ກົມໄປສະນີdop, ບ້ານ ສາຍລົມ, Vientiane (2025)

Q: What is the address?

ບ້ານ ສາຍລົມ

08/10/2025

ຊົມເຊີຍ ວັນໄປສະນີໂລກ ຄົບຮອດ 151 ປີ (09 ຕຸລາ 1874-09 ຕຸລາ 2025) ຢ່າງສຸດໃຈ!
------------------------------------------------------------
ໄປສະນີເພື່ອປວງຊົນ: ສະໜອງການບໍລິການພາຍໃນປະເທດຢ່າງທົ່ວເຖິງ ແລະ ສ້າງການເຊື່ອມໂຍງທາງສາກົນຢ່າງມີປະສິດທິພາບ
://www.youtube.com/watch?v=YKlJj4QtQOU

08/10/2025

ກອງປະຊຸມສໍາມະນາກ່ຽວກັບ ສິ່ງທ້າທາຍ ແລະ ໂອກາດ ຂອງການຄ້າຜ່ານສື່ສັງຄົມ ທີ່ມີຜົນຕໍ່ການສົ່ງເສີມສັກກະຍະພາບຂອງແມ່ຍິງ ໃນຍຸກດິຈິຕອນ ໃນວັນທີ 3-4 ຕຸລາ 2025 ທີ່ເມືອງວັງວຽງ, ແຂວງວຽງຈັນ
-----------------------------------===---------------------------------
ໃນວັນທີ 3-4 ຕຸລາ 2025 ທີ່ຜ່ານມາ ກົມໄປສະນີໄດ້ຈັດກອງປະຊຸມສໍາມະນາ ຫົວຂໍ້ ສິ່ງທ້າທາຍ ແລະ ໂອກາດ ຂອງການຄ້າຜ່ານສື່ສັງຄົມ ທີ່ມີຜົນຕໍ່ການສົ່ງເສີມສັກກະຍະພາບຂອງແມ່ຍິງ ໃນຍຸກດິຈິຕອນ ທີ່ເມືອງວັງວຽງ, ແຂວງວຽງຈັນ ໂດຍການເປັນປະທານຂອງ ທ່ານ. ບຸນດາໄລ ເຄນນາວົງ, ຮອງຫົວໜ້າກົມໄປສະນີ ແລະ ໄດ້ຮັບຟັງຄໍາໂອວາດຕໍ່ກອງປະຊຸມສໍາມະນາ ຂອງ Dr. Masanori kondo, ເລຂາທີການໃຫຍ່ ຂອງສະຫະພາບໂທລະຄົມມະນາຄົມ ອາຊີ-ປາຊີຟີກ (APT). ເປົ້າໝາຍຂອງການສໍາມະນາຄັ້ງນີ້ ແມ່ນບັນດາແມ່ຍິງທີ່ຢູ່ພາຍໃນກະຊວງເຕັກໂນໂລຊີ ແລະ ການສື່ສານເປັນການສົ່ງເສີມບົດບາດຄວາມເປັນຜູ້ນໍາຂອງແມ່ຍິງ ແລະ ເສີມສ້າງຄວາມອາດສາມາດໃຫ້ແກ່ແມ່ຍິງໃນການນໍາໃຊ້ສື່ອອນລາຍໃຫ້ເກີດປະໂຫຍດ ແລະ ສາມາດສ້າງລາຍຮັບເພີ່ມໃຫ້ແກ່ຄອບຄົວ ຈາກຊ່ອງທາງສື່ອອນລາຍ ລວມທັງແຮງບັນດານໃຈ ໃຫ້ແກ່ສະມາຊິກແມ່ຍິງ ໃນການສ້າງທຸລະກິດຂອງຕົນ ໂດຍການແລກປ່ຽນປະສົບການຈາກຜູ້ປະກອບການຍິງ ທີ່ປະສົບຜົນສໍາເລັດດ້ານທຸລະກິດມາກ່ອນ.
ໃນການສໍາມະນາ ແມ່ນໄດ້ນໍາສະເໜີຫົວຂໍ້ ບົດບາດຂອງແມ່ຍິງ ໃນຍຸກດິຈິຕອນ ແລະ ເສີມສ້າງຄວາມອາດສາມາດ ແລະ ຄວາມເຂັ້ມແຂງຂອງແມ່ຍິງໃນການຫາລາຍໄດ້ ຈາກ E-Commerce ໂດຍ ທ່ານນາງ. ເກສອນ ສຸລິວົງ, ປະທານສະຫະພັນແມ່ຍິງ ກະຊວງເຕັກໂນໂລຊີ ແລະ ການສື່ສານ, ສູນສົ່ງເສີມ ແລະ ຖ່າຍທອດເຕັກໂນໂລຊີ ແລະ ການສື່ສານ ເຊິ່ງໄດ້ຍົກໃຫ້ເຫັນເຖິງຄວາມສໍາຄັນຂອງການເສີມສ້າງຄວາມເຂັ້ມແຂງ ແລະ ຄວາມໝັ້ນໃຈໃຫ້ແມ່ຍິງສາມາດເຂົ້າມາມີສ່ວນຮ່ວມໃນເສດຖະກິດດິຈິຕອນ ແລະ ສ້າງອິດທິພົນໃນສັງຄົມ. ນອກຈາກນີ້, ຍັງສະທ້ອນໃຫ້ເຫັນການຜະລິດຊັບພະຍາກອນທີ່ມີຄຸນຄ່າ ແລະ ການເປັນຜູ້ນໍາຢ່າງເຕັມຕົວຂອງແມ່ຍິງໃນທຸກມິຕິຂອງຊີວິດສັງຄົມ ໃນຍຸກດິຈິຕອນນໍາອີກ. ໃນນັ້ນ, ຍັງໄດ້ຮັບຟັງການບັນຍາຍຈາກນັກວິທະຍາກອນຂອງກົມໄປສະນີ ທີ່ຍົກໃຫ້ເຫັນເຖິງການພັດທະນາຂອງເຕັກໂນໂລຊີ ແລະ ເສດຖະກິດໃນຍຸກດິຈິຕອນ, ການສ້າງຄວາມຮູ້ ແລະ ຄວາມເຂົ້າບັນດາແພດຟອມອອນລາຍ ແລະ ເຄື່ອງມືໃນການນໍາໃຊ້ເຂົ້າໃນການສ້າງທຸລະກິດອອນລາຍ ລວມໄປເຖິງການນໍາໃຊ້ການບໍລິການການຈັດສົ່ງໄປສະນີຢ່າງມີປະສິດພາບ ສໍາລັບ e-commerce ທັງພາຍໃນ ແລະ ຕ່າງປະເທດ ໃນອຸດສາຫະກໍາ E-commerce. ພ້ອມກັນນັ້ນ, ຍັງໄດ້ເປີດເວທີ ໃນແມ່ຍິງຂອງກະຊວງ ຜູ້ທີ່ປະສົບຜົນສໍາເລັດໃນການສ້າງທຸລະກິດອອນລາຍ ຂຶ້ນນໍາສະເໜີທຸລະກິດຂອງຕົນ ເພື່ອເປັນແບບຢ່າງໃນການສ້າງແຮງບັນດານໃຈໃຫ້ແກ່ເອື້ອຍນ້ອງແມ່ຍິງພາຍໃນກະຊວງ ໃນການສ້າງທຸລະກິດຂອງຕົນ ແລະ ເປີດໂອກາດໃຫ້ມີການແລກປ່ຽນປະສົບການຮ່ວມກັນ ກັບຜູ້ເຂົ້າຮ່ວມສໍາມະນານໍາອີກ.
ໃນກອງປະຊຸມສໍາມະນາ ຍັງໄດ້ມີການມອບໃບຢັ້ງຢືນໃຫ້ແກ່ຜູ້ເຂົ້າຮ່ວມ ເພື່ອເປັນຫຼັກຖານແຫ່ງການມີສ່ວນຮ່ວມ ແລະ ການຜ່ານການຮຽນຮູ້ໃນຫົວຂໍ້ທີ່ສໍາຄັນກ່ຽວກັບບົດບາດຂອງແມ່ຍິງໃນຍຸກດິຈິຕອນ. ການມອບໃບຢັ້ງຢືນນີ້ເປັນການຍົກຍ້ອງຄວາມພະຍາຍາມ ແລະ ການມີສ່ວນຮ່ວມຢ່າງຕັ້ງໃຈຂອງຜູ້ເຂົ້າຮ່ວມ ທີ່ໄດ້ສົມທົບຄວາມຮູ້ ແລະ ແບ່ງປັນປະສົບການໃນການສ້າງພະລັງ ແລະ ຄວາມເຂັ້ມແຂງໃຫ້ແກ່ແມ່ຍິງ ທັງເປັນການກະຕຸ້ນໃຫ້ແມ່ຍິງມີຄວາມໝັ້ນໃຈ ແລະ ມີແຮງບັນດານໃຈໃນການນໍາຄວາມຮູ້ທີ່ໄດ້ຮັບໄປປະຍຸກໃຊ້ໃນຊີວິດປະຈໍາວັນ ແລະ ການພັດທະນາອາຊີບໃນອະນາຄົດ.
--------------------
.postal.gov.la

19/09/2025

ສະຫະພາບໄປສະນີສາກົນ ສ້າງຕັ້ງຂື້ນໃນປີ 1874 ເປັນຫນ່ວຍງານຫນຶ່ງທີ່ຂື້ນກັບສະຫະປະຊາຊາດ ຊື່ງຮັບຜິດຊອບວຽກງານໄປສະນີ ມີສະມາຊິກ 192 ປະເທດ ຈຶ່ງຖືເປັນເວທີຫຼັກໃນການຮ່ວມມືລະຫວ່າງຜູ້ປະກອບການໃນພາກໄປສະນີ ເພື່ອສ້າງຄວາມເຊື່ອຫມັ້ນໃນເຄື່ອຂ່າຍໄປສະນີທົ່ວໂລກ ໃຫ້ມີຜະລິດຕະພັນ ແລະ ບໍລິການທີ່ທັນສະໄຫມ. ສະຫະພາບໄປສະນີສາກົນເປັນອົງກອນທີ່ມີບົດບາດໃນການໃຫ້ຄໍາປຶກສາ ໄກ່ເກຍ ປະສານງານ ແລະ ໃຫ້ການຊ່ວຍເຫຼືອທາງດ້ານເຕັກນິກ ທັງເປັນຜູ້ກໍານົດລະບຽບການໃນການແລກ ປ່ຽນໄປສະນີລະຫວ່າງປະເທດ ແລະໃຫ້ຄໍາແນະນໍາໃນການຊຸກຍູ້ການຂະຫຍາຍຕົວຂອງບໍລິມາດພັດສະດຸບໍລິການທາງການເງິນ ແລະ ປັບປຸງຄຸນນະພາບການໃຫ້ບໍລິການແກ່ລູກຄ້າ.
ສະຫະພາບໄປສະນີສາກົນຈະມີກອງປະຊຸມໃຫຍ່ຂອງຕົນ ຊຶ່ງຈັດຂື້ນທຸກ 4 ປີ ເພື່ອຄັດເລືອກເອົາເລຂາທິ ການ ແລະ ຮອງເລຂາທິການ ມາດໍາລົງຕໍາແຫນງບໍລິຫານວຽກງານໄປສະນີສາກົນ ໂດຍຄັດເລືອກຈາກຜູ້ແທນຂອງ ປະເທດສະມາຊິກ ແລະ ໃນກອງປະຊຸມແຕ່ລະຄັ້ງກໍຈະມີ ການຮັບຮອງເອົາແຜນຍຸດທະສາດການພັດທະນາໄປສະນີໃນຮອບວຽນ 4 ປີ. ກອງປະຊຸມໃຫຍ່ຄັ້ງທີ 28 ທີ່ຈັດ ຂື້ນຢູ່ນະຄອນຫຼວງ Dubai ປະເທດ United Arab Emirates ມາແຕ່ວັນທີ 8 ຫາ 19 ກັນຍາ 2025 ກໍໄດ້ ມີການຄັດເລືອກ ແລະ ຮັບຮອງເອົາແຜນຍຸດທະສາດໄປສະນີ ໄລຍະ 2026-2029 ຊື່ງຜົນການເລືອກຕັ້ງຄັ້ງນີ້ ທ່ານ Masahiko Metoki ຊື່ງເປັນຄົນ ຍີ່ປຸ່ນ ແລະ ທ່ານ Marjan Osvald ຈາກປະເທດ ສະໂລວາເນຍ ກໍ່ໄດ້ຮັບການຄັດເລືອກໃຫ້ດໍາລົງຕໍາແຫນ່ງເປັນເລຂາ ແລະ ຮອງເລຂາ ຂອງສະຫະພາບໄປສະນີສາກົນ ເປັນສະໄຫມທີ 2.
ສປປ ລາວ ເຮົາເອງກໍໄດ້ມີການເຄື່ອນໄຫວ ແລະ ເຂົ້າຮ່ວມໃນເວທີດັ່ງກ່າວເຊັ່ນກັນ ຊື່ງມີຄະນະຜູ້ແທນຈາກລາວ ຈໍານວນ 5 ຄົນ ເຂົ້າຮ່ວມກອງ ປະຊຸມໃຫຍ່ຄັ້ງທີ 28 ຂອງສະຫະພາບໄປສະນີ ສາກົນ ທີ່ນະຄອນ ດູໄບ ນໍາພາຄະນະໂດຍ ທ່ານ ໄຊລີສາ ອິນສີຊຽງໃຫມ່ ຮອງລັດຖະມົນຕີກະຊວງ ເຕັກໂນໂລຊີ ແລະ ການສື່ສານ ຜູ້ຊີ້ນໍາວຽກງານ ໄປສະນີ ທັງເປັນປະທານສະພາບໍລິຫານບໍລິສັດ ໄປສະນີລາວ ພ້ອມດ້ວຍຄະນະຜູ້ບໍລິຫານບໍລິສັດ ໄປສະນີລາວ ຈໍາກັດ ໂດຍ ທ່ານ ສະຫມານ ມີບຸນ ແລະ ຫົວຫນ້າກົມໄປສະນີ ທ່ານ ຈັນທະວີພອນ ເຄືອບຄໍາວອນ ເພື່ອໃຊ້ສິດໃນນາມປະເທດ ສະມາຊິກຂອງສະຫະພາບໄປສະນີສາກົນ ລົງຄະນະແນນສຽງຄັດເລືອກເອົາຄະນະບໍລິຫານສະພາບໄປສະນີສາກົນຊຸດໃຫມ່ ແລະ ຮັບຮອງເອົາແຜນຍຸດທະສາດໄປສະນີ 2026-2029 ສະບັບໃຫມ່.
ສໍາຫຼັບຍຸດທະສາດໄປສະນີສະບັບໃຫມ່ນີ້ ແມ່ນການເດີນຫນ້າສູ່ທິດທາງໃຫມ່ ໃນການພັດທະນາ ໄປສະນີໃຫ້ທັນສະໄຫມ ຊື່ງເປົ້າຫມາຍໃຫຍ່ຂອງຍຸດທະສາດດັ່ງກ່າວ ເພື່ອໃຫ້ເຄືອຂາຍໄປສະນີ ເປັນພັນທະມິດ ທີ່ໄວ້ວາງໃຈໄດ້ ໃນການສົ່ງມອບການຄ້າເອເລັກໂຕຼນິກ ແລະ ບໍລິການໄປສະນີ ໂດຍເນັ້ນລູກຄ້າ ເປັນໃຈກາງ ມີ 3 ເປົ້າຫມາຍຄື:
1. ຍົກລະດັບເຄືອຂ່າຍໄປສະນີໂລກໃຫ້ກາຍເປັນເຂດໄປສະນີດຽວ ໂດຍເນັ້ນການສ້າງສັງຄົມທີ່ເຊື່ອມ ໂຍງເຖິງກັນ ຄວບຄຸມ ແລະ ຍັງຍືນ.
2. ເສີມສ້າງຄວາມເຂັ້ມແຂງໃຫ້ພາກສ່ວນຕ່າງໆ ຜ່ານນະວັດຕະກໍາ ທີ່ສົ່ງເສີມບົດບາດດ້ານການຄ້າ ແລະ ການສື່ສານໃຫ້ດີຍິ່ງຂື້ນ ໂດຍເນັ້ນໃຫ້ການຊ່ວຍເຫຼືອປະເທດສະມາຊິກໄດ້ນໍາໃຊ້ເຕັກໂນໂລຊີໃຫມ່ໆ ແລະ ສ້າງການຮ່ວມມືໃນການພັດທະນາຜະລິດຕະພັນ ແລະ ບໍລິການໄປສະນີທີ່ທັນສະໄຫມ ແລະ ສ້າງຄວາມເຊື່ອຫມັ້ນໃຫ້ແກ່ລູກຄ້າ.
3. ຂັບເຄື່ອນການພັດທະນາໄປສະນີຜ່ານຄວາມຮ່ວມມືຫຼາຍຂື້ນ ແລະ ການຂະຫຍາຍຂອບເຂດໃຫ້ກວ້າງອອກ ລວມທັງການເພີ່ມຄວາມເຂັ້ມແຂງໃຫ້ກັບການດໍາເນີນງານຂອງສະຫະພາບໄປສະນີສາກົນໃນ ລະດັບພາກພື້ນ ແລະ ກິດຈະກໍາຊ່ວຍເຫຼືອທາງດ້ານເຕັກນິກຕ່າງໆຂອງພາກພື້ນທີ່ດໍາເນີນການຮ່ວມກັບ ສະຫະພາບໄປສະນີສາກົນ.
-----------------------------------
.postal.gov.la

16/09/2025

ກອງປະຊຸມສະຫຼຸບຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງຂະແໜງການ ໄປສະນີ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025
--------------------------------000------------------------------
ໃນວັນທີ 12 ກັນຍາ 2025 ຜ່ານມາ, ທີ່ກະຊວງເຕັກໂນໂລຊີ ແລະ ການສື່ສານ (ກຕສ), ກົມໄປສະນີ ໄດ້ດຳເນີນກອງປະຊຸມສະຫຼຸບຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງຂະແໜງການໄປສະນີ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025. ໂດຍການເປັນປະທານຂອງ ທ່ານ ປະສິດ ສີສົມບູນ ຮອງຫົວໜ້າກົມໄປສະນີ ມີພະນັກງານພາຍໃນກົມ ແລະ ຜູ້ປະກອບການຂົນສົ່ງໄປສະນີ ເຂົ້າຮ່ວມຢ່າງພ້ອມພຽງ.
ກອງປະຊຸມ ໄດ້ເຫັນດີ ເປັນເອກະພາບຮັບຮອງເອົາ ຮ່າງບົດສະຫຼຸບຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງຂະແໜງການໄປສະນີ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025. ພ້ອມນັ້ນ, ຜູ້ເຂົ້າຮ່ວມກອງປະຊຸມ ຍັງໄດ້ປະກອບຄຳຄິດຄຳເຫັນ ແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບວິທີການກວດກາພັດສະດຸ, ການວິເຄາະ-ສັງເກດພຶດຕິກຳຂອງຜູ້ໃຊ້ບໍລິການ ແລະ ປະກົດການຕ່າງໆທີ່ພົບເຫັນຜ່ານມາ ພ້ອມທັງເຫັນດີເປັນເອກະພາບ ໃຫ້ມີການແຕ່ງຕັ້ງຄະນະຮັບຜິດຊອບປະສານງານໃນການສະໜອງຂໍ້ມູນຂ່າວສານວຽກງານແກ້ໄຂບັນຫາຢາເສບຕິດ ລະຫວ່າງ ອົງການຄຸ້ມຄອງໄປສະນີ ແລະ ບັນດາບໍລິສັດທີ່ດຳເນີນກິດຈະການບໍລິການຂົນສົ່ງໄປສະນີ.
ຕອນທ້າຍ, ປະທານກອງປະຊຸມ ໄດ້ສະຫຼຸບຕີລາຄາສູງ ຕໍ່ຄວາມເອົາໃຈໃສ່ໃນການຕ້ານ ແລະ ສະກັດກັ້ນບັນຫາຢາເສບຕິດ ຂອງຜູ້ປະກອບການຂົນສົ່ງໄປສະນີ ເພື່ອບໍ່ໃຫ້ລຸດລອດອອກສູ່ສັງຄົມ ແລະ ເອົາໃຈໃສ່ຊຸກຍູ້ໃຫ້ມີການນຳໃຊ້ເຄື່ອງມື ເຕັກໂນໂລຊີທັນສະໄໝເຂົ້າໃນການກວດກາພັດສະດຸ, ເອົາໃຈໃສ່ປະຕິບັດບັນດານິຕິກຳ ແລະ ລະບຽບການທີ່ລັດວາງອອກໃຫ້ເຂັ້ມງວດ, ພ້ອມທັງລາຍງານສະພາບແກ່ຄະນະກຳມະການແກ້ໄຂບັນຫາຢາເສບຕິດ ກະຊວງເຕັກໂນໂລຊີ ແລະ ການສື່ສານ ໃຫ້ທັນຕາມກຳນົດເວລາ.
://www.postal.gov.la

24/06/2025

ການປະຊຸມສຳມະນານະວັດຕະກຳ ICT ໂລຈິດສະຕິກ ໄປສະນີ
-----------------------------------------------------
ກອງປະຊຸມສຳມະນາວິຊາການກ່ຽວກັບ “ທ່າອ່ຽງເຕັກໂນໂລຊີໂລຊີດສະຕິກທົ່ວໂລກ ແລະ ນະວັດຕະກຳລະບົບໂລຊີດສະຕິກໄປສະນີ” ຊຶ່ງໄດ້ຈັດຂື້ນໃນລະຫວ່າງວັນທີ 07 ຫາ 08 ມິຖຸນາ 2025, ທີ່ໂຮງແຮມ Tmak Resort ເມືອງວັງວຽງ, ແຂວງວຽງຈັນ ກອງປະຊຸມໃນຄັ້ງນີ້ມີຜູ້ເຂົ້າຮ່ວມທັງໝົດຫຼາຍກ່ວາ 20 ທ່ານ ມາຈາກພາກສ່ວນກົມໄປສະນີ ແລະ ໂດຍໄດ້ຮັບທຶນການສະໜັບສະໜູນຈາກອົງການ NIPA ສ ເກົາຫຼີ ປະຈຳກົມໄປສະນີ.
ກອງປະຊຸມໃນຄັ້ງນີ້ໄດ້ຮັບກຽດກ່າວເປີດໂດຍ ທ່ານ ຈັນທະວີພອນ ເຄືອບຄຳວອນ ຮັກສາການຫົວໜ້າກົມໄປສະນີ ແລະ ທ່ານ SANG-KI BYOUN ທີປືກສາປະຈຳກົມໄປສະນີ ຈາກອົງການ NIPA ສ ເກົາຫຼີ ໄດ້ຂຶ້ນກ່າວຈຸດປະສົງທິດທາງເຕັກໂນໂລຊີໂລຊີດສະຕິກທົ່ວໂລກ ແລະ ການຫັນປ່ຽນລະບົບໂລຊີດສະຕິກໄປສະນີ. ນອກຈາກນັ້ນກອງປະຊຸມ, ຍັງໄດ້ຮັບຝັງການນຳສະເໜີ ກ່ຽວກັບ ທິດທາງເຕັກໂນໂລຊີທີ່ສຳຄັນໃນອຸດສະຫະກຳໂລຊີດສະຕິກທົ່ວໂລກ, ຜົນກະທົບຂອງທິດທາງເຕັກໂນໂລຊີຕໍ່ລະບົບໂລຊີດສະຕິກໄປສະນີ, ທັງນີ້ເພື່ອເປັນພື້ນຖານໃຫ້ແກ່ພະນັກງານກົມໄປສະນີຍົກສູງຄວາມຮູ້ອີກບາດກ້າວໜື່ງ ແລະ ຄົ້ນຫາທາງອອກເພື່ອຫັນປ່ຽນລະບົບໂລຊີດສະຕິກໄປສະນີ, ການດຳເນີນກອງປະຊຸມໄດ້ແບ່ງອອກເປັນກຸ່ມໃນການຄົ້ນຄວ້າການແກ້ໄຂບັນຫາຈຳນວນ 04 ກຸ່ມປະກອບມີ: ທີມພັດທະນາບຸກຄະລາກອນ, ທີມຄຸ້ມຄອງໄປສະນີ, ທີມສົ່ງເສີມໄປສະນີ ແລະ ທີມເຕັກໂນໂລຊີໄປສະນີ ແລະ ໄດ້ໃຫ້ຕ່າງໜ້າກຸ່ມແຕ່ລະກຸ່ມຂຶ້ນນຳສະເໜີກ່ຽວກັບສະພາບລວມການແກ້ໄຂບັນຫາ ແລະ ອຸປະສັກຂອງໄປສະນີ ໃນຍຸກປະຈຸບັນໂດຍມີຄະນະກົມ ແລະ ທີ່ປຶກສາປະຈຳກົມເປັນຄະນະກຳມະການ ຜ່ານການຮັບຝັງການນຳສະເໜີຂອງແຕ່ລະທີມຄະນະກຳມະການໄດ້ຕັດສິນເປັນເອກະພາບໃຫ້ທີມຂອງສົ່ງເສີມໄປສະນີເປັນຊະນະເລີດອັນດັບໜື່ງ.
ປະທານກອງປະຊຸມໄດ້ມີຄຳເຫັນເນັ້ນໜັກໃຫ້ບັນດາຜູ້ເຂົ້້າຮ່ວມກອງປະຊຸມຕ້ອງມີການພິຈາລະນາເຖີງກົນໄກທີ່ເຂັ້ມ ແຂງເພື່ອແກ້ໄຂບັນຫາຂອງຂະແໜ່ງການໄປສະນີທີ່ກຳລັງປະເຊີນຢູ່ໃນປະຈຸບັນ, ສົ່ງເສີມການພັດໄປສະນີ ແລະ ສ້າງສະພາບແວດລ້ອມໄປສະນີຂອງ ສປປລາວ ໃຫ້ສາມາດແຂ່ງຂັນກັບສາກົນ, ສົ່ງເສີມ ແລະ ຍົກລະດັບເຕັກນິກຄວາມຮູ້ດ້ານການຄຸ້ມຄອງໄປສະນີໃຫ້ແກ່ພະນັກງານພາຍໃນຂະແໜງໄປສະນີ, ສ້າງຮູບແບບນະວັດຕະກໍາການບໍລິການໄປສະນີແບບໃໝ່ເພື່ອບໍລິ ການໃຫ້ສັງຄົມໄດ້ນຳໄຊ້ການບໍລິການທີປອດໄພ, ໄດ້ມາດຕະຖານ ເພື່ອການພັດທະນາເສດຖະກິດ-ສັງຄົມ.
www.postal.gov.la

22/05/2025

ກົມໄປສະນີ ລົງເຄື່ອນໄຫວວຽກງານຈັດກອງປະຊຸມ-ສຳມະນາ ກ່ຽວກັບການຄຸ້ມຄອງ ແລະ ເຕັກນິກວິຊາການ ວຽກງານໄປສະນີ ຢູ່ 03 ແຂວງພາກເໜືອ
-------------------------------------------------------------------------
ກົມໄປສະນີ, ກະຊວງ ເຕັກໂນໂລຊີ ແລະ ການສື່ສານ ໄດ້ລົງເຄື່ອນໄຫວວຽກງານຈັດກອງປະຊຸມ-ສຳມະນາກ່ຽວກັບການຄຸ້ມຄອງ ແລະ ເຕັກນິກວິຊາການວຽກງານໄປສະນີ ຢູ່ພະແນກເຕັກໂນໂລຊີ ແລະ ການສື່ສານ 03 ແຂວງພາກເໜືອຄື: ແຂວງ ຫຼວງພະບາງ, ແຂວງ ໄຊຍະບູລີ ແລະ ແຂວງ ວຽງຈັນ ໃນລະຫວ່າງວັນທີ 12-15 ພຶດສະພາ 2025 ທີ່ຜ່ານມາ, ໂດຍມີ ທ່ານ ບຸນດາໄລ ເຄນນາວົງ ຮອງຫົວໜ້າກົມໄປສະນີ, ພ້ອມດ້ວຍຄະນະ, ມີພະນັກງານພາຍໃນພະແນກເຕັກໂນໂລຊີ ແລະ ການສື່ສານ ແລະ ບັນດາບໍລິສັດຜູ້ປະກອບການໄປສະນີ ພາຍໃນແຂວງເຂົ້າຮ່ວມຢ່າງພ້ອມພຽງ.

ຈຸດປະສົງການລົງເຄື່ອນໄຫວວຽກງານໃນຄັ້ງນີ້ ແມ່ນເພື່ອເຜີຍແຜ່ກ່ຽວກັບພັດທະນາຂະແໜງການໄປສະນີເປັນດິຈິຕອນ, ການເກັບກຳຂໍ້ມູນສະຖິຕິຂະແໜງການໄປສະນີ ແລະ ການປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງຂະແໜງການໄປສະນີ.

ນອກຈາກນັ້ນ, ກອງປະຊຸມຍັງໄດ້ຮັບຟັງການລາຍງານສະພາບການເຄື່ອນໄຫວວຽກງານຂອງພະແນກເຕັກໂນໂລຊີ ແລະ ການສື່ສານ ໄລຍະຜ່ານມາ ແລະ ສະພາບການດຳເນີທຸລະກິດ ຂອງບັນດາບໍລິສັດທີ່ດຳເນີນກິດຈະການາບໍລິການດ້ານໄປສະນີ ພາຍໃນແຂວງ, ພ້ອມທັງມີການຖອດຖອນບົດຮຽນ, ແລກປ່ຽນຄຳຄິດຄຳເຫັນເຊິ່ງກັນ ແລະ ກັນ ຢ່າງເປັນຂະບວນຟົດຟື້ນ

14/03/2025

ກອງປະຊຸມໃຫຍ່ສະມາຊິກພັກ ຄັ້ງທີ II ຂອງ ໜ່ວຍພັກຮາກຖານ ກົມໄປສະນີ ສໍາເລັດລົງຢ່າງຈົບງາມ
-------------------------------------------------------------
ກອງປະຊຸມໃຫຍ່ສະມາຊິກພັກ ຄັ້ງທີ II ຂອງໜ່ວຍພັກຮາກຖານ ກົມໄປສະນີ, ກະຊວງເຕັກໂນໂລຊີ ແລະ ການສື່ສານ ໄດ້ໄຂຂຶ້ນໃນຕອນບ່າຍວັນທີ 13 ມີນາ 2025, ທີ່ຫ້ອງປະຊຸມ ໃຫຍ່ ຂອງສູນອິນເຕີເນັດແຫ່ງ ຊາດ, ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ ກຳມະການສູນກາງ ພັກ, ເລຂາຄະນະບໍລິຫານງານພັກ ກະຊວງເຕັກໂນໂລຊີ ແລະ ການສື່ສານ, ສະຫາຍ ໄຊສືຊາ ອີນສີຊຽງໃໝ່ ຄະນະບໍລິຫານງານພັກ ກະຊວງເຕັກໂນໂລຊີ ແລະ ການສື່ສານ, ສະຫາຍ ຈັນທະວີພອນ ເຄື່ອບຄຳວອນ ຮອງເລຂາໜ່ວຍພັກຮາກຖານ ກົມໄປສະນີ, ຊຶ່ງມີເລຂາໜ່ວຍພັກຮາກຖານ, ເລຂາຄະນະພັກຮາກຖານທົ່ວອົງ ຄະນະພັກກະຊວງ ແລະ 3 ອົງການຈັດຕັ້ງມະຫາຊົນກະຊວງເຕັກໂນໂລຊີ ແລະ ການສື່ສານ ພ້ອມດ້ວຍສະມາ ຊິກພັກສົມບູນຂອງໜ່ວຍພັກຮາກຖານເຂົ້າຮ່ວມທັງໝົດ ຈຳນວນ 50 ສະຫາຍ.
ໃນກອງປະຊຸມ, ສະຫາຍ ຈັນທະວີພອນ ເຄື່ອບຄຳວອນ ຮອງເລຂາໜ່ວຍພັກຮາກຖານ ກົມໄປສະນີ ໄດ້ຂຶ້ນກ່າວເປີດກອງປະຊຸມ ຢ່າງເປັນທາງການ. ພ້ອມນັ້ນ, ຄະນະໜ່ວຍພັກກໍໄດ້ຜ່ານ “ຮ່າງ” ບົດ ລາຍງານການ ເມືອງ ແລະ “ຮ່າງ” ບົດສຳຫຼວດການນຳພາລວມ ຂອງຄະນະໜ່ວຍພັກຮາກຖານກົມໄປສະນີ ຊຶ່ງໄດ້ຍົກໃຫ້ ເຫັນດ້ານດີທີ່ເປັນຜົນງານ, ດ້ານອ່ອນ, ສາເຫດ ແລະ ບົດຮຽນທີ່ຖອດຖອນໄດ້ ໃນການນໍາພາ-ຊີ້ນໍາ ຂອງຄະ ນະໜ່ວຍພັກຕະຫຼອດໄລຍະຜ່ານມາ ແລະ ທິດທາງແຜນການໃນໄລຍະໃໝ່ໃຫ້ປາກົດຜົນເປັນຈິງ. ໃນໄລຍະ 05 ປີ ຜ່ານມາ ຄະນະໜ່ວຍພັກຮາກຖານ ໄດ້ເອົາໃຈໃສ່ ນໍາພາ-ຊີ້ນໍາ ປະກອບສ່ວນຢ່າງຕັ້ງໜ້າ ແລະ ເຊີດຊູຄວາມຮັບ ຜິດຊອບ ເອົາໃຈໃສ່ປະຕິບັດຕາມພາລະບົດບາດ, ສິດ ແລະ ໜ້າທີ່ການເມືອງຂອງກົມ ໃນການປັບ ປຸງ, ກໍ່ສ້າງ ບຸກຄະລາກອນພາຍໃນໜ່ວຍພັກ. ຈັດຕັ້ງນໍາພາວຽກງານຮອບດ້ານ ເຊັ່ນ: ດ້ານການເມືອງ-ແນວຄິດ, ວຽກ ງານປ້ອງກັນພາຍໃນພັກ, ກໍ່ສ້າງພັກ ນຳພາ-ຊີ້ນຳ ວຽກງານອົງການຈັດຕັ້ງມະຫາຊົນພາຍໃນກົມ, ກໍ່ສ້າງໜ່ວຍ ພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ ແລະ ນໍາພາຈັດຕັ້ງປະຕິບັດວຽກງານວິຊາສະເພາະ, ພ້ອມທັງ ເປັນເສນາທິການໃຫ້ແກ່ຄະນະພັກກະຊວງກ່ຽວກັບວຽກງານໄປສະນີ ໃຫ້ມີປະສິດທິພາບ ແລະ ປະສິດຜົນສູງ.
ໂອກາດດັ່ງກ່າວ, ບັນດາສະມາຊິກພັກ ກໍໄດ້ພ້ອມກັນໃຊ້ສິດປະຊາທິປະໄຕປ່ອນບັດຄັດເລືອກເອົາ ຄະນະໜ່ວຍພັກຮາກຖານຊຸດໃໝ່ ຊຶ່ງມີຜູ້ລົງຮັບສະໝັກ 05 ສະຫາຍ, ເລືອກເອົາ 03 ສະຫາຍ. ກອງປະ ຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາ ສະຫາຍ ຈັນທະວີພອນ ເຄືອບຄໍາວອນ ເປັນເລຂາ ໜ່ວຍພັກ, ສະຫາຍ ປະສິດ ສີສົມບູນ ເປັນຮອງເລຂາໜ່ວຍພັກ ແລະ ສະຫາຍ ສຸພາວະດີ ພິລາຄຳມີ ເປັນກຳມະການ ທັງເປັນປະທານກວດກາ. ພ້ອມນັ້ນ, ຍັງໄດ້ປ່ອນບັດຄັດເລືອກເອົາຜູ້ແທນສົມບູນ ແລະ ຜູ້ແທນສໍາຮອງ ເພື່ອເຂົ້າຮ່ວມກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງ ຊຶ່ງເລືອກໄດ້ຜູ້ແທນສົມບູນ 08 ສະຫາຍ ແລະ ຜູ້ແທນສໍາຮອງ 02 ສະຫາຍ.
ຕອນທ້າຍຂອງກອງປະຊຸມ ຍັງໄດ້ເປັນກຽດຮັບຟັງການໂອ້ລົມຂອງ ສະຫາຍ ເລຂາຄະນະບໍລິຫານງານພັກ ກະຊວງ ຊຶ່ງໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດກອງປະຊຸມໃຫຍ່ ພ້ອມທັງສະແດງຄວາມ ເປັນຫ່ວງເປັນໄຍ ທັງໃຫ້ຄວມສໍາຄັນຕໍ່ວຽກງານໄປສະນີ ຊຶ່ງເປັນໃຈກາງ-ເປັນເສນາທິການໃຫ້ອົງຄະນະພັກ ກະຊວງ ເພື່ອ ຕອບສະໜອງຕໍ່ການນໍາພາ-ຊີ້ນໍາ ກໍຄື ການປັບປຸງ, ກໍ່ສ້າງພັກ ຕາມຄວາມຮຽກຮ້ອງຕ້ອງການໃນໄລ ຍະໃໝ່ ໃນ ສະພາບເງື່ອນໄຂໃໝ່ນີ້. ສະຫາຍ ຍັງໄດ້ເນັ້ນໜັກໃຫ້ຄະນະໜ່ວຍພັກ, ບັນດາສະຫາຍສະມາຊິກ ພັກ, ພະນັກງານ ທົ່ວໜ່ວຍພັກຮາກຖານ ກົມໄປສະນີ ຈົ່ງເຊີດຊູສະຕິ ແລະ ຍົກສູງຄວາມຮັບຜິດຊອບການເມືອງ ຂອງຕົນເຮັດ ວຽກງານໃຫ້ມີການຫັນປ່ຽນໃໝ່ທີ່ຕັ້ງໜ້າ, ເຮັດໃຫ້ພັກມີຄວາມປອດໃສ, ເຂັ້ມແຂງ ແລະ ໜັກແໜ້ນ, ເພີ່ມທະວີຄວາມສາມັກຄີເປັນປຶກແຜ່ນ, ເສີມຂະຫຍາຍມູນເຊື້ອອັນສະຫງ່າງາມຂອງພັກ ປະຊາຊົນປະຕິວັດ ລາວໃຫ້ສູງຂຶ້ນເລື້ອຍໆ, ເດັດດ່ຽວຍົກສູງຄວາມຮັບຜິດຊອບຕໍ່ວຽກງານ, ໃຫ້ ກາຍເປັນກໍາລັງແຮງຂັບເຄື່ອນ ໃນ ການຫັນເປັນດິຈິຕອນ ຕາມທິດຫັນເປັນອຸດສາຫະກໍາ ແລະ ທັນສະໄໝ, ປະກອບສ່ວນເຂົ້າໃນການຈັດຕັ້ງ ຜັນຂະຫຍາຍມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ III ຂອງອົງ ຄະນະພັກກະຊວງທີ່ຈະມາເຖິງນີ້ ໃຫ້ປະກົດຜົນເປັນຈິງຢ່າງສະຫງ່າງາມ.
ຂ່າວ: ກົມໄປສະນີ
.postal.gov.la

12/03/2025

-----------------------------------------------------------------------
ຊົມເຊີຍ ວັນໄປສະນີ ແລະ ວັນໂທລະຄົມມະນາຄົມ ແຫ່ງຊາດ ຄົບຮອບ 60 ປີ (13 ມີນາ 1965 - 13 ມີນາ 2025) ຢ່າງສຸດໃຈ!
------------------------------------------------------------------------

24/12/2024

ໃນຕອນເຊົ້າຂອງວັນທີ 20 ທັນວາ 2024 ທີ່ຜ່ານມາ ທີ່ຫ້ອງປະຊຸມຊັ້ນ 2 ກະຊວງ ເຕັກໂນໂລຊີ ແລະ ການສື່ສານ, ກົມໄປສະນີໄດ້ຈັດກອງປະຊຸມເພື່ອຕ້ອນຮັບທ່ານຮອງລັດຖະມົນຕີຜູ້ຊີ້ນຳລົງມາຕິດຕາມການຈັດຕັ້ງປະຕິບັດວຽກງານປະຈຳປີ 2024 ແລະ ແຜນການປະຈຳປີ 2025, ພ້ອມທັງຈັດພິທີມອບຮັບໜ້າທີ່ລະຫວ່າງ ຫົວໜ້າກົມໄປສະນີ (ຜູ້ເກົ່າ) ແລະ ຮັກສາການຫົວໜ້າກົມໄປສະນີ (ຜູ້ໃໝ່) ພາຍໃຕ້ການເປັນປະທານຂອງ ທ່ານ ໄຊລືຊາ ອິນສີຊຽງໃໝ່, ຮອງລັດຖະມົນ ກະຊວງ ເຕັກໂນໂລຊີ ແລະ ການສື່ສານ. ຊຶ່ງມີພະນັກງານເຂົ້າຮ່ວມທັງໝົດ 20 ທ່ານ.
--------------------------------------------------------------------------
ເພື່ອເຮັດໃຫ້ກອງປະຊຸມໃນຄັ້ງມີຄວາມອັນເລີກເຊິ່ງ ທ່ານຮັກສາການຫົວໜ້າກົມຜູ້ໃໝ່ ກໍ່ລາຍງານສະພາບການຈັດຕັ້ງປະຕິບັດວຽກງານປະຈຳປີ 2024 ແລະ ວາງທິດທາງແຜນການປະຈຳປີ 2025 ຕໍ່ທ່ານຮອງລັດຖະມົນ, ພ້ອມກັນນັ້ນ ຄະນະກົມ ແລະ ຄະນະພະແນກກໍ່ໄດ້ພ້ອມກັນປະກອບຄຳຄິດຄຳເຫັນໃຫ້ຂໍ້ສະເໜີ ແລະ ທິດທາງແຜນການໃນຕໍ່ໜ້າ.
--------------------------------------------------------------------------
ຜ່ານການຮັບຟັງການລາຍງານ ແລະ ການປະກອບຄຳເຫັນຂອງຄະນະກົມ ແລະ ຄະນະພະແນກ ທ່ານປະທານກອງປະຊຸມກໍໄດ້ມີທິດຊີ້ນຳຕໍ່ກົມໄປສະນີດັ່ງນີ້:
1. ເອົາໃຈໃສກະກຽມກອງປະຊຸມໃຫຍ່ຂອງໜ່ວຍພັກຕົນສຳເລັດຕາມຄາດໝາຍທີ່ວາງໄວ້ໃຫ້ກະກຽມບົດລາຍງານການເມືອງ, ບົດສຳຫຼວດການຊີ້ນຳນຳພາຂອງໜ່ວຍພັກໃຫ້ສ່ອງແສງອອກສະພາບຄວາມເປັນຈິງໃຫ້ຫຼາຍທີ່ສຸດ.
2. ເອົາວຽກໄປສະນີເປັນວຽກໜຶ່ງຕາມນະໂຍບາຍພັກ-ລັດ ໃນການເຊື່ອມຈອດບັນດາປະເທດຕ່າງໆ ໂດຍສະເພາະການສ້າງຕັ້ງສູນກວດກາເຄື່ອງຝາກໄປສະນີລະຫວ່າງປະເທດທີ່ລັດຄຸ້ມຄອງນີ້ຕ້ອງໃຫ້ຄົບທຸກຈຸດທາງອອກຂອງປະເທດເຮົາ, ເລັງສ້າງສູນຂໍ້ມູນດ້ານໄປສະນີເພື່ອເຊື່ອມໂຍງບັນດາປະເທດອ້ອມຂ້າງ.
3. ວຽກງານຂົນສົ່ງໄປສະນີທີ່ຕິດພັນກັບການຄ້າອີເລັກໂຕຼນິກໃຫ້ເລັງປະຊຸມເອກະພາບກັບກະຊວງ ໂຍທາທິການ ແລະ ຂົນສົ່ງ ເພື່ອຄວາມເປັນເອກະພາບກັນ.
4. ເອົາວຽກງານໄປສະນີຊ່ວຍຊຸກຍູ້ສົ່ງເສີມເຂົ້າໃນວຽກງານທ່ອງທ່ຽວຂອງລາວເຮົາໃຫ້ຂະຫຍາຍຕົວ.
5. ໃຫ້ຈັດລຽງແຜນບຸລິມະສິດວຽກງານໄປສະນີ ປີ 2025 ເປັນຕົ້ນແມ່ນນິຕິກຳກົດໝາຍຕ່າງໆ, ວຽກໂຄງການ, ວຽກພື້ນຖານໂຄງລ່າງ, ວຽກຮ່ວມມືທັງພາຍໃນ ແລະ ຕ່າງປະເທດ ບໍ່ໃຫ້ລໍຖ້າງົບປະມານໂຄງການລົງທືນຂອງລັດແຕ່ຢ່າງດຽວ ສຳຄັນເຮົາຕ້ອງພົວພັນຮ່ວມມືກັບບັນດາບໍລິສັດທີ່ມີເງື່ອນໄຂ ແລະ ຄວາມພ້ອມໃນການຮ່ວມມືກັບກົມ ອາດເຊີນເຂົາມາຮ່ວມມືກັນເພື່ອໃຫ້ວຽກງານເຄື່ອນໄຫວເປັນປົກະຕິ, ສຳຄັນການຮ່ວມມືເຮົາຕ້ອງກະກຽມສິ່ງທີ່ເຮົາຕ້ອງການພັດທະນາການຮ່ວມມືກັນ ຖ້າທຸກຢ່າງພ້ອມສາມາດສະເໜີການຮ່ວມມືກັບຄະນະນຳກະຊວງ ເພື່ອໃຫ້ເພີ່ນພິຈາລະນາອະນຸມັດໃຫ້ກົມເຊັນສັນຍາຮ່ວມກັບບໍລິສັດ.

04/11/2024

ກອງປະຊຸມປາຖະກະຖາ ສະເຫຼີມສະຫຼອງວັນໄປສະນີໂລກ ຄົບຮອບ 150 ປີ
---------------------------------------------------------------------
ກົມໄປສະນີ, ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດພິທີສະເຫຼີມສະຫຼອງວັນໄປສະນີໂລກ ຄົບຮອບ 150 ປີ (09 ຕຸລາ 1874 - 09 ຕຸລາ 2024) ພາຍໃຕ້ຄຳຂັວນ “150 ປີແຫ່ງການເປີດນຳໃຊ້ການສື່ສານ ແລະ ການເສີມສ້າງຄວາມເຂັ້ມແຂງແກ່ປວງຊົນ ໃນທົ່ວໂລກ” (150 years of enabling the Communication and empowering the peoples across nations) ຂຶ້ນໃນຕອນບ່າຍຂອງວັນທີ 01 ພະຈິກ 2024, ທີ່ຫ້ອງປະຊຸມໃຫຍ່ ຊັ້ນ 05 ຂອງ ສູນເຕັກໂນໂລຊີການສື່ສານຂໍ້ມູນຂ່າວສານ. ໃຫ້ກຽດເປັນປະທານຂອງ ທ່ານ ໄຊລືຊາ ອິນສີຊຽງໃໝ່, ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີຫົວໜ້າກົມໄປສະນີ, ຫົວໜ້າກົມ/ທຽບເທົ່າ, ຄະນະພະແນກ ພາຍໃນ ກຕສ, ບັນດາຜູ້ອຳນວຍການ ບໍລິສັດ ຜູ້ປະກອບການໄປສະນີ ແລະ ນັກສຶກສາ ຈໍານວນ 100 ກວ່າທ່ານເຂົ້າຮ່ວມ.
---------------------------------------------------------------------
ໃນພິທີດັ່ງກ່າວ, ທ່ານ ສຸລິຍາ ຄຳບູຣາວົງ, ຫົວໜ້າກົມໄປສະນີ ໄດ້ຂຶ້ນກ່າວເປີດພິທີ ແລະ ສະເໜີຈຸດປະສົງ ປະຫວັດຄວາມເປັນມາວັນໄປສະນີໂລກ ຊຶ່ງທ່ານໃຫ້ຮູ້ວ່າ: ການບໍລິການໄປສະນີ ໄດ້ຢູ່ຄຽງຄູ່ກັບສັງຄົມເຮົາມາໄດ້ຫຼາຍພັນປີ, ຖ້າຫວນຄືນ 2400 ປີ ກ່ອນ ຄສ ເມື່ອຄັ້ງ ພະລາຊາພາໂຣ ແຫ່ງ ເອຢິບ ໄດ້ຈັດຕັ້ງໜ່ວຍງານຈັດສົ່ງເອກະສານເຜີຍແຜ່ຂໍ້ມູນຂ່າວສານຂອງພະລາຊາເອງ ໄປຍັງບັນດາເມື່ອງຕ່າງໆ, ມາໃນສະໄໝໂຣມັນ 500 ປີ ກ່ອນ ຄສ ພະລາຊາເຊຊ່າ ໄດ້ຈັດຕັ້ງໜ່ວຍງານຈັດສົ່ງເອກະສານ ໂດຍນຳໃຊ້ ມ້າ ເປັນພາຫະນະ, ມາໃນຍຸກລາດຊະວົງຫັນ ໃນ 200 ປີ ກ່ອນ ຄສ ກໍໄດ້ສ້າງຕັ້ງປ່ອງບໍລິການໄປສະນີ 1,600 ກ່ວາແຫ່ງ ແລະ ຈ້າງແຮງງານເຖິງ 2 ໝື່ນກ່ວາຄົນ ເພື່ອເຮັດຫນ້າທີ່ບໍລິການຈັດສົ່ງຈົດໝາຍ ແລະ ເອກະສານ, ມີຄວາມໝາຍສຳຄັນຊຶ່ງສະແດງໃຫ້ເຫັນເຖິງໄປສະນີ ແມ່ນຂະແໜງການບໍລິການໜຶ່ງທີ່ປະກອບສ່ວນເຂົ້າໃນການພັດທະນາ ເສດຖະກິດ-ສັງຄົມຂອງປະເທດໃຫ້ຈະເລີນ ເຕີບໂຕ, ທັງເຮັດໜ້າທີ່ໃນການເຊື່ອມໂຍງລະຫວ່າງຄົວເຮືອນ, ຮ້ານຄ້າ ແລະ ຫົວໜ່ວຍທຸລະກິດ ໃນການສື່ສານພົວພັນ ແລະ ຈໍລະຈອນແຈກຢາຍສິນຄ້າຢ່າງກ້ວາງຂວາງ ແລະ ຫຼວງຫຼາຍ, ພ້ອມທັງອໍານວຍຄວາມສະດວກໃຫ້ແກ່ການຄ້າ, ການຊື້-ຂາຍ ແລະ ການສື່ສານ ທັງພາຍໃນ ແລະ ຕ່າງປະເທດ ຊຶ່ງບໍ່ພຽງແຕ່ເປັນຕົວກາງຂອງການເຊື່ອມໂຍງລະຫວ່າງຜູ້ສະໜອງ ແລະ ຜູ້ບໍລິໂພກ ແຕ່ຍັງປະກອບສ່ວນສໍາຄັນໃນການຂັບເຄື່ອນຕະຫຼາດເສດຖະກິດດິຈິຕອນ ທີ່ຫຼາຍກິດຈະກໍາເຄື່ອນໄຫວດ້ານທຸລະກິດ ຍັງອາໄສການບໍລິການຂອງຂະແໜງໄປສະນີ ໃນການໂຄສະນາເຖິງເຮືອນ, ສ້າງການພົວພັນ, ຈັດສົ່ງ ແລະ ແຈກຢາຍສິນຄ້າໃຫ້ແກ່ລູກຄ້າ.
---------------------------------------------------------------------
ໃນພິທີດັ່ງກ່າວ ຍັງໄດ້ຮັບຊົມວີດີໂອຖະແຫຼ່ງການຂອງເລຂາທິການໃຫຍ່ ສະຫະພາບໄປສະນີສາກົນ(UPU). ຫຼັງຈາກນັ້ນ, ທ່ານ ປະສິດ ສີສົມບູນ, ຮອງຫົວໜ້າກົມໄປສະນີ ກໍໄດ້ຂຶ້ນລາຍງານນຳສະເໜີບົດ ການພັດທະນາຂອງໄປສະນີສາກົນ ແລະ ຂອງ ສປປ ລາວ, ພ້ອມນັ້ນ ກໍໄດ້ຮັບຟັງການນໍາສະເໜີ ສະພາບການບໍລິການ ໃນການຫັນເປັນດິຈິຕອນ ຈາກຕາງໜ້າ 03 ບໍລິສັດໄປສະນີລາວ, ຮຸ່ງອາລຸນ ໂລຈິສຕິກ ແລະ ມີໄຊ ຈັດສົ່ງດ່ວນ.
---------------------------------------------------------------------
ຕອນທ້າຍຂອງພິທີ ຍັງເປັນກຽດຮັບຟັງຄໍາເຫັນໂອ້ລົມຂອງທ່ານປະທານ ຊຶ່ງໄດ້ກ່າວບາງຕອນວ່າ: ເນື່ອງໃນໂອກາດ ພິທີສະເຫຼີມສະຫຼອງ ວັນໄປສະນີໂລກ ເປັນການປູກຈິດສຳນຶກ ແລະ ສ້າງຄວາມຮັບຮູ້ໃຫ້ແກ່ທຸກຄົນໃນສັງຄົມ ເປັນຕົ້ນແມ່ນຜູ້ສ້າງລະບຽບການ ແລະ ຄຸ້ມຄອງໄປສະນີ, ຜູ້ປະກອບການ, ຜູ້ຄ້າຂາຍອອນລາຍ ແລະ ຜູ້ຊົມໃຊ້ທັງຫຼາຍ ໃຫ້ເຂົ້າໃຈຢ່າງເລິກເຊິ່ງເຖິງ ບົດບາດ ແລະ ຄວາມສຳຄັນຂອງວຽກງານໄປສະນີ ຕໍ່ການພັດທະນາເສດຖະກິດ-ສັງຄົມ. ພ້ອມກັນນັ້ນ ກໍ່ເພື່ອຊຸກຍູ້ສົ່ງເສີມການຄ້າອເລັກໂຕຼນິກ, ຜູ້ປະກອບການໃນຍຸກດິຈິຕອນ ທີ່ກ້າວໜ້າຂອງໂລກເຂົ້າມາປະເທດເຮົາ ເພື່ອປະກອບສ່ວນການຈັດຕັ້ງຜັນຂະຫຍາຍແຜນພັດທະນາການຫັນເປັນດິຈິຕອນຂອງປະເທດເຮົາໃຫ້ປາກົດຜົນເປັນຈິງ, ຕະຫຼອດຫຼາຍປີທີ່ຜ່ານມາ ສະຫະພາບໄປສະນີສາກົນ ໄດ້ພະຍາຍາມປັບຕົວໃຫ້ທັນກັບສິ່ງທ້າທາຍຕ່າງໆທີ່ເກີດຂຶ້ນ ເຊັ່ນ: ສົງຄາມ, ວິກິດການທາງເສດຖະກິດ ແລະ ການປ່ຽນແປງທາງດ້ານເຕັກໂນໂລຊີທີ່ກ້າວກະໂດດ, ສະຫະພາບໄປສະນີສາກົນ ຍັງເປັນສັນຍາລັກທີ່ເຂັ້ມແຂງຂອງຄວາມສາມັກຄີລະດັບໂລກ, ໂດຍຮັບປະກັນໃຫ້ທຸກຊັ້ນຄົນສາມາດເຂົ້າເຖິງການສື່ສານໄດ້ ໂດຍສະເພາະແມ່ນກຸ່ມຄົນທີ່ດ້ອຍໂອກາດ, ໃນປັດຈຸບັນ ສະຫະພາບໄປສະນີສາກົນ ຈຶ່ງພະຍາຍາມປັງປຸງ ແລະ ພັດທະນາການບໍລິການໄປສະນີ ເຮັດໃຫ້ແຕ່ລະປະເທດສາມາດແລກປ່ຽນຄວາມຮູ້, ຄົ້ນຫາວິທີການແກ້ໄຂຮູບແບບໃໝ່ ແລະ ຮັບມືກັບສິ່ງທ້າທາຍທີ່ທັນສະໄໝ. ຊຶ່ງຄວາມຫວັງໃນການຮ່ວມມືຂອງສະຫະພາບໄປສະນີສາກົນ ແມ່ນເພື່ອຊ່ວຍປ່ຽນວິກິດໃຫ້ເປັນໂອກາດ ເຮັດໃຫ້ການບໍລິການໄປສະນີ ມີການພັດທະນາໃຫ້ທັນກັບການປ່ຽນແປງຂອງໂລກ.

11/10/2024

-------------------------------------------------
ຊົມເຊີຍວັນໄປສະນີໂລກ ຄົບຮອບ 150 ປີ ຢ່າງສຸດໃຈ
-------------------------------------------------
ຖະແຫຼ່ງການຂອງເລຂາທິການໃຫຍ່ ສະຫະພາບໄປສະນີສາກົນ Masahiko METOKI

“ຄົບຮອບ 150 ປີ ແຫ່ງການເປີດນາໃຊ້ການສື່ສານ ແລະ ການເສີມສ້າງຄວາມເຂັ້ມແຂງໃຫ້ແກ່ປວງຊົນໃນທົ່ວໂລກ ໃນຂະນະທີ່ພວກເຮົາສະເຫຼີມສະຫຼອງ ຄົບຮອບ 150 ປີ ຂອງສະຫະພາບໄປສະນີສາກົນ UPU, ພວກເຮົາໄດ້ຮັບຮູ້ເຖິງ ຄວາມສໍາຄັນຂອງສະຫະພາບ ໃນຖານະທີ່ເປັນຫນຶ່ງໃນຕົວຢ່າງທໍາອິດຂອງລັດທິພະຫຸພາຄີ. ສະຫະພາບໄປສະນີສາກົນ ສ້າງຕັ້ງຂຶ້ນດ້ວຍເປົ້າຫມາຍໃນການສ້າງລະບົບໄປສະນີທີ່ເປັນຫນຶ່ງດຽວ ແລະ ໄດ້ນໍາເອົາບັນດາປະເທດສະມາຊິກລວມເຂົ້າ ດ້ວຍກັນ ເພື່ອສະຫນັບສະຫນູນການສື່ສານ ລະດັບໂລກ, ການແລກປ່ຽນວັດທະນະທໍາ ແລະ ການເຂົ້າເຖິງການບໍລິການ ທີ່ຈໍາເປັນ. ສະຫະພາບໄປສະນີສາກົນ ກ່ອນຫນ້ານີ້ ມີສະມາຊິກ ພຽງແຕ່ 22 ປະເທດ ມາເຖິງປະຈຸບັນມີເຖິງ 192 ປະເທດ ເຊິ່ງສະແດງໃຫ້ເຫັນເຖິງຄວາມເຂັ້ມແຂງຂອງການຮ່ວມມືລະຫວ່າງປະເທດໃນຂະແຫນງໄປສະນີ.
ຕະຫຼອດຫຼາຍປີທີ່ຜ່ານມາ UPU ໄດ້ພະຍາຍາມປັບຕົວໃຫ້ທັນກັບສິ່ງທ້າທາຍຕ່າງໆທີ່ເກີດຂຶ້ນ ເຊັ່ນ: ສົງຄາມ, ວິກິດ ການທາງເສດຖະກິດ ແລະ ການປ່ຽນແປງທາງດ້ານເຕັກໂນໂລຊີທີ່ກ້າວກະໂດດ, ສະຫະພາບໄປສະນີສາກົນ ຍັງເປັນ ສັນຍາລັກທີ່ເຂັ້ມແຂງຂອງຄວາມສາມັກຄີລະດັບໂລກ, ໂດຍຮັບປະກັນວ່າ ທຸກຄົນ ສາມາດເຂົ້າເຖິງການສື່ສານໄດ້ ໂດຍສະເພາະແມ່ນກຸ່ມຄົນທີ່ດ້ອຍໂອກາດ.
ໃນປະຈຸບັນ UPU ຈຶ່ງພະຍາຍາມປັງປຸງ ແລະ ພັດທະນາການບໍລິການໄປສະນີ ເຮັດໃຫ້ແຕ່ລະປະເທດສາມາດ ແລກປ່ຽນຄວາມຮູ້, ຄົ້ນຫາວິທີການແກ້ໄຂຮູບແບບໃຫມ່ ແລະ ຮັບມືກັບສິ່ງທ້າທາຍທີ່ທັນສະໄຫມ. ເຊິ່ງຄວາມຫວັງໃນ ການຮ່ວມມືຂອງ UPU ແມ່ນເພື່ອຊ່ວຍປ່ຽນວິກິດໃຫ້ເປັນໂອກາດ ເຮັດໃຫ້ການບໍລິການໄປສະນີ ມີການພັດທະນາໃຫ້ ທັນກັບການປ່ຽນແປງຂອງໂລກ.
ໃນເມື່ອກ່ອນ ເຮົາອາດຈະຄິດວ່າ ການເພີ່ມຂຶ້ນຂອງການຕິດຕໍ່ສື່ສານໃນຮູບແບບດິຈິຕອນ ແລະ ການຫຼຸດລົງຂອງບໍລິ ມາດເຄື່ອງຝາກໄປສະນີແບບດັ້ງເດີມ ແມ່ນເປັນອຸປະສັກຫນຶ່ງທີ່ສໍາຄັນຕໍ່ຂະແຫນງໄປສະນີ, ແຕ່ປະຈຸບັນພວກເຮົາເຫັນວ່າ ສິ່ງເຫຼົ່ານັ້ນແມ່ນເປັນໂອກາດຫຼາຍກວ່າ. ເຊິ່ງເຄືອຂ່າຍຂອງ UPU ໄດ້ມີການປັບຕົວ ເພື່ອຊຸກຍູ້ສົ່ງເສີມການບໍລິການໃຫ້ ມີຄວາມຫຼາກຫຼາຍຂຶ້ນ ເຊັ່ນ: ການຄ້າເອເລັກໂຕຣນິກ, ການບໍລິການດ້ານການເງິນ, ການບໍລິການສັງຄົມ ແລະ ການ ບໍລິການແບບດິຈິຕອນ ເພື່ອເຮັດໃຫ້ຜູ້ຄົນໃນທົ່ວໂລກ ລວມທັງເຂດຫ່າງໄກສອກຫຼີກ ສາມາດເຂົ້າເຖິງການບໍລິການ ໄປສະນີໄດ້ຢ່າງສະດວກ ແລະ ທົ່ວເຖິງ.
ໂດຍທົ່ວໄປແລ້ວ ເຮົາຈະຄິດວ່າ ການແຂ່ງຂັນເປັນສິ່ງທີ່ທ້າທາຍ ແຕ່ສໍາລັບ UPU ແລ້ວແມ່ນມີຄວາມຍິນດີທີ່ຈະສ້າງຄູ່ ຮ່ວມພັນທະມິດກັບຫຼາຍພາກສ່ວນ ເຊິ່ງນັ້ນຈະເປັນການເປີດກວ້າງ ໃນການເສີມສ້າງຄວາມອາດສາມາດຂອງພວກເຮົາ ຕໍ່ກັບສິ່ງທ້າທາຍຕ່າງໆໃນໂລກ ເຊັ່ນດຽວກັນກັບສະພາບການປ່ຽນແປງຂອງດິນຟ້າອາກາດ ເຊິ່ງຈໍາເປັນຈະຕ້ອງມີການ ຮ່ວມມືລະຫວ່າງປະເທດ ໃນການແກ້ໄຂບັນຫາດັ່ງກ່າວ.
ເມື່ອເຮົາເບິ່ງໄປຍັງອານາຄົດ, ພາລະກິດຂອງ UPU ຍັງຄົງຊັດເຈນ ນັ້ນກໍ່ຄື ການເຊື່ອມໂຍງ ແລະ ເສີມສ້າງຄວາມ ເຂັ້ມແຂງໃຫ້ແກ່ປວງຊົນໃນທົ່ວໂລກ ດ້ວຍຄວາມມຸ່ງຫມັ້ນ ຕໍ່ການຮ່ວມມືພະຫຸພາຄີ, ນະວັດຕະກໍາ ແລະ ຄວບຄຸມໄປ ທົ່ວໂລກ ເຊິ່ງ UPU ຈະຕ້ອງສືບຕໍ່ຊຸກຍູ້ ແລະ ສົ່ງເສີມການຕິດຕໍ່ສື່ສານລະດັບໂລກ ແລະ ສະຫນອງການບໍລິການໃຫ້ ແກ່ກຸ່ມຄົນຍຸກໃຫມ່ ໃນອີກ 150 ປີ ຕໍ່ຫນ້າ.

https://www.upu.int/UPU/media/upu/events/202410worldPostDay2024DGVideoMessage_EN_FR.mp4

28/08/2024

ກົມໄປສະນີ, ກະຊວງເຕັກໂນໂລຊີ ແລະ ການສື່ສານ ໄດ້ເປີດກອງປະຊຸມເປິດກວ້າງຜ່ານເນື້ອໃນ (ຮ່າງ) ຂໍ້ຕົກລົງ ວ່າດ້ວຍ ມາດຕະຖານຄວາມປອດໄພຂອງເຄື່ອງຝາກ ແລະ ການບໍລິການໄປສະນີ ຂຶ້ນໃນຕອນເຊົ້າຂອງ ວັນທີ 17 ສິງຫາ 2024 , ທີ່ຫ້ອງປະຊຸມໃຫຍ່ຊັ້ນສອງ ຂອງຕຶກ ສອຊ ເຂດສາຍລົມ ໂດຍພາຍໃຕ້ການເປັນປະທານຂອງ ທ່ານ ປະສິດ ສີສົມບຸນ ຮອງກົມໄປສະນີ, ຊຶ່ງມີບັນດາຜູ້ຕາງໜ້າຈາກ ຫ້ອງການ, ກົມ, ສູນ, ອົງການ ແລະ ສະຖາບັນພາຍໃນກະຊວງເຕັກໂນໂລຊີ ແລະ ການສື່ສານ ເຂົ້າຮ່ວມທັງໝົດ 18 ທ່ານ.
ຈຸດປະສົງຂອງກອງປະຊຸມດັ່ງກ່າວ ແມ່ນເປີດກວ້າງ ຜ່ານເນື້ອໃນ (ຮ່າງ) ຂໍ້ຕົກລົງ ວ່າດ້ວຍ ມາດຕະຖານຄວາມປອດໄພຂອງເຄື່ອງຝາກ ແລະ ການບໍລິການໄປສະນີ ແລະ ຮັບຟັງການປະກອບຄໍາເຫັນ ຈາກຕາງໜ້າຂອງບັນດາພາກລັດ, ເອກະຊົນ ເພື່ອແນໃສ່ເຮັດໃຫ້ຮ່າງຂໍ້ຕົກລົງສະບັບດັ່ງກ່າວ ມີເນື້ອໃນຄົບຖ້ວນ, ສົມບູນທີ່ສຸດ ແລະ ເປັນເອກະພາບກັນ ເພື່ອເປັນບ່ອນອີງໃນການຈັດຕັ້ງປະຕິບັດໃນຂັ້ນຕອນຕໍ່ໄປ. ເຊີ່ງດຳເນີນເປັນເວລາ 1 ຕອນ ແລະ ໄດ້ຈົບລົງຢ່າງຈົບງາມໃນວັນດຽວກັນ.
.postal.gov.la

ກົມໄປສະນີdop

08/10/2025

08/10/2025

19/09/2025

16/09/2025

24/06/2025

22/05/2025

14/03/2025

12/03/2025

24/12/2024

04/11/2024

11/10/2024

28/08/2024

Address

Website

Alerts

Contact The Business

Shortcuts

Share

Category