Muan, 7th Floor, Vientiane Plaza Hotel, Hatsady Village, Chanthabouly District, Vientiane (2026)

11/05/2026

ໃນໂລກທີ່ແສນວຸ່ນວາຍ, ບາງເທື່ອງສິ່ງທີ່ເຮົາຕ້ອງການທີ່ສຸດອາດບໍ່ແມ່ນຊັບສິນເງິນຄຳ ແຕ່ເປັນ ຄວາມຮັກ ແລະ ຄວາມເຂົ້າໃຈ ຈາກໃຜຈັກຄົນ.

ມື້ນີ້ Muan Scoop ຈະພາທຸກຄົນໄປຮູ້ຈັກກັບມຸມມອງຊີວິດຂອງ Pataradanai Setsuwan ຫຼື ເຂື່ອນ ດາໄນ (Koendanai) ບຸກຄົນທີ່ກາຍເປັນໄອຄອນ (Icon) ແຫ່ງການສົ່ງຕໍ່ພະລັງບວກ ແລະ ແຮງບັນດານໃຈໃຫ້ກັບຜູ້ຄົນໃນສັງຄົມ.

ຈາກອະດີດສິລະປິນບອຍແບນຊື່ດັງສູ່ບົດບາດຂອງນັກຈິດບຳບັດ ເຂື່ອນ ດາໄນ ເຮັດໃຫ້ເຮົາເຫັນວ່າ ຄວາມຮັກຄືພື້ນຖານທີ່ແສນອົບອຸ່ນ ແລະ ສຳຄັນທີ່ສຸດຂອງຊີວິດ. ຄວາມຮັກນັ້ນມີຢູ່ທຸກບ່ອນອ້ອມຕົວເຮົາບໍ່ວ່າຈະເປັນ ຄວາມຮັກມາຈາກຄອບຄົວ, ໝູ່ເພື່ອນ, ຄົນຮັກ ຫຼື ພຽງແຕ່ຊ່ວງເວລາເລັກໆນ້ອຍໆຂອງຄວາມເມດຕາໃຈດີຈາກຄົນແປກໜ້າທີ່ເຮົາພົບໃນແຕ່ລະມື້.

ມັນເປັນເລື່ອງປົກກະຕິທີ່ມະນຸດເຮົາຈະສະແຫວງຫາຄວາມຮັກໃນທຸກຮູບແບບເພື່ອມາເຕີມເຕັມຈິດໃຈ. ແຕ່ສິ່ງທີ່ ເຂື່ອນ ເນັ້ນຢ້ຳ ແລະ ພະຍາຍາມສື່ສານກັບສັງຄົມສະເໝີມາກໍຄື ທ່າມກາງການຊອກຫາຄວາມຮັກຈາກໂລກພາຍນອກ ທຸກຄົນຢ່າລືມຄວາມຮັກອີກປະເພດໜຶ່ງທີ່ເຮົາມັກເບິ່ງຂ້າມ ທັງທີ່ມັນເປັນຄວາມຮັກທີ່ຍິ່ງໃຫຍ່ ແລະ ດີທີ່ສຸດ ນັ້ນຄື ການຮັກຕົນເອງ (Self-love).

ໄວໆນີ້, ເຂື່ອນ ດາໄນ ກໍໄດ້ຮັບເຊີນມາໃນງານ WELL & Friends Fest 2026 ງານກ່ຽວກັບ ສຸຂະພາບຈິດ ແລະ ສິລະປະ ທີ່ໄດ້ລວມເອົາແຂກສຸດພິເສດທີ່ມີຄວາມຮູ້ກ່ຽວກັບສຸຂະພາບຈິດມາຮວມກັນ ເພື່ອແບ່ງປັນປະສົບການທີ່ໜ້າປະທັບໃຈໃຫ້ແກ່ຜູ້ເຂົ້າຮ່ວມງານທຸກໆຄົນ.

ຕິດຕາມຂ່າວສານເພີ່ມຕື່ມໄດ້ທີ່: WELL - Because You Matter

ງານນີ້ແມ່ນປິດຮັບແລ້ວເດີ ໃຜທີ່ລົງທະບຽນເປັນທີ່ຮຽບຮ້ອຍແລ້ວ ກໍພົບກັນໄດ້ທີ່ງານເລີຍ✨🥰

📅ວັນທີ 23 ພຶດສະພາ 2026
⏰ເວລາ: 09:00 - 18:00 ໂມງ
📍ສະຖານທີ່: ສູນບູໂດ ລາວ-ຢີ່ປຸ່ນ, ນະຄອນຫຼວງວຽງຈັນ.

#ສຸຂະພາບຈິດ

11/05/2026

AI CAR ສ້າງປາກົດການໃໝ່! ເປີດຕົວ DFSK E5 Plus ແລະ SERES 5 ຢ່າງຍິ່ງໃຫຍ່ ຕອບໂຈດຍຸກແຫ່ງນະວັດຕະກຳ AI ເຕັມຮູບແບບ
ໃນວັນທີ 10 ພຶດສະພາ 2026 – AI CAR ຜູ້ນຳເຂົ້າລົດໄຟຟ້າຊັ້ນນຳໃນລາວ ຈັດງານ Grand Opening ເປີດຕົວລົດໄຟຟ້າ 2 ຮຸ່ນໃໝ່ຫຼ້າສຸດ: DFSK E5 Plus ແລະ SERES 5 ຢ່າງເປັນທາງການ ທີ່ສູນການຄ້າ Parkson ນະຄອນຫຼວງວຽງຈັນ. ການເປີດຕົວຄັ້ງນີ້ຖືເປັນກ້າວສຳຄັນຂອງ AI CAR ໃນການຍົກລະດັບອຸດສາຫະກຳລົດໄຟຟ້າໃນ ສປປ ລາວ ດ້ວຍການນຳສະເໜີເຕັກໂນໂລຊີ AI ທີ່ລ້ຳສະໄໝ ປະສົມປະສານເຂົ້າກັບດີໄຊທີ່ຫຼູຫຼາ ແລະ ທັນສະໄໝ.
DFSK E5 Plus: ລົດ SUV ອັດສະລິຍະທີ່ໂດດເດັ່ນດ້ວຍຄວາມອະເນກປະສົງ, ພື້ນທີ່ພາຍໃນກວ້າງຂວາງ ແລະ ຟັງຊັນການໃຊ້ງານທີ່ຄົບຄັນ, ອອກແບບມາເພື່ອຕອບໂຈດຊີວິດຄອບຄົວຍຸກໃໝ່ ທີ່ຕ້ອງການທັງຄວາມສະດວກສະບາຍ ແລະ ຄວາມປະຢັດ.
SERES 5: ລົດໄຟຟ້າສະປອດພຣີມ່ຽມ ທີ່ມາພ້ອມກັບສະມັດຖະນະການຂັບຂີ່ອັນຊົງພະລັງ ແລະ ລະບົບ Intelligent Driving ອັດສະລິຍະ ມອບປະສົບການການເດີນທາງທີ່ເໜືອລະດັບ ພ້ອມມາດຕະຖານຄວາມປອດໄພທີ່ດີຢ້ຽມ.
ພາຍໃນງານ ໄດ້ຮັບກຽດຢ່າງສູງຈາກ ທ່ານ 罗中 = Luo Zhong (David) ຈາກທາງ Asia-Pacific Regional Sales Director
, ພ້ອມດ້ວຍສື່ມວນຊົນ, ສິນລະປິນ, ອິນຟູເລັນເຊີ ແລະ ແຂກກິດຕິມະສັກທີ່ເຂົ້າຮ່ວມຢ່າງຄຶກຄື້ນ ເພື່ອຮ່ວມສຳຜັດກັບວິໄສທັດຂອງ AI CAR ທີ່ມຸ່ງເນັ້ນການນຳໃຊ້ພະລັງງານສະອາດ ເພື່ອຍົກລະດັບຄຸນນະພາບຊີວິດຂອງຄົນລາວໃຫ້ກ້າວສູ່ລະດັບສາກົນ.
ທົດລອງຂັບ (Test Drive) ໄດ້ແລ້ວມື້ນີ້ທີ່:
1. AI CAR 1: ບ້ານໂພນສະຫວາດ (ໃກ້ກັບທະນາຄານ ICBC), ເມືອງຈັນທະບູລີ.
2. AI CAR 2: ຖະໜົນ T2, ບ້ານວັດໄຕໃຫຍ່, ເມືອງສີໂຄດຕະບອງ.
3. AI CAR 3: ສູນການຄ້າ Parkson (ຊັ້ນໃຕ້ດິນ).
📞 ສອບຖາມຂໍ້ມູນເພີ່ມເຕີມ: AI CAR 1 : 020 56419994, AI CAR 2: 020 26853316, AI CAR 3: 020 28111089
Facebook: AI CAR LAOS

11/05/2026

ເລື່ອງຊັອກວົງການ! ທາງ Alist ປະກາດຢຸດຕິບົດບາດ Alicia ໜຶ່ງໃນສະມາຊິກວົງ Fizche.
ກໍເປັນເລື່ອງໜ້າໃຈຫາຍ ທີ່ເຫັນທາງຄ້າຍປະກາດອອກມາຢຸດບົດບາດກັບສິລະປິນພາຍໃນຄ້າຍ, ແຕ່ກ່ອນຈະຈາກກັນ Alicia ກັບສະມາຊິກ Fizche ກໍກຽມທີ່ຈະປ່ອຍຜົນງານສຸດທ້າຍນຳກັນໃນເພງ “ເກັ່ງແຕ່ປາກ” ທ້າຍເດືອນນີ້ ເພື່ອເປັນການສົ່ງທ້າຍຄວາມຊົງຈຳທີ່ສວຍງາມ.
ຫຼັງຈາກນີ້ Fizche ຈະເດີນໜ້າຕໍ່ດ້ວຍສະມາຊິກ 5 ຄົນ (Liza, Koung, Boung, Namfon ແລະ Piana). ສ່ວນບົດບາດ Alicia ທາງຄ້າຍໄດ້ຢືນຢັນແລ້ວວ່າ ຈະງົດຮັບທຸກວຽກໃນວົງການບັນເທິງພາຍໃຕ້ສັງກັດທຸກກໍລະນີ.
ມາຮ່ວມໃຫ້ກຳລັງໃຈທັງ 5 ສາວ ແລະ ລໍຖ້າເບິ່ງບົດບາດໃໝ່ໄປນຳກັນ!

11/05/2026

[ ບົດຄວາມເຫັນ ] “ບໍ່ເປີດໃຈ” ຫຼື “ບໍ່ກ້າສ່ຽງ”? ພາສຳຫຼວດກຳແພງທາງໃຈທີ່ຂັ້ນກາງລະຫວ່າງຄົນລາວກັບໜັງລາວ
ລອງຈິນຕະນາການນຳກັນເຖິງບັນຍາກາດໜ້າໂຮງໜັງໃນມື້ທີ່ໜັງຟອມຍັກຈາກຮໍລິວູດ ຫຼື ໜັງຄອນເສີດ K-Pop ເຂົ້າສາຍ, ເຮົາຈະເຫັນພາບຝູງຊົນບຽດກັນຊື້ປີ້ຢ່າງຟົດຟື້ນ ບາງຄົນກໍຍອມຈອງລ່ວງໜ້າເປັນອາທິດເພື່ອໃຫ້ໄດ້ບ່ອນນັ່ງໃນຮອບທຳອິດ. ແຕ່ໃນທາງກົງກັນຂ້າມ ເມື່ອມີໜັງລາວປາກົດເຂົ້າໃນໂປຣແກຣມສາຍ ບັນຍາກາດຊໍ້າພັດງຽບເຫງົາ ຈົນໄດ້ຍິນສຽງແອໃນໂຖງທາງຍ່າງຂອງໂຮງໜັງ.
ຄວາມແຕກຕ່າງທີ່ສຸດຂົ້ວນີ້ ນຳໄປສູ່ຄຳຖາມທີ່ເຕັມໄປດ້ວຍຄວາມສົງໄສ ແລະ ເຈືອປົນຄວາມນ້ອຍໃຈວ່າ “ເປັນຫຍັງຄົນລາວຈຶ່ງບໍ່ເປີດໃຈເບິ່ງໜັງລາວ?”. ໃນຖານະທີ່ເປັນທັງຜູ້ເບິ່ງໜັງ ແລະ ນັກການຕະຫຼາດ, ຂ້ອຍຄິດວ່າການທີ່ເຮົາຈະດ່ວນສະຫຼຸບວ່າຄົນບ້ານເຮົາ “ບໍ່ເປີດໃຈ” ນັ້ນ ເປັນການເບິ່ງທີ່ຜິວເຜີນເກີນໄປ ຫຼື ບໍ່? ຫຼື ມັນອາດຈະມີກຳແພງໃນຈິດໃຈທີ່ແໜ້ນໜາ ແລະ ຊັບຊ້ອນຂັ້ນກາງຢູ່?
ເຊິ່ງຖ້າເປັນແບບນັ້ນ, ຖ້າວ່າເຮົາບໍ່ເລີ່ມທຸບກຳແພງນີ້ຕັ້ງແຕ່ຮາກເຫງົ້າ, ເຮົາຈະບໍ່ມີມື້ເຂົ້າໃຈເລີຍວ່າ ເປັນຫຍັງຫົວໃຈຂອງຜູ້ເບິ່ງຈຶ່ງຍັງບໍ່ສາມາດເດີນທາງໄປຮອດຈໍຍັກຂອງໜັງບ້ານໂຕເອງໄດ້.
ອ່ານຕໍ່ໄດ້ໃນຄອມເມັ້ນ 👇🏻👇🏻
#ມ່ວນຊວນເບິ່ງ #ຮູບເງົາລາວ #ໜັງລາວ #ບົດຄວາມເຫັນ

08/05/2026

ຂໍຖາມແດ່ ຖ້າຄົນທີ່ລົມເຮົາບອກວ່ານອນກ່ອນ ແຕ່ຍັງເຫັນອອນຢູ່ ແມ່ນເຂົາເປີດແອັບໄວ້ແລ້ວນອນແມ່ນບໍ? 🤔
#ມ່ວນຊວນລົມ

08/05/2026

Foremost ພິກວົງການໂພຊະນາການນົມເດັກນ້ອຍ ເປີດໂຕ “ໂຟໂມສ ໂອເມກ້າ ສະມາດ ຊຸບເປີໂກລ (Foremost Omega Smart Super Gold)” ເປັນນະວັດຕະກໍານົມ UHT ທີ່ດີທີ່ສຸດ, ຍົກສູງເຕັກໂນໂລຊີ Encapsulated DHA ແລະ 2’FL ເສີມພະລັງສະໝອງ ແລະ ພູມຄຸ້ມກັນ ພາຍໃຕ້ແນວຄິດ “ຍິ່ງລູກໄດ້ຄິດ ຍິ່ງໄດ້ຄົ້ນພົບ”.

ສຳລັບນະວັດຕະກໍານົມ UHT ສໍາລັບເດັກນ້ອຍສູດໃໝ່ນີ້, ໄດ້ຮັບຄວາມສົນໃຈຈາກບັນດາຕົວແທນແມ່ໆລະດັບແຖວໜ້າທັງໄທ ແລະ ລາວ ເຂົ້າຮ່ວມງານຢ່າງຫຼວງຫຼາຍ ໂດຍສະເພາະຕົວແທນແມ່ຈາກ ສປປ ລາວ ເຊັ່ນ: ທ່ານໝໍ ນິດ, ແມ່ ນຸຖາ, ແມ່ ມະໂນທິບ (Naree) ແລະ ແມ່ ວີນາ ທີ່ໄດ້ເດີນທາງໄປຮ່ວມງານຢູ່ປະເທດໄທ ເພື່ອສຶກສາເລື່ອງໂພຊະນາການນົມສຳລັບລູກໆ.

ແມ່ໆທັງ 4 ຄົນ ໄດ້ເວົ້າເປັນສຽງດຽວກັນວ່າ "ຍ້ອນເຊື່ອໝັ້ນໃນ ໂຟໂມສ (Foremost) ເຊິ່ງເປັນຜູ້ນຳຕະຫຼາດຜະລິດຕະພັນນົມໃນປະເທດໄທ ຈຶ່ງເລືອກ Foremost ໃຫ້ລູກໆມາໂດຍຕະຫຼອດ".

ຕອນນີ້ Foremost ຍິ່ງເດີນໜ້າຕອກຢ້ຳຄວາມເປັນຜູ້ຊ່ຽວຊານດ້ານໂພຊະນາການເດັກນ້ອຍຢ່າງຕໍ່ເນື່ອງ ດ້ວຍການເປີດໂຕນະວັດຕະກຳໃໝ່ຫຼ້າສຸດ “ໂຟໂມສ ໂອເມກ້າ ສະມາດ ຊຸບເປີໂກລ (Foremost Omega Smart Super Gold)" ຜະລິດຕະພັນນົມ UHT ສູດທີ່ດີທີ່ສຸດ, ທີ່ຄິດຄົ້ນມາເພື່ອເດັກນ້ອຍໄວຮຽນຮູ້ໂດຍສະເພາະ.

ນີ້ຖືວ່າເປັນການຍົກລະດັບມາດຕະຖານນົມພ້ອມດື່ມດ້ວຍເຕັກໂນໂລຊີລະດັບໂລກ ແລະ ສານອາຫານສຳຄັນກວ່າ 24 ຊະນິດ ເພື່ອມຸ່ງເນັ້ນການເສີມສ້າງພັດທະນາການທາງສະໝອງ ແລະ ວາງຮາກຖານພູມຄຸ້ມກັນໃຫ້ແຂງແຮງ ພ້ອມຮັບມືກັບການປ່ຽນແປງຂອງໂລກໃນອະນາຄົດ.

ໃນງານ ທ່ານ ວິພາສ ປະວະໂຣດກິດ ກຳມະການຜູ້ຈັດການ ບໍລິສັດ ຟຣີສແລນຄຳພິນ່າ (ປະເທດໄທ) ຈຳກັດ (ມະຫາຊົນ) ກ່າວເຖິງທິດທາງ ແລະ ເປົ້າໝາຍໃນການພັດທະນາຄັ້ງນີ້ວ່າ:

“ໃນໂລກທີ່ປ່ຽນແປງຢ່າງວ່ອງໄວ ໂຟໂມສ ມຸ່ງໝັ້ນສ້າງຮາກຖານແຫ່ງອະນາຄົດໃຫ້ເດັກໄທຜ່ານໂພຊະນາການທີ່ດີ ໂດຍທີ່ພວກເຮົາບໍ່ໄດ້ເປັນພຽງຜູ້ຜະລິດນົມ ແຕ່ເປັນ 'ຄູ່ຄິດ' ທີ່ນຳມາດຕະຖານລະດັບໂລກຈາກປະເທດເນເທີແລນ ມາປະສົມປະສານກັບຄວາມເຂົ້າໃຈໃນເດັກນ້ອຍໄທ ແລະ ອາຊີ ຢ່າງເລິກເຊິ່ງ ເພື່ອສ້າງຄວາມພ້ອມໃນການຮຽນຮູ້ ແລະ ກ້າວທັນໂລກຍຸກໃໝ່".

"ຈຶ່ງເປັນທີ່ມາຂອງ ‘ໂຟໂມສ ໂອເມກ້າ ສະມາດ ຊຸບເປີໂກລ’ ເຊິ່ງຖືເປັນມາດຕະຖານໃໝ່ທີ່ລວມນະວັດຕະກຳໂພຊະນາການລະດັບສູງ, ທັງ Encapsulated DHA ສົ່ງເສີມການເຮັດວຽກຂອງສະໝອງ ແລະ 2’FL ຮ່ວມກັບ GOS ສົ່ງເສີມພູມຄຸ້ມກັນ ເພື່ອເບິ່ງແຍງທັງການຄິດ ແລະ ການເຕີບໂຕຢ່າງເຕັມປະສິດທິພາບຂອງເດັກໄວຮຽນຮູ້ ໂດຍທີ່ພວກເຮົາຈະບໍ່ຢຸດພັດທະນາຍົກລະດັບໂພຊະນາການໃຫ້ກ້າວທັນໂລກທີ່ບໍ່ເຄີຍຢຸດນິ່ງ ເພື່ອສົ່ງມອບສິ່ງທີ່ດີ" ທ່ານ ວິພາສ ປະວະໂຣດກິດ ກ່າວປິດທ້າຍ.

ທາງດ້ານພຣີເຊັນເຕີຄອບຄົວຕົວຢ່າງເຊັ່ນ: ພຸດ-ພຸດທິໄຊ ແລະ ຈຸ໋ຍ-ວະຣັດທະຍາ ນິນຄູຫາ ໄດ້ຮ່ວມແບ່ງປັນປະສົບການການລ້ຽງ "ນ້ອງພີເຈ" ວ່າ:

"ຫົວໃຈສຳຄັນຂອງການລ້ຽງລູກ ຄືການເຮັດໃຫ້ເຂົາເຈົ້າມີຄວາມສຸກ ແລະ ມີຮ່າງກາຍທີ່ພ້ອມສຳລັບການຮຽນຮູ້ ເຊິ່ງໂພຊະນາການທີ່ຖືກຈຸດຄືສິ່ງທີ່ພໍ່ແມ່ໝັ້ນໃຈໄດ້ຫຼາຍທີ່ສຸດ ການທີ່ມີໂຕຊ່ວຍເຊັ່ນ: ໂຟໂມສ ໂອເມກ້າ ສະມາດ ຊຸບເປີ ໂກລ ຊ່ວຍຕອບໂຈດການລ້ຽງລູກໃນຍຸກນີ້ໄດ້ເປັນຢ່າງດີ ທັງເລື່ອງສະໝອງ ແລະ ພູມຄຸ້ມກັນ ເຮັດໃຫ້ລູກມີຄວາມກ້າທີ່ຈະອອກໄປຄົ້ນພົບສິ່ງໃໝ່ໆ ແລະ ເຕີບໃຫຍ່ເປັນຕົວເອງໄດ້ຢ່າງເຕັມທີ່ໃນທຸກໆ ມື້.”

Foremost Omega Smart Super Gold ພ້ອມຮ່ວມເປັນສ່ວນໜຶ່ງໃນການເສີມໂພຊະນາການທີ່ດີ ແລະ ພະລັງຂອງຄວາມສຸກໃຫ້ເປັນປະສິດທິພາບທີ່ບໍ່ມີຂີດຈຳກັດ. ວາງຈຳໜ່າຍແລ້ວມື້ນີ້ ທີ່ຊຸບເປີມາເກັດ ແລະ ຮ້ານຄ້າທົ່ວນະຄອນຫຼວງວຽງຈັນ ໂດຍມີໃຫ້ເລືອກທັງສູດ 1+ ແລະ ສູດ 4+ ເພື່ອພັດທະນາການທີ່ຕໍ່ເນື່ອງ ແລະ ສົມບູນແບບ.

08/05/2026

ໃຜເປັນແດ່? ບາງເທື່ອກໍໄດ້ແຕ່ຄິດ ແລະ ກໍສົງໄສ ແຕ່ກໍຍັງບໍ່ສາມາດຫາຄຳຕອບໄດ້ວ່າ "ມັນຜິດບໍ່? ທີ່ເຮົາຮັກຄົນອາຍຸຫ່າງກັນ" ແລະ ເປັນຫຍັງເວລາເຫັນຄູ່ຮັກທີ່ມີອາຍຸທີ່ຫ່າງກັນຫຼາຍ ຈຶ່ງຕ້ອງຕົກເປັນປະເດັ່ນຂອງສັງຄົມທັງໆທີ່ບໍ່ໄດ້ເຮັດຫຍັງຜິດເລີຍ ພວກເຂົາພຽງແຕ່ຮັກກັນເທົ່ານັ້ນເອງ.

ເອົາແທ້ໆ, ເປັນເລື່ອງທີ່ສາມາດເກີດຂຶ້ນໄດ້ກັບທຸກຄົນ ແລະ ເລື່ອງແບບນີ້ເຮົາມັກຈະເຫັນກັນມາທຸກຍຸກ-ທຸກສະໄໝ ຈົນບາງເທື່ອກໍເຮັດໃຫ້ຄົນທີ່ກຳລັງຕົກຢູ່ສະຖານະການນີ້ມີຄວາມວິຕົກກັງວົນ ແລະ ຢ້ານສາຍຕາຄົນອ້ອມຂ້າງຫຼາຍເກີນໄປຈົນເຮັດໃຫ້ຄວາມສຳພັນພວກເຂົາເປັນພິດ.

ມື້ນີ້, Muan RelationTips ຈະຊວນທຸກຄົນມາຖອດບົດຮຽນເລື່ອງນີ້ ເພື່ອໃຫ້ເຂົ້າໃຈກັນຫຼາຍຂຶ້ນ ແລະ ມາແລກປ່ຽນຄວາມຄິດເຫັນກັນໃນແບບສ້າງສັນກັນດີກວ່າ.

ເພາະໃນເລື່ອງຄວາມຮັກ-ຄວາມສຳພັນ ມັນກໍມີເລື່ອງທີ່ເຮັດໃຫ້ຕ້ອງຕໍ່ສູ້ ແລະ ປັບໂຕກັນຢູ່ແລ້ວ ບໍ່ວ່າຈະເປັນເລື່ອງ ອາຍຸ, ຄວາມຄິດ ແລະ ຄວາມຫ່າງລະຫວ່າງໄວ ອາດຈະເຮັດໃຫ້ຫຼາຍຄູ່ຕ້ອງພົບກັບສິ່ງທ້າທາຍກັບຢູ່ສະເໝີ.

ນັກຈິດຕະວິທະຍາຫຼາຍທ່ານໃຫ້ຄວາມເຫັນວ່າ "ໂຕເລກອາຍຸ" ບໍ່ໄດ້ເປັນຕົວຊີ້ວັດຄວາມສຳເລັດຂອງຄວາມຮັກເທົ່າກັບ "ເປົ້າໝາຍຊີວິດທີ່ກົງກັນ (Shared Life Goals)" ແຕ່ຖ້າເຮົາເຂົ້າໃຈວິທີການປັບໂຕ ເຊິ່ງຮັກຕ່າງໄວນີ້ແຫຼະ, ຈະເປັນຄວາມຮັກທີ່ເຕັມໄປດ້ວຍການຮຽນຮູ້ ແລະ ເຕີບໃຫຍ່ໄປພ້ອມກັນ.

ອ່ານຕໍ່ທີ່ຄອມເມັ້ນ👇
#ຮັກຕ່າງໄວ #ຄວາມສຳພັນ #ຈິດຕະວິທະຍາຄວາມຮັກ

07/05/2026

ຄັ້ງໜຶ່ງເອື້ອຍເຄີຍອົກຫັກ ແລະ ນີ້ຄືເພງທີ່ເອື້ອຍຟັງ... 😢

#ມ່ວນຊວນຟັງ #ເພງລາວ

07/05/2026

ທຸກຄົນສົງໄສກັນບໍວ່າໃນບ້ານເຮົານັ້ນ ກໍມີຜູ້ສ້າງຮູບເງົາຢູ່ຫວາ? ເພາະເວລາຍ່າງເຂົ້າໂຮງຮູບເງົາເທື່ອໃດກໍຈະມີແຕ່ໂພສເຕີ (Poster )ຮູບເງົາຕ່າງປະເທດເຕັມໄປໝົດ ເຊິ່ງທີ່ຜ່ານມາກໍມີຜົນງານຄົນລາວຢູ່ບໍ່ເທົ່າໃດເລື່ອງ ແລະ ໃນໃຈກໍຢາກທີ່ຈະເຫັນຮູບເງົາຂອງບ້ານເຮົາມີແປະໄວ້ຫຼາຍໆເລື່ອງແດ່.🎥

ມ່ວນຊວນເບິ່ງ ຈຶ່ງຢາກພາທຸກຄົນໄປສຳຜັດເຖິງວົງການຮູບເງົາສັ້ນຂອງບ້ານເຮົາ ແລະ ນີ້ກໍແມ່ນອີກໜຶ່ງຈຸດເລີ່ມຕົ້ນທີ່ດີ ເພາະ "ລ້ານຊ້າງຊິເນ.໑ (LanXang Cine Vol.1)" ໂປຣເຈັກ (Project) ສຸດພິເສດທີ່ໄດ້ຍົກລະດັບຜົນງານຮູບເງົາສັ້ນຈາກເວທີປະກວດຂຶ້ນສູ່ຈໍໂຮງຮູບເງົາ ທີ່ທຸກຄົນສາມາດເຂົ້າໄປເບິ່ງໄດ້ແລ້ວ.

ມັນຄືຫຍັງ? ເປັນຫຍັງຕ້ອງໄປເບິ່ງ, ທຸກຄົນລອງນຶກພາບຕາມ ມ່ວນຊວນເບິ່ງ ເດີວ່າປົກກະຕິເຮົາໄປເບິ່ງຮູບເງົາເລື່ອງໜຶ່ງກໍຈະມີແນວໜຶ່ງໄປເລີຍແມ່ນບໍ່? ແຕ່ "ລ້ານຊ້າງຊິເນ.໑" ໄດ້ນຳເອົາຮູບເງົາສັ້ນ 8 ເລື່ອງ 8 ລົດຊາດ ຈາກ ຜູ້ກຳກັບໄວໜຸ່ມລາວມາໄວ້ໃນຮອບດຽວ.🎬

ພວກເຂົາເຫຼົ່ານີ້, ແມ່ນໄດ້ຜ່ານການຄັດເລືອກຈາກງານປະກວດຮູບເງົາສັ້ນລ້ານຊ້າງ ຄັ້ງທີ 5 ມາລວມເປັນເລື່ອງດຽວກັນ ແລະ ຖືກສາຍອີກຄັ້ງຢູ່ຈໍໃຫຍ່ຂອງໂຮງຮູບເງົາ.

ທຸກຄົນສາມາດໄປເບິ່ງໄດ້ທຸກໂຮງຮູບເງົາທົ່ວປະເທດເດີ! ວ່າງມື້ໃດຊວນໝູ່ໄປເບິ່ງເລີຍ ເບິ່ງຈົບແລ້ວມາລົມສູ່ ມ່ວນຊວນເບິ່ງ ຟັງແດ່ວ່າມັກເລື່ອງໃດທີ່ສຸດ?

ອ່ານລາຍລະອຽດແບບເຕັມໆ ໄດ້ທີ່ຄອມເມັ້ນ👇
#ມ່ວນຊວນເບິ່ງ #ຮູບເງົາລາວ

06/05/2026

ໄດ້ແຕ່ເລີດ 👍

06/05/2026

ໂອກາດໃດທີ່ເຮົາລົມກັບຄົນອື່ນ
ແລ້ວຈະຕອບວ່າ “ເລີດ”
#ມ່ວນຊວນລົມ

Muan

11/05/2026

11/05/2026

11/05/2026

11/05/2026

08/05/2026

08/05/2026

08/05/2026

07/05/2026

07/05/2026

06/05/2026

06/05/2026

Address

Telephone

Website

Alerts

Contact The Business

Shortcuts

Share

Category