊປລ ຊຸດໃໝ່ ໃຫ້ຖືກຕ້ອງ, ເໝາະສົມ ແລະ ພາວະວິໄສ ພ້ອມທັງຍົກສູງຄວາມຮັບຜິດຊອບເຂົ້າໃນການປະກອບຄໍາຄິດ-ຄຳເຫັນໃສ່ຕໍ່ການນໍາສະເໜີ ຜ່ານບົດລະບຽບ ຄຊປປລ, ກົດລະບຽບການຈັດຕັ້ງ ເຍົາວະຊົນທັນວາ, ຮ່າງບົດລາຍງານການເມືອງທັງສອງພາກ, ແຜນພັດທະນາຊາວໜຸ່ມ -ເຍົາວະຊົນ ໄລຍະ 5 ປີ ຄັ້ງທີ 3, ເພື່ອກະກຽມຄວາມພ້ອມຮອບດ້ານໃຫ້ແກ່ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ສະໄໝທີ IX ໃຫ້ມີເນື້ອໃນຮັດກຸມ ແລະ ສົມບູນຄົບຖ້ວນຂຶ້ນກວ່າເກົ່າ ພ້ອມນີ້ ກໍເພື່ອເປັນການຕີລາຄາຄືນ ໝາກຜົນແຫ່ງການນໍາພາລວມ ຂອງ ສຊປລ ກໍຄືການປະຕິບັດໜ້າທີ່ການເມືອງ ໃຫ້ຖືກຕ້ອງ, ສອດຄ່ອງຕາມຫຼັກການ ແລະ ຂັ້ນຕອນ ທີ່ໄດ້ກຳນົດໄວ້ ພ້ອມທັງ ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ທັງສາມາດຖອດຖອນບົດຮຽນ ໃນການເຄື່ອນໄຫວນໍາພາ-ຊີ້ນຳ ວຽກງານລວມໝູ່ ໃນສະເພາະໜ້າ ແລະ ຍາວນານ ໃຫ້ມີຜົນສໍາເລັດຕາມລະດັບຄາດໝາຍທີ່ໄດ້ວາງໄວ້. ຜູ້ເຂົ້າຮ່ວມກອງປະຊຸມ ໄດ້ໃຊ້ສິດປະຊາທິປະໄຕຂອງຕົນ ປ່ອນບັດທາບທາມເອົາບຸກຄະລາກອນທີ່ສະໜັກເລືອກຕັ້ງ ເຂົ້າໃນຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX (ຮອບທີ II) ຢ່າງເປັນທາງການ. ທັງນີ້ ກໍເພື່ອເປັນການທາບທາມເປົ້າໝາຍບຸກຄະລາກອນ ທີ່ສະໝັກເລືອກຕັ້ງ ເຂົ້າໃນຄະນະບໍລິຫານງານ ສຊປລ ຊຸດໃໝ່ ເພື່ອເປັນບ່ອນອີງໃນການເລືອກເຟັ້ນເອົາບຸກຄະລາກອນຜູ້ທີ່ດີເດັ່ນ ຈາກຂະບວນການວຽກງານຕົວຈິງ ໃຫ້ຖືກຕ້ອງຕາມມາດຖານເງື່ອນໄຂ ທີ່ໄດ້ກໍານົດໄວ້.

#ໂດຍ: ສ.ສັນທະນາ

04/08/2025

ວັນທີ 4 ສິງຫາ 2025 ຄະນະບໍລິຫານງານຊາວໝຸ່ມເມືອງຄົງເຊໂດນ ຊາວໜຸ່ມຕະລຸມບອນ ໝ່ວຍຮາກຖານຊາວໝຸ່ມອ້ອມຂ້າງເມືອງ ອະນາໄມຕາມສາຍທາງ13ໃຕ້ ແລະ ທາງ15A ຢ່າງເປັນຂະບວນຟົດຟື້ນ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງສາລະວັນ ແລະ ກອງປະຊຸມໃຫຍ່ຜູ້ ແທນຊາວຫນຸ່ມທົ່ວປະເທດຄັ້ງທີ IX.

ພາບ-ຂ່າວ ຄະນະບໍລິຫານງານຊາວໝຸ່ມເມືອງຄົງເຊໂດນ

04/08/2025

ປິດຊຸດຝຶກອົບຮົມສ້າງຄວາມເຂັ້ມແຂງ ວຽກງານເຍົາວະຊົນ - ອະນຸຊົນທັນວາ

ຕອນບ່າຍວັນທີ 1 ສິງຫາ 2025 ຜ່ານມານີ້ ຄະນະບໍລິຫານງານຊາວໜຸ່ມ ແຂວງຫົວພັນ ໄດ້ປິດຊຸດຝຶກອົບຮົມສ້າງຄວາມເຂັ້ມແຂງໃຫ້ຜູ້ຮັບຜິດຊອບ ວຽກງານເຍົາວະຊົນ - ອະນຸຊົນທັນວາ ໃຫ້ແກ່ບັນດາໂຮງຮຽນອ້ອມຂ້າງແຂວງ ແລະ ເມືອງຊຳເໜືອ; ເຊີ່ງໄດ້ຈັດຂື້ນຢູ່ທີ່ ຫ້ອງປະຊຸມຊາວໜຸ່ມ ແຂວງຫົວພັນ ພາຍຫຼັງດຳເນີນເປັນເວລາ 2 ວັນ ໂດຍການເປັນປະທານ ຂອງສະຫາຍ ຄຳພວງ ອຳຄາທອງຄຳ ເລຂາຄະນະບໍລິຫານງານຊາວໜຸ່ມແຂວງ ມີບັນດາຜູ້ຮັບຜິດຊອບວຽກງານເຍົາວະຊົນ - ອະນຸຊົນທັນວາ ຈາກໂຮງຮຽນອ້ອມຂ້າງ ແລະ ເມືອງຊຳເໜືອເຂົ້າຮ່ວມ 34 ສະຫາຍ, ຍິງ 29 ສະຫາຍ.
ຊຸດຝຶກອົບຮົມຄັ້ງນີ້ ສຳມະນາກອນ ໄດ້ເຊື່ອມຊຶມເອກະສານການຈັດຕັ້ງການເຄື່ອນໄຫວເຍົາວະຊົນ - ອະນຸຊົນທັນວາ, ຂັ້ນຕອນ ແລະ ວິທີປະເມີນ 3 ດີ 4 ຮູ້ ເຊີ່ງມີບົດຮຽນຈຳນວນ 9 ບົດຄື: ວິທີໃສ່ໜວກ, ມັດແພງແດງ, ມອບຊໍ່ດອກໄມ້, ວິທີຕັ້ງຄ້າຍເຍົາວະຊົນ ແລະ ຊຸມນຸມໄຟ, ແບບແຜນເຍົາວະຊົນ, ຕີກອງດຸລິຍາງ ແລະ ອື່ນໆ ພ້ອມນີ້ຍັງໄດ້ແບ່ງກຸ່ມສົນທະນາແລກປ່ຽນບົດຮຽນນຳກັນ. ຜ່ານການຄົ້ນຄວ້າ, ຮ່ຳຮຽນ ສາມາດຕີລາຄາຄວາມຮັບຮູ້ຂອງສຳມະນາກອນໄດ້ດີ 85%, ຮັບຮູ້ປານກາາງ 15% ຊື່ງຄວາມຮັບຮູ້ດັ່ງກ່າວສໍາມະນາກອນສາມາດນໍາເອົາໄປຈັດຕັ້ງປະຕິບັດໝູນໃຊ້ເຂົ້າໃນຕົວຈິງ ໃນການຕີກອງ, ມອບຊໍໍ່ດອກໄມ້ ແລະ ອື່ນໆ
ພ້ອມນີ້ກໍ່ໄດ້ມອບໃບຢັ້ງຢືນໃຫ້ແກ່ສຳມະນາກອນ ໂດຍແມ່ນ ສະຫາຍ ຄຳພວງ ອຳຄາທອງຄຳ ເລຂາຄະນະບໍລິຫານງານຊາວໜຸ່ມແຂວງ ແລະ ສຳມະນາກອນຂື້ນຮັບຕາມລຳດັບ.

03/08/2025

ຄະນະຊາວໜຸ່ມ ປະຊາຊົນ ປະຕິວັດລາວເມືອງສາລະວັນ ໄດ້ຮ່ວມແຮງຮ່ວມໃຈກັນສ້າງຂະບວນການອອກແຮງງານລວມ ໂດຍການຕິດປ້າຍຄໍາຂັວນຕາມສຳນັກງານ, ກົມກອງຂອງຕົນ ແລະ ຕາມເສັ້ນທາງຫຼັກໃນເທດສະບານ. ພ້ອມດຽວກັນ ທັງເຮັດໜ້າທີ່ລົງໂຄສະນາປະຊາສຳພັນໃນເທດສະບານ ຢ່າງເປັນຂະບວນຟົດຟື້ນ...
ໃນລະຫວ່າງວັນທີ 1-2 ສິງຫາ 2025 ນີ້, ຄະນະຊາວໜຸ່ມປະຊາຊົນ ປະຕິວັດລາວ ເມືອງສາລະວັນ ແຂວງ ສາລະວັນ ໄດ້ຮ່ວມກັບໜ່ວຍຮາກຖານຊາວໜຸ່ມອ້ອມຂ້າງເມືອງ, ໜ່ວຍຮາກຖານຊາວໜຸ່ມບ້ານເທດສະບານ ແລະ ສະມາຊິກອາສາສະໝັກຊາວໜຸ່ມຕະລຸມບອນ ໄດ້ຮ່ວມພະລັງເຕົ້າໂຮມຄວາມສາມັກຄີ ສ້າງຂະບວນການອອກແຮງງານອານາໄມລວມເປັນຕົ້ນ: ຂະບວນການເກັບຂີ້ເຫຍື່ອ, ຕັດຫຍ້າ, ຕັດຕົ້ນໄມ້ທີ່ມັນກີດຂວາງ, ຊ້ວນດິນອອກຈາກແຄມທາງຍ່າງ, ຄອງລະບາຍນ້ຳ, ຕິດທຸງທີວ, ທຸງຊາດ, ທຸງພັກ ແລະ ຕິດປ້າຍຄໍາຂວັນ ຈຸດປະສົງເພື່ອຂ່ຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງສາລະວັນ ຄັ້ງທີ X ຕາມສຳນັກງານກົມກອງຕົນ ແລະ ຕາມເສັ້ນທາງຫຼັກໃນເທດສະບານເມືອງສາລະວັນ. ໃນນັ້ນ, ໄດ້ສຸ່ມໃສ່ອອກແຮງງານອະນາໄມລວມຢູ່ ບໍລິເວນສະໂມສອນໃຫຍ່ຂອງແຂວງສາລະວັນ. ຂະບວນການອອກແຮງງານລວມແມ່ນ ເລີ່ມແຕ່ຈຸດຂົວເຊໂດນຫາ 4 ແຍກທາງຂຶ້ນໂຮງໝໍແຂວງສາລະວັນ, ເຊິ່ງມີຜູ້ເຂົ້າຮ່ວມທັງໝົດ 213 ສະຫາຍ, ຍິງ 91 ສະຫາຍ ໃນນີ້ສະມາຊິກອາສາສະໝັກຊາວໜຸ່ມຕະລຸມບອນ 47 ສະຫາຍ, ຍິງ 19 ສະຫາຍ.
ທັງນີ້, ກໍ່ເພື່ອເຮັດໃຫ້ເທດສະບານເມືອງສາລະວັນສະອາດຈົບງາມ, ຄວາມເປັນລະບຽບຮຽບຮ້ອຍ ເພື່ອຕ້ອນຮັບແຂກພາຍໃນ, ແຂກຕ່າງແຂວງ ແລະ ຕ່າງປະເທດທີ່ມາເຄື່ອນໄຫວເຮັດວຽກ ແລະ ຢ້ຽມຢາມເມຶອງສາລະວັນ. ທັງສະແດງເຖິງພະລັງແຫ່ງຄວາມສາມັກຄີອັນແໜ້ນແຟ້ນຂອງສະມາຊິກຊາວໜຸ່ມອ້ອມຂ້າງເມືອງ, ສະມາຊິກຊາວໜຸ່ມບ້ານ ແລະ ສະມາຊິກອາສາສະໝັກຊາວໜຸ່ມຕະລຸມບອນນຳອີກດ້ວຍ.

ພາບ-ຂ່າວຈາກ : ຄະນະຊາວໜຸ່ມປະຊາຊົນປະຕິວັດລາວເມືອງສາລະວັນ.

02/08/2025

ກອງປະຊຸມທາບທາມບຸກຄະລາກອນສະໝັກເລືອກຕັ້ງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ຄັ້ງທີ IX ຮອບທີ I ທີ່ແຂວງວຽງຈັນ.
===============
ກອງປະຊຸມດັ່ງກ່າວ ໄດ້ຈັດຂຶ້ນຢູ່ທີ່ ຫ້ອງປະຊຸມເບີ 4 ຊັ້ນ 4 ຫ້ອງວ່າການແຂວງວຽງຈັນ ໂດຍການເປັນປະທານຂອງສະຫາຍ ທອງລີ ສີສຸລິດ ຮອງເລຂາຄະນະບໍລິຫານງານພັກ, ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ໃຫ້ກຽດເຂົ້າຮ່ວມໂດຍສະຫາຍ ຄຳເລ້ ໄຊຍະວົງສີ ກຳມະການພັກແຂວງ, ກຳມະການສູນກາງຊາວໜຸ່ມ, ເລຂາຄະນະບໍລິຫານງານຊາວໜຸ່ມ ປປລ ແຂວງວຽງຈັນ, ມີບັນດາສະຫາຍຄະນະປະຈຳຄະນະບໍລິຫານງານຊາວໜຸ່ມແຂວງ, ເລຂາຊາວໜຸ່ມເມືອງ, ພະແນກການ ພ້ອມດ້ວຍຄະນະຮັບຜິດຊອບຂັ້ນສູນກາງເຂົ້າຮ່ວມ 36 ສະຫາຍ, ຍິງ 11 ສະຫາຍ.
ສະຫາຍ ທອງລີ ສີສຸລິດ ໄດ້ຂຶ້ນຜ່ານເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທຳປະຕິວັດ ແລະ ເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວພະນັກງານ, ສະມາຊິກພັກ ເຊິ່ງສະຫາຍໄດ້ຍົກໃຫ້ເຫັນເນື້ອໃນຈິດໃຈ ກ່ຽວກັບການຝຶກຝົນຫຼໍ່ຫຼອມຕົນເອງ ໃຫ້ກາຍເປັນບຸກຄົນທີ່ມີຄຸນສົມບັດສິນທຳປະຕິວັດ, ມີແນວຄິດຫຼັກໜັ້ນຊົນຊັ້ນ, ເຊື່ອໝັ້ນຕໍ່ການ ນຳພາ-ຊີ້ນຳ ຂອງພັກ ຂອງຄະນະຊາວໜຸ່ມ ປະຊາຊົນ ປະຕິວັດລາວ, ຈາກນັ້ນ, ຕາງໜ້າຄະນະຮັບຜິດຊອບຈາກສູນກາງຊາວໜຸ່ມ ປປລ, ໄດ້ຂຶ້ນຜ່ານມາດຖານເງື່ອນໄຂຂອງຜູ້ທີ່ຈະສະໝັກເລືອກຕັ້ງເຂົ້າເປັນກຳມະການຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ສະໄໝທີ IX ເຊິ່ງຕ້ອງປະກອບດ້ວຍມາດຖານເງື່ອນໄຂທາງດ້ານຄຸນທາດການເມືອງ, ມີຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດ, ມີສຸຂະພາບແຂງແຮງດີ, ມີມະນຸດສຳພັນດີ, ຕ້ອງແມ່ນສະມາຊິກພັກ, ມີລະດັບວິຊາສະເພາະ ແລະ ທິດສະດີການເມືອງທີ່ແນ່ນອນ, ມີບົດບາດໃນການນຳພາວຽກງານຊາວໜຸ່ມ ໄດ້ຮັບຜົນສຳເລັດໃນຫຼາຍດ້ານ, ພ້ອມດຽວກັນນີ້ ໃນກອງປະຊຸມ ບັນດາຜູ້ແທນທີ່ເຂົ້າຮ່ວມ ຍັງໄດ້ໃຊ້ສິດປະຊາທິປະໄຕຂອງຕົນ ດໍາເນີນການປ່ອນບັດທາບທາມບຸກຄະລາກອນ ເພື່ອເຂົ້າສະໝັກເລືອກຕັ້ງເປັນກຳມະການຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ສະໄໝທີ IX ຮອບທີ I ໃຫ້ໄດ້ຕາມລະດັບຄາດໝາຍທີ່ວາງໄວ້, ທັງນີ້ກໍ່ເພື່ອເປັນການກະກຽມຄວາມພ້ອມ ໃສ່ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ IX ທີ່ຈະໄຂຂຶ້ນໃນມໍ່ໆນີ້.
ໃນໂອກາດດັ່ງກ່າວ ສະຫາຍ ທອງລີ ສີສຸລິດ ຍັງຕາງໜ້າຄະນະບໍລິຫານງານສູນກາງຊາວໜຸ່ມ ນຳເອົາເຄື່ອງຊ່ວຍເຫຼືອບັນເທົາທຸກຜູ້ປະສົບໄພນ້ຳຖ້ວມ ມາມອບໃຫ້ແກ່ຄະນະຄວບຄຸມໄພພິບັດຂັ້ນແຂວງ ລວມມູນຄ່າ 40 ລ້ານກີບ ແລະ ມອບໃຫ້ແກ່ຄະນະຊາວໜຸ່ມແຂວງວຽງຈັນ ລວມມູນຄ່າ 20 ລ້ານກີບ ເພື່ອນຳໄປມອບຕ່ໍໃຫ້ແກ່ຜູ້ປະສົບໄພຢ່າງທົ່ວເຖິງ.
ພາບ/ຂ່າວ: ນັກຂ່າວຊາວໜຸ່ມແຂວງວຽງຈັນ

01/08/2025

ປິດຊຸດຝຶກອົບຮົມວຽກງານ ກູ້ໄພສຸກເສີນ ໃຫ້ອາສາສະໝັກ ຊາວໜຸ່ມຕະລຸມບອນ

ຕອນບ່າຍວັນທີ 31 ກໍລະກົດ ຜ່ານມານີ້ ຄະນະບໍລິຫານງານຊາວໜຸ່ມແຂວງຫົວພັນ ສົມທົບກັບ ອົງການກາແດງ ແຊວງຫົວພັນ ໄດ້ປິດຊຸດຝຶກອົບຮົມວຽກງານ ກູ້ໄພສຸກເສີນ ໃຫ້ອາສາສະໝັກ ຊາວໜຸ່ມຕະລຸມບອນ; ເຊີ່ງໄດ້ຈັດຂື້ນຢູ່ທີ່ ສະໂມສອນ ໂຮງຮຽນມໍປາຍຕົວແບບ ແຂວງຫົວພັນ ພາຍຫຼັງດຳເນີນເປັນເວລາ 2 ວັນ ໂດຍການເປັນປະທານຮ່ວມ ຂອງທ່ານ ພົມມາ ຮຸ່ງນະຄອນ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ທ່ານ ບົວລຽນ ພອນຄຳມາ ຮອງຫົວໜ້າ ອົງການກາແດງແຂວງ ມີບັນດາທ່ານຄະນະຮັບຜິດຊອບ ຊຸດຝຶກອົບຮົມ, ຄູຝຶກຈາກຊາວໜຸ່ມແຂວງ, ກາແດງແຂວງ ພ້ອມດ້ວຍອາສາສະໝັກ ຊາວໜຸ່ມຕະລຸມບອນ ຈາກພະແນກການ, ກົມກອງອ້ອມຂ້າງແຂວງ, ໄວໜຸ່ມຈາກໂຮງຮຽນອ້ອມຂ້າງເຂົ້າຮ່ວມ.
ຊຸດຝຶກອົບຮົມຄັ້ງນີ້ ສຳມະນາກອນ ໄດ້ເຊື່ອມຊຶມເອກະສານປະຫວັດຄວາມເປັນມາຂອງອົງ
ການກາແດງ, ຫຼັກການປະຖົມພະຍາບານທີ່ຖືກຕ້ອງ ແລະ ວິທີຊ່ວຍເຫຼືອຄົນເຈັບກ່ອນສົ່ງໄປໂຮງໝໍເຊີ່ງມີບົດຮຽນຈຳນວນ11ບົດຄື: ກາຍະວິພາກສາດ ແລະ ສາລິລະວິທະຍາ, ຫຼັກການປະຖົມພະຍາບານ ອາການໝົດສະຕິຂາດຄວາມຮູ້ສຶກ, ການຊ່ວຍເຫຼືອຊີວິດຂັ້ນພື້ນຖານ, ການຫ້າມເລືອດ, ການລ້າງບາດ ແລະ ການໃຊ້ຜ້າສາມແຈ, ການສະມັກສີ່ງແປກປອມອຸດຕັນທາງເດີນຫາຍໃຈແລະ ອື່ນໆ ພ້ອມນີ້ຍັງໄດ້ແບ່ງກຸ່ມສົນທະນາແລກປ່ຽນບົດຮຽນນຳກັນ. ຜ່ານການຄົ້ນຄວ້າ, ຮ່ຳຮຽນ ສາມາດຕີລາຄາຄວາມຮັບຮູ້ຂອງສຳມະນາກອນໄດ້ດີ 85%, ຮັບຮູ້ປານກາາງ 15% ຊື່ງຄວາມຮັບຮູ້ດັ່ງກ່າວສໍາມະນາກອນສາມາດນໍາເອົາໄປຈັດຕັ້ງປະຕິບັດໝູນໃຊ້ເຂົ້າໃນຕົວຈິງ ເພື່ອຊ່ວຍເຫຼືອຄົນເຈັບສຸກເສີນ ໃນເຫດການໄພພິບັດ, ອຸປະຕິເຫດອື່ນໆ
ພ້ອມນີ້ກໍ່ໄດ້ມອບໃບຢັ້ງຢືນໃຫ້ແກ່ສຳມະນາກອນ ໂດຍແມ່ນ ທ່ານ ພົມມາ ຮຸ່ງລະຄອນ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ສຳມະນາກອນຂື້ນຮັບຕາມລຳດັບ.

01/08/2025

ຄະນະບໍລິຫານງານຊາວໜຸ່ມແຂວງມອບຄອມພີວເຕີໃຫ້ ພະແນກອົບຮົມ ກອງບັນຊາການ ທະຫານແຂວງ ຜົ້ງສາລີ
ຕອນບ່າຍຂອງວັນທີ 31 ກໍລະກົດ 2025 ຢູ່ທີຫ້ອງປະຊຸມ ຊັ້ນ 3 ຂອງຫ້ອງເສນາທິການ ກອງບັນຊາການ ທະຫານແຂວງ ທາງຄະນະບໍລິຫານງານຊາວໜຸ່ມແຂວງ ໄດ້ມອບຄອມພິວເຕີໃຫ້ ພະແນກອົບຮົມ ກອງບັນຊາການ ທະຫານແຂວງ ຜົ້ງສາລີ, ຈຳນວນ 1 ຊຸດ, ມູນຄ່າ 5,000,000 ກີບ,ເຊິ່ງກ່າວມອບໂດຍສະຫາຍ ຫຸມພັນ ຈັນທະລາ ເລຂາຄະນະບໍລິຫານງາານຊາວໜຸ່ມແຂວງ, ພ້ອມດ້ວຍຄະນະ ແລະ ກ່າວຮັບຂອງສະຫາຍ ພັນໂທ ນຸດ ດວງສີວັນ ຄະນະພັກ ຮອງຫົວໜ້າຫ້ອງເສນາທີການ ກອງບັນຊາການທະຫານແຂວງ ພ້ອມດ້ວຍຫົວໜ້າພະແນກ-ຮອງພະແນກ ແລະ ພະນັກງານ-ນັກຮົບ ເຂົ້າຮ່ວມ;
ແລະ ຕອນທ້າຍສະຫາຍ ພັນໂທ ນຸດ ດວງສີວັນ ຍັງໄດ້ກ່າວສະແດງຄວາມຍ້ອງຍໍຊົນເຊີຍຕໍ່ທາງຄະນະບໍລິຫານງານຊາວໜຸ່ມແຂວງທີໄດ້ໃຫ້ຄວາມເປັນຫວງເປັນໄຍຕໍ່ອ້າຍນ້ອງພວກເຮົາ ພວກເຮົາຈະນຳເອົາອຸປະກອນທີນຳມາມອບໃນຄັ້ງນີ້ນຳໃຊ້ໃຫ້ເກີດຜົນປະໂຫຍດສູງສຸດ, ທັງເປັນການຜູກແໜ້ນຄວາມສາມັກຄີລະຫວ່າງຄະນະບໍລິຫານງານຊາວໜຸ່ມແຂວງ ແລະ ພະແນກອົບຮົມ ກອງບັນຊາການທະຫານແຂວງຕື່ມອີກ.

01/08/2025

ຄະນະຊາວໝຸ່ມປະຊາຊົນປະຕິວັດລາວແຂວງ ຮ່ວມກັນສ້າງຂະບວນການອອກແຮງລວມອານາໄມ ຕາມສາຍທາງຫຼວງ ເພື່ອຂ່ຳນັບຮັບຕ້ອນກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງສາລະວັນ...
ຕອນເຊົ້າວັນທີ 01 ສິງຫາ 2025 ຄະນະຊາວໝຸ່ມປະຊາຊົນປະຕິວັດລາວແຂວງ ແລະ ໜ່ວຍຮາກຖານຊາວໜຸ່ມພະແນກການອ້ອມຂ້າງແຂວງ ຊາວໝຸ່ມຕະລຸມບອນ ຮ່ວມກັນສ້າງຂະບວນການອອກແຮງງານລວມ ອານາໄມຕາມສາຍທາງຫຼວງ ແລະ ສວນແຄມຂອງ ຢ່າງເປັນຂະບວນການຟົດຟື້ນ ເພື່ອຂ່ຳນັບຮັບຕ້ອນກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງສາລະວັນ, ຈຳນວນພົນ 100 ສະຫາຍ ຍິງ 28 ສະຫາຍ

ພາບ-ຂ່າວ ອໍລະວັນ ສີບຸນເຮືອງ

01/08/2025

ທ່ານ ມອນໄຊ ລາວມົວຊົ່ງ ກຳມະການສໍາຮອງ ສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍທ່ານ ນາງ. ແກ້ວອຸດອນ ແສງມະນີວົງ ຫົວໜ້າຫ້ອງການສຊປລ ໄດ້ຕ້ອນຮັບການເຂົ້າລາຍງານ ຄວາມພ້ອມການກະກຽມ ສີນລະປະວັນນະຄະດີຂອງລາວ ທີ່ທາງຄະນະເຍົາວະຊົນລາວ ທີ່ຈະໄດ້ອອກເດີນທາງໄປຮ່ວມຕັ້ງຄ້າຍເຍົາວະຊົນ ທີ່ເມືອງວຼາດີວັດສະຕົກ ສະຫະພັນຣັດເຊຍ ຊຶ່ງນໍາຄະນະເຍົາວະຊົນໂດຍ ທ່ານເຫຼັງຄໍາ ໄຊຄໍາຜັນ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນ ໃນໂອກາດນີ້ ທ່ານມອນໄຊລາວມົວຊົ່ງໄດ້ເໜັ້ນຫຼາຍບັນຫາດ້ວຍກັນທີ່ຄະນະເຍົາວະຊົນລາວ ຕ້ອງໄດ້ພ້ອມກັນ ເປັນທູດວັດທະນະທໍາເດັກ ໃນການເຜີຍແຜ່ວັດທະນະທໍາລາວໃຫ້ບັນດາສະມາຊິກເຍົາວະຊົນໃນຫຼາຍປະເທດທີ່ເຂົ້າຮ່ວມ, ເອົາໃຈໃສ່ການປາກເວົ້າ ກິລິຍາ ມາລະຍາດ, ຄວາມພ້ອມທາງດ້ານສຸກຂະພາບທາງຮ່າງກາຍໃຫ້ເຕັມ100% ເພື່ອເຂົ້າຮ່ວມໃນທຸກກິດຈະກຳທີ່ທາງຄະນະເພີ່ນວາງໄວ້, ການຮຽນຮູ້ເອົາທັກສະໃຫມ່ໆນໍາມາເຜີຍເເຜ່ໃຫ້ ຄະນະເຍົາວະຊົນແລະໜູ່ເພື່ອນລຸ້ນຕໍ່ໄປໄດ້ຮຽນຮູ້ ແລະກຽມພ້ອມເພື່ອຈະເຂົ້າຮ່ວມໃນສຸດຕໍ່ໄປ ການເຂົ້າລາຍງານຄັ້ງນີ້ແມ່ນໃນຕອນເຊົ້າຂອງວັນທີ 1ສິງຫາ2025ນີ້ທີ່ຫ້ອງຮັບແຂກຂອງ ສຊປລ
ພາບແລະຂ່າວໂດຍ ສຸກສາຄອນ

31/07/2025

ພິທີມອບ-ຮັບ ທຸງໄຊນຳໜ້າຂະບວນການແຂ່ງຂັນ 4 ບຸກ
ຄະນະຊາວໜຸ່ມໜ່ວຍຮາກຖານສະຫະພັນນັກຮົບເກົ່າແຂວງ ບໍລິຄຳໄຊ ປະຈຳປີ2022 - 2024
ໃນຕອນເຊົ້າຂອງ ວັນທີ 31 ກໍລະກົດ 2025 ນີ້ ຢູ່ທີ່ຫ້ອງປະຊຸມສະຫະພັນນັກຮົບເກົ່າ ແຂວງບໍລິຄໍາໄຊ ໄດ້ຈັດພິທີມອບ-ຮັບ ທຸງໄຊນຳໜ້າຂະບວນການແຂ່ງຂັນ 4 ບຸກຂຶ້ນ. ໂດຍເປັນປະທານຂອງ ສະຫາຍ ພັທ ກິມາຍ ພຸດທະວົງ ເລຂາຊາວໜຸ່ມໜ່ວຍຮາກຖານສະຫະພັນນັກຮົບເກົ່າແຂວງ, ເປັນກຽດເຂົ້າຮ່ວມເປັນຄະນະປະທານໂດຍ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ພັອ ຄໍາສາຍ ພັນດານຸວົງ ປະທານສະຫະພັນນັກຮົບເກົ່າແຂວງ , ມີແຂກຖືກເຊີນ ແລະ ຊາວໜຸ່ມແຮກສ່ຽວ ພ້ອມດ້ວຍສະມາຊິກຊາວໜຸ່ມພາຍໃນເຂົ້າຮ່ວມ 22 ສະຫາຍ, ຍິງ 10 ສະຫາຍ.
ພິທີ ພັທ ກິມາຍ ພຸດທະວົງ ເລຂາຊາວໜຸ່ມໜ່ວຍຮາກຖານສະຫະພັນນັກຮົບເກົ່າແຂວງ, ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດຂະບວນການຂໍ້ແຂ່ງຂັນ 4 ບຸກ ໃນໄລຍະຜ່ານມາ ແລະ ທິດທາງໃນແຜນການໃນຕໍ່ໜ້າ, ປະຈຸໜ່ວຍຮາກຖານສະຫະພັນນັກຮົບເກົ່າແຂວງ ມີສະມາຊິກຊາວໜຸ່ມທັງໝົດ 10 ສະຫາຍ, ຍິງ 03 ສະຫາຍ ໃນໄລຍະຜ່ານມາການຈັດຕັ້ງປະຕິບັດ ຂະບວນການຂໍ້ແຂ່ງຂັນ 4 ບຸກ ສາມາດຈັດຕັ້ງປະຕິບັດໄດ້ຕາມມາດຖານເງື່ອນໄຂຂອງຄະນະຊາວໜຸ່ມປະຊາຊົນປະຕິວັດລາວວາງອອກ ເຊິ່ງຕີລາຄາແຕ່ລະດ້ານໄດ້ດັ່ງນີ້: ບຸກດ້ານແນວຄິດ ປະຕິບັດໄດ້ 97%, ບຸກດ້ານການຝຶກຝົນຫຼໍ່ຫຼອມຮໍ່າຮຽນປະຕິບັດໄດ້ 94%, ບຸກດ້ານການຈັດຕັ້ງ ປະຕິບັດໄດ້ 95% ແລະ ບຸກດ້ານການສົ່ງເສີມວິຊາຊີບ-ສ້າງວຽກເຮັດງານທໍາ ປະຕິບັດໄດ້ 94%. ເພື່ອເປັນການຢັ້ງຢືນເຖິງຜົນງານທີ່ຍາດມາໄດ້ນັ້ນ ຄະນະບໍລິຫານງານຊາວໜຸ່ມ ແຂວງບໍລິຄໍາໄຊ ຈຶ່ງໄດ້ຕົກລົງມອບໃບຍ້ອງຍໍ, ໃບຢັ້ງຢືນ ແລະ ທຸງໄຊນຳໜ້າຂະບວນການຂໍ້ແຂ່ງຂັນ 4 ບຸກ ມອບໃຫ້ໜ່ວຍຮາກຖານສະຫະພັນນັກຮົບເກົ່າແຂວງ ພ້ອມທັງມອບຫຼຽນກາລະນຶກ 65 ປີ ໃຫ້ສະມາຊິກຊາວໜຸ່ມຜູ້ທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານຊາວໜຸ່ມ-ເຍົາວະຊົນ ຈໍານວນ 03 ສະຫາຍ; ເປັນກຽດມອບ ໂດຍ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ ພ້ອມທັງມີຄໍາເຫັນໂອ້ລົມຕໍ່ພິທີ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ສະມາຊິກຊາວໜຸ່ມຍາດມາໄດ້ໃນໄລຍະຜ່ານມາ ແລະ ໄດ້ເນັ້ນໜັກໃຫ້ສະມາຊິກຊາວໜຸ່ມໃຫ້ມີຄວາມສາມັກຄີຢ່າງແໜ້ນແຟ້ນ, ເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ກໍ່ຄືແຜນການຈັດຕັ້ງປະຕິບັດຂໍ້ແຂ່ງຂັນດັ່ງກ່າວ ໂດຍຕິດພັນກັບໜ້າທີ່ວິຊາສະເພາະ ເປັນເສນາທິການທີ່ຫ້າວຫັນ, ເຂັ້ມແຂງໃຫ້ແກ່ຄະນະພັກ, ດັ່ງສັນຍານາມ ປະທານ ໄກສອນ ພົມວິຫານ ເວົ້າວ່າ: ຊາວໜຸ່ມປຽບເໝືອນນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງ ພ້ອມທັງເພີ່ມທະວີການສ້າງຂະບວນການໃຫ້ຟົດຟື້ນ-ຕໍ່ເນື່ອງ ແລະ ຮັກສາມູນເຊື້ອນາມມະຍົດຊາວໜຸ່ມ 4 ບຸກໄວ້ໃຫ້ໝັ້ນຄົງຕະຫລອດໄປ.
ຂ່າວ/ພາບ : ນ. ອອັບຕິມາ 99665925

31/07/2025

ຊາວໜຸ່ມອາສາສະໝັກຕະລຸມບອນຮ່ວມແຮງຮ່ວມໃຈຮ່າຍຊາຍໃສ່ກະສອບສ້າງຄູກັນນໍ້າ ເພື່ອປ້ອງກັນໄພນໍ້າຖ້ວມ...
ເນື່ອງຈາກລະດັບນໍ້າຂອງ ແລະ ລະດັບນໍ້າເຊໂດນ ໄດ້ເພີ່ມຂຶ້ນສູງ ສະນັ້ນ, ໃນວັນທີ 30 ກໍລະກົດ 2025 ຊາວໜຸ່ມອາສາສະໝັກຕະລຸມບອນ ຈາກພະແນກການກົມກອງອ້ອມຂ້າງແຂວງ,ນະຄອນປາກເຊ ຮ່ວມແຮງຮ່ວມໃຈ ຮ່າຍຊາຍໃສ່ກະສອບສ້າງຄູກັນນໍ້າ ເພື່ອປ້ອງກັນໄພນໍ້າຖ້ວມ ຢູ່ແຄມນໍ້າເຊໂດນ ບໍລິເວນບ້ານແກ ນະຄອນປາກເຊ.

ສື່ມວນຊົນຊາວໜຸ່ມລາວ Lao Youth Mass Media

05/08/2025

05/08/2025

04/08/2025

04/08/2025

03/08/2025

02/08/2025

01/08/2025

01/08/2025

01/08/2025

01/08/2025

31/07/2025

31/07/2025

Address

Website

Alerts

Shortcuts

Share

Category