InsideLaos

InsideLaos ເຜີຍແຜ່ຄັ້ງທຳອິດ ໃນເດືອນກໍລະກົດ 2018
ໃບອະນຸຍາດປັດຈຸບັນເລກທີ: ID006/ສມຊSM
ນະຄອນຫຼວງວຽງຈັນ ລົງວັນທີ 06/02/2025
(1)

🚀 8 ສິ່ງທີ່ຕ້ອງ "ເຄຼຍຖິ້ມ" ກ່ອນເລີ່ມປີໃໝ່! ເປີດພື້ນທີ່ໃຫ້ຄວາມສຸກ ເພື່ອຊີວິດທີ່ສົດໃສກວ່າເກົ່າ ✨ l ກ່ອນຈະກ້າວເຂົ້າສູ່ປີໃໝ...
28/12/2025

🚀 8 ສິ່ງທີ່ຕ້ອງ "ເຄຼຍຖິ້ມ" ກ່ອນເລີ່ມປີໃໝ່! ເປີດພື້ນທີ່ໃຫ້ຄວາມສຸກ ເພື່ອຊີວິດທີ່ສົດໃສກວ່າເກົ່າ ✨

l ກ່ອນຈະກ້າວເຂົ້າສູ່ປີໃໝ່... ຖ້າເຮົາບໍ່ຍອມ "ຖິ້ມ" ຂອງເກົ່າໆທີ່ເຮັດໃຫ້ຊີວິດໜັກ, ຄວາມສຸກໃໝ່ໆກໍຍາກທີ່ຈະແຊກຕົວເຂົ້າມາໄດ້. ມາເລີ່ມຕົ້ນ Reset ຕົວເອງໃໝ່ດ້ວຍ 8 ສິ່ງນີ້:

1️⃣ ເຄື່ອງຂອງທີ່ບໍ່ໄດ້ໃຊ້ແລ້ວ: ເຄື່ອງນຸ່ງທີ່ບໍ່ໃສ່ເກີນ 1 ປີ, ເອກະສານເກົ່າ, ຫຼື ຂອງທີ່ເພພັງ. ຖິ້ມ ຫຼື ບໍລິຈາກອອກໄປ ເພື່ອໃຫ້ບ້ານມີ "ຫາຍໃຈ" ຫຼາຍຂຶ້ນ 🏠

2️⃣ Digital Clutter: ຮູບພາບທີ່ຊ້ຳກັນ, ໄຟລ໌ຂີ້ເຫຍື້ອໃນມືຖື, ຫຼື ອີເມລທີ່ບໍ່ເຄີຍເປີດອ່ານ. ເຄຼຍໃຫ້ວ່າງ ເພື່ອໃຫ້ສະໝອງປອດໂປ່ງ 📱

3️⃣ ຄວາມສຳພັນທີ່ເປັນພິດ (Toxic Relationships): ຕັດຄົນທີ່ຄອຍແຕ່ດູດພະລັງງານ ຫຼື ເຮັດໃຫ້ເຮົາຮູ້ສຶກດ້ອຍຄ່າ. ເຫຼືອໄວ້ພຽງຄົນທີ່ສົ່ງເສີມກັນກໍພໍ ✂️

4️⃣ ຄວາມຄິດລົບໆຕໍ່ຕົນເອງ: ຄຳວ່າ "ຂ້ອຍເຮັດບໍ່ໄດ້" ຫຼື "ຂ້ອຍບໍ່ເກັ່ງພໍ". ໃຫ້ຖິ້ມມັນໄປພ້ອມກັບປີເກົ່າ ແລ້ວແທນທີ່ດ້ວຍຄວາມໝັ້ນໃຈ 🧠

5️⃣ ຄວາມຄຽດແຄ້ນ ແລະ ການບໍ່ໃຫ້ອະໄພ: ການເກັບຄວາມຄຽດແຄ້ນໄວ້ ຄືການດື່ມຢາພິດແລ້ວຖ້າໃຫ້ຄົນອື່ນຕາຍ. ປ່ອຍວາງເພື່ອປົດປ່ອຍໃຈຕົນເອງ 🕊️

6️⃣ ນິໄສຜັດວັນປະກັນພຸ່ງ: ສິ່ງທີ່ຢາກເຮັດແຕ່ບໍ່ໄດ້ເຮັດຈັກເທື່ອ. ເລີ່ມຕົ້ນເຮັດເລີຍຕັ້ງແຕ່ຕອນນີ້ ບໍ່ຕ້ອງຖ້າໃຫ້ຮອດວັນທີ 1 ມັງກອນ ⏳

7️⃣ ຄວາມຄາດຫວັງທີ່ກົດດັນເກີນໄປ: ເລີກປຽບທຽບຊີວິດເຮົາກັບຄົນອື່ນໃນໂຊຊຽວມີເດຍ. ຄວາມສຳເລັດຂອງແຕ່ລະຄົນມີ Time Zone ທີ່ຕ່າງກັນ 🏁

8️⃣ ຄວາມເສຍດາຍໃນອະດີດ: ສິ່ງທີ່ຜ່ານໄປແລ້ວ ແກ້ໄຂບໍ່ໄດ້. ເກັບໄວ້ເປັນບົດຮຽນ ແຕ່ຢ່າເກັບໄວ້ເປັນກ້ອນຫີນທີ່ຖ່ວງດຶງຂາເຮົາໄວ້ 👣

ປີໃໝ່ເປັນໂອກາດດີທີ່ຈະ "ເລີ່ມຕົ້ນໃໝ່" ແຕ່ມັນຈະບໍ່ມີຄວາມໝາຍເລີຍ ຖ້າເຮົາຍັງແບກທຸກຢ່າງໄວ້ຄືເກົ່າ. ມາເຄຼຍພື້ນທີ່ໃຫ້ຊີວິດເບົາສະບາຍ ແລະ ພ້ອມຮັບສິ່ງດີໆທີ່ກຳລັງຈະເຂົ້າມາ! 🌟

💬 ໃນ 8 ຢ່າງນີ້, ຢ່າງໃດທີ່ເຈົ້າຄິດວ່າ "ຍາກທີ່ສຸດ" ທີ່ຈະເຄຼຍຖິ້ມ? ຫຼື ມີຢ່າງອື່ນທີ່ຢາກຖິ້ມບໍ່? ມາແບ່ງປັນກັນໄດ້ໃນຄອມເມນລຸ່ມນີ້ເລີຍ! 👇

#ປີໃໝ່ຊີວິດໃໝ່ #ພັດທະນາຕົນເອງ
#ອິນໄຊລາວ ສາລະດີໆ ມີຢູ່ບ່ອນນີ້.

27/12/2025

l ສະບາຍດີເຊົ່າວັນອາທິດ ທີ 28 ທັນວາ 2025

ປີໃໝ່ ຂໍພອນໃຫ້ລວຍ ອາດຈະຍາກ
ຂໍໃຫ້ບໍ່ທຸກ ແລະ ບໍ່ມີໜີ້ສິນ ກະຖືວ່າປະເສີດສຸດແລ້ວ

#ອິນໄຊລາວ ສາລະດີໆ ມີຢູ່ບ່ອນນີ້.

l ຫ້ອງວ່າການສໍານັກງານນາຍົກລັດຖະມົນຕີ ໄດ້ອອກໜັງສືແຈ້ງການສະບັບເລກທີ 2118/ຫສນຍ, ລົງວັນທີ 26 ທັນວາ 2025 ກ່ຽວກັບວັນພັກລັດຖະ...
27/12/2025

l ຫ້ອງວ່າການສໍານັກງານນາຍົກລັດຖະມົນຕີ ໄດ້ອອກໜັງສືແຈ້ງການສະບັບເລກທີ 2118/ຫສນຍ, ລົງວັນທີ 26 ທັນວາ 2025 ກ່ຽວກັບວັນພັກລັດຖະການ ແລະ ວັນພັກຊົດເຊີຍ ປະຈຳປີ 2026 ດັ່ງນີ້: 👇

#ແຈ້ງການ #ມື້ພັກລັດຖະການ
#ອິນໄຊລາວ # InsideLaos ສາລະດີໆ ມີຢູ່ບ່ອນນີ້.

| ສະພາບອາກາດ ແຕ່ລະແຂວງໃນເຊົ້ານີ້ ເວລາ 7:00 ໂມງເຊົ້າ ວັນທີ 27 ທັນວາ 2025 ອາກາດຍັງໜາງເຢັນ ໃນຫຼາຍແຂວງ #ສະພາບອາກາດ #ອິນໄຊ...
27/12/2025

| ສະພາບອາກາດ ແຕ່ລະແຂວງໃນເຊົ້ານີ້ ເວລາ 7:00 ໂມງເຊົ້າ ວັນທີ 27 ທັນວາ 2025 ອາກາດຍັງໜາງເຢັນ ໃນຫຼາຍແຂວງ

#ສະພາບອາກາດ
#ອິນໄຊລາວ ສາລະດີໆ ມີຢູ່ບ່ອນນີ້.

| ໃກ້ຈະຮອດປີໃໝ່ແລ້ວ“ເລື່ອງຮ້າຍໆໃຫ້ໄຫຼໜີ ສິ່ງດີໆຈົ່ງໄຫຼເຂົ້າ ເຮັດຫຍັງ ທຳຫຍັງ ຂໍໃຫ້ຂຶ້ນໃຫ້ເກີນ ໃຫ້ຈະເລີນຮຸ່ງເຮືອງ ໄຮ້ອຸປ...
26/12/2025

| ໃກ້ຈະຮອດປີໃໝ່ແລ້ວ

“ເລື່ອງຮ້າຍໆໃຫ້ໄຫຼໜີ ສິ່ງດີໆຈົ່ງໄຫຼເຂົ້າ ເຮັດຫຍັງ ທຳຫຍັງ ຂໍໃຫ້ຂຶ້ນໃຫ້ເກີນ ໃຫ້ຈະເລີນຮຸ່ງເຮືອງ ໄຮ້ອຸປະສັກ ປັງໆ ເຮັງໆ ລ້ຳໆ ລວຍໆ ສາທຸ ສາທຸ ສາທຸ”

#ອິນໄຊລາວ ສາລະດີໆ ມີຢູ່ບ່ອນນີ້.

l 👏 ບໍລິສັດ ເບຍລາວ ຈຳກັດ ມີຄວາມພາກພູມໃຈຢ່າງຍິ່ງໃນການເປັນຜູ້ສະໜັບສະໜູນຫຼັກ ຂອງງານສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃ...
26/12/2025

l 👏 ບໍລິສັດ ເບຍລາວ ຈຳກັດ ມີຄວາມພາກພູມໃຈຢ່າງຍິ່ງໃນການເປັນຜູ້ສະໜັບສະໜູນຫຼັກ ຂອງງານສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ ທີ່ ປະຕູໄຊ, ເຊິ່ງງານນີ້ຖືເປັນໜຶ່ງໃນກິດຈະກຳການສະເຫຼີມສະຫຼອງທີ່ມີຄວາມສຳຄັນ ແລະ ຍິ່ງໃຫຍ່ທີ່ສຸດຂອງນະຄອນຫຼວງວຽງຈັນ.

ໄຮໄລ້ຂອງຄ່ຳຄືນຈະເປັນການສາຍພາບ 3D Mapping Show ສຸດອະລັງການ, ການຍ້ອມສີປະຕູໄຊ ແລະ ຕາມດ້ວຍການຈຸດພຸໄຟອັນຍິ່ງໃຫຍ່ ແລະ ງົດງາມ ເພື່ອຮ່ວມກັນນັບຖອຍຫຼັງ ແລະ ຕ້ອນຮັບການມາຮອດຂອງປີ 2026.

ພິເສດ ພາຍໃນງານ ຈະມີຕູ້ໄປສະນີຈິງໃຈ ສົ່ງໂພສກາດ ໃຫ້ທ່ານສົ່ງຫາໃຜກໍ່ໄດ້ ສົ່ງໃຫ້ຕົນເອງກໍ່ໄດ້, ຄົບ 100 ໃບ ໄຟສີ ຢູ່ປະຕູໄຊ ຈະເປີດຂຶ້ນ ຢ່າງສວຍງາມ ຕະຫຼອດຕອນແລງ ວັນທີ 29-30-31 ທັນວາ 2025 ນີ້ ພ້ອມທັງຜູ້ທີ່ທ່ານສົ່ງຫາຈະໄດ້ຮັບໂພສກາດທີ່ມີຮູບປະຕູໄຊໄວ້ເປັນທີລະນຶກໃນປີ2026

ບໍລິສັດ ເບຍລາວ ຈຳກັດຂໍເຊີນຊວນພີ່ນ້ອງປະຊາຊົນທຸກຄົນມາຮ່ວມເປັນສ່ວນໜຶ່ງຂອງງານສະເຫຼີມສະຫຼອງອັນຍິ່ງໃຫຍ່ຄັ້ງປະຫວັດສາດນີ້ ທີ່ ປະຕູໄຊ ຕັ້ງແຕ່ວັນທີ່ 29-31 ທັນວາ 2025 ເວລາ 5 ເປັນຕົ້ນໄປ, ເພື່ອຕ້ອນຮັບປີໃໝ່ດ້ວຍຄວາມມ່ວນຊື່ນ ຄວາມຫວັງ ແລະ ຄວາມພາກພູມໃຈໃນຄວາມເປັນລາວ.

ປີໃໝ່ນີ້ ມອບ "ຂອງຂວັນ" ຫຍັງໃຫ້ກັນດີ | ທ້າຍປີແລ້ວ ຫຼາຍຄົນອາດກຳລັງກະກຽມຊື້ຂອງຂວັນທີ່ຈະມອບໃຫ້ກັນຢູ່ແມ່ນບໍ? ເພື່ອໃຫ້ການຊື້ຂ...
26/12/2025

ປີໃໝ່ນີ້ ມອບ "ຂອງຂວັນ" ຫຍັງໃຫ້ກັນດີ

| ທ້າຍປີແລ້ວ ຫຼາຍຄົນອາດກຳລັງກະກຽມຊື້ຂອງຂວັນທີ່ຈະມອບໃຫ້ກັນຢູ່ແມ່ນບໍ? ເພື່ອໃຫ້ການຊື້ຂອງຂວັນໃຫ້ກັນໃຫ້ມີຄຸນຄ່າ ສຸກໃຈທັງຜູ້ໃຫ້ ແລະ ຜູ້ຮັບ ລອງມາຊື້ຂອງຂວັນຕາມຫຼັກ 5 ປ ນຳກັນເບິ່ງນັ້ນກໍຄື: ເປັນປະໂຫຍດ, ປະຢັດ, ປອດໄພ, ເປັນເອກະລັກ ແລະ ເປັນມິດຕໍ່ສິ່ງແວດລ້ອມ ເຊິ່ງເຮົາສາມາດເລືອກຊື້ຂອງຂວັນໄດ້ຕາມໃຈມັກ ແຕ່ຕ້ອງຄຳນຶງເຖິງຜູ້ຮັບເປັນສ່ວນໃຫຍ່ ວ່າຂອງຂວັນປະເພດໃດເໝາະສົມທີ່ຈະມອບໃຫ້ ແລະ ຕໍ່ໄປນີ້ແມ່ນຂອງຂວັນທີ່ທ່ານຄວນມອບໃຫ້ກັນໃນຊ່ວງປີໃໝ່.

🎁ຂອງຂວັນປະເພດອຸປະກອນບໍລິຫານຮ່າງກາຍ
🎁ກະຕ່າໝາກໄມ້
🎁ປື້ມ ຫຼື ສື່ການຮຽນຮູ້
🎁ເຄື່ອງໃຊ້ໃນຊີວິດປະຈຳວັນ
🎁ຂອງຂວັນທີ່ເປັນການ DIY

👉ອ່ານເພີ່ມເຕີມໄດ້ທີ່ລິ້ງນີ້:https://www.insidelaos.com/2025/12/26/50038/

#ຂອງຂວັນ #ປີໃໝ່
#ອິນໄຊລາວ ສາລະດີໆ ມີຢູ່ບ່ອນນີ້.

26/12/2025

| ສະພາບອາກາດ ແຕ່ລະແຂວງໃນເຊົ້ານີ້ ເວລາ 6 ໂມງ ອາກາດຍັງໜາງເຢັນ ໃນຫຼາຍແຂວງທົ່ວປະເທດ ແຂວງທີ່ໜາວສຸດ ແມ່ນແຂວງຫົວພັນ ອຸນຫະພູມ 9 ອົງສາ.
ຢ່າລື່ມຮັກສາສຸຂະພາບ ດ້ວຍການນຸ່ງເຄື່ອງອຸ່ນໆ ແລະ ດຶ່ມນໍ້າອຸ່ນເດີ້.

#ສະພາບອາກາດ
#ອິນໄຊລາວ ສາລະດີໆ ມີຢູ່ບ່ອນນີ້.

| ຢ່າເຮັດແບບນີ້ກັບໃຜເດີ້ ຖ້າບໍ່ຮັກກໍບອກເຂົາດີໆເຈັບກວ່າການ "ຖືກຕົວະ"ຄືເຊື່ອມາຕະຫຼອດວ່າ "ຖືກຮັກ" #ອິນໄຊລາວ ສາລະດີໆ ມີຢ...
26/12/2025

| ຢ່າເຮັດແບບນີ້ກັບໃຜເດີ້ ຖ້າບໍ່ຮັກກໍບອກເຂົາດີໆ

ເຈັບກວ່າການ "ຖືກຕົວະ"
ຄືເຊື່ອມາຕະຫຼອດວ່າ "ຖືກຮັກ"

#ອິນໄຊລາວ ສາລະດີໆ ມີຢູ່ບ່ອນນີ້.

ເປີດການນໍາໃຊ້ຂົວມິດຕະພາບ ລາວ-ໄທ ແຫ່ງທີ V (ບໍລິຄຳໄຊ-ບຶງການ) ຢ່າງເປັນທາງການ l ພິທີເປີດການນໍາໃຊ້ຂົວມິດຕະພາບ ລາວ-ໄທ ແຫ່ງທີ ...
25/12/2025

ເປີດການນໍາໃຊ້ຂົວມິດຕະພາບ ລາວ-ໄທ ແຫ່ງທີ V (ບໍລິຄຳໄຊ-ບຶງການ) ຢ່າງເປັນທາງການ

l ພິທີເປີດການນໍາໃຊ້ຂົວມິດຕະພາບ ລາວ-ໄທ ແຫ່ງທີ V (ບໍລິຄໍາໄຊ-ບຶງການ) ຢ່າງເປັນທາງການ ໄດ້ຈັດຂຶ້ນ ໃນວັນທີ 25 ທັນວາ 2025, ທີ່ ເມືອງປາກຊັນ, ແຂວງບໍລິຄໍາໄຊ, ໂດຍການເປັນປະທານຮ່ວມ ລະຫວ່າງ ພະນະທ່ານ ທອງລຸນ ສີສຸລິດ, ປະທານປະເທດແຫ່ງ ສາທາລະນະລັດປະຊາ ທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ພະບາດສົມເດັດ ພຣະວະຊິຣະເກົ້າເຈົ້າຢູ່ຫົວ ແຫ່ງ ລາຊະອານາຈັກໄທ ພ້ອມດ້ວຍພະລາຊິນີ ໂດຍມີການເຂົ້າຮ່ວມຂອງ ທ່ານນາຍົກລັດຖະມົນຕີ, ລັດຖະມົນຕີ, ຫົວໜ້າກົມ ແລະ ບັນດາແຂກ ທີ່ກ່ຽວຂ້ອງຕ່າງໆ ສອງຝ່າຍເຂົ້າຮ່ວມ.

ໃນພິທີອັນມີຄວາມໝາຍສຳຄັນດັ່ງກ່າວ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ ແລະ ພະນະທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ ລາຊະອານາຈັກໄທ ໄດ້ຂຶ້ນກ່າວລາຍງານຜົນສຳເລັດຂອງໂຄງການກໍ່ສ້າງຂົວມິດຕະພາບ ລາວ-ໄທ ແຫ່ງທີ V (ບໍລິຄໍາໄຊ-ບຶງການ) ໂດຍໄດ້ຍົກໃຫ້ເຫັນປະຫວັດຄວາມເປັນມາ ແລະ ຄວາມສຳຄັນ ຂອງໂຄງການກໍ່ສ້າງດັ່ງກ່າວ, ເຊິ່ງເປັນໂຄງການຮ່ວມມື ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ລາຊະອານາຈັກໄທ ທີ່ສອດຄ່ອງກັບຄວາມມຸ່ງມາດປາຖະໜາ ຂອງລັດຖະບານທັງສອງປະເທດ ກໍຄື ປະຊາຊົນສອງຊາດ ລາວ ແລະ ໄທ ໂດຍສະເພາະແມ່ນແຂວງບໍລິຄໍາໄຊ ແລະ ຈັງຫວັດບຶງການ ເພື່ອເຊື່ອມໂຍງ-ເຊື່ອມຈອດ ສປປ ລາວ ເຂົ້າກັບພາກພື້ນ ຕາມແລວເສດຖະກິດຕາເວັນອອກ-ຕາເວັນຕົກ, ເຮັດໃຫ້ການຄົມມະນາຄົມຂົນສົ່ງ, ການຄ້າ ແລະ ການທ່ອງທ່ຽວ ລະຫວ່າງສອງປະເທດ ມີຄວາມສະດວກ ແລະ ວ່ອງໄວຍິ່ງໆຂຶ້ນ ເພື່ອນໍາເອົາຜົນປະໂຫຍດສູງສຸດມາສູ່ປະຊາຊົນສອງຊາດ ລາວ ແລະ ໄທ. ຜົນສໍາເລັດຂອງການກໍ່ສ້າງຂົວມິດຕະພາບແຫ່ງນີ້ ບໍ່ພຽງແຕ່ຊ່ວຍສົ່ງເສີມການພັດທະນາທາງເສດຖະກິດ-ສັງຄົມ ໃນລະດັບທ້ອງຖິ່ນ ແລະ ພາກພື້ນເທົ່ານັ້ນ ແຕ່ຍັງເປັນສັນຍາລັກທີ່ພົ້ນເດັ່ນຂອງສາຍພົວພັນມິດຕະພາບ ແລະ ການຮ່ວມມືອັນດີງາມ ຖານບ້ານໃກ້ເຮືອນຄຽງທີ່ດີ ລະຫວ່າງ ສປປ ລາວ ແລະ ລາຊະອານາຈັກໄທ ທີ່ມີມາແຕ່ດົນນານ ແລະ ການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ແລະ ການພັດທະນາແບບຍືນຍົງ ລະຫວ່າງສອງປະເທດ.

ນອກຈາກນີ້, ຜົນສໍາເລັດດັ່ງກ່າວ ຍັງມີຄວາມໝາຍສໍາຄັນ ໃນໂອກາດສະເຫຼີມສະຫຼອງ ຄົບຮອບ 75 ປີ ຂອງການສ້າງຕັ້ງສາຍພົວພັນທາງການທູດ ລະຫວ່າງສອງປະເທດ ໃນເດືອນທັນວາ 2025 ນີ້.

ນອກຈາກນີ້, ພະນະທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ແລະ ພະບາດສົມເດັດ ພຣະວະຊິຣະເກົ້າເຈົ້າຢູ່ຫົວ ແຫ່ງ ລາຊະອານາຈັກໄທ ໄດ້ໃຫ້ກຽດຂຶ້ນກົດປຸ່ມເປີດແຜ່ນປ້າຍທີ່ລະນຶກ ແລະ ປ້າຍກໍາມະສິດ ຂົວມິດຕະພາບ ລາວ-ໄທ ແຫ່ງທີ V, ຢ້ຽມຊົມການວາງສະ ແດງຮູບພາບ ແລະ ວີດີໂອ ກ່ຽວກັບ ໂຄງການກໍ່ສ້າງຂົວມິດຕະພາບ ລາວ-ໄທ ແຫ່ງທີ V ແລະ ໄດ້ຖ່າຍຮູບຮ່ວມກັນ ເພື່ອເປັນທີ່ລະນຶກໃຫ້ແກ່ທັງສອງຝ່າຍ.

ໂຄງການກໍ່ສ້າງຂົວມິດຕະພາບ ລາວ-ໄທ ແຫ່ງທີV (ບໍລິຄໍາໄຊ-ບຶງການ) ໄດ້ເລີ່ມດໍາເນີນການສຶກສາຄວາມເປັນໄປໄດ້ ແລະ ການອອກແບບລາຍລະອຽດຂອງຂົວ ໃນໄລຍະປີ 2012-2014; ໄດ້ມີການລົງນາມຂໍ້ຕົກລົງ ວ່າດ້ວຍ ການກໍ່ສ້າງຂົວ ລະຫວ່າງ ກະຊວງໂຍທາທິການ ແລະ ຂົນສົ່ງ ຂອງລາວ ແລະ ກະຊວງຄົມມະນາຄົມ ຂອງໄທ ໃນວັນທີ 14 ມິຖຸນາ 2019; ໄດ້ເລີ່ມການກໍ່ສ້າງຢູ່ຝັ່ງໄທ ແຕ່ວັນທີ 30 ມິຖຸນາ 2020 ແລະ ຢູ່ຝັ່ງລາວ ແຕ່ວັນທີ 4 ມັງກອນ 2021; ແລະ ໄດ້ມີພິທີເທເບຕົງເຊື່ອມຕໍ່ຂົວ ແລະ ລົງນາມຂໍ້ຕົກລົງ ວ່າດ້ວຍ ກໍາມະສິດການນໍາໃຊ້, ການບໍລິຫານ ແລະ ການບູລະນະຮັກສາ-ສ້ອມແປງຂົວ ໃນວັນທີ 6 ມິຖຸ ນາ 2025 ຜ່ານມາ. ຂົວມິດຕະພາບ ລາວ-ໄທ ແຫ່ງທີ V ເປັນຈຸດເຊື່ອມຕໍ່ລະຫວ່າງ ເມືອງປາກຊັນ, ແຂວງບໍລິຄໍາໄຊ ຂອງ ສປປ ລາວ ກັບ ອໍາເພີບຶງການ, ຈັງຫວັດບຶງການ ຂອງ ລາຊະອານາຈັກໄທ ທີ່ເຊື່ອມຕໍ່ໂດຍກົງກັບທາງຫຼວງເລກທີ 13 (R13) ຂອງລາວ ໄປຫາທາງຫຼວງເລກທີ 244 ຂອງໄທ. ຂົວດັ່ງກ່າວມີຄວາມຍາວ 1,350 ແມັດ ແລະ ໄດ້ມີການຕິດຕັ້ງອຸປະກອນຕິດຕາມສະພາບການປ່ຽນແປງຂອງໂຄງສ້າງຂອງຂົວ.

ທີ່ມາ: ກົມການຂ່າວ, ກະຊວງການຕ່າງປະເທດ
ພາບ: ໄອແກ້ວ

#ຂົວມິດຕະພາບລາວໄທແຫ່ງທີ5 #ບໍລິຄຳໄຊບຶງການ #ເປີດນຳໃຊ້ຂົວ
#ອິນໄຊລາວ ສາລະດີໆ ມີຢູ່ບ່ອນນີ້.

25/12/2025

🌲🌲🌲❄️❄️☃️⛄
ມື້ນີ້ຮ້ານໃດ ມີໂປຣໂມຊັນ ວັນຄຣິດສມາດ
ໂພສລົງກ້ອງຄອມເມັ້ນເລີຍ!!! 🌲🌲🌲
👇👇👇

ເຈົ້າເປັນນັກທ່ອງທ່ຽວສາຍໃດ? ໄປແລ້ວມ່ວນສຸດບໍ່ເສຍດາຍເງິນ! | ທ້າຍປີນີ້ ການທີ່ຈະໄປທ່ຽວແບບໄດ້ຄວາມມ່ວນຊື່ນ ແລະ ອີ່ມອົກອີ່ມໃຈ ແ...
25/12/2025

ເຈົ້າເປັນນັກທ່ອງທ່ຽວສາຍໃດ? ໄປແລ້ວມ່ວນສຸດບໍ່ເສຍດາຍເງິນ!

| ທ້າຍປີນີ້ ການທີ່ຈະໄປທ່ຽວແບບໄດ້ຄວາມມ່ວນຊື່ນ ແລະ ອີ່ມອົກອີ່ມໃຈ ແທ້ໆ ໄປແລ້ວບໍ່ຄິດເສຍດາຍເງິນທີ່ເສຍໄປນັ້ນ ເຮົາຕ້ອງມາສັງເກດຕົນເອງໃຫ້ດີ ແລະ ວາງແຜນທ່ຽວກ່ອນວ່າ ເຮົາ, ຄູ່ຮັກ ຫຼື ໝູ່ເພື່ອນນັ້ນ ແມ່ນມັກທ່ຽວສາຍໃດກັນແທ້?

✅ນັກທ່ອງທ່ຽວສາຍບຸນ (ສາຍມູ)
✅ນັກທ່ອງທ່ຽວສາຍ Café
✅ນັກທ່ອງທ່ຽວສາຍ adventure
✅ນັກທ່ອງທ່ຽວສາຍທຳມະຊາດ

👉ອ່ານເພີ່ມເຕີມທີ່ລິ້ງນີ້: https://www.insidelaos.com/?p=49865

#ນັກທ່ອງທ່ຽວ #ສາຍທ່ອງທ່ຽວ #ທ່ອງທ່ຽວລາວ
#ອິນໄຊລາວ ສາລະດີໆ ມີຢູ່ລ່ອນນີ້.

Address

Souphanouvong Avenue, Ban Vat Chan
Vientiane
01000

Opening Hours

Monday 08:30 - 17:00
Tuesday 08:30 - 17:00
Wednesday 08:30 - 17:00
Thursday 08:30 - 17:00
Friday 08:30 - 17:00

Telephone

+8562099958535

Website

Alerts

Be the first to know and let us send you an email when InsideLaos posts news and promotions. Your email address will not be used for any other purpose, and you can unsubscribe at any time.

Contact The Business

Send a message to InsideLaos:

Shortcuts

Share

Category

ອິນໄຊລາວ

ອິນໄຊລາວ ກຳເນີດຂຶ້ນໃນທ້າຍ ປີີ 2018 ມີເປົ້າໝາຍ ເພື່ອສະໜອງຂໍ້ມູນຂ່າວສານໃຫ້ແກ່ຄົນທຸກເພດໄວໃນສັງຄົມ ໂດຍສະເພາະ ເສດຖະກິດ-ສັງຄົມ, ປະເພນີ-ວັດທະນະທຳ,ຄວາມງາມທຳມະຊາດ-ແຫຼ່ງທ່ອງທ່ຽວ ແລະອື່ນໆ.

ມາຮອດປັດຈຸບັນນີ້, ທາງເພຈ ແລະເວບໄຊອິນໄຊລາວ ມີສະມາຊິກກວ່າແສນຄົນແລ້ວ ໂດຍສ່ວນໃຫຍ່ ແມ່ນນັກຮຽນ-ນັກສຶກສາ ແລະຄົນໄວທຳງານ. ພວກເຮົາຫວັງວ່າ ຕໍ່ໄປອິນໄຊລາວ ຈະເປັນສື່ກາງທີ່ສະໜອງຂໍ້ມູນຂ່າວສານ ທັນການ,ເຂົ້າໃຈງ່າຍແລະທັນສະໄໝ