ສະຫະພັນກຳມະບານແຂວງຊຽງຂວາງ Xiengkhouang Federation of Trade Union

01/07/2025

ລົງໂຄສະນາເຜີຍແຜ່ ວຽກງານຍຸດທະສາດປົກປ້ອງສັງຄົມ, ວຽກງານຄວາມປອດໄພ-ສຸຂະພາບແຮງງານ ແລະ ວຽກງານປະກັນສັງຄົມພາກສະໝັກໃຈ

30/06/2025

ລົງໂຄສະນາເຜີຍແຜ່ ວຽກງານຍຸດທະສາດປົກປ້ອງສັງຄົມ, ວຽກງານຄວາມປອດໄພ-ສຸຂະພາບແຮງງານ ແລະ ວຽກງານປະກັນສັງຄົມພາກສະໝັກໃຈ
---------------------
ເພື່ອຈັດຕັ້ງປະຕິບັດຕາມແຜນການເຄື່ອນໄຫວປະຈຳປີ 2025 ຂອງໂຄງການສົ່ງເສີມການປົກປ້ອງ ທາງສັງຄົມ ໃນຂະແໜງອາການກະສິກໍາ ຂອງ ສປປ ລາວໃນລະຫວ່າງ ວັນທີ 26-30 ມິຖຸນາ 2025 ນີ້ ສະຫະພັນກໍາມະບານແຂວງຊຽງຂວາງ ຮ່ວມກັນ ສະມາຄົມະພັດທະນາສັງຄົມຊາວຊົນນະບົດ ແລະ ຫ້ອງການປະກັນສັງຄົມແຂວງຊຽງຂວາງ ໄດ້ລົງສະນາເຜີຍແຜ່ວຽກງານຍຸດທະສາດປົກປ້ອງສັງຄົມ, ວຽກງານຄວາມປອດໄພ-ສຸຂະພາບແຮງງານ ແລະ ວຽກງານປະກັນສັງຄົມພາກສະໝັກໃຈໃຫ້ຊາວກະສິກອນຢູ່ ບ້ານຍອດປຽງ, ບ້ານໂພນ, ບ້ານໂພສີ ແລະ ບ້ານອໍອັ່ນ ເມືອງແປກ, ແຂວງຊຽງຂວາງ ເຊິ່ງນຳໂດຍ ທ່ານ ສາຍຄຳ ສໍບຸດສຸວົງ ຮອງປະທານສະຫະພັນກໍາມະບານແຂວງ, ມີທ່ານ ພິລາວັນ ນະສຸຂຸມ ຕາງໜ້າສະມາຄົມະພັດທະນາສັງຄົມຊາວຊົນນະບົດ ແລະ ທ່ານ ນາງ ໄກສອນ ດາລາວົງ ຫົວໜ້າຫ້ອງການປະກັນສັງຄົມແຂວງຊຽງຂວາງ. ມີນາຍບ້ານ, ຊາວກະສິກອນ ແລະ ປະຊາຊົນ ພາຍໃນບ້ານບ້ານຍອດປຽງ, ບ້ານໂພນ, ບ້ານໂພສີ ແລະ ບ້ານອໍອັ່ນ ເຂົ້າຮ່ວມ.
ໃນລົງໂຄສະນາໃນຄັ້ງນີ້ ຄະນະຮັບຜິດຊອບໄດ້ຜັດປ່ຽນກັນຂຶ້ນບັນລະຍາຍກ່ຽວກັບຍຸດທະສາດການປົກປ້ອງສັງຄົມ, ວຽກງານຄວາມປອດໄພ ແລະ ສຸຂະພາບແຮງງານ ເພື່ອໃຫ້ປະຊາຊົນໄດ້ເຂົ້າໃຈກ່ຽວກັບນະໂຍບາຍຂອງພັກ-ລັດ ທີ່ມີຕໍ່ວຽກງານການປົກປ້ອງທາງສັງຄົມ ແລະ ໄດ້ຮັບຮູ້ວິທີການອອກແຮງງານໃຫ້ມີຄວາມປອດໄພ, ລວມເຖິງວິທີການປ້ອງກັນອັນຕະລາຍທີ່ອາດຈະເກີດຂຶ້ນໃນເວລາອອກແຮງງານ ເພື່ອຮັບປະກັນໃນການອອກແຮງງານປະຊາຊົນໃຫ້ມີຄວາມປອດໄພ, ຫຼີກລ້ຽງຄວາມສ່ຽອັນຕະລາຍຕໍ່ສຸຂະພາບ, ຊັບສິນ ແລະ ຊີວິດຂອງຕົນເອງ. ນອກຈາກນັ້ນຍັງມີການໂຄສະນາເຜີຍແຜ່ປະກັນສັງຄົມພາກສະໝັກໃຈໃຫ້ປະຊາຊົນໃຫ້ໄດ້ຮັບຮູ້, ແລະ ເຂົ້າໃຈກ່ຽວກັບປະກັນສັງຄົມພາກສະໝັກໃຈ ໂດຍສະເພາະແມ່ນຜົນປະໂຫຍດທີ່ຈະໄດ້ຮັບຈາກປະກັນສັງຄົມເຊິ່ງມີ 7 ອຸດໜູນຄື: ອຸດໜູນປະກັນສຸຂະພາບ, ອຸດໝູນອອກລູກ, ອຸດໜູນປ່ວຍການ, ອຸດໜູນເສຍກຳລັງແຮງງານ, ອຸດໜູນບຳນານ, ອຸດໜູນເສຍຊີວິດ ແລະ ອຸດໜູນສະມາຊິກຄອບຄົວ. ເຮັດໃຫ້ປະຊາຊົນສົນໃຈ ແລະ ເຂົ້າເປັນສະມາຊິກປະກັນສັງຄົມພາກສະໝັກໃຈ ເພື່ອໄດ້ຮັບການຄໍ້າປະກັນພື້ນຖານການດຳລົງຊີວິດ ເມື່ອມີການປິ່ນປົວສຸຂະພາບ, ເກີດອຸປະຕິເຫດແຮງງານ ຫຼື ພະຍາດອາຊີບ, ອອກລູກ, ປ່ວຍການ, ເສຍກໍາລັງແຮງງານ, ບໍານານ, ເສຍຊີວິດ, ອຸດໜຼນສະມະຊິກຄອບຄົວ ຕາມເງື່ອນໄຂທີ່ໄດ້ກໍານົດໄວ້ໃນແຕ່ລະກໍລະນີ. ດັ່ງຄໍາຂວັນຂອງປະກັນສັງຄົມທີ່ວ່າ: “ປະກັນສັງຄົມ ສະສົມທຶນ ຄືນຄວາມສຸກ ຊີວິດໝັ້ນຄົງ”
ພາບ+ຂ່າວ: ປະສິດທິໄຊ ພິລາວົງ

28/06/2025

25/06/2025

25/06/2025

ກອງປະຊຸມໃຫຍ່ ຜູ້ແທນສະຫະພັນກຳມະບານ ທົ່ວແຂວງຊຽງຂວາງ ຄັ້ງທີ VIII

25/06/2025

ກອງປະຊຸມໃຫຍ່ ຜູ້ແທນສະຫະພັນກຳມະບານ ທົ່ວແຂວງຊຽງຂວາງຄັ້ງທີVIII
-------------------------------------
ກອງປະຊຸມໃຫຍ່ ຜູ້ແທນສະຫະພັນກຳມະບານ ທົ່ວແຂວງຊຽງຂວາງ ຄັ້ງທີ VIII ໄດ້ເປີດຂຶ້ນຢ່າງເປັນທາງການ ໃນວັນທີ 24 ມິຖຸນາ 2025 ນີ້ ຢູ່ທີ່ຫ້ອງປະຊຸມຫ້ອງວ່າການແຂວງຊຽງຂວາງ ພາຍໃຕ້ການເປັນປະທານຂອງສະຫາຍ ພູວອນ ສີຄຳອອນ ກຳມະການພັກແຂວງ, ປະທານຄະນະບໍລິຫານງານສະຫະພັນກຳມະບານແຂວງຊຽງຂວາງ ເຂົ້າຮ່ວມກອງປະຊຸມຄັ້ງນີ້ມີ ສະຫາຍ ທອງຈັນ ພູມີພັນ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ມີສະຫາຍນາງ ບົວສີ ນາຖາວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ມີຕາງໜ້າອົງການຈັດຕັ້ງມະຫາຊົນຂັ້ນແຂວງ, ຄະນະບໍລິຫານງານສະຫະພັນກຳມະບານແຂວງ, ປະທານສະຫະພັນກຳມະບານພະແນກການ, ກຳມະບານຮາກຖານ ແລະ ປະທານສະຫະພັນກຳມະບານເມືອງ, ບັນດາຄະນະປະຈຳພັກເມືອງ, ອາດີດການນຳ, ຜູ້ແທນສົມບູນ ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນກອງປະຊຸມ ສະຫາຍທອງສາ ເທບມີມາ ຮອງປະທານຄະນະບໍລິຫານງານສະຫະພັນກຳມະບານແຂວງ ໄດ້ຂື້ນຜ່ານຮ່າງບົດລາຍງານການເມືອງທັງສອງພາກ ໃຫ້ຮູ້ວ່າ: ຕະຫຼອດໄລຍະຜ່ານມາ ຄະນະບໍລິຫານງານສະຫະພັນກຳມະບານແຂວງ ໄດ້ເອົາໃຈໃສ່ ຄົ້ນຄ້ວາ ເຊື່ອມຊືມ ແລະ ນໍາພາການຈັດຕັ້ງກຳມະບານແຕ່ລະຂັ້ນ ຈັດຕັ້ງຜັນຂະຫຍາຍແນວທາງນະໂຍບາຍຂອງ ພັກ-ລັດ, ມະຕິກອງປະຊຸມໃຫ່ຍ ຄັ້ງທີ VIII ຂອງອົງຄະນະພັກແຂວງ, ກອງປະຊຸມໃຫ່ຍຜູ້ແທນສະຫະພັນກຳມະບານແຂວງຄັ້ງທີ VII, ແຜນພັດທະນາວຽກງານກຳມະບານແຂວງ 5 ປີ ໂດຍຕິດພັນກັບມະຕິກອງບະຊຸມໃຫຍ່ ຄັ້ງທີ XI ຂອງພັກ, ສອງວາລະແຫ່ງຊາດ. ຄະນະບໍລິຫານງານສະຫະພັນກຳມະບານແຂວງແຕ່ລະສະຫາຍໄດ້ ເອົາໃຈໃສ່ສຶກສາອົບຮົບການເມືອງແນວຄິດປຸກລະດົມສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງ ງານເຂົ້າຮ່ວມໃນການພັດທະນາເສດຖະກິດ - ສັງຄົມ, ເຄື່ອນໄຫວປົກປ້ອງສິດ ແລະ ຜົນປະໂຫດອັນຊອບທຳຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ, ທົ່ວແຂວງປະກອບ ມີ 7 ສະຫະພັນກຳມະບານເມືອງ, 7 ສະຫະພັນກຳມະບານພະແນກການແລະ ມີ 443 ກຳມະບານຮາກຖານ; ມີສະມາຊິກກຳມະບານທັງຫມົດ 9.331 ສະຫາຍ, ຍິງ 4.448 ສະຫາຍ, ໄດ້ຖືກຮອງຮັບເປັນສະຫະພັນກຳມະບານ 5 ເປັນເຈົ້າ ມີ 7 ສະຫະພັນກຳມະບານເມືອງ, 6 ສະຫະພັນ ກຳມະບານພະແນກການ ແລະ 432 ກຳມະບານຮາກຖານ, ສະມາຊິກກຳມະບານໄດ້ຮັບການຍ້ອງຍໍປະເພດຫຼຽນກາ ກຳມະບານຈໍານວນ 265 ສະຫາຍ, ໄດ້ຮັບໃບຍ້ອງຍໍຂັ້ນສູນກາງສະຫະພັນກຳມະບານລາວ 3,868 ສະຫາຍ, ຍ້ອງຍໍຂັ້ນສະຫະພັນກຳມະບານແຂວງ 5,785 ສະຫາຍ, ໄດ້ຕັ້ງໜ້າຂະຫຍາຍກອງທຶນຊ່ວຍເຫຼືອເຊິ່ງກັນ ແລະ ກັນຕາມກົດລະບຽບກອງ ທຶນຂອງແຂວງວາງອອກ, ປັດຈຸບັນທົ່ວແຂວງມີສະມາຊິກກອງທຶນທັງໝົດ 10,884 ຄົນ, ຍິງ 5,426 ຄົນ, ທຽບໃສ່ ປີ 2019 ເພີ່ມຂຶ້ນ 2,803 ຄົນ; ປັດຈຸບັນຍັງມີເງິນຢູ່ໃນຄັງທັງໝົດ 2ຕື້ 4ຮ້ອຍລ້ານກວ່າກີບ. ພ້ອມທັງຜ່ານທິດທາງແຜນການໃນຕໍ່ໜ້າຕື່ມອີກ. ຈາກນັ້ນຜູ້ແທນກອງປະຊຸມ ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະບໍລິຫານງານສະຫະພັນກຳມະການແຂວງຊຸດໃໝ່ ຄຳນວນ 28ສະຫາຍ ເລືອກເອົາ 25ສະຫາຍ ກອງປະຊຸມຄັ້ງປະຖົມມະລຶກໄດ້ເປັນເອກະສັນ ເລືອກເອົາສະຫາຍ ພູວອນ ສີຄຳອອນ ເປັນປະທານ, ສະຫາຍ ສາຍຄຳ ສໍບຸດສຸວົງ, ສະຫາຍ ທອງສາ ເທບມີມາ, ສະຫາຍ ສຸວອນ ພົມມະວີ ເປັນຮອງປະທານ ແລະ ອີກ 21 ສະຫາຍເປັນຄະນະບໍລິຫານງານສະຫະພັນກໍາມະບານແຂວງສະໄໝທີVIII, ເລືອກເອົາສະຫາຍ ສາຍຄຳ ສໍບຸດສຸວົງ ເປັນປະທານກວດກາ, ສະຫາຍ ບຸນ ມັງທະພອນ ເປັນຮອງປະທານກວດກາ .
ໃນຕອນທ້າຍ ສະຫາຍ ທອງຈັນ ພູມີພັນ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ ໄດ້ມີຄຳເຫັນໂອ້ລົມ ກ່ອນອື່ນໄດ້ສະແດງຄວາມຍ້ອງຍໍຊົມເຊີຍຜົນງານທີ່ຄະນະບໍລິຫານງານສະຫະພັນກຳມະບານແຂວງຊຸດເກົ່າທີ່ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະຊຸດໃໝ່ ເອົາໃຈໃສ່ວຽກງານການເມືອງແນວຄິດເປັນບັນຫາສຳຄັນຕິດພັນກັບວຽກງານວິຊາສະເພາະ, ເຮັດວຽກແບບລວມສູນປະຊາທິປະໄຕ, ເປັນໝູ່ຄະນະ ແບ່ງຄວາມຮັບຜິດຊອບໃຫ້ບຸກຄົນລະອຽດຈະແຈ້ງ ເພື່ອເຮັດໃຫ້ວຽກງານໃນຕໍ່ໜ້າ ບັນລຸຕາມຈຸດປະສົງ ແລະຄາດໝາຍທີ່ວາງໄວ້.
ຂ່າວ+ພາບ: ປະສິດທິໄຊ ພິລາວົງ

25/06/2025

ສະຫະພັນກຳມະບານແຂວງຊຽງຂວາງ ວາງກະຕ່າດອກໄມ້ ຢູ່ອະນຸສາວະລີ ປະທານໄກສອນພົມວິຫານ..............
ເນື່ອງໃນໂອກາດເປີດກອງປະຊຸມໃຫ່ຍ ສະຫະພັນກຳມະບານທົ່ວແຂວງຊຽງຂວາງ ຄັ້ງທີ VIII, ໃນຕອນເຊົ້າວັນທີ 24 ມິຖຸນາ 2025 ທ່ານ ພູວອນ ສີຄຳອອນ ກຳມະການພັກແຂວງ, ປະທານຄະນະບໍລິຫານງານສະຫະພັນກຳມະບານແຂວງ ໄດ້ນຳພາຄະນະບໍລິຫານງານສະຫະພັນກຳມະບານແຂວງ ເຂົ້າວາງກະຕ່າດອກໄມ້ ຢູ່ອະນຸສາວະລີ ປະທານ ໄກສອນ ພົມວິຫານ.
ໃນການເຂົ້າວາງກະຕ່າດອກໄມ້ອະນຸສາວະລີ ຮູບຫຼໍ່ ປະທານ ໄກສອນ ພົມວິຫານ ໃນຄັ້ງນີ້ ເປັນການສະແດງຄວາມເຄົາລົບຮັກ ແລະ ຄວາມຮູ້ບຸນຄຸນ ຢ່າງເລິກເຊິ່ງ ເຖິງຜົນງານ, ການເສຍສະຫຼະ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ນັກຮົບປະຕິວັດ, ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດທີ່ໄດ້ອຸທິດຕົນ ໃນພາລະກິດປະຕິວັດ, ໄດ້ສຸມທຸກສະຕິປັນຍາ ແລະ ຄວາມຮູ້ຄວາມສາມາດຂອງຕົນເຂົ້າໃນພາລະກິດປົດປ່ອຍຊາດຕະຫຼອດຫຼາຍທົດສະວັດອັນຍືດເຍື້ອຍາວນານ ຈົນສາມາດຍາດໄດ້ໄຊຊະນະຢ່າງສົມບູນ, ນຳພາປະຊາຊົນ ປະຕິບັດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ມີຜົນສຳເລັດ.
ຂ່າວ+ພາບ: ປະສິດທິໄຊ ພິລາວົງ

23/06/2025

ກອງປະຊຸມດໍາເນີນຊີວິດການເມືອງທ້າຍສະໄໝ ຂອງຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII

23/06/2025

ກອງປະຊຸມທາບທາມບຸກຄະລາກອນ ເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ຮອບທີ 03

23/06/2025

ກອງປະຊຸມທາບທາມບຸກຄະລາກອນ ເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ຮອບທີ 03
-------------
ໃນຕອນແລງ ວັນທີ 23 ມິຖຸນາ 2025 ນີ້ສະຫະພັນກໍາມະບານແຂວງຊຽງຂວາງ ໄດ້ຈັດກອງປະຊຸມທາບທາມບຸກຄະລາກອນ ຮັບສະໝັກເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ຮອບທີ 03 ຂຶ້ນ ທີ່ຫ້ອງປະຊຸມຫ້ອງວ່າການແຂວງ, ໂດຍການເປັນກຽດເຂົ້າຮ່ວມຂອງ ທ່ານ ນາງ ບົວສີ ນາຖາວົງ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ມີ ທ່ານ ພູວອນ ສີຄຳອອນ ກໍາມະການພັກແຂວງ, ປະທານຄະນະບໍລິຫານງານສະຫະພັນກໍາມະບານແຂວງ, ມີບັນດາຄະນະບໍລິຫານງານສະຫະພັນກໍາມະບານແຂວງ ແລະ ຜູ້ແທນສົມບູນເຂົ້າຮ່ວມ.
ໃນກອງປະຊຸມ ທ່ານ ຄຳສີ ວິໄລສັກ ຮອງຫົວໜ້າຄະນະຈັດຕັ້ງແຂວງ, ຕາງໜ້າຄະນະຮັບຜິດຊອບດ້ານບຸກຄະລາກອນຂັ້ນແຂວງໄດ້ຂຶ້ນຜ່ານມາດຖານ, ເງື່ອນໄຂ ແລະ ລາຍຊື່ຜູ້ທີ່ລົງສະໝັກເຂົ້າເປັນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII.
ຈາກນັ້ນ ທ່ານ ນາງ ບົວສີ ນາຖາວົງ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ໄດ້ມີຄຳເຫັນໂອ້ລົມ ໃນທີ່ປະຊຸມ ການທາບທາບເປົ້າໝາຍບຸກຄະລາກອນປະກອບເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ໃນຄັ້ງນີ້ ເປັນບາດກ້າວໜຶ່ງ ທີ່ສຳຄັນ ເຊິ່ງຈະກາຍເປັນຕົວແທນໃນການປົກປ້ອງສິດ ແລະ ຜົນປະໂຫຍດອັນຊອບທຳຊອງກໍາມະກອນ ແລະ ຜູ້ອອກແຮງງານ, ນອກຈາກນັ້ນ ທ່ານຍັງໄດ້ເນັ້ນໜັກໃຫ້ຜູ້ທີ່ເຂົ້າຮ່ວມ ຈົ່ງໃຊ້ສິດປະຊາທິປະໄຕຂອງຕົນ, ເລືອກເຟັ້ນເອົາບຸກຄະລາກອນ ທີຮັບສະໝັກເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ດ້ວຍຄວາມຮັບຜິດຊອບສູງໂດຍໃຫ້ອີງໃສມາດຖານ, ເງືອນໄຂ ທີ່ວາງໄວ້, ໂດຍໃຫ້ກວມເອົາທຸກຂົງເຂດວຽກງານ ໃນນັ້ນໃຫ້ປະກອບມີ ເພດ, ເຜົ່າ, ເພື່ອເຮັດໃຫ້ການຊີ້ນຳ-ນຳພາວຽກງານໄດ້ກວ້າງຂວາງ ແລະ ທົ່ວເຖິ່ງ, ຮັກສາອົງປະກອບໃຫ້ມີພະນັກງານ 3 ຮຸ່ນ ເພື່ອຮັບປະກັນການຕໍ່ເນື່ອງຂອງວຽກງານ, ຫຼີກລ້ຽງແນວຄິດອະຄະຕິ, ມີຄວາມຮັບຜິດຊອບສູງ ຮັບປະກັນບໍ່ໃຫ້ມີບັດເສຍ ຫຼັງຈາກນັ້ນ ຜູ້ທີ່ເຂົ້າຮ່ວມກໍໄດ້ດຳເນີນການປ່ອນບັດເພື່ອ ທາບທາມບຸກຄະລາກອນ ຮັບສະໝັກເຂົ້າໃນຄະນະບໍລິຫານງານສະຫະພັນກໍາມະບານແຂວງຊຽງຂວາງ ສະໄໝທີ VIII ຮອບທີ 03 ເຊິ່ງມີຜູ້ລົງຮັບສະໝັກຈໍານວນ 31 ສະຫາຍ, ເລືອກເອົາ 28 ສະຫາຍ.
ຂ່າວ+ພາບ: ປະສິດທິໄຊ ພິລາວົງ

23/06/2025

ກອງປະຊຸມດໍາເນີນຊີວິດການເມືອງທ້າຍສະໄໝ ຂອງຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII
________________
ໃນວັນທີ 23 ມິຖຸນາ 2025 ສະຫະພັນກໍາມະບານແຂວງຊຽງຂວາງ ໄດ້ຈັດກອງປະຊຸມດໍາເນີນຊີວິດການເມືອງທ້າຍສະໄໝ ຂອງຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII ຂຶ້ນຢູ່ທີ ຫ້ອງປະຊຸມຫ້ອງວ່າການແຂວງ ໂດຍການເປັນປະທານ ຂອງທ່ານ ນາງ ບົວສີ ນາຖາວົງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ, ມີບັນດາຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII, ມີຄະນະຮັບຜິດຊອບບຸກຄາລະກອນຂັ້ນແຂວງ ເຂົ້າຮ່ວມ.
ໃນກອງປະຊຸມ ທ່ານ ພູວອນ ສີຄຳອອນ ກຳມະການພັກແຂວງ, ປະທານຄະນະບໍລິຫານງານສະຫະພັນກໍາມະບານແຂວງ ໄດ້ຂຶ້ນຜ່ານບົດສຳຫຼວດການນໍາພາລວມຂອງຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII ເຊິ່ງທ່ານໄດ້ຍົກໃຫ້ເຫັນຜົນງານດ້ານດີ, ຂໍ້ຄົງຄ້າງ ລວມເຖິງບາງບົດຮຽນທີ່ຖອດຖອນໄດ້ໃນໄລຍະ 1 ສະໄໝທີ່ຜ່ານມາ, ນອກຈາກນັ້ນບັນດາຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII ກໍ່ໄດ້ຜ່ານບົດສຳຫຼວດການນໍາພາຂອງຕົນເອງ. ຫຼັງຈາກນັ້ນຜູ້ທີ່ເຂົ້າຮ່ວມກໍ່ໄດ້ປະກອບຄຳຄິດຄຳເຫັນໃສ່ບົດສຳຫຼວດການນໍາພາລວມເພື່ອເຮັດໃຫ້ມີເນື້ອໃນຄົບຖ້ວນສົມບູນ ແລະ ປະກອບຄຳຄິດຄຳເຫັນໃສ່ບົດສຳຫຼວດການນໍາພາຂອງຕົນເອງ ເພື່ອຕຳນິກໍ່ສ້າງເຊິ່ງກັນ ແລະ ກັນ.
ໃນຕອນທ້າຍທ່ານ ນາງ ບົວສີ ນາຖາວົງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ ໄດ້ມີຄຳເຫັນໂອ້ລົມ ເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍຜົນງານຂອງບັນດາຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII ທີ່ໄດ້ສຸ່ມທຸກສະຕິປັນຍາ, ເຫື່ອເເຮງຂອງຕົນ ໃນການຊີ້ນໍາ-ນໍາພາ ສະມາຊິກກໍາມະບານໃນຂົງເຂດທີ່ຕົນຮັບຜິດຊອບ ເຮັດໃຫ້ມີຜົນສຳເລັດສູງ. ນອກຈາກນັ້ນທ່ານຍັງໄດ້ເໜັ້ນໜັກໃຫ້ຄະນະບໍລິຫານງານສະຫະພັນກໍາມະບານແຂວງຊຽງຂວາງສະໄໝທີ VII ຖືເອົາການສຶກສາອົບຮົມການເມືອງແນວຄິດໃຫ້ສະມາຊິກກໍາມະບານທີ່ຢູ່ໃນຄວາມຮັບຜິດຊອບຂອງຕົນ, ເອົາໃຈໃສ່ປະຕິບັດໜ້າທີ່ ທີ່ໄດ້ຮັບມອບໝາຍໃຫ້ມີຜົນສຳເລັດ, ເຮັດວຽກແບບລວມສູນປະຊາທິປະໄຕ, ແບ່ງບຸກຄົນຮັບຜິດຊອບຢ່າງລະອຽດ ເອົາໃຈໃສ່ໃນການກໍ່ສ້າງພັດທະນາ ສະມາຊິກກໍາມະບານທີ່ຂຶ້ນກັບຮັບຜິດຊອບຂອງຕົນໃຫ້ກ້າວຂຶ້ນຢ່າງບໍ່ຢຸດຢັ້ງ, ຕັ້ງໜ້າປະຕິບັດຂໍ້ແຂ່ງຂັນ 5 ເປັນເຈົ້າ ຕິດພັນກັບວຽກງານວິຊາສະເພາະຂອງຕົນໃຫ້ເປັນຂະບວນຟົດຟື້ນ.
ຂ່າວ+ພາບ: ປະສິດທິໄຊ ພິລາວົງ