https://www.facebook.com/246437235515438/

Gadzila, Vientiane (2026)

01/03/2026

ມືຖືດີ ຕ້ອງລາຄາແພງສະເໝີໄປບໍ່? Gadzila ລອງຂອງ ຈະພາໄປຫາຄຳຕອບ

TECNO POP 20-ເກີດມາເພື່ອຮັກ
----------

#ໂດດເດັ່ນມີສະໄຕນ໌
#ເກີດມາເພື່ອຮັກ

28/02/2026

Samsung ເປີດຕົວ Galaxy S26 series: ພ້ອມ Galaxy AI ທີ່ເຂົ້າໃຈເຮົາຫຼາຍຂຶ້ນ✨🥰
ຊຳຊຸງລາວເປີດຕົວ Galaxy S26 series ຢ່າງເປັນທາງການ ເພື່ອຕອກຢ້ຳຄວາມເປັນຜູ້ນຳໃນຍຸກມືຖື AI ຜ່ານການປະສານຮາດແວທີ່ມີປະສິດທິພາບສູງ, ຊອບແວທີ່ມີຄວາມອັດສະລິຍະ ແລະ Galaxy AI Generation 3 ທີ່ເຮັດວຽກໄດ້ຢ່າງເປັນທຳມະຊາດ ຊ່ວຍຍົກລະດັບປະສົບການໃນຊີວິດປະຈຳວັນໃຫ້ສະດວກ, ວ່ອງໄວ ແລະ ປອດໄພຫຼາຍຂຶ້ນ.

Galaxy S26 series ປະກອບມີ Galaxy S26, S26+ ແລະ S26 Ultra ໂດຍລຸ້ນ Ultra ມາພ້ອມເທັກໂນໂລຢີ Privacy Display ທີ່ຊ່ວຍຈຳກັດມຸມມອງຈາກດ້ານຂ້າງ ໂດຍບໍ່ໄດ້ຫຼຸດຄຸນນະພາບການສະແດງຜົນ, ແຕ່ຍັງເສີມດ້ວຍຊິບ Snapdragon 8 Elite Gen 5 ທີ່ປັບແຕ່ງເປັນພິເສດ ເພື່ອຮອງຮັບການປະມວນຜົນ AI ຢ່າງລື່ນໄຫຼ ພ້ອມລະບົບລະບາຍຄວາມຮ້ອນໃໝ່ ແລະ ເທັກໂນໂລຢີ Super Fast Charging 3.0 ທີ່ສາມາດສາກແບັດເຕີຣີໄດ້ສູງສຸດ 75% ພາຍໃນ 30 ນາທີ, ໂດຍຮອງຮັບການໃຊ້ງານຕໍ່ເນື່ອງຕະຫຼອດມື້ ພ້ອມການອອກແບບຕົວເຄື່ອງພາຍໃນ ດີທີ່ສຸດເທົ່າທີ່ເຄີຍມີມາ.

Galaxy S26 Series ຍັງໄດ້ຍົກລະດັບ Super Steady ແລະ Nightography Video ທີ່ຊ່ວຍຫຼຸດການສັ່ນໄຫວໃນການຖ່າຍວິດີໂອ ແລະ ໃຫ້ຜົນລັບວິດີໂອແຈ້ງຊັດຫຼາຍຂຶ້ນເຖິງວ່າຈະຢູ່ໃນບ່ອນທີ່ແສງໜ້ອຍ ແລະ ພ້ອມຮອງຮັບມາດຕະຖານ APV ລະດັບມືອາຊີບ ເສີມດ້ວຍເຄື່ອງມື AI ລຸ້ນໃໝ່ Photo Assist ແລະ Creative Studio ເຮັດໃຫ້ການສ້າງສັນຜົນງານທີ່ເຄີຍຍາກ ກາຍເປັນເລື່ອງງ່າຍກວ່າທີ່ຄິດ.

ນອກຈາກນັ້ນ, Galaxy AI ຍັງໄດ້ຮ່ວມກັບຟີເຈີ Now Nudge ແລະ Now Brief ໂຕໃໝ່ ທີ່ປະສານການເຮັດວຽກຂອງ AI ທັງ 3 ໂຕ ແມ່ນ Bixby, Perplexity ແລະ Gemini ໃຫ້ຮ່ວມມືກັນຢ່າງລື່ນໄຫຼ ຮອງຮັບການສັ່ງງານດ້ວຍສຽງ ແລະ ຈັດການວຽກຫຼາຍຂັ້ນຕອນແບບອັດຕະໂນມັດ ພ້ອມ Google Circle to Search ທີ່ຄົ້ນຫາໄດ້ຫຼາຍລາຍການໃນຄັ້ງດຽວ ພາຍໃຕ້ລະບົບປອດໄພທີ່ໄດ້ຮັບການອັບເດດຄວາມປອດໄພຍາວນານເຖິງ 7 ປີ.

ພິເສດ! ສຳລັບຜູ້ທີ່ສັ່ງຈອງລ່ວງໜ້າ Galaxy S26 series ຕັ້ງແຕ່ມື້ນີ້ – 10 ມີນາ 2026 ຮັບຟຣີ! ຄວາມຈຳ 2 ເທົ່າ.

• Galaxy S26 Ultra ເພີ່ມຈາກ 12GB+512GB ເປັນ 16GB+1TB ພ້ອມຫົວສາກ 45W ຟຣີ ລາຄາພິເສດ 33,999,000 ກີບ ມີ 4 ສີ: ຂາວ, ດຳ, Sky Blue ແລະ Cobalt Violet.

• Galaxy S26+ ແລະ S26 ເພີ່ມຈາກ 12GB+256GB ເປັນ 12GB +512GB ພ້ອມຫົວສາກ 25W ຟຣີ ລາຄາ 23,999,000 ກີບ ແລະ 19,999,000 ກີບ ມີ 2 ສີ: ດຳ ແລະ Cobalt Violet.

ທຸກລຸ້ນ ຮັບຟຣີ! ຊິມ Best Telecom 5G ພ້ອມອິນເຕີເນັດ 26GB ແລະ ຮັບສ່ວນຫຼຸດສູງສຸດ 25% ໃນການຊື້ Galaxy Buds4 series ແລະ ເຄສຈາກຊຳຊຸງ.

ສຳຜັດປະສິດທິພາບຂອງ Galaxy S26 series ໄດ້ແລ້ວ ທີ່ Samsung Experience Space ໃນສູນການຄ້າ Parkson Mall ໄດ້ຕັ້ງແຕ່ມື້ນີ້ ໄປຈົນຮອດວັນທີ 8 ມີນາ 2026 ຫຼື ສອບຖາມຂໍ້ມູນເພີ່ມເຕີມໄດ້ທີ່ ຕົວແທນຈຳໜ່າຍ Samsung ທົ່ວປະເທດ.

ສາມາດຕິດຕາມຂໍ້ມູນຜ່ານ Facebook: SamsungLaos
TikTok:

#ສູ່ກ້າວຕໍ່ໄປທີ່ເໜືອກວ່າ

01/02/2026

ຈື່ໄດ້ບໍ່? ຄັ້ງສຸດທ້າຍທີ່ເປີດສຽງແຈ້ງເຕືອນຂອງມືຖືແມ່ນຕອນໃດ 🤔

ມີໃຜຮູ້ແດ່ວ່າສຽງແຈ້ງເຕືອນຕອນສາຍໂທເຂົ້າ ເຮົາເອີ້ນກັນວ່າ Ringtone. ສະໄໝເອື້ອຍເປີດກັນແບບ ສາຍໂທເຂົ້າບາດໜຶ່ງຕ້ອງໄດ້ຫັນເບິ່ງນຳວ່າມືຖືໃຜ ເພາະແຕ່ລະເພງກໍຄືຈີ໊ດໆ 😂

ຕອນນີ້ກາຍເປັນວ່າມືຖືຂອງທຸກຄົນງຽບ. ຍັງບຊ່ະ ບາງຄົນເປີດໂໝດພະຈັນ ຫຼື Do Not Disturb ຈົນບໍ່ສາມາດຕິດຕໍ່ໄດ້ເລີຍ... ເຖິງຂັ້ນວ່າ ເກີດເຫດດ່ວນເຫດຮ້າຍ ຖ້າຕິດຕໍ່ຫາໝູ່ຜູ້ນັ້ນ ກໍແມ່ນຕຸຍໄປກ່ອນ.

29/01/2026

ກະແສ AI ໃນການນຳມາປະກອບໃຊ້ໃນການຮຽນ ຫຼື ການເຮັດວຽກໃນປີ 2026 ຖືວ່າຍັງດີບໍ່ມີຕົກ ເພາະຫຼາຍໆຄ້າຍກໍຍັງແຂ່ງຂັນກັນພັດທະນາລູກຫຼິ້ນໃໝ່ໆຢູ່ສະເໝີ.

👉ການເປີດໂຕຟີເຈິ Auto Browse ຈາກ Google Chrome
ໃນສ່ວນຂອງ Google Chrome ກໍໄດ້ເປີດໂຕຟີເຈິ Auto Browse ໂດຍການນຳ Gemini AI ມາເຮັດວຽກຊ່ວຍຜູ້ໃຊ້ງານຢູ່ເທິງເວັບໄຊແບບອັດຕະໂນມັດ ຈາກປົກກະຕິເວລາເຮົາໃຊ້ງານແມ່ນຕ້ອງເປີດເວັບ, ຄົ້ນຫາ ແລະ ອ່ານ-ສະຫຼຸບເອງທຸກຂັ້ນຕອນ ເຮັດໃຫ້ເສຍເວລາໃນການຫາຂໍ້ມູນຫຼາຍ.

ແລ້ວຟີເຈິ Auto Browse ຈະເຂົ້າມາຊ່ວຍ ແລະ ເຮັດຫຍັງໄດ້ແດ່ ກັອດຈິ ຈະເລົ່າສູ່ຟັງເດີ. ຄວາມສະບາຍທີ່ເຮົາຈະໄດ້ພົບໃນສິ່ງທຳອິດເມື່ອເຮົາໄດ້ໃຊ້ Auto Browse.

✨ມັນຈະຊ່ວຍຄົ້ນຫາຂໍ້ມູນແທນເຮົາ
✨ຊ່ວຍປຽບທຽບລາຄາ ແລະ ແນະນຳຕົວເລືອກທີ່ດີກວ່າໃຫ້
✨ຊ່ວຍຈັດຕະຕະລາງນັດໝາຍ
✨ລົງທະບຽນແບບຟອມອອນລາຍ
✨ສະຫຼຸບຂໍ້ມູນຈາກຫຼາຍໆເວັບໄຊໃຫ້

📍ເຄັດລັບເດັດທີ່ຈະເຮັດໃຫ້ AI ສະຫຼາດເພີ່ມຂຶ້ນ
ການທີ່ຈະເຮັດໃຫ້ AI ມັນຕອບສະໜອງການໃຊ້ງານຂອງເຮົາໄດ້ດີ ກໍມີເຄັບລັບຢູ່ ແລະ ບໍ່ຍາກຢ່າງທີ່ທຸກຄົນກັງວົນກັນແນ່ນອນ. ໃນສ່ວນການໃຊ້ງານ Auto Browse ກໍຕ້ອງມີການ Deep Integration ກັບແອັບອື່ນໆກ່ອນ.

ເພາະຖ້າ Auto Browse ໄດ້ເຊື່ອມຂໍ້ມູນກັບ Gmail, Calendar, Maps, YouTube, Google Shopping ແລະ Google Flights, ການເຊື່ອມຕໍ່ກັບແອັບພວກນີ້ກໍເພື່ອໃຫ້ AI ສາມາດນຳຂໍ້ມູນນຈາກແອັບທີ່ເຮົາໃຊ້ໃນການຕັດສິນໃຈ ແລະ ເຮັດວຽກຕໍ່ໄດ້ຕາມແວດລ້ອມທີ່ເຮົາໃຊ້ງານຫຼາຍຂຶ້ນ.

🚨ປັດຈຸບັນ, Auto Browse ໄດ້ເປີດໃຫ້ໃຊ້ໃນບາງປະເທດ ແລະ ຜູ້ທີ່ໃຊ້ງານ Google AI Pro ແຕ່ກໍຈະຄ່ອຍໆຂະຫຍາຍໃຫ້ຜູ້ໃຊ້ທົ່ວໂລກໄດ້ໃຊ້ໄປເທື່ອລະເຂດ.

24/01/2026

ເຄີຍສົງໄສບໍ່ວ່າ... ໃນຍຸກທີ່ທຸກຄົນມີມືຖືຂອງໂຕເອງຢູ່ແລ້ວ ແລ້ວເປັນຫຍັງເຮົາຈຶ່ງຢາກໄດ້ເຄື່ອງໃໝ່ມາເພີ່ມອີກ?

📱✨ ມາເບິ່ງ 1 ມື້ຂອງທີມ Gadzila ກັບ OPPO Reno15 Series 5G ຈະກາຍເປັນຄຳຕອບທີ່ບອກເລີຍວ່າເກີນຄາດອີ່ຫຼີ. ຕັ້ງແຕ່ຖ່າຍ Portrait ງາມໆ ໄປຈົນຮອດເຄຍວຽກແບບມືໂປຣ ຫຼື ຫຼິ້ນເກມ.

ລາຄາເລີ່ມຕົ້ນພຽງ 7,999,000 ກີບ. ພິເສດ! ຊື້ຕອນນີ້ຮັບຟຣີ ກະເປົາເປ້ OPPO ສຸດເທ້!

19/01/2026

ມື້ນີ້ ກັອດຈິ ຈະມາແນະນຳເກມໃຫ້ທຸກຄົນລອງໄປຫຼິ້ນເບິ່ງເດີ ສຳລັບຄົນທີ່ມັກເກມແບບສະບາຍໆ ແລະ ມັກພາບງາມໆນີ້ຕ້ອງຮັກເລີຍ ເກມນີ້ກໍມີຊື່ວ່າ Heartopia ກຳລັງເປັນກະແສມາແຮງ.
ສຳລັບຄົນທີ່ມັກຫຼິ້ນເກມ ຫຼື ຄົນທີ່ຢາກລອງເກມແນວໃຊ້ຊີວິດໃນເມືອງແຫ່ງຄວາມຝັນທີ່ແສນໜ້າຮັກ ໂດຍສາມາດສ້າງບ້ານຕາມໄອເດຍຂອງເຮົາເອງ, ເຮັດກິດຈະກຳຜ່ອນຄາຍເກັບເຫັດ-ປູກຜັກ ແລະ ພົບປະໝູ່ເພື່ອນໃນເກມໄດ້ ເຊິ່ງເກມນີ້ກໍຖືວ່າຕອບໂຈດເພາະມີຫຼາຍ Server ທັງ ເອເຊຍ, ຈີນ ແລະ ຍູໂຣບ.
Heartopia ໄດ້ເປີດໃຫ້ຫຼິ້ນທົ່ວໂລກຕັ້ງແຕ່ວັນທີ 8 ມັງກອນ ປີ 2026 ເປັນຕົ້ນມາ ແລະ ຖືວ່າເປັນເກມທີ່ມີຄວາມ Popular ຫຼາຍອີກເກມໜຶ່ງເລີຍກໍວ່າໄດ້ ເພາະໃນປັດຈຸບັນແມ່ນມີຜູ້ຫຼິ້ນຫຼາຍເຖິງ 5 ລ້ານບັນຊີທົ່ວໂລກ.
✨ຈຸດເດັ່ນຂອງເກມ Heartopia
1. ອິດສະລະໃນການອອກແບບເຮືອນ ຫຼື ການແຕ່ງໂຕ.
2. ມີກິດຈະກຳທີ່ຫຼາກຫຼາຍ (Diverse Hobbies) ມີລະບົບການຮຽນຮູ້ສາມາດພັດທະນາທັກສະໃນເກມ.
3. ມີລະບົບລ້ຽງສັດສາມາດໂຕ້ຕອບ, ໃຫ້ອາຫານ, ອາບນ້ຳ ແລະ ພານ້ອງໝາ-ນ້ອງແມວໄປຍ່າງຫຼິ້ນ ໃນເມືອງໄດ້.
4. ຜ່ອນຄາຍ ບໍ່ເນັ້ນການແຂ່ງຂັນ: ເກມຖືກອອກແບບມາໃຫ້ຜູ້ຫຼິ້ນຊ່ວຍເຫຼືອກັນ ຫຼື ນັ່ງຫຼິ້ນນຳກັນແບບສະບາຍໆ ໂດຍບໍ່ມີລະບົບຈັດອັນດັບ (Ranking) ທີ່ກົດດັນ.
5. ພາບ ແລະ ບັນຍາກາດ: ກຣາຟິກຂອງເກມມາໃນໂທນສີທີ່ນຸ່ມນວນ (Pastel Tone) ແລະ ມີເພງປະກອບທີ່ຟັງແລ້ວຮູ້ສຶກຜ່ອນຄາຍ.
ອ່ານຕໍ່ໄດ້ທີ່ລິ້ງ👇
#ເກມໃໝ່ກະແສແຮງ #ກັອດຈິຊວນລົມ

16/01/2026

ຕອນນີ້ເຮົາຢູ່ໃນງານ OPPO Reno15 Series 5G Product Experience ລອງໃຊ້ສະມາດໂຟນລຸ້ນນີ້ເປັນຄັ້ງທຳອິດໃນລາວ

ໄດ້ລອງຖ່າຍຮູບຈາກກ້ອງຂອງ OPPO Reno15 Pro Max ສິ່ງທີ່ເຮົາມັກແຮງແມ່ນກ້ອງ Protrait 3.5x ໃຜທີ່ເປັນສາຍຖ່າຍຮູບບຸກຄົນມັກແນ່ນອນ ເພາະທັງໄລຍະເລນ ທັງການລະລາຍຫຼັງທີ່ເຮັດອອກມາໄດ້ນຽນກຣິບບບ

ແລ້ວເຮົາຈະລອງໃຊ້ແລ້ວຣີວິວໃຫ້ທຸກຄົນເບິ່ງອີກເທື່ອໜຶ່ງຫຼັງງານ

16/01/2026

ໃຜທີ່ກຳລັງຕິດຊີຣີສ໌ສັ້ນ ຫຼື Short Drama ຢູ່ແດ່? ຕອນນີ້ແມ່ນຕ້ອງໃຫ້ລະວັງກັນແດ່ເດີ ເບິ່ງໃຫ້ມ່ວນໄດ້ແຕ່ພວກເຮົາຕ້ອງມີສະຕິ ເພາະຕອນນີ້ພວກມິດສາຊີບກຳລັງໃຊ້ຄວາມໜ້າສົນໃຈຂອງຊີຣີສ໌ສັ້ນ ມາເປັນເຫຍື່ອຫຼອກລໍ້ໃຫ້ເຮົາຕົກຂຸມພາງ!
ບໍ່ຄິດວ່າມັນຈະເກີດຂຶ້ນ ເພາະຂໍສະລະພາບແບບກົງໆວ່າ ກັອດຈິ ເອງໄດ້ເບິ່ງຊີຣີສ໌ແນວຕັ້ງໃນໂຊຊຽວມີເດຍແບບບໍ່ຈົບມັນກໍຄາໃຈ ແລະ ຢາກຮູ້ຕອນຕໍ່ໄປ ຈົນໄປດາວໂຫຼດແອັບມາເບິ່ງຕັ້ງວ່າ 2-3 ແອັບ.
ກັອດຈິ ເບິ່ງແບບຟຣີ, ເບິ່ງໂຄສະນາແລກເອົາ Point ເດີ ແລະ ຍັງບໍ່ໄດ້ໃສ່ຂໍ້ມູນໃດໆເລີຍ ດີທີ່ຍັງບໍ່ໄດ້ຫຼົງກົນຈ່າຍເງິນເບິ່ງ, ມັນກໍດີໄປແດ່ທີ່ຍັງບໍ່ໄດ້ເຈິບັນດາມິດຊາຊີບທັງຫຼາຍ ແຕ່ກໍຕ້ອງໃຫ້ລະວັງເລື່ອງຂໍ້ມູນເຮົາໃຫ້ດີໆກັນເດີທຸກຄົນ.
🚫 3 ກົນອຸບາຍທີ່ມິດຊາຊີບມັກໃຊ້
1. ຕັດຕອນໃຫ້ຄ້າງ ແລ້ວໃຫ້ກົດຈ່າຍ: ຕັດຄລິບມາໃຫ້ເບິ່ງຈົນຮອດຕອນຕື່ນເຕັ້ນ ຫຼື ເຮັດໃຫ້ລຸ້ນ ແລ້ວແປະລິ້ງບອກວ່າ "ເບິ່ງຕອນຈົບໄດ້ທີ່ນີ້" ພໍເຮົາກົດເຂົ້າໄປອາດຈະຖືກດູດຂໍ້ມູນ ຫຼື ຖືກບັງຄັບໃຫ້ໂຫຼດແອັບແປກໆ ທີ່ມີໄວຣັສ.
2. ເບິ່ງຟຣີ ແຕ່ລັກຕັດເງິນ: ບາງແອັບໃຫ້ລົງທະບຽນເບິ່ງຟຣີ, ແຕ່ຕ້ອງກອກຂໍ້ມູນບັດເຄຣດິດ ຜ່ານໄປບໍ່ດົນ ເງິນໃນບັນຊີຂອງເຮົາອາດຈະ "ຫາຍວັບ" ແບບບໍ່ຮູ້ໂຕ.
3. ພາລະກິດເບິ່ງຊີຣີສ໌ໄດ້ເງິນ: ຕົວະໃຫ້ເຮົາກົດໄລ້, ກົດແຊຣ໌ ຫຼື ເບິ່ງຊີຣີສ໌ ແລ້ວບອກວ່າຈະໃຫ້ເງິນຄືນສຸດທ້າຍຈະຫຼອກລວງໃຫ້ເຮົາ "ໂອນເງິນເຂົ້າໄປກ່ອນ" ແຕ່ເຮົາກໍບໍ່ໄດ້ເງິນຄືນເລີຍ
✅ ວິທີເບິ່ງຊີຣີສ໌ແນວຕັ້ງແບບປອດໄພ
1. ໃຫ້ເບິ່ງແອັບດີໆວ່າເຊື່ອຖືໄດ້ບໍ່ ແລະ ດາວໂຫຼດຜ່ານ App ມາດຕະຖານເທົ່ານັ້ນ, ສາມາດໂຫຼດຈາກ Play Store / App Store ໂດຍກົງ.
2. ຢ່າຫຼົງກົດເຂົ້າໄປທີ່ລິ້ງແປກໆ: ຖ້າເຫັນລິ້ງທີ່ເປັນຕົວໜັງສືຍາວໆ ຫຼື ເວັບໄຊທີ່ບໍ່ຄຸ້ນເຄີຍໃຫ້ "ກົດຂ້າມ" ທັນທີ.
3. ຂອງຟຣີບໍ່ມີໃນໂລກ: ຖ້າບອກວ່າເບິ່ງແລ້ວໄດ້ເງິນ ຫຼື ໃຫ້ກອກຂໍ້ມູນສ່ວນຕົວ ໃຫ້ສັນນິຖານໄວ້ກ່ອນເລີຍວ່າ "ມິດສາຊີບແນ່ນອນ".
#ລົມກັບກັອດຈິ #ເຕື່ອນໄພ #ຊີຣີສ໌ແນວຕັ້ງ

11/01/2026

ແຕ່ລະມື້ແຕ່ລະ day ເລື່ອນໜ້າຈໍຢ່າງບໍ່ມີຈຸດໝາຍ 🫩 ໃຊ້ໂຊຊຽວມີເດຍຄືກັບເປັນ "ຂ້າທາດດິຈິຕອນ" ທີ່ເຮັດວຽກຟຣີໃຫ້ມະຫາເສດຖີບໍລິສັດເທັກ ເຮັດແນວໃດຈຶ່ງຈະຢຸດວົງຈອນນີ້ໄດ້?
"ສື່ສັງຄົມອອນລາຍທີ່ຄັ້ງໜຶ່ງເຄີຍເປັນບ່ອນເຊື່ອມຕໍ່ຜູ້ຄົນໃຫ້ເຂົ້າຫາກັນ ດຽວນີ້ມັນບໍ່ໄດ້ເປັນແບບນັ້ນແລ້ວ, ມັນກາຍເປັນເຄື່ອງມືຂອງກຸ່ມອົງກອນເທັກ ແລະ ພວກເຮົາທຸກຄົນທີ່ໃຊ້ມັນ ກໍຄືກັບພະນັກງານທີ່ເຮັດວຽກໃຫ້ລະບົບເຂົາໂດຍບໍ່ໄດ້ຮັບຄ່າຈ້າງ..."
ນີ້ຄືຂໍ້ຄວາມຈາກບົດຄວາມຂອງ Tom Froese ທີ່ຂຽນລົງໃນ Medium ທີ່ເຮັດໃຫ້ເຮົາຕ້ອງມານັ່ງຢຸດຄິດນຳຢ່າງຈິງຈັງ. ມັນເຮັດໃຫ້ເຮົາຕ້ອງກັບມາຕັ້ງຄຳຖາມວ່າ: ທຸກມື້ນີ້ເຮົາຫຼິ້ນໂຊຊຽວມີເດຍເພື່ອຄວາມສຸກ ຫຼື ເຮົາກຳລັງ "ເຂົ້າເວນ" ເພື່ອເຮັດວຽກປ້ອນຂໍ້ມູນໃຫ້ Algorithm ຂອງບໍລິສັດເທັກຍັກໃຫຍ່ຢູ່ກັນແທ້?
ທຸກຄົນຮູ້ບໍວ່າ ການທີ່ເຮົາຄອຍນັ່ງເລື່ອນເບິ່ງນັ້ນນີ້ໄປເລື້ອຍໆ ຈາກສິ່ງທີ່ Algorithm ຄັດສັນມາໃຫ້ເຮົານັ້ນແຫຼະ ຄື "ວຽກທີ່ບໍ່ໄດ້ຮັບຄ່າຈ້າງ" ທີ່ເຮົາເຮັດໃຫ້ອົງກອນເຫຼົ່ານັ້ນ... ມື້ລະຫຼາຍຊົ່ວໂມງ.
ຈາກການທີ່ເຮົາຄວນມີໂຊຊຽວມີເດຍໄວ້ເພື່ອເຊື່ອມຕໍ່ກັບຄົນທີ່ເຮົາຮູ້ຈັກ ດ້ວຍຄວາມພໍດີ ກາຍເປັນວ່າ ເຮົາກາຍເປັນ "ພະນັກງານດີເດັ່ນ" ທີ່ຖືກດູດກິນເວລາຊີວິດໄປລ້າໆ ເຫັນແຈ້ງເຕືອນຫຍັງຂຶ້ນກໍກົດເຂົ້າໄປເບິ່ງໄປອ່ານໝົດ ແລະ ໝົດມື້ກໍນັ່ງເຝົ້າມັນຢູ່ຈົນບໍ່ໄດ້ເຮັດຫຍັງຈິງໆຈັງໆກັບຊີວິດຂອງໂຕເອງ ປານກັບວ່າເຮົາເປັນ "ຂ້າທາດດິຈິຕອນ" ຂອງບໍລິສັດເທັກເຫຼົ່ານີ້.
ແລ້ວຖ້າຢາກຕັດວົງຈອນນີ້ ເຮົາຈະເຮັດແນວໃດ. ມື້ນີ້ Muan RelationTips ຊວນທຸກຄົນມາສ້າງສາຍພົວພັນທີ່ດີຂຶ້ນກັບໂຊຊຽວມີເດຍດ້ວຍ 5 ວິທີທວງຄືນອິດສະລະພາບທີ່ເຮົາສາມາດເຮັດໄດ້ຕອນນີ້ເລີຍ.
1. ປິດ "ສຽງເອີ້ນສັ່ງ" ຈາກເຈົ້ານາຍທິບທີ່ບໍ່ໄດ້ຈ່າຍຄ່າຈ້າງເຮົາ
ໃນໂລກຂອງ Corporate Media, ສຽງແຈ້ງເຕືອນຈາກແອັບເຫຼົ່ານີ້ຄືການ ເອີ້ນໃຫ້ເຮົາກັບໄປເຮັດວຽກ. ຢ່າປ່ອຍໃຫ້ແອັບເປັນຝ່າຍບອກວ່າ ເຮົາຕ້ອງເບິ່ງຫຍັງ. ເຮົາສາມາດປິດມັນໄວ້ ແລ້ວເຂົ້າໄປເບິ່ງເມື່ອເຈົ້າ "ຕັ້ງໃຈ" ຈະໃຊ້ງານມັນແທ້ໆ. ນອກຈາກນັ້ນ ອີກວິທີທີ່ໄດ້ຜົນແມ່ນ ການເອົາໄອຄອນແອັບຖຊຊຽວອອກຈາກໜ້າຈໍຫຼັກກໍຊ່ວຍໄດ້ຫຼາຍ. ເຮົາຈະປ່ຽນໂຕເອງຈາກລູກຈ້າງ ໃຫ້ກາຍເປັນຜູ້ຄວບຄຸມ.
2. ເຊົາເປັນນັກຊິມທີ່ Algorithm ປ້ອນອາຫານໃຫ້ເຮົາລອງກິນ
ເມື່ອເຮົາເລືອກເບິ່ງແຕ່ສິ່ງທີ່ລະບົບຄັດມາໃຫ້, ເຮົາກໍຄືພະນັກງານທີ່ກຳລັງຖືກຝຶກວຽກຢູ່. ລອງອອກນອກຂອບ ໂດຍການຄົ້ນຫາສິ່ງໃໝ່ໆດ້ວຍໂຕເອງແລະ ເລືອກເສບຄອນເທັນທີ່ມີຄຸນຄ່າແທ້ໆ ບໍ່ແມ່ນພະຍາຍາມ "ເລື່ອນໜ້າຈໍ" ເພື່ອຕອບສະໜອງຄວາມຕ້ອງການຂອງລະບົບເທົ່ານັ້ນ.
3. ຕັ້ງເວລາ "ເລີກວຽກ" ໃຫ້ຊັດເຈນ
ເຮົາເຮັດວຽກໃຫ້ບໍລິສັດເທັກເຫຼົ່ານີ້ "ມື້ລະຫຼາຍຊົ່ວໂມງ". ສະນັ້ນ ຈົ່ງຕັ້ງຂອບເຂດໃຫ້ຊັດເຈນໂດຍການໃຊ້ຟັງຊັນ Screen Time (ມີໃນສະມາດໂຟນທຸກຄົນຢູ່ແລ້ວ. ເມື່ອຮອດເວລາ... ກໍຄື "ເລີກວຽກ". ວາງມືຖືລົງ ແລ້ວກັບມາໃຊ້ຊີວິດໃນໂລກແຫ່ງຄວາມຈິງທີ່ເຮົາບໍ່ຕ້ອງເຮັດວຽກໃຫ້ໃຜຟຣີໆ. ອອກໄປນອກ ໄປອອກກຳລັງກາຍ, ອ່ານປຶ້ມ, ເຊື່ອມຕໍ່ກັບຜູ້ຄົນແທ້ໆ ເຮັດກິດຈະກຳອື່ນໆທີ່ໂລກອອກລາຍບໍ່ສາມາດໃຫ້ເຮົາໄດ້.
4. ປ່ຽນບົດບາດຈາກ "ຜູ້ໃຊ້" ເປັນ "ຜູ້ສ້າງ"
ໃນເມື່ອເຮົາຫຼີກລ່ຽງການໃຊ້ສື່ເຫຼົ່ານີ້ບໍ່ໄດ້ທັງໝົດ, ກໍຈົ່ງໃຊ້ມັນໃຫ້ເປັນປະໂຫຍດຕໍ່ໂຕເຮົາເອງໃຫ້ຫຼາຍທີ່ສຸດເທົ່າທີ່ຈະເປັນໄປໄດ້. ປ່ຽນຈາກການເປັນ "ສິນຄ້າ" ທີ່ຖືກເຂົາຫຼອກໃຊ້ ມາເປັນ "ຜູ້ສ້າງ" ທີ່ໃຊ້ແພລດຟອມເພື່ອສ້າງໂອກາດ, ສ້າງລາຍໄດ້ ຫຼື ພັດທະນາໂຕເອງ.
5. ທວງຄືນ "ເວລາຊີວິດ" ທີ່ຖືກປຸ້ນສະດົມໄປ
ການທີ່ເຮົາຢູ່ຊື່ໆໂດຍບໍ່ມີມືຖືບໍ່ໄດ້ ນັ້ນຄືສັນຍານວ່າເຮົາຖືກລະບົບຄອບງຳຢ່າງສົມບູນ. ລອງຝຶກ "ຢູ່ແບບວ່າງໆ" ໂດຍບໍ່ມີໜ້າຈໍ. ອາດຈະອ່ານປຶ້ມ, ລົມກັບຄົນຂ້າງໆ ຫຼື ນັ່ງຄິດທົບທວນໂຕເອງ. ນັ້ນຄືຊ່ວງເວລາທີ່ເຮົາໄດ້ຊີວິດຄືນມາຈາກກຳມືຂອງ Algorithm ຂອງແພລດຟອມເຫຼົ່ານີ້.
ສຸດທ້າຍແລ້ວ ເຮົາຢາກຂໍຝາກຂໍ້ຄວາມເຕືອນສະຕິສົ່ງທ້າຍວ່າ:
"ໂຊຊຽວມີເດຍບໍ່ໄດ້ຟຣີ... ເພາະມັນແລກມາດ້ວຍ 'ເວລາ' ທີ່ເຮົາຈະບໍ່ມີວັນໄດ້ຄືນມາ."
ຢຸດເຮັດວຽກໃຫ້ອົງກອນເທັກໂນໂລຢີຍັກໃຫຍ່ເຫຼົ່ານີ້ ແລ້ວກັບມາເຮັດວຽກໃຫ້ກັບ "ຄວາມສຸກ" ຂອງໂຕເຮົາເອງໄດ້ແລ້ວ.
ໝູ່ເພື່ອນເດ ມີເຄັດລັບແນວໃດໃນການຈັດການກັບການເລື່ອນຈໍຢ່າງບໍ່ມີຈຸດໝາຍ ມາແຊຣ໌ກັບເຮົາໄດ້ເດີ.

11/01/2026

ຂໍ້ມູນຜູ້ໃຊ້ Instagram ຮົ່ວໄຫຼກວ່າ 17.5 ລ້ານບັນຊີ ຂະນະທີ່ຜູ້ໃຊ້ຈຳນວນໜຶ່ງໄດ້ຮັບອີເມວຂໍປ່ຽນລະຫັດຜ່ານທີ່ຜິດປົກກະຕິ - ແນະນຳຜູ້ໃຊ້ປ່ຽນລະຫັດຜ່ານ ແລະ ເປີດໃຊ້ການຢືນຢັນຕົວຕົນ 2 ຊັ້ນ (2FA)
ມີລາຍງານວ່າ ຂໍ້ມູນຜູ້ໃຊ້ອິນສະຕາແກຣມຈຳນວນຫຼາຍກວ່າ 17.5 ລ້ານລາຍຖືກນຳໄປເຜີຍແຜ່ຜ່ານ Dark Web ເຊິ່ງສ່ຽງຕໍ່ການນຳໄປໃຊ້ໃນການໂຈມຕີແບບ Phishing.
Malwarebytes ສື່ດ້ານຄວາມປອດໄພໄຊເບີລາຍງານວ່າ ຂໍ້ມູນທີ່ຮົ່ວໄຫຼນີ້ປະກອບດ້ວຍຂໍ້ມູນທີ່ລະອຽດອ່ອນຂອງຜູ້ໃຊ້ ເຊັ່ນ: ຊື່-ນາມສະກຸນ, ທີ່ຢູ່, ອີເມວ, ໝາຍເລກໂທລະສັບ ລວມທັງຂໍ້ມູນຕິດຕໍ່ອື່ນໆເປັນຕົ້ນ.
ຂໍ້ມູນທີ່ຮົ່ວໄຫຼນີ້ ຄາດວ່າມາຈາກຊ່ອງໂຫວ່ API ຂອງອິນສະຕາແກຣມທີ່ເກີດຂຶ້ນໃນປີ 2024 ເຊິ່ງຂໍ້ມູນທີ່ຖືກນຳໄປເຜີຍແຜ່ນີ້ອາດຖືກແຮັກເກີນຳເອົາໄປໃຊ້ເພື່ອສົ່ງຂໍ້ຄວາມຫຼອກລວງເພື່ອໃຫ້ເບິ່ງຄືວ່າມາຈາກອິນສະຕາແກຣມແທ້ໆ ເພື່ອໃຫ້ຜູ້ໃຊ້ກົດ "ປ່ຽນລະຫັດຜ່ານ" ຫຼື "ຢືນຢັນຕົວຕົນ" ເຊິ່ງປັດຈຸບັນ ເລີ່ມມີຜູ້ໄດ້ຮັບອີເມວແຈ້ງເຕືອນການປ່ຽນລະຫັດຜ່ານທີ່ແປກໆນີ້ແລ້ວ (ທີມງານເຮົາເອງບາງຄົນກໍໄດ້ຮັບ).
ຕອນນີ້ຍັງບໍ່ທັນມີແຈ້ງການຢ່າງເປັນທາງການຈາກ Meta ບໍລິສັດແມ່ຂອງອິນສຕາແກຣມໃນເລື່ອງນີ້ເທື່ອ. ສຳລັບຜູ້ໃຊ້ງານທົ່ວໄປທີ່ກັງວົນເລື່ອງຄວາມປອດໄພຂອງບັນຊີ ແນະນຳໃຫ້ປ່ຽນລະຫັດຜ່ານ ແລະເປີດໃຊ້ການຢືນຢັນຕົວຕົນ 2 ຊັ້ນ (Two-Factor Authentication / 2FA) ໄວ້.

05/01/2026

ປົກກະຕິເວລາເຮົາໂພສ Facebook ແລ້ວນຳລິງຄ໌ເວັບໄຊຕ່າງໆມາແປະໃສ່ໂພສ ເພື່ອໃຫ້ຄົນກົດໄປເບິ່ງຂໍ້ມູນຕ່າງໆທີ່ເຮົາຢາກເອົາມາແບ່ງປັນ ແຕ່ກ່ອນນັ້ນແມ່ນບໍ່ເປັນຫຍັງ ແຕ່ຕໍ່ໄປນີ້ Facebook ເພິ່ນຈະ "ຈຳກັດ" ບໍ່ໃຫ້ເຮັດແບບນັ້ນໄດ້ແລ້ວເດີທຸກຄົນ.😱
ນີ້ຖືວ່າເປັນສັນຍານເຕືອນຄັ້ງໃຫຍ່ເລີຍ🚨 ສຳລັບເຈົ້າຂອງເພຈ ຫຼື ສາຍແປະລິງຄ໌ (Affiliate) ໃນ Fecebook ເພາະຕັ້ງແຕ່ໃນຊ່ວງທ້າຍປີ 2025-ປັດຈຸບັນ, ມີລາຍງານຢືນຢັນຈາກ Meta ວ່າ ພວກເຂົາກຳລັງທົດສອບການຈຳກັດການໂພສລິງຄ໌ຈາກພາຍນອກແພລັດຟອມຢ່າງຈິງຈັງ ເພື່ອບີບໃຫ້ຜູ້ໃຊ້ງານຫັນໄປສະໝັກບໍລິການ Meta Verified (ເຄື່ອງໝາຍຕິກສີຟ້າຫຼັງຊື່) ຫຼາຍຂຶ້ນ.
ສາຍຟຣີຢ່າງ ກັອດຈິ ກໍຮູ້ສຶກເສົ້າເລີຍ ເພາະຢູ່ລາວເຮົາເອງກໍຖືວ່າ "ໜີບໍ່ພົ້ນ" ຄືກັນ. ຕໍ່ໄປຖ້າເຮົາບໍ່ຈ່າຍເງິນລາຍເດືອນໃຫ້ Facebook (Meta Verified) ເຮົາຈະຖືກຈຳກັດ ແລະ ຖືກປິດກັ້ນການເບິ່ງເຫັນ (Reach) ເລີຍ. ມື້ນີ້ ກັອດຈິ ກໍຈະມາສະຫຼຸບປະເດັນສຳຄັນທີ່ "ສາຍແປະລິງຄ໌" ຕ້ອງຮູ້ ແລະ ກຽມຮັບມືກັນ.🙌
👉ສຳລັບສາຍຟຣີຈະໂພສລິງຄ໌ໄດ້ໜ້ອຍລົງ.
ໃຜທີ່ເປັນສາຍຟຣີອາດຈະສາມາດແປະ 2 ຄັ້ງຕໍ່ເດືອນເທົ່ານັ້ນ ໂດຍທີ່ Facebook ເລີ່ມທົດສອບຈຳກັດຈຳນວນໂພສທີ່ມີລິງຄ໌ໄປຍັງເວັບໄຊພາຍນອກເຊັ່ນ: ເວັບຂ່າວ, YouTube ຫຼື Blog ຖ້າໂພສເກີນນັ້ນຈະຖືກປິດກັ້ນການເບິ່ງເຫັນ ເຮັດໃຫ້ບໍ່ມີຄົນເຫັນໂພສເຮົາເລີຍ.
👉 ຢາກໂພສໄດ້ຫຼາຍຕ້ອງ "ຈ່າຍເງິນ".
Facebook ຢາກໃຫ້ເຮົາສະໝັກບໍລິການ Meta Verified ຖ້າເຮົາຈ່າຍເງິນລາຍເດືອນ ຈຶ່ງຈະສາມາດໂພສລິງຄ໌ໄດ້ຫຼາຍ ແລະ ເປັນປົກກະຕິຄືເກົ່າ.
👉 ຍ້ອນຫຍັງ Facebook ຈຶ່ງເຮັດແບບນີ້?
ເພາະ Facebook ບໍ່ຢາກໃຫ້ຜູ້ໃຊ້ກົດອອກໄປແພລັດຟອມອື່ນ ແລະ ຢາກໃຫ້ຫຼິ້ນຢູ່ໃນ Facebook ດົນໆ ຖ້າເຮົາຈະພາຄົນອອກໄປນອກແອັບ (ໂດຍການກົດລິງຄ໌ອອກໄປ) Meta ກໍຈະເກັບຄ່າທຳນຽມນັ້ນເອງ.

✅ ວິທີຮັບມືໃນການແປະລິງຄ໌ (ແບບງ່າຍໆ ບໍ່ຕ້ອງເສຍເງິນ)
✨ ຢ່າແປະລິງຄ໌ໃນໂພສ: ໃຫ້ໂພສຮູບງາມໆ ຫຼື ຂຽນຂໍ້ຄວາມກ່ອນ ໂດຍຂຽນບອກໃນໂພສວ່າ "ສົນໃຈເບິ່ງລິງຄ໌ຢູ່ຄອມເມັ້ນເດີ" ຈາກນັ້ນໃຫ້ຄົນໄປກົດເຂົ້າລິງຄ໌ຢູ່ກ້ອງຄອມເມັ້ນແທນ ເພາະ Facebook ຍັງບໍ່ທັນໄດ້ຫ້າມໃນຈຸດນີ້ເທື່ອ.
✨ ເຮັດວິດີໂອສັ້ນ Reels: ກ່ອນວິດີໂອຈະຈົບໃຫ້ Hook ບອກຄົນເບິ່ງທຸກຄັ້ງວ່າສາມາດເບິ່ງຕໍ່ໄດ້ທີ່ລິງຄ໌ກ້ອງຄອມເມັ້ນ ເພາະ Reels ໃນ Facebook ມັກຈະດັນວິດີໂອໃຫ້ຄົນເຫັນຫຼາຍກວ່າໂພສທີ່ມີແຕ່ລິງຄ໌.
#ກັອດຈິຊວນລົມ

17/12/2025

Muan Awards 2025: ຍົກລະດັບວົງການຄອນເທັນດິຈິຕອລລາວສູ່ຍຸກເສດຖະກິດສ້າງສັນ
ມ່ວນ (Muan), ແພລດຟອມຄອນເທັນສ້າງສັນຂອງລາວໂດຍບໍລິສັດ ບິສຈີຕອລ ຈຳກັດ (Bizgital Co., Ltd.), ພ້ອມປະກາດຈັດງານ ມ່ວນອາວອດສ໌ - Muan Awards 2025 – ງານມອບລາງວັນທີ່ຍິ່ງໃຫຍ່ທີ່ສຸດໃນວົງການສ້າງສັນດິຈິຕອລລາວ ເຊິ່ງຈະເກີດຂຶ້ນໃນວັນທີ 24 ທັນວາ 2025 ທີ່ໂຮງແຮມ ຮໍລິເດ ອິນ ແອນ ສຫວີທສ໌ ວຽງຈັນ ໃນຮູບແບບງານສະເພາະແຂກທີ່ຖືກເຊີນ.
ງານດັ່ງກ່າວໄດ້ຮັບກຽດຈາກ Crowne Plaza and Holiday Inn & Suites Vientiane ເປັນ Title Sponsor ຜູ້ສະໜັບສະໜູນຫຼັກ ແລະ ໄດ້ຮັບການສະໜັບສະໜູນຢ່າງເປັນທາງການຈາກພາກລັດສອງອົງກອນສຳຄັນ ຄື ກົມສົ່ງເສີມວິສາຫະກິດຂະໜາດນ້ອຍ ແລະ ກາງ (DOSMEP) ແລະ ກົມຊັບສິນທາງປັນຍາ (DIP), ກະຊວງອຸດສາຫະກຳ ແລະ ການຄ້າ ເຊິ່ງສະແດງເຖິງການໃຫ້ຄວາມສຳຄັນຂອງພາກລັດຕໍ່ການພັດທະນາເສດຖະກິດສ້າງສັນຂອງປະເທດ.
**ຕອບສະໜອງຍຸກ Digital-First: ບົດບາດສຳຄັນຂອງ Content Creators
ໃນຂະນະທີ່ພຶດຕິກຳຂອງຜູ້ບໍລິໂພກລາວກຳລັງປ່ຽນແປງໄປສູ່ຍຸກ Digital-First ເຊິ່ງມີປະຊາກອນຫຼາຍກວ່າ 55% ເຂົ້າເຖິງໂລກດິຈິຕອລກ່ອນເປັນອັນດັບທຳອິດ, ແວດວົງທຸລະກິດ ແລະ ການຕະຫຼາດກຳລັງປະເຊີນກັບຄວາມທ້າທາຍໃໝ່. Muan Awards 2025 ຈຶ່ງຖືກສ້າງຂຶ້ນ ພາຍໃຕ້ຄວາມເຊື່ອອັນໜັກແໜ້ນວ່າ: "ການຕະຫຼາດດິຈິຕອລທີ່ບໍ່ສາມາດປັບຕົວໄປຕາມທ່າອ່ຽງນີ້ໄດ້ ກໍຈະບໍ່ສາມາດຢູ່ໃນໃຈຂອງຜູ້ບໍລິໂພກໃນຍຸກຕໍ່ໄປໄດ້."
ສະນັ້ນ, ນັກສ້າງເນື້ອຫາ ຫຼື Content Creators ຈຶ່ງກາຍມາເປັນກຳລັງສຳຄັນທີ່ຊ່ວຍໃນການເຊື່ອມຕໍ່ແບຣນ ແລະ ຜູ້ບໍລິໂພກໄດ້ຢ່າງມີປະສິດທິພາບ. ນີ້ແມ່ນຍ້ອນວ່າພວກເຂົາສາມາດສ້າງ ຄວາມໄວ້ວາງໃຈ ແລະ ຄວາມເປັນມະນຸດ (Authenticity) ທີ່ຜູ້ບໍລິໂພກສະແຫວງຫາ, ສາມາດເຂົ້າເຖິງ ກຸ່ມເປົ້າໝາຍສະເພາະ (Niche Audience) ທີ່ຊັດເຈນ, ແລະ ມີຄວາມສາມາດສູງໃນການສ້າງເນື້ອຫາທີ່ດຶງດູດ ແລະ ສອດຄ່ອງກັບແພລດຟອມຕ່າງໆ. ງານ Muan Awards ຈຶ່ງເປັນ "The Platform of Content Creator Connection & Excellence in the Digital Marketing Era".
**ມຸ່ງໝັ້ນສ້າງອະນາຄົດຂອງເສດຖະກິດສ້າງສັນລາວ
ທ່ານ ມັງກອນເພັດ ໄຊຍະສານ CEO ຂອງ ມ່ວນ - Muan ແລະ ຜູ້ຮ່ວມກໍ່ຕັ້ງ ບໍລິສັດ ບິສຈີຕອລ ຈຳກັດ ກ່າວວ່າ: "Muan Awards ບໍ່ແມ່ນພຽງແຕ່ງານມອບລາງວັນ ແຕ່ແມ່ນເວທີທີ່ນັກສ້າງເນື້ອຫາ, ທຸລະກິດ ແລະ ຜູ້ຊ່ຽວຊານດ້ານການຕະຫຼາດໄດ້ມາພົບປະ, ແລກປ່ຽນ ແລະ ຮ່ວມກັນສ້າງອະນາຄົດຂອງເສດຖະກິດສ້າງສັນຂອງປະເທດ. ເຮົາເຊື່ອວ່າ ນັກສ້າງເນື້ອຫາລາວມີທ່າແຮງສູງ ແລະ ສົມຄວນໄດ້ຮັບການຍ້ອງຍໍຊົມເຊີຍ ແລະ ສະໜັບສະໜູນຢ່າງເປັນລະບົບ."
ງານນີ້ຖືກຈັດຂຶ້ນເພື່ອເປັນການຢັ້ງຢືນວ່າ ນັກສ້າງເນື້ອຫາລາວມີຄຸນນະພາບ ແລະ ສົມຄວນໄດ້ຮັບການຍົກຍ້ອງ, ພ້ອມທັງສະແດງໃຫ້ເຫັນເຖິງການຮ່ວມມືລະຫວ່າງຄຣີເອເຕີ ແລະ ທຸລະກິດ ທີ່ຈະສ້າງມູນຄ່າໃຫ້ທັງສອງຝ່າຍຢ່າງຍືນຍົງ. ງານຍັງໄດ້ຮັບການສະໜັບສະໜູນຢ່າງເປັນທາງການຈາກພາກລັດ ເຊັ່ນ: ກົມສົ່ງເສີມວິສາຫະກິດຂະໜາດນ້ອຍ ແລະ ກາງ (DOSMEP) ແລະ ກົມຊັບສິນທາງປັນຍາ (DIP) ເຊິ່ງສະແດງເຖິງການໃຫ້ຄວາມສຳຄັນຂອງພາກລັດຕໍ່ການພັດທະນາເສດຖະກິດສ້າງສັນຂອງປະເທດ.
**ຫຼາຍກວ່າ 20 ສາຂາລາງວັນ ດ້ວຍມາດຕະຖານການໃຫ້ຄະແນນທີ່ຮັດກຸມ
Muan Awards 2025 ຈະມອບລາງວັນໃນຫຼາຍກວ່າ 20 ສາຂາ ເຊິ່ງແບ່ງອອກເປັນສອງປະເພດຫຼັກ: (1) ລາງວັນທີ່ຕັດສິນໂດຍຄະນະກຳມະການຜູ້ຊ່ຽວຊານ ເຊິ່ງພິຈາລະນາຈາກເກນມາດຕະຖານສູງ ເຊັ່ນ: ຄຸນນະພາບຂອງເນື້ອຫາ, ການມີສ່ວນຮ່ວມຂອງຜູ້ຊົມ, ຄວາມຄິດສ້າງສັນ ແລະ ຜົນກະທົບຕໍ່ສັງຄົມ. ລາຍຊື່ຜູ້ເຂົ້າຮອບສຸດທ້າຍທີ່ຜ່ານການຄັດເລືອກດ້ວຍມາດຕະຖານທີ່ເຄັ່ງຄັດໄດ້ຖືກປະກາດຢ່າງເປັນທາງການແລ້ວ ແລະ ກຳລັງລໍຖ້າການປະກາດຜູ້ຊະນະໃນມື້ງານ. (2) ລາງວັນຍອດນິຍົມຈາກການໂຫວດຂອງມະຫາຊົນ (Popular Vote).
ສຳລັບ ລາງວັນສາຍເນື້ອຫາທາງດ້ານດົນຕີຍອດນິຍົມ (Popular Vote Categories), ມະຫາຊົນທົ່ວປະເທດສາມາດໂຫວດໃຫ້ກັບສິລະປິນ ແລະ ຜົນງານດົນຕີທີ່ຕົນມັກໄດ້ຜ່ານລະບົບ WeVote. ການໂຫວດຈະເປີດເຖິງ ວັນທີ 19 ທັນວາ 2025 ເວລາ 23:59:59 ໂມງ ເທົ່ານັ້ນ. ນີ້ແມ່ນໂອກາດທີ່ແຟນເພງຈະໄດ້ມີສ່ວນຮ່ວມໃນການມອບລາງວັນຄັ້ງນີ້.
**ພັນທະມິດທີ່ເຂັ້ມແຂງ ເພື່ອຊຸກຍູ້ດິຈິຕອລຄຣີເອເຕີຂອງລາວ
Muan Awards 2025 ເກີດຈາກການຮ່ວມມືອັນແໜ້ນແຟ້ນຈາກພັນທະມິດທັງພາກລັດ ແລະ ເອກະຊົນ. ນອກຈາກການສະໜັບສະໜູນຈາກພາກລັດ (DOSMEP ແລະ DIP), ງານດັ່ງກ່າວຍັງໄດ້ຮັບການສະໜັບສະໜູນຫຼັກຈາກ Crowne Plaza and Holiday Inn & Suites Vientiane ໃນຖານະ Title Sponsor. Gold Sponsors ປະກອບມີ: Guru Advertising + Bluegrass Design Group, ແລະ Best+ Music. Silver Sponsors ຄື: Phetphathai Jewelry, ແລະ Action Techplus Sole Co., Ltd. ພ້ອມດ້ວຍ Sponsors ເຊັ່ນ: Beerlao Green, ແລະ ຮ້ານຂາຍຄຳນາງຕ້າ ແລະ ເຄື່ອງແບຣນເນມ. ລວມທັງ Supporters, Partners ແລະ Media Partners ຫຼາຍກວ່າ 40 ອົງກອນ ທີ່ເປັນບົດບາດສຳຄັນໃນການເຜີຍແຜ່ ແລະ ຍົກລະດັບງານດັ່ງກ່າວໃຫ້ເປັນທີ່ຮັບຮູ້ທົ່ວປະເທດ.
Muan Awards 2025 ບໍ່ແມ່ນພຽງແຕ່ງານມອບລາງວັນປະຈຳປີ,
ແຕ່ແມ່ນການເຄື່ອນໄຫວທີ່ຈະຊຸກດັນໃຫ້ວົງການສ້າງສັນດິຈິຕອລລາວກ້າວໄປສູ່ມາດຕະຖານສາກົນ.
ງານນີ້ຖືກຈັດຂຶ້ນເພື່ອເປັນການຢັ້ງຢືນວ່າ ນັກສ້າງເນື້ອຫາລາວມີຄຸນນະພາບ ແລະ ສົມຄວນໄດ້ຮັບການຍົກຍ້ອງ,
ວົງການດິຈິຕອລມາເກັດຕິງລາວມີທ່າແຮງສູງ ແລະ ສາມາດແຂ່ງຂັນໄດ້ໃນລະດັບພາກພື້ນ. ນອກຈາກນີ້,
ງານຍັງສະແດງໃຫ້ເຫັນເຖິງການຮ່ວມມືລະຫວ່າງຄຣີເອເຕີ ແລະ ທຸລະກິດ ທີ່ຈະສ້າງມູນຄ່າໃຫ້ທັງສອງຝ່າຍຢ່າງຍືນຍົງ,
ໂດຍເຊື່ອໝັ້ນວ່າເສດຖະກິດສ້າງສັນແມ່ນອະນາຄົດທີ່ສົດໃສຂອງປະເທດ.
#ມ່ວນອາວອດສ໌2025

Gadzila

01/03/2026

28/02/2026

01/02/2026

29/01/2026

24/01/2026

19/01/2026

16/01/2026

16/01/2026

11/01/2026

11/01/2026

05/01/2026

17/12/2025

Address

Telephone

Website

Alerts

Shortcuts

Share

Category