What are the opening hours?

Monday 09:00 - 16:00 Tuesday 09:00 - 17:00 Wednesday 09:00 - 16:00 Thursday 09:00 - 16:00 Friday 09:00 - 17:00

https://www.facebook.com/108123747195656/

ຖະແຫຼງຂ່າວເມືອງວຽງໄຊ, Vientiane (2025)

22/07/2025

ພິທີ ມອບ - ຮັບໂຄງການສະໜອງອຸປະກອນສົມທົບ,ສ້ອມແປງເຮືອນຂອງປະຊາຊົນຊ່ວຍເຫຼືອຜູ້ປະສົບໄພພິບັດໃນ ປີ 2024ຜ່ານມາ .
ພິທີດັ່ງກ່າວໄດ້ຈັດຢູ່ທີ່ ຫ້ອງປະຊຸມຂອງຫ້ອງວ່າກາານເມືອງ ວຽງໄຊ ຂອງວັນທີ 22 ກໍລະກົດ 2025 ໂດຍເປັນກຽດເຂົ້າຮ່ວມຂອງ ທ່ານ ວົງໄຊ ຍະສິງທອນ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຫົວພັນ ມີ ທ່ານ ອອນ ແພງພູວັນ ກໍາມະການປະຈໍາພັກເມືອງ ຮອງປະທານຄະນະກໍາມະການປົກຄອງ ມີພາກສວນກ່ຽວຂ້ອງຂອງເມືອງພ້ອມດ້ວຍຄອບຄົວທີຖືກໄພພິບັດເຂົ້າຮ່ວມນໍາ.
ເຄື່ອງຊ່ວຍເຫຼືອທີ່ນໍາມາມອບຄັ້ງນີ້ແມ່ນມີຢູ່ 05 ຄອບຄົວ ຢູ່ບ້ານ ພູນກາງ 2 ຄອບຄົວ ແລະ ໂຮມພັນ 3 ຄອບຄົວ ມີ ສັງກະສີ 240 ແຜ່ນ, ເຫຼັກຕະປູ 45 ກິໂລ, ຖ້ວຍແກງ 24 ໃບ, ບ່ວງແກງ 05 ກັບ, ໝໍ້ແກງ 05 ໜ່ວຍ ລວມມູນຄ່າທັງໝົດ 19 ລ້ານກວ່າກີບ ກ່າວມອບໂດຍ ທ່ານ ວົງໄຊ ຍະສິງທອນ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ກ່າວຮັບໂດຍ ທ່ານ ອອນ ແພງພູວັນ ກໍາມະການປະຈໍາພັກເມືອງ ຮອງປະທານຄະນະກໍາມະການປົກຄອງ ເພື່ອມອບໃຫ້ 05 ຄອບຄົວປະຊາຊົນຜູ້ປະສົບໄພພິບັດຈາກພະຍຸຊູລິກໃນ ເດືອນ ກັນຍາ ປີ 2024 ທີ່ຜ່ານມາເຊິງໄດ້ສ້າງຄວາມເສຍຫາຍຕໍ່ດິນໄຮ່,ດິນນາ ແລະ ເຮືອນຊານຫຼາຍຢ່າງ.

17/07/2025

ສະມາຊິກແມ່ຍິງເມືອງວຽງໄຊ ສ້າງຂະບວນການອອກແຮງງານລວມ .
++++++++++++
ມາໃນວັນທີ 16 ກໍລະກົດ 2025 ນີ້ ສະມາຊິກແມ່ຍິງເມືອງວຽງໄຊ ສ້າງຂະບວນການອອກແຮງງານລວມເພື່ອຂໍ່ານັບຮັບຕ້ອນວັນແມ່ຍິງລາວຄົບຮອບ 70 ປີ ນໍາໂດຍ ທ່ານ ນ. ສວຍເພັດ ທອງສົມບັດ ເລຂາຄະນະບໍລິຫານງານພັກເມືອງ,ຊີ້ນໍາລວມຮອບດ້ານທົ່ວເມືອງ ມີ ທ່ານ ນ. ດໍາ ສຸກວຽງຊໍາ ກໍາມະການພັກເມືອງ ປະທານສະຫະພັນແມ່ຍິງເມືອງ, ຕະຫຼອດຮອດໜ່ວຍສະມາຊິກອ້ອມຂ້າງເທດສະບານເມືອງຢ່າງເປັນຂະບວນຟົດຟື້ນ.
ການອອກແຮງງານໃນຄັ້ງນີ້ແມ່ນເພື່ອເປັນການສ້າງຂະບວນການຂໍ່ານັບຮັບຕ້ອນວັນແມ່ຍິງລາວຄົບຮອບ70ປີ ທີ່ຈະມາເຖິງນີ້, ໜ້າວຽກຕົ້ນຕໍໃນການອະນາໄມແມ່ນ ເກັບຂີ້ເຫຍື້ອຢູ່ຂອບເຂດໜອງຊ່ວງເຮືອ,ປູກດອກໄມ້ປະດັບປະດາຢູ່ຖໍ້າ ທ່ານ ຄໍາໄຕ ສີພັນດອນ ແລະ ປູກຢູ່ຕໍ່ໜ້າເຮືອນຂອງ ທ່ານເຈົ້າເມືອງເມືອງວຽງໄຊ ຈາກນັ້ນແຕ່ລະໜ່ວຍແມ່ຍິງເທດສະບານຍັງໄດ້ອອກແຮງງານລວມອະນາໄມຢູ່ຂອບເຂດຂອງຕົນເປັນຕົ້ນແມ່ນ: ຫ້ອງການ,ສໍານັກງານອີກດ້ວຍ.
ທັງນີ້ກະເພື່ອໃຫ້ມີຄວາມສະອາດຈົບງາມເປັນລະບຽບຮຽບຮອ້ຍ ແລະ ເປັນການດຶງດູດນັກທ່ອງທ່ຽວເຂົ້າມາທ່ຽວເມືອງວຽງໄຊຫຼາຍຂື້ນທັງເປັນການຂໍ່ານັບຮັບຕອນວັນສໍາຄັນຕ່າງໆຂອງພັກ - ຂອງຊາດ ໂດຍສະເພາະແມ່ນວັນບຸນແມ່ຍິງຄົບຮອບ 70 ປີໃນປີ 2025ນີ້.

09/07/2025

ທ່ານເຈົ້າແຂວງຫົວພັນ ພ້ອມຄະນະ ລົງຕິດຕາມ ແລະ ຊຸກຍູ້ວຽກງານການທ່ອງທ່ຽວຢູ່ເຂດບ້ານ ນາ ມັ້ນ ເມືອງວຽງໄຊ ແຂວງຫົວພັນ.
++++++++++++++++++
ວັນທີ 5 ກໍລະກົດ 2025 ນີ້, ການນຳແຂວງຫົວພັນ ນຳໂດຍ ທ່ານ ຄຳແພງ ໄຊສົມແພງ ກຳການສູນກາງພັກ ເລຂາພັກແຂວງເຈົ້າແຂວງຫົວພັນ ພ້ອມຄະນະສົມທົບກັບການນຳເມືອງວຽງໄຊ ໄດ້ລົງຕິດຕາມ ແລະ ຊຸກຍູ້ວຽກງານການທ່ອງການທ່ອງທ່ຽວຢູ່ເຂດນໍ້າງາ ບ້ານ ນາ ມັ້ນ ແຫຼ່ງທອ່ງທ່ຽວ ຜາໝາກໝອກງົວ ຕັ້ງຢູ່ເຂດ ບ້ານ ນາມັ້ນ, ເມືອງວຽງໄຊ ທິດເໜືອຕິດກັບ ສສ ຫວຽດນາມ, ທິດໃຕ້ຕິດກັບ ບ້ານ ນາ ເຮືອ, ທິດຕາເວັນອອກຕິດກັບ ບ້ານ ຫີນດຳ ແລະ ທິດຕາເວັນຕົກຕິດກັບບ້ານ ພຽງໄຄ, ແຫຼ່ງທອ່ງທ່ຽວດັ່ງກ່າວມີໄລຍະທາງຈາກເທດສະບານເມືອງວຽງໄຊ ປະມານ 39 ກິໂລແມັດ, ຕາມເສັ້ນທາງໝາຍເລກ 6 ຈາກເມືອງ ວຽງໄຊ ຫາດ່ານສາກົ້ນນໍ້າໂສຍ(ນາແມວ) ຜາໝາກໝອກງົວຕົ້ັ້ງຢູ່ຫ່າງຈາກເສັ້ນທາງເລກ 6 ເຂົ້າປະມານ 9 ກິໂລແມັດຕາມເສັ້ນທາງດິນແດງ. ເຊິ່ງຜາໝອກງົວເປັນຜ້າຫີນທຳມະຊາດທີ່ມີຄວາມສວຍງາມ ແລະ ມີສັດສາວາສິ່ງບາງຊະນິດເປັນຕົ້ນ ແມ່ນໂຕເຍື່ອງ, ໝູປ່າ ແລະ ສັດປ່າອື່ນໆ ໃນນີ້ ຫຼາຍທີ່ສຸດແມ່ນເຈຍ ແລະ ເໝາະກັບການຈັດກິດຈະກຳການທ່ອງທ່ຽວ ເພື່ອເປັນການອະນຸລັກເຈຍຊະນິດຕ່າງໆໄວໃຫ້ມີຄວາມຍືນຍົງເພື່ອເປັນການດືງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດທີ່ເດີນທາງເຂົ້າມາທ່ຽວຊົມສະຖານທີ່ດັ່ງກ່າວ. ອີກຢ່າງໜື່ງກໍ່ເປັນແຜນພັດທະນາການທ່ອງທ່ຽວຜາໝາກໝອກງົວທີ່ມີຄວາມສຳຄັນຫຼາຍຕໍ່ກັບການພັດທະນາການທ່ອງທ່ຽວທຳມະຊາດ, ທີ່ຕິດພັນກັບວັດທະນະທຳ ແລະ ການທ່ອງທ່ຽວດ້ານກະສີກຳໃຫ້ມີຄວາມຍືນຍົງ ແລະ ປະສົບຜົນສຳເລັດໃນໄລຍະຍາວ ແລະ ມີການພັດທະນາທີ່ມີຄຸນນະພາບນອກນັ້ນຍັງສາມາດຫຼີກລ້ຽງ ຫຼື ແກ້ໄຂບັນຫາທີ່ອາດຈະເກີດຂື້ນໄດ້ຢ່າງມີປະສິດທິພາບ, ທັງເປັນການກຳນົດບັນດາແຜນງານ ແລະ ໂຄງການເພື່ອພັດທະນາກິດຈະກຳການທ່ອງທ່ຽວສົ່ງເສີມໃຫ້ມີການບໍລິການແກ່ນັກທ່ອງທ່ຽວໃຫ້ສອດຄອ່ງກັບທ່າແຮງຂອງຊັບພະຍາກອນທີ່ມີໃນປັດຈຸບັນ, ຈັດຕັ້ງສ້າງເປັນແຫຼ່ງທ່ອງທ່ຽວທາງທຳມະຊາດທີ່ຊຸມຊົນມີສ່ວນຮ່ວມໃນຕໍ່ໜ້າພ້ອມທັງຊຸກຍູ້ສົ່ງເສີມພາກທຸລະກິດໃນການພັດທະນາແຫຼ່ງທ່ອງທ່ຽວຢູ່ເຂດພູ ຜາໝາກໝອກງົວ ໃຫ້ບັນລຸຕາມຈຸດປະສົ່ງ ແລະ ເປັນການສ້າງຄວາມປະທັບໃຈໃນການດືງດູດນັກທ່ອວທ່ຽວໃຫ້ເຂົ້າມາທ່ຽວ ເມືອງວຽງໄຊ ກໍ່ຄືແຂວງຫົວພັນໃຫ້ນັບມືຫຼາຍຂື້ນໃນແຕ່ລະປີ, ອີກອັນໜື່ງກໍ່ເພື່ອເປັນການສ້າງວຽກເຮັດງານທຳ, ສ້າງລາຍຮັບເພີ່ມໃຫ້ແກ່ຊຸມຊົນໃນທ່ອງຖີ່ນຄຽງຄູ່ກັບການປົກປັກຮັກສາສິ່ງແວດລ້ອມ ແລະ ທຳມະຊາດກໍ່ຄືແຫຼ່ງທ່ອງທ່ຽວໃຫ້ມີຄວາມຍືນຍົງ.

07/07/2025

ຕີລາຄາວຽກງານທ່ອງທ່ຽວ 6 ເດືອນຕົ້ນປີ 2025 ຂອງອຸທິຍານແຫ່ງຊາດ ນໍ້າແອດ-ພູເລີຍ
ກອງປະຊຸມສະຫຼຸບຕີລາຄາວຽກງານທ່ອງທ່ຽວ 6 ເດືອນຕົ້ນປີ 2025 ຂອງກອງຄຸ້ມຄອງອຸທິຍານແຫ່ງຊາດ ນໍ້າແອດ-ພູເລີຍ ໄດ້ຈັດຂຶ້ນ ໃນວັນທີ 4 ກໍລະກົດ 2025 ທີ່ຫ້ອງການ ຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ເມືອງວຽງໄຊ ແຂວງຫົວພັນ ໂດຍມີທ່ານ ພູວັນ ເພັດມີໄຊ ຮອງຫົວໜ້າພະແນກ ຖວທ ແຂວງ ພ້ອມດ້ວຍຫົວໜ້າຫ້ອງການ ຖວທ ຈາກເມືອງຮ້ຽມ, ເມືອງຊ່ອນ, ເມືອງຫົວເມືອງ, ເມືອງວຽງໄຊ ແຂວງຫົວພັນ, ເມືອງວຽງຄຳ ແຂວງຫຼວງພະບາງ ແລະ ພາກສ່ວນກ່ຽວຂ້ອງເຂົ້າຮ່ວມ.
ອຸທິຍານແຫ່ງຊາດ ນໍ້າແອດ-ພູເລີຍ ເປັນພື້ນທີ່ຄຸ້ມຄອງທີ່ໃຫຍ່ທີ່ສຸດ ແລະ ມີຄວາມຫຼາກຫຼາຍທາງຊີວະພາບສູງທີ່ສຸດຂອງປະເທດລາວ. ອຸທິຍານຄວບຄຸມພື້ນທີ່ກວ່າ 5,070 ຕາຕະລາງກິໂລແມັດ ກວມເອົາ 10 ເມືອງໃນສາມແຂວງຄື: ແຂວງຫົວພັນ, ຫຼວງພະບາງ ແລະ ແຂວງຊຽງຂວາງ. ອຸທິຍານແຫ່ງຊາດນີ້ຕັ້ງຊື່ຕາມແມ່ນໍ້າແອດ ແລະ ພູເລີຍ. ອຸທິຍານແຫ່ງຊາດນີ້ເປັນທີ່ຢູ່ອາໄສຂອງສັດລ້ຽງລູກດ້ວຍນົມກວ່າ 50 ສາຍພັນ ລວມທັງສັດໃນຕະກຸນແມວ, ໝາປ່າ ແລະ ໝີ 2 ສາຍພັນ, ທະນີແກ້ມຂາວເໜືອທີ່ຈັດຢູ່ໃນປະເພດໃກ້ສູນພັນ, ນົກຫຼາຍກວ່າ 300 ສາຍພັນ ແລະ ຍັງມີການຄົ້ນພົບໃໝ່ໆຢ່າງຕໍ່ເນື່ອງອີກດ້ວຍ.
ໃນໄລຍະ 6 ເດືອນຕົ້ນປີ 2025 ມີນັກທ່ອງທ່ຽວຕ່າງປະເທດເຂົ້າມາທ່ອງທ່ຽວ ແລະ ສຶກສາຮຽນຮູ້ດ້ານຊີວະພາບໃນເຂດອຸທິຍານ ຈຳນວນ 268 ຄົນ, ກິດຈະກຳທ່ອງທ່ຽວປະກອບດ້ວຍ: ນອນແຮມຄືນ, ຍ່າງປ່າ, ຂີ່ເຮືອຊົມສັດປ່າໃນຍາມກາງຄືນ ແລະ ກິດຈະກຳອື່ນໆ ສາມາດສ້າງລາຍຮັບໃຫ້ຜູ້ປະກອບການຈຳນວນໜຶ່ງ. ກິດຈະກຳສຳຄັນທີ່ໄດ້ຈັດຕັ້ງປະຕິບັດມີແຈກຢາຍແຜ່ນພັບ/ໂບວຊົວ 2 ຄັ້ງ, ສຳຫຼວດການປັບປຸງພື້ນຖານໂຄງລ່າງແຫຼ່ງທ່ອງທ່ຽວ, ຈັດປະຊຸມ-ຝຶກອົບຮົມການປະເມີນ ການເກັບກຳຂໍ້ມູນເພື່ອການແບ່ງເຂດ, ສຳຫຼວດ-ປະເມີນ-ເກັບກຳຂໍ້ມູນເພື່ອການກຳນົດການແບ່ງເຂດແຫຼ່ງທ່ອງທ່ຽວ 5 ເຂດ, ຕິດຕາມການປັບປຸງພື້ນຖານໂຄງລ່າງແຫຼ່ງທ່ອງທ່ຽວ 2 ແຫ່ງ ຈຳນວນ 4 ຄັ້ງ, ຕິດຕາມການກໍ່ສ້າງແຄ້ມຢູ່ສົບປາ ສຳລັບລາຍການລ່ອງເຮືອເບິ່ງສັດປ່າ 3 ມື້ 2 ຄືນ, ຮັບລາງວັນມາດຕະຖານອາຊຽນແບບປະຊາຊົນມີສ່ວນຮ່ວມ, ທັດສະນະສຶກສາ ແລະ ແລກປ່ຽນບົດຮຽນວຽກງານທ່ອງທ່ຽວທີ່ແຫຼ່ງທ່ອງທ່ຽວມົກເຈົາ ສສ ຫວຽດນາມ, ນຳພາແຂກຈາກສະພາແຫ່ງຊາດ ແລະ ກົມປ່າໄມ້ຢ້ຽມຊົມແຫຼ່ງທ່ອງທ່ຽວ, ນຳພາແຂກຈາກແຂວງສະຫວັນນະເຂດຢ້ຽມຊົມແຫຼ່ງທ່ອງທ່ຽວ, ຈັດກອງປະຊຸມສະມາຄົມການຂົນສົ່ງການທ່ອງທ່ຽວທຳມະຊາດ. ພ້ອມນີ້ຍັງໄດ້ຍົກໃຫ້ເຫັນສິ່ງທ້າທາຍ ແລະ ບັນຫາທີ່ພົບພໍ້ ໃນການເຂົ້າເຖິງສະຖານທີ່ທ່ອງທ່ຽວ, ການຮັກສາສິ່ງແວດລ້ອມ ບັນຫາການລ່າສັດ, ຫາປາຜິດກົດໝາຍ, ການຈູດປ່າ, ມີການບຸກລຸກເປັນເຂດລ້ຽງສັດໃນເຂດອຸທິຍານ, ບັນຫາງົບປະມານສຳລັບການຈັດຕັ້ງປະຕິບັດກິດຈະກຳຕ່າງໆ. ສຳລັບແຜນການສະເພາະໜ້າ ແມ່ນຈະເອົາໃຈໃສ່ຕິດຕາມກິດຈະກຳການທ່ອງທ່ຽວໃນເຂດທີ່ເປີດໃຫ້ບໍລິການແລ້ວ, ຈັດຝຶກອົບຮົມການທ່ອງທ່ຽວທຳມະຊາດແກ່ກຸ່ມບໍລິການ ແລະ ຊຸມຊົນ, ສືບຕໍ່ແຈກຢາຍແຜ່ນພັບໃນງານບຸນຕ່າງໆ ແລະ ແລກປ່ຽນບົດຮຽນ ສົ່ງເສີມການລົງທຶນ/ການສຳປະທານວຽກງານທ່ອງທ່ຽວ ຮ່ວມມືກັບພາກເອກະຊົນ ແລະ ນຳພາພາກເອກະຊົນລົງສຳຫຼວດພື້ນທີ່ຕົວຈິງທີ່ເຫັນວ່າເໝາະສົມ.
ໂອກາດນີ້ທ່ານ ພູວັນ ເພັດມີໄຊ ຮອງຫົວໜ້າພະແນກ ຖວທ ໄດ້ເນັ້ນຄວາມສຳຄັນໃນການເຮັດໃຫ້ກິດຈະກຳການທ່ອງທ່ຽວໃນເຂດອຸທິຍານແຫ່ງຊາດ ນໍ້າແອດ-ພູເລີຍ ໂດຍໄດ້ມອບໝາຍໃຫ້ ບັນດາຫ້ອງການ

01/07/2025

ພິທີ ມອບແນວພັນພືດໃຫ້ຄອບຄົວທີ່ຖືກຜົນກະທົບຢູ່ເມືອງວຽງໄຊ
ມາໃນວັນທີ 1 ກໍລະກົດ 2025 ນີ້ ຢູ່ທີ່ ຫ້ອງການກະສິກໍາ ແລະ ປ່າໄມ້ເມືອງ ວຽງໄຊ ໄດ້ມີຂະແໜ່ງປູກຟັງ ພະແນກກະສິກໍາ ແລະ ປ່າໄມ້ ແຂວງຫົວພັນໄດ້ມອບແນວພັນພືດ ໃຫ້ຫ້ອງການກະສິກໍາ ແລະ ປ່າໄມ້ ເມືອງວຽງໄຊ ໂດຍໃຫ້ກຽດເຂົ້າຮ່ວມຂອງ ທ່ານ ສີວິໄລ ພັນທິລາ ກໍາມະການປະຈໍາພັກເມືອງ ຮອງປະທານຄະນະກໍາມະການປົກຄອງ, ມີ ທ່ານ ຄໍາເຜີຍ ບຸດດາວົງ ຮອງຫົວໜ້າກະສິກໍາ ແລະ ປ່າໄມ້ແຂວງຫົວພັນ,ມີພາກສ່ວນກ່ຽວຂອ້ງຂອງເມືອງເຂົ້າຮ່ວມນໍາ.
ແນວພັນພືດທີ່ນໍາມາມອບໃນຄັ້ງນີ້ມີ ຜັກບົ່ວ,ຜັກທຽມ,ຫອມປ້ອມ,ຜັກຊີ,ຜັກກາດລັງ,ຜັກສະຫຼັດ ແລະ ແນວພັນພືດຜັກອື່ນໆລວມທັງໝົດ 18 ຊະນິດ ລວມມູນຄ່າທັງໝົດ 462 ລ້ານກວ່າກີບ ເພື່ອນໍາເອົາແນວພັນດັ່ງກ່າວໄປແຈກຍາຍໃຫ້ບັນດາປະຊາຊົນຄອບຄົວທີ່ໄດ້ຮັບກະທົບຈາກໄພພິບັດທາງທໍາມະຊາດ ໃນຊ່ວງເດືອນ 9 ປີ 2024 ທີ່ຜ່ານມາ ຢູ່ເມືອງ ວຽງໄຊ ແຂວງຫົວພັນໃຫ້ທົ່ວເຖິງ

01/07/2025

ພະແນກພາຍໃນແຂວງຫົວພັນມອບເງີນໃຫ້ບ້ານສາມສ້າງເມືອງວຽງໄຊ
ໃນວັນທີ່ 1 ກໍລະກົດ 2025 ນີ້ຢູ່ທີ່ຫ້ອງປະຊຸມຫ້ອງວ່າການ ໄດ້ຈັດພິທີ ມອບເງີນກອງທືນພັດທະນາໃຫ້ບ້ານສາມສ້າງ ບ້ານຊຽງແມນ ແລະ ບ້ານດ່ານເຜົ້າ ເມືອງວຽງໄຊ ແຂວງຫົວພັນ
ໂດຍເປັນກຽດ ເຂົ້າຮ່ວມຂອງທ່ານ ອອນ ແພງພູວັນ ກຳມະການປະຈຳພັກເມືອງ ຮອງປະທານຄະນະກຳມະການປົກຄອງຮັກການຮອງເຈົ້າເມືອງ ຊີ້ນຳວຽກງານວັດທະນະທຳສັງຄົມ ມີທ່ານ ລຳພູນ ຈັນທະລັງທອງ ຮອງຫົວໜ້າ ພະແນກພາຍໃນແຂວງຫົວພັນ, ຕະຫຼອດຮອດ ທ່ານຫົວໜ້າຄະນະຫ້ອງການທີ່ກ່ຽວຂ້ອງ ແລະ ອຳນາດການປົກຄອງ ບ້ານສາມສ້າງ ສອງບ້ານ ເຂົ້າຮ່ວມນຳ
ເງີນທີ່ນຳມາມອບຄັ້ງນີ້ໂດຍໄດ້ຮັບຈາກພະແນກພາຍໃນ ແຂວງຫົວພັນ ເຊີ່ງມອບໃຫາບ້ານຊຽງແມນ ແລະບ້ານດ່ານເຜົ້າ ບ້ານລະ 35,000,000 ລ້ານກີບ ລວມທັງໝົດ 70,000,000 ລ້ານກີບ ເພື່ອເປັນທືນມອບໃຫ້ປະຊາຊົນພັດທະນາປູກຝັງ,ລ້ຽງສັດ, ແລະ ຕຳຫູກທໍໄໝ ເຮັດໃຫ້ໃຫ້ປະຊາຊົນ ມີລາຍຮັບເພີມຂື້ນ ເປັນເຈົ້າການ ສ້າງເສດຖະກິດຄອບຄົວ,ສ້າງຄວາມເຂັ້ມແຂງດ້ວຍຕົນເອງ ແລະ ສາມາດຫຼຸດພົ້ນອອກຈາກຄວາມທຸກຍາກເທືອລະກ້າວ.

20/06/2025

ເມືອງວຽງໄຊເລົ່າມູນເຊື້ອສະເຫຼີມສະຫຼອງວັນແພດລາວຄົບຄອບ60ປີ
ໃນວັນທີ່17ມີຖຸນາ2025ນີ້ ເມືອງວຽງໄຊ ແຂວງຫົວພັນ ໄດ້ຈັດພິທີສະເລົ່າມູນເຊື້ອສະເຫຼີມສະຫຼອງວັນແພດລາວຄົບຮອບ60ປີ ວັນທີ 18/ມີຖຸນາ1965-18ມີຖຸນາ2025
ໂດຍເປັຍກຽດເຂົ້າຮ່ວມຂອງທ່ານ ສີວິໄລ ພັນທິລາ ກຳມະການ ປະຈຳພັກເມືອງ ຮອງປະທານຄະນະກຳມະການປົກຄອງ ຮັກສາການເຈົ້າເມືອງ ຊີ້ນຳວຽກງານເສດຖະກິດ ແລະ ປົກຄອງ,ມີບັນດາທ່ານການນຳເມືອງ, ພະນັກງານ ທະງານ ທະຫານຕຳຫຼວດ ອ້ອມຂ້າງເທດສະບານເມືອງເຂົ້າຮ່ວມຢ່າງພ້ອມພຽງ.
ໃນພິທີໄດ້ຜ່ານເອກະສານເລົ່າມູນເຊື້ອສະເຫຼີມສະຫຼອງວັນແພດຄົບຮອບ60ປີ ທັງນີ້ກໍ່ເພື່ອລະນຶກເຖີ່ງຄຸນງາມຄວາມດີ ແລະ ສັນລະເສີນຜົນງານແພດລາວໃນສະໄໝຕໍ່ສູ້ກູ້ຊາດ ກໍ່ຄືສະໄໝປົກປັກຮັກສາ ແລະ ພັດທະນາປະເທດຊາດ. ເພື່ອປຸກລະດົມມວນຊົນໃຫ້ເຂົ້າໃຈຄວາມໝາຍຄວາມສຳຄັນ ເປັນເຈົ້າການສົ່ງເສີມ ສຸຂະພາບຂອງຕົນ ຊຸມຊົນ ແລະ ສັງຄົມ ກໍ່ຄືຄວາມຮັບຜິດຊອບ ຕໍ່ໜ້າວຽກງານ ທີ່ໄດ້ຮັບມອບໝາຍ ເພື່ອເປັນການປັບປຸງ ແລະສ້າງຕົນເອງ ໃຫ້ມີຄວາມຮູ້ຄວາມສາມາດ ຈັນຍາບັນ ຮັບໃຊ້ພໍ່ແມ່ປະຊາຊົນບັນດາເຜົ່າ ໃຫ້ມີສຸກຂະພາບສົມບຸນດີທາງກາຍ ແລະ ຈິດໃຈ

20/06/2025

ແນວລາວສ້າງຊາດເມືອງວຽງໄຊ ແຂວງຫົວພັນ ສໍາເລັດກອງປະຊຸມໃຫຍ່ຄັ້ງທີ VII
ກອງປະຊຸມດັ່ງກ່າວໄດ້ໄຂຂື້ນ ແລະ ສໍາເລັດລົງໃນວັນທີ 18 ມີຖຸນາ 2025 ຢູ່ທີ່ ສະໂມສອນໃຫຍ່ຂອງເມືອງ ໂດຍການເປັນຂອງ ທ່ານ ອອນ ແພງພູວັນ ກຳມະການປະຈຳພັກເມືອງ ຮອງປະທານຄະນະກຳມະການປົກຄອງ ຮັກສາການເຈົ້າເມືອງ ຊີ້ນຳວຽກງານວັດທະນະທຳສັງຄົມ ແລະ ເປັນກຽດເຂົ້າຮ່ວມຂອງທ່ານ ແອ ວິລະເກດ ຮອງປະທານແນວລາວສ້າງຊາດແຂວງຫົວພັນ, ທ່ານ ນາງ ສວຍເພັດ ທອງສົມບັດ ເລຂາຄະນະບໍລິຫານງານຊີ້ນຳລວມວຽກງານຮອບດ້ານທົ່ວເມືອງເປັນສະມາຊິກສະພາປະຊາຊົນແຂວງ ທັງເປັນຫົວໜ້າສະມາຊິກສະພາປະຊາຊົນ ແຂວງຫົວພັນປະຈຳເຂດເລືອກຕັ້ງເມືອງວຽງໄຊ, ມີບັນດາທ່ານແຂກຖືກເຊີນຈາກ ພາກສ່ວນຕ່າງໆ ທີ່ເປັນຕົວແທນໃຫ້ແກ່ອົງການຈັດຕັ້ງພາຄີ, ອົງການຈັດຕັ້ງສັງຄົມ ແລະ ປະຊາຊົນບັນດາເຜົ່າ, ແລະ ແນວລາວສ້າງຊາດເມືອງວຽໄຊ ເຂົ້າຮ່ວມທັງໝົດ102 ທ່ານ, ຍີງ 25 ໃນນີ້ມີຜູ້ແທນສົມບູນທັງໝົດ 43 ທ່ານ, ຍິງ 7 ທ່ານ
ໃນກອງປະຊຸມ ຜູ້ແທນໄດ້ຮັບຟັງ ຮ່າງລາຍງານການເມືອງທັງສອງພາກ ເຊິ່ງໄດ້ຕີລາຄາສູງຕໍ່ດ້ານດີ, ດ້ານອ່ອນ, ບົດຮຽນຖອດຖອນໄດ້ໃນໄລຍະ 5 ປີຜ່ານມາ ພ້ອມທັງວາງທິດທາງແຜນການ 5 ປີຕໍ່ໜ້າ ( 2025-2030 ) ໃນໄລຍະ 5 ປີຜ່ານມາ ຄະນະກໍາມະການແນວລາວສ້າງຊາດເມືອງ ໄດ້ເອົາໃຈໃສ່ ເຮັດວຽກງານ ສຶກສາອົບຮົມການເມືອງແນວຄິດເຕົ້າໂຮມຄວາມສາມັກຄີປອງດອງທົ່ວປວງຊົນບັນດາເຜົ່າ ໃຫ້ເປັນປຶກແຜນແໜ້ນໜາ ໂດຍພາຍໃຕ້ການນຳພາຂອງພັກ ແລະ ການຄຸ້ມຄອງຂອງລັດ ສ້າງໃຫ້ປະຊາຊົນບັນດາເຜົ່າ ມີແນວຄິດອຸ່ນອຽນທຸ່ນທ່ຽງ ເຊື່ອໝັ້ນຕໍ່ການນໍາພາຂອງພັກ ພ້ອມກັນຈັດຕັ້ງປະຕິບັດແນວທາງນະໂຍບາຍ, ແຜນພັດທະນາເສດຖະກິດ-ສັງຄົມ ຂອງພັກ-ລັດວາງອອກແຕ່ລະໄລຍະ ຢ່າງເປັນຂະບວນການຟົດຟື້ນ ການເມືອງມີຄວາມສະຫງົບ, ເສດຖະກິດມີການຂະ ຫຍາຍຕົວຕໍ່ເນື່ອງ ພ້ອມນີ້ຄະນະກໍາມະການແນວລາວສ້າງຊາດແຕ່ລະຂັ້ນກໍ່ໄດ້ເອົາໃຈໃສ່ ປຸກລະດົມຂົນຂວາຍ ຊຸກຍູ້ປະຊາຊົນບັນດາເຜົ່າ ເຂົ້າຮ່ວມຈັດຕັ້ງປະຕິບັດຂະບວນການຕ່າງໆ ຢ່າງກວ້າງຂວາງໂດຍສະເພາະແມ່ນຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການກໍ່ສ້າງຮາກຖານການ ເມືອງຕາມ 4 ເນື້ອໃນ 4 ຄາດໝາຍ ຕາມທິດ 3 ສ້າງ, ຂໍ້ແຂ່ງຂັນຮັກຊາດ-ພັດທະນາ ແລະ 2 ວາລະແຫ່ງຊາດ ເຊິ່ງສະແດງອອກ ທົ່ວເມືອງ ສາມາດ ສ້າງບ້ານສາມັກຄີປອງດອງໄດ້ 102 ບ້ານເທົ່າກັບ 98.66% ແລະ ປະກາດເປັນເມືອງສາມັກຄີປອງດອງສຳເລັດ ນອກຈາກນີ້ ຄະນະກໍາມະການແນວລາວສ້າງຊາດເມືອງ ຍັງໄດ້ເອົາໃຈໃສ່ປັບປຸງກົງຈັກການຈັດຕັ້ງຂອງຕົນຕາມທິດຊີ້ນຳ ຂອງສູນກາງແນວລາວສ້າງຊາດ, ແລະ ການນໍາເມືອງ ເອົາໃຈໃສ່ໃນການປົກປັກຮັກສາ ເສີມຂະຫຍາຍຮີດຄອງປະເພນີອັນດີງາມຂອງຊາດ, ຂອງເຜົ່າໃຫ້ຍືນຍົງ. ສໍາລັບທິດທາງແຜນການໃນ 5 ປີຕໍ່ໜ້າ ຄະນະກໍາມະການແນວລາວສ້າງຊາດແຂວງທຸກທ່ານ ຕ້ອງເພີ່ມທະວີຄວາມຮັບຜິດຊອບໃນການປະສານສົມທົບກັບຄະນະພັກ, ອຳນາດການປົກຄອງ, ອົງການພາຄີ ແລະ ອົງການຈັດຕັ້ງຕ່າງໆ ຂັ້ນເມືອງເພື່ອພ້ອມກັນປຸກລະດົມເຕົ້າໂຮມຄວາມສາມັກຄີບັນດາເຜົ່າ ໃຫ້ມີຄວາມໜັກແໜ້ນ, ຍົກສູງຄວາມເປັນເຈົ້າໃນການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ທີ່ເປັນການແບ່ງແຍກຄວາມສາມັກຄີຂອງກຸ່ມຄົນບໍ່ດີ, ເອົາໃຈໃສ່ເປັນເຈົ້າການຕິດຕາມ, ກວດກາ ແລະ ໃຫ້ຄໍາປຶກສາ ເປັນຂົວຕໍ່ໃຫ້ພັກ-ລັດ ໃນການເຕົ້າໂຮມຄວາມສາມັກຄີ ພ້ອມດຽວກັນນີ້ຜູ້ແທນກອງປະຊຸມຍັງໄດ້ຮັບຟັງການປະກອບຄໍາເຫັນ ຂອງຕົວແທນຈາກ ອົງການຈັດຕັ້ງມະຫາຊົນ ແລະ ຄອບຄົວ ຕົວແບບໃນການລ້ຽງສັດເປັນສີນຄ້າ.
ໂອກາດນີ້ ຜູ້ແທນເຂົ້າຮ່ວມກອງປະຊຸມໃຫຍ່ໄດ້ປະຊາມະຕິຮັບຮອງເອົາຄະນະກໍາມະການແນວລາວສ້າງຊາດເມືອງ ຊຸດທີ VII ຈໍານວນ 27 ທ່ານ, ຍິງ 4 ທ່ານ, ພະສົງ 1 ອົງ ໃນນີ້ຮັບຮອງເອົາ ທ່ານ ຊາຍທອງ ວົງລະນືກ ຄະນະປະຈໍາພັກເມືອງ ເປັນປະທານແນວລາວສ້າງຊາດເມືອງ, ຮັບຮອງເອົາ ທ່ານ ພົນ ພົມມະຈັກ, ທ່ານ ນ. ສຸພານິດ ບຸນມີໄຊ, ເປັນຮອງປະທານແນວລາວສ້າງຊາດເມືອງ ທັງເປັນປະທານກວດກາ ແລະ ແຕ່ງຕັ້ງທ່ານ ປູຊິງ ແພງມະນີ ເປັນຮອງປະທານກວດກາ, ຮັບຮອງເອົາຄະນະປະຈໍາແນວລາວສ້າງຊາດເມືອງຈໍານວນ 5 ທ່ານ, ຄະນະທີ່ປຶກສາຈໍານວນ 5 ທ່ານ ແລະ ຜູ້ຊົງຄະນວຸດທິ 7 ທ່ານ .

16/06/2025

ເມືອງວຽງໄຊ ແຂວງຫົວພັນ ປະດັບຫຼຽນກາລະນຶກ 70 ປີ
ໃນວັນທີ່ 16 ມີຖຸນາ 2025 ນີ້ທີ່ສະໂມສອນເມືອງວຽງໄຊ ແຂວງຫົວພັນ ໄດ້ຈັດພິທີປະດັບຫຼຽນກາລະນຶກ 70 ປີວັນສ້າງຕັ້ງພັກ ປະຊາຊົນປະຕິວັດລາວ (22ມີນາ1955-22ມີນາ2025) ຂື້ນຢ່າງເປັນທາງການ
ພາຍໃຕ້ການເປັນປະທານ ຂອງສະຫາຍ ພອນສຸກ ອິນທະວົງ ຄະນະປະຈຳພັກແຂວງ ຮອງເຈົ້າແຂວງຫົວພັນ ຜູ້ຊີ້ນຳວຽກງານເສດຖະກິດ,ມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ສະມາຊິກພັກບຳນານຕະຫຼອດຮອດຫົວໜ້າຫ້ອງການ , ເລຂາກຸ່ມບ້ານ 13 ກຸ່ມບ້ານ ແລະ ບັນດາສະຫາຍທີ່ໄດ້ຮັບຫຼຽນກາລະນຶກ ເຂົ້າຮ່ວມຢ່າງພ້ອມພຽງ
ໃນພິທີ ໄດ້ຜ່ານ ມະຕິຕົງລົງ ຂອງຄະນະເລຂາທິການສູນກາງພັກ ອີງຕາມກອງປະຊຸມຂອງກົມການເມືອງສູນກາງພັກຄັ້ງວັນທີ 26 ທັນວາ 2024 ກ່ຽວກັບ ການອະນຸມັດຍ້ອງຍໍຫຼຽນກາລະນຶກວັນສ້າງຕັ້ງພັກປະຊາຊົນປະຕິວັດລາວ ແລະ ອີງຕາມໜັງສືສະເໜີ ຂອງອະນຸກຳມະການຂະບວນການ,ແຂ່ງຂັນ ແລະ ຍ້ອງຍໍສະບັບເລກທີ23/ອກຂຍ ລົງວັນທີ 11 ມີນາ 2025 ຄະນະເລຂາທິການສູນກາງພັກ ຕົກລົງເຫັນດີປະດັບຫຼຽນກາລະນຶກ70ປີໃຫ້ສະມາຊິກພັກ ເມືອງວຽງໄຊ ຈຳນວນ 198 ສະຫາຍ ຍິງ 13 ຫະຫາຍ ໃນນັ້ນມອບໃຫ້ສະມາຊິກພັກບຳນານ 13 ສະຫາຍ ຍິງ 1 ສະຫາຍ ແລະ ມອບໃຫ້ ສະມາຊິກພັກ ປະຈຳການ 185 ສະຫາຍ ຍິງ 12 ສະຫາຍ

06/06/2025

ເມືອງວຽງໄຊຈັດພິທີປູກຕົ້ນໄມ້ແຫ່ງຊາດ ແລະ ວັນສິ່ງແວດລ້ອມໂລກ
ໃນວັນທີ່ 4 ຖຸນາ 2025 ເມືອງວຽງໄຊແຂວງຫົວພັນ ໄດ້ປູກຕົ້ນໃນວັນໄມ້ແຫ່ງຊາດ ພາຍໃຕ້ການນຳພາຂອງ
ທ່ານ ຄຳພອນ ເພັງສະຫັວດ ຮອງເລຂາພັກເມືອງ ປະທານຄະນະປົກຄອງ,ຮັກສາການເຈົ້າເມືອງ ມີບັນດາທ່ານຫົວໜ້າຄະນະ,ວິຊາການອ້ອມຂ້າງສຳນັກງານຫ້ອງການຂັ້ນເມືອງ ແລະ ອຳນາດການປົກຄອງບ້ານວີດ ໄດ້ພ້ອມກັນປູກຕົ້ນໄມ້ວັນແຫ່ງຊາດຄົບຮອບ 45 ປີທີ່ເຂດຫ້ວຍສາບ້ານວີດ ແລະ ແຄມໜອງຊ່ວງເຮືອເມືອງວຽງໄຊ,ລວມເນືອທີ່
ທັງໝົດ 1 ເຮັກຕາ ໄມ້ທີ່ນຳມາປູກຄັ້ງນີ້ ມີໄມ້ກະຖິນນະລົງ 500 ຕົ້ນ,ໄມ້ໂລງເລັງ 200 ຕົ້ນ ຈຸດປະສົງການປູກໄມ້ຄັ້ງນີ້ກໍ່ເພື່ອເຮັດໃຫ້ເມືອງວຽງໄຊເປັນເມືອງສີຂຽວສະອາດງາມຕາໄປຕາມ5ວິໄສທັດຕາມແຜນຍຸດທະສາດປົກປັກຮັກສາສິ່ແວດລ້ອມທີ່ທຸກຄົນໄດ້ຮັບຮູ້ນຳກັນວ່າວັນທີ່1ມີຖຸນາ ແມ່ນວັນປູກຕົ້ນໄມ້ແຫ່ງຊາດເຊິ່ງປະຊາຊົນບັນດາເຜົ່າໄດ້ຖືເອົາວັນດັ່ງກ່າວເພື່ອປູກຕົ້ນໄມ້ທົດແທນປ່າທີ່ຖືກທຳລາຍ ແລະ ສູນເສຍໄປ
ໃນວັນດຽວກັນນີ້ເມືອງວຽງໄຊຍັງໄດ້ຈັດກິດຈະກໍາສະແດງສິນລະປະວັນນະຄະດີຈາກໜ່ວຍສິນລະປະໂຮງຮຽນປະຖົ້ມ,ໂຮງຮຽນ ອະນຸບານອ້ອມຂ້າງເທດສະບານ ແລະ ຍອດຢາໃຫ້ເດັກນ້ອຍຕືມອີກ

03/06/2025

ກອງປະຊຸມ ຄົບຄະນະບໍລິຫານງານພັກເມືອງຄັ້ງທີ 2 ສະໄຫມທີ XII ຂອງເມືອງ ວຽງໄຊ ແລະ ພິທີ ມອບ - ຮັບ ຜູ້ປະຈໍາການບ່ອນໃໜ່.
ມາໃນວັນທີ 2 ມີຖຸນາ 2025 ນີ້ ຢູ່ທີ່ຫ້ອງປະຊຸມຂອງຫ້ອງວ່າການເມືອງ ວຽງໄຊ ແຂວງຫົວພັນໄດ້ຈັດກອງປະຊຸມ ຄົບຄະນະບໍລິຫານງານພັກເມືອງຄັ້ງທີ 2 ສະໄຫມທີ XII ຂື້ນຢ່າງເປັນທາງການ ໂດຍພາຍໃຕ້ການເປັນປະທານຂອງ ສະຫາຍ ນ. ສວຍເພັດ ທອງສົມບັດ ເລຂາຄະນະບໍລິຫານງານພັກເມືອງ ຊີ້ນໍາລວມຮອບດ້ານທົ່ວເມືອງ, ເປັນສະມາຊິກສະພາປະຊາຊົນແຂວງ, ທັງເປັນຫົວໜ້າສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ ວຽງໄຊ , ມີກໍາມະການປະຈໍາພັກເມືອງ, ກໍາມະການພັກເມືອງເຂົ້າຮ່ວມ.
ໃນພິທີ ສະຫາຍ ສິງພອນ ທິດສະຫວັນ ຮອງເລຂາພັກເມືອງ ຊີ້ນຳວຽກງານແນວຄິດທິດສະດີ,ວຽກພັກພະນັກງານ,ວຽກປັບປຸງກົງຈັກການຈັດຕັ້ງ ແລະ ອົງການຈັດຕັ້ງມະຫາຊົນ ຂື້ນຜ່ານຮ່າງບົດສະຫຼູບ ປະຈໍາ 3 ເດືອນ ແລະ ທິດທາງແຜນການຕໍ່ໜ້າ ເຊິ່ງໃຫ້ຮູ້ວ່າ ຕະຫຼອດໄລຍະ 3 ເດືອນຕົ້ນປີ 2025 ຜ່ານມາຕໍ່ກັບສະພາບການຂອງໂລກ ພາກພື້ນທີ່ມີອັນພົ້ນເດັ່ນ ແລະ ຫຍຸ້ງຍາກ, ຍັງສືບຕໍ່ຜັນແປໄປຢ່າງຊັບສົນ, ເຄັ່ງຮ້ອນ ໂດຍສະເພາະປະເທດເຮົາຍັງປະສົບກັບໄພເງິນເຟີ້, ຄ່າຂອງຊີບສູງ ເຊິ່ງເປັນບັນຫາທ້າທາຍຕໍ່ການພັດທະນາເສດຖະກິດ - ສັງຄົມ ແລະ ຊີວິດການເປັນຢູ່ຂອງປະຊາຊົນບັນດາເຜົ່າ ແຕ່ເຖິງຢ່າງໃດກໍ່ຕາມພາຍໃຕ້ການນຳພາ - ຊີ້ນຳຂອງຄະນະບໍລິຫານງານພັກເມືອງ ສະໄໝທີ XII ໃນໄລຍະ 3 ເດືອນຕົ້ນປີຜ່ານມາ ກໍ່ມີຫຼາຍດ້ານພົ້ນເດັ່ນຄື: ໄດ້ສຳເລັດກອງປະຊຸມໃຫຍ່ຂອງອົງຄະນະພັກເມືອງສະໄໝທີ່ XII, ໄດ້ຊີ້ນຳ ນຳພາຄະນະພັກແຕ່ລະຂັ້ນໃນການສຶກສາອົບຮົມການເມືອງ-ແນວຄິດເປັນກົກດ້ວຍ ການນຳເອົາມະຕິ XI ຂອງພັກ, ມະຕິ X ຂອງແຂວງ, ມະຕິ XII ຂອງເມືອງ, ຄຳສັ່ງ, ລະບຽບຂອງພັກ, ກົດໝາຍຂອງລັດ, ມູນເຊື້ອຂອງພັກ ມອບໃຫ້ຄະນະພັກແຕ່ລະຂັ້ນເຜີຍແຜ່ - ເຊື່ອມຊຶມໃຫ້ພະນັກງານ, ປະຊາຊົນຢ່າງທົ່ວເຖິງ, ໄດ້ສຳເລັດການປັບປຸງລະບົບອຳນາດການປົກຄອງເມືອງ ແຕ່ປະທານປົກຄອງລົງຮອດຂັ້ນຫົວໜ້າຫ້ອງການທົ່ວເມືອງ, ໄດ້ຜັນຂະຫຍາຍແຜນພັດທະນາເສດຖະກິດ - ສັງຄົມ 5 ປີ ຄັ້ງທີ X ຂອງເມືອງເຂົ້າສູ່ລວງເລິກ ແລະ ທິດທາງແຜນການໃນຕໍ່ໜ້າຈະສືບຕໍ່ນໍາພາ-ຊີ້ນໍາວຽກງານນໍາພາການເມືອງ-ແນວຄິດໃຫ້ແກ່ພະນັກງານ-ລັດຖະກອນ,ກໍາລັງປະກອບອາວຸດແລະ ປະຊາຊົນບັນດາເຜົ່າໃຫ້ທົ່ວເຖີ່ງດ້ວຍການນໍາເອົາເອກະສານສໍາຄັນຂອງພັກ, ຂອງລັດ ລົງເຜີຍແຜ່ໂອ້ລົມປຶກສາຫາລື ເປັນຕົ້ນແມ່ນ ມະຕິ XI ຂອງພັກ, ມະຕິ X ຂອງແຂວງ , ມະຕິ XII ຂອງເມືອງ ແລະ ການຈັດຕັ້ງປະຕິບັດຈຸດສຸມວາລະແຫ່ງຊາດ ເພື່ອເຮັດໃຫ້ເຂົາເຈົ້າຮັບຮູ້ ແລະ ເປັນເອກະພາບໃນການຈັດຕັ້ງປະຕິບັດບັນລຸຄາດໝາຍທີ່ວາງໄວ້.
ໃນກອງປະຊຸມ ພາກສ່ວນກ່ຽວຂ້ອງຍັງໄດ້ຜ່ານຮ່າງມະຕິຕົກລົງວ່າດ້ວຍພະລະບົດບາດ, ສິດ ແລະ ໜ້າທີ່ຂອງຄະນະບໍລິຫານງານພັກເມືອງ ພ້ອມທັງຜ່ານມະຕິຕົກລົງ ວ່າດ້ວຍການແບ່ງຄວາມຮັບຜິດຊອບໃຫ້ຄະນະບໍລິຫານພັກເມືອງລົງຊີ້ນໍາ 13 ເຂດ ຂອງເມືອງວຽງໄຊ ຈາກນັ້ນຜູ້ແທນເຂົ້າຮ່ວມກອງປະຊຸມຍັງໄດ້ພັດປ່ຽນກັນ ປະກອບຄຳຄິດຄຳເຫັນຢ່າງກົງໄປກົງມາ ເພື່ອເຮັດໃຫ້ບົດສະຫຼຸບ - ທິດທາງແຜນການໃນຕໍ່ໜ້າຄົບຖ້ວນສົມບູນ. ໃນໂອກາດດຽວກັນນັ້ນຍັງໄດ້ຈັດພິທີເຊັນ ມອບ - ຮັບ ໜ້າທີ່ບ່ອນປະຈໍາການຜູ້ເກົ່າ ແລະ ຜູ້ໃຫມ່ ຂື້ນຢູ່ທີ່ສະໂມສອນຂອງເມືອງວຽງໄຊຢ່າງເປັນທາງການຕືມອີກ .

30/05/2025

ຄະນະຜູ້ແທນເມືອງວຽງໄຊເຂົ້າຮ່ວມກອງປະຊຸມສະຫຼຸບການຈັດຕັ້ງປະຕິບັດບົດບັນທຶກຮ່ວມມືຊ່ວຍຈຳການຮ່ວມມືຮອບດ້ານລະຫວ່າງເມືອງລາດ ແລະ ເມືອງກວານຮວ່າ ແຂວງແທງຮ່ວາ ສສ ຫວຽດນາມ
+++++++
ໃນລະຫວ່າງວັນທີ 27 – 28 ພຶດສະພາ 2025 ຄະນະຜູ້ແທນເມືອງວຽງໄຊ ແຂວງຫົວພັນ ນຳໂດຍ ສະຫາຍ ນ ສວຍເພັດ ທອງສົມບັດ ກຳມະການພັກແຂວງ ເລຂາພັກເມືອງ ວຽງໄຊ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມສະຫຼຸບການຈັດຕັ້ງປະຕິບັດບົດບັນທຶກຮ່ວມມືຊ່ວຍຈຳການຮ່ວມມືຮອບດ້ານລະຫວ່າງເມືອງລາດ ແລະ ເມືອງກວານຮວ່າ ແຂວງແທງຮ່ວາ ສສ ຫວຽດນາມ ໂດຍໄດ້ຮັບການຕ້ອນຮັບຢ່າງອົບອຸ່ນຈາກການນຳຂອງທັງສອງເມືອງໂດຍມີ ສະຫາຍ ຮ່າວັນກາ ກຳມະການພັກແຂວງ ເລຂາພັກເມືອງເມືອງລາດ ແລະ ສະຫາຍ ຮ່າທິເຮືອງ ກຳມະການພັກແຂວງ ເລຂາພັກເມືອງ ກວານຮວ່າ ແຂວງແທັງຮວ່າ ສສ ຫວຽດນາມ ພ້ອມຄະນະ
ໃນການເຂົ້າຮ່ວມກອງປະຊຸມຄັ້ງນີ້ ຕ່າງໜ້າຄະນະພັກອຳນາດການປົກຄອງທັງສອງເມືອງໄດ້ຕີລາຄາສູງຕໍ່ການຈັດຕັ້ງປະຕິບັດບົດບັນທຶກຮ່ວມມືຊ່ວຍຈຳການຮ່ວມມືຮອບດ້ານໃນໄລຍະຜ່ານມາໂດຍລວມແລ້ວທັງເມືອງວຽງໄຊ - ເມືອງລາດ ແລະ ເມືອງວຽງໄຊ - ເມືອງກວານຮວ່າ ລ້ວນແລ້ວແຕ່ມີຄວາມສຳພັນໄມຕີຈິດມິດຕະພາບຮັກແພງສາມັກຄີຮ່ວມມືກັນມາຢ່າງຍາວນານ, ຮັກສາ ແລະ ເພີ່ມພູນຄວາມຮ່ວມມືຢ່າງຮອບດ້ານຕະຫຼອດມາ ໃນບົດບັນທັກຊ່ວຍຈຳຮ່ວມມືຮອບດ້ານໄລຍະປີ 2024 – 2025 ທັງສາມເມືອງ ໄດ້ຮັບການຮັກສາ, ເສີມຂະຫຍາຍ ແລະ ພັດທະນາໄປສູ່ທິດທາງທີ່ນັບມືື້ນັບ ແໜ້ນແຟ້ນ, ມີປະສິດທິຜົນ ໄດ້ຈັດຕັ້ງປະຕິບັດບັນດາກິດຈະກໍາຕ່າງໆຢ່າງເປັນປົກກະຕິ ເພື່ອເພີ່ມທະວີ ຄວາມໄວ້ວາງໃຈທາງດ້ານການເມືອງ, ຊຸກຍູ້ຄວາມສາມັກຄີ, ມິດຕະພາບອັນເປັນມູນເຊືື້ອ ແລະ ການຮ່ວມມືຮອບດ້ານ ສອງຝ່າຍໄດ້ແລກປ່ຽນຂໍ້ມູນຂ່າວສານຢ່າງເປັນປົກກະຕິ, ຈັດຕັ້ງປະຕິບັດໜ້າທີ່ທີ່ກ່ຽວຂ້ອງກັບວຽກງານຄຸ້ມຄອງ , ປົກປັກຮັກສາຊາຍແດນ, ຄວບຄຸມການເຄື່ອນໄຫວການເຂົ້າອອກຊາຍແດນ, ຕໍ່ສູ້ປ້ອງກັນ ແລະ ຕ້ານອາຊະຍາກໍາຢາເສບຕິດ, ປົກປັກຮັກສາປ່າໄມ້ ແລະ ປ້ອງກັນໄຟໄໝ້ປ່າ, ເຮັດວຽກງານການຕ່າງປະເທດປະຊາຊົນໃຫ້ດີຂຶື້ນ, ປະສານ ສົມທົບຈັດຕັ້ງການລາດຕະເວນໃນຂົງເຂດຊາຍແດນ, ສະກັດກັ້ນສະພາບການອົບພະຍົບແບບເສລີ, ການລ່ວງລໍ້າເຂົ້າຫາກິນເຂດຊາຍແດນໄດ້ຢ່າງທັນການ; ສຸ່ມໃສ່ໂຄສະນາສຶກສາໃຫ້ພະນັກງານ, ປະຊາຊົນ, ບັນດາກໍາລັງປະກອບອາວຸດ, ໂດຍສະເພາະແມ່ນຄົນລຸ້ນໜຸ່ມຂອງສອງຝ່າຍ ໃຫ້ຮັບຮູ້ ແລະ ເຂົ້າໃຈກ່ຽວກັບສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ຫວຽດນາມ-ລາວ, ສອງແຂວງ ແທັງຮວ່າ- ຫົວພັນ;
ພ້ອມນີ້ແຕ່ລະປີ ເມືອງລາດ ໃຫ້ການຊ່ວຍເຫຼືອເມືອງວຽງໄຊຫຼາຍຢ່າງຍົກໃຫ້ເຫັນ ຈໍານວນ 300 ລ້ານດົງ ເພື່ອພັດທະນາເສດຖະກິດ ແລະ ໃຫ້ການຊ່ວຍເຫຼືອບັນດາ ເນືື້ອໃນອື່ນໆເຊັ່ນ: ເນື່ອງໃນໂອກາດບຸນປີໃໝ່ລາວ, ວັນຊາດລວມແລ້ວປະມານ 800 ກວ່າລ້ານດົງຫວຽດນາມ; ເມືອງກວານຮ່ວາ ຊ່ວຍເມືອງວຽງໄຊ ຈຳນວນເງິນ 500.000.000 ດົ່ງ; ເນື່ອງໃນໂອກາດເຂົ້າຮ່ວມ ແລະ ສະເຫຼີມສະຫຼອງປີໃໝ່ລາວ 2025, ປະຕິບັດໂຄງການ “ຊ່ວຍເດັກນ້ອຍໄປໂຮງຮຽນ”, ແຕ່ລະປີ, ສະຖານີປ້ອງກັນຊາຍແດນ ຫ້ຽນກ໋ຽດ ຊ່ວຍນັກຮຽນ 01 ຄົນຢູ່ກຸ່ມບ້ານນ້ຳງາ, ເມືອງວຽງໄຊ ດ້ວຍມູນຄ່າ 4.500.000 ດົ່ງ, ສອງຝ່າຍໄດ້ສ້າງຕັ້ງຄະນະຜູ້ແທນເຮັດວຽກມາຢ້ຽມຢາມ ແລະ ອວຍພອນເຊິ່ງກັນ ແລະ ກັນໃນບັນດາເຫດການສຳຄັນຂອງ 2 ປະເທດ; ເຂົ້າຮ່ວມບັນດາກິດຈຳກຳແລກປ່ຽນວັດທະນະທຳ ແລະ ສິລະປະ, ເພີ່ມຄວາມເຂົ້າໃຈກ່ຽວກັບຄຸນຄ່າວັດທະນະທຳ ແລະ ຮີດຄອງປະເພນີອັນດີງາມເຊິ່ງກັນ ແລະ ກັນ.

ຖະແຫຼງຂ່າວເມືອງວຽງໄຊ

22/07/2025

17/07/2025

09/07/2025

07/07/2025

01/07/2025

01/07/2025

20/06/2025

20/06/2025

16/06/2025

06/06/2025

03/06/2025

30/05/2025

Address

Opening Hours

Telephone

Website

Alerts

Shortcuts

Share

Category

Monday	09:00 - 16:00
Tuesday	09:00 - 17:00
Wednesday	09:00 - 16:00
Thursday	09:00 - 16:00
Friday	09:00 - 17:00