ຄວາມສະຫງົບ Lao Security News, ບ້ານແສງສະຫວ່າງ, Vientiane (2025)

Q: What is the address?

ບ້ານແສງສະຫວ່າງ

18/09/2025

ປກສ ແຂວງຜົ້ງສາລີ ມອບລົດຈັກຄືນໃຫ້ເຈົ້າຂອງເດີມ.

ໃນຕອນເຊົ້າຂອງວັນທີ 17 ກັນຍາ 2025 ນີ້ ກອງພັນເຄື່ອນທີ່ ປກສ ແຂວງຜົ້ງສາລີ ໄດ້ມອບລົດຈັກທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ ເປັນຍີ່ຫໍ້ຮອນດາເວບຮ້ອຍສີຟ້າດຳບໍ່ມີທະບຽນ, ກ່າວມອບໂດຍ ພັຕ ທອງດາວ ດວງມີໄຊ ກອງຮ້ອຍແກ້ໄຂຈາລະຈົນ , ຕາງໜ້າກ່າວຮັບໂດຍ ນາງ ແດງ ເຊີ່ງເປັນເຈົ້າຂອງລົດໄດ້ເອົາເອກະສານມາຢັ້ງຢືນເຫັນວ່າຖືກຕ້ອງໂດຍຊ່ອງໜ້າເຈົ້າໜ້າທີທີ່ກ່ຽວຂ້ອງເຂົ້າຮ່ວມ.
ລົດຄັນດັ່ງກ່າວແມ່ນຖືກຄົນຮ້າຍລັກໄປໃນເວລາ 2:35 ນາທີ, ຂອງວັນທີ 11 ກັນຍາ 2025 ແລະ ສາມາດເກັບກູ້ຄືນໄດ້ໃນລະຫ່ວາງ ເວລາ 8:55 ນາທີ, ວັນທີ 17 ກັນຍາ 2025 ນີ້ ແລ້ວມອບສົ່ງຄືນໃຫ້ເຈົ້າຂອງເດີມ ແລະ ສຳລັບຄົນຮ້າຍຜູ້ກໍເຫດປັດຈຸບັນທາງເຈົ້າໜ້າທີ່ກອງພັນປ້ອງກັນເຄື່ອນທີ່ ປກສ ແຂວງ ພວມດຳເນີນສືບຕໍ່ຂະຫຍາຍຜົນຊອກຫາພັກພວກກຸ່ມແກ້ງເພື່ອນຳມາດຳເນີນຄະດີຕາມລະບຽບກົດໝາຍ.

18/09/2025

ເມືອງສີໂຄດຕະບອງ ຮື້ຖອນປ້າຍໂຄສະນາທີ່ບໍ່ຖືກຕ້ອງ ຢູ່ຖະຫນົນສີທອງ

ຕາມການລາຍງານຂອງວິທະຍຸ ນະຄອນຫລວງວຽຈັນ ໃຫ້ຮູ້ວ່າ: ວັນທີ 18 ກັນຍາ 2025, ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ຮ່ວມກັບ ອົງການປົກຄອງເມືອງສີໂຄດຕະບອງ ນໍາໂດຍ ທ່ານ ບຸນຍະວັດ ນິລະໄຊຍ໌ ຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ, ທ່ານ ອິນປອງ ທຸມມາ ປະທານຄະນະກໍາມະການປົກຄອງເມືອງ ສີໂຄດຕະບອງ ແລະ ພາກສ່ວນກ່ຽວຂ້ອງ ໄດ້ລົງຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ເຊີ່ງໄດ້ຮື້ຖອນປ້າຍໂຄສະນາທີ່ບໍ່ຖືກຕ້ອງຕາມລະບຽບກົດຫມາຍ ຢູ່ຖະຫນົນສີທອງ ບ້ານ ດົງນາໂຊກເຫນືອ, ເນື່ອງຈາກໄລຍະຜ່ານມາ ໄດ້ມີການສຶກສາອົບຮົມກ່າວເຕືອນມາແລ້ວ ແຕ່ຜູ້ປະກອບການຍັງຝ່າຝືນຕໍ່ລະບຽບກົດໝາຍ.

ສຳລັບປ້າຍທີ່ຮື້ຖອນອອກ ແມ່ນຈະນຳໄປເກັບຮັກສາໄວ້ຢູ່ທີ່ພະແນກ ໂຍທາທິການ ແລະ ຂົນສົ່ງນະຄອນຫຼວງວຽງຈັນ ໂດຍໃຫ້ເວລາເຈົ້າຂອງໄປພົວພັນເອົາໃນກຳນົດເວລາ 15 ວັນ.
ນອກຈາກເມືອງສີໂຄດຕະບອງແລ້ວ ທາງພະແນກໂຍທາທິການ ແລະ ຂົນສົ່ງ ນວ ຍັງຈະສືບຕໍ່ຈັດຕັ້ງປະຕິບັດວຽກງານດັ່ງກ່າວ ຮ່ວມກັບບັນດາເມືອງຕ່າງໆຢູ່ພາຍໃນນວຕື່ມອີກ.

18/09/2025

ຜ່ານຂໍ້ຕົກລົງ ວ່າດ້ວຍການຮັບຮອງ 3 ຫົວຂໍ້ວິທະຍາສາດ ປກສ
==============
ໃນວັນທີ 18 ກັນຍາ 2025, ທີ່ກົມຄົ້ນຄວ້າວິທະຍາສາດ ແລະ ປະຫວັດສາດ ກະຊວງ ປກສ ໄດ້ຈັດກອງປະຊຸມຜ່ານຂໍ້ຕົກລົງ ວ່າດ້ວຍການຮັບຮອງ 3 ຫົວຂໍ້ວິທະຍາສາດປ້ອງກັນຄວາມສະຫງົບ ສົກປີ 2025-2026, ເປັນປະທານໂດຍ ພົຈວ ປອ ຄໍາແຝງ ວັນດີໄຊ ຫົວໜ້າກົມຄົ້ນຄວ້າວິທະຍາສາດ ແລະ ປະຫວັດສາດ ຮອງປະທານສະພາວິທະຍາສາດ ປກສ, ມີຄະນະຊີ້ນໍາ, ຄະນະຄົ້ນຄວ້າຂຽນ, ກອງເລຂາ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ໃນກອງປະຊຸມ, ພັທ ນາງ ຄໍາສອນ ພົມມະວົງ ຫົວໜ້າພະແນກວິທະຍາສາດ ປກສ ກົມຄົ້ນຄວ້າວິທະຍາສາດ ແລະ ປະຫວັດສາດ ໄດ້ຜ່ານຂໍ້ຕົກລົງກະຊວງປ້ອງກັນຄວາມສະຫງົບ ວ່າດ້ວຍການຮັບຮອງ 3 ຫົວຂໍ້ວິທະຍາສາດປ້ອງກັນຄວາມສະຫງົບ ສົກປີ 2025-2026, ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາລວມ, ຄະນະຄົ້ນຄວ້າຂຽນ 3 ຫົວຂໍ້ວິທະຍາສາດປ້ອງກັນຄວາມສະຫງົບ ແລະ ກອງເລຂາ, ຜ່ານແຜນການເຄື່ອນໄຫວຄົ້ນຄວ້າຂຽນ 3 ຫົວຂໍ້ວິທະຍາສາດປ້ອງກັນຄວາມສະຫງົບ ສົກປີ 2025-2026.
ທັງນີ້, ກໍເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກະຊວງປ້ອງກັນຄວາມສະຫງົບ ໃຫ້ປະກົດຜົນເປັນຈິງ ເວົ້າສະເພາະ ແມ່ນການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ເພື່ອເຮັດໃຫ້ກຸມຄົນທີ່ບໍ່ຫວັງດີແຊກຊຶມເຂົ້າໃນບັນດາອົງການຈັດຕັ້ງຂອງພັກ-ລັດ ໃຫ້ໄດ້ຢ່າງຂາດຕົວ, ທັງເປັນການຄົ້ນຄວ້າຊອກຫາບັນດາຂໍ້ມູນ, ພຶດຕິກຳປັດຈຸບັນ ແລະ ຄາດກະສະພາບການສະເພາະໜ້າ ແລະ ຍາວນານ ໃນການຄົ້ນຄວ້າຂຽນບົດວິທະຍາສາດປ້ອງກັນຄວາມສະຫງົບ ໃຫ້ມີປະສິດທິຜົນທາງດ້ານວິຊາສະເພາະ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງວຽກງານປ້ອງກັນຄວາມສະຫງົບ ໃນໄລຍະໃໝ່, ເປັນການຄົ້ນຄວ້າ, ປັບປຸງ ແລະ ກໍ່ສ້າງກໍາລັງປ້ອງກັນຄວາມສະຫງົບ ໃຫ້ມີຄວາມພ້ອມທາງດ້ານຄວາມຮູ້ສະຕິປັນຍາ, ຄວາມສາມາດ ແລະ ຄຸນທາດການເມືອງ, ຄຸນສົມບັດສິນທໍາປະຕິວັດໃນການຮັບໃຊ້ຊາດ, ຮັບໃຊ້ປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມອຸດົມການຂອງພັກໄດ້ກຳນົດໄວ້ ແລະ ເພື່ອເຮັດໃຫ້ການຄົ້ນຄວ້າຂຽນບົດວິທະຍາສາດກະທັດຮັດ, ສົມເຫດສົມຜົນ, ຫັນໄປສູ່ຄຸນນະພາບ, ມີປະສິດທິຜົນສູງ ແລະ ບັນລຸຜົນສໍາເລັດຕາມຄາດໝາຍທີ່ວາງໄວ້.

ພາບ-ຂ່າວ: ແກ້ວ ອຸເພັດ

18/09/2025

ຮອງຫົວໜ້າກົມ 509 ຊຸກຍູ້ວຽກງານແກ້ໄຂປະກົດການຫຍໍ້ທໍ້ຢູ່ ປກສ ເມືອງສີສັດຕະນາກ
===============
ໃນວັນທີ 15 ກັນຍາ 2025, ພັອ ສີບຸນເຮືອງ ໄຊຍະເພັດ ຮອງຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ( ກົມ 509 ) ໄດ້ລົງຊຸກຍູ້ວຽກງານແກ້ໄຂປະກົດການຫຍໍ້ທໍ້ຢູ່ ປກສ ເມືອງສີສັດຕະນາກ ນະຄອນຫຼວງວຽງຈັນ, ມີບັນດາຄະນະກອງບັນຊາການ ປກສ ເມືອງ, ກອງກໍ່ສ້າງຮາກຖານ 919, ຄະນະຮັບຜິດຊອບລົງແກ້ໄຊປະກົດການຫຍໍ້ທໍ້, ພະແນກສຳມະໂນຄົວ ແລ ກໍ່ສ້າງຮາກຖານ ແລະ ປກສ ກຸ່ມເຂົ້າຮ່ວມ.
ໃນໂອກາດນີ້, ພັທ ບຸນທັນ ແກ້ວປັນຍາ ຮອງພະແນກຄຸ້ມອງສຳມະໂນຄົວ ແລະ ກໍ່ສ້າງຮາກຖານ ໄດ້ລາຍງານການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງໃຫ້ຮູ້ວ່າ: ຜ່ານມາ ປກສ ເມືອງ ໄດ້ເອົາໃຈໃສ່ເຮັດ ວຽກງານສະກັດກັ້ນໂດຍນຳພາກຳລັງ ປກສ ບ້ານ ອອກກວດກາລາດຕະເວນຕາມທາງຮ່ອມທາງຊອຍ, ຈຸດຫຼໍ່ແຫຼມ, ຈຸດສັບສົນທີ່ມີຄວາມສ່ຽງມັກເກີດອາຊະຍະກຳ ໂດຍສະເພາະແມ່ນກຸ່ມແກ້ງເຄື່ອນໄຫວລັກຊັບ ຂອງພົນລະເມືອງ, ຄ້າຂາຍ, ມົ້ວສຸມຢາເສບຕິດ ແລະ ໄດ້ເອົາໃຈໃສ່ກວດກາການພັກເຊົາຂອງພົນລະເມືອງ ຕາມຫ້ອງແຖວເຮືອນພັກຕ່າງໆ, ປກສ ກຸ່ມບ້ານ ໄດ້ສົມທົບກັບອົງການປົກຄອງບ້ານ ເຮັດບົດບັນທຶກສັນຍາຮັກສາຄວາມສະຫງົບ ກັບ ຄອບຄົວ, ຫົວໜ່ວຍທຸລະກິດ ແລະ ບັນດາຫ່າງຮ້ານຕ່າງໆ ໄດ້ທັງໝົດ: 1, 025 ສະບັບ, ເປັນຄອບຄົວ 363 ສະບັບ, ຫ້າງຮ້ານບໍລິສັດ 159 ສະບັບ, ຫ້ອງແຖວ 126 ສະບັບ, ເຮືອນເຊົ່າ 99 ສະບັບ, ອາພາດ ເມັ້ນ 15 ສະບັບ ແລະ ໂຮງແຮມ 1 ສະບັບ, ທົ່ວເມືອງສີສັດຕະນາກມີ 37 ບ້ານ, ມີ 15,415 ຫຼັງຄາເຮືອນ, ມີ 11,971 ຄອບຄົວ, ມີພົນລະເມືອງທັງ ໝົດ 62,227ຄົນດ ຍີງ32,392 ຄົນ, ໄດ້ຈົດທະບຽນສຳມະໂນຄົວແລ້ວ 11,925 ຄອບຄົວ, ມີພົນລະເມືອງ 61,835ຄົນ, ຍີງ 32,226 ຄົນ.
ພັອ ສີບຸນເຮືອງ ໄຊຍະເພັດ ໄດ້ເນັ້ນໜັກໃຫ້ ເອົາໃສ່ລົງຕິດຕາມ ກວດກາ ຊີ້ນຳ ຊຸກຍູ້ ການຈັດຕັ້ງປະຕິບັດໜ້າທີ່ວຽກງານ ແກ້ໄຂປະກົດການຫຍໍ້ທໍ້ທົ່ວເມືອງບາງວຽກງານຈຸດສຸມໃຫ້ດໍາເນີນໄປຢ່າງຖືກທິດ ແລະ ມີປະສິດທິຜົນ, ຊອກໃຫ້ເຫັນບັດຫາທີ່ຍັງຄົງຄ້າງ ແນໃສ່ເພື່ອເປັນເອກະພາບໃນ ການຈັດຕັ້ງປະຕິບັດວຽກງານໃຫ້ຖືກຕ້ອງ ແລະ ສຳເລັດຕາມແຜນການທີ່ວາງໄວ້, ເພື່ອຮັບປະກັນໃນການຈັດງານວັນສໍາຄັນ ຕ່າງໆ ຂອງພັກຂອງຊາດໃຫ້ມີຄວາມສະຫງົບປອດໄພ.

18/09/2025

ຫຼອນຢາ ພາໃຫ້ກໍ່ເຫດຄາດຕະກຳ
-------------------------
ປກສ ແຂວງໄຊສົມບູນ ລາຍງານໃນວັນທີ 16 ກັນຍາ 2025 ວ່າ: ວັນທີ 2 ກັນຍາຜ່ານມາ ເຈົ້້າໜ້າທີ່ ປກສ ແຂວງ ໄດ້ຮັບລາຍງານຈາກ ປກສ ເມືອງອະນຸວົງ ວ່າມີເຫດການຄາດຕະກໍາ ເກີດຂຶ້ນຢູ່ບ້ານມ່ວງສຸມ ເມືອງອະນຸວົງ ແຂວງໄຊສົມບູນ.
ເຈົ້າໜ້າທີວິຊາສະເພາະ ຈິ່ງສົມທົບກັບພາກສ່ວນທີ່ກ່ຽວຂ້ອງກວດກາສະຖານທີ່ເກີດເຫດ ພົບເຫັນ ຜູ້ເສຍຊີວິດ 1 ຄົນ ຊື່ທ້າວ ລອງ ອາຍຸ 39 ປີ, ປະຊາຊົນ ບ້ານມ່ວງສຸມ, ສາເຫດທີ່ເສຍຊີວິດແມ່ນຖືກວັດຖຸມີຄົມ ປາດບໍລິເວນລໍາຄໍເບື້ອງຊ້າຍ; ຜູ້ກໍ່ເຫດຊື່ທ້າວ ໄມ ອາຍຸ 23 ປີ, ປະຊາຊົນ ບ້ານມ່ວງສຸມ ( ເປັນນ້ອງຊາຍຂອງຜູ້ເສຍຊີວິດ) ພາຍຫຼັງທີ່ຜູ້ກ່ຽວກໍ່ເຫດແລ້ວ ແມ່ນໄດ້ເອົາຕົວຫຼົບໜີ.
ວັນທີ 4 ກັນຍາ 2025 ທາງເຈົ້້າໜ້າທີຈິ່ງສາມາດກັກຕົວຜູ້ກ່ຽວໄດ້ ແລະ ນໍາຕົວມາສືບສວນ-ສອບສວນຢູ່ ກອງບັນຊາການ ປກສ ແຂວງ. ຈາກນັ້ນ, ໃນວັນທີ 06 ກັນຍາ 2025 ເຈົ້າໜ້າທີ່ພະແນກ ສືບສວນ-ສອບສວນ ກອງບັນຊາການ ປກສ ແຂວງໄຊສົມບູນ ຈິ່ງໄດ້ສົມທົບກັບເຈົ້າໜ້າທີ່ ປກສ ກຸ່ມບ້ານໂພນພະ ເມືອງອະນຸວົງ ແລະ ອໍານາດການປົກຄອງບ້ານ ນຳເອົາ ທ້າວໄມ (ຜູ້ກໍ່ເຫດຄາດຕະກຳ) ທ້າວ ລອງ ມາຈຳລອງເຫດການຄືນ ເພື່ອປະກອບຄຳຮັບສາລະພາບ ເຂົ້າໃນສຳນວນຄະດີ ສົ່ງໃຫ້ໄອຍະການສັ່ງຟ້ອງ ຕາມລະບຽບຂອງກົດໝາຍ.
ທ້າວ ໄມ (ຜູ້ກໍ່ເຫດຄາດຕະກໍາ) ໄດ້ໃຫ້ການຕໍ່ເຈົ້້າໜ້າທີ່ວ່າ: ຕົນເອງແມ່ນໄດ້ເລີ່ມເສບຢາເສບຕິດ (ຢາບ້າ) ຕັ້ງແຕ່ປີ 2016 ເປັນຕົ້ນມາ, ຕົກມາຮອດປີ 2024 ຕົນແມ່ນໄດ້ເລີ່ມດື່ມນໍ້າກະທ້ອມ ແລະ ຄໍລະເຈນ, ເດືອນກໍລະກົດ 2025 ຕົນໄດ້ໄປເຮັດວຽກຢູ່ບໍລິສັດແຫ່ງໜຶ່ງ ຢູ່ເມືອງອະນຸວົງ ໄດ້ປະມານ 02 ເດືອນ ຕົນແມ່ນເກີດມີອາການ ປະສາດຫຼອນ, ນອນບໍ່ລັບ ທາງບໍລິສັດຈິ່ງສົ່ງຕົວກັບຄືນມາຢູ່ບ້ານ; ໃນວັນທີ 2 ກັນຍາ 2025 ເວລາປະມານ 17 ໂມງ ຕົນ ແລະ ຄອບຄົວ ເຊິ່ງມີ ພໍ່, ແມ່ ແລະ ທ້າວ ລອງ (ຜູ້ເສຍຊີວິດ) ໄດ້ນັ່ງກິນເຂົ້າເເລງນໍາກັນ; ຈາກນັ້ນ, ທ້າວ ລອງ ໄດ້ເວົ້້າຈາສຽດສີໃສ່ຕົນ ແຕ່ຕົນບໍ່ໄດ້ຕອບໂຕ້ແຕ່ຢ່າງໃດ, ພາຍຫຼັງກິນເຂົ້າເເລງແລ້ວກໍໄດ້ພາກັນເຂົ້ານອນ, ເຊິ່ງຕົນ ແລະ ທ້າວ ລອງ (ຜູ້ເສຍຊີວິດ) ແມ່ນໄດ້ນອນຢູ່ເຮືອນຫຼັງດຽວກັນ ສ່ວນພໍ່-ແມ່ ແມ່ນໄດ້ໄປນອນຢູ່ເຮືອນຫຼັງນ້ອຍທີ່ຢູ່ຕິດກັນ; ມາຮອດເວລາປະມານ 23 ໂມງ ຂອງວັນດຽວກັນ ຕົນໄດ້ຄິດເຫັນຄໍາເວົ້້າສຽດສີ ທີ່ອ້າຍຂອງຕົນໄດ້ເວົ້້າໃສ່ ຕົນຈິ່ງລຸກຂຶ້ນຈາກບ່ອນນອນແລ້ວໄປຈັບເອົາມີດຢູ່ປະຕູທາງອອກຫຼັງເຮືອນ ມາປາດບໍລິເວນຄໍຂອງ ທ້າວລອງ ທີ່ນອນຢູ່ 1 ບາດ ຈາກນັ້ນກໍໄດ້ເອົາຕົວລົບໜີ ອອກທາງໜ້າເຮືອນ ໂດຍທີ່ບໍ່ຮູ້ວ່າຜູ້ເປັນອ້າຍໄດ້ເສຍຊີວິດ ຫຼື ບໍ່.
ຜ່ານການເກັບກໍາຂໍ້ມູນຫຼັກຖານ ສືບສວນ-ສອບສວນ ເອົາຄໍາໃຫ້ການຜູ້ຖືກຫາ ເຫັນວ່າ ທ້າວໄມ ແມ່ນມີເຈນຕະນາຄາດຕະກໍາ ທ້າວ ລອງ ແທ້, ໂດຍການໃຊ້ມີດປາດຄໍຂອງ ທ້າວ ລອງ, ຜ່ານການສັນລະສູດສົບ ທ້າວ ລອງ ( ຜູ້ເສຍຊີວິດ ) ເຫັນວ່າ ແມ່ນເສຍຊີວິດ ຈາກການຖືກວັດຖຸມີຄົມປາດ ບໍລິເວນລໍາຄໍເບື້ອງຊາຍ 01 ຈຸດ ກວ້າງປະມານ01-02 ຊັງຕີແມັດ, ຍາວປະມານ 06 ຊັງຕີແມັດ, ການກະທຳຜິດດັ່ງກ່າວ ເປັນການກະທໍາຜິດຕໍ່ ມາດຕາ 188 ຂອງປະມວນກົດໝາຍອາຍາ ສະບັບປີ 2017. ເຊິ່ງປັດຈຸບັນ ທາງເຈົ້້າໜ້າທີ່ກຽມສະຫຼຸບສັ່ງຟ້ອງ ແລະ ດໍາເນີນໄປຕາມຂະບວນການຍຸດຕິທໍາ ທີປະມວນກົດໝາຍອາຍາແຫ່ງ ສປປ ລາວ.

ຂ່າວ ປກສ ແຂວງໄຊສົມບູນ

18/09/2025

ຄະນະຜູ້ແທນກອງບັນຊາການ ປກສ ນະຄອນຮາຍຟ່ອງ ສສ ຫວຽດນາມ
ຢ້ຽມຢາມ ແລະ ເຮັດວຽກຢູ່ກອງບັນຊາການ ປກສ ແຂວງວຽງຈັນ
=============
ໃນວັນທີ 15-16 ກັນຍາ 2025, ຄະນະຜູ້ແທນກອງບັນຊາການປ້ອງກັນຄວາມສະຫງົບນະຄອນຮາຍຟ່ອງ ສສ ຫວຽດນາມ ຢ້ຽມຢາມ ແລະ ເຮັດວຽກ ຢູ່ກອງບັນຊາການປ້ອງກັນຄວາມສະຫງົບ ແຂວງວຽງຈັນ ສປປ ລາວ, ນໍາພາໂດຍ ສະຫາຍ ພັນເອກ ຟ້າມ ຫວຽດ ຢຸງ ຮອງຫົວໜ້າກອງບັນຊາການປ້ອງກັນຄວາມສະຫງົບນະຄອນຮາຍຟ່ອງ, ໃຫ້ກຽດຕ້ອນຮັບໂດຍ ສະຫາຍ ພັອ ຄຳຟອງ ວົງດາລາແສນ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງວຽງຈັນ ມີຄະນະຜູ້ແທນທັງສອງຝ່າຍເຂົ້າຮ່ວມ.
ໃນໂອກາດດັ່ງກ່າວ, ຄະນະຜູ້ແທນກອງບັນຊາການປ້ອງກັນຄວາມສະຫງົບນະຄອນຮາຍຟ່ອງ ສສ ຫວຽດນາມ ໄດ້ຢ້ຽມຢາມ ແລະ ເຂົ້າພົບ ສະຫາຍ ຄຳພັນ ສິດທິດຳພາ ກຳມະການສູນການພັກ ເລຂາພັກແຂວງ ເຈົ້້າໆແຂວງວຽງຈັນ, ເຂົ້າສັກກະລະບູຊາຫໍສີລາຈາລຶກນັກຮົບປະສົມລາວ-ຫວຽດນາມ ຫວຽດນາມ-ລາວ ທີ່ເມືອງທຸລະຄົມ, ພົບປະແລກປ່ຽນບົດຮຽນເຊິ່ງກັນ ແລະ ກັນ.
ຫຼັງຈາກນັ້ນ, ກໍໄດ້ເຂົ້າຮ່ວມກອງປະຊຸມພົບປະສອງຝ່າຍຢູ່ທີ່ສະໂມສອນກອງບັນຊາການປ້ອງກັນຄວາມສະຫງົບແຂວງ ເພື່ອແລກປ່ຽນບົດຮຽນ ແລະ ປຶກສາຫາລືການຮ່ວມມືລະຫວ່າງກອງບັນຊາການປ້ອງກັນຄວາມສະຫງົບ ແຂວງວຽງຈັນ ກັບ ກອງບັນຊາການປ້ອງກັນຄວາມສະຫງົບແຂວງຮາຍຟ່ອງ.
ໃນກອງປະຊຸມ, ທັງສອງຝ່າຍໄດ້ເປັນເອກະພາບກັນເຊັນບົດບັນທຶກການຮ່ວມມືໃນຕໍ່ໜ້າ ໂດຍມີເນື້ອໃນດັ່ງນີ້:
1. ສືບຕໍ່ປະຕິບັດນຳເອົາແຜນການການຮ່ວມມືໃຫ້ມີປະສິດທິພາບລະຫ່ວາງ ກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງປອ້ງກັນຄວາມສະຫງົບ ສສ ຫວຽດນາມ ປີ 2025;
2. ທັງສອງຝ່າຍສືບຕໍ່ປະຕິບັດ, ໃຫ້ທັນເວລາການແລກປ່ຽນຂໍ້ມູນຂ່າວສານ, ສະພາບການທີ່ກ່ຽວຂ້ອງກັບຄວາມສະຫງົບສຸກ, ຮັກສາຄວາມເປັນລະບຽບຮຽບຮ້ອຍຂອງ 2 ແຂວງ;
3. ທັງສອງຝ່າຍສືບຕໍ່ເພີ່ມທະວີແລກປ່ຽນປະສົບການກ່ຽວກັບວຽກງານປ້ອງກັນສະກັດກັ້ນ, ຕອບຕ້ານອາຊະຍາກຳ, ຮັກສາຄວາມເປັນລະບຽບຮຽບຮ້ອຍທາງສັງຄົມ;
4. ປະສານສົມທົບແລກປ່ຽນຂໍ້ມູນຂ່າວສານ ເພື່ອສະກັດກັ້ນ ແລະ ຕ້ານການລັກລອບເຂົ້າເມືອງຜິດກົດໝາຍເຂົ້າລາວ-ຫວຽດນາມ; ເພື່ອຮີບຮ້ອນໃນການກວດກາຢັ້ງຢືນແລກປ່ຽນຂໍ້ມູນ, ມອບ-ຮັບເປົ້າໝາຍທີ່ພົວພັນການລັກລອບເຂົ້າເມືອງຜິດກົດໝາຍ ເພື່ອສຶບສວນ-ສອບສວນ, ແກ້ໄຂຕາມລະບຽບກົດໜາຍຂອງແຕ່ລະຝ່າຍ;
5. ສືບຕໍ່ເພີ່ມທະວີການຮ່ວມມືປະສານສົມທົບໃນວຽກງານແລກປ່ຽນຄະນະ ແລະ ແບ່ງປັນປະສົບການພາຍໃນບັນດາຂົງເຂດວຽກງານວິຊາສະເພາະ, ຮັບໃຊ້ຄວາມຕ້ອງການວຽກງານພາຍໃນສະພາບການໃໝ່ໆ, ຮັກສາຊ່ອງທາງການແລກປ່ຽນຂໍ້ມູນຂ່າວສານ, ປະສົບການໃນຂົງເຂດວຽກງານ ພາລາທິການ-ເຕັກນິກ, ທາງການແພດ.
ໃນໂອກາດດັ່ງກ່າວ, ກອງບັນຊາການປ້ອງກັນຄວາມສະຫງົບ ນະຄອນຮາຍຟ່ອງ ຍັງໄດ້ມອບຄອມພິວເຕີ້ ຕັ້ງໂຕະ ແລະ ປິ່ນເຕີ້ ໃຫ້ກອງບັນຊາການ ປກສ ແຂວງວຽງຈັນ 10 ຊຸດ ເພື່ອຮັບໃຊ້ເຂົ້າໃນການປະຕິບັດໜ້າທີ່ວຽກງານຕື່ມອີກ.

ຂ່າວ ປ້ອງກັນຄວາມສະຫງົບ ແຂວງວຽງຈັນ: ຈັນດາລາ

17/09/2025

ມອບບານເຕະ ແລະ ກະຕໍ້ ໃຫ້ກຸ່ມໂຮງຮຽນຊັ້ນປະຖົມທີ14 ຢູ່ເມືອງພີນ.
=====================
ວິສາຫະກິດຄຳເຫຼັກຖ່າຍຮູບຕິດເອກະສານນັກຮຽນ ໄດ້ມອບອຸປະກອນຫຼີ້ນກິລາ ປະເພດ ບານເຕະ ແລະ ກະຕໍ້ ຢ່າງລະ 7 ໜ່ວຍ ລວມໝົດໝົດ 14 ໜ່ວຍ ມູນຄ່າ 2.500.000 ກີບ ໃຫ້ກຸ່ມໂຮງຮຽນຊັ້ນປະຖົມທີ 14 ພາຍໃນເມືອງພີນ ແຂວງສະຫວັນນະເຂດ ໃນວັນທີ 17 ກັນຍາ 2025 ເພື່ອນໍາໃຊ້ເຂົ້າໃນການສ້າງຂະບວນການຫຼີ້ນກິລາ ຂໍານັບຮັບຕ້ອນສະຫຼອງວັນຄູແຫ່ງຊາດຄົບຮອບ 31 ປີ(7/10/1994-7/10/2025) ທີ່ຈະຈັດຂຶ້ນໃນຕົ້ນເດືອນຕຸລາໃຫ້ເປັນຂະບວນຟົດຟື້ນ.
ຕາງໜ້າມອບໂດຍ
ທ່ານ ພູໄດວັນ ໄຂມະນີຈັນ
ຮອງຫົວໜ້າຫອ້ງການສຶກສາທິການແລະກິລາເມືອງ ພີນ ແຂວງສະຫັວນນະເຂດ; ຕາງໜ້າາຮັບໂດຍ ທ່ານ ຕຸ້ຍ ແທນປັນຍາສັກ ຜູ້ອຳນວຍການ ໂຮງຮຽນ ປະຖົມຫ້ວຍຫອຍເຫນືອພ້ອມ ດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທັງນີ້, ກໍເພື່ອເປັນການຊຸກຍູ້ ສົ່ງເສີມໃຫ້ນອ້ງນັກຮຽນ, ເຍົາວະຊົນຫຼີ້ນກິລາເຕະບານ, ເຕະຕໍ້ ເປັນການພັດທະນາກິລາດ້ານນີ້ ພາຍໃນໂຮງຮຽນໃຫ້ມີທັກສະດີຂຶ້ນ ແລະ ອອກກຳລັງກາຍໃຫ້ຫ້ມີສຸຂະພາບເເຂງແຮງ ພ້ອມທັງ ນໍາໃຊ້ເຂົ້າໃນການສ້າງກິດຈະກໍາການຫຼີ້ນກິລາ ຂໍານັບຮັບຕ້ອນສະຫຼອງວັນຄູແຫ່ງຊາດຄົບຮອບ 31ປີີ ທີ່ຈະຈັດຂຶ້ນໃນຕົ້ນເດືອນຕຸລາໃຫ້ເປັນຂະບວນຟົດຟື້ນ.
ໃນໂອກາດນີ້, ທ່ານ ຕຸ້ຍ ແທນປັນຍາສັກ ຕາງຫນ້າ ໃຫ້ໂຮງຮຽນປະຖົມໃນກຸ່ມດັ່ງກ່າວ ສະແດງຄຳຂອບໃຈ ຕໍ່ວິສາຫະກິດຄຳເຫຼັກຖ່າຍຮູບຕິດເອກະສານນັກຮຽນ ທີ່ເຫັນໄດ້ຄວາມໝາຍ ຄວາມສຳຄັນຂອງວຽກງານການສຶກສາ ແລະ ກິລາ; ພ້ອມກັນນີ່ ໄດ້ມອບໃບຍອ້ງຍໍໃຫ້ວິສາຫະກິດຄຳເຫຼັກ ຖ່າຍຮູບຕິດເອກະສານນັກຮຽນ ເພື່ອສະແດງເຖິງຄຳຂອບໃຈໃນການປະກອບສວ່ນຊຸກຍູ້ໃນຄັ້ງນີ້ດວ້ຍ.

17/09/2025

ທ່ານ ພົອ ວິໄລ ຫຼ້າຄຳຟອງ ພ້ອມຄະນະ ສຳເລັດການເຂົ້າຮ່ວມກອງປະຊຸມຢູ່ນະຄອນຫຼວງປັກກິ່ງ ສປ ຈີນ
=================
ວັນທີ 17 ກັນຍາ 2025, ທ່ານ ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ເດີນທາງກັບຈາກ ສປ ຈີນ ເຖິງນະຄອນຫຼວງວຽງຈັນດ້ວຍຄວາມສະຫວັດດີພາບ ພາຍຫຼັງສໍາເລັດການເຂົ້າຮ່ວມກອງປະຊຸມ ທີ່ນະຄອນຫຼວງປັກກິ່ງ ສປ ຈີນ ໃນລະຫວ່າງວັນທີ 14-17 ກັນຍາ 2025, ໂດຍມີ ທ່ານ ພົຈວ ຄອນສະຫວັນ ສົມພາໄຊ ຮອງລັດຖະມົນຕີກະຊວງ ປກສ, ມີຄະນະພັກ-ຄະນະນຳກະຊວງ ແລະ ທ່ານ ນາງ ຝາງ ຫົງ ( Fang Hong ) ເອກອັກຄະລັດຖະທູດຈີນ ປະຈຳລາວ ພ້ອມດ້ວຍຄະນະ ໃຫ້ການຕ້ອນຮັບຢູ່ທີ່ສະໜາມບິນສາກົນວັດໄຕ.
ການເດີນທາງໃນຄັ້ງນີ້, ຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບ ລາວໄດ້ສຳເລັດການເຂົ້າຮ່ວມກອງປະຊຸມພົບປະສອງຝ່າຍກັບ ກະຊວງປ້ອງກັນຄວາມສະຫງົບ ສປ ຈີນ ສອງຝ່າຍໄດ້ຕີລາຄາສູງຕໍ່ຜົນການຮ່ວມມືລະຫວ່າງສອງປະເທດ ໂດຍສະເພາະແມ່ນລະຫວ່າງສອງກະຊວງປ້ອງກັນຄວາມສະຫງົບ ລາວ-ຈີນ; ກອງປະຊຸມລັດຖະມົນຕີວ່າດ້ວຍການຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບ ແມ່ນໍ້າຂອງ-ແມ່ນໍ້າລ້ານຊ້າງ ໃນກອງປະຊຸມໄດ້ຮັບຮອງເອົາ 3 ເອກະສານທີ່ສໍາຄັນປະກອບມີ: ລະບຽບການຈັດກອງປະຊຸມລັດຖະມົນຕີ ວ່າດ້ວຍຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບ ແມ່ນໍ້າຂອງ-ແມ່ນໍ້າລ້ານຊ້າງ, ຖະແຫຼງການລົງເລິກການຮ່ວມມືຕ້ານອາຊະຍາກໍາຂ້າມຊາດ ແລະ ຖະແຫຼງການຮ່ວມວ່າດ້ວຍການຮ່ວມມືປະຕິບັດກົດໝາຍ ແລະ ລາດຕະເວນຮ່ວມຕາມລໍາແມ່ນໍ້າຂອງ ແລະ ເຂົ້າຮ່ວມ ກອງປະຊຸມພົບປະສອງຝ່າຍ ກັບກະຊວງຮັກສາຄວາມໝັ້ນຄົງ ແຫ່ງຊາດ ສປ ຈີນ.
ນອກນັ້ນ, ໃນການເດີນທາງໃນຄັ້ງນີ້ຍັງເປັນຂີດໝາຍອັນສຳຄັນຕໍ່ການພົວພັນຮ່ວມມືລະຫວ່າງສອງປະເທດ ໂດຍສະເພາະແມ່ນຂົງເຂດປ້ອງກັນຄວາມສະຫງົບ ລາວ-ຈີນ ໃຫ້ມີຄວາມສະຫງົບສຸກ; ທັງເປັນການຮັດແໜ້ນສາຍພົວພັນຮ່ວມມືມິດຕະພາບລາວ-ຈີນ, ຄວາມສາມັກຄີອັນທີ່ເປັນມູນເຊື້ອມາແຕ່ດົນນານໃຫ້ແໜ້ນແຟ້ນຂຶ້ນຕື່ມ.
ພາບ-ຂ່າວ: ກະແຕ #ໜັງສືພິມຄວາມສະຫງົບ

17/09/2025

ຮອງຫົວໜ້າກົມໃຫຍ່ການເມືອງ ປກສ ພົບປະ-ໂອ້ລົມ ອາຈານ ແລະ ນັກຮຽນ ປກສ ຊັ້ນຕົ້ນ ຮຸ່ນທີ V
================
ໃນວັນທີ 16 ກັນຍາ 2025, ພັອ ປອ ວຽງໄຊ ທໍາມະສິດ ຮອງຫົວໜ້າກົມໃຫຍ່ການເມືອງ ປກສ ໄດ້ເຄື່ອນໄຫວພົບປະ-ໂອ້ລົມພະນັກງານ, ຄູ-ອາຈານ ແລະ ນັກຮຽນ ປກສ ຊັ້ນຕົ້ນ ຮຸ່ນທີ V ຂອງສູນຮັບຕ້ອນ ແລະ ຝຶກອົບຮົມວິຊາສະເພາະ ຫ້ອງການກົມໃຫຍ່ການເມືອງ ປກສ, ໃຫ້ການຕ້ອນຮັບໂດຍ ພັທ ສົມພາວັນ ຫຼວງລາດ ຫົວໜ້າສູນຮັບຕ້ອນ ແລະ ຝຶກອົບຮົມວິຊາສະເພາະ, ມີຄະນະຫ້ອງການກົມໃຫຍ່, ຄະນະສູນ, ພະນັກງານ, ຄູ-ອາຈານ ແລະ ນັກຮຽນ ເຂົ້າຮ່ວມ.

ໂອກາດນີ້, ພັທ ສົມພາວັນ ຫຼວງລາດ ໄດ້ລາຍງານຫໍ້ຍຜົນງານການເຄື່ອນໄຫວຕະຫຼອດໄລຍະ 7 ເດືອນຜ່ານມາວ່າ: ປັດຈຸບັນ, ສູນຮັບຕ້ອນ ແລະ ຝຶກອົບຮົມວິຊາສະເພາະ ມີພະນັກງານ, ນາຍ ແລະ ພົນຕໍາຫຼວດ ທັງໝົດ ຈໍານວນ 36 ສະຫາຍ ຍິງ 21 ສະຫາຍ, ນັກຮຽນ ປກສ ຊັ້ນຕົ້ນ ຮຸ່ນທີ V ເຂົ້າຮຽນຢູ່ສູນທັງໝົດ ຈໍານວນ 299 ສະຫາຍ ຍິງ 126 ສະຫາຍ; ໄລຍະຜ່ານມາ, ຄະນະສູນໄດ້ເອົາໃຈໃສ່ນໍາພາ-ຊີ້ນໍາຢ່າງໃກ້ຊິດຕິດແທດກັບພະນັກງານ, ຄູ-ອາຈານ ໂດຍສະເພາະ ໄດ້ຕິດຕາມແຜນການຂຶ້ນຫ້ອງລົງຫ້ອງ, ການສົ່ງຄວາມຮູ້, ບົດຮຽນການສອນຂອງຄູຢ່າງເປັນປະຈໍາ, ຄັດເລືອກຄໍາຖາມອອກສອບເສັງ, ສະຫຼຸບປະເມີນຜົນຂອງການຮໍ່າຮຽນ ເປັນແຕ່ລະໄລຍະ, ຄູ-ອາຈານ ມີຄວາມຫ້າວຫັນປະຕິບັດໂມງເວລາ, ມີສະຕິສູງເປັນເຈົ້າການໃນການຖ່າຍທອດຄວາມຮູ້ວິຊາສະເພາະຂອງຕົນໃຫ້ນ້ອງນັກຮຽນ, ສ້າງກິດຈະກໍາພາຍໃນຫ້ອງໃຫ້ມີຄວາມຄຶກຄື້ນ, ນ້ອງນັກຮຽນກໍມີຄວາມຫ້າວຫັນ, ເອົາໃຈໃສ່ຄົ້ນຄວ້າຮໍ່າຮຽນ, ມີສະຕິສູງໃນການປະຕິບັດຄໍາສັ່ງ, ການອອກແຮງງານດີ, ມີຄວາມສະມັກຄີພາຍໃນ ແລະ ມີຄວາມຮັບຜິດຊອບສູງຕໍ່ໜ້າທີ່ຂອງຕົນ.

ໂອກາດດຽວກັນນີ້, ພັອ ປອ ວຽງໄຊ ທໍາມະສິດ ໄດ້ເນັ້ນໃຫ້ຄູ-ອາຈານ ເປັນເຈົ້າການຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ຍົກສູງນ້ຳໃຈເສຍສະລະເພື່ອປະເທດຊາດ, ເພື່ອສ່ວນລວມ, ເອົາໃຈໃສ່ສຸມທຸກເຫື່ອແຮງສະຕິປັນຍາເຂົ້າໃນການຈັດຕັ້ງປະຕິບັດໜ້າທີ່, ປັບປຸງ, ບຳລຸງ-ກໍ່ສ້າງນາຍ ແລະ ພົນຕຳຫຼວດ ເປັນຜູ້ສືບທອດຂອງກຳລັງປະກອບອາວຸດ-ປະຕິວັດຢ່າງແທ້ຈິງ, ເອົາໃຈໃສ່ວຽກງານຄຸ້ມຄອງ, ປ້ອງກັນ ໃຫ້ມີຄວາມໜັກແໜ້ນ, ຕ້ອງກຳໃຫ້ໄດ້ທຸກການເຄື່ອນໄຫວຂອງພະນັກງານ ແລະ ນັກຮຽນ ແນໃສ່ເພື່ອຮັບປະກັນໃຫ້ກົມກອງ ກໍຄື ສູນການສຶກສາແຫ່ງນີ້ໃຫ້ມີຄວາມສະຫງົບ ແລະ ປອດຄະດີໃນທຸກດ້ານ.

ຕໍ່ນັກຮຽນ ຕ້ອງຮັບປະກັນໃນການຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ຝຶກຝົນນໍ້າໃຈດຸໝັ່ນຄົ້ນຄວ້າຮໍ່າຮຽນ, ຍົກສູງລະດັບຄວາມຮູ້-ຄວາມສາມາດ, ລະບຽບວິໄນ, ຄວາມສາມັກຄີ, ພາຍຫຼັງສໍາເລັດການຮໍ່າຮຽນກັບຄືນກົມກອງຕ້ອງໄດ້ສືບຕໍ່ປັບປຸງ, ຝຶກຝົນຫຼໍ່ຫຼອມ ແລະ ນໍາໃຊ້ຄວາມຮູ້ທີ່ໄດ້ຮຽນມາໃຫ້ສອດຄ່ອງກັບເງື່ອນໄຂສະພາບແວດລ້ອມ ກໍຄື ໜ້າທີ່ການເມືອງຂອງກຳລັງ ປກສ ໃນໄລຍະໃໝ່.
ພາບ-ຂ່າວ: ແກ້ວ ອຸເພັດ

17/09/2025

5 ປີ ປກສ ແຂວງຄຳມ່ວນ ສຸມໃສ່ແກ້ໄຂບັນຫາຢາເສບຕິດ ມ້າງໄດ້ 1.595 ເລື່ອງ ຢຶດຂອງກາງໄດ້ຈຳນວນຫຼາຍ
=============
ພັອ ຈັນໄຊ ນັນທະວົງ ຫົວໜ້າກອງບັນຊາການ ປກສ ແຂວງຄໍາມ່ວນໄດ້ໃຫ້ສໍາພາດຕໍ່ສື່ມວນຊົນ ແຂວງກ່ຽວກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຢູ່ພາຍໃນແຂວງ ເນື່ອງໃນ ໂອກາດສ້າງຜົນງານຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ ທີ່ຈະໄດ້ຈັດຂຶ້ນໃນໝໍ່ໆນີ້ເຊິ່ງທ່ານໄດ້ກ່າວວ່າ: ຜ່ານການຈັດຕັ້ງປະຕິບັດໃນໄລຍະຜ່ານມາວຽກງານໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດພວກເຮົາໄດ້ສົມທົບກັບພາກສ່ວນກ່ຽວຂ້ອງເຄື່ອນໄຫວໂຄສະນາເຜີຍແຜ່ກົດໝາຍ ແລະ ຜົນຮ້າຍຂອງຢາເສບຕິດ ໃຫ້ ພະນັກງານ-ລັດຖະກອນ, ທະຫານ-ຕຳຫຼວດ, ນັກຮຽນ-ນັກສຶກສາ ແລະ ປະຊາຊົນ ບັນດາເຜົ່າ ໄດ້ 213 ຄັ້ງ ມີຜູ້ເຂົ້າຮ່ວມທັງໝົດ 515.799 ເທື່ອຄົນ; ໄດ້ນໍາເອົາຜູ້ຖືກເຄາະຮ້າຍຈາກຢາ ເສບຕິດເຂົ້າສູນສືກສາອົບຮົມ 69 ສູນ ຈໍານວນ 12,835 ຄົນ ຍິງ 312 ຄົນ,ຜ່ານການສຶກສາອົບ ຮົມຢຸດເຊົາ 6,102 ຄົນ, ຍິງ 74 ຄົນ ; ໄດ້ໂຄສະນາເຜີຍແຜ່ອອກຜ່ານສື່ມວນຊົນ ວິທະຍຸ-ໂທລະພາບ, ໜັງສືພີມ, ເວບໄຊ ແລະ ສື່ອອນລາຍຕ່າງໆ, ໂປດສະເຕີ ແລະ ປ້າຍ ໂຄສະນາດ້ວຍຫຼາຍຮູບແບບ ; ໄດ້ປັບປຸງກໍ່ສ້າງພື້ນຖານໂຄງລ່າງ ສູນບໍາບັດ ແລະ ເຮືອນພັກຊາຍ-ຍິງ 01 ຫຼັງ, ສະໂມສອນກາງແຈ້ງ 01 ຫຼັງ, ເຮືອນແຕ່ງກິນ 01 ຫຼັງ; ມີຜູ້ບໍາບັດທັງໝົດ 246 ຄົນ, ຍິງ 03 ຄົນ; ໄດ້ສຶກສາອົບຮົມ, ປິ່ນປົວດີຂຶ້ນ ແລະ ມອບຄື່ນໃຫ້ຄອບຄົວ 124 ຄົນ,ຍິງ 3 ຄົນ, ຍັງສືບຕໍ່ປິ່ນປົວຈຳນວນໜື່ງ, ຄະນະຮັບຜິດຊອບກອງເລຂາແຕ່ແຂວງຈົນຮອດເມືອງແມ່ນໄດ້ສະຫຼຸບເກັບກໍາຂຶ້ນບັນຊີສະຖິຕິເປົ້າໝາຍ ລາຍນ້ອຍ, ລາຍກາງ, ລາຍໃຫຍ່ ; ຂຶ້ນບັນຊີເປົ້າໝາຍຄ້າຂາຍຢາເສບຕິດໄດ້ທັງໝົດ 1.029 ຄົນ, ຍິງ 159 ຄົນ, ລາຍໃຫຍ່ 60 ຄົນ, ຍິງ 05 ຄົນ , ລາຍກາງ 220 ຄົນ, ຍິງ 28 ຄົນ , ລາຍນ້ອຍ 749 ຄົນ, ຍິງ 126 ຄົນ.
ໃນໄລຍະ 2021 – 2025 ສາມາດມ້າງລາຍຄະດີຢາເສບຕິດໄດ້ທັງໝົດ 1.595 ເລື່ອງ, ຜູ້ຖືກຫາ 2.288 ຄົນ, ຍິງ 248 ຄົນ ( ຕ່າງປະເທດ 21 ຄົນ, ຍິງ 03 ຄົນ; ໃນນັ້ນສັນຊາດໄທ 02 ຄົນ, ຍິງ 01 ຄົນ; ຫວຽດນາມ 16 ຄົນ, ຍິງ 01 ຄົນ; ພະມ້າ 01 ຄົນ, ຍິງ 01 ຄົນ; ຈີນ 02 ຄົນ ).
ຕໍ່ກັບເປົ້າໝາຍເຄື່ອນໄຫວຄ້າຂາຍ,ຂົນສົ່ງຢາເສບຕິດກອງບັນຊາການ ປກສ ແຂວງພວກເຮົາໄດ້ຂຶ້ນແຜນ ມ້າງລາຍຄະດີເຊິ່ງໄດ້ສະແດງອອກຄື: ລາຍໃຫຍ່ມ້າງທັງໝົດ 36 ເລື່ອງ, ຜູ້ຖືກຫາ 69 ຄົນ, ຍິງ 11 ຄົນ, ລາຍກາງມ້າງທັງໝົດ 54 ເລື່ອງ, ຜູ້ຖືກຫາ 106 ຄົນ, ຍິງ 14 ຄົນ, ລາຍນ້ອຍມ້າງທັງໝົດ 1.505 ເລື່ອງ, ຜູ້ຖືກຫາ 2.113 ຄົນ, ຍິງ 223 ຄົນ ( ໃນນັ້ນ ຄົນຈີນ 02 ຄົນ, ໄທ 01 ຄົນ ).
ຢຶດເຄື່ອງຂອງກາງໄດ້ຄື : ຢາບ້າ 25.064.307 ເມັດ ( ນໍ້າ ໜັກ 2.480 ກິໂລກຼາມ), ຢາເຄ 1.058 ກຼາມ, ຢາອີ 117 ເມັດ, ຄັນຊາ 7.834 ກິໂລກຼາມ, ເຮໂລອິນ 07 ຖົງ, ນໍ້າໜັກ 19,83 ກຼາມ, ກາເຟແດ້ນ ນໍ້າໜັກ 1.112 ກຼາມ, ຄໍລະເຈັ້ນ ນໍ້າໜັກ 123,5 ກິໂລກຼາມ, ຢາສູບໄຟຟ້າ 956 ອັນ, ນໍ້າກະທ້ອມ 15 ຕຸກ, ໃບກະທ້ອມ 169 ກິໂລກຣາມ, ນໍ້າຢາດີໄອ ( ດາທິດຊິນ ) 2.907 ແກ້ວ, ໂທລະສັບ 876 ໜ່ວຍ, ລົດໃຫຍ່ 49 ຄັນ, ລົດຈັກ 108 ຄັນ, ເງິນກີບ 792,318,000 ກີບ, ເງິນບາດ 891,280 ບາດ, ເງິນດົງ 71.300.000 ດົງ, ເງິນຢວນ 800 ຢວນ ປືນສັ້ນ 04 ກະບອກ, ປືນດັດແປງ 03 ກະ ບອກ, ປືນແກັບ 56 ກະບອກ, ປືນປະດິດ 09 ກະບອກ, ປືນລົມ 01 ກະບອກ, ປືນລູກຊອງ ( ຍາວ ) 01 ກະບອກ, ປືນແວ່ງ 02 ກະບອກ, ປືນອີບູດ 01 ກະບອກ, ລູກປືນສັ້ນ 6 ລູກ, ລູກປືນ AK 38 ລູກ, ລູກປືນແວ່ງ 77 ລູກ, ລູກປືນດອກບິກ 25 ລູກ, ດອກແກັບ 20 ດອກ, ລູກແມັກ 61 ລູກ, ເລົາປືນ 11 ອັນ, ລະເບີດແຕກ ຫຼື ໝາກແຕກ 01 ໜ່ວຍ ແລະ ເຄື່ອງຂອງກາງອື່ນໆຈໍານວນໜຶ່ງ , ສະຫຼຸບສົ່ງອົງການໄອຍະການປະຊາຊົນແຂວງ ໄດ້ ທັງໝົດ 1.319 ລາຍ, ຜູ້ຖືກຫາ 1.918 ຄົນຍິງ 223 ຄົນ (ຕ່າງປະເທດ 13 ຄົນ, ຍິງ 03 ຄົນ; ໃນນັ້ນຄົນໄທ 02 ຄົນ, ຍິງ 01 ຄົນ,ຫວຽດນາມ 10 ຄົນ,ຍິງ 01 ຄົນ,ມຽນມ້າ 01 ຄົນ, ຍິງ 01 ຄົນ ) ,ດັດສ້າງຂັ້ນເຈົ້າໜ້າທີ່ຈໍາ ນວນ 122 ລາຍ, ຜູ້ຖືກຫາ 149 ຄົນ, ຍິງ 03 ຄົນ , ສືກສາອົບຮົມປ່ອຍຕົວ 29 ລາຍ, ຜູ້ຖືກຫາ 54 ຄົນ, ຍິງ 09 ຄົນ ( ຫວຽດນາມ 04 ຄົນ, ຈີນ 02 ຄົນ, ເສຍຊີວິດ 03 ຄົນ ) , ຄະດີສືບຕໍ່ດໍາເນີນໃນປັດຈຸບັນ ມີທັງໝົດ 145 ລາຍ, ຜູ້ຖືກຫາ 201 ຄົນ, ຍິງ 12 ຄົນ, ໃນນັ້ນຄົນຕ່າງປະເທດ 07 ຄົນ (ຫວຽດນາມ 06 ຄົນ, ໄທ 01 ຄົນ).

ຂ່າວ: ປກສ ແຂວງຄຳມ່ວນ #ວາລະແຫ່ງຊາດແກ້ໄຂບັນຫາຢາເສບຕິດ

$"ມອບ-ຮັບໜ້າທີ່ ຫົວໜ້າກອງບັນຊາການ ປກສ ແຂວງອຸດົມໄຊ"-- -- - - - -- - \\ - - - -- -- --+ ກອງບັນຊາການ ປກສ ແຂວງອຸດົມໄຊ ໄດ້ຈັດ...$

17/09/2025

"ມອບ-ຮັບໜ້າທີ່ ຫົວໜ້າກອງບັນຊາການ ປກສ ແຂວງອຸດົມໄຊ"
-- -- - - - -- - \\ - - - -- -- --
+ ກອງບັນຊາການ ປກສ ແຂວງອຸດົມໄຊ ໄດ້ຈັດພິທີມອບ-ຮັບໜ້າທີ່ ລະຫວ່າງ ພົຈວ ສີວອນ ໄຊຍະວົງ ຫົວໜ້າກອງບັນຊາການ ປກສ ແຂວງອຸດົມໄຊ (ຜູ້ເກົ່າ) ແລະ ພັອ ດວງຈັນ ໄຊວຸດ ຫົວໜ້າກອງບັນຊາການ ປກສ ແຂວງອຸດົມໄຊ (ຜູ້ໃໝ່) ໃນວັນທີ 11 ກັນຍາ 2025
- ໂດຍມີ ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ປະທານປ້ອງກັນຊາດ-ປ້ອງກັນຄວາມສະຫງົບແຂວງ
- ຄະນະພັກ-ຄະນະກອງບັນຊາການ ປກສ ແຂວງ, ປກສ ເມືອງ, ພ້ອມດ້ວຍພະນັກງານບັນຊາຂັ້ນຫ້ອງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ

+ ໃນພິທີ, ພັອ ບຸນເພັງ ສັນທະລາພອນ ຮອງຫົວໜ້າກອງບັນຊາການ ປກສ ແຂວງ ໄດ້ສະຫຼຸບຕີລາຄາຜົນງານການເຄື່ອນໄຫວນໍາພາ-ຊີ້ນໍາວຽກງານຮອບດ້ານຂອງຄະນະພັກ ກອງບັນຊາການ ປກສ ແຂວງອຸດົມໄຊ ຕະຫຼອດໄລຍະຜ່ານມາ, ຍົກໃຫ້ເຫັນສະພາບຈຸດພິເສດໂດຍລວມ, ການຄຸ້ມຄອງນໍາພາ-ຊີ້ນຳວຽກງານວິຊາສະເພາະ, ວຽກງານກໍ່ສ້າງພັກກໍ່ສ້າງກໍາລັງ ຕິດພັນກັບ ການກໍ່ສ້າງພະລາກັບທີ່, ສ້າງເສດຖະກິດກົມກອງມີບາດກ້າວເຕີບໃຫຍ່ເຂັ້ມແຂງຢ່າງຕໍ່ເນື່ອງ, ເປັນເຈົ້າການປົກປັກຮັກສາຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມ ກໍຄື ການຕ້ານ ແລະ ສະກັດກັ້ນແກ້ໄຂສະພາບປະກົດການຫຍໍ້ທໍ້ຢູ່ໃນສັງຄົມຢ່າງຈິງຈັງ ເຮັດໃຫ້ສະພາບພາຍໃນແຂວງ ມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ ແລະ ບັນດາທິດທາງແຜນການວຽກງານຈຸດສຸມທີ່ຈະໄດ້ສືບຕໍ່ຈັດຕັ້ງປະຕິບັດໃນຕໍ່ໜ້າ.

+ ຈາກນັ້ນ, ກໍໄດ້ເຊັນບົດບັນທຶກມອບ-ຮັບໜ້າທີ່ ຫົວໜ້າກອງບັນຊາການ ປກສ ແຂວງ ລະຫວ່າງ ຜູ້ເກົ່າ ແລະ ຜູ້ໃໝ່ ຢ່າງເປັນທາງການ, ໂດຍມີ ທ່ານ ບຸນຄົງ ຫຼ້າຈຽມພອນ ພ້ອມດ້ວຍຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງເປັນສັກຂີພະຍານ.

17/09/2025

ສະຫະພັນແມ່ຍິງກົມໃຫຍ່ການເມືອງ ປກສ
ສະຫຼຸບສ່ອງແສງວຽກງານປະຈຳເດືອນສິງຫາ
==================
ວັນທີ 15 ກັນຍາ 2025, ສະຫະພັນແມ່ຍິງກົມໃຫຍ່ການເມືອງ ກະຊວງ ປກສ ຈັດກອງປະຊຸມສະຫຼຸບສ່ອງແສງການເຄື່ອນໄຫວວຽກງານຈຳເດືອນສິງຫາ ແລະ ວາງທິດທາງແຜນການນຳພາ ປະຈຳເດືອນກັນຍາ 2025, ໂດຍການເປັນປະທານຂອງ ພັອ ນາງ ໄລທອງ ໄຊຍະສອນ ປະທານສະຫະພັນແມ່ຍິງກົມໃຫຍ່ການເມືອງ, ມີຄະນະສະຫະພັນແມ່ຍິງກົມໃຫຍ່ການເມືອງ, ຫົວໜ້າໜ່ວຍ ແລະ ຄະນະໜ່ວຍແມ່ຍິງທີ່ຂຶ້ນກັບສະຫະພັນແມ່ຍິງກົມໃຫຍ່ການເມືອງ ປກສ ເຂົ້າຮ່ວມ.
ພັທ ນາງ ຄຳແສງ ທຳມະວົງ ຮອງປະທານສະຫະພັນແມ່ຍິງກົມໃຫຍ່ການເມືອງ ປກສ ລາຍງານຕໍ່ກອງປະຊຸມວ່າ: ໃນໜຶ່ງເດືອນຜ່ານມາ, ຄະນະສະຫະພັນແມ່ຍິງກົມໃຫຍ່ການເມືອງ ໄດ້ເອົາໃຈນຳພາສະມາຊິກແມ່ຍິງຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບການສຶກສາອົບຮົມການເມືອງນຳພາແນວຄິດ ສາມາດຈັດຕັ້ງປະຕິບັດໜ້າທີ່ ທີ່ໄດ້ຮັບມອບໝາຍສຳເລັດຫຼາຍດ້ານ ເປັນຕົ້ນແມ່ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ ຄະນະໜ່ວຍແມ່ຍິງ, ສະມາຊິກແມ່ຍິງ ແລະ ເອື້ອຍນ້ອງແມ່ຍິງພາຍໃຕ້ຄວາມຮັບຜິດຊອບຂອງຕົນຢ່າງເປັນປົກກະຕິ ເຮັດໃຫ້ສະມາຊິກເອື້ອຍນ້ອງແມ່ຍິງມີຄວາມຮັບຮູ້, ເຂົ້າໃຈແຈ້ງຕໍ່ແນວທາງຂອງພັກ-ລັດ, ມີຫຼັກໝັ້ນການເມືອງໜັກແໜ້ນ, ມີຄວາມສະຫງົບອຸ່ນອຽນທຸ່ນທ່ຽງເຊື່ອໝັ້ນຕໍ່ແນວທາງປ່ຽນແປງໃໝ່ຢ່າງຮອບດ້ານ ແລະ ກຽມພ້ອມຮັບໃຊ້ທຸກໜ້າທີ່ ການເມືອງທີ່ພັກລັດ ແລະ ອົງການຈັດຕັ້ງມອບໝາຍໃຫ້.
ສຳລັບວຽກງານວິຊາສະເພາະ, ສະມາຊິກແມ່ຍິງທົ່ວກົມໃຫຍ່ການເມືອງກໍໄດ້ອອກແຮງແຂ່ງຂັ້ນສ້າງຜົນງານດ້ວຍການຕັ້ງໜ້າເຄື່ອນໄຫວເຮັດວຽກງານວິຊາສະເພາະຄຽງບ່າຄຽງໄລ່ກັບເພດຊາຍມີຜົນສຳເລັດຕາມການມອບໝາຍໃນຂົງເຂດວຽກງານທີ່ໄດ້ຮັບຜິດຊອບ ເປັນຕົ້ນແມ່ນ ວຽກງານຫ້ອງການ, ວຽກງານການເມືອງ, ວຽກງານປະກັນສັງຄົມ, ວຽກງານນະໂຍບາຍ, ວຽກງານສື່ມວນຊົນ, ວຽກງານກໍ່ສ້າງກໍາລັງ, ປ້ອງກັນກຳລັງ, ກົມກວດກາ-ກວດການ, ວຽກງານໂຄສະນາອົບຮົມ, ວຽກງານການສິດສອນ ແລະ ວຽກງານອື່ນໆກໍມີຜົນສຳເລັດ.

ພາບ-ຂ່າວ: ກະແຕ

ຄວາມສະຫງົບ Lao Security News

18/09/2025

18/09/2025

18/09/2025

18/09/2025

18/09/2025

18/09/2025

17/09/2025

17/09/2025

17/09/2025

17/09/2025

17/09/2025

17/09/2025

Address

Telephone

Website

Alerts

Shortcuts

Share

Category

ຄວາມສະຫງົບລາຍວັນ