ຂ່າວເສດຖະກິດ/Lao Economic News

ຂ່າວເສດຖະກິດ/Lao Economic News ຂ່າວສານ ແລະ ສາລະຄວາມຮູ້ ທີ່ເກີດຂຶ້ນ?

BCEL ກຽມອອກຈໍາໜ່າຍຮຸ້ນ ເພີ່ມທຶນໃຫ້ແກ່ຜູ້ຖືຮຸ້ນເດີມ ແລະ ມວນຊົນທົ່ວໄປ ມູນຄ່າ 833 ຕື້ກີບໃນປີນີ້.-------------ນັບວ່າເປັນຂ່າວ...
03/07/2025

BCEL ກຽມອອກຈໍາໜ່າຍຮຸ້ນ ເພີ່ມທຶນໃຫ້ແກ່ຜູ້ຖືຮຸ້ນເດີມ ແລະ ມວນຊົນທົ່ວໄປ ມູນຄ່າ 833 ຕື້ກີບໃນປີນີ້.
-------------
ນັບວ່າເປັນຂ່າວດີ! ສໍາລັບນັກລົງທຶນ ແລະ ຜູ້ຖືຮຸ້ນ ຂອງທະນາຄານການຄ້າຕ່າງປະເທດລາວ ມະຫາຊົນ (BCEL) ພາຍຫຼັງທີ່ໄດ້ລົງນາມເຊັນສັນຍາຮ່ວມກັບ ບໍລິສັດ ຫຼັບຊັບ ລາວ-ຈີນ ມະຫາຊົນ (ບລຈ) ໃນການ ອອກຈໍາ ໜ່າຍຮຸ້ນເພີ່ມທຶນໃຫ້ແກ່ຜູ້ຖືຮຸ້ນເດີມ ແລະ ມວນຊົນທົ່ວໄປ (RO/PO) ຈໍານວນ 833 ຕື້ກີບ ໃນປີ 2025 ນີ້, ຊຶ່ງການເພີ່ມທຶນຄັ້ງນີ້ ຈະເຮັດໃຫ້ ທຄຕລ ບັນລຸມາດຖານຄວາມພຽງພໍຂອງທຶນ ແລະ ຮັບປະກັນຄວາມໝັ້ນຄົງ.
ຫຼ້າສຸດ, ເມື່ອວັນທີ 03 ກໍລະກົດ 2025 ທີ່ສໍານັກງານໃຫຍ່ ທະນາຄານການຄ້າຕ່າງ ປະເທດລາວ ມະຫາຊົນ (ທຄຕລ) ໄດ້ມີພິທີລົງນາມໃນສັນຍາ ວ່າດ້ວຍການບໍລິການທີ່ປຶກສາດ້ານການເງິນ ໃນການອອກຈໍາໜ່າຍ ຮຸ້ນເພີ່ມທຶນໃຫ້ແກ່ຜູ້ຖືຮຸ້ນເດີມ ແລະ ມວນຊົນທົ່ວໄປ (RO/PO) ລະຫວ່າງ ທຄຕລ ແລະ ບໍລິສັດ ຫຼັບຊັບ ລາວ-ຈີນ ມະຫາຊົນ ຢ່າງເປັນທາງການ.
ໃນພິທີ, ທ່ານ ນາງ ສາຍສະໝອນ ຈັນທະຈັກ, ຜູ້ອໍານວຍການໃຫຍ່ ທຄຕລ ກ່າວວ່າ: ອີງຕາມຕົວເລກໃນ ເດືອນ 12/2024, ອັດຕາສ່ວນຄວາມພຽງພໍຂອງທຶນ (CAR Ratio) ຂອງ ທຄຕລ ໄດ້ຫຼຸດມາດຕະຖານ ທີ່ທະນາຄານ ແຫ່ງ ສປປ ລາວ ວາງໄວ້ຄື 8%. ສະນັ້ນ, ເພື່ອຍົກສູງຄວາມອາດສາມາດຂອງ ທຄຕລ ໃນການຂະຫຍາຍທຸລະກິດ ແລະ ຮັບປະກັນຄວາມໝັ້ນຄົງ ແລະ ຄວາມເຊື່ອໝັ້ນຕໍ່ ທຄຕລ, ສະພາບໍລິຫານ ແລະ ກອງປະຊຸມຜູ້ຖືຮຸ້ນຂອງ ທຄຕລ ຈຶ່ງໄດ້ຕົກລົງເຫັນດີໃຫ້ເພີ່ມທຶນຈໍານວນ 833 ຕື້ກີບ ຊຶ່ງຄາດໝາຍ ໃຫ້ສໍາເລັດພາຍໃນປີ 2025 ນີ້.
ຄຽງຄູ່ກັນນັ້ນ, ທ່ານ ລິນລີ ຜູ້ອໍານວຍການ ບໍລິສັດ ຫຼັກຊັບ ລາວ-ຈີນ ມະຫາຊົນ ໄດ້ກ່າວຕື່ມວ່າ: ແຜນການ ອອກຈໍາໜ່າຍຮຸ້ນເພີ່ມທຶນຂອງ ທຄຕລ ບໍ່ພຽງແຕ່ຈະສ້າງຄວາມໝັ້ນຄົງເທົ່ານັ້ນ, ແຕ່ຍັງຈະເປັນການປະກອບ ສ່ວນທີ່ສໍາຄັນເຂົ້າໃນການພັດທະນາຕະຫຼາດທຶນ ແລະ ເສດຖະກິດຂອງ ສປປ ລາວ, ເປັນການຍົກລະດັບ ຄວາມເຊື່ອໝັ້ນຂອງຜູ້ລົງທຶນຕໍ່ລະບົບການເງິນຂອງ ສປປ ລາວ ແລະ ສົ່ງເສີມການລົງທຶນຈາກຕ່າງປະເທດ. ບລຈ ໃນຖານະເປັນທີ່ປຶກສາດ້ານການເງິນ ແລະ ເປັນຜູ້ຄໍ້າປະກັນການອອກຈຳໜ່າຍຮຸ້ນເພີ່ມທຶນ RO/PO ໃນຄັ້ງນີ້ ມີຄວາມເຊື່ອໝັ້ນວ່າ ການຈັດຈໍາໜ່າຍຮຸ້ນເພີ່ມທຶນໃນຄັ້ງນີ້ ຈະປະສົບຜົນສໍາເລັດຕາມແຜນການ ທີ່ວາງໄວ້.
ໃຫ້ກຽດເຂົ້າຮ່ວມໃນພິທີດັ່ງກ່າວ ມີທ່ານ ນາງ ແພງສີ ແພງເມືອງ, ຫົວໜ້າສໍານັກງານຄະນະກໍາມະການ ຄຸ້ມຄອງຫຼັກຊັບ (ສຄຄຊ), ທ່ານ ສຽວສະຫວາດ ທິລະກຸນ ຜູ້ອຳນວຍການໃຫ່ຍ ຕະຫຼາດຫຼັກຊັບລາວ, ທ່ານ ປະສົມເພັດ ຄໍາຕັນ ຮອງຫົວໜ້າກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພ, ກະຊວງການເງິນ, ພ້ອມດ້ວຍແຂກທີ່ຖືກເຊີນຈາກກົມຄຸ້ມຄອງທະນາຄານທຸລະກິດ ທະນາຄານແຫ່ງ ສ ປປລາວ, ຄະນະອໍາ ນວຍການບໍລິສັດ ຫຼັກຊັບ BCEL-KT ຈຳກັດ, ບໍລິສັດຫຼັກຊັບ LDB ຈຳກັດຜູ້ດຽວ ເຂົ້າຮ່ວມ.

ທະນາຄານ ຄາເທ ໄຕ້ຫວັນ ແລະ ສະມາຄົມນັກທຸລະກິດໄຕ້ຫວັນ ປະຈໍາລາວ ມອບເຄື່ອງຊ່ວຍເຫຼືອໃຫ້ ສະມາຄົມອາສາກູ້ໄພນະຄອນຫຼວງວຽງຈັນ ມູນຄ່າ ...
27/06/2025

ທະນາຄານ ຄາເທ ໄຕ້ຫວັນ ແລະ ສະມາຄົມນັກທຸລະກິດໄຕ້ຫວັນ ປະຈໍາລາວ ມອບເຄື່ອງຊ່ວຍເຫຼືອໃຫ້ ສະມາຄົມອາສາກູ້ໄພນະຄອນຫຼວງວຽງຈັນ ມູນຄ່າ 70 ລ້ານກວ່າກີບ.
--------
ໃນຕອນເຊົ້າ 27 ມິຖຸນາ 2025, ທະນາຄານ ຄາເທ ໄຕ້ຫວັນ ປະຈຳລາວ ແລະ ສະມາຄົມນັກທຸລະກິດ ໄຕ້ຫວັນ ປະຈໍາລາວ ໄດ້ມີພິທີມອບ-ຮັບເຄື່ອງຊ່ວຍເຫຼືອ ແລະ ອຸປະກອນກູ້ໄພຕ່າງໆໃຫ້ແກ່ສະມາຄົມ ອາສາກູ້ໄພນະຄອນຫຼວງວຽງຈັນ ເພື່ອສະໜັບສະໜູນການປະຕິບັດໜ້າທີ່ຂອງເຈົ້າໜ່ວຍກູ້ໄພທີ່ປະຈໍາຢູ່ ຈຸດຕ່າງໆທົ່ວ 10 ຕົວເມືອງໃນນະຄອນຫຼວງ.
ຈຸດປະສົງ, ກໍ່ເພື່ອເປັນການຊ່ວຍເຫຼືອທາງດ້ານວັດຖຸ, ອຸປະກອນກູ້ໄພ, ເຄື່ອງມືສຳຮອງ ແລະ ສິ່ງອໍານວຍ ຄວາມສະດວກໃຫ້ແກ່ເຈົ້າໜ້າທີ່ກູ້ໄພທຸກຈຸດໃນການຮັບມືກັບເຫດສຸກເສີນທີ່ອາດເກີດຂຶ້ນ ແລະ ເພີ່ມປະ ສິດທິພາບໃນການຊ່ອຍເຫຼືອປະຊາຊົນຢ່າງຮີບດ່ວນ.
ຂໍ້ມູນລະບຸວ່າ: ສຳລັບມອບອຸປະກອນໃນຄັ້ງນີ້ປະກອບມີ: ສາຍດັບເພີງ, ອຸປະກອນການແພດ, ເຄື່ອງອຸ ປະໂພກ-ບໍລິໂພກ, ຊ່ວຍສ້ອມແປງລົດ 2 ຄັນ, ເຄື່ອງນຸ່ງມື 1-2 ຕ່າງໆ ລວມມູນຄ່າປະມານ 70 ລ້ານ ກວ່າກີບ ເພື່ອໃຫ້ສະມາຄົມອາສາກູ້ໄພນະຄອນຫລວງວຽງຈັນ ຈະນໍາໄປແຈກຢາຍໄປຍັງບັນດາຈຸດ ກູ້ໄພແຫ່ງຕ່າງໆ ແລະ ສະແດງຄວາມຂອບໃຈເປັນຢ່າງສູງມາຍັງ ທະນາຄານ ຄາເທ ໄຕ້ຫວັນ ແລະ ສະມາຄົມນັກທຸລະກິດໄຕ້ຫວັນ ປະຈໍາລາວ ທີ່ໃຫ້ການຊ່ວຍເຫລືອໜ່ວຍກູ້ໄພຕະຫຼອດມາ.
ໃຫ້ກຽດຕາງໜ້າມອບໂດຍ ທ່ານຄະນະອໍານວຍການ ທະນາຄານ ຄາເທ ໄຕ້ຫວັນ ປະຈຳລາວ ແລະ ສະມາຄົມນັກທຸລະກິດໄຕ້ຫວັນ ປະຈຳລາວ. ກ່າວຮັບໂດຍ ທ່ານ ລໍາເງິນ ວົງພະຈັນ, ປະທານສະມາຄົມ ອາສາກູ້ໄພນະຄອນຫຼວງວຽງຈັນ ພ້ອມດ້ວຍຄະນະ ແລະ ພະນັກງານທັງສອງຝ່າຍເຂົ້າຮ່ວມ.

ຍົກລະດັບຄວາມຮູ້ດ້ານວຽກງານບໍລິການໃຫ້ພະນັກງານໃໝ່ທະນາຄານຮ່ວມພັດທະນາ---------------ໃນວັນທີ 20 ມິຖຸນາ 2025 ທີ່ສໍານັກງານໃຫຍ່ ທ...
25/06/2025

ຍົກລະດັບຄວາມຮູ້ດ້ານວຽກງານບໍລິການໃຫ້ພະນັກງານໃໝ່ທະນາຄານຮ່ວມພັດທະນາ
---------------
ໃນວັນທີ 20 ມິຖຸນາ 2025 ທີ່ສໍານັກງານໃຫຍ່ ທະນາຄານຮ່ວມພັດທະນາ ມະຫາຊົນ ນະຄອນຫຼວງວຽງຈັນ ໄດ້ປີດພິທີເຝິກອົບຮົມສໍາມະນາ ທາງດ້ານວິຊາການໂດຍເປັນກຽດເຂົົ້າຮ່ວມເປີດພິທີໃນຄັ້ງນີ້ໂດຍ ທ່ານ ວິໄລ ສີພະພອນ ປະທານສະພາບໍລິຫານທະນາຄານຮ່ວມພັດທະນາ ມະຫາຊົນ ແລະ ຫົວໜ້າພະແນກຈັດຕັ້ງ-ພະນັກງານ ພ້ອມດ້ວຍວິຊາການທີ່ກ່ຽວຂ້ອງ ຊຸດຝືກອົບຮົມດັ່ງກ່າວເພື່ອຍົກລະດັບຄວາມຮູ້ຄວາມສາມາດໃນການບໍລິການລູກຄ້າໃຫ້ມີຄວາມປະທັບໃຈ, ໃຫ້ພະນັກງານໃໝ່ ທີ່ໄດ້ຜ່ານການສອບເສັງຄັດເລືອກ ແລະ ສໍາພາດ ຈື່ງສາມາດຄັດເລືອກໄດ້ພະນັກງານ ໃໝ່ຈໍານວນ 65 ຄົນ, ທີ່ຈະສົ່ງໄປປະຈໍາການ ໃນພະແນກການຕ່າງໆ ຂອງທະນາຄານຮ່ວມພັດທະນາ ມະຫາຊົນ.
ໃນພິທີດັັ່ງກ່າວໄດ້ຮັບຟັງການໂອ້ລົມຈາກ ທ່ານ ວິໄລ ສີພະພອນ ປະທານສະພາບໍລິຫານ ທະນາຄານຮ່ວມ ພັດທະນາ ມະຫາຊົນ ທ່ານໄດ້ຍົກໃຫ້ເຫັນພາບລວມຂອງທະນາຄານຮ່ວມພັດທະນາ ເຊີ່ງເປັນທະນາຄານ ທີ່ໄດ້ຮັບຄວາມເຊືີ່ອໝັ້ນຈາກລູກຄ້າ ໂດຍການບໍລິການ ໃຫ້ເປັນທີ່່ປະທັບໃຈ ມີຄວາມທັນສະໄໝໄດ້ມາດຕະຖານສາກົນ ຖືເອົາຄວາມຕ້ອງການຂອງລູູກຄ້າເປັນຫຼັກ, ພັດທະນາຜະລິດຕະພັນຢ່າງຫຼວງຫຼາຍ ດ້ວຍລະບົບເທັກໂນໂລຍີທີ່ທັນສະໄໝ, ຫັນເປັນທະນາຄານ Digital ກ້າວສູ່ສາກົນ ສ້າງຜົນປະໂຫຍດໃຫ້ແກ່ທຸກຝ່າຍສາມາດເຕີບໃຫຍ່ຂະຫຍາຍຕົວໄປພ້ອມກັນ, ທະນາຄານຮ່ວມພັດທະນາ ມະຫາຊົນ ຫຼື JDB ໄດ້ເຫັນຄວາມສໍາຄັນວຽກງານພັັດທະນບຸກຄະລາກອນ ໃຫ້ມີຄວາມຮູ້ຄວາມສາມາດ ການບໍລິການ ລູກຄ້າຂອງຕົນ, ເຮັດໃຫ້ທະນາຄານມີການເຕີບໃຫຍ່ ຂະຫຍາຍຕົວຢ່າງບໍ່ຢຸດຢັ້ງ,
ທ່ານຍັງໄດ້ເນັ້ນໜັກໃຫ້ພະນັກງານໃໝ່ທຸກຄົນ ນໍາເອົາຄວາມຮູ້ຈາກການເຝິກອົບຮົມຄັ້ງນີ້ ໄປນໍາໃຊ້ເຂົົ້າໃນການປະຕິບັດວຽກງານຂອງຕົນ, ເພືີ່ອຕອບສະໜອງຄວາມຕ້ອງການຂອງລູກຄ້າ ໃຫ້ມີຄວາມປະທັບໃຈໃນການບໍລິການ ເຊິ່ງການສໍາສະນາຄັ້ງນີ້ໄດ້ດໍາເນີນມາເປັນເວລາ 5 ວັນ (16-20 ມິຖຸນາ 2025)
ໃນມື້ເປີດພີເຝິກອົບຮົມກໍໄດ້ຮັບຟັງການໂອ້ລົມຈາກ ທ່ານ ສາຄອນ ຍໍພັນໄຊ ຜູ້ອໍານວຍການໃຫຍ່ ທະນາຄານຮ່ວມພັດທະນາ ມະຫາຊົນ ທ່ານໄດ້ເນັ້ນໃຫ້ພະນັກງານໃໝ່ທີ່ໄດ້ເຂົ້າເຝິກອົບຮົມໃນຄັ້ງນີ້ ຈົ່ງຕັ້ງໃຈຮໍ່າຮຽນນໍາເອົາຄວາມຮູ້ຈາກການເຝິກອົບຮົມຄັ້ງນີ້ ໄປຈັດຕັ້ງປະຕິບັດປະຕິບັດໃຫ້ປະກົດຜົນເປັນຈິງ ບໍລິການລູກຄ້າດ້ວຍໃຈ ບໍລິການດ້ວຍຄວາມໂປ່ງໃສ ສະດວກ, ວ່ອງໄວ ຮັບປະກັນຄວາມປອດໄພ,
ສ້າງຄວາມປະທັບໃຈ ໃນການບໍລິການລູກຄ້າ ດ້ວຍຄວາມເປັນເລີດ ເຮັດໃຫ້ລູກຄ້າມີຄວາມເຊື່ອໝັ້ນ ແລະ ໄວ້ວາງໃຈມານໍາໃຊ້ບໍລິການນັບມື້ ນັບເພີ້ມຂື້ນ
ຕ່າງຝ່າຍມີຜົນປະໂຫຍດ ຕາມຄໍາຂວັນ ທີ່ວ່າ : “ ເຕີບໃຫຍ່ໄປພ້ອມກັນ “

ບໍລິສັດ ຫຼັກຊັບ ລາວ-ຈີນ ມະຫາຊົນ ເປີດການຊື້-ຂາຍຮຸ້ນຄັ້ງທໍາອິດ ໃນມູນຄ່າ 130 ກີບ/ຮຸ້ນ.----------------ວົງການຕະຫຼາດທຶນໃນ ສປປ...
26/04/2025

ບໍລິສັດ ຫຼັກຊັບ ລາວ-ຈີນ ມະຫາຊົນ ເປີດການຊື້-ຂາຍຮຸ້ນຄັ້ງທໍາອິດ ໃນມູນຄ່າ 130 ກີບ/ຮຸ້ນ.
----------------
ວົງການຕະຫຼາດທຶນໃນ ສປປ ລາວ ໄດ້ກັບມາຄຶກຄັກອີກຄັ້ງ, ພາຍຫຼັງເສດຖະກິດຄ່ອຍຟື້ນໂຕຈາກປັດໃຈ ບວກ ທີ່ເຮັດໃຫ້ການລົງທຶນໃນຮຸ້ນ ຫຼື ການຊື້-ຂາຍຮຸ້ນ ເລີ່ມມີແວວທີ່ຈະດີຂຶ້ນໃນຊ້ວງໄລຍະນີ້. ຫຼ້າສຸດ, ບໍລິສັດ ຫຼັກຊັບ ລາວ-ຈີນ ມະຫາຊົນ ໄດ້ເປີດການຊື້-ຂາຍຮຸ້ນຄັ້ງທໍາອິດ (IPO) ຈໍານວນ 111,111,200 ຮຸ້ນ, ລາຄາ 130 ກີບ/ຮຸ້ນ ແລະ ສາມາດລະດົມທຶນໄດ້ 14,444,456,000 ກີບ. ຂະນະທີ່, ປິດຕະຫຼາດຊື້-ຂາຍໃນວັນດຽວກັນ ລາຄາຮຸ້ນຂອງບໍລິສັດກໍ່ຂະຫຍັບເພີ່ມຂຶ້ນເປັນ 150 ກີບ/ຮຸ້ນ, ຖືວ່າເປັນການເປີດສາກທີ່ໜ້າສົນໃຈຫຼາຍສົມຄວນສໍາລັບນັກລົງທຶນຕ່າງໆ.
ທ່ານ ລິນລີ່, ຜູ້ອໍານວຍການໃຫຍ່ ບໍລິສັດ ຫຼັກຊັບ ລາວ-ຈີນ ມະຫາຊົນ ກ່າວວ່າ: ບໍລິສັດພວກເຮົາສ້າງ ຕັ້ງຂຶ້ນໂດຍ 3 ຂາຮຸ້ນຄື: ທະນາຄານສົ່ງເສີມກະສິກຳ, ບໍລິສັດຫຼັກຊັບ ປາຊີຟິກ ຮຸ້ນສ່ວນ ຈຳກັດ ແລະ ບໍລິສັດ ລາວອຸດສາຫະກໍາຂໍ້ມູນ-ຂ່າວສານ ຈຳກັດ. ເປັນບໍລິສັດຫຼັກຊັບແຫ່ງທໍາອິດຂອງ ສປ ຈີນ ທີ່ໄດ້ຮັບອະນຸຍາດຈາກຄະນະກໍາມະການຄຸ້ມຄອງຫຼັກຊັບ ສປ ຈີນ ອອກມາຮ່ວມທຶນກັບຕ່າງປະເທດ ເພື່ອດໍາເນີນທຸລະກິດດ້ານຫຼັກຊັບ, ທັງເປັນບໍລິສັດຫຼັກຊັບຮ່ວມທຶນລະຫວ່າງ ລາວ ແລະ ຈີນ ແຫ່ງທຳອິດ ທີ່ໄດ້ຮັບຮອງຈາກຄະນະກໍາມະການຄຸ້ມຄອງຫຼັກຊັບຂອງ ສປປ ລາວ ໃຫ້ດໍາເນີນທຸລະກິດຫຼັກຊັບ ເຕັມຮູບແບບ ແລະ ເປັນບໍລິສັດຫຼັກຊັບແຫ່ງດຽວທີ່ໄດ້ຮັບອະນຸຍາດດຳເນີນທຸລະກິດ ບໍລິຫານກອງທຶນ ສ່ວນບຸກຄົນ.
ທ່ານອະທິບາຍຕື່ມວ່າ: ຕະຫຼອດ 12 ປີຂອງການສ້າງຕັ້ງບໍລິສັດ ພວກເຮົາສາມາດຍາດໄດ້ຜົນງານ ພົ້ນເດັ່ນຫລາຍດ້ານ ເປັນຕົ້ນແມ່ນ: 1). ການສ້າງທີມງານທີ່ມີຄຸນນະພາບທີ່ເປັນຄົນລາວກວມ 90% ແລະ ສ້າງພະນັກງານທີ່ເປັນນັກວິຊາຊີບທຸລະກິດຫຼັກຊັບໄດ້ເປັນຈໍານວນຫຼາຍ; 2). ພັດທະນາທຸລະກິດ ຫຼັກຊັບຫຼັກໃຫ້ມີຄວາມເຂັ້ມແຂງ ແລະ ໜັ້ນຄົງ, ໂດຍສະເພາະແມ່ນເປັນທີ່ປຶກສາດ້ານການເງິນ ແລະ ຕົວແທນຈໍາໜ່າຍພັນທະບັດລັດຖະບານ ນັບແຕ່ທ້າຍປີ 2018 ຮອດທ້າຍປີ 2024 ບລຈ ຮ່ວມກັບ ບໍລິສັດຫຼັກຊັບ BCEL-KT ແລະ LDB-S ຈໍາໜ່າຍພັນທະບັດ ລັດຖະບານໄປແລ້ວ 10,167.6 ຕື້ກີບ, 243.68 ລ້ານໂດຣາ, 8.45 ຕື້ບາດ ແລະ 273.2 ລ້ານຢວນ.
ນອກນັ້ນ, ຍັງເປັນທີ່ປຶກສາດ້ານການເງິນໃນການອອກຈໍາໜ່າຍຮຸ້ນເພີ່ມທຶນ RO/PO ໃຫ້ກັບ BCEL, ລາວໂທລະຄົມ, ຊີມັງລາວ (ປະຈຸບັນປ່ຽນເປັນບໍລິສັດທ່ອງທ່ຽວ), ລັດວິສາຫະກິດ ໄປສະນີລາວ, ລັດວິສາຫະກິດ ການບິນລາວ ແລະ ຄໍ້າປະກັນການການອອກຈຳໜ່າຍຮຸ້ນເພີ່ມທຶນ RO/PO ໃຫ້ກັບ BCEL, ຄໍ້າປະກັນການອອກຈຳໜ່າຍຮຸ້ນ IPO ໃຫ້ກັບ LCC. ພິເສດໃນປີນີ້, ໄດ້ເຊັນສັນຍາເປັນ ທີ່ປຶກສາດ້ານການເງິນໃຫ້ກັບທະນາຄານ JDB, ທະນາຄານ BIC ແລະ ບໍລິສັດ ພູສີ ໃນການແຕກຮຸ້ນ.
ຄຽງຄູ່ກັນນັ້ນ, ທ່ານ ສຽວສະຫວາດ ທີລະກຸນ, ຜູ້ອຳນວຍການໃຫຍ່ ຕະຫຼາດຫຼັກຊັບລາວ ໄດ້ມີ ຄໍາເຫັນຕື່ມວ່າ: ປັດຈຸບັນ, ຕະຫຼາດຫຼັກຊັບລາວ ມີບໍລິສັດຈົດທະບຽນຊື້-ຂາຍຮຸ້ນແລ້ວ 12 ບໍລິສັດ, ມີມູນຄ່າຕະຫຼາດ 14 ພັນກວ່າຕື້ກີບ, ຊຶ່ງບໍລິສັດຫຼັກຊັບ ລາວ-ຈີນ ມະຫາຊົນ ຖືວ່າເປັນບໍລິສັດທີ 12 ໃນການເຂົ້າມາຈົດທະບຽນໃນຕະຫຼາດຫຼັກຊັບລາວ. ການຈົດທະບຽນຂອງບໍລິສັດຫຼັກຊັບ ລາວ-ຈີນ ມະຫາຊົນ ໃນວັນນີ້, ສະແດງໃຫ້ເຫັນເຖິງຄວາມເຊື່ອໝັ້ນຂອງພາກເອກະຊົນ ຕໍ່ກັບຄວາມໂປ່ງໃສຂອງ ຕະຫຼາດທຶນລາວ ແລະ ຍັງເປັນສ່ວນປະກອບໜຶ່ງໃນການພັດທະນາເສດຖະກິດ-ສັງຄົມ ຂອງປະເທດ ພ້ອມທັງເປັນໂອກາດທີ່ບໍລິສັດຈະໄດ້ມີການຂະຫຍາຍທຸລະກິດຂອງຕົນຕາມຈຸດປະສົງ ແລະ ເປົ້າໝາຍຂອງບໍລິສັດ.
ພິທີດັ່ງກ່າວ, ຈັດຂຶ້ນໃນວັນທີ 25 ເມສາ 2025 ຜ່ານມາ, ທີ່ຕະຫຼາດຫຼັກຊັບລາວ ໂດຍໃຫ້ກຽດເຂົ້າຮ່ວມ ຂອງທ່ານ ສຸລິສັກ ທຳນຸວົງ, ຮອງຜູ້ວ່າການ ທະນາຄານແຫ່ງ ສປປ ລາວ, ທ່ານ ນາງ ແພງສີ ແພງເມືອງ, ຫົວໜ້າສໍານັກງານຄະນະກໍາມະການຄຸ້ມຄອງຫຼັກຊັບ, ມີບັນດາຜູ້ຕາງໜ້າຈາກບໍລິສັດຫຼັກຊັບ, ບໍລິສັດທີ່ປຶກສາພາຍນອກ, ບັນດາຫົວໜ່ວຍທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

ຊົມເຊີຍ! ຜູ້ບໍລິຫານຂອງບໍລິສັດ ພິນິມ ໂປຣ ທີມີຄູ່ຮ່ວມທຸລະກິດໃນຫລາຍຂົງເຂດ ແລະ ເປັນຜູ້ຈັດງານອີເວັ້ນອໍກາໄນເຊີ ໃຫ້ກັບງານໃຫຍ່ໆລ...
26/02/2025

ຊົມເຊີຍ! ຜູ້ບໍລິຫານຂອງບໍລິສັດ ພິນິມ ໂປຣ ທີມີຄູ່ຮ່ວມທຸລະກິດໃນຫລາຍຂົງເຂດ ແລະ ເປັນຜູ້ຈັດງານອີເວັ້ນອໍກາໄນເຊີ ໃຫ້ກັບງານໃຫຍ່ໆລະດັບຊາດ, ຊຶ່ງງານຫຼ້າສຸດແມ່ນ Lao Agri Expo ທີ່ຈັດຂຶ້ນເມື່ອວັນທີ 16-20 ທັນວາ 2024 ຜ່ານມາ.

05/02/2025

⭐ຂາຍດິນຈັດສັນບ້ານນາໄຫ (ເຂດດົງຄຳຊ້າງ) ເມືອງຫາດຊາຍຟອງ, ນະຄອນຫລວງ📌 (ທາງເຂົ້າຮ່ອມຂາໄກ່)ດົງຄຳຊ້າງຂີ່ມາຕາມທາງຄອນກີດ🛣️📌📍
💥ເງື່ອນໄຂຜ່ອນ ຈ່າຍກ່ອນ 40% ຜ່ອນຍາວ 2 ປີຟຣີດອກເບ້ຍ📌

🇱🇦🇱🇦🇱🇦
29/01/2025

🇱🇦🇱🇦🇱🇦

ຖະແຫຼງຂ່າວ! ງານວາງສະແດງສິນຄ້າກະສິກໍາລາວ 2024, ຫວັງເປັນແຮງຍູ້ໃຫ້ການຄ້າ-ການລົງທຶນ ໃນຂະແໜງກະສິກໍາເຕີບໂຕຢ່າງຕັ້ງໜ້າ.--------...
10/12/2024

ຖະແຫຼງຂ່າວ! ງານວາງສະແດງສິນຄ້າກະສິກໍາລາວ 2024, ຫວັງເປັນແຮງຍູ້ໃຫ້ການຄ້າ-ການລົງທຶນ ໃນຂະແໜງກະສິກໍາເຕີບໂຕຢ່າງຕັ້ງໜ້າ.
-----------
ທ່ານ ປອ. ລິນຄໍາ ດວງສະຫວັນ, ລັດຖະມົນຕີ ກະຊວງກະສີກໍາ ແລະ ປ່າໄມ້ ຖະແຫຼງຂ່າວເນື່ອງໃນໂອກາດກຽມ ເປີດງານວາງສະແດງສິນຄ້າກະສິກໍາລາວ ປະຈໍາປີ 2024 ຫຼື Laos Agri Food Expo 2024 ຊຶ່ງຈະຈັດຂຶ້ນໃນ ວັນທີ 16 - 20 ທັນວາ 2024 ທີ່ສູນການຄ້າລາວ-ໄອເຕັກ, ນະຄອນຫຼວງວຽງຈັນ.
ຈຸດປະສົງຂອງການຈັດງານ ກໍ່ເພື່ອສົ່ງເສີມນະວັດຕະກໍາກະສິກໍາ ແລະ ການຮັບຮອງເອົາເຕັກໂນໂລຊີ; ອໍານວຍຄວາມ ສະດວກໃນການເຂົ້າເຖິງຕະຫຼາດ ແລະ ການຂະຫຍາຍຕົວທາງເສດຖະກິດ; ສົ່ງເສີມການແບ່ງປັນຄວາມຮູ້ ແລະ ການ ສ້າງຂີດຄວາມສາມາດ; ຍົກສູງຄວາມຮັບຮູ້ກ່ຽວກັບຄວາມປອດໄພດ້ານສະບຽງອາຫານ; ຍົກລະດັບຄວາມທົນທານ ຕໍ່ການປ່ຽນແປງດິນຟ້າອາກາດ ແລະ ຮັບປະກັນດ້ານໂພຊະນາການ.
ສ້າງຄວາມເຂັ້ມແຂງໃຫ້ແກ່ໄວໜຸ່ມ ແລະ ແມ່ຍິງ ໃນຂົງເຂດກະສິກໍາ ແລະ ເພີ່ມທະວີການຮ່ວມມື; ຍົກສູງການພົວພັນ ລະຫວ່າງພາກລັດ ແລະ ເອກກະຊົນ, ອົງການຈັດຕັ້ງສາກົນ, ອົງການຈັດຕັ້ງທີ່ບໍ່ສັງກັບລັດຖະບານ ແລະ ອົງການທາງ ສັງຄົມ ໂດຍການຊຸກຍູ້​ການຮ່ວມມືລະຫວ່າງບັນດາພາກສ່ວນກ່ຽວຂ້ອງທີ່​ສໍາຄັນ. ງານດັ່ງກ່າວ,ຈະປະກອບສ່ວນເຂົ້າ ໃນການພັດທະນາຂໍ້​ລິເລີ່​ມການລົງທຶນ, ໂຄງການທີ່​ຊຸກຍູ້​ການເຕີບໂຕຂອງຂະແໜງກະສິກໍາໃນລາວ.
ເພື່ອເຮັດໃຫ້ງານໃຫ້ມີບັນຍາກາດຄຶກຄື້ນມ່ວນຊື່ນ ແລະ ເຕັມໄປດ້ວຍຄວາມໝາຍຄວາມສໍາຄັນ, ກະຊວງກະສິກໍາ ແລະ ປ່າໄມ້ ຈຶ່ງໄດ້ປະສານສົມທົບອົງການສະຫະປະຊາຊາດ, ໂດຍສະເພາະ ອົງການອາຫານ ແລະ ການກະເສດ ແລະ ອື່ນໆ, ສະມາຄົມນັກທຸລະກິດກະສິກໍາລາວ ແລະ ທຸກພາກສ່ວນທີ່ກ່ຽວຂ້ອງ ຕົກລົງເຫັນດີເປັນເອກະພາບໃນການ ຫ້າງຫາກະກຽມຈັດງານດັ່ງກ່າວ ເລີ່ມແຕ່ເດືອນ ກັນຍາ ປີ 2024 ເປັນຕົ້ນມາ.
ໃນນີ້, ໄດ້ມີການແຕ່ງຕັ້ງຄະນະຮັບຜິດຊອບ ແລະ ໄດ້ມີການອອກແບບ ເຊິ່ງລັກສະນະເດັ່່ນຂອງງານຈະປະກອບມີ ງານວາງສະແດງ: ອຸປະກອນກະສິກໍາ, ຜູ້ໃຫ້ບໍລິການດ້ານເຕັກໂນໂລຊີ, ສາທິດກະສິກໍາອິນຊີ ແລະ ຍືນຍົງ ລວມທັງ ງານວາງສະແດງສິນຄ້າກະສິກໍາ; ການສໍາມະນາ ແລະ ກອງປະຊຸມຕ່າງໆ. ສໍາລັບກອງປະຊຸມ ແມ່ນຈະມີຜູ້ຊ່ຽວຊານ ໃນຫົວຂໍ້ຕ່າງໆ ເຊັ່ນ: ຄວາມທົນທານຕໍ່ສະພາບອາກາດ, ການຄຸ້ມຄອງນໍ້າ, ການເງິນກະສິກໍາ ແລະ ຍຸດທະສາດການ ເຂົ້າເຖິງຕະຫຼາດ ແລະ ກອງປະຊຸມເຄືອຂ່າຍ ເພື່ອເປັນໂອກາດສໍາລັບຜູ້ເຂົ້າຮ່ວມເພື່ອສ້າງຄວາມສໍາພັນກັບນັກລົງທຶນ, ຜູ້ນໍາທຸລະກິດກະສິກໍາ ແລະ ພາກລັດຖະບານ ເພື່ອຊອກຫາການຮ່ວມມື ແລະ ການລົງທຶນ. ນອກນັ້ນ, ພາຍໃນງານ ຍັງຈະໄດ້ມີການສະແດງສິລະປະວັດທະນະທໍາລາວ ແລະ ອື່ນໆ.
ມາຮອດປັດຈຸບັນ, ການກະກຽມດ້ານຕ່າງໆແມ່ນພວມດຳເນີນຢ່າງຕໍ່ເນື່ອງ ແລະ ມີຜົນສໍາເລັດ,ມີຄວາມພ້ອມຮອບດ້ານ ທີ່ຈະໄດ້ດຳເນີນການເປີດຢ່າງເປັນທາງການ ໃນຕອນບ່າຍຂອງວັນທີ 16 ທັນວາ 2014 ແລະ ຈະໄດ້ດໍາເນີນໄປ ຮອດວັນທີ 20 ທັນວາ 2024 ຈຶ່ງຈະສຳເລັດ.
ໃນໂອກາດ, ທີ່ພວກເຮົາຈະຈັດງານວາງສະແດງສິນຄ້າກະສິກໍາລາວ ປະຈໍາປີ 2024 ທີ່ເຕັມໄປດ້ວຍຄວາມໝາຍຄວາມ ສໍາຄັນນີ້. ອີກເທື່ອໜຶ່ງ, ຂ້າພະເຈົ້າໃນນາມຕາງໜ້າໃຫ້ຄະນະຮັບຜິດຊອບຈັດງານ ກໍ່ຄືໃນນາມຕາງໜ້າກະຊວງ ກະສິກໍາ ແລະ ປ່າໄມ້, ຈຶ່ງຂໍເຊີນຊວນບັນດາທ່ານແຂກພາຍໃນ ແລະ ຕ່າງປະເທດ, ພະນັກງານ, ທະຫານ, ຕຳຫຼວດ ນັກທຸລະກິດ, ພໍ່ຄ້າຊາວຂາຍ ຕະຫຼອດຮອດປະຊາຊົນລາວບັນດາເຜົ່າໃນທົ່ວປະເທດ ແລະ ບັນດາມວນຊົນເຂົ້າຮ່ວມ ງານໃນຄັ້ງນີ້ ມາທ່ຽວຊົມພາຍໃນງານດ້ວຍບັນຍາກາດອັນເບີກບ້ານມ່ວນຊື່ນ.
--------------
⏰️ລາຍລະອຽດເພີ່ມຕື່ມ ແລະ ຂໍ້ມູນຕິດຕໍ່:
🌐https://www.facebook.com/Lao Agri Expo 2024
☎️Phone: +85620 23693639 +85630 9662345
📉www: laoagriexpo.net

ເຊີນຮ່ວມ! ງານວາງສະແດງສິນຄ້າກະສິກໍາລາວ 2024, ຫວັງສົ່ງເສີມຜະລິດ ຕະພັນກະສິກໍາລາວ ກ້າວສູ່ຕະຫຼາດໂລກເພີ່ມຂຶ້ນ....................
09/12/2024

ເຊີນຮ່ວມ! ງານວາງສະແດງສິນຄ້າກະສິກໍາລາວ 2024, ຫວັງສົ່ງເສີມຜະລິດ ຕະພັນກະສິກໍາລາວ ກ້າວສູ່ຕະຫຼາດໂລກເພີ່ມຂຶ້ນ.....................
ກະຊວງ ກະສິກໍາ ແລະ ປ່າໄມ້ ຮ່ວມກັບ ສະມາຄົມທຸລະກິດກະສິກໍາລາວ ແລະ ບັນດາຜູ້ມີສ່ວນຮ່ວມ ຕ່າງໆທັງພາຍໃນ ແລະ ຕ່າງປະເທດ ຈະໄດ້ຈັດງານວາງສະແດງສິນຄ້າກະສິກໍາລາວ 2024 ຫຼື Lao Agri Food Expo 2024 ໃນລະຫວ່າງວັນທີ 16-20 ທັນວາ ທີ່ຈະມາເຖິງນີ້ນັບແຕ່ເວລາ 09:00-20:00 ໂມງ, ທີ່ສູນການຄ້າລາວ-ໄອເຕັກ, ນະຄອນຫຼວງວຽງຈັນ.
ຈຸດປະສົງຂອງງານດັ່ງກ່າວ, ກໍ່ເພື່ອວາງສະແດງ ແລະ ນໍາສະເໜີຜະລິດຕະພັນສິນຄ້າກະສິກໍາຂອງລາວ ທີ່ໂດດເດັ່ນ ແລະ ໄດ້ຮັບຄວາມນິຍົມໄປທົ່ວໂລກ. ນອກນັ້ນ, ຍັງສະແດງນະວັດຕະກໍາ ແລະ ເຕັກໂນ ໂລຊີກະສິກໍາທັນສະໄໝ ເພື່ອນໍາໃຊ້ເຂົ້າໃນການຜະລິດກະສິກໍາ ເຮັດໃຫ້ສາມາດຫຼຸດຜ່ອນຕົ້ນທຶນ ແລະ ມີຜົນຜະລິດທີ່ມີຄຸນະພາບ ແລະ ໄດ້ຕາມມາດຕະຖານການສົ່ງອອກຂອງປະເທດປາຍທາງ, ອັນເຮັດໃຫ້ ການຜະລິດກະສິກໍາຂອງລາວເປັນທີ່ຍອມຮັບຈາກທົ່ວໂລກ ແລະ ມີຄວາມຍືນຍົງໃນອະນາຄົດ.
ສິ່ງສໍາຄັນໄປກວ່ານັ້ນ, ງານດັ່ງກ່າວຍັງເປັນໂອກາດທາງທຸລະກິດ ເປັນຕົ້ນແມ່ນ:
- ການຈັບຄູ່ທຸລະກິດສໍາລັບຜູ້ປະກອບການ ແລະ ນັກລົງທຶນໃນຂະແຫນງກະສິກໍາ ທັງໃນລາວ ແລະ ຕ່າງປະເທດ ເພື່ອຊຸກຍູ້ການຮ່ວມມືໃນພາກພື້ນ ແລະ ສາກົນ.
- ງານວາງສະແດງຜະລິດຕະພັນກະສິກໍາທີ່ມີຄຸນນະພາບ ແລະ ຜະລິດຕະພັນປຸງແຕ່ງຈາກຜູ້ຜະລິດຊັ້ນນໍາ ເຊັ່ນ: ຜະລິດຕະພັນສົດ ແລະ ຜະລິດຕະພັນສໍາເລັດຮູບ, ນະວັດຕະກໍາທີ່ຕອບສະຫນອງຄວາມຕ້ອງການຂອງຕະຫຼາດທີ່ທັນສະໄຫມ.
- ເວທີເສວະນາແບ່ງປັນຄວາມຮູ້: ຮັບຟັງການບັນຍາຍຈາກຜູ້ຊ່ຽວຊານດ້ານກະສິກຳ ແລະ ຜູ້ປະກອບການຈາກທົ່ວປະເທດ ​ເພື່ອພ້ອມກັນພັດທະນາທ່າແຮງໃນຂົງເຂດກະສິກຳ ແລະ ສະບຽງອາຫານ.
- ຜົນປະໂຫຍດຂອງການເຂົ້າຮ່ວມກິດຈະກໍາ: ໂອກາດທີ່ຈະຮຽນຮູ້ກ່ຽວກັບການຜະລິດກະສິກໍາແບບທັນສະໄໝ, ການສ້າງເຄືອຂ່າຍທຸລະກິດທັງຢູ່ພາຍໃນ ​ແລະ ຕ່າງປະເທດ, ແນະນໍາສິນຄ້າ/ການບໍລິການ ທີ່ມີຄຸນນະພາບເໝາະສົມກັບການລົງທຶນໃນຍຸກປັດຈຸບັນ.
- ເພີ່ມທະວີກາລະໂອກາດ: ໃນການຂະຫຍາຍການຕະຫຼາດ ສໍາລັບຜູ້ປະກອບການຂະຫນາດນ້ອຍ ແລະ ຂະໜາດກາງ ເພື່ອພັດທະນາຂະແໜງກະສິກໍາຂອງລາວ ກ້າວສູ່ຕະຫຼາດໂລກໃນອະນາຄົດ.
- Lao Agri Food Expo 2024 ເປີດໂອກາດໃຫ້ທຸກພາກສ່ວນສາມາດເຂົ້າຮ່ວມຟຣີ ແລະ ຂໍເຊີນທຸກທ່ານເຂົ້າມາເປັນສ່ວນໜຶ່ງໃນການຂັບເຄື່ອນກະສິກໍາລາວກ້າວໄປຂ້າງໜ້າ!
--------------
⏰️ລາຍລະອຽດເພີ່ມຕື່ມ ແລະ ຂໍ້ມູນຕິດຕໍ່:
🌐https://www.facebook.com/Lao Agri Expo 2024
☎️Phone: +85620 23693639 +85630 9662345
📉www: laoagriexpo.net

05/12/2024

ເປັນງານໃຫຍ່ທີ່ສຸດໃນລາວ, ຊຶ່ງເປັນງານວາງສະແດງ ຜະລິດຕະພັນ, ກະສິກຳ, ອາຫານ, ນະວັດຕະກຳ ແລະ ເຕັກໂນໂລຊີ. ທີ່ຈະຈັດຂຶ້ນ ໃນວັນທີ 16-20 ທັນວາ 2024.

29/11/2024

ງານວາງສະແດງດັ່ງກ່າວນີ້ບໍ່ພຽງແຕ່ເປັນອີກງານໜຶ່ງໃນປະຕິທິນປະຈຳປີຂອງພວກເຮົາ,ແຕ່ມັນຈະເປັນເວທີຍຸດທະສາດທີ່ສະແດງໃຫ້ເຫັນເຖິງຄໍາຫມັ້ນສັນຍາແຫ່ງຊາດຂອງພວກເຮົາທີ່ຕັ້ງໃຈໃນການທີ່ຈະຫັນປ່ຽນກະສິກໍາໃຫ້ດີຂື້ນ.

28/11/2024

ເຊີນຊວນບັນດານັກລົງທຶນ ແລະ ຜູ້ປະກອບການຢູ່ພາຍໃນ ແລະ ຕ່າງປະເທດ ເຂົ້າຮ່ວມງານ Lao Agri Food Expo 2024

Address

Vientiane

Telephone

+8562097896199

Website

Alerts

Be the first to know and let us send you an email when ຂ່າວເສດຖະກິດ/Lao Economic News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ຂ່າວເສດຖະກິດ/Lao Economic News:

Shortcuts

Share

Category